Post: #1
Title: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 00:52 AM
ارتبطت الشهور في السودان بكثير من المواقف والمقولات فكان مارس شهر الكوارث ..وكان ابريل مرتبط بي الكذب ..وجاء سبتمبر بقوانينه ..
اها يا ناس الشهر الجديد هو شهر فبراير واتوقع ان تكون المقولة فيه :
شهر فبراير .. والمنبر وتحديد المصاير..
العد التازلي بدا ومن اسة يا ناس العندو باقي نبز وشتايم يكملا سريع باقي الظروف ما معروفة واقترح علي الناس العايزة تنبز ليها نبز مدنكل كده تقوم تعمل مصطلحات من اسة متفق عليها عشان نتحايل علي القانون او زي ما بيقولوا نعمل لينا "راندوك" خاص ..
وهنا تحضرني نكتة اخونا الحلفاوي وزي ماهو معروف انو الحلفاويين ارتبطوا في زمن ما بي سب الدين واخونا الحلفاوي ده ماشي الحج والناس عارفة الحج زحمة وكللو عفيص وعارفين زولنا ده ما عندو اخلاق واقل عفصة بيصرف ليك ..قامو اقترحوا عليهو يشيل علبة ويسب جواها الدين كتييير ويقفلا وبعدين في الحج اذا احتاج بس يفت العلبة ..اخونا اول ما وصل في المطار واحد لزاهو عاين ليهو كده وقال ليهو ياخ مالك من اسة عايزنا نفتحا ليك ..ولمن بدا الطواف اي زول يلزو يعاين ليهو ويقول ليهو اديك من الفي علبة ده اسة ..اها واحد عفصو شديييييييييييد وحرقتو قام اخونا شال العلبة وجدعا فيهو وقال ليهو هاك ليها كللللللها ...
اها يا ناس من اسة اي زول يجيب علبتو ويملاها ويقفلا باقي الظروف ما معروفة وتقوم فجأة كده ويوم 11 تجينا رودا بي واحدة من عناوينا السمحة ديك وما معروف المرة دي تقلب الرجال شنو بعد خنازير ..
والما عندو علبة كمان ممكن يقعد ينبز من اسة لحددددددددددددددي يوم 9 الساعة 12 وبعد داك الامساك وما معروف الاذان حا يأذن بتين عشان تحلل صيامك عشان كده اتسحروا كويس يا جماعة ..
طبعا في بعض الحالات بيجوز فيها الافطار (النبز) يعني لو كنت علي سفر (في امريكا ودول اوروبا ) او مشيت للدكتور(بكري) وقال ليك افطر ودي رخصة شرعية طبعا ..اضافة لي الزول الجاهو طراش(بطنو طمت من كلام) .
اما الحلات البيكون فيها عليك الكفارة هي
1-النبز العمد لي بعض الشخصيات (من بولا وانت طالع ) طرد من المنبر وعدم دخول اي صفحة علي الانترنت وتحرير رقبة ..
2-النبز الخطأ (تنبز زول صاحب زول مثقف وعالم) وهنا عليك تكملة تسجيلك في المنبر عادي مع قضاء ذلك اليوم بكتابة اعتزار ومسح الكلام المكتوب واطعام 60 مسكين ..
3-الاعلان في المنبر دون إذن ودي عليك القضاء فقط دون الكفارة يعني تمسح الكلام بس..
4- التحدث عن الجنس والاباحية ..ودي فيها قولان لاختلاف العلماء فمنهم من يوجب الكفارة (الضلاميين ) ويعتبرها سلوك مشين توجب عتق رقبة واطعام 60 مسكين (اعضاء جدد) بينما فريق اخر (المتحررين المثقفين) يعتبروها نوع من الثقافة والتنوير وكتابتك صحيحة وبالتالي ما عليك اي حاجة وتكمل يومك عادي ..
5-الاستقالة ..مقبولة نوعا ما مع الكراهة وتوجب الحذف من قائمة الشرفاء والنفي الي منطقة بعيدة وعدم العودة مرة اخري ..
اها يا ناس جهزوا علبكم وصححوا كتاباتكم عشان تضمنوا انكم تتمو فترة الصيام ده صحيحة وطبعا تغاضينا عن العشرة الاواخر وقيام الليل (الناس البتكتب بالليل وتزوغ بي الصباح)لاسباب فنية ..
اشوفك بكرة في المنبر..
تصوور روعة المنظر ...
وعدتك قبل كده مرات انو اقول ما عندي ..
احاور بي فهم وطيبة وللمنبر اكون جندي..
اسيب شيتنا والضلعة ادوس الكبسة والمندي..
واسمعوا يا شباب النت من امريكا لي نجدي..
احلف انو ما تنبز وانو دوام تكون جدي ..
ويا يوم عشرة ما تسرع تخفف لي نار وجدي ..
هاك العلبة دي 
|
Post: #2
Title: Re: يا يوم عشرة ما تسرع تخفف لي نار وجدي ..
