بعد غياب 14 سنه..السودان فى سطور

المطار:

* فساد و رشاوى و بلطجيه يملاون الصاله بحثا عن
ضحايا تحت سمع و بصر المسئولين.

*معظم العاملين فى الصاله يسعون للحصول على "بقشيش"
نظير خدمات بسيطه.

*الصاله كئيبه و متسخه و يبدو عدد العاملين اكثر من المسافرين.

الناس:

*فقر مدقع يسود الاغلبيه الساحقه ,معاناه شديده لتلبيه متطلبات الحياه اليوميه.

*شريحه كبيره من الطبقه المتوسطه تعتمد على دخل يومى من تشغيل امجاد(تدر حوالى 30 الف جنيه فى اليوم) او رقشه (حوالى 15 الف) او محل صغير او غيرها من "النقاطات"
هذه الشريحه تستطيع بصعوبه بالغه تغطيه تكاليف الحياه اليوميه.

*تغيير فظيع فى اخلاقيات الناس...
قسوه وبرود فى التعامل..
قلة ادب وانانيه فى قياده السيارات....
اتصل بى احدهم على الجوال و عندما اجبت بهلو سمعت صوت من الطرف الاخر
يصيح"عبدالجبار!عبدالجبار!" اجبته بكل ذوق النمره غلط...
طاخ قفل الخط بدون كلمه واحده...عالم وهم.

*اصبح مبدا القلع ظاهره طبيعيه وصار الاخ لا يثق فى اخيه.

*فى صاله المغادره ..جلس بجوارى شابين و بدوا بالتدخين بعد ان
تمعنو فى لوحه كبيره فى مواجهتم تقول"ممنوع التدخين"

نواصل

سلام وشكر ،

ألم الأنقاذ !! أشكى لمين أنا ???

مع الأعتذار للشاعر وفنانى المجيد ابراهيم عوض .

ست البنات .

اهلا وسهلا بالاخت ست البنات.
الشئ الحصل فى السودان ده لا يمكن تصوره.
تغيير كامل فى ضمير امه...
ربنا يلطف بهم
شكرا لمرورك الكريم

العزيز النصر أمين

كنت اعلم انك سوف تكتب لنا ...

فى انتظار المزيد ...

و حمدالله على السلامة، ان شاء الله الاهل كلهم طيبين.

و يا ريت لو تصف لينا الشعور برؤية الاهل بعد 14 عام و خصوصا انو

فى الـ14 سنة دى جوكم افراد جداد فى العائلة

تحياتى

الاخ النصري
حمدالله علي السلامة
هذه السطور تساوي صفحات ..انها
شاملة وذكية في وصف الحالة عموما
تحت نظام الانقاذيين...شكرا..واصل

الحبيب نصرى الحاصل أكثر سوءا مما تتصور شئ لا يصدق، فساد فى كل شئ ، اعمل حسابك أطلع سريع.
لو الظروف جابتك الأمارات فى الرجعه ح أحكى ليك ما تشيب له روؤس الأطفال !!!
لقد أجبرت الأنقاذ كثير من النساء الشريفات لكى يطعمن أطفالهن من أثداهن !!!!!!
ولا زال البعض يدافع ويساند الأنقاذ والمشروع الحضارى والشريعه الأسلاميه.
والله لو بصقنا على وجه كل من يؤيد النقاذ فذاك قليل قليل جدا.
تحياتى لك.

الاخ النصري

اولا حمدالله على السلامة وان شالله الاهل طيبين

تانيا ودا المهم السويته رقدت ياخى انا راجيك بى هنا وانت تجى وتطلع طوالى. على

العموم عزرك الوحيد انك ح تجى راجع تانى ....

تحياتى بسلامة الوصول

النصرى أمين
مرحب وحمد لله على سلامة العودة

Quote: * فساد و رشاوى و بلطجيه يملاون الصاله بحثا عن ضحايا تحت سمع و بصر المسئولين. *معظم العاملين فى الصاله يسعون للحصول على "بقشيش" نظير خدمات بسيطه. *تغيير فظيع فى اخلاقيات الناس...

دا معظمو من دا:

Quote: *فقر مدقع يسود الاغلبيه الساحقه ,معاناه شديده لتلبيه متطلبات الحياه اليوميه

.


إزالة السبب سوف يزيل معظم الآثار

والأهم إزالة سبب السبب
ماحضرت مسرحية الناس العملو قروش فى السودان ياالنصرى?
برضو ناس البورد يقولوا الرجال ياكلو سمسم ويسمعوا سمسم!!!

السطر الأخير دا خطرفة من وحى وصية منبرى لمنبريين .. ما عليك بيهو.. واصل

السودانى يا المهزوم
مأزوم من الغربة
شايل الوجع بالكوم
والعيشة فى كربة
من الدغش محتار
حق الدواء والعيش
لبن الوليد الجاع
لوليهو بس بيشويش
البوم سكن فى الدار
لابيمشى لابيرضا
كمل ولادك جور
حامى الأم الغمضة
وكل البلد حزنان
من وجعة لى وجعة
--

ست البنات.

