الآن .. سودانيز اون لاين علي النيل الازرق

الآن .. سودانيز اون لاين علي النيل الازرق


04-13-2005, 12:46 PM


  » http://sudaneseonline.com/cgi-bin/sdb/2bb.cgi?seq=msg&board=6&msg=1113392773&rn=0


Post: #1
Title: الآن .. سودانيز اون لاين علي النيل الازرق
Author: tmbis
Date: 04-13-2005, 12:46 PM


السكوت جهرا .. جاري تسجيل الحلقة ....

Post: #2
Title: Re: الآن .. سودانيز اون لاين علي النيل الازرق
Author: Yasir Elsharif
Date: 04-13-2005, 12:49 PM
Parent: #1

تمبس سلامات..
البنية مبروكة وحمد لله على سلامة أمها..
مع أمنياتي لكم جميعا بالسعادة وأشكرك على ما تقوم به، وفي انتظار تغطية انتفاضة السودان..
ياسر

Post: #9
Title: Re: الآن .. سودانيز اون لاين علي النيل الازرق
Author: tmbis
Date: 04-14-2005, 02:28 AM
Parent: #2


سلامات دكتور ياسر الشريف ..
والله يبارك فيك ..
Quote: وفي انتظار تغطية انتفاضة السودان


انا خارج السودان لكن متى ما توفرت معاي معلومة فيها فايدة الجميع صدقني ما ببخل بها
اتلف شكر لمرورك

Post: #3
Title: Re: الآن .. سودانيز اون لاين علي النيل الازرق
Author: zola123
Date: 04-13-2005, 01:05 PM
Parent: #1

دريمز الحلوة (أحلام) من ضيوف اللقاء
والموضوع عن الانترنت بشكل عام

Post: #10
Title: Re: الآن .. سودانيز اون لاين علي النيل الازرق
Author: tmbis
Date: 04-14-2005, 02:56 AM
Parent: #3


دكتورة ايناس ..
دريمز وسوباجو كانو حلوين جدا.. انا شخصيا متعوني .. ان اشاء الله تاني يجيبوهم

Post: #4
Title: Re: الآن .. سودانيز اون لاين علي النيل الازرق
Author: ali elhassan
Date: 04-13-2005, 10:25 PM
Parent: #1

تمبس لكن دة ما وجع قلب
انحنا برانا ناقصين عمر

Post: #11
Title: Re: الآن .. سودانيز اون لاين علي النيل الازرق
Author: tmbis
Date: 04-14-2005, 03:15 AM
Parent: #4

علي
Quote: انحنا برانا ناقصين عمر


معليش امسحه لي في بوستي ده

Post: #5
Title: Re: الآن .. سودانيز اون لاين علي النيل الازرق
Author: nasiradin
Date: 04-13-2005, 11:58 PM
Parent: #1

نعم
كانت حلقة جميلة بمعنى الكلمة
وقد مثلنا فيها الاخ سوباجو و الاخت دريم خير تمثيل
و اجمل ما فى الحلقة انها خلت من كلام المثقفاتيه
و قد كان المتداخلين يدركون ما يتحدثون عنه تماما
و كان التعامل بعفويه و انها من قلائل اللقاءات التى تحدث بالتلفزيون
و يكون الحديث فيها بعفوية و المشاركين لهم حضور امام الكاميرا
فقد اشتهر السودانيون بعدم الحضور امام اضواء الكاميرا دائما
و قد اتفق الجميع على خطأ حجب المواقع
و تم مناقشة مدى استفادة الشباب السودانى من الانترنت
لهم منا التحية لهذا التمثيل الرائع
و لبقية المشاركين عمرو,نزار واخر لم تسعفنى ذاكرتى للاتيان باسمه

تحياتي ... ناصر البطل

Post: #6
Title: Re: الآن .. سودانيز اون لاين علي النيل الازرق
Author: tmbis
Date: 04-14-2005, 01:19 AM
Parent: #5

