Post: #1
Title: صــور من عمليـة تحـريـر همشكوريب أكتوبـر 2002
Author: أبوالريش
Date: 02-16-2005, 09:45 PM
صــور من عمليـة تحـريـر همشكوريب أكتوبـر 2002
http://sudan.org/hamshkoreb.htm
|
Post: #2
Title: Re: صــور من عمليـة تحـريـر همشكوريب أكتوبـر 2002
Author: saadeldin abdelrahman
Date: 02-16-2005, 10:09 PM
Parent: #1
أنتم والكيزان في الشر سواء
عليكم الله بطلوا وهم
همشكوريب إيه وتحرير إيه... ومن مين لصالح مين.... انتو منو وبتنفخو فى منو
بتكضبو علينا ولا على روحكم!!
لعنة الله علي ساسة بلادي!
|
Post: #3
Title: Re: صــور من عمليـة تحـريـر همشكوريب أكتوبـر 2002
Author: ثروت سوار الدهب
Date: 02-16-2005, 10:31 PM
Parent: #2
التحايا للعزيز هاشم بدرالدين
ارجو ان يتحفنا الاخ هاشم بمساجلاته مع على عثمان محمد طه في ندوة الاخير بنيويورك في الثمنينات ليعرف من يجهل الرجل تمكنه من الفقه و وضاعة علي عثمان فيه.
و مزيدا
ثروت
|
Post: #4
Title: Re: صــور من عمليـة تحـريـر همشكوريب أكتوبـر 2002
Author: اساسي
Date: 02-17-2005, 01:29 AM
Parent: #3
صور جميلة جدا والكماندوز تبش منور الصور ..
بس السؤال المهم .. وين الكماندوز الان من همشكورين
ووين مجرمي الجبهة حسب الصور؟؟؟
قد يجوز ان الكماندوز الان في همشكوريب فرع القطب الشمالي ..؟
برضو في قاموس النضال جائز جدا وايه المانع ؟؟
|
Post: #5
Title: Re: صــور من عمليـة تحـريـر همشكوريب أكتوبـر 2002
Author: أبوالريش
Date: 02-17-2005, 06:08 AM
Parent: #4
الأخ أساسى،
لا أدافـع عن هاشـم بدر الدين، فهـو الوحيـد الذى يستطيـع الدفاع عن نفســه.. ولكن أعلق على منطق المكيالين والقفــز من موضوع لموضوع الذى تعتمـده..
فى الســابق ســـألت عما إذا كان هاشــم حارب فى الجنـوب أسـاسـا.. مشككــا ضمنيــا فى ذلك.. فأرسـل لى الأخ هاشـم مادة ثرة من أشــرطـة الفيـديو، تصـور قيادتـه لمعسكـرات التدريب فى الجنوب وفى الشــرق وفى جبال النوبـة.. لا أستطيـع نشـرهـا الأن بسبب الباندودث، وأكتفيت بنشـر خمسة صـور من ضمن صـور فوتوغـرافيـة أرسلهـا أيضـا فى ألبمين.. ثم انك ادعيت انك حاربت فى الجنوب، ولم تأتى بدليل واحـد..
ولكن المهـم، بعـد أن نشــر صـور قليلـة لهاشـم من مناطق القتال، تبدل ســؤالك الأن وصــارى عن أين الكوماندوز الأن من همشكـوريب.. دعنى أقول لك، أنـه أدخل الرعب فى النائب الأول لرئيسـك، قبل أسبـوع فقـط وإضطـره للجـرى (هـذه حقيقـة ظهـرت مصـورة ولا داعى للمغالطـة) ودخول السفـارة من باب أخراج الكوشــة.. وتركوا باب السيــارة اللموزين مفتوحـا!! وملاحظـة أخـرى لم أذكرهـا من قبل، هى أن حوالى 16 إلى عشـرين من أعضـاء الحكومـة بمن فيهـم على عثمـان محمـد طـه، دخلوا من باب الكوشـة فى حوالى 6 ثوانى.. راجـع الفديـو وأنظـر غلى السـاعـة.. فكيف حصل هـذا وكم من الوقت احتاج الشخص الواحـد (على عثمـان مثلا) أن يلج من باب الخيـاط؟
لا أريـد أن أسـألك أين أنت الأن من الجنوب، ولقـد رأيت صـورتك المرطبـة، (ما شـاء الله) التى يحسـدك عليهـا كفيلك.. ولكن أردت أن أثبت لك أن هـاشــم لم ينزل من الســرج.. وإنـه أرعب قادة الإنقاذ فى نيويورك كما أرعبهــم فى أحراش الجنوب وجبال النوبـة وتلال الشـــرق.
|
Post: #6
Title: Re: صــور من عمليـة تحـريـر همشكوريب أكتوبـر 2002
Author: أبوالريش
Date: 02-17-2005, 08:12 AM
Parent: #5
"أنتم والكيزان في الشر سواء
عليكم الله بطلوا وهم
همشكوريب إيه وتحرير إيه... ومن مين لصالح مين.... انتو منو وبتنفخو فى منو
بتكضبو علينا ولا على روحكم!!
لعنة الله علي ساسة بلادي"!
سعــد الدين عبـد الرحمن:
انت أقـرأ بس...
ما تكتب كتيـر.. عشــان ما تطبـز وتتكلـم بـرة من راسك.
سمعت الكلام دا؟
فـااااالح
|
Post: #7
Title: Re: صــور من عمليـة تحـريـر همشكوريب أكتوبـر 2002
Author: المسافر
Date: 02-17-2005, 09:06 AM
Parent: #6
تعرف يا ابو الريش
لما جينا برالمة عندي صديقي البرليم قال لي نمشي نتدرب كاراتيه
قلت ليه خلاص يازول نمشي نتدرب يمكن الحكاية تجيب ليها مخابطة
فاتني اليوم الأول في التدريب
جاء صاحبي البرلوم وجه ملخبط ولا يستطيع المشي
قلت ليه الحكاية شنو
قال لي خبطني هاشم بدر الدين في وجهي
قلت ليه هاشم ده منو
قال لي المدرب
وخبطك مرة واحدة فرطقك كدة غلبك المشي
قال لي في تدريب اسمو كسر الحوض
عشان الرجل تتحرك كويس
وقال لينا أجلسو كويس
وبلا حس ألقالك الزول طاير هجرني ليك وبيده الشمال كفتني ليك
سمعت ليك عظامي قالت كررررررررررركروورررم
عليك أمان الله الباقين رقدو تراب
قلت ليه يازول انا برة الموضوع
بال كسر حوض بلا كسر انف
تعرف صاحبي البرلوم داك بعد الخبطة ديك راسه لف
وكلامو بقى كتر كتر
تعرف لما سمعنا خبر خبطة الترابي
تخيلت القصة
وصدقت الجماعة الذين خمنوا انه الترابي تاني ما هو نافع
بالله شوف الزل ده بلاوي في الدوشكا كيف
بس وين الغنائم
|
|