Post: #1
Title: مرحبا بالخبير القانوني الطيب شيقوق
Author: عبدالله
Date: 02-07-2005, 11:16 AM
لاشك ان انضمام الخبير القانوني المتيمز / الطيب مضوي شيقوق سيشكل اضافة ثره لهذا المتميز 0
الطيب شيقوق الذي يعمل الان خبيرا قانونيا بسوق مسقط للاوراق الماليه من الكفاءات القانونيه المهاجره المتميزة الاداء ويعكس باداءة وجها سودانيا مشرقا في بلاد المهجر
الي جانب تخصصه المهني فقد عرف عن الطيب المشاركة الاجتماعيه الواسعه انطلاقا من قاعدة اهله في البردانه مرورا بايامه في جامعة الخرطوم ثم وهو يمارس المحاماة بمدينة كوستي بمكتب الاستاذ عبدالمحمود صالح وانتقاله الي السوكي التي اسس بها اول مكتب للمحاماة0
نامل في امتداد مساهماته عبر المنبر وتواصله الاجتماعي عبر هذا الوطن الالكتروني 0
|
Post: #2
Title: Re: مرحبا بالخبير القانوني الطيب شيقوق
Author: Ibrahim Adlan
Date: 02-07-2005, 12:05 PM
Parent: #1
مرحبا بالأستاذ الطيب اضافة متميزة
|
Post: #3
Title: Re: مرحبا بالخبير القانوني الطيب شيقوق
Author: elsharief
Date: 02-07-2005, 02:19 PM
Parent: #2
الف مرحب ابن المنطقة والخبير القانونى الطيب شيقوق
|
Post: #4
Title: Re: مرحبا بالخبير القانوني الطيب شيقوق
Author: نزار محمد عثمان
Date: 02-07-2005, 10:48 PM
Parent: #3
مرحباً بالطيب شيقوق
وحتما هو قريب العوض بانقا شيقوق ... "زميل دراستي في الصف الثاني المتوسط بمدرسة الدندر المتوسطة .. عام 1979-1980 وصاحب النكتة الحاضرة ..والمشاغبات المتكررة مع استاذ " سيدنا عمر"
أرجو إفادتي عن أخباره.
|
Post: #5
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 01:17 AM
Parent: #1
الاخ الكريم عبد الله
تحياتي واشواقي الحارة لكم وشكرا جزيلا لمساهماتكم واطراءاتكم التي اخجلت تواضعي . اعدكم بانني سوف اظل معكم على الدوام عبر هذه النافذة .
يسعدني كثيرا التعرف عليك عن قرب لان ترحيبكم يبدو على خلفية تعارف بينني وبينكم حفنه سنين مضت بيننا لم نلتق خلالها . فهلا تكرمت بمزيد من الافصاح والشفافية ليتسنى لى معرفتك .
|
Post: #6
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 03:46 AM
Parent: #1
ماهو عارف قدمو المفارق
يا محط آمالي السلام
**
ياجميل يانور الشقائق
أملأ كاسك وأصبر دقائق
مجلسك مفهوم شوفو رايق
عقدو ناقص زول ولاّ تام
**
ويح قلبي الما إنفك خافق
فارق أمدرمان باكي شافق
يا أم قبايل مافيك منافق
سـقي أرضك صوب الغمام
من علايل أبوروف للمـزالق
من فتيح للخور للمغالق
قدله يامولاي حافي حالق
بالطريق الشـاقيـه التـرام
|
Post: #7
Title: Re: مرحبا بالخبير القانوني الطيب شيقوق
Author: Raja
Date: 02-08-2005, 03:53 AM
Parent: #1
مرحبا بالأستاذ الطيب شيقوق..
|
Post: #8
Title: Re: مرحبا بالخبير القانوني الطيب شيقوق
Author: قرشـــو
Date: 02-08-2005, 04:03 AM
Parent: #1
الف مرحب بالخبير القانونى الاستاذ الطيب شيقوق
حقيقة نحتاج هنا لمستشار قانونى ونرجو ان لا يبخل علينا باستشاراته
حللت اهلا سيدى فالكل هنا اهل واحباب ونرجو ان يطيب لك المقام بيننا
|
Post: #9
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 08:31 AM
Parent: #1
شكرا ليك الاخت او الاخ رجاء ( ثمة تباين بين الاسم على المنبر والجندر في البروفايل )
ولكن علينا بالظاهر ومن ثم تكون الاخت رجاء وليس الاخ رجاء لاني لا اعتقد ان المسألة ترقي الى درجة انتحال شخصية الرجل طالما انها ،ومع افتراض ان الجندر انثى ، لا يزيدها نسبها للرجال درجة ارفع عما فيه . والعبرة في تقديري بالعائد المرجو منها وليس مجرد افتراض صفة الاحلال Assumption of this or that type of gender
|
Post: #10
Title: Re: مرحبا بالخبير القانوني الطيب شيقوق
Author: Yassir7anna
Date: 02-08-2005, 10:54 AM
Parent: #1
الطيب شيقوق شخصيا معنا؟
الف مرحب يك وبي طلتك لكن طبعا ما حتكون عرفتني وح اخليك كده لغاية ما نتلاقى ان شاء الله
الف مرحب بيك
|
Post: #11
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 12:12 PM
Parent: #1
مرحب بيك اخ ياسر ويا ريت لو ما شوقتنى طويل علي اجد نهاية لمشوار التامل في من انت
انا حقيقة تهف نفسي دوما لمعرفة المزيد من الاخوان والاصدقاء عبر هذه النافذة والفضل يعود اولا واخير لحادي ركب ادارتها الاستاذ الشامخ بكري ابو بكر والكوكبة النادرة من زملائه في ادارة الموقع .
