العزيزة زولا كل عام وانت وست الحبابيب بخير لقد أثارت في هذه الذكري واللحن شجون يختلط فيها فرحي بعيد أمهاتنا بحزني على أمي ودعوتي لكم جميعا حافظوا على حنين امهاتكم حافظوا على وصالهن كل عام وكل امهاتنا في الوطن وخارجه بخير
أمي الحبيبة عائشة مرت الآن عشرة أشهر على فراقنا هاهو عيد الأم يطل هذا العام وأنظر الي ذلك العطر الذي تحبينه على فاترينة المحل الذي تعودت أن شتري هديتك منه فأراه دامعا كذكري أيامنا النادرة معك وأنظر إلي صورتك الوضيئة على جدران غربتي فتغشاني غاشية الفراق المر لا أفيق إلا من صوت إبني الصغيرالذي لم يرك ويسعد بتقبيلك وهو يراني أنظر إليك متي سنذهب الي السودان لنري ماما عائشة وأنظر إليه بلا إجابه ويسألني عنك فأقول له مالك تعني أتدري وماذا يستوعب عقلك الصغير المشحون بالخيال:
(عائشة) هي عند البياتي زؤابة المعني في أشعاره ورمز حنينه الصوفي وعنوان وصاله السرمدي الي ضريح شيخ العارفين محي الدين إبن العربي الذي إستجار به البياتي من تغول المادة وتسيد الظلم فجاوره كما أحب قبرا الي قبره في أطراف حي السيدة زينب بدمشق ( وعائشة) عندي شغاف القلب ووهج الروح كانت كنخلات أباها وإحدي سنبلاته الخضر علي ضفاف النيل الشمالي في تلك "الباوقة" التي شهدت ميلادها تفيض ظلالا وجلالا وجمالا , بيضاء كصفحة القمر صافية كصفحة النيل رائعة كأغاني الصغار مضمخة بأريج سيرتها العطرة بين الناس كقنينة عطر من عصر الخلافة . ليس مصادفة أن يكون اسمها عائشة واسم أباها أبي بكر وأن يكون اسم عميها حمزة والعباس فهي خيار من خيار وسيرة من عبق الشمال منصة إنطلاق الدعوة والدعاة الي دين إبراهيم وحضرة من نفحات أم درمان المهدوية وقبس من أصالة أهل ودنوباوي التي نشأت تحت ظلالها وشهدت علي حبها للناس وحب الناس لها . غذلت بخطوها نسيج المودة وأضاءت بعباراتها حنايا الحي العريق وخواتيم صلاحها وفلاحها . كانت عائشة أما مركزية لجيل بأسره حيث كل إبن إبنها وكل بيت بيتها وبيوت ودنوباوي كقلوب أهلها مفتوحة بلا أبواب . كانت أما لعبد الرسول النور إسماعيل والحارث إدريس ومحمد علي فرانسيس وصديق بولاد والأمين سعيد وعبد الله الماحي ومحمد عبد الباقي ولجيل من رفاق الحلم المصلوب كآلام المسيح مثلما كانت أما لأسرتها الممتدة عبرحارات الوطن وأركانه .
أعلم ياعائشة إنه قد أحزنك فراق شقيقتيك كثيرا اللتين تشاطرانك فرح القهوة كل ظهيرة وهما يتحلقان من حولك كشيخ بين مريديه وأنت بين بناتك وأحفادك وأعلم أن خمسة عشر عاما من البعد عنك لن تبللها بضعة أيام عجلات بين القاهرة وودنوباوي هي عمر لقيانا المشاهدة رغم أني أستمد ككل الأبناء الذين حملتهم رياح الغربة والإبتعاد عن الوطن من صدي صوتك عبر الأثير مايعين علي الإستمرار ولهف العودة في آن واحد .
