مزمل ابو القاسم .....

مزمـل (الخيـــل) و (الاقلام) تعرفــهُ
فارس (كبـــد الحقيقة) هو مطلبــــهٌ
(العرجون القديم) بعين الحقد يــــنظرهُ
انت السحاب فسر، لا يضيرك نبــح كلبِهِمُ

Quote: مزمـل (الخيـــل) و (الاقلام) تعرفــهُ فارس (كبـــد الحقيقة) هو مطلبــــهٌ (العرجون القديم) بعين الحقد يــــنظرهُ انت السحاب فسر، لا يضيرك نبــح كلبِهِمُ

محمد الامين اخوى فى الذيوليه

لافض فوك

يجوك متلبين هسى يشبكوك ياضنب ياتابع ياذيل يا اضينه انا عمى قال لى والهادى قال ليه لكن كلامك عجيب مزمل الخيل والاقلام تعرفه(حتى اقلام الشينى والرصاص غير المبريه) فارس كبد الحقيقه هو مطلبه وحب شعب المريخ مكسبه العرجون القديم بعين الحقد ينظره والحسد كمان اعوز بالله انت السحاب....

قلنا نشارك الافراح ولمن يجى اليوم الاسود بنجيكم برضو ..
اصلو انا بلعب (لفت ورايت)..

تحية طيبة للجميع

الاخ / عبدالله بابكر

مرحب بيك كتير يا اصيل، عليك الله شفت ناس شندى ، وقفوا ليك الناس
على كراع واحدة و هم فى الامارات اهه لمن يصلوا هناك تانى وين يا لله


الاخ / سامى عبدالوهاب

يا سامى يا اخى لمتين...لمتين يالله (بدون) كاسات (نطبل) سااااى ونكون(اذيال) مجوعاتنا!

و تااااااااكسى

الاخ / معتز تروتسكى

العب left العب right بس المهم تجى

وامشي معانا الدرب طويل
هاتى قلبك الوضاء لنحمله فى حنان
وكلنا كتوف
اتكئي عليها برفق
وفرغى ما بروحك من جراح عابره

زمن الافراح بعيد الموعد
لكنى احكى
عن فرح
يملك ان يأتى
حتى
لو
كنت
حزينا

و الكلمات دى من هنا
لتماضر...قولى الكلمه لصمت الليل وكونى النجمه

و لكم التحايا جميعا

لمـتين يا الله (بــــدون) امجــــــاد (نطبـل)

(ذيول) فى مجموعتنـــــا , والله حاجة تخجـل

فى سطر واحد مع شاخـور كتبتو اسمي تخيل

اعمـل شنـــــو !!!! جنـنــــى الـ سمو مزمـــل

التوقيع سواق التاكسي

الليلة محمد اخوى للجلباب مسبال
فرحان بمزمل ومريخنا بطل الابطال
لما بكرة تلاقى غرب افريقا فى الادغال
بجيك تجتوج لابس حريرة وفوق جبينو هلال


الليلة البدون ياتجوج. زادو فصاحة
عشان لاقاهم فريق ما له وجود فى الساحة
بكرة بجوكم ناس نيجريا واسودهم الجراحة
يغلبوكم عصير ..وعينكم تتملى... كتاحة

للاقيناهم زمااان ونتفناهو صوفهم كلو
وانتو للفصاحه رمز وفريقكم فى محلو
ماشفتو الاسود وقت قبيل جالو واتجلو
خمساتكم تلخم تانى مننا وين تتحلو

قنبلة الود الموقتة مرحب حبابك مية
منـــور زى هلال فى ليلة اربعتاشرية
مزمل ما بيدور محامى قلمو كفاهو النية
و لبـس الحريرة تـــب عندنا منهية

* * * * * * * * * *

من يـوم يـــومنا و الامجــاد هى لينــا الساحـة
ما بيطربنا فوز على فريق استادنا بيفوت جزيرتو مساحة
إلا شايفكـــم عايزيـــن جنازة تشعبوهـا مناحــة
صفى القلب، و امسك معاى نرفع رايه سودانية لواحـة

Quote: للاقيناهم زمااان ونتفناهو صوفهم كلو وانتو للفصاحه رمز وفريقكم فى محلو ماشفتو الاسود وقت قبيل جالو واتجلو خمساتكم تلخم تانى مننا وين تتحلو

سامى اللذيذ ودعمى .. يالجدك ..المكى
اخوان جبرة مش افضل من احفاد ود ذكى
بكرة يغلوبك بالخمسة وخصمكم (luky)
وشيرى تجيك تهترش فى اول الحكى

أخونا محمد الأمين ..
تحيات صباحية ..


