Post: #1
Title: ...أمي بيـــكي بــهاتي حـــــالم...
Author: فريد ودالمسيد
Date: 02-28-2005, 09:37 PM
لما أرجع من ديار الغربة سالم..
لما اقالدك يّما ..
وليكي أحضن وليك أسالم ..
ولما أرجع ليكي يما ..
والله عالم ..
يبقى داك اليوم ..
مأرخ في متاريس الفرح غنوة ..
وأقدر أقولك إني رجعت غانم ..
لأنك لو تعرفي البي..
يسكنك هم ..
يعشعش في ضلوعك غم ..
لأنو وليدك المسكين ..
بصارع موج ..
موجاً عاتي ..
يقهر حاج علي النواتي ..
ومن عذابات غربة بتزيد ..
كل يوم بيمر بدخل عوالم ..
غربة تنهش في اللحم ..
تنخر عظام .. تمسح عوالم ..
غربة فيها وماني عارف ..
إني مظلوم ولا ظالم ..
والحرام الببقى طاعم ..
توّه القيم النبيلة ..
وقيّم الناس بالدراهم ..
والوضيع خلاهو طالع في العلالي ..
والعزيز في الأرض يبحث للسلالم ..
والمهم إنك تعرفي ..
لو صحيت لو كنت نائم ..
إني بيكي بهاتي حالم ..
أمي بيكي بهاتي حالم .....
|
Post: #2
Title: Re: ...أمي بيـــكي بــهاتي حـــــالم...
Author: فريد ودالمسيد
Date: 02-28-2005, 10:27 PM
Parent: #1
up
|
Post: #3
Title: Re: ...أمي بيـــكي بــهاتي حـــــالم...
Author: معتز تروتسكى
Date: 03-01-2005, 01:06 AM
Parent: #1
خالص التحايا00
العزيز الاديب 00
فريد ودالمسيد
كلامك يوزن بماء الدهب واكثر فى حق ست الحبايب00
ويدك لى طولت العمر فى يوم مايلامك000
يااااااااااااااااااااااااه
إني بيكي بهاتي حالم ..
أمي بيكي بهاتي حالم .....
فلتحفظ لنا السماء امهاتنا ويجمعنا بيهن فى كل ساعة00
يافريد00
امـــــــــــــــــــــــــــــــــــي
كم احبك الى مالانهاية.....
ياااااااااااااااه
لقد دخلت ظلالك ايتها المشتوله فينا
عيوني ليك
لكى روحي ايها المشتوله فيني
امـــــــــــــــــــــــــــــــــــي
|
Post: #4
Title: Re: ...أمي بيـــكي بــهاتي حـــــالم...
Author: فريد ودالمسيد
Date: 03-01-2005, 02:21 AM
Parent: #1
الشفيف معتز
مداخلتك خلفت الأثر الطيب في نفسي
وأتمنى أن أكون كما وصفتني ..
وأن نقدر على بر والدينا
|
|