أتعلمين إن دوامنا اليومي مع أخبارالحزن والإحباط التي تردنا من أوطاننا العثرة المثقلة وهي تنساب بين أيدينا تقطر دما وإستضعافا من الفلوجة والنجف وكربلاء إلي غزة والشجاعية ومن هدم للإنسان والبنيان في رفح ودير البلح الي الي قتل وتشرد للأهل في هجير دارفور وصحراء أبشي ومن وطن يتلاشي عبر نيفاشا وشروط إسنايدر ودانفورث الي أحلام تفجر نفسها علي معابر اليأس كل ذلك الحزن اليومي لم يكن إلا مقدمة لحزن كبير لم أكن أعلم أنه فاجعة الرحيل وكأنك ترين تلاشي الأيام من رصيد الإنتظار وصدي كلماتك عبر الأثير في تلك الليلة مايزال ينادي مسامعي بتعجل العودة الموؤودة فمالك تطوقينني بباقة عفوك وترحلين دون وداع .
أتعلمين ياعائشة وأنا أودع آخر رفيق من رفقاء مواساتي فيك في هذه المدينة الأعجمية تدافعت الي ذاكرتي بضعة مشاهد من مخزون الطفولة والصبا الباكرلاأزال أذكر تلك الأمسية عندما قفلت عائدا من أحد دروس المساء من مدرستنا الرائعة أمدرمان الأهلية العامة ووجدتك مشرقة كشمس صباحنا وأنت توزعين أكواب الشاي المسائي في شبه إحتفال بصديقاتك المميزات من ودنوباوي من رائدات التعليم حاجة مدينة صاحبة أول مدرسة خاصة ثانوية للبنات بودنوباوي وعائشة زيادة المربية الفاضلة ورفيق دربها الجميل خالد جبريل ونفر من الأصدقاء كنت سعيدا بأختيار علاقاتك ولانك تتميزين دوما بالتحضر وحسن المعشر كنت مركزا للعلاقات المثمرة الممتدة بين الجميع وأذكر إصطحابك لي وأنا دون العاشرة الي صديقتيك الحميمتين السيدتين اللتين تعبق منهما رائحة الأمومة عائشة وشامة عبد الرحمن المهدي في دارهن الرحبة وجليسة العلم تلك المرأة التقية الفاضلة السيدة " أم الكرام " وقد كانت مجالسهن مورد علم وثقافة . وقد كنت أنت دوما حاضرة بثقافة الكلام وحضور المعني مثلما كان مجلسك العامر دوما في بيتك المتواضع في ودنوباوي دوحة لاتضاهيها مجالس المربد أو أمسيات أصيلة.
كيف ياعائشة إن دقت أجراس العودة للوطن تراني كيف أقوي علي رؤية مجلسك الخالي وكيف تقوي أصابعي علي تقليب دفتر أشعارك الجميلة التي تحرصين علي تدوينها وإلقائها أحيانا علي الحاضرين كيف أقوي علي دخول بيت لست فيه أيتها التقية النقية الصالحة يامشكاة أيامي وطيب كلامي ياسلاف الأمومة وصالح الدعاء تراني هل أظفر بموطيْ قدميك أليس الجنة تحت أقدام الأمهات ؟ . سيسهر الحزن في أعيننا المرهقة كسهر الشوق في أعينك الجميلة ترقبا لعودة أضحت مكلومة فليمنحنا الله صبرا كصبرإنتظارك لنا صبرا لتحمل فراقك عنا لكننا سنلتقي فأنت فينا صبرا وذكري. اللهم أرحم أمهاتنا الراحلات اللائي باعدت بيننا وبينهن المنافي والفيافي دون أن ترتوي الأعين بدمع الرؤية وعودة الأشتات وأسقيهن من حياض الكوثر مثلما أرضعننا شهد المعني ورحيق الإباء واسكن عائشة ظلال جنانك مثلما دنت علينا بظلال حبها وظللتنا بدعاء ربها إنك قريب مجيب .
