Post: #1
Title: و .. تماضر شيخ الدين
Author: خالد الأيوبي
Date: 02-11-2005, 10:08 PM
والله ... في حاجة غلط في المنبر دا
ما هي ؟
الله أعلم
|
Post: #2
Title: Re: و .. تماضر شيخ الدين
Author: hanouf56
Date: 02-12-2005, 01:28 AM
Parent: #1
الاستاذ خالد الايوبى
نعم فى كمية من الحاجات الغلط فى المنبر ما حاجة وحدى
(وانا ما عارف الخلاك توجه الكلام دة للاستاذة تماضر شنو لكن بقول ليك انو وجود تماضر - ورجاء - ورودا - واشراقة - الجندرية ود . ندى وبقية العقد الفريد من نساء بلادى هو اصح حاجة هنا)
ولك الود
محمد
|
Post: #3
Title: Re: و .. تماضر شيخ الدين
Author: خالد الأيوبي
Date: 02-12-2005, 01:43 AM
Parent: #2
أخ محمد ..
أنا ما وجهت كلامي لتماضر ...
أنا قلت : ....... و تماضر
آخر مشاركة لتماضر في 25 – يناير ، قبل 18 يوم ....
أن تغيب تماضر كل هذه المدة : معناها في حاجة غلط
وأن لا يسأل أحد عنها كل هذه المدة: معناها في حاجة غلط
خالد الحاج إنسحب.... عادل إستقال..... الجندرية .. ودعتنا و مشت ....وفلان توقف .. وفلانة .. إختفت .....
........................ و حتي تماضر شيخ الدين مسجلة غياب غير طبيعي
في حاجة غلط ولا أنا غلطان ؟؟؟
|
Post: #4
Title: Re: و .. تماضر شيخ الدين
Author: نور الهدى
Date: 02-12-2005, 01:48 AM
Parent: #3
وانا احدى الغائبات واليوم عدت
لكن اكيد في شيء في غياب الرائعة تماضر
واكيد شيء غلط انو ما زول يسال عليها
|
Post: #7
Title: Re: و .. تماضر شيخ الدين
Author: خالد الأيوبي
Date: 02-12-2005, 11:11 AM
Parent: #4
نور الهدي
مرحب بعودتك
وأنا عارف أن الغائبات و الغائبين لا حصر لهم فكثر
وتماضر ليست إلا مثالا .... كانت تمثل في وجودها دائما مثالا يحتذى
ولا نريد غيابها ولا نستوعبه ..... كما لا نريد لغيابها أن يكون مثالا يحتذى
|
Post: #5
Title: Re: و .. تماضر شيخ الدين
Author: hanouf56
Date: 02-12-2005, 03:16 AM
Parent: #3
Quote: في حاجة غلط ولا أنا غلطان ؟؟؟
|
فى كمية من الحاجات الغلط ....
لكننى اعتقد ان تماضر عائدة لا محال وكذلك الجندرية فهما اقوى واصلب من واقعنا السئى ....
الاخ خالد كان يجب ان يغادر المنبر منذ فترة ويتفرغ لموقعه المتميز (سودانيات) ولا اعتقد ان وقته يكفيه للعمله واسرته وسودانيات وسودانيز ونلاين .. وله العتبى حتى يرضى لانه غادر المنبر وهو غاضب ...
الاخ عادل ومع اختلاف الكثير معى لكننى اعتقد ان مغادرته المنبر اشرف له من الوجود فيه خاصة بعد تعديه على خصوصيات الاخرين وتعقبا لهم كانه عضو فى جهاز امن السودانى سئى السمعة ... (ولا اعتقد انك تؤمن بان الغاية تبرر الوسيلة)
ومع كل هذا اؤمن بان يوم بكرة جميل وضواى ...