Quote: المطار: * فساد و رشاوى و بلطجيه يملاون الصاله بحثا عن ضحايا تحت سمع و بصر المسئولين. *معظم العاملين فى الصاله يسعون للحصول على "بقشيش" نظير خدمات بسيطه. *الصاله كئيبه و متسخه و يبدو عدد العاملين اكثر من المسافرين. الناس: *فقر مدقع يسود الاغلبيه الساحقه ,معاناه شديده لتلبيه متطلبات الحياه اليوميه. *شريحه كبيره من الطبقه المتوسطه تعتمد على دخل يومى من تشغيل امجاد(تدر حوالى 30 الف جنيه فى اليوم) او رقشه (حوالى 15 الف) او محل صغير او غيرها من "النقاطات" هذه الشريحه تستطيع بصعوبه بالغه تغطيه تكاليف الحياه اليوميه. *تغيير فظيع فى اخلاقيات الناس... قسوه وبرود فى التعامل.. قلة ادب وانانيه فى قياده السيارات.... اتصل بى احدهم على الجوال و عندما اجبت بهلو سمعت صوت من الطرف الاخر يصيح"عبدالجبار!عبدالجبار!" اجبته بكل ذوق النمره غلط... طاخ قفل الخط بدون كلمه واحده...عالم وهم. *اصبح مبدا القلع ظاهره طبيعيه وصار الاخ لا يثق فى اخيه. *فى صاله المغادره ..جلس بجوارى شابين و بدوا بالتدخين بعد ان تمعنو فى لوحه كبيره فى مواجهتم تقول"ممنوع التدخين" --------------------------------------------------------------------------------

الحقيقة المحزنة ...
و كأسم البرنامج اللبنانى فى ال LBC :
بس.. مات وطن

الأخ العزيز النصري ....

الف حمد لله علي السلامه ...

شايفه الاحباط بالكوم..... يا أخي البركه في شوفة الاهل و الأطمئنان عليهم

مها بشير

أخي النصري
حمدلله علي السلامة
واصل و سأعود للتعليق



لكن إين النصف المليان

لك ودي
وليد العجب

العزيز النصرى
اسعدالله اوقاتك بكل الخير

Quote: المطار: * فساد و رشاوى و بلطجيه يملاون الصاله بحثا عن ضحايا تحت سمع و بصر المسئولين. *معظم العاملين فى الصاله يسعون للحصول على "بقشيش" نظير خدمات بسيطه. *الصاله كئيبه و متسخه و يبدو عدد العاملين اكثر من المسافرين.

قد تكون نزلت فى مطار اخر .وقد تقيم درجة النظافة بالمكان الذى تعيش فيه.
لكن العاملين فى المطار لم يحالفك الصواب فى وصفك وده راى فيهم.
الانسان السودانى يظل كما هو رغم تغير ظروف كثيرة من حوله.
مع تحياتى

النصري حمد لله على السلامة
عشان كدا قالوا الناس الليهم أكتر من خمسة سنة ما مشوا السودان أحسن ما يرجعوا
عشان ما يبقوا زي أهل الكهف
أها تاني بترجع؟

النصري واصل.

طبعاً في البعض العاوزك تتحدث عن بعض الشوارع المرصوفة في الخرطوم وليس على امتداد السودان (على حساب التعليم المجاني)، وبعض الجوامع الفخمة المنتصبة في الأحياء الفقيرة (على حساب المستشفيات)، والعربات المتخمة (على حساب المواصلات العامة).

ربــما تكون بحاجة لأنْ تتحدث لنا عن سودان لا تراه أنت ولا نراه نحن، بل يرونه هم بتلك الأعين الأنانية والموغلة في الدفاع عن (صرح لا علاقة له بالمواطن/الإنسان).

نعرف تماماً المنظور الذي تتـنـاول من خلاله ملاحظاتك.

واصل يا أخي.

أخي الحبيب النصري
أُعيد لك الرد علي مداخلتك في بوست آخر

Quote: حاولت الاتصال بك اثناء زيارتى القصيره جدا جدا للسودان و لكن لم افلح.

الحبيب النصري

ولا بصدق !!!!!!!!!!!!!!!
!!!!!!!!!!!!!!!!!!!!!!!
تجي السودان ونحنا ما نقابلك والله ده لوم عدييييييل منك
ياأخي دي 16 سنة غياب وبرضو زيارة سريعة ما تدينا خبر
والله نشتكيك لي حقوق الإنسان

أنا اليوم كنت ناوي أفتح بوست نشوفك وين إختفيت
ولكن البركة الزهور الجابتك.

أظنها عاوزا ليها تلفون عدييل كده

إلي لقاء

إسماعيل حميم

WOW

ياسلام...

انا سعيد جدا بمداخلاتكم جميعا...

ساحاول ان ارد عليكم فردا فردا و لكن اخشى افساد
البوست بالكلام الكتير..فمعظم القراء يفضلون الكلام
القليل الدسم.....

نبدا بالاخ محمد الامين احمد
لم استطع التعرف على معظم افراد الاسره من الجيل الجديد
و طلبت منهم وضع ديباجه عليها اسمائهم...كانت لحظات مؤثره
جدا جدا (دموع و بكاء و ناس غمرت)
شكرا ليك و لعشمك فى


الاخ عمر
شكرا ليك
ساواصل كتابة انطباعاتى عن السودان بعد الرد على المداخلات.
شكرا ليك مره تانيه.


الاخ تاج السر
كنت اتمنى زياره الامارات ولكن...
انا اتخارجت من السودان من يومين واكتب الان من كندا..
الشئ الحصل ده ما اظنو مسئوليه حكومه بس..
كدى النرد على الاخوان و نجيك راجعين..


الاخ ودالعباسيه
اشعر ببعض الحرج لعدم لقائ ببورداب الدوحه..
فكما تعرف كنت اسكن فى الخور و رائت ان هناك مشقه وتكلفه للناس الحضور
هناك ..انشالله المره الجايه.