إبنك / حسن
Post: #39 Title: Re: الزولة الحلوة دي انا باحبها !!! Author: zola123 Date: 03-21-2005, 06:03 AM Parent: #16
سيف مساعد سجيمان مننا وفينا مافي خوف انشا الله كل سنة وانت سالم وفي سعادة
ود العباسية كل سنة وانت طيب ووالديك وأخواتك وربنا يحميكم
Elsharif وهم جميعا في خير وسلام وأمان يا رب شكرا كتير
Post: #38 Title: Re: الزولة الحلوة دي انا باحبها !!! Author: zola123 Date: 03-21-2005, 06:00 AM Parent: #13
الأخ العزيز نصار تسلم وربنا يرحم والدتك ولا يحرمها من دعائك
محمد علي شكرا على الأغنية, لاكن نزلتها بعد ما صلحت الاغنية فوق منك ولا منا تحية عطرة وباقة ورد لكل أمهاتكم وكل سنة وانتم وهو بخير
عاطف عمر كلك ذوق وربنا يحفظ ليك أسرتك الجميلة تحياتي للمدام وقول ليها كل سنة وهي طيبة محمد الوسيم جاب ليها هدية شنو؟
كل سنة والوالدة طيبة ... والوطن الأم طيب .... وأمهات الوطن طيبات...
وردة جميلة ... وعبيرها (انت) رائع ...
Post: #41 Title: Re: الزولة الحلوة دي انا باحبها !!! Author: zola123 Date: 03-21-2005, 06:13 AM Parent: #17
يمنى قوته كل سنة وات بخير وسعادة وربنا يخلي ليكي كل من تحبين والسنة الجاية انتي كمان أم
د.هاني ابو القاسم الله يخليك يا هاني ويفرحك وانشاء الله نحتفل بتخرجك هنا قريب
الأخ حسن انه لمن دواعي فخري التعرف على مناقب امرأة بمثل ما وصفت بك والدتك طيب الله ثراها. لها أن تنام قريرة العين فهاهي ذكراها العبقة مازالت تحف أبنائها ويحكون عنها بفخر, فلتظل خالدة في قلوبكم وقلوب أبنائكم. ما أكرمه من اسم وسيرة, رحم الله الحاجة عائشة رحمة واسعة وأسكنها فسيح جناته. وأعاننا على تقدير أمهاتنا احياءا.
أختى زوله أسأل الله أن يمد فى عمر والدتك ، ويمنحها الصحة والعافية ، ملحوطة :
كنت دائما أتساءل عن مصدر جمالك يا زولة ! وها قد وجدتها الأجابة !
وكل عام وكل الأمهات مرتعا للحنان ،
وكل عام والأمهات مصدر الهامنا ،
وكل عام وهن فى مسرة وفرح ،
ست البنات .
Post: #25 Title: Re: الزولة الحلوة دي انا باحبها !!! Author: ابن النخيل Date: 03-20-2005, 09:06 PM Parent: #24
العزيزة زولا...طالما دى امك كل عام وهى وكل الامهات بالف خير....والسلام لكل الامهات من عين شمس لا حد فلسطين.
ابن النخيل
Post: #43 Title: Re: الزولة الحلوة دي انا باحبها !!! Author: zola123 Date: 03-21-2005, 06:20 AM Parent: #25
ايهاب الطيب يسعدني جدا اهدائك لوالدتك لكم ولكل الامهات اهديكم هذا البوست ( بس مافي زول خت صورة زي ما طلبت؟)
ست البنات ربي يرحم والدتك ويغفر ليها سعيدة هي حتما بثمار غرسها اليانع ربنا يخليكم زي ما كانت عايزة ليكم ويبقى ذكراها خالدة في نفوسكم تشد من أزركم في المحن وتستنيرون بحكمتها كما لو كانت معكم. شكرا على لطفك وأكيد كل يرى الناس بعين طبعه.