استضافت قناة النيل الأزرق ( المميزة ) في برنامجها السكوت جهرا تقديم ( نسرين سوركتي ومحمود عبد الكريم ) نخبة من الشباب من مختلف التخصصات ذات الصلة بعلوم الكمبيوتر وكان موضوع الحلقة عن فوائد ومضار الإنترنت و طريقة التعامل معه بين اواسط الشباب وتعاطيه بين الجنسين..
ما تميزت به الحلقة الخروج عن النمط التقليدي في شكل الحوار والطرح والتطرق لمواضيع حساسه عكست وعي الجيل الحالي وما يتحلى به من ثقافة حوارية عالية وتمكنه من المعلومة وتوصيلها في ابسط صورها ..
كان حضورنا القوي متمثل في الزملاء بالمنبر ( سباجو ، دريمز ) أروع ما يكون من حضور.

دريمز وسوباجو


نسرين سوركتي ومحمود عبد الكريم

Post: #7
Title: Re: الآن .. سودانيز اون لاين علي النيل الازرق
Author: tmbis
Date: 04-14-2005, 01:44 AM
Parent: #6


Post: #8
Title: Re: الآن .. سودانيز اون لاين علي النيل الازرق
Author: nasiradin
Date: 04-14-2005, 01:52 AM
Parent: #7

UP

تحياتي ... ناصر البطل

Post: #13
Title: Re: الآن .. سودانيز اون لاين علي النيل الازرق
Author: معتصم دفع الله
Date: 04-14-2005, 03:58 AM
Parent: #8

والله يا تمبس جنس غتاتة في الدنيا دي ..
أها أنا منتظر لي مفاجأة من هسي ما تسألني منها ؟ ..

سعدنا بطلة أحلام وسوباجي على قناة النيل الأزرق ..

التحية للجميع ..

Post: #12
Title: Re: الآن .. سودانيز اون لاين علي النيل الازرق
Author: tmbis
Date: 04-14-2005, 03:30 AM
Parent: #5


Quote: نعم
كانت حلقة جميلة بمعنى الكلمة
وقد مثلنا فيها الاخ سوباجو و الاخت دريم خير تمثيل
و اجمل ما فى الحلقة انها خلت من كلام المثقفاتيه
و قد كان المتداخلين يدركون ما يتحدثون عنه تماما
و كان التعامل بعفويه و انها من قلائل اللقاءات التى تحدث بالتلفزيون
و يكون الحديث فيها بعفوية و المشاركين لهم حضور امام الكاميرا
فقد اشتهر السودانيون بعدم الحضور امام اضواء الكاميرا دائما
و قد اتفق الجميع على خطأ حجب المواقع
و تم مناقشة مدى استفادة الشباب السودانى من الانترنت
لهم منا التحية لهذا التمثيل الرائع
و لبقية المشاركين عمرو,نزار واخر لم تسعفنى ذاكرتى للاتيان باسمه

البطل نصرالدين..
جميل انك شاركتني الحلقة الممتعة وطبعا الفت انتباهي انها فعلا خلت من الكلام المعقد وطابع العفوية طغى علي الحلقة وشايف الشباب ( دريمز وسباجو ) كانو ماخدين راحتهم علي الآخر بعدين حتى الطريقة الاتعاملو بيها في الردود علي المواضيع الحساسه والامكن كان مجرد التفكير في الحديث فيه نوع من الانكماش كانت الردود فعلا علي قدر عالي من التهذيب والدبلوماسية وده طبعا الفرق بين شخص متطلع ومتمكن اكاديميا وعمليا وبين فاقد المعطيات دي ..
الجانب التاني نسرين سوركتي ومحمد عبد الكريم لاحظت انهم قللو أو يكاد يكونوا امتنعوا خالص من عبارة ( الله يديك العافية ) وهي بالجد اصبحت فرماله ثابته لي اي مقدم أو مقدمة برنامج ..
سوباجو ودريمز مثلونا خير تمثيل ليهم التحية ولي باقي الشباب عمرو ، ونزار ، ومعتز ( علي ما اعتقد ) الف تحية

وانت
الله يديك العافية

Post: #14
Title: Re: الآن .. سودانيز اون لاين علي النيل الازرق
Author: nasiradin
Date: 04-14-2005, 04:03 AM
Parent: #12

Quote: وده طبعا الفرق بين شخص متطلع ومتمكن اكاديميا وعمليا وبين فاقد المعطيات دي ..