Author: اساسي
Date: 01-31-2005, 01:02 AM
Parent: #1
| Quote: - التحدث عن الجنس والاباحية ..ودي فيها قولان لاختلاف العلماء فمنهم من يوجب الكفارة (الضلاميين ) ويعتبرها سلوك مشين توجب عتق رقبة واطعام 60 مسكين (اعضاء جدد) بينما فريق اخر (المتحررين المثقفين) يعتبروها نوع من الثقافة والتنوير وكتابتك صحيحة وبالتالي ما عليك اي حاجة وتكمل يومك عادي .. |
دي زي يجوز مع الكراهة
|
Post: #3
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 01:11 AM
Parent: #2
| Quote: دي زي يجوز مع الكراهة |
والله يا اساسي يا اخوي ده حسب المذهب الانتو (ال اساسي) ماشين بيهو
انتو المذهب البكري ولا المذهب الكودي ولا المردي ؟؟
|
Post: #4
Title: Re: يا يوم عشرة ما تسرع تخفف لي نار وجدي ..
Author: اساسي
Date: 01-31-2005, 01:21 AM
Parent: #3
لا يا عمر انحنا مذهب الخواض القيافة الفايت الناس مسافة
مذهب المشاء
ما سمعتبو..؟؟
|
Post: #5
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 01:42 AM
Parent: #4
Quote: مذهب المشاء
ما سمعتبو..؟؟
|
بالحيل تب
مش ده بتاع محمد وردي:
وتممممممممممممممممممشي معااااااااااااااااي تممممممممممممشي معاااااي
غايتو الزول ده كان مشاء مشي زي ده قولو قششششششششة ما تعتر ليك ودربك اخخخخخخخخخخخخخخخخخخخخخخخدر
|
Post: #6
Title: Re: يا يوم عشرة ما تسرع تخفف لي نار وجدي ..
Author: A.Razek Althalib
Date: 01-31-2005, 01:52 AM
Parent: #4
عمر الفاروق شيخ الدين
| Quote: وهنا تحضرني نكتة اخونا الحلفاوي وزي ماهو معروف انو الحلفاويين ارتبطوا في زمن ما بي سب الدين |
دي بجيب ليك يا ود شيخ الدين... أصوات لوم وأدانة..
وتقوم لجان مناهضة العنصرية البوردية...
ولجان التمايز بالتنابز بالإلقاب وبئس العمل الفسوق...
هسعة تقوم بعمل إضراب نوعي...
والهتافات حتكتر...
فوق فووووووووووووق up
شيء عربي وشيء إنجليزي ...
ويحلك الحلا علاء الدين.....
عشان كده... قدر لكي بورتيك قبل الطباعة... مزالقه...
لأنو الناس بعدين بتعد ليك نفسك.... وإنت عارف التور لما يقع...
شوف كترة السكاكين...
لا رحمة ولا حياة لمن تنادي...
ويجوك ناس الخير بعم والشر بخص...
والشماته... وناس المديده محرقاني...
يشخبطو ليك التراب... وتقوم تكشح ...
وتبقي شر البلية ما يضحك...
والسرور والفرح يعم ديار البورد...
في مسألة وسعو ليهو ود الأحد ... لا ضيقوه... لا كده قدرو بالضبط...
تخريمه: أساسي يا ظلامي... ويا عمر الفاروق (ظلامي) دي نبز ولا ما نبز... كده شوف قاموس العمل الجنائي الكي تحت أي بند بيدين هذا الكلام...
إقتراح عمل قاموس لعدم الرضا مثال (...............) معناه كلام شين...
|
Post: #7
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 02:05 AM
Parent: #6
| Quote: دي بجيب ليك يا ود شيخ الدين... أصوات لوم وأدانة.. |
نحن عشان كده يا ابورزقة (يا مولللع) كتبنا اول شي كلمة اخونا عشان المناهضين ديل ..
Quote: ويحلك الحلا علاء الدين.....
|
بالله الزول ده خلاص عتقوهو واتحلا ؟؟؟؟؟
تخريمة :
هو الحلا علاء الدين شنو ؟؟
| Quote: (ظلامي) دي نبز ولا ما نبز... كده شوف قاموس العمل الجنائي الكي تحت أي بند بيدين هذا الكلام... |
تندرج كلمة ظلامي وحسب قول العرب المستعربة وهي عل وزن فعالي واصلها ظلم علي وزن فعل ومنها مظلوم مفعول وظالم فاعل وبما ان الظلام دوما بعده نور فليست الكلمة بفاحش القول وليس عليك اثم انشاء الله اخي عبد الرازق ..والله اعلم ...
تخريمة
وداعا يا (ظلام) الهم ومرحب يا (صباح) الحب تعال ما تبتعد قرب تعال ..
المشاء لحدي ما فتر عمر الفاروق..
|
Post: #8
Title: Re: يا يوم عشرة ما تسرع تخفف لي نار وجدي ..
Author: A.Razek Althalib
Date: 01-31-2005, 02:14 AM
Parent: #7
| Quote: بالله الزول ده خلاص عتقوهو واتحلا ؟؟؟؟؟ |
قوة حروف الكي بورد بتاعو...
الزول ده سنو ملوية...
| Quote: بالله الزول ده خلاص عتقوهو واتحلا ؟؟؟؟؟ |
ده لو عملو أثر رجعي... وجب ما قبل القانون...
يعني الواحد لو عايز عكس نهاري... يقول ظلامي... أو المعني الحقيقي المراد...
الإستعارات والمكنيات... والذي منو... في تفسير ليها في البنود الواردة..
| Quote: لحدي ما فتر عمر الفاروق.. |
تفتر بس.. الشيء فكر فكر... إنت فاكر شنو قال ليك...