ابن النخيل طالما دي وطالما هي كما هي لها كل الحب بوسع الكرة الأرضية كل سنة وانت طيب
Post: #30 Title: Re: الزولة الحلوة دي انا باحبها !!! Author: hala alahmadi Date: 03-20-2005, 11:28 PM Parent: #29
اينـــاس
كل سنه و الوالده بخير
حبى و معزتى
Post: #33 Title: Re: الزولة الحلوة دي انا باحبها !!! Author: Habib_bldo Date: 03-21-2005, 01:50 AM Parent: #29
زولة الدكتورة الظريفة أمك الله يخليها ليك ويحفظها من كل مكروه ويمتعها بالصحة والعافية الجنة تحت أقدام الامهات .... من منا لا يريد الجنة وثواب الآخرة؟؟؟؟ نسأل الله أن يجعلنا جميعا من البررة ويسر لنا طاعة والدينا والبر بهم وأفتح من برهم وطاعتهم ومصاحبتهم بالمعروف بابا للجنة لنا جميعا يا رب أهدي لأمك ولأمي ولكل أم في السودان باقة ورد بهذه المناسبة
Post: #45 Title: Re: الزولة الحلوة دي انا باحبها !!! Author: zola123 Date: 03-21-2005, 06:26 AM Parent: #33
بلة موسى كل سنة وانت بخير وكل من تحب ورحم الله أمهات المسلمين أجمعين
هالة الاحمدي شكرا على ذوقك ولطفك الدائم والكرت أكيد رائع ربنا يخلي ليكي كل من تحبين
حبيب بلدو ربنا يحفظ ليك والدتك ويطول عمرها وندعو معاك أن يعيننا على برهم كل سنة وانت طيب
Post: #44 Title: Re: الزولة الحلوة دي انا باحبها !!! Author: zola123 Date: 03-21-2005, 06:24 AM Parent: #28
عباس كل سنة وانت طيب وووالدتك بصحة وعافية وزوجتك الغالية وطفلكما الجميل
شلبي المرة دي حاقول ( انشاااااء الله) عشان ما تشاكلوني لك تحيات زولة وأم زولة وربنا يخلي ليك والدتك ويكتب ليك كل ما هو جميل
عجب الاغنية لا بد منها, فلا عيد ام بلا فايزة أحمد امي شرط وعسل باعترافي وشوية كدة والبوست حيتقلب غزل في ست الحبايب. ربنا يخلي ليك والدتك وكل من تحب انشا الله
زولا 123 ربنا يخلي ليك الوالدة ، ويجعلك بارة بها ،،، وعبرها أهنئ أمهاتنا في كل أصقاع السودان ، وفي كل بقاع الدنيا بعيد الأم ،، ونعلن لهنّ عن حبّنا ...
Post: #32 Title: Re: الزولة الحلوة دي انا باحبها !!! Author: أحمد الشايقي Date: 03-21-2005, 01:45 AM Parent: #1
الأخت الكريمة د زولة 123
مبادرة طيبة في حق الوالدة وكل الأمهات
حفظ الله الوالدة والأمهات حول العالم وعافاهن ومتعهن ببر البنات والأبناء
وخالص التحيات
Post: #34 Title: Re: الزولة الحلوة دي انا باحبها !!! Author: عمر الفاروق شيخ الدين Date: 03-21-2005, 01:59 AM Parent: #1
زولا : ربنا يحفظ كل الأمهات إنشاء الله ويرحم من كانت الان الجنان تحت أقدامهن ... لك التحية وللوالدة العزيزة ... كم تمنيت أن أبادر مثلك ولكن يكفيني أن صورة الوالدة محفورة في دواخلي وتتبعني في حلي وترحالي ولا تفارق حقيبتي وتسكن خيالي...
أمي الله يسلمك ويديك لي طول العمر في الدنيا يوم ما يألمك .. أمي ..
Post: #46 Title: Re: الزولة الحلوة دي انا باحبها !!! Author: zola123 Date: 03-21-2005, 06:31 AM Parent: #34
ود قاسم أمين انشا الله واحتفاء مخصوص مني بمداخلتك في بوست لي لأول مرة ربنا يحفظ أمهات السودان كلهم
أحمد الشايقي الكثير منا للأسف يخجل أو لا يعرف كيف يعبر عن حبه لأمه كلنا نحب أمهاتنا وكلنا نتمنى لهن الصحة والعافية وطول العمر لاكن قوارير العطر المعتقة هذه تستحق منا أكثر من هذا بكثير ربنا يحفظ ليك كل من تحب
عمر الفاروق يعني بتغير على والدتك مننا؟ أكيد هي جميلة وتستحق كل حبك ودعواتك الطيبة لها ربنا يحفظا ليك ويحفظك ليها
Post: #35 Title: Re: الزولة الحلوة دي انا باحبها !!! Author: Mayada Date: 03-21-2005, 02:39 AM Parent: #1
زولة ون تو ثري...
