Post: #1
Title: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-06-2005, 06:59 PM
Parent: #0
لاحظت جرجرة موضوع الرغيب اللغوى والايمان القاطع فى التعامل معها على انها كبوة من كبوات الدكتورة..التى لا تعرف ان الرغيب بالقاف...نسبة لانى كنت اقامر واغامر على ذكاء المتلقى الا انه يبدو اننى قد خسرت فى المقامرة .. وضعت فى المغامرة..
وعليه قررت ان افرد هذا البوست.. حتى لا تتحاوم فى البوستات و العناوين من باب حروب الكيمان.. عبارة الرغيب اللغوى اتت فى هذا البوست..
Quote: سجيمان ما كلمتك انا مشيت سودانيات هناك...
اها جنس كلامك دا طوالى يجوك يقولو ليك
يا ا يها السيجمان قل هذا ولا تقل هذا ..
عندهم رغيب لغوى ذى بتاع مدينة القواعد.. بس واقف للناس فى حلقهم
يا ريت لو بكرى دا شغلنى شغلانية ذى دى كنت بس باريتك كدى
من بوست لبوست.. يا ايها السجيمان يا ايها السجيمان.. طبعا كلامك كلو عوج
وكان كل مرة طلعت ليك الكرت... لمان تمسك الدرب العديل...
انا هناك يا سيجمان مؤدبة جنس ادب....وخايفة جنس خوف
لكن الحقيقة ليك يا الله ناس ظراف وطيبين بالحيل...وعجبونى شديد
وندمت على كلامى فيهم داك...
يا ناس سودانيات دى ونسة ساكت مع اخوى سجيمان دا ما تاخدو فى خاتركم بالله |
ثم وردت هنا
Quote: ود عمى قرض
والله نصيحتكم غالية...عارف هناك فى سودانيات ذى لما امشى الجامعة
اتكلم لغة عربية "فصيحية" "واقلب حسى" خايفة كان طولت هناك ابقى مسقفة استخدم كلام
كبار كبار... هنا بحوم بتوب الجيران.. والسفنجة وو اتف سفتى محل اكون...
ومرات مرات افور دم المستنيرين.. ومرات مرات امرق سير المحفضة اادب لى زويلا قليل ادب..يعنى بيذكرنى الداخلة.. وسودانيات دا ذى حى السودنة ظريف وراقى واى كلمة محسوبة
اكثر حاجة مروعة بى بهناك الرغيب اللغوى مولانا اسماعين ان شاء الله يوم زعلو معاى ما يجى.. ان فى حواك يا مولانا كان خرمجت تمسكنى الدرب بالماسنجر غموتى ..ببينى وبينك
عشان ما تزعلنى..لانى خشمى ما بقدر عليه وكيلى الله.. يعنى شوفتا كيف يا مولانا خائفة عليك انت مش انا ....(دا تهديد خفى واخد بالك يا مولانا )
يا زول اطمن انا ود عمى خالد ما بخزلوا تب.. بس الملم عفيشى و وامرق واتاقى الباب |
يبدو ان الرغيب اللغوى لم ياخذ جانب الدعابة فى الامر.. وخرج حاطبا.. يروجها كخطا
كبير واننى لا اميز بين رقيب ورغيب..واننى لا استحق شهاداتى ولا مهنتى ثم وجدت اليوم احدهم كتبها فى يوم المرأة ملبيا
دعوة مولانا اسماعيل.. وكتب فيها الرغيب اللغوى..الذى يضحكنى ان النساء "الضلاميات"
لا يعدن من جنس الاناث.. فالسيد الذى كتبها فى العنوان تحببا لمولانا.. بما فعلت
انك تحاول ان تخصى قلم امرأة تنادى بتحريرها.. وهذا يقودنا الى تناقض المستنيرين
اذا كانت المرأة "ضلامية".. تسن السكاكين واذا اتت مستنيرة وكتبت الا طيرى يا عصافيرى..
قامت المهرجانات والاحتفالات .. لانها كتبت مالم يكتبه انس ولا جن..
