محاكــم رد المظالــم... الـبـــورديــة يا بكــري..!! مجرد إقتــراح..!!

البورداب...
رأيكم شنو في إنشاء لجنة إستئناف..
ليست لها الحصانة القانونية..
تعطي حق الإستئناف لأي مخالف للوائح... البورد.
تستمد قراراتها... بالتصويت.. من الأعضاء..

وقراراتها غير ملزمة ...
لأمين الموقع.. ولا دار بيان للمعلومات..
ولا تستطيع أن تقول لصاحب..
وأمين الموقع... تلت التلاته كم..
لأنو هو المستضيف....
وفي يده جبروت القوة.. ومقصلة القانون....
التي يمكن إشهارها.. ضد من مختلفي الرأي..
وبالتالي يمكن أن يستغلها الضيوف ...
إستغلال سيء... كمعول هدم...

ولأنو بطبيعة الحال...
الضيف ما بيرضي بالضيف ...

والشكاوى الكيدية حتكتر..
ومقصلة بكري.. حتشتغل...

والشوت حيبقى بالجملة..

هذا مجرد إقتراح... ورأي..
آمل أن لا أكون لامست الخطوط الحمراء..
من خلال هذه البوح .. ويعد تذمر... ضد اللوائح والقانون...
ولأنو... بصراحة... كده...
المظلومين... كتار جد جد..
وحق الإسئناف...... مسحة حرية..
ضد من شملتهم مقصلة بكري .....
وعشان ما تبقي المسألة فش غبينة...
يجب إنو يكون..
لهذا المنبر.. لجنة.. يتم الترشيح والتصويت لها...
وحتى تطبيق القانون لا يقع على حسب الحالة المزاجية.. للفرد..
وتكون قراراتها لا تمس صاحب البورد.. عضو المنبر..
أو أي من العاملين في دار بيان للمعلومات...
حتى ولو تجنى بالكف الإلكتروني على أي كائنٍ من كان..
ونكون بالطريقة دي..
حققنا جزء من العدالة... والمساواة أمام عدالة القانون...
والتي لا تعرف التجزئة..
ولا حتى المحاباة..
أو التحيز...


قلتو شنو...

الرائع عبدالرازق ابوالطالب
قلنا كويس لكن كيف ما وضحت شكل المحاكم اختصاصاتها احكامها صلاحياتها؟؟؟؟

الرائع/ هشام مدني.
التحايا النواضر...

Quote: قلنا كويس

ياها المحرية فيك...

Quote: لكن كيف

أولاً الإتفاق على عدد لجنة الحكماء..
مدة هذه اللجنة..
ثانياً ترشيح أعضاء هذه اللجنة..
التصويت.. من قبل أعضاء البورد..

بعدين.. التصويت..

Quote: اختصاصاتها احكامها صلاحياتها؟؟؟؟

الفصل في حق إستئناف الأعضاء..
بعد التداول...
فيما بينها...
يحق للعضو... المفصول توكيل أحد الأعضاء للدفاع عنه...
الإستئناف علني على صفحات هذا البورد...

أحكامها.. غير ملزمة....
صلاحيتها.. إدانة ..
أو شجب ...
قرارات الإدارة...

ولا يحق لها ملاحقة أمين الموقع...
لأي قرار خاطئ..
تم إتخاذه..

مجرد رأي ...

قابل للنقد...
أو التعديل..
أو التطوير..

أو تركه ليستقر في القاع...

ده إذا كان أمين الموقع عايز...

يشوف الغسيل المنشور في بيتو الإلكتروني ده.....
بدلاً من العكوف في في بريده الإلكتروني...
وما يرد من شكاوى في بريد الأعضاء...
الأربعة آلاف عضو... ديل...

ولا شنو...

عبد الرزاق انا موافق


اها قصرا معاك؟





عارف مرة كلمة قصرت معاهو دي دخلتني الحراسة؟....وحات الله

دكتور/ عادل المكي.
حلوة الطلة....

Quote: عارف مرة كلمة قصرت معاهو دي دخلتني الحراسة؟

جنس سبل...
بس ... كان مكيفة ومكندشة..
والمسألة خمس نجوم....
ما عليك...
أرقد قفى..
وقل..
ربي السجن..
أحب إليَّ...
من السهلة... أم دق..