ربنا يحفظ ليك امك وكل الامهات ويدهم الصحة والعافية ويرحمهم في الدنيا والاخرة انشالله...
آمين يا رب العالمين...
وحمدالله على سلامتك مرة تانية...
Post: #36 Title: Re: الزولة الحلوة دي انا باحبها !!! Author: shiry Date: 03-21-2005, 04:46 AM Parent: #35
زولا 123
كل سنة ووالدتك الجميله بالف خير وكل الامهات في اركان الدنيا الاربع اللهم احفظهم بما تحفظ به عبادك الصالحين
Post: #37 Title: Re: الزولة الحلوة دي انا باحبها !!! Author: محمد الامين احمد Date: 03-21-2005, 05:00 AM Parent: #1
الرائعة زولة موبايل خط
كل عام و امهاتنا بخير ...
اشك فى مقدرتنا على رد بعض صنائعهن ...
Post: #47 Title: Re: الزولة الحلوة دي انا باحبها !!! Author: zola123 Date: 03-21-2005, 06:34 AM Parent: #37
ميادة الله يسلمك وربنا يسعد أيامك وقريب برضو تبقى أم انتي كمان تحياتي وحبي
شيري الحلوة تسلمي على طلتك الجميلة وتشريف البوست وربنا يحفظ والدتك ويطول عمرها
محمد الأمين حاول انت بس كل سنة وكل امهاتكم بخير وصحة
أبو الزفت تسلم اناش الله انت ضلوعك اتكسرت, نحن كيب تعرف عملت فينا شنو؟
Post: #40 Title: Re: الزولة الحلوة دي انا باحبها !!! Author: أبوالزفت Date: 03-21-2005, 06:07 AM Parent: #1
ربنا يخليك ويخليها ليك وكل سنة وهى بالف خير وعافية
وقولى لها أن أبوالزفت تبودرت أضلعه مش اتكسرت
Post: #48 Title: Re: الزولة الحلوة دي انا باحبها !!! Author: Tumadir Date: 03-21-2005, 06:42 AM Parent: #40
والزولة دى نحن لا نملك الا ان نحبها..
لانها جابت لينا الزولة دى...
لانها جميلة ولانها امك ولانك علمتك الحب...والكرامة والنبل..واهدتك لي الوطن ذخر وللانسانية عطاء ولينا حبيبة وصديقة....
رفعة الحاجب ....بتورى انها انسانة دمها خفيف جد."صاح"؟؟ ههههه عجبتنى غايتو..وتسلم البطن الجابتك يا زولة..
كل عام وهى وانتى بخير..وعافية ويديم الحب بيناتكم
Post: #49 Title: Re: الزولة الحلوة دي انا باحبها !!! Author: بلدى يا حبوب Date: 03-21-2005, 06:47 AM Parent: #1
زوله123
كل عام والزولة الحلوة الفى الصورة طيبة متعها الله تعالى بتمام الصحة والسعادة وكل سنة وكل ام طيبة حتى الاموات منهم نور الله قبورهم تحياتى
Post: #50 Title: Re: الزولة الحلوة دي انا باحبها !!! Author: willeim andrea Date: 03-21-2005, 07:03 AM Parent: #1
ياسلام ... كل سنه يادكتورتنا العسل انتي وامك وكل الاهل وكل امهات السودان والعالم بالف الف خير هم فعلا راحت البال .... الملجا والوطن ودمتي
Post: #62 Title: Re: الزولة الحلوة دي انا باحبها !!! Author: zola123 Date: 03-22-2005, 05:42 AM Parent: #50
تماضر الحبيبة تسلمي على الطلة الجميلة وكلامك الحلو وماما انبسطت منك شديد وهي بالفعل زولة ظريفة, مع ان رفعة الحاجب دي مشكلة صحية لاكنها مازالت جميلة في نظري ونظر الجميع تسلمي وربنا يفرحك بنجاح وصلاح أولادك دايما
بلدي يا حبوب الله يخليك ويخلي ليك كل أحبابك وكل سنة وانت بخير
وليام اندريا ربنا يخلي كل الأمهات وما يحرم زول من عطفهم وحبهم كل سنة وانت بالف عافية
Post: #51 Title: Re: الزولة الحلوة دي انا باحبها !!! Author: لؤى Date: 03-21-2005, 08:01 AM Parent: #1
زولة كل سنة وانتي وماما وكل الأمّهات بألف خير يارب ..