تحرير المرأة من الافكار البالية وتشجيعها ان تعبر عن رايها.. ما هو الا العوبة يلعب بها الرجل ليستدر تعاطف المرأة و يكسبها الى جانبه.. فالرجل المتناقض
الذى يمكنه ان يفحش فى القول مع" ضلامية" لا نها "ضلامية" ثم يتحبب للمستنيرة لانها مستنيرة... يجب النظر اليه بكثير من الريبة...فهو بنفس خطورة "البدوفليك" الذى يعمل فى مدارس الاطفال او بيع الايسكريم.. او حارس فى حوض سباحة.. فنحن نعطيه فرصة جهنمية
ليجد ضحاياه. ولذلك علينا ان نميز الرجل الذى تتسق افكاره مع افعاله.. الرجل الذى يقبل الرأى الاخر باحترام .. ولا يقلل من شأن مخالفيه ويحاول احراجهم..هذا النوع من الرجال.. يعكس نموذجا لرجل مستنير يفعل ما يؤمن به...
فى مسرحية لتنسى وليامز( على ما اعتقد).. كان هناك رجل يتظاهر بانه فمنست ويذهب الى كل التظاهرات النسائية.. ويصادق النساء .. عندما ساله احدهم عن هذا قال هذه الايام لا يمكنك ان تأخذ اى امرأة الى الفراش اذا لم تتظاهر بانك فمنست...
وبمناسبة يوم المرأة احذر كل النساء من السقوط فى أحبولة الرجل التقدمى..الكاره لذاته الذى يعانى من الانفصام...فالرجل الضلامى الواضح خير من الف مستنير متناقض..
وكلنا كنساء هدفنا واحد هو خلق عالم اجمل للمرأة قد يختلف الطريق ولكن الهدف واحد..
فالنعمل سويا.. لرفعة المرأة ووتقدمها وفق خيارتها..
| Quote: وكل عام ونساء بلادى فى رفعة ورفاهية.. |
|
Post: #3
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Rawia
Date: 03-06-2005, 07:36 PM
Parent: #2
فكى البلوك
لو سمحتى
وخلى روحك رياضيه
|
Post: #4
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-06-2005, 08:27 PM
Parent: #3
أود ان أنوه ما كتبته به سطح وغورهذا التنويه لمراعاة الفروق الفردية
|
Post: #5
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 01:20 AM
Parent: #4
فوق لمزيدا من الاحراج.. ولاجل ان تتعلم المرأة السودانية
درس الرجل التقدمى ودرس الرجل الظلامى....
ظلاميا راسو عديل ولا مستنيرا مجهجه
|
Post: #6
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: محمد السر
Date: 03-07-2005, 01:50 AM
Parent: #1
| Quote: ظلاميا راسو عديل ولا مستنيرا مجهجه |
يا بيان، بعد قرنين من الزمان دا حا يكون مثل شعبي زي (ما تشكِّر لي الراكوبة في الخريف) (الخلا ولا الرفيق الفسِل)
إنتي قايلة الأمثال دي ألفوها كيف ؟ ما بالطريقة دي، لكن عشان ما كان في حقوق ملكية وطبع ما عرفنا كل مثل المؤلف بتاعو منو
ومع تقدم حقوق الطبع ،بعد 200سنة، حا يتقال المثل كدا:
ألا رحم الله جدتنا بيان حين قالت: (ظلاميا راسو عديل ولا مستنيرا مجهجه)
بختِك خلدتِ إسمك
|
Post: #7
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 04:29 AM
Parent: #6
العزيز محمد السر
ان شاء الله ياخى يبقى مثل والبنات يستفيدو منه..ما يقعوا فى احبولة
المسقفاتية السودانين
|
Post: #8
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: محمد حامد جمعه
Date: 03-07-2005, 04:41 AM
Parent: #7
السيدة بيان ...........
سلامات ....
................................................... شنو درشوك الجماعة عشان (اقلاب ) فى الحروف اتى عفوا ولطبيعة بيئة النص (العامية ) وروح الفكاهه فى البوستات المعنية ...............
. عادى و لكن المسالة بالمناسبة ما محتاجة وصف ولا صرف لان المابيك بيحمر ليك ... فى شنو ... فى الضلمة كانت مستنير ولا ظلامى ..
تخريمة :
ما تتحفينا لو امكن ببوست عن صلاح احمد ابراهيم بالمناسبة صلاح الشاعر ظلم وضيع صلاح القاص ... مش ممكن دا يكون مدخل لبوست ... كبير عن (اخو فاطمة ) ..الشين ودشن وهزارو خشن ..
|
Post: #9
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 05:04 AM
Parent: #8
الكريم الاخ محمد جمعة
سلام..