خت فى بالك انو من احد مميزاتو ... عضو فى المنبر الحر ذلك الوطن الصغير
شكرا ليك على البوست بالجد ... بوست متكامل بمعنى الكلمه

تحياتي ... ناصر البطل

Post: #15
Title: Re: الآن .. سودانيز اون لاين علي النيل الازرق
Author: انا بنت النيل
Date: 04-14-2005, 04:09 AM
Parent: #12

اخي علاء
كانت حلقة مميزة وجميلة واحلام تألقت فعلا وكما عهدناها دائما

Post: #16
Title: Re: الآن .. سودانيز اون لاين علي النيل الازرق
Author: أبو ساندرا
Date: 04-14-2005, 04:46 AM
Parent: #1

لو كنت عارف إنو البت دي حلوة كدة ونضااامة ومنورة ، كنت مشيت لعم عبدالله برااااي بدل أردف منوت معاي
كلو من منوت

Post: #17
Title: Re: الآن .. سودانيز اون لاين علي النيل الازرق
Author: قرشـــو
Date: 04-14-2005, 05:34 AM
Parent: #1





تمبس

شكرا يا غالى

وبصراحة كانوا رائعين جدا

وبتنا جعلت الشاشة تتوهج وتتلألأ



Post: #18
Title: Re: الآن .. سودانيز اون لاين علي النيل الازرق
Author: سجيمان
Date: 04-14-2005, 05:41 AM
Parent: #17



غايتو سوباجو ....متفلهم جنس فلهمة


"الفلان الفلاني والفرتكان الفرتكاني والفلان الفلاني..وههههه....والفلان الفرتكاني.....وهههه......."..دا نضمو كلو كدي......

Post: #19
Title: Re: الآن .. سودانيز اون لاين علي النيل الازرق
Author: nasiradin
Date: 04-14-2005, 05:46 AM
Parent: #18

ورورووووووووووووووووووووووووووووووووووووووووووووووووك
الحق يا سوباجو
الليله سجيمان جاك

تحياتي... ناصر البطل

Post: #21
Title: Re: الآن .. سودانيز اون لاين علي النيل الازرق
Author: humida
Date: 04-14-2005, 05:59 AM
Parent: #19

والله .. بس كان يدوني المايك ..
يا سوباجو ..
شنو يا اخوي .. انا ما كنت الناطق الرسمي ..
غايتو الله يخلي استاذ عليش واستاذة انتصار ..
كان تخش ليهم في السيرفر والجافا اسكربت وناس الآيسا ..
بس عشان يقتنعوا ..

جد .. جد .. اثبت لي انك " ...... "
وكان داير تظهر ألبس .. اصفر ..

لقيتها والله يا مان ..
لكن انا جاي راجع ..

Post: #25
Title: Re: الآن .. سودانيز اون لاين علي النيل الازرق
Author: Sobajo
Date: 04-14-2005, 06:18 AM
Parent: #18

يا سجيمان ...

شكرا ليك على الاشادة الحلوة دي ...

لكن بالمناسبة انا كنت عايز اخشليك واسطة عند (نسرين سوركتي) ...

لكن بعد قرضمتك دي و شغلك الاشتغلتو لي ده ... انا غيرت راي ...

و خليك في ندى القلعة انشاء الله تنفعك ...

Post: #26
Title: Re: الآن .. سودانيز اون لاين علي النيل الازرق
Author: سجيمان
Date: 04-14-2005, 06:44 AM
Parent: #25



سوباجو
النضم الفوق دا كان هظار ساكت

بصراحة كنت نجم الحلقة..... بثقافتك واطلاعك ومقدرتك علي الحوار




اها الواسطة كيف؟

Post: #29
Title: Re: الآن .. سودانيز اون لاين علي النيل الازرق
Author: Sobajo
Date: 04-14-2005, 06:55 AM
Parent: #26

Quote: غايتو سوباجو ....متفلهم جنس فلهمة


"الفلان الفلاني والفرتكان الفرتكاني والفلان الفلاني..وههههه....والفلان الفرتكاني.....وهههه......."..دا نضمو كلو كدي......