الاخ بله
شكرا للترحيب
وشايفك ما قصرت فى غيابنا
بس اعمل حسابك المنبر ده ممكن تدمنو
ونبقى فى الحلاك المره الفاتت(يحلنا الحل بله)
شكرا ليك

الاخت ست البنات
شكرا للقصيده المعبره

الاخت اوتكاست
بعض المناظر فى السودان ينفطر لها القلب الما
هل تصدقين ان الازيار والكوز المربوط بدباره ما زالت منتشره فى
السودان...يستعمل الجميع نفس الكوز...ربنا حافظهم بس
شكرا ليك

الاخت مها بشير
فعلا و الله شوفة الاهل بالدنيا..
هناك الكثير من الاشراقات ساسردها فى نهاية البوست.
شكرا ليك

الاخ العجب العريس
اصبر لى شويه..و ساحكى عن النصف المليان بصدق.
شكرا ليك

الاخ هشام
صدقنى ملاحظاتى حول المطار تمثل وجهة نظرى الحقيقيه
دون قصد او ترصد..
الصاله وسخانه بمعنى الكلمه ولا تلائم مطار دولى..
ياخى لو بس غسلو الارضيه و ضربو جير جديد يكون فى تحسن..
اما عن القلع فى الصاله فيمكنك سؤال اى من المسافرين..اعتقد انهم
يختارون ضحاياهم بعنايه شديده.

الاخ محمد السر
طبعا برجع و ده ليهو علاقه بالاشراقات الفى البلد
شكرا ليك

الاخ اسماعيل التاج
شاهت واحد من اميز المساجد فى امدرمان فى ظلام دامس ماعدا لمبتين نايلون
فى منتصف المئذنه...قالو لى ان السبب تقشف فى الاستهلاك..
فى نفس الوقت تجد شوارع قلب الخرطوم مضيئه كانها باريس بالليل.
شئ عجيب حقا
شكرا لمرورك الكريم

الاخ اسماعيل حميم
ازيك يادفعه
معليش.. بس انشالله مانتلوم المره الجايه
تحياتى ليك و للاسره الكريمه

سلامات يا النصري؛

Quote: هل تصدقين ان الازيار والكوز المربوط بدباره ما زالت منتشره فى السودان...يستعمل الجميع نفس الكوز...ربنا حافظهم بس

في دي بقى عندك حق؛

و هل يمكنك ان تتصور انو الناس لحدي اسه؛

بتاكل مع بعض في صحن واحد؛

و يستعملون ايديهم في الاكل.

مكرر

مكرر

مكرر

Quote: بعض المناظر فى السودان ينفطر لها القلب الما هل تصدقين ان الازيار والكوز المربوط بدباره ما زالت منتشره فى السودان...يستعمل الجميع نفس الكوز...ربنا حافظهم بس

تاني شنو بالله يا النصري غير الازياز

و الكيزان المربوطة بدبارة.

المقصود الازيار.

و انا برضو - مرة مرة كدا -

بشوف ناس بيخمسوا نفس السيجارة.

النصرى
صباحات أمريكا
عليك
قلت لى:

Quote: بس اعمل حسابك المنبر ده ممكن تدمنو ونبقى فى الحلاك المره الفاتت(يحلنا الحل بله)

ياخوى إنت أقدم منى باقيلك الحقن دى مورفين ولا كوكين
والله مع بلاويها الإدمانية كمان طعنتا حارة خلاص والبعض منها بتنقل أمراض نسعل الله السلامة
بالجد دى نصيحة أنا محتاج ليها برك الله فيك
لكن نصيحتى ليك إنطباعاتك دى لو بتكتب فيها من السودان أجلا قبال لايزروك ونحنا والله هنا ماعندنا ليك غير التوقيعات لإطلاق صراحك.

و كباية الشاي برضو مرات بيخمسوها.

ياخي دي بلد منتهية.

الاستاذ حسين ملاسى

لو كانت لى سلطات وزير الصحه لمنعت بقرار وزارى
وضع اى زير فى الشارع العام الا بضوابط صارمه
منعا لانتشار الامراض خاصه ان العلاج اصبح غير متوفر
للجميع.
بناء المجتمع يبدا اولا و اخيرا بصحه المواطن.
الصحه هى الاساس و بعد ذلك تاتى التوجهات الحضاريه.

اما تعليقك عن التدخين و المشاركه فى الطعام فهى خفة دم سخيفه
مرفوضه منى.

الاخ العزيز بله
شكرا لمرورك الكريم
بجيك راجع

Quote: لو كانت لى سلطات وزير الصحه لمنعت بقرار وزارى وضع اى زير فى الشارع العام الا بضوابط صارمه

اعتبر نفسك وزير صحة؛ و ورينا الضوابط الصارمة

دي حتكون كيف؛ بس اوعك تقول لي اكواب بلاستيكية.

و بعدين؛

وزير الصحة دخلو شنو بالازيار الفي الشوارع؛

و ضوابطها الصارمة؛

احتمال تكون بتقصد " لو كنت ضابط صحة ".

نواصل

التعليم:
كانت المدرسه الابتدائيه فى ذمننا تجمع ابن الوزير و الخفير
الغنى و الفقير,الشمالى و الجنوبى,ليست هناك فروقات بيننا
ونحن نجلس فى تلك الكنبه الطويله.
الان اختلف الامر تماما.
انهارت المدارس الحكوميه تماما بعد ان رفعت الحكومه يدها عنها.
اصبح الاغنياء يذهبون لمدارس و الفقراء لمدارس اخرى.اختفى التماذج بين
طبقات المجتمع فى المدارس مما قد يؤثر سلبا فى المستقبل
اصبح بامكان اى راسمالى فتح مدرسه..
واصبحت المدارس الحكوميه منبوذه ومهمله.

اما التعليم الجامعى فاصبح اماكن لتفريخ خريجين
غير مؤهلين.
تحدثت مع احد خريجى كليه الاداب تخصص لغة انجليزيه
وطلبت منه السماح لى بتقييم مستواه فى اللغه..
كانت المفاجاه...مستوى ضعيف بشكل مبالغ
اظنه يساوى مستوى خريج الثانوى العام فى السبعينات او الثمانينات.