هسعى المندي... ده كان ما عملوهو بالنار... قال ليك كان اللحم ده بعرق... وبنجض الرز...
شيل الصبر يا ود شيخ الدين... بدون محاباة....
|
Post: #11
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 02:45 AM
Parent: #8
ابورزقة يا( نهاري) القاصد وداري ..
بعد يوم عشرة ده الكشة جايانا جاينا
في بعض التفاسير بتقول لو شكرت عدو تعتبر نبزة توجب الذبيحة (الهدي)
يعني مثلا لو قلت ليك عبد الرازق ايها الرجل صاحب القلم الجريء الشجاع صاحب كلمة الحق ..دي تعتبر نبزة في المنبر
لكن لو قلت لي ناس (.../....) كما ورد في معجم ود الشيخ اي حاجة تانية انت مغضوب عليك ...
اها نشكرك ولا ننبزك ؟؟؟
|
Post: #13
Title: Re: يا يوم عشرة ما تسرع تخفف لي نار وجدي ..
Author: وليد محمد المبارك
Date: 01-31-2005, 02:57 AM
Parent: #8
يا عمر
انت البنقو البتشربو ده بتجيبو من وين !!!!!
هاهاهاهاهاهاهاهاهاهاهاها9هاهاهاها
|
Post: #15
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 03:07 AM
Parent: #13
وليد يا نص متعلم يا راعي انت ..
النوصف ليك
وانت جاي من الثورة وماشي علي الشهدا في تقاطع بيوديك شارع النص وشارع الشنقيطي وشارع الوادي ..اها في الحتة ديك في باليمين جامعة الرباط وبالشمال الاسلامية تمشي طواااااااااالي لحدي ما تلاقيك باليمين حديقة العمدة وبالشمال ناس مركز عبد الكريم ميرغني ..اها انا زولي البيجيب لي البنقو بيجي طالع من الارية ديك ليك وين بي الضبط ما عارف ..
|
Post: #9
Title: Re: يا يوم عشرة ما تسرع تخفف لي نار وجدي ..
Author: ود الشيخ
Date: 01-31-2005, 02:19 AM
Parent: #1
والله يا عمر بوست سُكر ساي وبنقط عسل
تعرف لو كتبتو بعد يوم عشرة كان ادوك
عليه استابة لانه نوع من الكُفر المبطن
على كلٍ أنا من يوم11/ 2 ببتدي اخت اقواس
وبين الاقواس نقط ناسي يحسبو كم نقطة
ويشوفوا ليهم شتيمه بعدد النقط دي (....) لي صاحبي
داك البكاي وجنو يا بكري الحق
ود الشيخ ضربني اها دي(.. / .... ) صاحبتنا الشهيرة
والناس الشابكني يا عنصري ليهم دي ( ... )
|
Post: #10
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 02:37 AM
Parent: #9
يا كبيرنا ود الشيخ :
والله انت اللسانك عسل وكلك حلو ..
اها ده كلللللللو هين اسة كان ظهر في الخط زول جديد في الخط وعايز ليهو نبزة بنزتين علي الطاير تسوي شنو ؟؟؟ مفروض يا كبير تعمل ليك كم قوس كده للضمان ..
يعني مثلا (###/.../****) دي لي البيقول ليك امشي يا مزارع انت ..
و(_ ++++_++++) دي لفت نظر لي الزول لانو بعدها بيجيهو ده (.../....)
غايتو يا كبير نتوقع منك تطلع لينا قاموس بي اسم :
معجم البهايم في علم الشتايم ..
|
Post: #12
Title: Re: يا يوم عشرة ما تسرع تخفف لي نار وجدي ..
Author: علاء الدين يوسف علي محمد
Date: 01-31-2005, 02:52 AM
Parent: #10
قصة قصيرة
قبل ضربات 11 سبتمبر
راحات شديدة
فارغة و مقدودة
و تاااااااني
يا عباد الله جئناكم نحي فإسمعوا
لا بفحش القول يلقيه الخبيث المائع
بل بأقوال كرام طيبات تنفع
من أين أتى هؤلاء؟؟؟
زعلانين ياخي متين "تشتتوا"
و الجمل ماااااااااشي ولا يصح إلا الصحيح
و الحقيقة مرة علقما
و صارت أيامهم بكا و نحيب و عويل
و سنة الحياة أن يذهب الطالح و يبقى الصالح
و إنا لفراقهم لمحزونون
تأليف و إخراج
أنا
عمر توقيعك سمح خلاس أعلم واحد ذيو؟؟؟
|
Post: #16
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 03:22 AM
Parent: #12
علاء الدين يا فاشي وظلامي وعنصري ونص متعلم وراعي ..اها تاني فضل شنو ؟؟؟
اتصلوا بي ناس روتانا وناس محسن جابر عشان الفيديو كليب الانت عملتو ده ورشحوهو انو يكون في ال TOP 20 وطبعا بس بتنافسك روبي لانو قالوا انت في كلام كتييير داسيهو (طب ليه بيداري كده ) ونانسي عجرم عشان في ناس قالت حا تخاصمك لو نبزتها (اخاصمك اه) طبعا ده غير انو عثمان حسين دخل كاول سوداني لانو قالوا بكري قال ليك لو فصلتك ( لا تسلني) اما كمال ترباس فعزاهو الوحيد ليك بعد ما يفصلوك (عيني ما تبكي )والخوف كل الخوف تقوم تجي تحنس بكري ويقوم يقول ليك (جاي تفتش الماضي) اما في ناس كده شغالة بي نظام (المرسال) والمشكلة مرسال وردي كان مشي وما جا لكن ديل مرسالهم بيمشي ويجي شايل معاهو بلاوي...
|
Post: #14
Title: Re: يا يوم عشرة ما تسرع تخفف لي نار وجدي ..
