Post: #1
Title: وهـــــ الغـــربة ـــــــم
Author: Ismaeil H. Mohamed
Date: 02-15-2005, 02:12 AM
إلي كل من غُرّب وإغترب …… ونــوي
لكم جميعاً
أحبتي
هذه الروايا الشعريه التي تحكي عن أوجاع وآلآم كثير من
المغتربين و المغرّبين.
كانت أول قرأة لي في مطلع الألفية الحالية ،
ولكن حتي الآن لا أعلم من هو المغترب الذي زرف كل هذه
الدموع الصادقة واصفاً حالِه وحال من حولِه!!!!!
ولكــــــــــــــــــــــــــــن
رغماً عن ذلك وحتي اليوم يتتوق الكثير من شباب الداخل
إلي صيد الاحلام الوردية بشباك الغـربة (المُسنره) بالأمراض
الإجتماعية المُسْرطِنة.
هل في الغــربة زيادة للآلام ،
أم حلول،
لشبابك؟؟؟
ياااااااااا ســــودان
إسماعيل حميم
وهـــــم الغـــربة
]يـاغـربـة يـابـكـايـة يـاغشــاشـة يامـستهبـلة
تغـرينـا بي درهــم قـروش ووراه قــنطار بـهـدلة
جـيناك لي سنتين وبـس أو قــول تلاتــه نــكملــها
نـلقى المـراد ونـودعـك نـرجــع حيـاتنـا نبـدلها
نبني البيوت في العاصـمة وبي كـوم أثـاث بنـجملها
وكـرونا حـارة نحـضـرها أصـلــه التنقـل مشـكــلة
ونكمـل الديـن بي مهـل والسمــحة جـاهزة نحصـلـها
غير القروش اللي الأهـــل عبر الشــهور حنـرسـلـها
والباقي يدخــل في البــنوك ونشوف دبارة نشـغـلها
ناس فـكـرت تجني العـلـم تبـدأ الدراسـة تواصـلها
أحــلام كتيـرة وشيـقــة وآمــال كـبيرة نـأمـلـها
لكـن حســاباتنا الغـلــط في كـل عــام بنرحلــها
مــرت سنـين مــن العـمـر بنـعـزهـا وبنـفضـلها
والحســبة وصــلت طاشــرات يمكـن نعـيش وندبلها
وتعـال نحـاسـبك ياوهــم مــن غير رقـم أو أمثـلة
كان للقــروش نجـري ونحــوش لكـن تقـول بنشـاكلها
ما راضـية تقــعد في الجيـوب تقول حـرامي بينشلها
لكــن بترقد في الضهـور بي ديــون تقيلـة مـطـولة
ممحــوقة ما بتقـضي الغــرض وأقــل حاجـة تكـملها
كمــلانة بطحــاء وحــق وزن ومجـاملات مستفحـلة
وضــرائب أبـعاج ندفـعـها وإلزامي حـمدي نحـولـها
وأحلامنا صـبحت زي ســراب نمشـي ونجـر ما نحصلها
ياريــت يكون هــم القروش ياغربة فيك هـو المعضلة
لكن تعـال شــوف الهمـوم المـا أفتـكرنا نقـابلها
ذلة ومهــانة وإحتقــار خـلـوا النفـوس متـملـملة
ســجناً كبــير فيـه الكـفـيــل سجـان قيوده مكبلة
*********************************************
أشــغـاله شـاقة ومـؤلـمة ودايمـاً تـكون مستعجـلة
ما عـاد يكفـيها النهـار تحـتـاج ليـالي مـليــلة
أمراض كتــيرة بــدت مــعاك قبل الألـم تستثـقـلها
نـاس الضـغـط والسـكري وفـوق القـلب وجـع الكلي
مصــران وقـرحــة وإكتــئاب ونـفوسـنا ما متحملة
وبقيـنـا فيـك كيـمان لحـم تحــت الهـدوم متـندلة
وأكـيد يـكـون أكـل العلـب وأكـل المجـمـد عاملها
عـدم الريـاضـةمـع المشـي لابـد يكون ليهـم صـلة
وكمـان تعـال لمـعادلة مـا قدرنـا أصلـه نعـادلها
سجن العيـال جــوه الشــقـق؟ ولا الفـراق للعائلة؟
في كل طـرف تلـقى القــرف تلقـى الخيـوط متـداخلة
جيب العيـال بي جيبـنا مـال وجيوبـنا غـيره مميلة
وصغـارنا صبحـت بالزهـج متـوحشـة ومتجـفلـة
لاقــادرة تــلعب فـي خـلا لاضـل شـديرة يضـللها
لاقـادرة تـدرس بـي نـفـس مـن الـدروس المـذهلة
تـلقى الولـد غالبـه الكـلام والبـت كبيـرة مريـلة
كـل الضـغوط جـاتهم سـوا ومـا قـدرنا حتى نقـللها
أمـا الفراق أصـل الوجـع ومـشـاكله بايـتـة مقيلة
كل زول مفـارق عـارفها ومـا أظـن في داعي أفصـلها
يا غـربـة أديناك كـتير أدينـا خـاطـرك يسهلها
خـلينا نـرجع بالفـضــل نلـحق حيـاتـنـا نعـدلـها
آمالنـا فـيـك بـدري إتـنسـت إلا الرجـول متـوحـلة
وبـقينـا زي أهـل القبور لا البره عـارف الداخـلها
لا الــجوه برجــع لـي ورا يحـكي الحقـيقـة يوصلها
لكـن خـلاص هــان الخــلاص عـدك نزل مهـما علا
وإنشـا الله نحيـا نودعـك وتـكـوني ذكـرى نغـازلـها
يـاغــربـة يابكــاية يـا غشــاشــة يا مسـتهبلـة
|
Post: #2
Title: Re: وهـــــ الغـــربة ـــــــم
Author: Ismaeil H. Mohamed
Date: 02-19-2005, 05:18 AM
Parent: #1
فووووووووق
|
Post: #3
Title: Re: وهـــــ الغـــربة ـــــــم
Author: فريد ودالمسيد
Date: 02-19-2005, 11:02 PM
Parent: #1
سمعة إيه الإبداع ده ..