|
Post: #12
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 12:49 PM
Parent: #1
الاخ الكريم قرشو ( خالد محمد نور ادريس ) لله درك ومرحب بيك تبدو ثمة امور مشتركة بيننا ام درمان و العصيدة بالنعيمية . بس اقول ليك حاجة انا سكنت ام درمان قبل خمس سنوات وأسرتي هناك واكلت النعيمية لكن لم تكن بذلك الطعم الذي اجده فيها في ريف الدندر وحالف عند عودتى للسودان في شهر مارس القادم اتصل بيك وادعوك للذهاب معي للريف وحتشوف نعمة النعيمية هناك. بس ارجو تديني رقم تلفونك للاتصال بك والتعرف ومن ثم ترتيب امر الرحلة الى هناك .
يا الطبيعة الواديك ساكن
مافي مثلك قط في الاماكن
يا جمال النال في ثراكن
يا حلاة البرعن اراكن
في قفاهن تور قرنو ماكن
لا غشن لا شافن مساكن
في الخزام والشيح والبراح .
|
Post: #13
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 12:54 PM
Parent: #1
مرحب بيك اخي ابراهيم
وربنا يجمع شملنا في سودان حر تسوده الحرية والرفاهية .
|
Post: #14
Title: Re: مرحبا بالخبير القانوني الطيب شيقوق
Author: ابو مهند
Date: 02-08-2005, 01:01 PM
Parent: #1
 
نزل اهلا وحللت سهلا يا شيخ العرب.
الرجل ذو المعدن الطيب,خبره قانونيه واجتماعيه.
اهلين بيك ياقريبي...والتحايا عبرك لاهل مسقط من البقاله مرورا بنادي الجاليه الى عيييييك ناس الحيل والخوض ومعبيله.
|
Post: #15
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 08:00 PM
Parent: #1
الاخ العسل ابو مهند
لك التحية ولاولادك .
افتقدناك في عصريات الدكان السوداني والنادي السوداني بمسقط واخشى الا نفقدك كلك كيف هولندا وكيف اهلك الهولنديين . اتمنى ان تكون موفقا في تعليمهم وكذلك المدام اللغة العربية حتى لا تعود معك الى بلادنا لتخطئ وتصيب . ارجو ان تكون رسالتي قد وصلت فاهلنا هنا ما بفوتوا لا كبيرة ولا صغيرة .
|
Post: #16
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-08-2005, 09:24 PM
Parent: #1
ايوه لازم يا جميلة
نعود نغني
برغم إنو الحزن طول
زي تقول ما ليهو آخر
و لا أول
ما الوجع مليان غناوي
و الحزن شايل حكاوي
و البلد حيرانة تسأل
ايه بيحصل
و ليه بيحصل
وحده وين هذا المسلسل
البلد صارت مفازة
و الفرح سافر اجازة
و البيوت يوماتي تبكي
و كل يوم لازم جنازة
و برضو لازم رغم هذا
يا جميلة نعود نغني
عشان طيور الريدة تسمع
و الزغاريد تاني ترجع
و الكلام الدابو لسع
في صدور بنوتنا يطلع
و يبقى مرجيحات و شفع
ايوه لازم يا جميلة
نعود نغني
و صوتنا يكبر
و ريشنا يغرز
و نبقى تاني
وطن محبة
و الحرب نديها دبه
و تاني نرجع لي وطّنا
و تاني نقدل في بلدنا
ما البلد حقتنا نحن
و نحن اولادها الغلابة
و هيه لينا الديمة يمه
و نحن ليها الديمة يابه
و نحن طالعين من جروفه
و نحن مارقين من ترابه
و كنا ديمه نغني ليها
و لسه ما زالت حبابه
هي البداية
و هي النهاية
و هي الدواية
و هي الكتابة
و هي الاغاني
اللسه جاية
و هي المسادير و الربابة
آديك بلدنا
و ديله نحنا
و تاني جايين زي سحابة
عشان يعود سودانا تاني
و يبقى فردوس للتعابة
و يبقى حرية و صلابة
ايوه لازم يا جميلة
نعود نغني
برغم إنو الحزن طول
زي تقول ما ليهو آخر
و لا أول
يا جميلة
كل بداية
ليها في الآخر نهاية
و الظلام مهما طول ليه آخر
و ليه اول
الحردلو
|
Post: #17
Title: Re: مرحبا بالخبير القانوني الطيب شيقوق
Author: Agab Alfaya
Date: 02-09-2005, 08:44 PM
Parent: #1
الف مرحب بالزميل الطيب
اقامة سعيدة
سلام الي كل ناس مسقط
|
Post: #18
Title: Re: مرحبا بالخبير القانوني الطيب شيقوق
Author: الطيب شيقوق
Date: 02-09-2005, 09:18 PM
Parent: #17
مرحب بيك أخي عجب الفيا وشكرا ليك وتقبل التحايا الحارة من جميع الزملاء بمسقط فأنت بينهم العجب والصديق الحاضر الغائب .
كما أهنئ جميع الاخوة الزملاء بشهادة الدكتوراة في القانون التي منحت للاخ الدكتور عبد احمد عبد الله وهو الان يعمل مستشارا قانونيا بمملكة البحرين وعقبال لاخوان فاطنة.
الاخت الاستاذة رجاء مرحب بك وانت قامة شامخة في ساحات كتابة الكلمة الحرة وعلى مساحات البيان العربية .
|
|