يا سجيمان انا نضمي ما أصلو كدة و الناس دي كلها قالت انو انا متفلهم و الحمد لله ...
كان ما اتفلهمنا كان بنقدر نعيش في البلد و لة كان بجيبونا في الطلفزيون...
عشان كدي يا خوي انا راضي و ما زعلان ....

و بالنسبة لموضوع الواسطة ؟ أن صرفت النظر عن موضوع ندى القلعة و لة بطلت تغني ليك ...!!!

و ما عندك مشكلة ... !!!

أساسا انا ما قصرت و أول ما بدت الحلقة اتذكرتك طوالي و بدت النقط الحمة بتاعت نضمك المقطع ده تظهر قدامي ... و قربت اجيب سيرتك علا بس كنت خايف ناس المصنفات يقومو يقصو الشريط و يبشتنو الحلقة ...

و ابشر بالخير يا حلو ...!!

Post: #20
Title: Re: الآن .. سودانيز اون لاين علي النيل الازرق
Author: صديق الموج
Date: 04-14-2005, 05:58 AM
Parent: #1

Quote: دريمز وسوباجو


فى زمتك يا تمبس ضحكة دريمز البرئية الحلوة ما براها

بوست يوست.

تسلم انت واللطيفة دريمز ولى قدام ياناس المنبر.

Post: #22
Title: Re: الآن .. سودانيز اون لاين علي النيل الازرق
Author: A.Razek Althalib
Date: 04-14-2005, 06:05 AM
Parent: #20

تامبو..
وصيد الأثير...
Quote: ان اشاء الله تاني يجيبوهم
وقت سيرتك يجيبوها..

تامبو...

ما يكون...
جابو سيرة أهلنا هنا في البورد..

خاصة ناس...

هناي.. البغادي....


ديلاآآآآآآآآآك....

Post: #23
Title: Re: الآن .. سودانيز اون لاين علي النيل الازرق
Author: Sobajo
Date: 04-14-2005, 06:05 AM
Parent: #1

الاعزاء أعضاء سودانيز اون لاين ...
لكم التحية جميعا و لتمبس و لناصر و لكل من حضر البرنامج

ذهبت الى استديوهات التلفزيون و أنا اقدم رجل و اخر التانية ...
لاأعرف عن محاور اللقاء سواى انه حول الشباب و الانترنت ...
أخذت أفكر في أهم تجربة لي في العالم السايبيري الا وهي سودانيزاونلاين...
ولجت الى أحد المكاتب حيث ينتظر المشاركون في الحلقة ووجدت شاباً و شابة يجلسان و هم يتبادلون أطراف الحديث... في البداية شككت في ان هذه الشابة هي أحد البورداب ،،، و لكن لم أصرح بذلك ،،،
و ما هي الا دقائق و ظهرت عليها أعراض المرض و الادمان ... و بدأت تتحدث عن المنبر الحر ،،، تطفلت بالسوال عن ماهي المنبر ،،، و أكدت لي ذلك بعد أن اخبرتها بأنني من ادعى سوباجو وهي دريمز ،،،وانتقلت لي عدوى الادمان و اصبحنا نتبادل أخبار القريب و البعيد و ذلك بعد السلام الحار ،،،

هذه أول مرة أوضع فيها في مثل هذا الموقف ،،، كاميرا و إضاءة ولم أكن واثقاً من اني سوف ابلي حسناً،،،
ولكن وثقت من شيى واحد ،،، هو أن الاخت دريمز مبدعة في فكرها و في تلقائيتها مبدعة في اسلوبها و طريقة طرحها التي كانت تدهشني ولا زالت ،،، ذلك الفكر و اسلوب التعبير الذي يكبرها سناً ويجعلنا أقزاماً تقنياً و حسياً ،،، فالتحية لها ولكل الشباب الذين شاركونا الحرقة :