Author: ود الشيخ
Date: 01-31-2005, 03:02 AM
Parent: #10
| Quote: المشاء بي كرعيني لحدي ما وجعوني |
نياهاهاهاهاهاهاهاهاهاها
|
Post: #17
Title: Re: يا يوم عشرة ما تسرع تخفف لي نار وجدي ..
Author: A.Razek Althalib
Date: 01-31-2005, 03:42 AM
Parent: #14
الرعوية وصولو.... ثقافة مقعدة....... الخبز لخبازو .... ولو يحرق نصو..
<<<<<<<<....>>>>>>>>>
طلة من السور .......
|
Post: #18
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 08:27 AM
Parent: #1
يا يوم عشرة حبااااااابو عشرة
|
Post: #19
Title: Re: يا يوم عشرة ما تسرع تخفف لي نار وجدي ..
Author: علاء الدين يوسف علي محمد
Date: 01-31-2005, 09:50 AM
Parent: #18
إلي كل الظلاميين أعلاه ما عدا السيد عمر الفاروق
إتخيلوا واحد عزمك غدا و قال ليك أنا بصل المطعم بعد نص ساعة أضرب لي عشان تعرف أنافي ياتو مطعم.
و تقوم تضرب تلقاهو قافل الموبايل حقو و تطلع اليوم دة بلا غدا
شعورك حيكون شنو؟
عالم جبانات
|
Post: #20
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 10:03 AM
Parent: #19
الي كل علاء الدين ما عدا الظلاميين :
إتخيل معاي انو موبايلك قفلتو للصلاة في بلد لو سمعو منك ترررن ترررررررن في الجامع وانت اجنبي الله قال بي قولك ..
واتخيل معاي انو بعد ما صليت قمت نسيت تفتح الموبايل ..
Quote: و تطلع اليوم دة بلا غدا
شعورك حيكون شنو؟
|
شعوري مفروض امشي اشتري لي اتنين برياني من اللي في بالي بالك واضرب لي صحبي بعد يفتح موبايلو واقول ليهو علي الطلاق تجي تتغدا معاي ولا تتعشا
الله يجيب يوم عشرة ده عشان اي قرد يركب شجرتو
|
Post: #21
Title: Re: يا يوم عشرة ما تسرع تخفف لي نار وجدي ..
Author: علاء الدين يوسف علي محمد
Date: 01-31-2005, 10:12 AM
Parent: #20
قال مقفول قال
ما يتقفل إلا الليلة؟
و مواعيد الغدا بس
ليه بس كدة بس كدة بس
|
Post: #22
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 10:19 AM
Parent: #1
الدنيا ليل غربة ومطر ..
الدنيا جد اخر شهر ..
معليش علاء ادوك جوع حبة سهر ..
|
Post: #23
Title: Re: يا يوم عشرة ما تسرع تخفف لي نار وجدي ..
Author: luai
Date: 01-31-2005, 10:34 AM
Parent: #1
عمر الفاروق تحياتي ...ايها الظلامي ..
يعني انت عشان عارف الايام دي ايام انتقالية ..عايز تستغلها (دي استغلالية وطفيلية وانكشارية ) والله بضحك حد الضحك ..الحاصل شنو انت اليوم اكيد شربت ليك حاجة اوع تكون شربت بيبسي!!؟
بخصوص الشهور الحمد لله يا عمر الفاروق شهورنا كلها ثورات بيضا وحمرا ورمادية
بسم الله نبدا
يناير بتاع الاستقلال
فبراير ( خليه فاضي لانقلاب قادم يتمناه البعض)
مارس - في اواخره بدت الانتفاضة ضد نميري
ابريل - شهر الانتفافضة وعليه سموا الحدائق شفت حبنا للشهور كيف
مايو - حمرا عديل ثورة مايو يا فارسنا وياحارسنا
يونيو - الانقاذ وقوى الظلام!!!
يوليو - انقلاب هاشم العطا وفيه حكم الشيوعيين السودان ثلاثة يوم وماقتلو فيها ناس كتيرين غير ناس قصر الضيافة
اغسطس -(رديف شهر اتنين لازال شاغر حتى اشعار اخر ) في حد يشتري لاعلى سعر!! والوسطاء يمتنعون
سبتمبر - لاحوله ولا قوه شهر التخلف والرجعية والعودة لعهود الظلام الموغلة في الضلمة شهر القوانين سبتمبر المشهورة.
اكتوبر- شهر اكتوبر الخالدة
نوفمبر - شهر انقلاب حكومة عبود - وحكم الجنرالات الخاوي !!!!!!
ديسمبر - خليه فاضي برضوا
عشان كده يا ود الشيخ عندي ثلاثة شهور للبيع (فبراير- اغسطس - ديسمبر) عندك حد يشتري ياود الشيخ - الوسطاء يمتنعون !! والبيع مباشر
مع تقديري
|
Post: #24
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 10:54 AM
Parent: #23
لؤي يا حبيب ..