وسوف يبقى هذا المنبر متميزا رغم مغادرة جزء كبير من اركانه لنه يشبه تما وطننا الحقيقى .. وكما قال صديقى ابنوس (وقد اصبح المنبر وطنا فى زمن اللا وطن)
محمد
|
Post: #6
Title: Re: و .. تماضر شيخ الدين
Author: Hussein Mallasi
Date: 02-12-2005, 07:49 AM
Parent: #5
سلامات يا ايوبي؛
ربما لو خيرت؛ لاخترت؛ ان يكون غيابها
بسبب الحاجة الغلط الفي المنبر؛
و ليس بسبب طاحونة كسب العيش .....
في جميع الاحوال؛ اتمنى عودتها للمنبر؛
فمكانها شاغر بالتأكيد؛
الا ان مكانتها لا يرقى اليها الشك ابداً؛
فقد كانت - و ستظل - كبيرة.
تحياتي و امنياتي الطيبة
|
Post: #11
Title: Re: و .. تماضر شيخ الدين
Author: خالد الأيوبي
Date: 02-13-2005, 00:20 AM
Parent: #6
Quote: فمكانها شاغر بالتأكيد؛
الا ان مكانتها لا يرقى اليها الشك ابداً؛
فقد كانت - و ستظل - كبيرة |
الأخ حسين ملاسي
وأنا أضيف إلي كلامك وأقول:
فمكانها شاغر بالتأكيد؛
الا ان مكانتها لا يرقى اليها الشك ابداً؛
فقد كانت - و ستظل - كبيرة
|
Post: #8
Title: Re: و .. تماضر شيخ الدين
Author: zola123
Date: 02-12-2005, 11:33 AM
Parent: #1
تماضر في قلوبنا وما نسيناها
لاكن الحالة العامة للبورد واضح انها سبب غياب الكثيرين
واكيد أكيد مستنيين بارقة أمل عشان يرجعوا ويملوا المكان بهجة من تاني
تماضر
والله العظيم أنا باحبك كده لله في الله ومشتاقة ليكي شديد
لاكن خدي راحتك وكملي زعلتك عشان ما يفضل في قلبك باقي حزن
بس أرجعي لينا تاني
في انتظارك
|
Post: #12
Title: Re: و .. تماضر شيخ الدين
Author: خالد الأيوبي
Date: 02-13-2005, 00:36 AM
Parent: #8
Quote: تماضر في قلوبنا وما نسيناها
بس أرجعي لينا تاني
في انتظارك |
زولة واحد إثنين ثلاثة
نتفق معك نبسبة 99.99%
غياب تماضر يعني الكثير
أقلها أن المنبر يفقد نكهته ورونقه...
وأكثرها أنها إشارة واضحة إلي أن المنبر يفقد 'المنبر" .. يفقد نفسه
فقبل أن ننادي تماضر بالعودة ، هل من سبيل لتدارك الأمر .. وقبل فوات الأوان.
و هل ستصلح قوانين بكري ما أفسد " الدهر"؟
|
Post: #9
Title: Re: و .. تماضر شيخ الدين
Author: معتصم الطاهر
Date: 02-12-2005, 01:36 PM
Parent: #1
يا جماعة ..
مه كل الاحترام
فى طعم ناقص بدونها ..
طعم ونكهة .. خاصين بتماضر
|
Post: #14
Title: Re: و .. تماضر شيخ الدين
Author: خالد الأيوبي
Date: 02-13-2005, 09:20 PM
Parent: #9
Quote: قال القاضى:
"وراء كل طلقة حرب طاغية..
وامام الطلقة عيون امراة تمسك بيدها طفل ناحل..
وبينهما شاعر"
قال العطار: ووراء الوردة ..محض جمال..
قال الشرطى: انت ما انت ..
جوابُ شرطٍ لــ(إن)
وكان الطريق يئن..
ايا شرط..إن..
وهى شرطية..
وشرطى..هو..
وأنا البس اجمل احذيتى..قبل دقائق من ..تفجير غبار الاهات..
وتحويل العالم لاخر تجويف فى قاع الوقت..
حلم اقصر من عمر..الورد
وأغنى...للغد |
معتصم التاهر
أعلاه .. نقلاً من آخر مشاركة لتماضر ......