ومن قعدة الضكير للضكير...

أخير...

الميري...

ودالطالب هذا من أبجديات العدالة

وقول لي

...وين الوباء ال عقب الـكرامة

....وين الأسد النتر في صدره شامة

....وين الموت البخلي الناس يتامة

....وين زلزال السنامي الخلى السواحل حطامة

...وين نصير الضعفاء عند الظلامة

ويــــن حــبــيــبــنـا ود الـــشــــيــــــــــــــخ

الغالي/ Abdelrahman Elegeil

Quote: ...وين نصير الضعفاء عند الظلامة

بإجماع...
والعالم كلو بيشوف...
العدالة لا تعرف طريقها...
إلا إلى الضعفاء...
وقد صارت أوهن من خيط العنكبوت..

أين صبرا وشتايلا..
أين هيروشيما وناغازاكي..
أين مصنع الشفاء للدواء..
أين..
وأين..
وأين..

سيأتي يوم..
تحكي فيه أجيالنا...
وتدون تاريخ الخزي والعار....

اللهم لا شماته...

طيب إقتراح تاني..

الناس القامت خالفت اللوائح المنبرية..
تتم إحالتهم للمحاكمة في منبر تاني...

عشان العدالة...
بشرط إنو أثناء سير المحاكمة...
والمداولات...
ما يجيبو سيرة المنبر ده..
لامن قريب ولا من بعيد..


قلتو شنو...

Quote: قلتو شنو...

قـلـنا خـيـر

Quote: طيب إقتراح تاني.. الناس القامت خالفت اللوائح المنبرية.. تتم إحالتهم للمحاكمة في منبر تاني... عشان العدالة... بشرط إنو أثناء سير المحاكمة... والمداولات... ما يجيبو سيرة المنبر ده.. لامن قريب ولا من بعيد..

تقصد ابوغريب فرع سودانيز اونلاين ؟؟




وجهة نظر

الغالي/ علاء تمبس.

Quote: تقصد ابوغريب فرع سودانيز اونلاين ؟؟

كلك نظر.. يا باشمهندس..


وجهة نظر


ولفتة النظر للمساكين...


رحمة....

mohamed osman bakry
تحية...

Quote: قـلـنا خـيـر

الخيرة فيما إختاره جمعنا...
هذا...
بالإجماع..
أو الطناش...
طبعاً .. مع عدم ملاحقة رعايا...
هذا المنبر...
بأي جنحة...
حتى ولو كان...
مصنع الشفاء نفسه بالثابته...
كان بينتج أسلحة جرثومية...
مش عدالة برضو...

قلتو تاني...


شنوه...

الرائع عبدالرازق الطالب
تحيه طيبه
تابعت وقائع محكمة انتهت بقرار ضد القاضى
لكن ممكن يكون استفتاء على القرارات الصادرة
بحق الاعضاء وقد يكون الشكل معقول.

الرائع/ هشام مدني..
تحية..

Quote: تابعت وقائع محكمة انتهت بقرار ضد القاضى

وده الأنا خايفو يحصل في لاهاي...
ويستجيب لدعاء الغبش أهلنا..
اللهم شتت شملهم...

Quote: وقد يكون الشكل معقول.

ومنها تطويع للعدالة الدولية..
ضد أي شكل من أشكال التمييز...
لأنو نحن شعوب العالم الثالث قد آلينا على أنفسنا ...

أن نحمي الأجيال القادمة..
ضد أي شكل من أشكال الظلم والقهر...

والتهميش...
وحق النقض.. الفيتو...
يمتلكه أي عضو ...
بدون خاصية إمتلاك لترسانة أسلحة الدمار الشامل..

بدون تهميش...

أو تهميس ...

عبد الرازق الطالب

سلام كتير

مشتاقين ... و مثنيين ( الميم عليها ضمه ) ،

الغالي/ مصدق مصطفى حسين
طبعاً..
دي دايره ليها كراكتير..

لزوم..
حدث الساعة..

Quote: و مثنيين ( الميم عليها ضمه ) ،

من غير ضمة..
الفطرة السليمة...
ما محتاجة لضمة..
حتى ولو إنكتلت ...
العدالة.... نفسها..

ضُمه.....