ساريه وسيرين : (50 الف مشجع لن يشفعوا للترجي امام الهلال ) !!! بأذن الله منتصرين.

ساريه وسيرين .... شباب حلوين
رافعين لى روؤسنا ... دقر يا عين.
أن هذه الأمه التى يأتى من بين أبنائها أمثال هؤلاء يجب الا تعرف طعما للهزيمه.
أهنى الأستاذه/ تماضر ، على هذا الأنجاز الذى حققته امراة سودانيه وقدمت للعالم هذا النجاح المجسد فى شباب هم رجال ونساء المستقبل فى سودان ينعم بالحب والأخوة والعدالة والمساواة ، سودان الجمال والأفراح والأنتصارات.
ولتعذرنى فى أستخدامى لأسميهما، لا أهدف سوى الأعتزاز والأفتخار بهما، فى وقت يحضر نفسه فريق أحبه يمثل أكثر من 80% من جماهير الشعب السودانى، واحسب ان جميع افراد هذا الشعب يقفون معه بقلوبهم فى معركة لا تقل أهمية عن أى معركة فى أى مجال آخر.

Quote: قال سفيان الحيدوسي «تونسي» المدير الفني لفريق الهلال السوداني لكرة القدم «للكابتن» مساء امس من مقر الترجي بمعسكر السديرية ان الجمهور التونسي المعلن عنه «40 الف متفرجا» لمؤازرة الترجي لا يمثل شيئا للاعبيه الا انهم تعودوا علي الحضور وسط الثقل الجماهيري من خلال تجربة عريضة بالملاعب الافريقية المختلفة مع الاندية والمنتخب .. واربعون او خمسون الفا لن يشفعوا للترجي لانه لم يعد كما كان عليه في الماضي بعد التغييرات الجذرية علي قائمته ورحيل نجومه الكبار الي ملاعب اوربا وفي جولة الذهاب بامدرمان كان دون المستوي بدنيا وفنيا. اضاف الحيدوسي : «انا مدرب واقعي .. العب مع منافسي حسب الظروف بوضع استراتيجية محددة قياسا علي نتيجة الجولة الاولي .. واعرف كيف اقود العمليات داخل الارض وخارجها» .. اعتقد اننا وصلنا لمنسوب الجاهزية لتقديم افضل ما عندنا والمرور بفريقنا الي الامام. استدرك الحيدوسي بقوله «لكن المهمة صعبة علي الفريقين الكبيرين ، وهي بالضرورة اصعب علي الترجي من واقع تاخره بهدفين وخلو طرفه من النقاط زيادة علي الظروف الخاصة التي تحدق به ومنسوبيه «مشجعيه» لا يقبلون الخسارة ووداع بطولتهم المحببة. المهم انها تسعون دقيقة وتدور لمصلحة من يتعامل معها بدقة مع كل ثانية منها .. هكذا اختتم مدرب الهلال تصريحاته المتفائلة.

Quote: يمثل أكثر من 80% من جماهير الشعب السودانى،

يا راجــــــــــــــــــــــــــــــــــــــــــل



بتاعت محمد سليمان




حظاً وافر لكم و لنا

يا تاج السر ربنا يوفق ابطالنا ونهزم الترجي في عقر داره وناخذ بتارنا منو والكاس ما دايرنو زاتو ؟

اما يا Agab

قلت لي يا راجـــــــــــــــــــــــــــــــــــل بتاعت محمد سليمان الكفتهو بيها بتاعت نميري ديك ولا واحدة تانية

Quote: قلت لي يا راجـــــــــــــــــــــــــــــــــــل بتاعت محمد سليمان الكفتهو بيها بتاعت نميري ديك ولا واحدة تانية

العزيز خالد
ياها ذاتــــــــــــــــــــــــــــــــــــــا

Quote: يمثل أكثر من 80% من جماهير الشعب السودانى،

وال 20 % الباقية ياعجب برضو هلالاب زعلانين

تهانينا تاني لتماضر

وقلوبنا وأمانيا للهلال الملايين


والتحايا ليك تاج السر

كتـــرة بلا ثمرة

Quote: وال 20 % الباقية ياعجب برضو هلالاب زعلانين

أصلو ما بنزعل يا ملكة

وبرضو الوحيديين البنفرح كل الشعب السوداني

الأعزاء


عجب

خالد

ملكة سبأ

النصر لنا باذن الله ولولا خوفنا من أن نتهم بتعداد هلالى يشابه نتيجة أنتخابات عسكر العالم العربى

لدخلنا فى نسبة تتعدى ال 90% ، عشان كده ياعجب قرط على ال 80% دى أحسن ليك.