ألا تكفي مقارنة بسيطة بينه و بين ... كثير مما يكتب هذه الأيام هنا .. أن تدعونا ننادي بالصوت العالي : تعالي
|
Post: #10
Title: Re: و .. تماضر شيخ الدين
Author: صديق الموج
Date: 02-12-2005, 01:46 PM
Parent: #1
وا تماضراه...هبشك الما ضراه ودى بتصريف او تحريف منى لا ادرى
المهم اتمنى ان بكونوا كلهم متوهمين وتجى راجعة وبيضاء من كل
سوء...تسلمى،،،،
|
Post: #13
Title: Re: و .. تماضر شيخ الدين
Author: نادية عثمان
Date: 02-13-2005, 08:51 AM
Parent: #10
اقسم بالله اننى كلما فتحت هذا المنبر ابحث اول ماابحث عن احباء مبدعين ارجو ان يعودوا الينا سريعا جدا
ومنهم هذه الانسانة النبيلة ..والفنانة الرائعة تماضر شيخ الدين
علها تقرؤنا الان وتعود الى من احبوها جدا واحترموها جدا فى هذا المنبر الوطن ..رغم كل شئ!!
|
Post: #15
Title: Re: و .. تماضر شيخ الدين
Author: خالد الأيوبي
Date: 02-13-2005, 09:37 PM
Parent: #13
الأستاذة / نادية
قبل فترة بسيطة كانت تماضر تستنكر المشاحنات في المنبر و تناشد (رجاء) بالعودة . قالت:
Quote: واطلب اغنية ...النفوس الطيبة ما كانت شريرة واهديها الى اعضاء سودانيز اون لاين.."المتناحرة"
واناشد رجاء العباسى بالعودة الى البورد...رغم تعاسته
كما اطلب من العارفين الافادة والتشخيص.. |
وإنت هنا تناشدينها بصدق – بدون حليفة – وبكل حب:
Quote: اقسم بالله اننى كلما فتحت هذا المنبر ابحث اول ماابحث عن احباء مبدعين ارجو ان يعودوا الينا سريعا جدا
ومنهم هذه الانسانة النبيلة ..والفنانة الرائعة تماضر شيخ الدين
علها تقرؤنا الان وتعود الى من احبوها جدا واحترموها جدا فى هذا المنبر الوطن ..رغم كل شئ!!
.. |
وزي ما قال المثل : (( التسويه كريت في البورد ..... تلقاهو في غيابها )) !!!
أيه رأيك يا نادية تنمي – بكسر النون - ليها دوبيت كارب كدا .... أنا متأكيد ح جيب نتيجة
و تسلمي
|
Post: #16
Title: Re: و .. تماضر شيخ الدين
Author: نادية عثمان
Date: 02-13-2005, 09:47 PM
Parent: #15
العزيز خالد الايوبى
قلت لى ((أيه رأيك يا نادية تنمي – بكسر النون - ليها دوبيت كارب كدا .... أنا متأكيد ح جيب نتيجة))
وكفانا الله شر النميمة والنمامات والنمامين ..خليها دوبى ..من دوبيت بدل نمى من نم ..وانا فاهمة انت قصدك النم البجروه داك نمممممممممممممممممم
لكن برضو وبينهما امور مشتبهات خلينا منها واسمع ده :
تماضر يالحبيبة انحنا مشتاقين
ياام وجها صبوح بتعودى لينا متين
ياام قلما رصين كتب العديل والزين
وحياتك تعودى عليكى شيخ الدين !!
|
Post: #19
Title: Re: و .. تماضر شيخ الدين
Author: bayan
Date: 02-13-2005, 10:12 PM
Parent: #16
اتمنى ان تعود تماضر.. قبل يوم المرأة
وفى رسالة موجهة ليها هى و المتغيبات فى بوست الجندرية
واتمنى ان تعود نجاة محمد على..ودومة والجندرية و اشراقة
تماضر و نجاة ودومة والجندرية و اشراقة
كل واحدة غيابها شكل فراغا سيظل شاغرا
لحين عودتهن.. كل واحدة هى امه بحالها...
