بكائــيات مغتــرب مفلِّــــس !!!!!!!

حسنات هذا ( الحوش ) عديدة ...... وأكثرها حسنةً ( أو حُسناً ) مشاركتك الآخرين في أشيائهم التي يُعبِّرون عنها هنا ....... مشاركتك ... رفضاً ... أو استحساناً ، حزناً .....أو فرحاً ، إيجاباً .... أو سلباً ، حباً .... أو شعراً ، (هترشةً) ....... أو انتقاداً ، هي المُشاركــــــة ، وهي إجمالاً تُعَد زينـــةً لحياة الفرد وإلا كان رفضه ذلك مدعاةً لاتهامه بالكثير !!!!!.
والكلمة لها التأثير ......... ( دون تصنيف ) ....... وبكائياتي هنـــا هي إحساس كثيرون منا ..... كلٌ منا خرج من دياره بقصة ........ ليعيش كل يوم قصصاً أخرى . بطعم آخر ( أجزم أنه مُر) وبالتالي لكلٍ منا تجربته ... وخبرته ... وقصصه . فيها الحزن ... والفرح .... والضجر ... والألم ... والوحدة ... والأرق .... وفيها (الفلس) أيضاً !!!!!!!! وبالتالي فإن لكلمة كلٍ منا عن تجربته التأثير على الآخر ... والدلالـــــــة.......
دعونـا هنا نحكي معاناتنا ... أحلامنا الغبية ........أفراحنا .. وأحزاننا ... هي ليست دعوة للتعري والتجرد في تفاصيل التفاصيل ........ بل نافذة نتنفس فيها بعضاً من غضبنا.
هي ليست دعوة للتشاؤم .............لا نريد حياة يأس ............ فالتفاؤل فضيلة من فضائل ديننا ، ولكن ..........!!!!!!!!!!.
نريد أن نصبح حكاماً للحياة ...... لا عبيداً لها ، دعونا نحس بأن ما في داخلنا له قيمة ....... هيا فلنحرر أنفسنا ونقول ما بداخلها حتى إن كان هــــــــــــــــــراء!!!!!!!!!!!

البكاء عمران (دي علي وزن المشاء وكده ..)
إيه رايك تبدا لينا انت بكائياتك وفلسك مع الغربة ..حرر ما بداخلك وستجدنا كللللللللنا خلفك نهتف ...
شخصياً لو كان الفلس رجلاً كان خليت ليهو الشارع ومشيت بي شارع تاني ...
راجينك ..

المشاء اللذيذ / عمر الفاروق شيخ الدين ( إسمك يخوف)
المسألة ليست الفلس وحده ويمكن أن يكون ليس هو الشي الأهم ، المسالة في باقي الأمور ، في هذا البلد الذي لا فرح فيه ، عزاز شامي تشكي من قفلة البيوت ونحن نشكي من الشارع ، الشارع المصنوع ، والبكاء كثير .
أما عني فسأبدأ بمعاناة الإستقدام ( ومحل الرهيفة التنقد ) حسب قول الأساسي أساسي

يا اخوي عمران
كبرنا وكبرت احزانا
اللهم اجعله خير
ويا رب حسن الخاتمة

العم الأنيق حمزاوي ( أناقة رقيصك على إيقاع الديار)
الخوف يكبر معانا الحزن ونلقي نفسنا قضينا 20 سنة وكملت الحاجات الحلوة فينا ونرجع نباري البروش ( بدون قروش)وشوية كرفتتات

نحن نتعب
فى البحث عن الراحة.....

ونشقى
فى البحث عن السعادة....

ونفلس
جريا وراء الفلوس....

ونولد ونموت
وننسى
ان نعيش....

أخي / صلاح
لك الإحترام للمرور

Quote: ونفلس جريا وراء الفلوس.... ونولد ونموت وننسى ان نعيش....

والله يا أخوي صلاح ما ناسين ، بس ما لاقين طريقة وعليك الله صلاح صبرنا بي شوية نظرية تخلينا نمرق من النحن فيه ده .

اخي الحبيب عمران
وهو في مغترب ما مفلس مع الضرايب والزكاة و الاتاوات والدقنية و العتب بتاعة الزمن دة و حكومة الزمن دة؟؟

الأخت الأستاذة/ lana mahdi

Quote: و العتب بتاعة الزمن دة و حكومة الزمن دة؟؟

أها ده كمان موضوع تاني مارض مصاريني وهاريني .
لكن ما أتعبني وجعل هذه الهترشة تأتي هنا أنني كنت أبحث عن صورة ذات مواصفات محددة في اسطوانات لدينا بالمكتب ، وفي إحدى هذه الأسطوانات وجدت مجموعة من الصور الجميلة عالية الدقة تحكي عن عالم آخر ( هذا أب مع زوجته على شاطي بحر ، وهذا طفل يجري وسط مروج خضراء ، وهؤلاء مجموعة شباب يتمشون على أحد الأرصفة ... الخ )
وجدت ضآلتي من الصور ولكن ظهرت لي ( ظآلات أُخر) تخصنا نحن ) ...أرهقتني وذكرتني كم نقتقد إلى أشياء كثيره هنا ((( حيث لا فرح ))) إلا بقوانين محددة .

