Post: #1
Title: برج الاسبــــــــــــــــــوع
Author: alfatih
Date: 03-29-2005, 06:17 AM
برج الاسبــــــــــــــــــوع
الجردل : تشترى ربطة جرجير وشمار حـــــــــــــــــــــار من نوع الحركة الشعبية .. تضيف حبة شطة حبشية او ما يعرف بالشطة الدنقابة لزوم الفشخرة والمديدة حرقتنى يا ناس ... يوم الهنا .. الاجزخانة بى هنا .
برج التيس : لديك رسالة تسونامية تهز اركان كيانك وتلخبط ليك كل المشاوير القطعتها ... حاول تستسلم بأقل الخسائر .. والمال تلتو .. ولا كتلتو ... يوم السعد .. اخر ساعة من نهاية يوم ... ابتعد من شراب الشاى والتحلية رغيف .
برج الفيل : نسبة لتحول الهلال من مداره وصدارة الدورى المحلى , اشتبك كوكب زحل مما جعل الشعراء يتغنون بالهمس واللمز .. ستفاجئك مقالات صحفية قنبلة ... احذر المانشيت واقرأ الصفحات الداخلية واوعك تمشى الداخلية هذه الايام ... لستك الشارع افضل مقر للاستجمام ... يوم السعد .. وكت تقوم من النوم صارى وشك والولية تقول ليك جيب لى معاك مكشاشة .. احذر الكشة فى حال عدم احضارك للمكشاشة .
برج ايفل : تقوم بيك العربية .. توديك للسادة .. او تقوم بيك دبى ... افضل الاماكن المنطقة الصناعية .. ستكون فى حماية من الهاكرز لمدة 12 يوم متكاملة ... يوم السعد .. هكروك وشوهو سمعتك .
برج الفطيس : تقوم من النوم تنوم تانى ... افضل ايام حياتك .. تحت البطانية ... يوم السعد .. يوم ترضى بالهم والهم يديك شاكوش .
برج العنقريب : تتشاكل فى نص السوق .. احذر قصب السكر وبنبر طاير من ست شاى ... ستكركب حتى تخور يداك .. حاول ان تتماسك وانت فى كارو الاسعاف ... يوم الهنا .. ساعة البنسلين يا تمرجى ..
برج الشطة : تسوط الحلة سواطة .. لحدى ما عينك تحمّر ... هنالك مطبات جوية ومطبات بلاعات .. حاول ان تتماشى مع الموضة حتما ستقلل من البشتنة ورقاد ا########## ... يوم السعد .. أسأل الفكى .
برج الهناى : ستدخل فى مشكلة مع البتاع .. اجتهد فى المقاومة .. يوم البشتنة ساعة السعد .. قول احم احم واسكت ساى .
برج الجكس : شاكوش فى نص رأسك المدوقس ... اجلب معاك علبة ماكنتوش للتوطئة والتهدئة .. حاول ان تنظر فى اللا نهائى حتى تطش من الموقف ... يوم السعد .. معليش حواء والدة .
برج الحمام : خبر سرى ....................................... انتهى الخبر
|
Post: #2
Title: Re: برج الاسبــــــــــــــــــوع
Author: عمر الفاروق شيخ الدين
Date: 03-29-2005, 07:05 AM
Parent: #1
الأخ الفاتح :
تحياتي ..
برج البركة :
إحذر الموبايلات المضروبة والما عندها فاتورة ....
رقم سعدك 3310 ....
برج إستاد الهلال الجنوبي :
إبتعد من هيثم طمبل وكتتتتتتتتتتتتر من المحبة وزيييييييييد الولف حببببة ..
برج نحسك :
دي أملاها إنت ...
|
Post: #3
Title: Re: برج الاسبــــــــــــــــــوع
Author: alfatih
Date: 03-29-2005, 12:30 PM
Parent: #1
عمر الفاروق شيخ الدين
برج البركة فينا .. ستتلحس كميات كبيرة من نوع 33 حشرة .. ابتعد من البطارية خمسة امتار .. حاسب امامك ست شاى تتحدث مع المخابرات ...
برج نحسك : تشيل موية فى جركانة فاضية تلقاها كتاب جغرافيا ..
