Post: #1
Title: موضوعي الاول في البورد (الرجل السوداني وغرفة الولادة)
Author: tasneem
Date: 03-29-2005, 04:59 AM
Parent: #0
كنا من الدفع الاوائل في هذا البورد
واذكر ممن كان معنا الاخوات
رومانة ونهي وانسانة والسارا وتغريد
والاخوان بناديها ويا زول يا وود عزة
رومانسي واهل العوض وصلاح غريبة
والزول زاتو وياهو زاتو وليبرتي وقرجة
ايمو وديك الجن ووليم اندرية ابوحراز وغيرهم
حيث ان معظم هؤلاء قد اختفي
اتمني عودتهم
وبقول لاخونا ابقوتة هذا الموضوع من مواضيعي الاولي
في هذا البورد
|
Post: #2
Title: Re: موضوعي الاول في البورد (الرجل السوداني وغرفة الولادة)
Author: tasneem
Date: 03-29-2005, 05:19 AM
Parent: #1
الولادة من اصعب المواقف في حياة المراة ابتداء من
الحمل ومشاكله الي لحظات الولادة وهي لاتضاهيها
اي الالام في الدنيا واي ام تتوقع نفسها ممكن تموت
في الولادة لذلك في تلك اللحظات العصيبة تحتاج
المراة من يقف بجانبها ويؤازوها معنويا ولذلك تجد المراة
عندنا في السودان تكون محاطة بالاهل والجيران
والمعارف والاصدقاء ولكن في الدول الغربية المعاناة
اكتر من حيث عدم وجود من يقف معك وطبعا في
هذه الدول الرجل هو الذي يقف مع زوجته .
صحبة هذه القصة شابة تستقبل اول مولود لها
وحيث الهم والارق بالذات في المرة الاولي اصرت انه
زوجها لازم يدخل معها وبعد الولادة زهبت الي
السودان وقامت حبوبتة قالت ليها والله يا بتي
كان شوفتي كنا قلقانيين عليك قلق والليل دا ما قاعدين ننومه
وكيف تلدي براك
وما لقيتي ليك زول يا بتي يكون معاك
في الوقت داك ويثبت قلبك قامت البت جاوبت ليها بكل براءة انه
زوجها كان معها في غرفة الولادة وطبعا المحل
مليان نساء الحبوبة سكتت وخجلت شديد وبعد زهاب النسوان قالت ليها دا شنو يا بتي السويتي دا
وكمان تحكي بيه قدام النسوان ووب علينا شوف
الجراءة وقوت العين تدخلي الراجل معاك ووب علينا
من بنات الزمن دا نحي ونشوف معاهم كتير وانا يا بتي بكبري دا جدك لمن مات ما جبت اسمه ولا مليت عيني فيه هسي
يا بتي الكلام دا احفري ليه من هنا ودسي الليلة
حبوبته كان سمعت وا فضيحتي اودي وشي منها
وين وهسي الكلام دا يكون لف الحلة بيت بيت.
هل الموضوع هذا يعتبر تقليل من شان الرجل السوداني
واذا اضطرتك الظروف ان تكون في هذا الموقف هل هذه
تعتبر نقطة سوداء يتندر بها اصحابك او اهلك لذلك
تحاول ان تخفيها ولا رايكم شنو
|
Post: #3
Title: Re: موضوعي الاول في البورد (الرجل السوداني وغرفة الولادة)
Author: مريم بنت الحسين
Date: 03-29-2005, 05:20 AM
Parent: #1
موضوع ظريف يا تسنيم.. رأيك شنو نبدا فيهو مرّه أخرى؟
انا كنت شايفاك بدايات دخولي قبل سنتين... الآن سعيده جداً أنك عدتي..
تحياتي.. ومحبتي
بنت الحسين
|
Post: #4
Title: Re: موضوعي الاول في البورد (الرجل السوداني وغرفة الولادة)
Author: garjah
Date: 03-29-2005, 07:14 AM
Parent: #3
الاخت العزيزة
تسنيم
اذكر المواضيع الساخنة التي كنتي تعالجينها وهذا الموضوع بالذات قمت باعادة نشره تحت عنوان
الرجل السوداني وغرفة الولادة ......بقلم تسنيم
وكنت تلك الايام في نقاش مع بعض اصدقائي حول نفس الموضوع وكنت استعد لاستقبال نورا ....ابنتي الاولى.
ورايي ان الوقوف بجانب الزوجة في هذا الموقف هو مساندة معنوية مهمة خاصة في الولادة الاولى .
ارحب بعودتك وارجوك ان لا تغيبي مرة اخرى.
|
Post: #8
Title: Re: موضوعي الاول في البورد (الرجل السوداني وغرفة الولادة)
Author: tasneem
Date: 04-01-2005, 02:57 AM
Parent: #4
الاخ قرجة
سلامي
مبروك نورا وربنا ينجحها ويعليها
تذكر البورد دا كان ظريف كيف
لا تكتلات ولا يحزنون
برضو بسال من العمدة قرشو والاخ شرنوبي
الاخ بلدي يا الحبوب
تحياتي
زمان كان البورد هو ملازنا في هذه الغربة المملة والجو كان صافي ورايق
اتمني رجوعه الي ما كان عليه
مع تقديري واحترامي
|
Post: #6
Title: Re: موضوعي الاول في البورد (الرجل السوداني وغرفة الولادة)
Author: tasneem
Date: 03-30-2005, 07:54 AM
Parent: #3
العزيزة مريم بنت الحسين
تحياتي
جدا انا معاك نبدا فيه مرة اخري
يا ريت تبدي لينا وعاوزين نعرف رايك فيه
البورد دا كان ممتع والنقاشات هادئة
برضو كان في الزمن داك ناس تبلدينا وحبيب بلدو
وحبيب الكل والاخت دومة وغيرهم من الرائعين
اتمني عودة الكل
|
Post: #5
Title: Re: موضوعي الاول في البورد (الرجل السوداني وغرفة الولادة)
Author: بلدى يا حبوب
Date: 03-29-2005, 07:25 AM
Parent: #1
تنسيم
ما اجمل ان ينداح الاوائل فى البورد وهذا فأل خير اهلن بيك ونحن فى صبر لتلهف الخبرات
تحياتى
|
Post: #7
Title: Re: موضوعي الاول في البورد (الرجل السوداني وغرفة الولادة)
Author: Tabaldina
Date: 03-30-2005, 08:03 AM
Parent: #1
..
.
عودا حميدا يا أستاذة
حليل زمان وأيام زمان
شوفى جنس العجاج القايم دا
لك احترامى ومودتى,,
|
Post: #9
Title: Re: موضوعي الاول في البورد (الرجل السوداني وغرفة الولادة)
Author: tasneem
Date: 04-04-2005, 09:40 PM
Parent: #7
الاخ تبلدينا
تحياتي
ذي ما قلت يا حليل ايام زمان
ايام كتاباتك الحلوة ديك عن كردفان وعروس الرمال
وفي انتظار مساهماتك الشيقة
تقديري
|
Post: #10
Title: Re: موضوعي الاول في البورد (الرجل السوداني وغرفة الولادة)
Author: tasneem
Date: 04-16-2005, 05:57 AM
Parent: #9
الملاحظ الايام دي غياب الجندريات
ندي علي
ندي امين
عشة بت فاطنة
هالة ويمني قوتة
out cast
وبقية العقد الفريد
عشان كدا البورد الايام دي مسيخ
وفقد نكهته
برضو ناس بيان ورجاء وراوية ورودا مكانم شاغر
اتمني عودة الكل
|
|