يا جماعة الخير (ابراهيم شمس الدين ) قالوا حي؟؟؟؟؟؟؟؟؟؟؟؟

بالطبع مهنة التاكسي من اكثر المهن المتهم اهلها باشاعة الشائعات وذلك لالتصاقهم اليومي بكل طبقات المجتمع وهم يقدمون اليها خدماتهم بايصالهم حيث يبتغون مع تقديم (ساندويش اشاعة) لزوم الطريق وتخفيف غلواء ( دقداقه) يقدمه السائق لزبونه لزوم ( ونسة طريق) وفي ذات الوقت يستقبل شائعات زبائنه وينشرها علي بقية الزبائن حيث سائق التاكسي يعد اكثر الوسائط نشاطا في حمل الشائعات وتوزيعها ونشرها في سائر الارجاء التي يطويها التاكسي (الاشاعة) والعبد لله بحكم هذه المهنة بدأت تعتريه هذه الحالة المرضية ولكنه في طريقه لتوظيفها من حالة سالبة ضارة الى حالة وطنية ايجابية فقد تضخمت هذه الحالة عندي الى حد الشطوح في التحليل والرصد والتكهنات حول بعض الاحداث والاخبار والشائعات التي استقيها من (النتة) التي تحدث في ( البمبر الحر) حيث قرأت يوما خبرا في احد البوستات مفاده بأن الحركة الشعبية لديهااسير مهم ستفرج عنه قريبا وهو مفاجأة لشعب السودان ولا زال الشعب في انتظارها واعتقد جازما ان رفاقي التكاسة في الخرطوم هم ايضا في حالة( حسكنة) في انتظار الاعلان عن المفاجأة .
فقد شطح الخيال بعيدا بالعبدلله الى ديار (الفيل ذاتو) فقد تخيلت ان المفاجأة ستكون الاعلان عن ان الشخصية الهامة هي الرائد القتيل ابراهيم شمس الدين احد اركان عصابة الانقاذحي يرزق في يد الحركة الشعبية وهو امر لن يفرح عصابات الانقاذ وسراق السلطة والنساء والاموال في الخرطوم وعلى راسهم الرئيس العريس سيد النكاح لان ( الحكاية تبقى لعب في بيت اللعب ذاتو)وهنا خراب سوبا او لعنة تاجوج التي حاقت بأهلها وقد تروح الانقاذ في ( شربة موية) اذا لم (يكضب الله الاشاعة )ونحن معشر (التكاسةالمتاعيس) نبحث عن كل قاصمة ظهر تقصم ظهر الظلام حيث لا ناقة لنا ولا جمل في هذا الصراع الحضاري المرتقب والذي نرجو من المولي عز وجل ان لا يكذب حدسي حتى نرى خواتيم السقوط في هذا الزمان التفيه (وعليكم الله يا ناس الحركة لا تخذلوني في هكذا تخمين آمين) ودعواتكم وبركاتكم يا ناس المنبر وكل ابريل وانتم بخير .

في انتظار تكهناتكم وتحليلاتكم ايها المنابرة الاحرار

العزيز هشام
اخاف يكون الترابى ذاتو..عشان ليهو مده ماباين..يكون باعوه ل قرنق ياربى..

كل ابريل وانتم بخير

ده حيكون فيلم هندى .. لو ابراهيم شخص الدين شمسيا عاد حيا وتنازل عن لقب (الشهيد).. وفيلم تانى باسم الشهيد العائد ابراهيم شخش الدين!! زى عودة رنجو!! يا هشام الفيلم حيكون فيلم من بطلين وبطلة واحدة والشعب السودانى هو المتفرج والدخول مجانا والابطال يدفعوا تمن التذاكر.. وسينما اونطة.. هاتو فلوسنا.. والانوار تولع والناس تمرق وما تلقى حكومة!!!

نورالدين منان

هشام ..
و الله الخبر ده كان طلع صحيح إلا
يجيبوا (قضاة شرعيين) من مجلس الأمن
عشان يورونا الفتوة الصحيحة شنو ..
و بعدين مافي احتمال يكون ريسنا بيعاملها
(زي أخته) ؟؟؟؟ يعني يتم التسليم من
غير (ضرر أو ضرار) و يا (دار) ما (دخلك)
شر !!!!!!!

يعنى حيبقن عليهو اتنين :

لاهاى واقامة حد !!!!

ست البنات .

العزيز ود قرض وستنا ست البنات

غايتو نحن في انتظار هذه المفاجأة لنرى قشة تقصم ظهر البعير الانقاذي
وزي ما قلت ليكم ده صراع لا ناقة لنا فيه ولا جمل اي حيكون صراع حضاري
وربنا يضع سرو في اضعف خلقو والله اكضب الشينة .

وانت قايل قسم البشير وعليك طلاقو
دي علي الفاضي

تسلم -هشام

لا أحب الاشاعات ..
لكنى أتمنى أن يكون المهندس الشجاع ..( الوحيد الشجاع) ..
والذى ترك الوزارة .. لرفضه التدخل فى شئونه
والاقصاء بدواعى سياسية ..
لك الرحمة حيا وميتا ( محمود) ..

عزيزي عبد المنعم

الريس كان قبل ( الجكس البقاقة) كانت حليفة الطلاق عندو بس جقمة موية وانت ىعارفين السبب والحليفة بالله حبة تسالي بس لكن الليلة كان حلف طلق انا علي بالطلاق بصدقو انو صادق فيها وهو كان راجلا جعليا جد ما صنع تايوان احلف بالطلاق واقول ما بسلم الجماعة (لاهاي) هاك الطلاق ده ...؟؟؟



العزيز معتصم

الله احقق امنياتك واديك الفي مرادك ومن خشمك لي الله وشكرا علي المرور

ابريل العيد جانا

بس والله حلوه

فوووووووق