شكراً أختي
ونواصــــــــــل

البكاء عمران :
الكلام يادوب وقع لي والموضوع بقي لي حااااااااااااااااار وصدقني البوست ده لو جينا نبث فيهو همومنا عن الغربة الباند ويدث بتاع بكري بيقول الرووووووووووب عديييل كده ..
استوقفتني عبارة عمييييقة قلتها انت :
" عزاز شامي تشكي من اغلاق الابواب ونحن نشكي من الشوارع " ...
حظنا الجميل اخ عمران خلانا نغترب في بلد فيها بيت الله وقبر حبيبنا المصطفي عليه افضل الصلاة والسلام ..وحظنا التعيس جعلنا نغترب في بلد لا يحترم فيه المواطا اي مغترب اخر ..صراحة الواحد بيصحي الصباح وبيتمني انو وهو سايق العربية يلقا كلللللل الاشارات خضراء عشان ما يقيف ويحتك بي واحد من الناس ديل..تدخل المطعم وتتمني انو ماف عقال يكون موجود عشان ما تنفجر فيهو من فارغتو المقدودة ..تتجنب انو ربنا ما يخليك تعمل حادث مع عقال وهو غلطان ويجي بتاع المرور عشان يرسم الحادث ...
الشارع هنا مسمووووووووووم مسموووووووووووووم مسموووووووووووووووم ...
قلتها لي عزاز شامي احمدوا الله انو الابواب مغلقة عليكم وانتو جوة شققكم عشان ما تشوفوا جنس العذاب ده ...
يا عمران حتي بيوت الله وانت ماشي الصلاة بتمشي وانت قلبك مقبوووووووووووووووض وتخاف انك تصلح ليك عقال غلط في صلاتو ولا تهدي ليك واحد موبايلو بيرن أه ونص في الصلاة ...
عن الفرح يا عمران اخوي ..هييييييييييييييييييه انسي ...
اخر فرحة اترسمت لي هنا كانت يوم لاقيتكم في الاستراحة وقبلها كان لي 3 سنوات ما شفت فرح ...
بجيك تاني كان الله ادي عمر ...

الحبيب / عمر
الخيوط كتيرة ومشربكة ، وخلينا ما نشربكه أكتر ، دعنا نبحث عننا ، عن هذا الفرح الذي يملأ جوانحنا بحب الحياة ، كيف السبيل لعدم موته .
وحتماً سنعود لمواصلة المسألة ووالله أنا محتاج لكلام كتير

عمران اخوى
كدى مسكنى طرف الخيط

أخي / صلاح
لك التحية والإحترام وهذا الإستعداد الجميل للمشاركة

Quote: عمران اخوى كدى مسكنى طرف الخيط

وكدي يآخوي أمسك ليك أي طرف وأحكي لينا الخلاص كيفنو ؟
غياب عن الأهل والفرح ؟
الغربة لمتين ؟ والحل وين ؟
البصلح حالنا شنو ويمرقنا من القحط والحاجة؟
لا إلى مخدات الفرح !! بل إلى يقين يملأنا بأن ( بكرة أحلي ) وفق معطيات موجودة وليس تنظير ...
وهلم جــــــــــــرا ...........
صلاح يا آخوي تجارب الآخرين في الغربة تفيدنا ؟ أنا أحس بالإختناق واحتاج أن أنفس عن نفسي وفق معطيات الحاضر التافه والأحلام الغبية التي تحيط بنا .
أما باقي الخيوط فستتضح شوية شوية ..........
لك احترامي

الصديق عمران
سلام ومحبة
يسحبني طيفٌ عجيب لذكريات تتهادي في الماضي كلما ذكرنا كلمة فرح ........
ويخيل لي أن الفرح اصبح ظاهرة منقرضة وان هذا الرهط من القتل والقتيل ما هو إلا دفتر أحزان في دورة الزمان المتقلبة ..... ووووووووووووووووووووو
من زمني زمن الخيبات والحلم وخارطة السلام المستحيلة اصنع فرحاً يمشي اليك ، يمسح عنك فلس الغربة ويستحضر ثراء الوطن .......................
ايامنا تمضي جميلها وتعيسها ، وحلوها ومرها فلن تتوقف دورة الزمان
هذه الأسطر تصلح أن تكون بكائية من بكائياتك ؟؟؟ اتمنى ذلك

آآآآآآآآآآآآآآآآآآآآآآه ..

يا معتصم يا لذيذ
أنت تصنع الفرح فَلِمَ هذه الــ...

Quote: آآآآآآآآآآآآآآآآآآآآآآه ..

قالو عنها لا تفيد طالما يوجد (جرح) فقل لنا صديقي عن هذا الجُرح علنا نتعظ؟
علنا نفيق ؟؟؟؟؟؟؟؟

صديقي/ود الســـــــــارة
حباب غشياتــــــــــــــــــــك

Quote: يسحبني طيفٌ عجيب لذكريات تتهادي في الماضي كلما ذكرنا كلمة فرح

لا تقل لي يا صديقي بأننا قد أخذنا حقنا مقدماً وبأن الفرصة قد راحت علينا ؟؟؟؟

Quote: اصنع فرحاً يمشي اليك ، يمسح عنك فلس الغربة ويستحضر ثراء الوطن .......................

وكيف السبيل للوطن يا صديقي ؟؟
واحترم عمق المعني للبكائيات يا صديق ؟ لتذهب الفلوس إلى جهنم ؟ أعطونا فرحاً وخذوا فلوسكم قبحكم الله .

Quote: ايامنا تمضي جميلها وتعيسها ، وحلوها ومرها فلن تتوقف دورة الزمان

نعم صديق قلها بملء صوتك ورردها وذكرنا بها قبل أن يرحل التصميم منا ؟ وقبل أن نستسلم !! إننا نريد فقط أن نكون شيئاً خلال دورة هذا الزمان ؟
بس كيف؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!
كيف؟؟؟؟؟؟؟؟
كيف؟؟؟؟؟؟؟؟

الاخ عمــران ..

لك الــود والتحـــية ..

كما ارجو ان يكون الافلاس في الجيوب فقط..