ساريه وسيرين عيال حلوين .... دايما غالبين.؟

لا ادرى تذكرت فجأة (ماما صفيه وبابا فزارى)....

علما بأننا من جيل (ركن الأطفال يقدمه عمكم مختااار).

رحم الله المبدع (الفكى عبدالرحمن).

منصورين .. وإن شاء الله فرحانين .. هنا في السودان وفي بلاد الزيتون

سيف كلى (أنيق الهلال) لك ودى
منصورين باذن الله ، ويكفينا انتصارا أن تقف تونسه بكل سمعتها الكرويه العالميه توحده ضد الزعيم لما أحدثه فيهم من شرخ وفوزه على أعز الأنيه عندهم بهدفين مع رأفة السودانيين المعروفه.
يكفينا أن تفتح الأبواب لدخول 65 الف متفرج يتقدمهم الجنس اللطيف (مجانا) ، وكأنهم داخلين الى احدى معارك الصحابة الأوائل.
وفى الغد سوف يفعل الزعيم ذلك أمام (ريال مدريد)، باذن الله.
يكفينا انتصارا اننا لو خرجنا من هذه المنافسه فسوف يكون ذلك على يدى افضل فريق أفريقى وعربى ، لا امام (تريعة البجا) القادم من مدغشقر ، الذى يعتبر الفوز عليه خساره طالما فاز هنالك ب 3/ 1 ، مع اعتذارى لأهلى بجبل أولياء.

اخرتا داير تتجوهل ياخى انت من زمن عمك تنقو كان خنفس ياستمونى برضو بحب ستمونى

الأخ تاج السر
بس كفاية نقرا حروفك و نحس بالفرح
وما أصعب العيش لولا فسحة الأمل
و دمت يا رائع

قرضابى (ياطعم العسل)

Quote: الأخ تاج السر بس كفاية نقرا حروفك و نحس بالفرح وما أصعب العيش لولا فسحة الأمل و دمت يا رائع

*** أن أمه بينها من يكتب مثل حروفك النديه يجب الا تذوق طعم الهزيمه.

ساريه وسيرين باقى من الزمن ساعتين!!!

Quote: ساريه وسيرين : (50 الف مشجع لن يشفعوا للترجي امام الهلال ) !!! بأذن الله منتصرين.

ياربى الزول ده قاصد بلن يشفعوا انهم كانو ناوين يدقو الشفع!!!!

انا كايس لى رؤيه!!

حظا اوفر في المرات القادمة ..... واتمني ان نكون واقعيين علي قدر مستوي الكرة السودانية ... ولا نبالغ في حالة الفوز بهدفين في ارضنا ونعلق الشماعة كالعادة في التحكيم .. في حالة الهزيمة بالخمسة والستة معقولة الحكم يتسبب في 5اهداف في ظرف ربع ساعة ..

السواى مو حداث

والله يا جمتعة انا شايف انو الكورة اتقدمت كتير جدا......ً قولي كيف؟
صمد دفاعنا دفاع الهلال طيلة فترة الشوط الاول ولم ياتي اي هدف الا في الشوط التاني، كما انه أدخل هدفا ًفي شباك الترجي بعكس المرة السابقه، بالاضافه الي انه قد ولجت شباكه فقط خمسة أهداف بانقاص هدف رغما عن انف الترجي وذلك يوضح استبسال ابطالنا ابطال الهلال وتقدمهم نعم ببطئ ولكننا حتما سنصل.......

سارية وسيرين... شباب حلوين.... دائما فايزين ... معليش نحنا المغلوبين

عاد لكن يا تاج السر الخشن طلعت ولا خشن ولا حاجة ..فى منتهى الرقه واللطافة..

ويوم كاسك نجى كدى نسوى ليك هلولة..

طبعا انا ساقطة كورة وقادة باسكت...ما ناقشة ابو النوم.....هههههه

حسة انتو كده فزنو؟؟


اكان كدى الف مبروك ورفعتو راسنا" نحن منو وراسنا كان وين؟؟ ....والله يخربنى ما عارفة...هههههههههههههه بس شكرا جزيلا ولك تحيات سارية وسيرين

حافظو على نفس المستوى