اعتقد ان انهيار التعليم اسؤا نتائج الانقاذ,تليه الخدمات الصحيه

Quote: لو كانت لى سلطات وزير الصحه لمنعت بقرار وزارى وضع اى زير فى الشارع العام الا بضوابط صارمه

زمان قريت قصة خيالية؛ اظنها ليوسف السباعي؛

بس ما متأكد؛ كان اسمها:

ادارة عموم الزير.

الحبيب النصري:

سيأتى مجلس ثانى
بعد المجلس الأول
ويأتى مجلس ثالث
بعد المجلس الثانى
و نفس يميننا الرجعى
و نفس يسارنا القانى
و نفس العسكر العسكر
ونفس الحزب
نفس القائد الملهم
و نفس الوجه والمنظر
و نفس ضياعنا المزرى
و الخطوات تتعثر
و نفس البنك و الدولار
نفس اللجنة الأولى
و الاعلام و الوجهاء
و الجهلاء باسم الدين
نفس القوم و المعشر..

Quote: الاخ العجب العريس اصبر لى شويه..و ساحكى عن النصف المليان بصدق. شكرا ليك

كنت واثق من ده لكن بس قلت أذكرك
لانو الناس دوما بيتكلموا عن النصف الفارغ زي كانو كلامهم حيزيل الإنقاذ والعملتو
وينسوا إنو ده السودان وطنا البإسمو كتبنا و رطننا


واصل و نحن معاك

تخريمة صغيرة:
ما جاك إحساس عدم الإنتماء تاني يوم
الناس بتنضم في حاجات بالنسبة لك كلام الطير في الباقير ولمن إنت تتكلم يعاينو لك كتر كتر

يا سلام عليك يادكتور
جيتك دى و قصيدتك بالدنيا
شكرا ليك


الاخ العجب
شكرا ليك
وصدقنى ساحاول سرد الايجابيات بصدق
النصرى

العزيز

النصرى


الف حمدا لله على السلامه

Quote: *فقر مدقع يسود الاغلبيه الساحقه ,معاناه شديده لتلبيه متطلبات الحياه اليوميه.

شفت كيف؟

ده بيت الداء

واصل هنا ما تتلفت جاى والله جاى



شكرا ليك

Salam Alnasri
Hamdilla Ala alsalama
Will talk to U ISA

Quote: لقد أجبرت الأنقاذ كثير من النساء الشريفات لكى يطعمن أطفالهن من أثداهن !!!!!!

This is what the intellectual Hassan Mekki said some five years back
It is well known that he is the Historian man of NIF
It is really true ya Taj

الاخ النصرى أمين,,

ملاحظاتك عن المطار .. أتفق معها 100% .. منذ تواجدى خارج السودان قمت بزيارة السودان مرتين .. و فى كل مرة .. أجد فى انتظارى هذا المطار بنفس منظره المقزز و عامليه اللذين لا اعرف كيف اصفهم الا بأن أقول .. "من أين اتى هؤلاء" ...
و أما عن اصطياد هؤلاء العاملين لضحاياهم فأعلمه جيدا.. فقد كنت أحدى الصحايا ..
أول زيارة لى للسودان بعد غياب قارب السبع سنين كانت رحلة جد مهلكة .. قضيت اكثر من ثلاثين ساعة ما بين طيران و انتظارات فى مطارات ., ومعى طفلتى ذات السنتين ... وصلت مطار الخرطوم .. ورأيت منظر الصالة و حالة العاملين و معاملتهم للبنى آدمين .. ومع كل التعب من الرحلة و بكاء و حوادث الصغيرة اثناء تلك الرحلة "المهببة" .. ابتدأت صغيرتى فى النحيب و عندها لم اتمالك نفسى من البكاء .. لا أدرى حتى الان هل كنت أبكى من التعب و الارهاق النفس و الجسدى من الرحلة الطويلة و بصحبة طفلة ,, ام اننى كنت أبكى لما كان حولى .. للحيط المتسخة و الارضية الاكثر اتساخا .. وللكأبة اللتى هبطت على من بشاعة المنظر حولى ..
المهم .. لا حظ بعضهم اننى فى حالة انهيار جسدى و معنوى و معى طفلة ترتعد فى كتفى من البكاء (كانت فى حالة شبه هستيرية ,, وا ظنها استغربت المكان و الناس) ...تقدم احدهم نحوى و عرض على المساعدة .. لم امانع قط .. فقد كنت مثل الغريق اللذى يتعلق بقشة ...
قام هذا الرجل (بمساعدة البعض) بأكمال اجراءاتى و تولى اخراج العفش .. و سألته بعد ذلك عن المقابل اللذى يريده لهذه المساعدة .. تردد قليلا .. وبعدها قال لى .. "خمسين دولار" ... طبعا فتحت فمى من الدهشة وقلت فى نفسى "بقشيش بخمسين دولار" ... ولكننى .. ولاننى كنت فى حالة لا تسمح بأى فصال .. بل و كنت أشعر بأرتياح خيالى لخروجى من تلك الحفرة .. أقصد الصالة اللعينة .. لم اتردد فى منحه ما طلب ....
والبعض ما زال مصرا لانكار ما يحدث فى المطار من مهازل... التستر على مثل هذه الاحوال المائلة لا يعين سوداننا .. أتمنى انه يكون لدينا القليل من الصدق مع النفس بدلا عن دفن الرؤس فى الرمال ...