انت ماقالوا مشيت الحج بعد الناس رجعو ..اها جيت بتين وحج مبرور ايها الظلامي..
Quote: اوع تكون شربت بيبسي!!؟
|
يازول نحن مقاطعين المنتجات الامريكية وبرسل السودان يجيبو لي فرات وموية سوبا اها كيف ليك ..
Quote: عشان كده يا ود الشيخ عندي ثلاثة شهور للبيع (فبراير- اغسطس - ديسمبر) عندك حد يشتري ياود الشيخ - الوسطاء يمتنعون !! والبيع مباشر
|
يا لؤي ما بلقا لي شهر يكون ناصية وفاتح علي شارعين زلط ؟؟
ونهديك المدحة دي من شيخ عمر الفاروق:
قام الحجيج رجع ولي بورتسودان قطع ..
ولؤي يا دوب مشي وقالو يادوب سمع ..
كوز يقولوا وهو لا اترتح لا وقع ..
بيقول في الكلام الصاح وجع الناس وجع ..
|
Post: #25
Title: Re: يا يوم عشرة ما تسرع تخفف لي نار وجدي ..
Author: luai
Date: 01-31-2005, 11:21 AM
Parent: #24
ود الفاروق العزيز تحيات
كمان بتمدح
يعني لامي كل العلل وكمان صوفي ياخ انت في زمن التحرر والحريات
والانتفاضات ..
والله ياود الفاروق لو جيت للصراحة اليومين ديل راكبني فكر انفصالي ..
انت بلدية الثورة دي باكمله من الحارة الاولى للحارة الالف مفروض ماتكون تبع الناس ديل لانهم ظلمة وما عندهم امان ولا كلمة وغير ديمقراسييين كمان
بعدين حسب الاخبار التحت تحت بلدية الثورة دي قالوا تحتها في بحر بترول عديل كده بس الانقلابي الانكشاري الظلامي المدعو عوض الجاز دا الما عمل للبلد دي اي حاجة ولازالت طوابيرنا طويييييييلة في صفوف البنزين بسببه ما عايز يطلع لينا البترول دا قال ايه ؟ قال ناس الثورة ديل كلهم ناس انتي (وانتي فايروس كمان)
عشان كدا يا حبيب انا بفكر اعلن ثورة واحمل السلاح ...
اها عندك لي افكار استراتيجية ؟؟؟
(الرجاء كتابة الافكار الاستراتيجية بالحبر الابيض السري عشان ما يستطيع بقية الانفصاليين في الصحافة وجبره وامبده وجبرونا وزقلونا وامتداد ناصر وبري سرقة هذه الافكار لانه برضوا كمان عايزين يلحقوا ثورة التحرر الاجتاحت شوارع هذا السودان- ملعون ابوكي بلد)
|
Post: #26
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 11:32 AM
Parent: #25
| Quote: والله ياود الفاروق لو جيت للصراحة اليومين ديل راكبني فكر انفصالي .. |
ياخ انا لي زمن ما سمعت كلمة ود الفاروق دي ..والله ما بسمعا الا في اجازاتي للسودان ..
اها بالنسبة للانفصال ده يا زول اعمل زي (ال اساسي) عندهم حركة جميلة عاملنها في بوست اسمو (بيان هام جدا )..
وبعدين ياخ كلمة انفصال دي والله بتديني احساس الزول العايز يطلق مرتو ..ليي ما عارف ..
| Quote: انت بلدية الثورة دي باكمله من الحارة الاولى للحارة الالف |
يازول ما تتكلم في السياسة وحدد ياتو ثورة ..ثورة مايو ثورة انقاذ الثورة بالشنقيطي ولا بالنص ولا الوادي ..
تخريمة :
علاقتك شنو بي الثورة ..
Quote: اها عندك لي افكار استراتيجية ؟؟؟
|
يازول ده كلام كبااااااااااااااااااااار وعايز ليهو لجان تنبثق منها لجان تتكون منها لجان فرعية منبثقة حتي تتكون منها لجان اخري منبثقة ..
اها رايك شنو ؟؟؟
|
Post: #27
Title: Re: يا يوم عشرة ما تسرع تخفف لي نار وجدي ..
Author: luai
Date: 01-31-2005, 04:09 PM
Parent: #26
عمر الفاروق الجميل تحية
انا شفت الجماعة اليومين ديل هايجين - البورد من فوق لتحت مظاهرات ومسيرات وانقلابات وتنديدات ولعنات وتحركات ولجان وحتى كمان دعوة للامم المتحدة (ما تستغرب بعد يومين لو شفت معانا الحبيب كوفي عنان في هذا البورد)- شالتني الهاشمية وقلت مافي حد احسن من حد عندي حبوبتي في الحاره الاولى وانا عايز اؤمن مستقبله اقوم اخش في ناس الثورات ديل كلهم من بيت ناس حبوبتي من الحاره رقم 1 الى الحاره رقم 1000 بالنص والشنقيطي واقنعهم بالانفصال والاستقلال عن هذا السودان - لانه يا عمر بالجد مافي حد احسن من حد - ناس دارفور شايلين السلاح- وناس الجنوب ياداب ختو السلاح - وناس بورتسودان طلعوا في الشارع - وناس حلفا بدو يتحركوا - كل واحد وبندقيتوا ..وشبابهم المتعلمين مامقصرين
انا كل الذي يهمني ان احمي حبوبتي وان اوفر لها الاستقرار هي وجيرانه وحيرانه
ولانو حبوبتي مره قديمة - لازم اتقدم انا الطليعي المثقف الثائر (ولو ماعملت كده يا عمر الفاروق شن فايدة قرايتي ) عشان كده قاعد اجهز في خططي الانفصالية !!