لدى كل مقالات صلاح احمد ابراهيم.. من هنمبول الاشتراكية مرورا بصلاح الدين و ليالى الحشاشين.. الىمعاركه فى سنة 1967 هى قيد الطباعة على يد متخصص..حتى لا يكون الحوار فيها.. من قبيل أيتها الركيكة كتبتى هذه بالثاء وهى بالسين.. ساقوم بتمليكها
للاجيال التى لم تشهد كيف مارس الحزب الشيوعى اغتيال الشخصية...لتعرف..
كيف ان الخروج من حزب يجعلك مكروها.. تطاردك اللعنات وتقليل الانجازات...الى ان تدخل القبر...على الرغم من ان هناك من يرى اننى يجب ان انتظر الى ان يخرج الكتاب
#.. لان نشرها هنا سيكون كأهدار لجهودى فى جمعها).. ولكن سانشر بعض العينات
فقط لاجل صلاح العظيم ولاجل ان نعيد له حقه المهيض..
اتمنى اذا كان هناك من يمتلك اى مقالات له او عنه ان يمدنى بها فى ايميلى فى البروفايل...
وشكرا لك
# سينتهى الكتاب باذن الله فى مايو 2006
|
Post: #10
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: محمد حامد جمعه
Date: 03-07-2005, 05:11 AM
Parent: #9
بيان :
خلاص .......... نسختى من هسة بحجزها (اخت طوبة ) ولا حتكون فى وفرة زى البترول والشمار اليومين دى فى الخرطوم
انا عندى (جن ) اسمو صلاح احمد ابراهيم والحب فى زاتو مبرر كافى ... وبعرف مثلا انو فى جماعة من ناسو كانوا (شامنو ) خاصة بعد ما جاء الخرطوم والانقاذ (تتلتل ) وصادف قصص صيف العبور وقام كتب قصيدة (يا عازة ولدك فيهو سر ) عن الشهيد الملازم وداعة الله ابراهيم بعد ان اتلقى بوالدته (الحاجة فاطمة ) ... لمن اجهزها ولو وضبت المادة دى بتفاصيلها كلها برسلها ليك ... زيادة خير طبعا ... ويمكن افتح بيها بوست ..
|
Post: #11
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 05:22 AM
Parent: #10
| Quote: لمن اجهزها ولو وضبت المادة دى بتفاصيلها كلها برسلها ليك ... زيادة خير طبعا ... ويمكن افتح بيها بوست |
..
اتمنى ان يخرج هذا من باب الوعود الى التنفيذ..لانى منتظرة ناس كتار وعدونى بحاجات
سامعين يا الناس الوعدتونى؟
| Quote: جماعة من ناسو كانوا (شامنو ) |
ناسو ديل شامنو من الستينات..
وطبعا هم اسع مش ناسو..ولا كيف..
الله يكون فى عين الناسو بيشمو...
انا حاجى اجمع الجزء الاخير من الداتا فى الصيف القادم.. اى حاجة تلقاها لمها لى ونحفظ لك حقك الادبى...
|
Post: #12
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: صباح احمد
Date: 03-07-2005, 05:43 AM
Parent: #1
فعلن يا بيان
ضلامي مثتنير ولا مسقف ضلامي
|
Post: #13
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 05:51 AM
Parent: #12
شكرن ليك على الطلة يا ثباح
وموافقتك على مسلى..
ؤبث
|
Post: #14
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: shiry
Date: 03-07-2005, 05:59 AM
Parent: #13
سلام مربع
خالتو بيان
ضلامي بالمويه
ولا مستنير بالكاتشب
هاهاهاه
|
Post: #15
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Hussein Mallasi
Date: 03-07-2005, 06:08 AM
Parent: #14
Quote: ضلامي بالمويه
ولا مستنير بالكاتشب |
ضلامي بالمويه
ولا مستنير بالصودا.
|
Post: #16
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: saif massad ali
Date: 03-07-2005, 06:12 AM
Parent: #15
هوي يا ناس خلو البوست دي يمشي عديل
خالتي بيان انتي كتبتيها لكن في ناس ما بقدرو يقروها, خلي يشككو فيها
|
Post: #20
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 07:02 AM
Parent: #16
الابن العزيز سيف
كيفك وكيف الاستعدادات للعرس...
شكرا ليك على كلامك الطيب
|
Post: #18
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 06:36 AM
Parent: #15
| Quote: ولا مستنير بالصودا. |
دى من اثر العمل يا ابن خالتى العزيزة الكيمست؟
شكرا للطلة والتعليق على كلام شيرى العثل..