سموهو (مزمل ) ما أظنو قام الليل ..
لا نصو لا كلو لا زاد ولا التقليل ..
عامل (ابو القاسم) لي كل جنيه بيشيل ..
(الوالي) منو الكاش ومهمتو التطبيل ..
سممنا بي (كبدة) فاسدة وهضمها تقيل ..
دس (الحقيقة) و زوور أوهمنا بي التضليل..
كايس علي العظمة ما لقاها عند ناس (ديل)..
عمل الهلال حجة عارف الهلال ده جميل ..
عارف الهلال عظمة في الكورة قائد الجيل ..
مش كورة المريخ مربوطة في لسانهم مقصورة والتنجيل..
كمل كمل يا مزمل بنقولا في (القمة) تكبيرنا والتهليل ..
طمبلنا بتعرفوهو ؟؟؟ شق الدفاع ده عديييييييييل ..
هيثمنا حا تنسو ؟؟؟؟؟؟؟؟؟؟؟؟ده الماف ليهو بديل ..

اخر الحقائق :
-(مزمل) (ابو القاسم) هي من اسماء رسولنا الكريم ليتك تذهب للمحكمة وسأكون شاهد معك لتحوييل إسمك إلي (سراقة) (أبو لهب)..

-لولا وجودك في الأمارات لقلت أنك هو حووصة نفسه ولا أدري ما علاقة صورتك بهذا الأحساس..

-ليتك تكتب يوما ما عموداً لا يزينه إسم الهلال ...

-مزمل أبو القاسم يكتب عن مباريات الهلال المحلية وكأنه يشاهدها من المقصورة الشمالية خصوصاً تلك التي تكون في عطبرة وكسلا فلا أدري هل يسري مزمل ويعرج ليلاً؟؟؟

- كمل ..كمل .. يا مزمل ..

الاخ عمر الفاروق

و لك من التحايا اجملها ...

عمر الفــــــاروق الابوه شيــخ الدين
مـا تكتــر الظــــن و تبقى مع الأثمين
مريخنا فوق الفوق، و فى الشباليه* محترفين
اهه، بتتمنـى الفوز ولا الخسارة مع المقاولين

*الشبالية:فن الضربات الرأسية المتقنة

محمد يا الأمين ..
ده هلال الملايين ..
ما بنرضي فيهو الشين ..
بنطلبوا لو في الصين ..
ما بنبني للمجهول نبنيهو جسر متين ..
ما بنفترض قيمة لو حتي صاد أو سين ..
هلالنا قيمتو تكون جوة القلوب والعين ..
بديك نصيحة أخو وخليك من العارفين ..
أرجع تعال يا زول ما تكون من الضالين ..
أنساهو مريخك ركز مع الحلوين ...
بدعوهو من قلبي رب المياه والطين ..
راكوبة سامي وإنت من دون العالمين ..
تجو لي الهلال رواد يا إنت قول امين ..

يــا عمر الله يبعد عننا الشينة و الشينين
و يفتـح قلبك للنور و تبقى معانا قول آمين
بــ شموخ مريخنا الارض و السما حالفين
يوم نلقاكم...الا كان تمشوا تدسوا فى الصين!

ود اللمين أسمعني هاك الشورة ...
أختونا ما تلاقونا ما تغشكم دي الفورة ..
حي العرب شمبات ديك فرق بنضورة ..
وهلالانا سيد الناس كان فيهو ناس كندورة ..
كان جيتو بنفرتقكم ونفرتق المقصورة ..
ونعيدو للتاريخ يوم زيكو شال الكورة ..
ما ترجعني للماضي وخليها بس مستورة ...

ود الشيــخ .... ما بنأبها من مثالك الــــشورة
بس غير الـ(كان)(كان) شن ضيعكم فى الكورة
سيرة المريخ اسه و زمان...بالابـداع معمورة
و بالجد صراحة...مشكلتكم شنو مع المقصـــورة!

ممنوع دخول الرشاشات لهذا البوست .. خمسه وخميسه منكم .. جدعتو المقصوره .. دايرين تقبلوا على زينة شباب الصحافه ( مزمل ود ابو القاسم )

الأخ عمر الفاروق بخصوص تغيير اسم مزمل ابو القاسم .. سيبك من الأخ مزمل ولكن أسال عن من هو ابو القاسم والده قبل أن تصاب بسوء مكروه