ما يجينا تفليس "الطبل" "وحاجات تاينة حايماني"

على وزن " وحاجات تانية حامياني" زي ما بقول "القفل"

صديقي عمران

آآآآآآآآآآآآآآهة معتصم لخصت كل الكلام

نخنق كل شئ في صدورنا الأفراح والأحزان ، والهموم التي لا يحلو لها القفذ من حالة

ثباتها إلا بعد أن تعمل switch off للنور وتبدأ الدوامة وعيييييييييييك

خليها على الله

ولك الود

الوجيه / خالد

Quote: نخنق كل شئ في صدورنا الأفراح والأحزان ، والهموم التي لا يحلو لها القفذ من حالة ثباتها إلا بعد أن تعمل switch off للنور وتبدأ الدوامة وعيييييييييييك

وده والله الما عايزنو ، ولو ده الحل على تاريخ كل واحد منا السلام !!!!!!
( خنق الناس خنق)
لمتين الخنق يا ناس ؟؟؟
الله يكفينا الشر...
تحياتي يا أوفكاتو ......

الزول/ الرقيق / 400 -1
اله يتم ليك الواحد ده بخير( لووووووووول !! وصلتك؟؟ ربنا يجيب/هابالسلامة
أها يا وليد يا آخوي صديق رحمة الله يديه العافية قال :

Quote: يمسح عنك فلس الغربة ويستحضر ثراء الوطن .......................

الفلس هين ..... الكلام التاني الله يعينا عليهو
أما الإفلاس فنسأل الله السلامة منه .
وشكرا صديقي للمرور الرقيق

الأخ / عمران لك الشكر والتقدير،،
أنا محتاج أخصائي أمراض نفسية وعصبية الآهات كثرت وكبرت ( أكبر من آهات الأخ معتصم بكثير) ولا أعتقد الكتابة ستشفي المصاب الجلل الذي أصابنا من هذه الغربة، وآمل أن يشاركنا أهل الفكر الناضج في سرعة تأسيس مؤسسة (رعاية صحية) للمغتربين بدلا من سيئي الذكر (جهاز المغتربين)، بس أخاف يكون الحجز بالواسطة وما نلقى لينا فرصة سرير ننام عليه،
مشكور أخي ، ونأمل أن نجد من يعرف ويتحسس الجانب الآخر من معاناة المغتربين بدلا من الملاحقة ببطاقة المغتربين وما يسجل عليها وما لا يسجل عليها من أموال بلغت ملايين الدولارات لا نعرف حجمها الفعلي ولا أوجه صرفها ولا توجد أدنى رقابة عليها ، والله المستعان ؟

الأخ / الشفيع
تحياتي
ما لا نريده أن يسيطر علينا الهم والقلق والضغط النفسي لكي لا نبحث عن من يتظر لنا في آهاتنا ، نود لأنفسنا أن نخرج من هذا الهم ونحن أصحاء معافين ، نريد لأنفسنا كما قلت أن نصير ملاكاً للحياة وليس عبيداً لها
شكرا للمرور

عمران عمران اذا احتدم الوغى..الخ ما تعرف
يا اخوى ان بقت على الفلس امرو هين لكن اليست معى ونحن فى هذه
الغربة الكالحة فقدنا حتى بهجة الغضب،واصبحنا اشلاء ناس ساكت
هذا ما يحزننى حقا ويقطع شرايينى....لا بارك الله فى وطن يستكثر
على ابنائه كفن.....الله يرد غربتنا.
حاشية: الجماعة قالوا طيارات المغتربين بقن زى طيارات الجنوب
البرجع على عكازين، واللازنو بى كرسى، والمنتظرو اسعاف ،اللهم رد
غربتنا سالمين..(غانمين قنعنا منها)..تسلم يابطل يا مفلس،،،

أستاذنا / صديق الحاج الطيب الموج
حالتو إنت لسه فيك ريحة الدعاش ،ولسه ما هضمت باقي موية النيل الجيت شايلة معاك ، أكيد يا أستاذنا المسألة وصلت حد الطمام الذي لا فكاك منه بكل حمضيات البلاد .
شكرا صديق بس حا آخد حته من بوست قديم ليك :

Quote: ما لقومى لا يسمعون هل سد الاذان الوقر....ارجو ان تستبينوا الامر قبل ضحى الغد

Quote: أستاذنا / صديق الحاج الطيب الموج

ياولدى عقدتنى اناذاتى مابعرف اسمى قدر ده!!!!
تسلم يا حبيب‘‘‘

الغربه خاويها يا عمران اعتبرها صديقة....ما تفكر تعاديها...ما تحسسها
انك متضايق منها...ما تحسسها انها فارشة ليك الارض شوك...دي فارشه...زهور
وبتفك ليك ضيق غيرك...بتدينك وقت ما تحتاج تفك ضيم زول....وبتحل مشاكلك
انت زاتك....وبتساعدك تكتشف نفسك وعالمك والجيت منهم والماشي ليهم...
بتوسع افقك ويبقي منظارك بشوف بعيد...بتفكك من الشلهته...والعرق والحر..
بتفكك من الهم...وبتخليك من جيل التضحيات والذي غني لهم وعنهم ود المكي

الغربة ما كعبة يا عمران ما تتحامل عليها...وما تبحث عنه من امان وضحكة صادقة وهدوء قد انتهي زمانه وولي حتي لو رجعت السودان...فالسلوك اختلف هناك وطريقة العيش والتفكير
لن تجد لحظة ما قبل عشرة سنين....ولن تجد صديقك قبل عشرة سنين كما تصوره انت الآن
صورة stand still
في عقلك الباطن....الامور كلها تغيرت...ووجب علي الانسان ان يغير نفسه معها...

حس بها شيْ جميل وستجدها كذلك...ان تغيرت مع هذا الاحساس....

نحن هنا مسردبييييييييييييييييييييييييييييييييييييييييييييييييييييييين..
كان عاوز تسردب معانا بنوريك الطريق الما نظري.

الأخ / الحبيب
nazar hussien

لك التحيات والحب لمرورك ......