طوالى تعال وعلق.. تعجبنى تعليقاتك البيصودا..
اتمنى ان الاسرة تكون عال العال..والمنزل مبروك
بيت سعيد وملئ بالنجاحات والسعادة
بلغهم تحياتى..
|
Post: #17
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 06:31 AM
Parent: #14
اولا يا مليون مرحب
بالعصفورة الغالية
وينك يا عثل؟
Quote: ضلامي بالمويه
ولا مستنير بالكاتشب |
هاهاهاهاهاهاهاهاهاها
اضفتى عليه اجواء حداسية 
| Quote: ليتك تعلم كم انت جميل في قلبي .. وان مكضبني ،هاك شرياني انسرب منه الى البطين ، وان لم تعجبك ..عادي قرطع الشاي وتااكي وراك الباب وشتت |
عاجبنى "الاتتيود" فى شعارك دا يبعث للتفكير... فى حال الدنيا المتغيرة
طوالى تعالى ليك وحشة كبيييييييييرة
|
Post: #19
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Elawad Eltayeb
Date: 03-07-2005, 06:51 AM
Parent: #17
شكرا يا دكتورة على هذا البورد اللي خلى شيري تطل من شباكو.
قالوا إن أكثر الجروح إيلاما هي التي تأتينا من الأصدقاء.
أنا زمان في الجامعة كنت بقول لأصحابي (شيوعي عديل ولا جبهجي). يعني شيوعي ملحد عديل كده ولا زول يقول ليك الله أكبر عشان يفوز بيها في الإنتخابات.
وبحب الناس تكون واضحة وعندها منهجية (فكر وسلوك). أما الذين يلغون الفكر فهم أقرب للحيوانات منهم للبشر. وما عندهم قضية.
مع تحياتي.
|
Post: #21
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 09:16 AM
Parent: #19
| Quote: قالوا إن أكثر الجروح إيلاما هي التي تأتينا من الأصدقاء. |
بالحيل يا عزيزى.. لم يبق فى قلبى مكان لم يطعنه غدر صديقة او صديق
و لكن كل ما لا يقتلنى يقوينى
...
Quote: وبحب الناس تكون واضحة وعندها منهجية (فكر وسلوك). أما الذين
يلغون الفكر فهم أقرب للحيوانات منهم للبشر. وما عندهم قضية. |
اتفق معاك "غلبا وغالبا" يجب ان تتسق افكارنا مع افعالنا.. يا ظلامى يا مستنير
وشكرا لك على الاضافة المفوهة..
|
Post: #22
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: صباح احمد
Date: 03-07-2005, 09:23 AM
Parent: #1
مثاء الخير
اذيك ياعثل
طبعن في ناث هنا لابدين لينا وعاملين لينا فيها رغيبين لقويين لحدي ما كرهونا لعب البلي
قايتو بفكر جادة احول اللعب لام المقص_طبعن لو كتبتها بطريغتي وطريغتك بتعمل لينا مشكلة لانها ممكن تتغري بصورة تانية وساعتها يحلنا الحلا بلة_
|
Post: #23
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 09:50 AM
Parent: #22
مثاء النور..
وذيفة الرغيب اللقوى دى.. وذيفة سمحة خلاص.. انا جنى وجن التثحيح
اثع نويت اجيب قثثى كلها هنا.. عشان الناث الفالحة دى تثححها
بعدين انقلها للويب ثايت العملوها لى الاغربون..البيحبونى ويحترمونى
اكسر من ناث بلدى.. الله دينا خيرهم.. ويكفينا شرهم.. انا لعب البلى دا ما بخلى تب.
ام مغص دى كيف.. عندى رغبة اغص لى حاجات كتار ..
شكرن جزلن يا عثل
|
Post: #24
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Marouf Sanad
Date: 03-07-2005, 10:22 AM
Parent: #23
الاستاذة بيان
لا مانع من كتابتك لبعض الكلمات بشكل صوتي علي طريقة النطق السوداني , لكن ارى من الضروري ان تضعي ما تكتبين بين قوسين مثلا ,, لانو البورد دا بيقروه نشئ , ونحن نخاف علي اجيالنا الناشئة ,, من تلقي معلومات خاطئة من كبارهم,, ودا ببقى الظلام الجد جد
|
Post: #25
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Shinteer
Date: 03-07-2005, 11:02 AM
Parent: #24
شو يعني الفرْأ بين الرغيب والرئيب؟.