الحقيقة هى ...وساخة و سوء معاملة و ارزقية منتشرين فى كل ركن ..للاسف

و أتفق معك ايضا ان هناك مشكلة رئيسية و تستحق علاج سريع و جدى .. الا وهى .. مشكلة تردى صحة البيئة ... هناك وضع فى غاية التردى .. ذباب و ناموس وو قاذورات فى كل مكان .. و المضحك المبكى انه لا أحد يهتم بهذا الموضوع .. بل و لا اعتقد انه فى اى انسان بداية من الرئيس و الوزير ونهاية بادنى درجات السلم الاجتماعى لديه ادنى اهتمام او حتى احساس بانه فى حاجة غلط ..
قلت لهم اول مرة عندما وصلت .. "لا أدرى هل أننى تعودت على النظافة .. ام أن البلد اصبحت اكثر أتساخا" .. قالوا لى بغضب .." لا .. انت من تغيرت" ولكنى استطيع ان اجزم ان الحالة فى تردى مريع ... نعم .. قمنا و المجارى طافحة من حولنا .. وتعودنا على المشى فى المحطة الوسطى وسط المجزومين و اكوام الذباب و المياه الراكدة .. لكن الوضع بالطبع اصبح اكثر ترديا لا سباب عدة .. اقلها ان أعداد من يعيشون او يعملون بالخرطوم اليوم تضاعفت مرات و مرات عما كانت عليه حينما كنا نرتاد تلك الاماكن ....

و ارجو ايضا ان لا نقاوح فى الحقيقة .. "الله لا يغير ما بقوم حتى يغيروا ما بأنفسهم"

مكرر

الاخ النصرى
دبايوا
اهلا بيك وعودا حميدا
كنت بفتش ليك فى اليومين الفاتو اتاريك فى السودان و ماتقول لينا
والحمد لله انك لقيت السودان ذاتو حكاية الخراب والدمار دى سنة الجبهة.

العزيز النصري
حمد الله على السلامة

لمّا تفوق كلّمني عشان أجيك راجع ..

الاخ النصري حمداللة على السلامة وانشاءلله تكون وجدت كل الاهل بخير هذا من اجمل البوستات واتمنى ان يفتح الباب لنقاش عن الاشياء السالبة فى بلدنا الحبيب.

الاخ فجراوى
شكرا لمرورك الكريم...
الفقر هو جوهر المشكله ثم النظام الاجتماعى و الحكومى
ليزيد المشكله تعقيدا...
اذا كان هذا هو الحال فى العاصمه كيف يعيش الناس
فى الاقاليم خاصه المناطق المتاثره بالحرب؟؟؟

:
:
:
:
نحمدالله على كل لقمه نتبلعها....
وعلى كل كوب ماء صحى....
وعلى طبيب ينتظر اشاره منا لرؤيته...
على تعليم متوفر و معقول....
على الشعور بامان من تجسس او ترصد..
نحمد الله اننا لا نعانى كما يعانى اهلنا و جيراننا معارفنا وحبايبنا...
نحمدالله على كل شئ.
كان الله فى عونهم.

الاخ الحليله
والله ياصديقى ان درجه المعاناه التى رائتها هناك تفوق حد الوصف.
لا ادعى ان الجميع يعانون و لكن ان الذين يعانون تصل معاناتهم لدرجه
الموت البطئ.
تحياتى ليك و لبقيه الاسره.


الاخت اوتكاست
لقد طلبوا منى مبلغ 100 دولار نظير مساعدتى,يبدو اننى كنت داكش
و ما ناقش حاجه مما اغراهم بالمطالبه بهذا المبلغ الكبير.
حكى لى احد الاصدقاء..
ان احد مغتربى السعوديه رجع للسودان بعد غيبه طويله...
وعند خروجه من المطار قابله شقيقه فى موقف العربات..
ساله شقيقه كيف مرت الامور فى المطار؟
اجاب المغترب"كلو تمام التمام,اعطيتهم 3 الف ريال نظير مساعدتى"
رجع الشقيق هائجا للصاله مهددا بتصعيد الامر
الا ان الاجاويد تدخلو لتسويه الامر ,وفعلا تم التعرف على البلطجيه
وارجاع المبلغ و قفل الملف عند هذا لحد.
اتمنى ان يقرا المسؤولين هذا البوست لمعالجة هذه الظاهره.
شكرا ليك مره تانيه.

في اخر اجازة قضيتها في السودان قبل عودتي النهائية؛

ذهبت لزيارة صديقي حاتم مصطفى؛ ذات نهار قائظ؛

و اصطحبت معي ابني الصغير؛ لرغبتي في ان يتعرف على

اعز اصدقائي.

المهم اول ما دخلنا و سلمنا؛ قام محمد صلاح - ابن خال حاتم -

عشان يحيب حاجة باردة؛ انا عرفتو قايم يجيب حاجة باردة؛

قمتا قلت ليهو:

عليك الله يا محمد جيب لينا موية زرقا؛ عشان الحر دا مافيهو

حاجة بتروي الزول غير الموية الزرقا.

قام سألني :

بتشربوا من موية البيت و لا اجيب ليكم موية من الدكان.

بيقصد تلك المياه المعبأة زي ناس صافية و كريستال.

ضحكتا و قلتا ليهو :

ليه ..... شايف علينا شنو ‍‍‍‍

قال لي ابداً؛ بس في ناس كتار بيجو في الاجازات و ما بيشربوا

الا من هذه المياه المعبأة.

_______

و كنت اظنه يمزح.

خالص التحايا..
النصرى
وحمد الف 1000 على السلامه واتمنى تكون لقيت الاهل بخير لانو من كلامك البلد ما عجبتك تب اظنك ماشفتها فى الا الجانب المظلم غايتو انا السودان بى بشناتنو لو خيرونى برجع فيهو .. بس النخلص بس

يازول ماتهتم وارجو ان تكون انبسطه..