Quote: وما تبحث عنه من امان وضحكة صادقة وهدوء قد انتهي زمانه وولي حتي لو رجعت السودان...فالسلوك اختلف هناك وطريقة العيش والتفكير لن تجد لحظة ما قبل عشرة سنين....

وده سبب البكاء يالحبيب .... والله الفلس عمرو ما كان هم ... بس الفرح (الفات) ده المبكينا.

Quote: كان عاوز تسردب معانا بنوريك الطريق الما نظري

ومنتظر راجيك تعلمني السردبة قبل حبة ( الصبر ) الباقية دي تروح

عمران
أريتك تبقى طيب
تعرف أنا من يومين كده كاره المنبر ، وما قاعد أكتب إلا قليل جدا ،، والسبب ليس المنبر في حد ذاته ،، لكنها انقباضات الغربة ،،، طبعا أنا مغترب من زمااااان ،، يعني كده قبل تتولدوا إنت وعمر الفاروق ، وفي نفس السنة الاتخرج فيها صديق الموج ،،، أصلو كان بيربت كل سنة يقراها سنتين ،، قمت أنا اغتربت ،، والله يا جماعة أنا اغتربت عشان أجيب شيلة ومهر وقروش حفلة للعرس ،، بس ،،، قمت عملت المسألة دي في أربعطاشر شهر ،، بالضبط ،، لكني عدت أدراجي ،، بس عشان اشتري عفش بيت ، وبعدين أرجع أسكن في بيت إيجار ، وأنا وزوجتي ندف الإيجار والمعيشة من مرتباتنا الاتنين ،،، بعد شوية لقيت نفسي مشتاق لي مرتي ،، وهي اشتاقت لي ،،، قلت إيه رأيك تجي تقعدي معاي هنا شوية وبعدين نرجع ،، أصلو نحن لسة شباب ، وبدري علينا ،،، جات ، وأجرنا البيت هنا ، وأسسناهو ، وبعد شوية بقى عندنا مشروع بتاع زول تالت ، في الحقيقة زولة ،، يازوووول ،، فرحانين بالحمل والمراجعة عند الأخصائي ، وعلى حساب الشغل ، وفرحنا بالولادة في المستشفى الفاخر ، وكانت السماية حدث ،،، وبعدين والله يا جماعة أنا ما عايز أكلفتكم ،،، لكني أول حاجة شعرت إني ارتحت من خنقة مايو ، وتنازل والدي عن شرطه لي بأن أبقى في الغربة لعام واحد ، وأعطاني late permissin وكمان مفتوح ، وقال لي : يا ولدي سوق أخوك ده معاك ،،،
وقعدنا ،، وكل ثلاث سنوات كان عندنا مولود جديد ،، وجونا بعد البنية تلاتة أولاد ،، وكنا عايزين بيتين ووليدين ،،، بعدين بطلنا ،، خفنا يجينا الوليد الرابع ،،، وقلنا يا ربنا يخلي لينا وليداتنا وأختهم ويديهم العافية ،،، وبدينا نفكر إنو ليه ما نقعد نعيش في بلد نضيفة ، بلا هم بلا غم ،،
لكن نوبات الحزن كانت تنتابنا ،،، وقد بكيت وبكت زوجتي في كثير من المناسبات الاجتماعية والوطنية ،،، وقد أحزنني أنني لم أشارك في الانتفاضة ،،، وكنت في غاية الحزن حين بلغني خبر مرض والدي ، فسارعت إلى السودان في اليوم التالي ، وقد استمر والدي مريضا لفترة 12 سنة ، انتظمت فيها في زيارة السودان كل عام حتى أكون قرب والدي ،، لكني يوما وأنا أتناول الغداء وفي يوم جمعة ، بلغني خبر وفاته ،،، وكان العزاء ، وقلت لأهلي أنني قررت أن أعود ،،، بكوا بكاء مرا ، وطلبوا مني أن أبقى في الغربة ،،،
والأولاد يكبرون ، ولم يلتصقوا بالوطن ، ينظرون إلى الأشياء نظرة مجردة ،، هم يرون أن بقاءنا هنا اريح ، وأحسن ، وأنضف ، وهكذا ،، ذهب بعضهم للجامعات ، لكنهم لم يجدوا الوطن الذي حدثناهم عنه ،، كلما قلنا لهم وطننا أجمل قالوا : نحن مشينا وجرّبنا بي نفسنا ،،، تعجبهم بعض أشياء لكنهم يريدون العيش خارج الوطن ،، يريدون هنا ،،
وأنا أتضايق يوميا ، وأتكربن ، وأقرر أن أعود ،، في اليوم مئة مرة ،،، لكني حتى هذه اللحظة استمر في بلع مراراتي ، وأستعين بالصبر والصلاة ، وبعلاقاتي الجتماعية ، وبحبي للكثيرين من أبناء وطني هنا ،، وكأننا أصبحنا مجتمعا لا هو من هذا ، ولا هو من ذاك ،،
آسف للإطالة ..

العم/ ود قاسم
لك السلام والاحترام ،،،،،
إنها البكائيات ، دموع (نصبها) على مخداتنا ليلاً ، فتصيبنا بالصداع (صباحاً) ، لذا (فلنفضفض بها هنا) حتي لا نخرج من الدعاء (بلا حُمُص) .. فلا نحن سالمين ( ولا غانمين) .. وما سطرته يداك ( بكاء ) كثيرون هنا وأخاف أنا شخصياً من هذه الدوامة .