Post: #52 Title: Re: الزولة الحلوة دي انا باحبها !!! Author: الجندرية Date: 03-21-2005, 08:15 AM Parent: #1
ربنا يحفظها يا زولة كل سنة وانت اظرف زولة بوست ظريف يشبهك الخالق الناطق
Post: #53 Title: Re: الزولة الحلوة دي انا باحبها !!! Author: ملكة سبأ Date: 03-21-2005, 09:19 AM Parent: #52
جيت راجعة عشان اقول ليك يا زولا .. لو نزلت صورة أمى (وهى جكسوية) ... سجيمان ح يشيل حالى ساكت و يفتح عشرمية بوست.. و خلى بالك انها كانت بتلبس (موضة) ...و موضة الخمسينيات من القرن الفائت كمان ,, بتاعت نادية لطفى و شادية-..
Post: #66 Title: Re: الزولة الحلوة دي انا باحبها !!! Author: zola123 Date: 03-22-2005, 05:52 AM Parent: #59
سهام موسى تسلمي يا غالية والسنة الجاية عندك بت أحلى من الفي البروفيل
معتصم الطاهر ربنا يخليك ويفرحك بأولادك دايما
أوتكاست نزلي صورة ماما ولا يهمك, سجيمان أنا باضمنه ليكم انا زاتي حافتش صورة ليماما وهي صغيرة عشان تشوفي اني باشبها كيف تسلمي يا غالية
ام السرور...لكن يا زولة الواحدة تجيب ليها واحدة شبه باسكال مشعلان(ما اكون ظلمت امك) وتقولى دى ماما..الله يخلى ليك امك وبعدين ابوك قولى ليه صديق ده هاظار ما يقوم يجينى بالماسنجر التحية لكل امهات السودان ولك وان جاءت متاخرة،،،
Post: #61 Title: Re: الزولة الحلوة دي انا باحبها !!! Author: معتصم دفع الله Date: 03-21-2005, 04:18 PM Parent: #60
الغالية زولا
تحياتي وسلامي .. كل سنة والوالدة وكل أمهاتنا بألف خير ..
Post: #65 Title: Re: الزولة الحلوة دي انا باحبها !!! Author: Sakotaweya Date: 03-22-2005, 05:51 AM Parent: #1
الغاليه زولا
كل عام و ماما و أمهات الجميع بكل خير ..
ربنا يحفظك ليها .. و يخليها لينا كلنا
عليكي الله سلمي لي عليها شديد
Post: #67 Title: Re: الزولة الحلوة دي انا باحبها !!! Author: zola123 Date: 03-22-2005, 05:55 AM Parent: #65
صديق الموج باسكال شنو البيجيبها للحلاوة دي كلها تسلم وكل سنة وكل أمهات السودان بخير ومبروك صورة البروفيل الجديدة
معتصم دفع الله ربنا يخلي ليك والدتك ويخليك ليها وكل سنة وهي بألف عافية
سارة شاطر الساكوتاوية تسلمي يا غالية حاسلم عليها اكيييد وربنا يخلي ليكي والدتك العزيزة ويفرحها بذريتك الصالحة عن قريب
Post: #68 Title: Re: الزولة الحلوة دي انا باحبها !!! Author: عبد المنعم سيد احمد Date: 03-22-2005, 05:40 PM Parent: #67
لك التحية لك د/زولة والتحية لوالدتك فى عيد الام وللاسرة الكريمة
.. الله يخليها ليكم وانشاء الله دايما هى وكل امهاتنا الحنونات بصحة وعافية