اختلاف وجهات نظر فقط...


ومداخلة الى ملاسى..

Quote: قال لي ابداً؛ بس في ناس كتار بيجو في الاجازات و ما بيشربوا الا من هذه المياه المعبأة.

تعرف كلامك ده بيلغ جدا تعبير فيهو كلام كتير..

يااااااااااااه

يا ملاسى

عندما لعب الهلال مع سانتوس فى السبعينات شواطين نام لى اللاعب الدولى والأسطورة بيليه فى صفحتو أى كورة تجيهو يشتتا. بيليه طلع ترك ليهو الملعب.
الغريبة مشجعين الهلال كانوا زعلانين من شواطين عشان ما خلاهم إستمتعوا باللاعب الأسطورة دا.

فإنت ياحبيبى فك القفلة شوية وما تشتت الكورة خلينا نستمتع حتى لو إتغلبنا

اخي الفاضل النصري

السلام عليكم ورحمة الله ..

لم تكن سطورك تحمل السودان ابدا اخي ..هي سلبيات كما ذكرت ..ولكن سردتها بنفسية معاناة شخصية عممت ولم تخصص ..المطار نتفق معك علي ما ذكرت ولكن هذه البلطجة التي ذكرت لم تقابلني ولا مرة وقد سافرت كثيرا ولم اتعرض لها ..وصراحة تعميمك هذا جعلني افتش عن هذا السودان الذي تتحدث عنه بهذه السوداوية ..وما ذنبنا اذا كانت بلدنا حقل تجارب لساسة " ما خافوا الله فينا" وماذنب ملايين تفرقت بهم السبل خارج البلاد" لتخلع " قلوبهم بهذه الجوانب المظلمة ..والتي رغمها نعيش ..نعم اخي نحيا ونتنفس هواء نظيفا جل الوقت وهو ونحمد الله من عند الله واحلي هوا ..ولعمري لم احس بالراحة يوما ولا بجمال هوا غير في السودان " الوسخان" دا ..تعجبنا الدول الأخري ونتمني بلادنا ان ترتقي ولو لنصف ما بها ..نعم ولكن لا ننبذها ونهرب منها لأن ولأن ..والي متي سنحيا في بلاد الناس وهو العمر نفسه كم؟ ليتوزع في بلاد الله عشان الزير والغير الزير ودا ما كلو من الجوه والبره علي حد سوا أي فعل الإنسان والله لا يغير ما بقوم حتى يغيروا ما بأنفسهم ..ياخي ربنا يصلحنا ويجملنا زي خلق الله بس عليكم الله ما تصعبوا علي نفسكم وعلينا فما اجمل ان نكون جميعا بالداخل ونصلح ونعمر ونسوي وننظف وننهر البقيف في وشنا وننتفض زي ما عملناها قبل دا عشان " اولادنا تتعلم" ونبني مكان " السجن مستشفي" ..ونغير المعادلة العجيبة:
الفقر والجهل والشنة في كوم والغني والعلم والسماحة في كوم ..عشان " نشك الكوم دا ونلخبط "ابوه" ونعدلوا ما نقعد في المصاطب ونجي بعد سنين عددا ننتقد ناس لقوها سايبة والمال السايب يعلم السرقة ..ورغم ذلك يا اخوانا نحنا في السودان نهوى اوطاننا وان رحلنا بعيد نطري حبانا وهذا مربط الفرس " حبانا" وهو انسان السودان البسيط الثروة التي يجب ان "نلحقا" بهدم الفقر الذي يحول ويدور النفوس اللهم ابعده عنا وعن بلادنا..

تسلم يا اخي وربنايجيبك تاني وتلقي الورود والزهور والوجه الحسن والمعاملة الحسنة

الاخت د/هــاله ألأحمـــدي
ماساه الاطفال فى السودان تفوق ماساه النساء بكثير..
اطفال تحت سن العاشره لا يذهبون لمدارس... بعضهم يعمل فى السوق
كصبيان للمحلات التجاريه وكثير منهم بلا عمل او اسره...
المجتمع لا ينظر اليهم كبشر ,هم فقط اغنام فى نظر المجتمع ..

دعانى احد الاصدقاء لتناول وجبه سمك فى احدى"المحلات"فى الثوره
وبعد ان خلصنا وهممنا بالقيام التف حولنا بعض الاطفال يريدون
ما تبقى من "شوك"..بدات فى جمع بقايا الطعام لاعطائها لهم
ولكن ظهر صاحب "الدكان" وبدا فى نهر الاطفال طالبا منهم الابتعاد عن المكان ..
سمعت احدهم و هو يطنطن"ياكى جاايين ياكى..ادينا ناكل..ده شنو ده"
لاتزيد اعمارهم عن العاشره.
هل نحلم يوما بمجتمع معافى ..تخلو منه الاميه
لا اظن

الاخ هاشم
يسال منك الخير
شكرا لسؤالك عنا
وربنا يحقق كل الامنيات

الاخ الفنان لؤى
انا فقت و رقت دلوقت
وحقيقه قضيت اجازه رائعه فى السودان
لم يعكرها الا مناظر الاسى و الحرمان فى عيون الناس
انا فى انتظارك

الاخ سيف الدين
بدات فى ذكر العيوب لان اثارها مدمره,بعضها قابل
للاصلاح مثل التعليم و بعضها الله اعلم (الفساد مثالا)
شكرا ليك

الاخ معتز
البلد لسه بلدنا و لسه بنريدا
وحيجى يوم نرجع كلنا
متين؟ الله اعلم
شكرا ليك

Quote: فإنت ياحبيبى فك القفلة شوية وما تشتت الكورة خلينا نستمتع حتى لو إتغلبنا

جداً يا بله؛

شواطين زاتو حيشتت؛ عشان بيليه يغلب الهلال؛

بس اوعك من الاوفسايد.

