Post: #1
Title: اها يا جماعة(الضلمة) شفتو الدمنكراطية دي سمحة كيفن الشالن جنابو بكري للصالح العام اهم رجعوا ؟؟
Author: هشام هباني
Date: 02-16-2005, 07:51 AM
من زمان يا اخوانا قلنا ليكم الدمنكراطية دي زيها مافي شوفو جنابو بكري لمن قاموا الناس هاجو وماجوا فيهو وزنقوه شان ارجع جماعة الضلمة بعد ما شالن للصالح العام اتراجع عن قرارو واخونا ود عجب الفيا المشرعاتي الكبير قدم استقالتو لمن الخلق احتجو عليهو وعلي تشريعاتو اها يا جماعة الضلمة مبروك العودة للدمنكراطية واتو براكم ضايقين حلاوتها وعارفين غلاوتها زي النحل تعسلو وتلسعو وتلفخو لكن يا خوانا ناس الضلمة كلمو كباركم ناس الضلمة الكبار هناك في الخرتوم وروهم حلاوة الدمنكراطية وسماحة اهلها شان ارجعولنا الالاف الشالوهم للصالح العام وفقروا وليداتن وشردوا بنياتن اها انا منتظر الكلام السمح منكم يا اخوان والزارعة الله في الحجر بتقوم .
ودهباني الحقاني
|
Post: #2
Title: ***
Author: هشام هباني
Date: 02-17-2005, 06:03 AM
Parent: #1
***
|
Post: #3
Title: Re: ***
Author: محمد حسن العمدة
Date: 02-17-2005, 10:05 AM
Parent: #2
الله يا هباني قومتا نفسنا يا زول ما تخلينا نركز شوية في بوستاتك دي
كل يوم مبتك ليك بيبوست تقول عباد الشمس ولا صباح الخير 
|
Post: #4
Title: Re: ***
Author: Mohamed A. Salih
Date: 02-17-2005, 10:14 AM
Parent: #3
ما هي ده مشكلتنا يا هشام .. نعشق الديمقراطيه ونضيق بها ذرعا عندما تأتي ..
بالمناسبه انت هشام هباني ال من Irving ولا واحد تاني?
|
Post: #5
Title: Re: ***
Author: برير اسماعيل يوسف
Date: 02-17-2005, 11:16 AM
Parent: #4
Quote: الله يا هباني قومتا نفسنا يا زول ما تخلينا نركز شوية في بوستاتك دي
كل يوم مبتك ليك بيبوست تقول عباد الشمس ولا صباح الخير |
.
العزيز ود العمدة
و الله مشتاقين كثير و الله... و الحمد لله بالشوفة المنبرية ... و الجايات اكثر من الرايحات... و طبعا يا ود العمدة يا اخوي... انت عارف براك انو ود ناس العمدة هباني ... ناسكم ناس نعيمة ... زول مكار و بحب الدواس و قول كلمة الحق امام السلطان الجائر... و قد عاني الرجل من هذا الدرب كثيرا ... و قد فعل اكثر من هذا في بلاد الجان ابو الكلعلع نفسه و في صحراء بيوضة... يعني يا ود العمدة يا حبيب الزول دا زول حارة و مش زول فراسة منبر ساي ... الله يسألني يوم القيامة العصر الكلام دا صاح ... و عندما كان هم الدكاترة في الجامعات هو جمع الذهب و الفضة ثم لا ينفقوهمافي سبيل قضية وطنية ... الا من رحم ربي ... كان هباني فارسا بقلمه و لسانه معا... فله منا التقدير و الاحترام.
هباني العزيز:
ياها المحرية فيك و انكرب لي قدام ... و ما تنفزر ابدا... الجماعة ديل حقارين و بلاعيط ... و كان لقوا ركوب الفزرة تاني ما بنزلوا منها ب اخوي و اخوك... عشان كده اعصر عليهم شويه... ووريهم قلمك و ليس ايدك... لان الليد تحتاج الي قلمك معها... و لك الود المقيم... و التحايا للاسرة الصغيرة.
|
Post: #7
Title: Re: ***
Author: برير اسماعيل يوسف
Date: 02-18-2005, 06:31 AM
Parent: #3
فوق
|
Post: #6
Title: Re: اها يا جماعة(الضلمة) شفتو الدمنكراطية دي سمحة كيفن الشالن جنابو بكري للصالح العام اهم رجعوا
Author: برير اسماعيل يوسف
Date: 02-17-2005, 07:46 PM
Parent: #1
فوق
|
Post: #8
Title: Re: اها يا جماعة(الضلمة) شفتو الدمنكراطية دي سمحة كيفن الشالن جنابو بكري للصالح العام اهم رجعوا
Author: محمد حسن العمدة
Date: 02-18-2005, 07:08 AM
Parent: #6
الحبيب بيرير ولك التحية والوحشة والبركة في المنبرية زي ما قلت
والله يا حبيب انا ما بعرفو شديد هباني دا لكن من بوستاتو عرفت انو الزول ما محتاج لحليفة عصر القيامة ... غايتو كلامك دا شجعني في الرجل اكتر وصدق ما توقعته فيه
اها دي رفعة لحدي ما يجي الهباني ويهبب لينا البوست دا تاني علا شايف سجيمان شاغلو شوية
|
Post: #9
Title: Re: اها يا جماعة(الضلمة) شفتو الدمنكراطية دي سمحة كيفن الشالن جنابو بكري للصالح العام اهم رجعوا
Author: برير اسماعيل يوسف
Date: 02-18-2005, 06:28 PM
Parent: #8
فوق
|
|