إزيك يا دكتورة نجاة بيان. إنتي عارفة جغمستك للغة دي حتغمس ليك اللغة. أنا غايتو يتجيني فلايت (أو قطايع) لمن ألقى لي فلْقة إملائية أو نحوية، في أي لغة بعرفها ......... وما بعرف غير العربي. لكن علي الطلاق الانقليزي بعرفو بالقريحة. دحين القريحة دي سمعتي بيها آآ بيان؟.
الناس بقيت طاشة ساي وما قادرة تمسك ليها في لغة .. إن شاء الله لغة الفولاني. أها دي شني؟ نعل ده مو استعلاء؟.
أنا عندي هوَس بالحكاية دي. وممكن اقول إنو 99.9999% من الجمهوريين الاصليين مجوِّدين .. و50% من الفنجاطة الحداثيين مجوّدين .. والباقي أدي البحر.
|
Post: #26
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: نادية عثمان
Date: 03-07-2005, 03:32 PM
Parent: #25
بيان الغالية
وصبوحة العسل
كدى احاكيكم شوية اشوف بقدر :
مثلا:
ايها الثيدات والثادة
جانا البيان التالى
الاثتاذة سباح المشاكثة الكبيرة هربت الى بوصط السلامية بيان عندمافشلت فى لعب البلى مع بعض المثتنيرين الختيرين !!
اها ثححى يابنونة ولو اديتينى خمثة من عشرة بجيك تانى
ثمح؟!!
|
Post: #28
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 05:07 PM
Parent: #25
| Quote: لكن علي الطلاق الانقليزي بعرفو بالقريحة. دحين القريحة دي سمعتي بيها آآ بيان؟. |
بالحيل يا شنتير.. اجى مش حبوبتك خواجية.. ولا كيف؟
| Quote: و50% من الفنجاطة الحداثيين مجوّدين |
.
فنجاطة دى عجبتنى شديد ..
|
Post: #27
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-07-2005, 04:01 PM
Parent: #24
| Quote: من تلقي معلومات خاطئة من كبارهم |
اليوم قلنا نجاملك نرد على كلامك المردود دائما..ونشهرك حبة باقى شايفاك تعانى من البوار.. وعايز الناس تعتبرك من الضحايا وكدا
اول مرة اعرف فى ناس بتجى تتعلم اللغة العربية فى المنبر
وما كنت قايلة انك فى رابعة ابتدائى وخائف "يتلخبت" عليك" الاختساس"
اليوم وجدت لك العذر لسلوكك الطفولى.. زمان اهلنا قالو البيلعب مع الجرويات بيخربشنو..
شوفتا المثل بتاع
ضلامى عديل ولا مستنير منففصم دا من تداعيات حركاتك وبركاتك فى بوستاتى
آل مستنير آل
|
Post: #29
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: osly2
Date: 03-07-2005, 05:40 PM
Parent: #27
Quote: لدى كل مقالات صلاح احمد ابراهيم.. من هنمبول الاشتراكية مرورا بصلاح الدين و ليالى الحشاشين.. الىمعاركه فى سنة 1967 هى قيد الطباعة على يد متخصص..حتى لا يكون الحوار فيها.. من قبيل أيتها الركيكة كتبتى هذه بالثاء وهى بالسين.. ساقوم بتمليكها
للاجيال التى لم تشهد كيف مارس الحزب الشيوعى اغتيال الشخصية... |
اعجب لهروبك الدائم للخلف
تعيشن فى عهد يمارس اغتيال الشخصيه والاشخاص ولم نر لك ادانه
وتنبشين فى اوراق الماضى بعيون باحثه عن البقع السوداء
متى يكون للاشياء زاوية نظر واحده ؟
|
Post: #30
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Marouf Sanad
Date: 03-07-2005, 05:43 PM
Parent: #27
الاستاذه بيان
تحية طيبة
انا ما في رابعة ابتدائى ,, لكن حقيقي في ناس في رابعة ابتدائ مرات بتتصفح الموقع دا,,
شـكرا على اشهاري او تشهيري ,,, شهرتي
|
Post: #31
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-08-2005, 09:15 PM
Parent: #30
| Quote: اعجب لهروبك الدائم للخلف |
عجبتنى بالحيل العبارة الرنانة الطنانة دى...