تتنشل فى حافلة كل الماهية ويقبضوك فى كشة الزامية .. يوم سعدك
فى صحن فتة مليان شطة داخل بيت اشباح
|
Post: #4
Title: Re: برج الاسبــــــــــــــــــوع
Author: عشة بت فاطنة
Date: 03-30-2005, 03:58 PM
Parent: #3
| Quote: يوم السعد .. وكت تقوم من النوم صارى وشك والولية تقول ليك جيب لى معاك مكشاشة .. احذر الكشة فى حال عدم احضارك للمكشاشة . |
وبرج النحس عاد كان جاب بدل المقاشيش كنشة
|
Post: #5
Title: Re: برج الاسبــــــــــــــــــوع
Author: abdelgafar.saeed
Date: 03-31-2005, 05:07 AM
Parent: #1
الفاتح ماتنسى برج
البتاع داك .......
القالو عملوجديد ده
انا ذاتى نسيت اسمو
عبدالغفار
|
Post: #6
Title: Re: برج الاسبــــــــــــــــــوع
Author: alfatih
Date: 03-31-2005, 05:40 AM
Parent: #1
العزيزة جدا عشة
قلتى لى كنشة
قالوا دى بتنشف الريق ... والله جنس نحس 
اقول ليك سر ?
انا بخاف من الكنشة 
|
Post: #7
Title: Re: برج الاسبــــــــــــــــــوع
Author: alfatih
Date: 03-31-2005, 05:41 AM
Parent: #1
الوفى عبد الغفار
فى برج حديقة الحيوانات ( برج الفاتح بتاع القذافى )
شارع النيل ... وفى برج وقع وفى برج البراجنة ...
بس اوعك تمشى بى هناك .. مافى يوم سعد الا البشتنة ورقاد ا##########
|
Post: #8
Title: Re: برج الاسبــــــــــــــــــوع
Author: عشة بت فاطنة
Date: 03-31-2005, 07:02 AM
Parent: #7
انا بخاف من الكنشة
شوف الما بخاف من الكنش والعجب كان الام مربي أضافرة يوم داك النحس ذاتو
|
Post: #9
Title: Re: برج الاسبــــــــــــــــــوع
Author: alfatih
Date: 03-31-2005, 02:52 PM
Parent: #1
والله جنس خربيش لا ينفع مسحوق ولا تجميل
احسن الكنشة من الاظافر ... صاحبى قرصوه
بى اظافر لحدى هسع من فتيل لى فتيل
|
Post: #10
Title: Re: برج الاسبــــــــــــــــــوع
Author: عشة بت فاطنة
Date: 04-01-2005, 01:20 AM
Parent: #9
غايتو نحنا بكرة راحلين جم برج روي والواحد حيران أنحس هو أم جمال ، ربنا أستر !!كدي يالفتاح أفتح لي الكتاب شوف بقرج روي دا سكتو بياض ولا سواد ؟؟
|
Post: #11
Title: Re: برج الاسبــــــــــــــــــوع
Author: bint_alahfad
Date: 04-01-2005, 01:29 AM
Parent: #10
الاخ الكريم الفاتح
السلام عليكم ورحمة الله وبركاته
ده برجى اليومين ديل
| Quote: برج العنقريب : تتشاكل فى نص السوق .. احذر قصب السكر وبنبر طاير من ست شاى ... ستكركب حتى تخور يداك .. حاول ان تتماسك وانت فى كارو الاسعاف ... يوم الهنا .. ساعة البنسلين يا تمرجى .. |
برغم مافاهمه نص الكلام بس بوست ظريف
وفى امان الله
لا اله الا الله
|
Post: #12
Title: Re: برج الاسبــــــــــــــــــوع
Author: alfatih
Date: 04-01-2005, 03:53 AM
Parent: #1
برج روى دا بيقع جنب برج كوالالمبووور ?
عشان ما يختلط علينا الاختساس ...
ستكونين فى مأمن اذا لقيتى برج حمام محمر وفيهو بطة عوراء ..
يوم سعدك على خشبة المسرح ونحن ميتين بالضحك
|
Post: #13
Title: Re: برج الاسبــــــــــــــــــوع
Author: alfatih
Date: 04-01-2005, 03:58 AM
Parent: #1
بت الاحفاد العزيزة
ربنا يبعدك من المشاكل دنيا واخرة
برج العنقريب دا برج نحس .. اقل حاجة فيهو انك تكونى مساهرة لحدى الصباح فى القراية .. احذرى المشى الى السوق الساعة 2 ظهرا عشان المواصلات .. يوم سعدك
ساعة البنسلين يا تمرجى تانى برضو
|
|