اتمنى ان اراهن هنا قبل يوم المرأة والا حنختهم فى لست
الخزلان والعار والشنار...
اها قلتن شنو؟؟
|
Post: #17
Title: Re: و .. تماضر شيخ الدين
Author: خالد الأيوبي
Date: 02-13-2005, 10:02 PM
Parent: #10
Quote: وا تماضراه...هبشك الما ضراه ودى بتصريف او تحريف منى لا ادرى
المهم اتمنى ان بكونوا كلهم متوهمين وتجى راجعة وبيضاء من كل
سوء...تسلمى،،،، |
صديق الموج .. الهادر
تماضر راجعة بلا شك . هي وكل الذين كان لوجودهم طعم ولون ورائحة، عائدون
بس أنا مستعجل لعودة تماضر .. تعرف ليه؟ خرمان لتعليقاتها اللطيفة الذكية جداً.
مرة كتبت بوست بإسم : ليه كده يا لؤي ولنا المهدي و تمبس.
لنا مهدي إحتجت بلطافة و مداعبة علي تغيير إسم أبوها من مهدي إلي المهدي. فردت عليها تماضر:
Quote: بالغت انا...ضايفة ليه الف ولام وهو غنى من التعريف؟؟
حقو على..
خلاص ادينى الف لامى ديل بعرف بيهم تمبس اصلو هو "فقير" عن التعريفة..هاهاهاها |
خرمانيين يا تماضر لمثل هذا وذاك .
ذاك = ناس (سأزاول عشقي) و (مالها الحقول) وما شابههما من الروائع
|
Post: #18
Title: Re: و .. تماضر شيخ الدين
Author: خالد الأيوبي
Date: 02-13-2005, 10:11 PM
Parent: #1
الأخت الأستاذة نادية ...
شكرا للتصحيح ... و شكراً للإستجابة السريعة والدوبيت المعبر:
Quote: تماضر يالحبيبة انحنا مشتاقين
ياام وجها صبوح بتعودى لينا متين
ياام قلما رصين كتب العديل والزين
وحياتك تعودى عليكى شيخ الدين |
!!
|
Post: #21
Title: Re: و .. تماضر شيخ الدين
Author: osly2
Date: 02-13-2005, 10:35 PM
Parent: #18
ايدنا معاك يا ايوبى حتى تعود تماضر
|
Post: #22
Title: Re: و .. تماضر شيخ الدين
Author: خالد الأيوبي
Date: 02-14-2005, 10:14 PM
Parent: #21
تشكر يا أوسلي .... ولك التحية
|
Post: #20
Title: Re: و .. تماضر شيخ الدين
Author: خالد الأيوبي
Date: 02-13-2005, 10:33 PM
Parent: #1
Quote: تماضر و نجاة ودومة والجندرية و اشراقة
كل واحدة غيابها شكل فراغا سيظل شاغرا
لحين عودتهن.. كل واحدة هى امه بحالها... |
الأخت د.بيان
أتفق معك تاما .. وأناشد
تماضر و نجاة ودومة والجندرية و اشراقة
بالعودة ومواصلة النشاط حتي يعود للمنبر إشراقه
|
Post: #23
Title: Re: و .. تماضر شيخ الدين
Author: خالد الأيوبي
Date: 02-14-2005, 10:17 PM
Parent: #1
الأخت الأستاذة تماضر
أعرف أنه لا الوقت و لا الجو مناسبين لرفع هذا البوست
ولكني أردتك أن تكوني معنا في قلب الأحداث
... فإبقي معنا (أكليشيهات خليجية يا ملاسي)
...
|
Post: #24
Title: Re: و .. تماضر شيخ الدين
Author: Hussein Mallasi
Date: 02-15-2005, 06:02 AM
Parent: #23
فوق؛ و حتى حضور الناس الفوق.
|
Post: #25
Title: Re: و .. تماضر شيخ الدين
Author: Hussein Mallasi
Date: 02-19-2005, 05:24 AM
Parent: #24
فوق؛ حتى نطمئن على الناس الفوق.
|
|