قبل نهرب الى الامام نهرب للخلف نشوف الحاجة من الاول ولا كيف؟
|
Post: #32
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-08-2005, 09:40 PM
Parent: #30
الحمدلله انك مافى رابعة..
خلاص قول للزول العمرو 10 البيقرأ البورد ما تقرأ بوستات حبوبتك
بيان.. لغاية ما تتعلم الكتابة الصاح وتكمل كتاب الاملاء كلو وتقدر تميز بين الدارجى والفصيح.. الى ذلك الحين ابعد...
وكما اتمنى ناس حق ينبهوك الى انه.. قبول الآخر الكوز(كما تشيع انت) الذى له حقوق
فى ابدا الرأى.. دون ان يتعقبه الاخرين بساقط القول..
هذه الحقوق مكفولة له فى بيان حق التأسيسى اذا لم تخن الذاكرة...
على حق الا تترك كوادرها بدون ضبط.. تمارس البلطجة.. فاذا استمر هذا الاسلوب فأنا لها..
ساقوم بتنزيل بوست يوم السبت وما عليك يا صغيرى الا تبل شعرك.. لنكشف كيف تمارس
الانشقاقات اليسارية آكلة الويلفير نفس الاسلوب الذى ورثته من اليسار الكبير مع مخالفيها فى الرأى
وهنا احب ان احى الاخوة الجمهورين الذين يظهرون انضباط واحترام للذات وللاخرين..
وهكذا يجب ان يكون كل من ينتمى الى حزب.. ان يكون ملتزم بوعى حزبى عالى.. حتى لا يدخل حزبه فى الشقوق.. وعلى القيادات توجيه هذه الكوادر.. على استخدام لغة منضبطة وعدم تعقب الاخرين.. لانتمائهم الفكرى او السياسيى
ولا رأيك شنو يا استاذ الخاتم؟
وهذا البوست لفت نظر لابننا سند.. يوم السبت والاحد ساكون متفرغة تماما
48 ساعة..
اذا اتيت مرة اخرى وكتبت اى كلام من ساقط القول
سارجع الى الارشيف و استصحبك فى رحلة كابوسية
مثل ما حدث من قبل مرتين..
مع تمنياتى لاستاذ الخاتم بالشفاء العاجل
|
Post: #33
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-09-2005, 07:43 AM
Parent: #32
فوق لمزيدا من الاحراج
|
Post: #34
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Rawia
Date: 03-09-2005, 08:09 AM
Parent: #33
Quote: الحمدلله انك مافى رابعة..
خلاص قول للزول العمرو 10 البيقرأ البورد ما تقرأ بوستات حبوبتك
بيان.. لغاية ما تتعلم الكتابة الصاح وتكمل كتاب الاملاء كلو وتقدر تميز بين الدارجى والفصيح.. الى ذلك الحين ابعد...
وكما اتمنى ناس حق ينبهوك الى انه.. قبول الآخر الكوز(كما تشيع انت) الذى له حقوق
فى ابدا الرأى.. دون ان يتعقبه الاخرين بساقط القول..
هذه الحقوق مكفولة له فى بيان حق التأسيسى اذا لم تخن الذاكرة...
على حق الا تترك كوادرها بدون ضبط.. تمارس البلطجة.. فاذا استمر هذا الاسلوب فأنا لها..
ساقوم بتنزيل بوست يوم السبت وما عليك يا صغيرى الا تبل شعرك.. لنكشف كيف تمارس
الانشقاقات اليسارية آكلة الويلفير نفس الاسلوب الذى ورثته من اليسار الكبير مع مخالفيها فى الرأى
وهنا احب ان احى الاخوة الجمهورين الذين يظهرون انضباط واحترام للذات وللاخرين..
وهكذا يجب ان يكون كل من ينتمى الى حزب.. ان يكون ملتزم بوعى حزبى عالى.. حتى لا يدخل حزبه فى الشقوق.. وعلى القيادات توجيه هذه الكوادر.. على استخدام لغة منضبطة وعدم تعقب الاخرين.. لانتمائهم الفكرى او السياسيى
ولا رأيك شنو يا استاذ الخاتم؟
وهذا البوست لفت نظر لابننا سند.. يوم السبت والاحد ساكون متفرغة تماما
48 ساعة..
اذا اتيت مرة اخرى وكتبت اى كلام من ساقط القول
سارجع الى الارشيف و استصحبك فى رحلة كابوسية
مثل ما حدث من قبل مرتين..
