لمستمعي الفنان الطيب مدثر..

سلامات لكل الشباب والشبات عندي طلب بسيط ودايما والحمد لله ما بتقصرو معاي
طلبي هو اغنيه بتقول

ليه حياتنا اخترت غيرا
فيها احلامنا وكلامنا
فيهاحاجاتنا الصغيره
كيف تغطيالصوره صوره
وريدنا داك ياسيدي كلو
يبقي ماضيك بالضروره


الاغنيه اسمها (الصوره)
ولكم خالص التحايا

خالص التحايا..
الزميل امجد جيفارا..

جيت اسلم واقول ليك حتى لو فى وحاتك المقدره مافى نرفعها ليك هنا بعدين اخر البوم ليهو مافى الاغنيه دى ..

نتتظر جمال الشيال ..

ناس لؤى وراكوبه وعمك تنقو وسمباتيكو ووو الخ

ربك يديهم العافيه وانت كيف اخبارك وصحتك ياعزيز..

طمنى عليك..

up

تحياتي العزيز أمجد
حقيقة لدي تسجيل رائع للأغنية أثناء التلحين حيث أن هذه الأغنية لها لحن وطريقة أداء غاية في القوة تجبرك على التوهان مع إنسياب صوت الرائع الطيب الذي بكى عدة مرات وهو يؤديها والتسجيل جميل جدا ولكن في السودان وسأحاول أن أحصل عليه قريباً ونديك النص كامل تصبيرة لحدي ما واحد من الرائعين ينزل الأغنية بصوت الطيب مدثر وهي تسمى أختلفنا وكلامات الراحل المقيم الشفاف حسن الزبير له الرحمة والمغفرة

ليه حياتنا أخترت غيره
فيها أحلامنا وكلامنا
وفيها حاجاتنا الصغيرة
كيف تغطي الصورة صورة
وريدنا داك ياسيدي كلو
يبقى ماضيك بالضرورة

إيه لقيت فيهو الجديد
ردتو من حاجات بقولا ؟
ولا ليك قرب أماني
بينا ما قادر تطولا ؟

هل قدر يسبر غرورك؟
هل هو في الأحلام بزورك؟
ولا هو البجد بيعرف
لعبة الريدة وأصولولا

هل صحيح راقي ومهندم؟
هل ببكي الريد عيونو؟
هل عرفتو ما بتندم
في الليالي القاسي طولا

ألف مبروك يا مخير
ما إنت بتبيع المشاعر
ما البصر دون البصاير
والأصل ما ببقى صورة