حمدا لله علي السلامه يا استاذ النصري...

وا نشاء الله الاهل كلهم عال العال..

كل التحايا للاسرة,,,

الحالمة بنت النبل

Quote: اخي الفاضل النصري السلام عليكم ورحمة الله .. لم تكن سطورك تحمل السودان ابدا اخي ..هي سلبيات كما ذكرت ..ولكن سردتها بنفسية معاناة شخصية عممت ولم تخصص ..المطار نتفق معك علي ما ذكرت ولكن هذه البلطجة التي ذكرت لم تقابلني ولا مرة وقد سافرت كثيرا ولم اتعرض لها ..وصراحة تعميمك هذا جعلني افتش عن هذا السودان الذي تتحدث عنه بهذه السوداوية ..وما ذنبنا اذا كانت بلدنا حقل تجارب لساسة " ما خافوا الله فينا" وماذنب ملايين تفرقت بهم السبل خارج البلاد" لتخلع " قلوبهم بهذه الجوانب المظلمة ..والتي رغمها نعيش ..نعم اخي نحيا ونتنفس هواء نظيفا جل الوقت وهو ونحمد الله من عند الله واحلي هوا ..ولعمري لم احس بالراحة يوما ولا بجمال هوا غير في السودان " الوسخان" دا ..تعجبنا الدول الأخري ونتمني بلادنا ان ترتقي ولو لنصف ما بها ..نعم ولكن لا ننبذها ونهرب منها لأن ولأن ..والي متي سنحيا في بلاد الناس وهو العمر نفسه كم؟ ليتوزع في بلاد الله عشان الزير والغير الزير ودا ما كلو من الجوه والبره علي حد سوا أي فعل الإنسان والله لا يغير ما بقوم حتى يغيروا ما بأنفسهم ..ياخي ربنا يصلحنا ويجملنا زي خلق الله بس عليكم الله ما تصعبوا علي نفسكم وعلينا فما اجمل ان نكون جميعا بالداخل ونصلح ونعمر ونسوي وننظف وننهر البقيف في وشنا وننتفض زي ما عملناها قبل دا عشان " اولادنا تتعلم" ونبني مكان " السجن مستشفي" ..ونغير المعادلة العجيبة: الفقر والجهل والشنة في كوم والغني والعلم والسماحة في كوم ..عشان " نشك الكوم دا ونلخبط "ابوه" ونعدلوا ما نقعد في المصاطب ونجي بعد سنين عددا ننتقد ناس لقوها سايبة والمال السايب يعلم السرقة ..ورغم ذلك يا اخوانا نحنا في السودان نهوى اوطاننا وان رحلنا بعيد نطري حبانا وهذا مربط الفرس " حبانا" وهو انسان السودان البسيط الثروة التي يجب ان "نلحقا" بهدم الفقر الذي يحول ويدور النفوس اللهم ابعده عنا وعن بلادنا.. تسلم يا اخي وربنايجيبك تاني وتلقي الورود والزهور والوجه الحسن والمعاملة الحسنة

الواقعي النصري

Quote: ماساه الاطفال فى السودان تفوق ماساه النساء بكثير.. اطفال تحت سن العاشره لا يذهبون لمدارس... بعضهم يعمل فى السوق كصبيان للمحلات التجاريه وكثير منهم بلا عمل او اسره... المجتمع لا ينظر اليهم كبشر ,هم فقط اغنام فى نظر المجتمع .. دعانى احد الاصدقاء لتناول وجبه سمك فى احدى"المحلات"فى الثوره وبعد ان خلصنا وهممنا بالقيام التف حولنا بعض الاطفال يريدون ما تبقى من "شوك"..بدات فى جمع بقايا الطعام لاعطائها لهم ولكن ظهر صاحب "الدكان" وبدا فى نهر الاطفال طالبا منهم الابتعاد عن المكان .. سمعت احدهم و هو يطنطن"ياكى جاايين ياكى..ادينا ناكل..ده شنو ده" لاتزيد اعمارهم عن العاشره. هل نحلم يوما بمجتمع معافى ..تخلو منه الاميه لا اظن

ما بين الواقع والحلم
الصبر والمثابرة
والكد والجتهاد
لكي نصل
اللهم آمين

إسماعيل حميم

تعرفوا احبتي الامل مابين النصري وانا بت النيل وكل المهتمين والموجوعين ..جد هي حالة مابين الامل والياس... وتلك الصدمه السالبه بعد العيش في بلد متقدم الخدمات واخر متناقص الخدمات ... صعبه المعادله ودمتم احبتي

الاخت انا بنت النيل

Quote: لم تكن سطورك تحمل السودان ابدا اخي ..هي سلبيات كما ذكرت .. ولكن سردتها بنفسية معاناة شخصية عممت ولم تخصص

معقوله بعد ده كله مافى تخصيص..بعد كل الامثله دى!!!
والله لم اعان شخصيا قط وانا فى السودان وزى مابيقولو ايامى
كلها كانت ساكوبيس...لم احتاج لشئ و لم اجده...
ثانى يوم من وصولى عمل ناس البيت مفاجاه ساره كانت فرقه الصفوه
لعلمهم لحبى للمديح..
باختصار انا شخصيا كنت مبسوط جدا جدا بالناس والاهل و الاصحاب, ولكن هذا
لايمنع من مراقبة احوال الناس فى البلد.
شكرا ليك و اتمنى ان لا اكون قد قسيت عليك.

