رسالة خاصة لصديق الموج...واعتذار غير مقبول لناس الرياض

صديق الموج
القعدوه لوج

هل تذكر دى كانت اول رد لك على فى بوست ترحيبك
ومن يومها اندفقت فى البورد زى الموج وموج تسنامى كمان
بقولك كلام جميل ومختصر
ربنا يعدل طريقك محل ما تقبل ...قول امييييين

اما لبورداب الرياض بقول


غياب... بعاد
ظنه الاخوة منى عناد...
شك تردد بان اسمى
مستعار لا وجود...
لكن اصدقكم قولا وفعلا
ان هواكم تراكم
فى الفؤاد...
كل ما انوى زيارتكم
قطار الشئوم يرمينى بواد...

كنت ناوى اشاطركم الافراح فى وداع صديق الموج...لكن حصل وفاة ابن عمنا محمد عظيم ادريس العمدة..يوم الخميس واشقاه معى فى البيت ..والمرحوم رجل علم مقيم فى مصر
جاء السودان اجازة ..هو من ناس القطينة هو شقيق الدكتور ناجى ادريس مقيم فى لندن و ابن خالة الشاعر المرحوم صلاح احمد ابراهيم...شفت قطار الشئوم رمانى المرة دى بشنو
ولكم حبى
ولقدام

أبوقوته اخوي
أحسن الله عزاءكم
لكم العزاء وللفقيد الرحمة والمغفرة
بس
برضوا
مخاصمنك

الأخ ابقوتة :
الغائب الحاضر ..
احسن الله عزائكم وتقبل الله الفقيد ..
الجايات انشاء الله اكتر من الرايحات ...

أبو قوتة العزيز

أحسن الله عزاكم في الفقد الجلل..

و حظنا سيء بعدم شوفتك و الله

صديقي الجميل أبوقوتة

إن شاء الله البركة فيكم ..
تقبل تعازينا الحارة ..

المرة دي نفدت منها ..
لكن الجاية حرم وعلي بي طلاق كان أجيك هناك في محلك ..
يعني زوغة مافي ..

الاخ معتصم
تحياتي

احسن الله العزاء


تقبل تعازينا الحارة


عوض

ابوقوتة لكم حار التعازى والرحمة تغشى الفقيدونسال الله
ان يلهمكم جميل صبره...وان شاء الله ننلم فى الافراح،،،

ابو قوته


الدوام لله وربنا يتقبله قبول حسن. ربنا يجبر كسوك ويلزملك واهله الصبر .اتصلت بدكتور جمال وهو في طريقه الي الخرطوم ويتقدم بالشكر لكل الاخوه والاخوات الذين هاتفوه معزين والذين ارسلوا له عبر الاميل

ابو قوته متشوف شر ..
احسن الله عزاكم ...وللفقيد الرحمة

أحسن الله عزائكم

تقبل الله فقيدكم قبولاً حسن

الاخوة الاعزاء
حمزاوى
ود الطالب
عمر الفاروق
ابو جهينة
معتصم
عوض احمد
صديق الموج
ود مساعد
حسن المك
اشرف ادريس

ان شاء الله ما تشوفو شر ولا تفقدو عزيزا لديكم
وشكرا

برقـية إلـى ..
الحـبيب ابوقـوتـة ..

مـين فكـرك يا حبيب ..
مـيـن الهــداك الـي ..
جرحـي قـرب يطـيـب ..
جـددتـو تـانـي علـي..

جــيت .. والله جــابك

* احسـن الله عزاكـم في وفـاة أبـن عمـكـم ..
للفقيد الرحمة والمغفرة واسكنه الله فسيح جنانه مع الصديقين والشهداء والصالحين ..
ولكـم ولجميع ذويه وافراد اسرته الكريمة الصبر وحسن العزاء ..
وانـا لله وانـا الـيه راجعـون ..

قرصــه صغيييييييييييرة ..

الحبيب ابوقوته ..

نحن بنسابق الزمن ونسرق اللحظات عشان شوفت الاحباب ..
والله شبابنا حلوين وظريفين و دي حاجة معروفة وظاهرة للعيان ..
وكمان كل ما تمشي منهم تجي ليهم بشوق اكثر كأنو غائب منهم سنين ..
روح طيبة وناس حارة جدا .. تحياتي