وبكره لو قالو ليلك قامت جمهورية الثورة الديمقراطية ...
قول ليهم ..
قديمــة ...
|
Post: #28
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 01-31-2005, 10:29 PM
Parent: #27
الحبيب لؤي:
ياخ انا عندي جدي في امبدات بيعاني من نفس المشكلة ..إيه رايك نعمل قوى التحالف ونعمل لينا (امبدة) قصدي (ثورة) مشتركة ونسميها:
(الثورة الأمبدية )...
اها رايك شنو ؟
|
Post: #29
Title: Re: يا يوم عشرة ما تسرع تخفف لي نار وجدي ..
Author: waleedi399
Date: 02-01-2005, 00:06 AM
Parent: #1
عمـر الفــاروق ..
بسـم الله .. الحاصــل شـــنو
مالو يوم عشرة .. انا شايف فيها علب
وغداء وما غداء وجوال مقفول ..
موضوع الغداء دا مفروض يدخل من ضمن بنود القوانين
اي زول يعزم زول غداء ويقفل جوالو ..
يفصل نهائياً.. ويسحب رقمه من الخدمة
|
Post: #30
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-01-2005, 00:20 AM
Parent: #29
Quote: اي زول يعزم زول غداء ويقفل جوالو ..
يفصل نهائياً.. ويسحب رقمه من الخدمة
|
اها طيب والبيقفلو في العشا يسوو ليهو شنو ؟؟
إنزار مع تحويل الخط الي بطاقة سوا
|
Post: #31
Title: Re: يا يوم عشرة ما تسرع تخفف لي نار وجدي ..
Author: abuguta
Date: 02-01-2005, 00:54 AM
Parent: #30
ياود شيخ الدين...
كلامك زين...
نار البنزين...
انت ساكن البطحاء
ولا الستين...
اشجب وادين
مشى الكرعين....
عاوز تربالة طين..
انت ياود تورشين
لازم تركب لموزين...
ولا عاوز توفر وتجمع قرشين...
يوم عشرة قرب وبترتاح الكرعين...
انت عارف اجمل تعليق بتاع وليد مبارك
فيك دا كلام زول مسطول...ما بنقول مبدع
لان الخانة مشغولة ومحوزة للصفوة
لكن ولله ابداع...
وانا ذاتى بمشى معاك
لين كرعيى تتكسر
وانا ذاتى بمشى معاك
مشية حبيبتى والعسكر...
مشينا ابداع نقيق بسراع
قعاد يفتر...
وليك يابوردنا
النشر....
من لليلة للحشر...
وخلى عقول الصفوة فى البنشر ...
ويقيفو صف عند بعشر
ولقدام
الجراى
|
Post: #32
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-01-2005, 01:21 AM
Parent: #31
Quote: انت ساكن البطحاء
ولا الستين |
يا ابوقوتة خلينا سكون البطحا والستين ..
عليا الروضة مسكنا قروشنا كتيرة حالاً زين ..
Quote: ولا عاوز توفر وتجمع قرشين...
|
وكيف تتلم يابقوتة وللتلفون دوام ضاربين ..
الو السودان معاك مرحب هاك علوية ناس سالمين ..
دقيقة كمان معاك امك تريدك حيل وشيخ الدين ..
نلمها كيف مع الكبسة واندومي جلكسي وكبة البنزين ..
Quote: ما بنقول مبدع
لان الخانة مشغولة ومحوزة للصفوة
لكن ولله ابداع...وانا ذاتى بمشى معاك |
عايز تكون مبدع ؟ وترضي عنك الصفوية ؟قول مرحب حباب لينين ..
وشكر ناس كلنتون وبوش ورسل وردة لاستالين ..
ياابقوتة يا اخوية انتو عباقرة ما ساهلين ...
ارح نمشي نسوق كرعينا اصلا نحن مشايين ...
ليك الود يا حبيب ...
|
Post: #33
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-01-2005, 08:57 AM
Parent: #1
الأخوة المتداخلين ..
تمت إضافة قوانين جديدة من قبل الأدارة بعد كتابة هذا البوست وبالتالي لم نتمكن من معرفة العقوبات المترتبة علي ذلك شرعيا حسب المذاهب الكودية والبكرية والمريدة ..
لذا نرجو من كل من له خبرة في مجال القانون الوضعي وكذلك مجال الشريعة والقانون ان يمدنا بوجهة النظر الدينية لهذه المواد المضافة حديثاً وما يترتب عليها من عقوبات ..
|
Post: #34
Title: Re: يا يوم عشرة ما تسرع تخفف لي نار وجدي ..