عمرو كمبال : الاخ و الصديق - الشخصية الواضحة و الصريحة ذات التفكير المرتب.
نذار حسن : الشاب المتحمس صاحب الراي المميز، و الاسلوب الهادي.
نذار : مثال للخريج متفتح الافاق و يعلم ماهو بصدده حاضرا و مستقبلاً.
أحلام : لا تعليق سوى الله يديك العافية و يديم العرفة .

الاستاذة غادة : أضافة النكهة والتعليق العملي الواعي.

و المذيعين : محمود عبد الكريم : الرائع في إدارته للحلقة و إقتلاع الاراء من المشاريكن.
نسرين سوركتي : التحية لأجمل مذيعة على الشاشة الصغيرة .

و لمعدة البرنامج الاستاذة / رشا - و لكل المشاركين لكم التحية ،،،،


و دمتم تمبس و ابوساندرا و ناصر البطل و شكرا على الاشادة المبالغ فيها ...

Post: #24
Title: Re: الآن .. سودانيز اون لاين علي النيل الازرق
Author: tmbis
Date: 04-14-2005, 06:17 AM
Parent: #23


Post: #27
Title: Re: الآن .. سودانيز اون لاين علي النيل الازرق
Author: بلدى يا حبوب
Date: 04-14-2005, 06:49 AM
Parent: #1

تمبس
يا انسان يا راقى كل بوستاتك اقدر اقول عليهافىالسلك
شكرا
تحياتى

Post: #28
Title: Re: الآن .. سودانيز اون لاين علي النيل الازرق
Author: zola123
Date: 04-14-2005, 06:52 AM
Parent: #1

سوباجو ازيك
أول شي كانت حلقة جميلة جدا فعلا منورين انت ودريمز ( مع اني ما عرفتك طوالي) وكلامكم واعي ومرتب وجميل
Quote: و المذيعين : محمود عبد الكريم : الرائع في إدارته للحلقة و إقتلاع الاراء من المشاريكن.


لاكن دي بالغت فيها
الزول ده مع احترامي لاكن اسقل حاجة في البرنامج وبيعشق المقاطعة ويحب الظهور بشكل غريب
حتى انك تلمس استياء نسرين الواضح من مقاطعته الكثيرة لها وكأنه بديل للمخرج داخل الاستوديو وبدونه الحلقة روعة و10 على عشرة

دريمز طبعا عارفة رأيي فيها, مشيت ناديت ناس ماما وبابا يتفرجوا على الحلقة يا أحلام وقلت ليهم دي صحبتي القابلتها في السودان وحكيت ليهم عنك, وامي قالت عنك زولة حلوة شديد وظريفة.


تخريمة
تمبس عايزة منك خدمة
لينك البرنامج التضغط بيه مقاطع الفيدية وتحولها؟؟؟
عندي واحد لاكن مدته انتهت وما عارفة اعمل شنو وبورداب الامارات منتظريني




تحياتي

Post: #36
Title: Re: الآن .. سودانيز اون لاين علي النيل الازرق
Author: tmbis
Date: 04-18-2005, 12:47 PM
Parent: #28


شكرا لكل الحضور ..
الشكر الشديد لي سباجو ودريمز .. ولقناة النيل الازرق ..


زولة123
اسف لتاخيري في تلبية طلبك ..
حاولت اواصلك خلال الايميل يظهر انو معاي الايميل القديم لانو الرسالة رجعت ...

اتمني ان تراسليني علي هذا الايميل .. [email protected] أو [email protected] في انتظارك واسف مجددا للتاخير..

