Post: #1
Title: الى كل احساس مرهف
Author: سولارا
Date: 02-17-2005, 10:12 AM
طوالت منكم واشتهيت ضحكت عيونكم والسلام الى كل احساس مرهف اهدي الابيات. وقت صديت وقفت براي اعاين ليك افتش في دروب الخاطر المخنوق اتاوق ليك أقول يمكن مصير الشوق يكون اقوى ويشيل كل العناد الفيك وزهر الألفة رغم الكان بفرهد بالحنين البيك ينبت وردة في دنياي يثبت غرسه من ماضيك وقت صديت بقت كل الليالي سواد نجومنا الكنا نسمر بيها ضلت لما صرنا بعاد وليلي الكان ملاه همسك لقيته بلاك ألم وسهاد وهل بعدك تظن الكون يواصل في التكون عاد؟ وحاتك لا... بلانا الكون كما الشعلة مصيرا رماد.
|
Post: #2
Title: Re: الى كل احساس مرهف
Author: ودالعباسية
Date: 02-17-2005, 10:25 AM
Parent: #1
حمدالله 1000 على السلامة
ياسولارا
|
Post: #3
Title: Re: الى كل احساس مرهف
Author: EMU إيمو
Date: 02-17-2005, 10:37 AM
Parent: #1
كلام جميل جداً
|
Post: #4
Title: Re: الى كل احساس مرهف
Author: سولارا
Date: 02-17-2005, 10:45 AM
Parent: #3
الاخ ود العباسية
الله يسلمك يارب وشكرا شديدعلى مرورك
ايمو..
تسلم ويسلم ذوقك
|
Post: #5
Title: Re: الى كل احساس مرهف
Author: زوربا
Date: 02-17-2005, 11:05 AM
Parent: #4
سولارا الصداحة
والشوق الجاري عليك
لك وأنت تدوزنين زمنا لرهيف الأحساس
لها وهي تحترف الغياب
أفتحي صوتي جواك صاح .
ما تستغربي لو لمحت في صمتي وطن فاتح خرايطه علي رؤاك ,
أو لقيتي كل تفاصيلك هناك .
ما أنت
وقبل أنعتاقك من جواي شان تبقي في كلي
, وقبل أكتمالك في التشيؤ .
سكنا بيك أنا والفراش قيف الحلم ,
مدينا ريدك عرس الجروف ,
فتحنا رسمك ليل غني ,
غنيناك ,
غنيناك حد رقصن بنات الموج , وشلتك انا شبال .
لميتك من زعرودة الرذاذ , ختيتك الغيمة جلابة الخدار .
وصبحنا سكاري في وش الموية بي فعل العشق .
طلعت أنت من طقس السحاب ,
تواقت ليك وهتفت فيك : متين مرقتي من جواي شان أرتوي ؟؟؟
بللتي عطش الأرض ,
لميتي مطرك واختفيت .
سبتي قلبي مرمي علي الدعاش ,
لموة صاحباتي الفراش ودوة لي اقصي المسام يمكن من حضورك ينعتق ,
جابوه مليان بيك اكتر ,
قالوا لقوك زهو المسام .
واتيقنت بيك ,
اتوهطت ريدك ومشيت وراك ,
انا الفترت بي وراي اسفار غالطتها الخطاوات ومشيت وراك ,
وهمست ليك بين انشغالك في المشي واندهاشك من الزول الممدد في خطاك ,
همست ليك : سايقاني وين ؟؟؟
تصدقي ما كنت منتظر الجواب !!!
كنت زي داير اجر همسك علي الونسة أو ارضي اشتياقي لي حسك المليان رحيق ,
والريد نيلين
|
Post: #6
Title: Re: الى كل احساس مرهف
Author: سولارا
Date: 02-17-2005, 01:24 PM
Parent: #5
الاخ زوربا
لك شكري وانت تتوجني بترحيبك الرقيق سلمت وسلمت كلامتك
اما الابيات التى اهديكم اياها فهي ابيات لشاعر مغمور اعجبني شعره من صغري واحببت كلماته فحدثني نفسي ان اشاركم احساسه الصادق .
ودمت
|
Post: #7
Title: Re: الى كل احساس مرهف
Author: sympatico
Date: 02-17-2005, 01:45 PM
Parent: #6
Quote: أقول يمكن
مصير الشوق يكون اقوى
ويشيل كل العناد الفيك
وزهر الألفة رغم الكان
بفرهد بالحنين البيك
ينبت وردة في دنياي
يثبت غرسه من ماضيك |
سولارا
عودا جميلا
واقول ليك
كل شيء ممكن
|
Post: #8
Title: Re: الى كل احساس مرهف
Author: عبدالله وداعه الامين
Date: 02-17-2005, 06:21 PM
Parent: #7
وهل بعدك تظن الكون
يواصل في التكون عاد؟
وحاتك لا...
بلانا الكون كما الشعلة
مصيرا رماد.
العزيزة سولارا شكرا علي هذة الكلمات الرائعه و تحياتي لكاتبها الحنين وشكرا لاهدائك الرائع روعة حروفك الندية وتسلمي
|
Post: #9
Title: Re: الى كل احساس مرهف
Author: soma
Date: 02-18-2005, 01:34 AM
Parent: #8
سولارا ..
اتلفحى غيم الضهر ..
واسقينا مطرات الفجر..
نازلات برد حبات درر..
يفرح معاك طول البحر..
والموج يقالد صفقات شدر..
***
لمينا كيمان خدار
لينه من سيلا دفر..
شايله الحنين شوق النهار
لا تنطوى لا تنكسر ..
***
والود محنه سولارا الحنينه
التحيه ليك ولكل الاحبه المتداخلين
اختيارك قمة فى الجمال .. سمح زيك..
تخريمه
زوربا عقدت الدهشه لسانى
بهديك المحكر جواك وكفى..
الشوق نيلين
والود جروف
|
Post: #10
Title: Re: الى كل احساس مرهف
Author: عمران حسن صالح
Date: 02-18-2005, 03:21 AM
Parent: #9
Quote: بلانا الكون كما الشعلة
مصيرا رماد. |
وبلاك (البورد) كما الشعلة مصيرو رماد......
شكراً لهذا النغم الجميل
|
Post: #11
Title: Re: الى كل احساس مرهف
Author: سولارا
Date: 02-18-2005, 04:00 AM
Parent: #1
الاخ Sympatico
اسعدني مرورك..وفعلا كل شي ممكن.
عبدالله وداعة الامين
سعدت ان اختياري نال اعجابكم والتحية مني ايضا للكاتب, وبالرغم من انه احداعضاء البورد اهديكم حروفه نيابة عنه.
الحبيبة سوما..
كل الود لكيِِِِِ وانتِِِِِ تمطرينا بعذب كلامك وجميل حروفك
سلمت.
عمران حسن صالح
زاد النغم زين بمشاركتم اياي احساسه
|
|