Author: وليد محمد المبارك
Date: 02-01-2005, 10:01 AM
Parent: #33
يا عمر الفاروق
والله باقي لي كده مفروض اودعك من هسع
موضوعك ده ختاك في البلاك لست وانت اصلك ما ناقص
غايتو لمن يجي يوم 11 ما حا القاك في المنبر الحر
مفصول بص المادة 15 من القانون المعدل والتي تقول :
Quote: 15-يحق للادارة حذف أي موضوع لا يتناسب مع قوانين المنتدى..كما يحق لادارة الموقع سحب العضوية من اى عضو/ة تحس/تشك ادارة الموقع بانه يشكل خطورة على الموقع و اعضائه بدون سابق انزار
|
يا حليلك يا عمر
والله المرحوم كان راجل كويس
باي باااااااااااااااي
|
Post: #35
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-01-2005, 10:12 AM
Parent: #34
ياوليد ..
اطلب اغنية الفنان سيد خليفة "وداع" واهديها للجدة بت الجمكو بشنب البعوضة والخالة التاية بقرية الضريعة والعم عبد القيوم صاحب طاحونة المستقبل ولي علاء الدين العنصري وود الشيخ في بلاد القروش الكتار
اودعكم افارقكم لالالالالالالا ما بقدر دموع بتغطي عينية
لكن اه ااااااااااااااااه بتزود الالام
اودعكم ؟؟؟افارقكم ؟؟؟وتبقا عشرة الايام ..اودع اودع اودع كييييييييييييييييف...
|
Post: #36
Title: Re: يا يوم عشرة ما تسرع تخفف لي نار وجدي ..
Author: علاء الدين يوسف علي محمد
Date: 02-01-2005, 10:30 AM
Parent: #34
وليد المبارك هوي أعمل حسابك
ياخي بتقالعو حق الناس مالكم ياخ
الفقرة دي:
Quote: 15-يحق للادارة حذف أي موضوع لا يتناسب مع قوانين المنتدى..كما يحق لادارة الموقع سحب العضوية من اى عضو/ة تحس/تشك ادارة الموقع بانه يشكل خطورة على الموقع و اعضائه بدون سابق انزار
|
حقتي أنا و البورد كلو عارف الكلام دة
ياخ ما تهبشو حاجات الناس ياخ
مش كفاية الغدا و طار
ولا شنو يا وليد 399
|
Post: #37
Title: Re: يا يوم عشرة ما تسرع تخفف لي نار وجدي ..
Author: وليد محمد المبارك
Date: 02-01-2005, 10:46 AM
Parent: #36
يا علاء الدين
انت حقاتك الفقرتين ديل
Quote: 17-تمكين أي شخص يتعرض للإساءة من أحد الأعضاء من عنوان هذا الشخص لمقاضاته حيثما كان..كما يحق للادارة تجميد عضوية العضو/ة فى حالة رفض اعطاء الاسم الكامل و العنوان للجهة القضائية بالنسبة للاعضاء القدامى .
18- الفصل من المرة الأولى لكل من يتعمد الإساءة لشخص باسمه أو بأي صفة من صفاته التي عرف بها ..... فصل نهائى.....الا فى حالة تنازل العضو/ة الذى وقع عليه الاساءة
|
انت حا يودوك السجن عديييييييييييييييييييل
بعدين يا علاء
انت القانون كلو ما عملو عشانك
|
Post: #38
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-01-2005, 10:52 PM
Parent: #37
Quote: انت حا يودوك السجن عديييييييييييييييييييل
بعدين يا علاء
انت القانون كلو ما عملو عشانك |
والله يا علاء الدين زول حايجيب ليك الهوا غير وليد ده ماف ..ونبقا في كيدهم في نحرهم والشمات يشتغلوا صاح ...
غايتو يا علاء الدين انا سامع وليد بيغني في غنية محمود تاور:
طيري يا قمرية ..ركي فوق الزنكي اتسنطي القضية...
|
Post: #44
Title: Re: يا يوم عشرة ما تسرع تخفف لي نار وجدي ..
Author: waleedi399
Date: 02-07-2005, 08:58 AM
Parent: #36
Quote: مش كفاية الغدا و طار
ولا شنو يا وليد 399 |
علاء الدين .. تحياتي واشوافي ..
احب استمع إلى أغنية "طار الغداء" على وزن "طار قلبي مني" بصوت الفنان عمر الفاروق "المشاء" واهديها .. لشركة الهاتف الجوال
|
Post: #39
Title: Re: يا يوم عشرة ما تسرع تخفف لي نار وجدي ..
Author: المكاشفي الخضر الطاهر
Date: 02-06-2005, 05:45 AM
Parent: #1
فوق
|
Post: #40
Title: Re: يا يوم عشرة ما تسرع تخفف لي نار وجدي ..
Author: قرشـــو
Date: 02-06-2005, 06:18 AM
Parent: #1
الأخ الظلامى عمر الفاروق شيخ الدين
لك التحية
هذا البوست ممتع جدا فانت والاحباب بصراحة امتعتونا
انت راجل لذيذ جدا ياخى ما عارف بقولوا عليك ظلامى ليه بس ؟؟
تعرف يا عمر انا قبل البورد ده كنت مفتكر الظلاميين هم الشيوعيين لانهم بوزعوا المنشورات بالليل وبكتبوا على الحيط فى جنح الظلام ..
لكن لقيت الظلامية هنا منهج وعندو ناس بالله تقول الصلاة على الرسول يقولوا ليك انت ظلامى
اكان كده انا ذاتى ظلامى ياخى
|
Post: #42
Title: Re: يا يوم عشرة ما تسرع تخفف لي نار وجدي ..