Quote: بكوا بكاء مرا ، وطلبوا مني أن أبقى في الغربة ،،،

Quote: والأولاد يكبرون ، ولم يلتصقوا بالوطن ، ينظرون إلى الأشياء نظرة مجردة ،، هم يرون أن بقاءنا هنا اريح ، وأحسن ، وأنضف ،

(((وهم صادقــــــــــــــــون !!!! )))

Quote: وأستعين بالصبر والصلاة ، وبعلاقاتي الجتماعية ، وبحبي للكثيرين من أبناء وطني هنا ،، وكأننا أصبحنا مجتمعا لا هو من هذا ، ولا هو من ذاك ،،

متعك الله بالصحة والعافية.

Quote: آسف للإطالة ..

ليتك تعود ... وتطيل فلنا في هذا عبرة ..... لك الشكر والإحترام

وفي نفس السنة الاتخرج فيها صديق الموج ،،، أصلو كان بيربت كل سنة يقراها سنتين ،، قمت أنا اغتربت ،،

ود قاسم الله يشيل حسك كلهن سنة اولى وتانية وتالتة ورابعة القعدت فيهن
سنتين ،تقوم تسويهن كلهن..الله يهديك بس،،،وتسلموا انت والولد الفلس
ده..والله انا لما جيت مفتكر روحى اشترى المطار قبل شهور دوب لميت
حق التذكرة حتى قدرت ارجع.الله يعينكم،،،

الخال ود قاسم :
ياخال انت قلت عايز تعمل الشيلة بس قعدت قدر كده طيب نحن المن أهلنا جايين وناوين نعمل الشيلة والبيت والنقاطة حتي نرجع اها حانقعد كم؟؟؟
الله يستر ...

ود الموج :
بي كلام الخال ده معناها انت زاااااااااتو ما لحقت السلم التعليمي وكنت ناس الكتاااااب وبخت الرضا مش؟؟؟

Quote: ود الموج : بي كلام الخال ده معناها انت زاااااااااتو ما لحقت السلم التعليمي وكنت ناس الكتاااااب وبخت الرضا مش؟؟؟

عمر الشديد عرفتنى كيف ؟؟الله ينعل شيطانك!!!!!

فوق بكائياتي العزيزة
وسنرجع حتماً لمداخلات الأحباب الأعزاء فالبكاء ما زال في أوله


فوق الله لا يهينِك

يا عمران البوست دا انا قريتو قبل فترة بس انشغلت بعمل وما تميتو وقلت اجيهو برواقة اها تاني جيت لقيت البوست غطس وما عرفت احصلوا مع سرعة الاحداث الجارية اليوم لمحته وجيت اقول ليك انا جيت اخط طوبتي احجز بيها مكان (للجعير)
بالله (زُق) لي طوبتي دي معاك لحدي ما اجيك زول جعير ساكت

أساسي
سلام أيها ( الظــــــــلامي الأنيق)....
وهل لنا إلا ( الجعير ) .... هي نافذتنا للجعير .. ضد الحزن .. والألم ... والفرح المافي ( سرقوه ) .... ضد (الفلس) الراكي فينا زي (القرادة) ....
تعال وكديستك معاك وعندنا ليها (فيران) جامبو!!!!!!!

أبكي يا عمران وكلللللللللللللنا بنبكي معاك ونجعععععععععععععر عدييييييييييييييل كده السويناهو بي إيدنا يغلب أجاويدنا ( ليس جنجويدنا )...

تخريمة :
لحن أهديه لك صديقي عمران (سلبطة مش؟) وأرجو أن يكون بكائياً غير مزعجاً ..

اخى عمران
الموضوع طويل
ولطن الاخ معتصم دفع الله لخصة فى كلمة

آآآآآآآآآآآآآآآآآآآآآآه ..

وانت عاوز تفاصيل لهذه الا

آآآآآآآآآآآآآآآآآآآآآآه ..
اذكر انى عندما فكرت فى السفر قالها لى شخص فى السودان بصورة اخرى(مغترب 28سنة)
قال وهو يعض اصبعة
أحىىىىىىىىىىىىىىىىىىىىىىى
مما جعلنى افكر 8 اشهر وانا اقول اسافر لا ما اسافر

وفى النهاية خضت التجربة العملية

.........
جاييك فى تفاصيل كثيرة اغلب الناس مرت بها ولكن فى الغربة تجربة كل شخص تختلف عن الاخر حسب ظرف غربته وموقعها وفى البداية الاسباب
............

هدف الغربة
طريقة الاغتراب
الاغتراب خشم بيوت
سلوك المغترب والتغيرات التى حدثت لسلوكةالشخصى واسرته وعلى المجتمع فى السودان
ايجابيات الغربة
السلبيات
ماهى النتيجة حتى الان لمن مازال مغترب
النتيجة لمن عاد واستقر بالسودان
من استقر هل يراودة حلم العودة مرة اخرى
.........
هذه مجموعة عناوينتحت كل عنوان مئات بل الاف يجلسون وتحتهم نار حتى نقطة ايجابيات الغربة تحتها نار
سوف اعود بالتفاصيل من خلال تجارب بعض عاشرته وبعض سمعت به

اسباب الاغتراب
الاغتراب له اسباب عديدة وهذا البورد ملىء بنماذج مختلفة
للاسباب مختلفة من للعلم ديل ماعندى كلام عنهم طموحات علمية راوا تحقيقها فى الخارج لانها افضل حسب نوع دراستهم او وجهة نظرهماو عدم توفرها بالسودان

امان
وهم شريحة من لم يستطيعوا العيش فى السودان لظروف امنية برضوا ديل الكلام عنهم بيدخلنا فى بحر تانى