ختيت إيدك علي الجرح ..
نعتذر عن الغياب في الفترة السابقة ..
أخوك بجهز للزواج والعروس حتجي يوم 9/3
زي ما بقولوا الجماعة (طرد)
تحياتي للإخوة بابكر والفاتح وعبد العظيم وطارق اليمني
وبلغهم بالزواج وياريت لو تشرفونا في دبي تكون الفرحة فرحتين
|
Post: #4
Title: Re: وهـــــ الغـــربة ـــــــم
Author: Ismaeil H. Mohamed
Date: 02-22-2005, 05:33 AM
Parent: #3
أخي الحبيب ود المسيد
تحايا معطرة ممزوجة بالشوق
الكبير( لي لمة مجموعة دآتا) .
الف الف مليار مبروك مقدماً
نسأل الله أن يكتمل الفرح بحضوركم لينا
أو سفرنا ليكم آآآآآآمين – ما بعيد علي الله.
وللمتابعة هل هناك برنامج قبل إرسال الطرد؟
وإن وُجد ! أرجوا إرسال التفاصيل للمتابعة.
أللهم أجعله زواجاً ميموناً مباركاً
متوج بالزرية الصالحة
والحياة الناعمة الرضية
آآآآآمييييييييييييييييين
سلام
|
Post: #5
Title: Re: وهـــــ الغـــربة ـــــــم
Author: Ismaeil H. Mohamed
Date: 02-26-2005, 01:13 AM
Parent: #4
يا ود المسيد
آميييييين
|
Post: #6
Title: Re: وهـــــ الغـــربة ـــــــم
Author: فريد ودالمسيد
Date: 02-26-2005, 09:18 PM
Parent: #1
سمعة آآآآآمين يارب العالمين
ومهندس الكمبيوتر العسل ده إسمو مين ماشاء الله
يوم الخميس القادم في حنة في العين
ويوم الأربعاء 9/8/2005 في حنة في دبي
وأخوك في إجازة 16 يوم وربنا يستر
|
Post: #7
Title: Re: وهـــــ الغـــربة ـــــــم
Author: Ismaeil H. Mohamed
Date: 02-27-2005, 03:29 AM
Parent: #6
يا عم فريد
Quote: يوم الخميس القادم في حنة في العين
ويوم الأربعاء 9/8/2005 في حنة في دبي |
دي حندكة ولا شنو يعني؟؟؟
انا بسأل عن البرامج المحلية
يا زول بيت مال وعيال
بس ورّونا الشرايط!!!!
| Quote: ومهندس الكمبيوتر العسل ده إسمو مين ماشاء الله |
ده الإبن الاوسط محمد المختار إسماعيل - أربعة سنوات الآن
والصورة قبل أكثر من عامين -
بين أحمد سبعة سنوات وابراهيم خمسة أشهر
... وذلك من فضل الله.
لكن كدي قول لي باقي ليك لمن يوصل الجامعة ومع
إيقاع التكنولوجيا الحاصل ده لسه بكون
في علم كومبيوتر في السطح ولا بتكون علوم
جديده خارج دائرة خيالنا.
طبتم وطاب فرحكم
اللهم اجعله زواجاً ميموناً مبراكاً
إسماعيل حميم
|
Post: #8
Title: Re: وهـــــ الغـــربة ـــــــم
Author: lana mahdi
Date: 02-27-2005, 03:31 AM
Parent: #1
اخي الحبيب اسماعيل
رد الله غربتك و غربة كل بعيد عن الوطن
محبتى لك
|
Post: #9
Title: Re: وهـــــ الغـــربة ـــــــم
Author: Ismaeil H. Mohamed
Date: 02-27-2005, 05:27 AM
Parent: #8
الاخت الكريمة لنا بنت المهدي
دوماً مرورك يسعدني
لما أره في كتاباتك من
رجاحه عقل
و جمال نفس
و سلامة اللغة
| Quote: رد الله غربتك و غربة كل بعيد عن الوطن |
انا بحمد الله مقيم بالسودان
اما الغربات فهم كُثر
الروح .... الزمان .... المكان
نسأل الله رد جميع الغربات للجميع
إسماعيل حميم
|
Post: #10
Title: Re: وهـــــ الغـــربة ـــــــم
Author: bayan
Date: 02-27-2005, 06:02 AM
Parent: #9
العزيز اسماعين
والله قصيدة جميلة جدا ومعبرة وكاشفة وواصفة..
ربنا يرجعنالبلدنا...
|
Post: #11
Title: Re: وهـــــ الغـــربة ـــــــم
Author: Ismaeil H. Mohamed
Date: 02-27-2005, 06:18 AM
Parent: #10
شكراً يا د. بيان
ذكرني تعليقك هذا بصديق قديم
يداعبني بنطق إسمي المتغير
حسب البيئة والسن حيث يتحرك
من
سمعة مروراً بـ
إسماعيل
وإسماعين
حتي
سُماعين
شكراً لك ثانياً
إسماعيل حميم
|
|