الاخ العزيز ايهاب
شكرا ليك و اهو الدور عليكم تمشو و تورونا رايكم شنو
تحياتى ليك


الاخ الدفعه اسماعيل
وصفك لى بالواقعى هو افضل الاوصاف, لا ننى بشوف الغلط و بشاور عليهو
فما ذلنا اولاد ذقاقات بيت المال وابوروف والبحر وام سويقه.
:
:
:
هل تزكر فصلنا فى المدرسه و الوطاويط و فضلاتها تملا سقف الغرفه؟
كلنا كنا فى فصل واحد يا اسماعيل لاتمييز ولا افضليه.
الان اختلف الامر تماما....سمعت ان الاستاذ الجليل احمد صديق
هو مدير مدرسه بيت المال الان...تحياتى له ولدور عظيم قام به تجاهنافى
فتره حرجه من حياتنا.

الاخ وليم اندريه

Quote: وتلك الصدمه السالبه بعد العيش في بلد متقدم الخدمات واخر متناقص الخدمات ... صعبه المعادله

نعم هى صدمه ولكن جذء كبير من المشكله يقع على عاتق الناس
ذكرتنى القول:

You cann't solve your problems with the same level of thiking that got u there in the first place
نعانى من مشكله حكومه ونظام اجتماعى ..نعانى من مشكله فى تربية الاجيال القادمه.
نعانى تغيير فظيع فى سلوكيات الناس و اخلاقهم...نعانى من الكثير ياصديقى...
تحياتى ليك

الاخ بله والاخ حسين ملاسى
شكرا ليكم

الشباب :
معظم الشباب الذين تحادثت معهم يودون الخروج من السودان
باى شكل...يقولون ان هناك صعوبه شديده فى التوظيف لكثره
الخريجيين...بعضهم يود فقط الخروج بصرف النظر عن المكان
والكثير منهم يرغب فى الذهاب الى اوربا و شمال امريكا..
حكى لى احدهم انه اجتهد كثير للحصول على تاشيره...فقام
باستخراج اكثر من 11 جواز,كان يقوم بتغيير بسيط فى الاسم
كل مره ...قال لى انه بصدد الذهاب الى تشاد و الحصول
على جواز تشادى فربما يساعد ذلك فى الحصول على التاشيره
(الحلم).....ذكر لى ايضا انه قام ببيع 6 جوازات لتغطيه تكاليف
المحاولات الفاشله....

اعتقد اننى يجب ان اكتفى هنا بالسلبيات و تسليط الضوء على
الايجابيات..

اها يا نصري ورينا شعورك وانت تعود الي
احضان سان كاترين خارجا من القمقم

يعني زي ما بقول عبدالحليم حافظ:

زي ما اكون عطشان وشربت !

Quote: الايجابيات:

حركه اقتصاديه تجاريه صناعيه عجيبه تعم البلد..
مصانع و شركات عالميه.....
تحس بان السوق ملى بالحيويه والنشاط...
ملايين الملايين تتداول بين التجار كل يوم...
اختلف الحال تماما عن السودان الذى عشته اوائل
التسعينات...
قضيت عدة ايام فى احدى المصانع بامدرمان..
ادهشتنى طريقة الانتاج و التوزيع والاداره...
خبرات اجنبيه تجوب المصنع..
اللغه الانجليزيه هى لغة التغاطب بين العاملين
لكثره الاجانب...
State of the Art معدات وماكينات...
كل هذه الخبرات تاخد مرتباتها بالدلار...

رجع كثير من الاصدقاء من الخارج بعد ان تحصلو على
عروض جيده...
احد اصدقائ رجع لتوه من الخليج بعد ان تلقى عرضا جيدا
من احدى الشركات المحليه.....قال لى انه ياخد ضعف مرتبه
الان وهو وسط اهله....الجدير بالذكر ان هذه الشركات غير حكوميه..
يقولون ان السودان يحتاج الى كفاءات عاليه..
رائت بام عينى احد الفنيين الباكستانيين يقوم بتركيب ماكينه
كهرباء معقده جدا....سالت صديقى ..لماذا ليس سودانى!!
اجاب ..لا يوجد سودانى يجيد تركيب و تشغيل هذا النوع من الماكينات..
اضاف ...تكلفه احضار الفنى و اسكانه عاليه جدا و لكن لا يوجد بديل...
اضاف ..حتى ولو وجدنا سودانى حيدينا hard time ..هذا الفنى يقوم بعمله
بجوده وصمت و اخلاص.

العزيز النصري
سلامات


هشام كتبت

Quote: قد تكون نزلت فى مطار اخر .وقد تقيم درجة النظافة بالمكان الذى تعيش فيه. لكن العاملين فى المطار لم يحالفك الصواب فى وصفك وده راى فيهم. الانسان السودانى يظل كما هو رغم تغير ظروف كثيرة من حوله. مع تحياتى

الأخ هشام مدني للأسف كلام العزيز النصري عن المطار حقيقة ومن حق اي مسافر ومودع وقادم يسددو رسوم باهظة لإدارة المطار ان ينعموا بخدمات انسانية و لمسات جمالية عصرية في المباني ونظافة من شعب ايمانهم ومعاملة حضارية لأجلها اتة اغتصبت الحكومة السلطة ..

لكن ما ذكرة الأخ النصري للأسف حقيقة واقع مزري شاهدته ولمسته في الأشهر الأخيرة وعلىنا جميعا عبء تغييرها

الاخ العزيز محمدصلاح
شكرا لمرورك الكريم
انا مثلك فى انتظار تعقيب من الاخ هشام
و لكن يبدو انه لم يقرا مداخلتك
شكرا ليك مره تانيه