المال
اخى عمران اعتقد انك تقصد من اغتربوا للمال وهم الشريحة الاكبر

سوف اركز بمن اغتربوا او هاجروا للمال لتحقيق اهداف شخصية وهى تتفاوت

هجرة المال بدات منذ قديم الزمان
تجاربى من خلال اهلى اهل الشمال وهم اول من هاجر خارج السودان حيث بداوها بمصر
فى الاربعينات وحتى اوائل السبعينات للعمل بالعسكرية وهم كثيرون بمصر حاليا البعض الذى لم يستطيع العودة او عاد فى ارزل العمر وتعب فى ان يتاقلم واقل ما عاد به لسان معوج بالهجة المصرية
واغلبهم خلى الطورية ومشى للعسكرية
ومن لم يصل الميرى تمردق فى ترابة كبوابين فى العمارات ومهن عمالية مختلفة
والجلوس معهم وحكاويهم تقول فى نهايتها لو وجدوا جزء من التعليم هل هذاسوف يكون حالهم اغلبهم خرجوا ولم يكن لهم نصيب غير دراسة الخلاوى وهم قلة

اما من هاجروا للدول العربية وخاصة السعودية فهى قد صارت هجرة وليس اغتراب
لمن فى السعودية انظر حولك تجد الكثيرين ولكل قصة فى بداية غربتى كنت مهتم بهذا الجانب ابحث عن هولاء واسال عن زمن حضورهم وماذا جنوا حتى الان

اغلب المهاجرين الاوائل فئات لم تنال حظا من التعليم حيث بداء المتعلمون منذ منصف السبعينات الهجرة التى بدات اغتراب لجمع المال وتحولت لهجرة واستقرار واغلب هولاء المتعلمين يقول خلاص دى اخر سنة والسنة الجاية سوف ارجع نهائى وهذة العبارة يكون قد قالها قبل عدة سنوات وهو مازال فى انتظار السنة الجاية !!!

........
من قصص الغير متعلمين حضروا للمال كمغتربين واصبحوا مهاجرين
........
سالت واحد فى مكة عن سبب سفرة من السودان

قال ان له اكثر من عشرين سنه فى مكة

قال

(انه كان مزارع فى الشمالية ودايما بشوف الناس الجاية من السعودية الواحد لابس شال احمر وساعة فى يدة وشايل مسجل وعلبة البنسون ويدينه مامشققة
ضربت فى ارسى لازم البس شال احمر وساعة وجلابية نظيفة ويكون عندى مسجل حقى)
وهو مازال بمكة حتى اليوم
.......

حضرت من السودان وانا احمل رسائل لشخص فى الطائف فى احد القصور
ذهبت الية وهو جالس فى غرفته البسيطة بقصر لايوجد احد غيرة(حارس لقصر فاضى)
بعد السلام والونسة سالته كم سنه انت فى السعودية؟

نظر لسقف الغرفة وتجول ببصرة فى الغرفة ثم ضرب بيدة على السرير وقال هذا السرير تغير مرتين والتلفزيون و جديد

وانا وباقى الاثاث (30) سنه فى فى هذه الغرفة
........
(هذا الحدث عام 1998 وهو مازال موجودا بنفس الغرفة)
؟
؟
؟
سوف استمر

تلتلة الحصول على فيزا او اقامة بالدول العربية
مغتربى او مهاجرى دول غير العربية

أخوي صلاح
بجيك بي مهلة الكلام بدأ يخش في العضم

عمر الفاروق شيخ الدين ( لسه اسمك بخوفني)
والله العظيم يا شقي هذه الأغنية أردد فيها بسبب وبدون سبب والغريبة بطريقة خالد وليس بطريقة أهله (رغم أنني منهم) وبرضو ما عارف ليه ، ورمال الحلة (صديقي) عمر جربناها في زمن اللاكهرباء والقمر يعلن عن وجوده بقوة يوم 14 والونسة (لامن تملنا) والضحكة (والقرقراب) البتجيب اللوم من كبار الحلة تاني يوم في المسجد.
وأحييييييييييييييييي منك !!!!!!!!!!!!

بكائياتنا هنا ( حروف شوق ) لمن حمل الوطن في حقيبة سفر وغادر.....
وشاء القدر أن يكون هذا البوست ( خــــد) يستقبل ( قُبَل) أقلامهــم ...........
وهكذا هـــم الآن.. يهدوننا قلوبهم.... ليصير بيننا (( حبراً... وشوقاً ... وشعراً )) .... له حضور في ذاكرتنا .............
ويكون هذا البورد وطناً لنا جميعاً ...

شكـــــراً صـــــــــــلاح الدين

ان الدخول فى برنامج الحصول على فيزا للسعودية او الدول العربية الاخرى وكذلك السفر للدول الاوربية واستراليا واللوترى هاجس مجموعة من الشباب يجتمعون يوميا فى مكتب بالسوق العربى بالخرطوم(سماسرة) واخر تنظير واخر الاخبار اسعارها والبائعين والعمرة والاجراءات واين توكل الكتف الجلوس معهم يملاك بتجارب مختلفة تهريب العمرة اوربا عبر الجزائر تجد العديد من الحكاوى والمغامرات واغلبهم خاسرماديا ومعنويا ويحاول مرة اخرى تجد الاسى فى عيون البعض والاخر جعل السفر هدف يتجمعون من الساعة 12 ظهرا يوميا .