Post: #30
Title: Re: الآن .. سودانيز اون لاين علي النيل الازرق
Author: صديق الموج
Date: 04-14-2005, 06:58 AM
Parent: #1

تمبس يا ثقيل يبقالى طرش شخيتينك الختيتن الاثتين كان سمعت

والا شفت فيهم حاجة..لكن عموما دريمز كانت متوهجة،،،

Post: #31
Title: Re: الآن .. سودانيز اون لاين علي النيل الازرق
Author: Sobajo
Date: 04-16-2005, 09:02 AM
Parent: #1

*

Post: #32
Title: Re: الآن .. سودانيز اون لاين علي النيل الازرق
Author: المكاشفي الخضر الطاهر
Date: 04-16-2005, 09:13 AM
Parent: #1

سوباجو
الحلقة الجاية متين ؟؟؟؟؟؟؟؟؟؟؟؟؟؟؟؟

Post: #33
Title: Re: الآن .. سودانيز اون لاين علي النيل الازرق
Author: Sobajo
Date: 04-16-2005, 09:35 AM
Parent: #32

مافي تاني ... خلاص ...

الدورة الجاية على باقي الشباب ...

Post: #34
Title: Re: الآن .. سودانيز اون لاين علي النيل الازرق
Author: dreams
Date: 04-17-2005, 12:27 PM
Parent: #33

تمبس

شكرا لك على مجهودك الكبير وكلامك الجميل

وعقبال ما نسجل لك من الام بى سى قريب


تسلم

Post: #35
Title: Re: الآن .. سودانيز اون لاين علي النيل الازرق
Author: dreams
Date: 04-17-2005, 03:50 PM
Parent: #34

ياسر الشريف
ايناس ..........(سلامات كتار لبابا وماما وانشاء الله يسلمو)
على الحسن
ناصر البطل
معتصم
انا بنت النيل .....(وينك يا الهام؟!)
ابوساندرا .........( اين هو هذا الليمونى ..الله يطراه بالخير ...تحياتى له)
قرشو العزيز
سجيمان
حميدة
صديق الموج ......(تسلم يا صاحب الموج)
عبد الرازق
سوباجو ............( اكيد هو ليس الا بعض مما لديكم ..تسلم)
بلدى يا حبوب
المكاشفى

تحياتى وتقديرى وتشكراتى

بالفعل كانت حلقة جميلة استمتعنا فيها بالنقاش وان كان الزمن لم يسعفنا لقول كل ما نريد ..فالحوار الذى دار قبل الحلقة كان اطول وتطرقنا فيه لنقاط كثيرة وهامة كنت اتمنى لو تمكنا من طرحها فى التسجيل

الاستاذة غادة على شمو ..تبدو متمكنة من مهنتها وقدمت مقترحات هامة وجديرة بالنقاش من ضمنها اقتراح وضع امتحان لخريجى الحاسب الالى بمختلف تخصصاتهم يشابه امتحان المعادلة للقانونيين يمكن من خلاله اعطاء اعتبار اكثر لهذا التخصص وفتح مجالات اوسع لتوظيف حاملى الشهادات فى مجال تخصصهم

عمرو ومحمد(سوباجو) ...او ...محمد وعمرو
الاتنين كل واحد اروع من التانى ..انا شايفاهم بتشابهوا ..ليه ما بعرف .. جايز يكون لصداقتهم الواضح عمقها او لطموحاتهم العالية واملهم الكبير فى مستقبل زاهر

نزار ..تميز بهدوئه وقلة حديثه قبل الحلقة ..لنكتشف انه ادخر كل ما لديه للمشاهدين

معتز ...ربنا يوفقو ويحقق له كل الفى مراده فقد كان واضح عليه الاجتهاد والسعى لمزيد من العلم والاكتساب

عبد الكريم ونسرين ...شكرا لكما

كانت المفاجأة بعد انتهاء الحلقة عندما دخل الاستديو شاب وبادرنى بالسلام ( دريم ازيك !! .. انا ذاتى معاكم فى البورد !!) لنكتشف انه مجدى عوض صديق ابن المبدع الراحل عوض صديق والذى يزاملنا فى هذه المساحة باسم مجدى الصديق

فاشكرا ضخمة جدا للمخرج مجدى الصديق

وتسلمو كلكم