Author: علاء الدين يوسف علي محمد
Date: 02-06-2005, 06:37 AM
Parent: #40
Quote: موضوع الغداء دا مفروض يدخل من ضمن بنود القوانين
اي زول يعزم زول غداء ويقفل جوالو ..
يفصل نهائياً.. ويسحب رقمه من الخدمة |
والله يا وليد عفيت منك
دة القانون ولا بلاش
ياخي فرقع دة البعلمو "سن" القوانيين منو
بدل ساّلي لينا لسانو دة في الفاضية و المليانة
|
Post: #41
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-06-2005, 06:32 AM
Parent: #1
حبيبنا المكاشفي ..
الله يعلي مراتبك قول امين ..
العد التنازلي بدا وخلااااااااااااااااااااااااااااااااص الدم بقا يتجمد في العروق عشان كده الناس عايزة تكمل فارغتا سريع سريع ...
الغريبة انها فارغة ومقدووووودة ...
يا يوم عشرة ما تسرع تخفف لي نار وجدي ...
|
Post: #43
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-06-2005, 07:26 AM
Parent: #1
قرشو يا أيها الظلامي الموللللللللللللللللع :
شوف شوف شوف بالله شوف ..
حتلاقي واحدين بي الالوف..
محتاجة عمرة وسمكرة محتاجة لي وزنة بلووووف..
أها يا قرشو يا اخوي جنس الكلام ده مكتوب في ناس البورد ديل ..شغالين بي القلبة الزول يقول صلو علي المصطفي صلي الله عليه وسلم يطلعوهو مضلللللللللللللم زي الثورات بعد جاتا الجمرة الخبيثة ..
إنت مولع وانا مولع وكلللللللللللللللنا مولعين وانشاء الله ينطفو الفي بالي بالك ..ويااااااااااا يوم عشرة ما تسرع تخفف لي نار وجدي ...
|
Post: #45
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-07-2005, 09:19 AM
Parent: #43
الاغنية مهداة الي وليد 399 وكل الاهل بمنطقة قريعتي راحت وشنب البعوضة وورك النملة :
طار أكلي مني وقال ماهو راجع ..
مادام حاياكلو شرفان وشافع ..
قفل الجوال يا ولي قاصد ..
يزرع عزومة للشتيمة حاصد ..
طاااااااااار اكلي ..
كل زول حقود للغلطة راصد ..
نزوغ منو نمشي يشغل مراصد..
طاااااااار اكلي
إذن الوداع يا ولي علاء ...
برياني مافي وانا منكم براء..
طااااار اكلي
انا جد مفلس والمطعم غلاء..
علي العزومة وانتو للشراء..
طااااااااااااااااااااااااااااااااااااااااااااااار اكلي ..
|
Post: #46
Title: Re: يا يوم عشرة ما تسرع تخفف لي نار وجدي ..
Author: waleedi399
Date: 02-07-2005, 10:59 PM
Parent: #45
| Quote: الاغنية مهداة الي وليد 399 وكل الاهل بمنطقة قريعتي راحت وشنب البعوضة وورك النملة : |
وأنا بدوري أهديها يا عمر إلى المشاءين والبناءين وأهل الكمائن من صانعي (الطــوب)
|
Post: #47
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-08-2005, 00:03 AM
Parent: #46
| Quote: وأنا بدوري أهديها يا عمر إلى المشاءين والبناءين وأهل الكمائن من صانعي (الطــوب) |
إنت قاصد ناس الجريف غرب مش ؟؟؟
وأنا زااااااااااتي بهدي ليهم معاك :
الليلة الليلة أزاي الليلة ..
حرق بي نار الكماين ديلا ..
يا ود سعد الله تجينا ضروري ..
لو كان بالتكسي أو كان باللوري..
|
Post: #48
Title: Re: يا يوم عشرة ما تسرع تخفف لي نار وجدي ..
Author: waleedi399
Date: 02-08-2005, 00:46 AM
Parent: #47
| Quote: لو كان بالتكسي أو كان باللوري.. |
ممنوع دخول الشاحنات والعربات الكبيرة .. الحد الاقصى للارتفاع ( 5.5 متر ) فضلاً الــزم اليسار 
|
Post: #49
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-08-2005, 01:30 AM
Parent: #48
| Quote: ممنوع دخول الشاحنات والعربات الكبيرة .. الحد الاقصى للارتفاع ( 5.5 متر ) فضلاً الــزم اليسار |
الحديد لو إتطايب ..المخرج بشيل مية ...
|
Post: #50
Title: Re: يا يوم عشرة ما تسرع تخفف لي نار وجدي ..
Author: walid taha
Date: 02-08-2005, 09:15 AM
Parent: #49
روقــو شويـــة..!
|
Post: #51
Title: Re: يا يوم عشرة ما تسرع تخفف لي نار وجدي ..
Author: عمر الفاروق شيخ الدين
Date: 02-08-2005, 09:22 AM
Parent: #50
وليد يا طه ..
الف لا بأس عليك ياخ وماتشوف شر وإنشاء الله عدوينك قالوا متألم شوية ياخي بعد الشر عليك ..سألنا من تلفونك لكن العوازل ابو يدونا ليهو ..
قلت لي نرووق..
إنتو كان روقتو ..انا بوصف الشفتو ..شفت الشعر نازل ليييييييي حنتو التحتو ...
اها كيف ليك ما بنرووق ؟؟؟؟
|
|