تخيلت نفسى ذلك الشيخ الذى يقدم برنامج (الدين النصيحه)، بعد تخليه (عن الظلام) .. يوم المرأه!!

زمان يا أخوانا كنت ظلامى (ضمه) ما يدخل رأسى كلام الناس المستنيرين حتى لو كان ذى العسل، أول ما أسمع لى مستنير بيتحدث طوالى أجهز نفسى عشان أقيف ضد كلامو داك وأطلعو ليه (فشوش) فى (فشوش)... مش سيدنا على (كرم الله وجهه) قال:- (الأنسأن عدو ما يجهل)؟؟ أها الحمد لله كت جاهل وأتحولت وأتبدلت وبقيت مستنير.
هسه نقول لأخوانا الظلاميين (ديل) وأخواتنا الظلاميات (ديك) لما نقول ليكم (الشريعه) تب ما قصرت فى زمانا داك قبل 14 قرن وزياده وكانت عادله وحلت مشاكل الناس، منعت قتل (الموؤده) وأستعباد الأخرين وقننت موضوع (الرق) وسوتو كفاره من (الكفارات)، أها هسه نكون ظالمين لو حاولنا نطبقها فى زمانا ده زمن السفر بالبيوت والكلام بالخيوط، بدون تطوير يناسب حاجة الناس، والتطوير ده ما كلام وتنظير على طريقة (لقيط القطن) النلقاهو نافع تعمل بيهو والمابنفع نخليهو، المسأله ماها مزاج وشراب شاى فوق ضل العصر.
صحى رجل مثل (الصادق المهدى) ده، كتر خيرو فيما يبذلو من جهد، ورغم أنه بيختلف عن نسيبو (الشيخ) (الدقسوه) حيرانو، لكن المسأله دائره شجاعه وده موضوع يمكن يكلف الزول (رقبتو) خصوصا ناس الأزهر والوهابيه ما بسكتو، وح يكفروا كل من يقول بيهو.
المسأله عايزه تطوير للشريعه ديك وأجنهاد فيما فيه نص والعودة لى نصوص من القرآن كانت منسوخه، وهى أفضل وأنسب لعصرنا ده من النسختها والايات القرآنيه النزلت أول دى، ما نزلت عبث أو عشان نحفظها فى دولاب ونقفل عليها، وهى فى الأول والآخر كلها ما جايه من الله ، ولا موكدى؟؟
أها بغير كدى نكون كضابين أو منافقين نقول الشريعه صالحه لكل زمان ومكان، لكن نعمل بى غيرها، الشريعه الجد جد القديمه ديك ما فيها (مره) تمرق تمد رأسها للشارع لى تعليم ولا لى عمل، وما مسموح ليها تسافر براها دون محرم حتى كان للحج والعمره، وحتى كان كبيره ما فى زولا بعاين ليها خلك من السفر للندوات والمؤتمرات والقعاد فوق الفتادق السمحه، زمان الفقها قالوا (المره) عندها خرجتين من بيت أبوها لى بيت راجلها ومن بيت راجلها للقبر، غير كده تعتبر ناشز يدخلوها (بيت الطاعه) وداك بيت أخير منو (بيوت الأشباح) الله يسامحنا كنا عارفين دربها والبسوهو فى (المعارضين) مسلمين ومسيحيين وساكتين صامين خشمنها فاكرين أى عمل من أجل أنتصار الشريعه مباح ، حتى كان عذبو الناس وقتلوهم.
هسه أنا ما فى شئ هدانى ورجعنى لى درب الحق الا بعد المصالحه مع (الأخو قرنق) وسماعى لى كلامو الحلو من أجل السودان كلو، زمان كنا بنقول عليهو (متمرد ، كافر، مسيحى، خارج)!! وما فى طريقه الزول يسمع لى كلامو الا بالدس.
هو كان ده كلو فيهو كيفن يبقى نأئب رئيس فى بلد يطبق الشريعه؟؟؟
وهسه كمان شايف (نسوان الكويت) لبسن أزرق ودائرات حقوقن كامله، أها الرجال فى (برلمانهم) داك كان وقفوا مع الشريعه مافى طريقه يدوهن الحبه، لكن كان حكموا عقولهم ووقفوا مع الدين الأسلامى السمح ورجعوا لى قرآن مكه، قرآن الأصول يلقوا مخرج ويحلو المسأله بدون تدخل من (بوش) وغيرو.
أصلو جاهز أى حته فيها ظلم يرسل رجالو، واصلو ربنا بينصر المظلومين بى ظالمين يسلطهم على من ظلمهم... (بس)، وفى أمانة الله ورعايتو أترككم واستودعكم.