الشاى من الحاجة التى بجوارهم وبتاع الورنيش صاحبهم والركلسة والبيجى بدرى يكون جديد فى الشغلانية وسك السفر الغالبية خريجين ضاقت بهم السبل
فى وطن كل السبل
كمية من الربطات النقدية تدفع على امل السفر
عرفت هذه المجموعة عبر شخص ينوى السفر
بقول لية لى وين ؟

يقول انشاءالله اسرائيل!!!
وناس هولندا يتابعون شخصية معروفة لتسهيل السفر
والعاجزون يتابعون اللوترى
وما ادراكما اللوترى
اميركا
كندا
.
.
وتستمر الحكاوى
لما مشينا فى مالطة تذكر يافلان .. ولما مشينا ....
تقول بمشوها كدارى
لاتدرى هى رحلات للترفية ام لغرض اخر

انظر اليهم بعين خليط بها اشياء كثيرة واسترجاع لواقعى واقع موظف الحكومة
الذى جيبة يعمر سويعات فى اول الشهر ان كان ذلك عمار
الذى يرغب ولايستطيع تدبير الوسيلة
هذة الكتل من الاوراق النقدية كيف الوصول اليها
ويروح الفكر ويجى طيب لو اصلو هى موجودة لزومة شنو السفر
ما احلاها جلسات وسط الاخوان ما احلى الضياع الذى لم نكن نفكر فية

البعض يحصل علي الفيزا عبر اخرون له صلة بهم يرسلونها له وهوجالس فى مكانه اهلة او اخوانه الكبار بالخارج ممايجعلنى اقف اسيا
اقول لنفسى ليت لى اخ اكبر بالخارج
لم اكن مقتنعا يوما فى حياتى بالسفر للعمرة والزوغة

اخرون يوميا بالسفارات والمتابعة هولائى لهم موقع اخر (دار اتحاد الفرع)تجد كل اخبار السفارات بطرفهم يجيك واحد (سفارة ..... عاوزة ناس موهلاتهم ...)

هناك المغامرون ايامها
يقولون
اهه يا اخوانا ليبيا فتحت

والسفر عبر الصحراء لواقع مجهول

شاهدت المسافرون لليبيا فى مليط بدافور تتحسر على وطن يهرب
نعم يهرب ابنائه بهذه الطريقة بحثا عن موارد رزق اخرى
اخيرا تحصلنا على ( القيد)الفيزا والخوف ماتكون مضروبة

تعال شوف المهازل لمنالواحد يتحصل على قيد يقيد به نفسة تحت رحمة من يسمى الكفيل واستعجالة لوضع القيود فى قلبه فى السفارة السعودية بالخرطو
وهى عبارة عن تمرين صغير للاسى حتى يكون متاقلما علية عند حضورة لهذه السعودية

...........
الان حصلنا على الفيزة

الفرحة تملاء النفس خلاص

حا اكون مغترب اعود كل عام محمل بالشنط والهدايا والعطور

اخر عزومات عند الحضور

يمسكوك كل باسلوبها

العروس

فلانه دى .... ماتفرط فيها

النظرة العاطفية

فلان حالته تعبانة شوية دعم يخليه يشيل نفسة

لا احسن الواحد يحجج الوالدين اول بعدين يشوف نفسة

البنات والصغار على وش الجامعات

احسن نخلص من ديل اول

كمية من الامال

تمتزج ببعضها تحت لهيب الشمس امام شباك السفارة

فى انتظار الجواز يجى منسلى مارق من جوة

هناك اخرون يجتمعون فى شلليات شكلهم كعادتنا السودانيين تعرفوا ببعضهم الان ومن يراهم يقول انهم يعرفون بعضهم من سنين

ما عارفين دا كلة بيطير بعد ( قطع) البحر


واستمر بعد البحر

قبل السفر نصحنى احد المغتربين القدامى وهو يقول لى
احذرك من الاقامة بجدة او مكة والمدينة
عمرنا ضاع وطلعنا ببيت ( اوتين) خلف خلاف بالكلاكلة بعد 13 سنه غربة بجدة
؟؟؟
اهل هذه المدن ادرى باسباب نصيحته التى لم افهمها وقتها
......
اخر ينصح خبرة سفر بالدوحة بقطر
لازم تعمل دفتر الوارد والمنصرف تتابعة يوميا

اقول فى سر ى( خلى بالك الزول دا جلدة خالص)
…..
كم منا جاء للغربة وهو واضع برنامج لحياتة وغربتة
اعتقد اقل من واحد فى الميةمن المغتربين
هذا الاقل من الواحد فى المية
يصطدم برنامجة على جدار الواقع
ويعجز ان يلملم حطامة
يقول ابوفراس الحمدانى

وما الذنب الا العجز يركبة الفتى وماذنبة ان حاربتة المطالب
ومن كان غير السيف كافل رزقة فللذل منه لامحال جانب

وانا اقول فلذل فية كامن




......
وفى لحظتها لم ادرك ......

ان المسافر يوذن فى اذنه من غير صلاة
ويصلى علية دون اذان عند عودتة من الغربة
وحياتة مرهونه بين الاذان والصلاة
……..


الان
اذن الاذان
وفى انتظار الصلاة

قطعنا البحر بمطار جدة

الاخ عمران
وجدت متنفسى فى هذا البوست
سوف تجدنى اطل كثيرا
..............
مابين مطار الخرطوم وجدة او اى مطار هناك ووقفة مع النفس
تتفاوت من شخص لاخر
المغترب الجديد تدور فى خاطرة الاف الخواطر والزكريات

الغربة عاوزة صبر

عمى يقول لى

ابقى راجل فى الغربة
كلماته تدوى فى اذنى وانا مسافر

ابوفراس الحمدانى يقول :ـ

انفق من الصبر الجميل فإنه
لم يخشى فقرا منفق من صبرة
والمرء ليس ببالغ فى ارضة
كالصقر ليس بصائد فى وكرة


ويجى الان فى خاطرى خاطرة الصديق/ طارق محمد حماد(الكلاكلة)

دققت بعنف على جدار الزمان
إتكئت على ارصفة الحرمان
أستغيث بقادم من المجهول
ينزع عنى اقنعة اليأس
ويطعمنى أمالا


وتجول الزكريات
الحلوة
والايام القاسية وما اكثرها
والتشرد مع رفقة التشرد
عمر ادم كباشى الذى اتمنى ان اعرف اين هو الان وهو بالمملكة
تخريمة(والبيعرفو خلية يراسلنى على الايميل [email protected])