مع تمنياتى لاستاذ الخاتم بالشفاء العاجل
--------------------------------------------------------------------------------
|
قلبتي على الاحزاب
لقيتي روحك شاكلتي الكل والكليل....
شاكلتي ضلك ...والناس فرادى ...وحسه قبلتي على المجموعات
والاحزاب
لاتمحنا ولا تبلينا ياربي ياسيدي
بالمناسبه بلعتي لسانك لي بعد ماعرفتي انه كولكوم هي خالد الحاج
دا كلام دا يا حاجه حقانيه
P.S
الحكايه قربت توضح
صبرنا الكتير مابقى الا القليل
بالمناسبه طالما فاضيه في الويكند فكي البلوك
انا زاتي فاضيه وعندي الكتير عشان اقوله انا لسه ماتميت كلامي
|
Post: #35
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Rawia
Date: 03-09-2005, 08:22 AM
Parent: #34
Quote: الحمدلله انك مافى رابعة..
خلاص قول للزول العمرو 10 البيقرأ البورد ما تقرأ بوستات حبوبتك
بيان.. لغاية ما تتعلم الكتابة الصاح وتكمل كتاب الاملاء كلو وتقدر تميز بين الدارجى والفصيح.. الى ذلك الحين ابعد...
وكما اتمنى ناس حق ينبهوك الى انه.. قبول الآخر الكوز(كما تشيع انت) الذى له حقوق
فى ابدا الرأى.. دون ان يتعقبه الاخرين بساقط القول..
هذه الحقوق مكفولة له فى بيان حق التأسيسى اذا لم تخن الذاكرة... |
اها شفتي انا لا عندي حق ولا ((باطل))
ولا زول يوجهني و لا ينبهني
عشان ما اتتبع الناس بساقط القول
ومابخاف منك
وكمان حاجه تانيه
انتي نحلتي بدني ماخليتي لي حاجه وبالباطل
عشان كدا انا اهو مستبيعه
ومـــــابخليك الا تجيبي عشره من عشره في الاملاء
رحمه بالناس بس
|
Post: #36
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Rawia
Date: 03-09-2005, 08:37 AM
Parent: #35
| Quote: لاحظت جرجرة موضوع الرغيب اللغوى والايمان القاطع فى التعامل معها على انها كبوة من كبوات الدكتورة..التى لا تعرف ان الرغيب بالقاف...نسبة لانى كنت اقامر واغامر على ذكاء المتلقى الا انه يبدو اننى قد خسرت فى المقامرة .. وضعت فى المغامرة.. |
حركه مفقوسه
عشان تحفظي ماء وجهك الاندلق بعيدا منك
قال ذكاء المتلقي قال
بيان الغلطه دي املائيه اعترفي 
|
Post: #37
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-10-2005, 03:30 AM
Parent: #36
up
|
Post: #38
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Hussein Mallasi
Date: 03-11-2005, 03:25 PM
Parent: #37
يعني دا هو البوست التم بسببو الرفت !!
|
Post: #39
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Hussein Mallasi
Date: 03-11-2005, 03:27 PM
Parent: #38
غايتو زرقاً تكوس ليهو و رزقاً يكوس ليك؛
البوست كان موجه لاسماعيل؛ الا انه اردى راوية.
|
Post: #40
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: Hussein Mallasi
Date: 03-11-2005, 03:30 PM
Parent: #39
تعرفي يا بيان؛
بعد كم يوم كدا حتلقي انو البورد بقى ليكي مسيخ؛
زي ما بقى لناس كتيرة مسيخ في الايام التي اعقبت فصل رودا؛
و حتى عودتها.
|
Post: #41
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: إسماعيل التاج
Date: 03-11-2005, 03:48 PM
Parent: #1
أطالب بيان بسحب كل عبارات التشهير وإشانة السمعة التي كـتـبـتـها في هذا البوست.
|
Post: #42
Title: Re: الرغيب اللغوى وما ادراك ما الرغيب اللغوى.. وعبر لمن يعتبر
Author: bayan
Date: 03-11-2005, 06:45 PM
Parent: #41
| Quote: أطالب بيان بسحب كل عبارات التشهير وإشانة السمعة التي كـتـبـتـها في هذا البوست. |
جدا يا مولانا
حدد لى ما تراه تشهيرا.. حتى امسحه..واعتذر عنها...
|
|