بدور أوصيكم قبل الوداع كل زوله وزوله يشيل ليهو بطاريه عشان تنور ليهو دربو ، مفهوم؟؟

السيد / تاج السر حسن

كنت قد قررت اعطاءك استراحة ،و لكن بما انو فيك نفس لسه

فماذا تفضل، ان يكون الحوار متواصلا فى البوست القديم ام فى

بوستك هذا ، ام نفتح بوست جديد؟

و الى ذلك الحين تحياتى

يامحمد الأمين
اولا عايز أرد عليك هنا ما أثرته على بوست آخر وأوضح رفضى فى أنه أكثر من شخص يستعمل صورة واحده لا أرى هناك داع لهذا العمل وهو ما جعلنى أرد على أحداهن وضعت نفس الصورة بأعتبارها سيادتكم ، خصوصا ونحن مع زحمة الشغل نسرق من الوقت ما يمكننا من المداخله وأنزال بعض المواضيع.
بالطبع ده (بوست) فيه شئ من الفكاهة بمناسبة يوم المرأة، وان كان لا يبعد كثيرا من المنطق.
أفضل أن تفتح بوست واضح تدعو اليه أهل الظلام يوضحوا لينا فيهو صلاحية الشريعه لكل زمان ومكان بقيادة (اساسى)، ود. بيان، يورونا ما لديهم من فهم حول تلك الشريعه وأن وجدنا عندهم حقا التزمناه بغير أن يكن ذلك الفهم أننا لا بد أن نطيع ما جاء الينا دون حوار أو مناقشه.

السيد / تاج السر حسن

تحية طيبة

Quote: اولا عايز أرد عليك هنا ما أثرته على بوست آخر

طيب الرد فى البوست الآخر مش احسن ، عشان توضح للناس

Quote: وأوضح رفضى فى أنه أكثر من شخص يستعمل صورة واحده لا أرى هناك داع لهذا العمل وهو ما جعلنى أرد على أحداهن وضعت نفس الصورة بأعتبارها سيادتكم ،

طبعا ده رآيك و انت حر فيه، و لكنه اسلوب نسميه معارضة سلمية(ما فى كراسى مكسرة)
و الصورة ان كنت لا تعلم فهى للاخ (وليد محمد المبارك) و ان كنت قوى الملاحظة فاكيد
سوف تلاحظ انه يوجد على الاقل خمسة اعضاء غيرى يضعونها بصورة دائمة، و بعض الاعضاء
يضعونها لفترة محدودة فلهم الشكر، و اتوجه بالشكر ايضا هنا للاخت/ غادة عبدالعزيز خالد
على تضامنها مع قضية وليد، فلها التحية.

Quote: خصوصا ونحن مع زحمة الشغل نسرق من الوقت ما يمكننا من المداخله وأنزال بعض المواضيع.

الله يديك العافية يا زول

Quote: بالطبع ده (بوست) فيه شئ من الفكاهة بمناسبة يوم المرأة، وان كان لا يبعد كثيرا من المنطق.

اممم ، اصبح تناول الامور الدينية فكاهة، جيد جدا !

Quote: أفضل أن تفتح بوست واضح تدعو اليه أهل الظلام يوضحوا لينا فيهو صلاحية الشريعه لكل زمان ومكان بقيادة (اساسى)، ود. بيان، يورونا ما لديهم من فهم حول تلك الشريعه وأن وجدنا عندهم حقا التزمناه بغير أن يكن ذلك الفهم أننا لا بد أن نطيع ما جاء الينا دون حوار أو مناقشه.

؟؟؟؟؟؟؟ كلام غريب و عجيب ، على العموم انا على وعدى لك، فلقد خيرتك و انت اخترت
و لكن لتعلم انك سوف تكون المحور الاساسى لذلك البوست، فان شئت ان تشارك فيه فمرحبا
بك و ان لم تشاء فلك مطلق الحرية فى ذلك.

و الى ذلك الحين،
تحياتى

Quote: اممم ، اصبح تناول الامور الدينية فكاهة، جيد جدا !

*** الم تسمع يامحمد اللمين أن الرسول صلى الله عليه وسلم كان يهزل ولكنه هزله كان جادا، ومن أمثلة ذلك حينما قال :- (لا تدخل الجنه عجوز).

والأستاذ / محمود ، الذى تاسى بالرسول (صلى الله عليه وسلم) ، جارى الأغنية التى تقول:-
(الوسيم القلبى رادو) ، فقال بدلا عن ذلك (اليتيم القلبى رادو).

صلى الله على الحبيب المصطفى

اهه ، انتو لحدى اسه فى الشغل

ده برضو هظار ، فما تنفعل

تحياتى

لو سمحتو ممكن ادخل?

الاسلام لما جا لقا المرأة بيدفنوها حية وتقاليد صعبة شوية زي حكاية العبودية.

طيب الناس بيغطغطوا النسوان ليه؟
عشان ما تجيب العار لاهلها

طيب لو الولد ودى العار لناس تانيين شيء عادي مش كده؟