الشاعر عبدالله الزين رمز التشرد
امير (محمد عبدالوهاب)
ابو موج بالدوحة
وايمن محمد مصطفى (وكالة النجمة الزهراء بالعرضة)
واخرون كثيرون



واذكر ايضا ماقاله نزار قبانى


ليس حزيران سواء يوم من الزمان واجمل الورود ماينبت فى حديقة الاحزان


هل الاحزان هى الواقع الذى نسافر منه ام له

وتستمر الاشجان والحنين لمن سافارقهم


ويدور فى خاطرى ماقاله عبد الوهاب البياتى :ـ

لعندليب قمر البكاء
للزمن الذى يفر هاربا
وينقش الاسماء
فى حجر النار
على دفاتر الطفولة الزرقاء
للامل المقبور....
لثورة الانهار فى غربتها
ووحشة الجسور
نبحر ميتين ....
من مرفاء لمرفاء نهيم
ونحرق السفن
فكل ماكاد

ومايكون



لم يكن ..........


واقف كثيرا فى
لم يكن

اقول لنفسى لا
سوف يكون

ياترى هل يكون؟؟؟؟؟؟؟؟؟؟؟؟؟؟؟؟؟؟

واستمر

أخي صلاح
آخر ما تررده (ستات الشاي) عن المغتربين وخصوصاً (ناس هنا) ...
بطانيــــــــــــــة وقناة فضائية ...
تعني هو كل زادهم ...
واصل أخي بكائياتك فلنا في ذلك عزاء

جاييك
انتظر
شوية

Quote: Re: علاء الدين يوسف خارج المنبر ويستفسر هل تم فصله ؟؟؟ 14-يجوز للادراة وبدون إنذار مسبق ، سحب العضوية من اي شخص اذا تبين للادارة بان ذلك الشخص يهدد/يقوم بشاط يقصد منه تدمير او تعطيل او الحاق الضرر بالموقع او الاعتداء علي حقوق الاعضاء او العبث بمساهماتهم .كما يحق لها سحب العضوية أو اى موضوع و مداخلة فى اى وقت

تتوقف البكائيات (مؤقتًا) إذ أصبحت ترفاً على ما يبدو مقارنة بما يجري .... ونحن في إنتظار الرأي الغالب ....
علا وود الشيخ ؟؟؟
أم تيسير علوني؟؟؟؟؟؟؟؟؟

وهـــــ الغـــربة ـــــــم

الأخ / إسماعيل
الغربة وهم؟؟؟؟؟
أم
وهم الغربة؟؟؟؟؟؟؟؟
وعنوانك الخرطوم !!! جربت وهربت ؟؟ أم بكائياتنا أثرت في رأيك ؟؟

شكراً للمرور (ومر) معاك البوادي وهات مشويات ( أكلتك المفضلة بالبروفايل) !!!

Quote: الأخ / إسماعيل الغربة وهم؟؟؟؟؟ أم وهم الغربة؟؟؟؟؟؟؟؟

التانية

http://وهـــــ الغـــربة ـــــــم

الأخ الكريم / عمران

هذا البوست يحتوي علي قصيدة تعبر
عن حال كثير من المغتربين.

Quote: وعنوانك الخرطوم !!! جربت وهربت ؟؟ أم بكائياتنا أثرت في رأيك ؟؟

بحمدالله لم أُحظي بفرصة الإغتراب الذي
له في نفسي شئُ من البغض موروث من
تجربة بعض أفراد أسرتي الذين لهم ما يزيد
عن العقدين من الزمان في أسر الغرية
فلهم ولكم الله !!!!!!!!!!!!!!!


إسماعيل حميم

تسلم أخونا (سماعين)

اواصل

عند الوصول الى مطار جدة ليلا
مع نسمات البحر
ولمبات النيون
ولمعة من كنت اراهم فقط على شاشات السينما الهندية
البص العريض للتحرك بك الى داخل مبانى المطار
ناس جاية اغلبها اغبش
ضباط جوازات
وجمارك لامعون
يبدو ان هناك طائرة قادمة فى تلك اللحظات من دولة اسيوية اخرى
مستقبلون لامعون
الله ناس السعودية
خلى بالك اطلع بى جاى الاقى ريالات مدفقة فى الشارع
افكر
ياريت الواحد لوجاب شوالات معاه
يلملم ساكت
اسبوع والواحد يرجع
وتنهى كل المشاكل
عندما حضرت لم اتصل باى شخص انى قادم رغم انهم كثيرون من الاهل وغيرهم
لذا لم يكن فى استقبالى احد
البوابة
انا وين
شرق المدينة ولاغربها
يمشوا كيف
تكسى
اه
هنا الناس بتقول ليموزين
اه
اول كلمةجديدة
شبهنى احدهم بالمطار
سورى ليس الشخص المقصود
تمحنت
معى 100ريال فقط
خط سيرى
جدة مكة عمرة والتحرك بكرامة للرياض
التكسى عفوا اقصد الليموزين عاوز 50ريال لداخل المدينة
لابد من التصرف
تحسست جيبى (ورقة) التلفونات
فيما بعد تحولت الى نوته التلفونات
اتصل بمن؟؟؟
ناس جدة جاكم واحد
استعدوا
لا
الوقت الساعة اثنين بالليل
اصحى الناس من النوم
كلها ثلاث ساعات و(الدنيا) تبقى صباح
نشوف المواصلات
التفكير مستمر
البوابة
الشنط متحركة السلام
لهجات
لغات مختلفة اسمعها

بدات تبرز العقالات
والجلاليب اللامعة
السيارات الفارهة
النظيفة اللامعة
طيب لو شرقت الشمس
التحرك كيف
لا

احسن الواحد يتفرج
ويعمل تقيل
وفى انتظار الدنيا تصبح
التفكير مستمر

فوق