Post: #1
Title: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-26-2005, 04:25 AM
لا تزال اصداء احداث اداء السيد الصادق المهدى رئيس حزب الامه القومى وامام الانصار صلاة العيد (المحضورة ) بالجزيرة ابا تتردد فى المجالس وداخل الزوايا الصحافية بصحف الخرطوم والرجل استطاع ان يؤكد وفى توقيت ذكى ان حزب الامه لا يزال مكتظا بالانصار وانه لا يزال حاضرا ومقيما فى افئده الناس بولاية النيل الابيض والجزيرة ابا وهى موقع له وقع متميز فى تاريخ الحركة المهديه عموما وفى اسناد الحزب بصفه خاصة فى الملاحم الانتخابية وحق للرجل ان تخنقه العبره وان يبكى – كما قال احد الصحافيين – والوف من انصاره يحاصرونه بحماسه وشوق واجلال كبير ومشرف (غير الصادق ما بنصادق ) و(الصادق امل الامه ) ورغم اننى لست من (اعضاء ) حزب الامه الا ان تلك المشاهد وذاك النقل اشعرنى بارتياح عظيم لجهة ان الصادق المهدى وان اختلفت معه لا تملك الا ان تحترم فيه جمله خصال حميده وكريمه اولها واهمها تلك الروح المثابرة والداب المتصل فى الوصول الى الاهداف والغايات دونما الحاجة الى عمل مريع وسلوك شائن ويضاف الى كل ذلك سماحه مطلقه فى الصبر على النوائب والنكبات الحزبية وتحمل اذى الاقربين والابعدين فى الازراء بالرجل بمناسبة وبغير مناسبه . وفى وقت انصرفت فيه كل الاحزاب للبحث عن الحقائب والوزرات و(مواقع الاعراب ) يمم امام الانصار الى معقل (شهيدهم ) الامام الهادى ومربط الثورة الاسلامية المهديه (ابا ) وقدم عرضا (جميلا ) ووقف بنفسه على حجم مكانه حزبه بالمنطقه وخياراته ان احتكم الجميع للصناديق وراى الشعب وهو يقدم بذلك رسالة عميقة الدلاله لخصومه مؤداها ان حزب الامه قد يكون القناص الذى يرمى بكرته فى الشباك فى اول (عكسه ) امام مرمى التعددية القادمه خاصة اذا وازنا بين حزب الامه ورفيقه فى التاريخ والصحبه الحزب الاتحادى الديمقراطى بقيادة مولانا محمد عثمان الميرغنى الذى تفرق ايدى سبأ بين جناح الازهرى ومضوى وحضره ودندش ومجموعة الشريف الهندى و(الود الخطير مضوى الترابى ) هذا حزب يحتاج الى (انقاذ ) والا فانه سيخرج من المولد (يا مولاى كما خلقتنى ) والذى سيذيد من بله اطيان الانقسام و(الجنائن ) فيه مؤتمر استثنائى سيشهده منزل الزعيم الازهرى بعد غد الجمعه قد يكون (الكرت الاحمر ) لمولانا الميرغنى رغم غضبة الاستاذ على السيد المحامى إن المؤتمر محاولة لإثبات الذات وليس له معني وأعتبر المؤتمر بأنه عمل لفركشة الحزب الاتحادي الديمقراطي حسب تقديره وأكد السيد أن الحزب لن يكرر تجربة عام 85 التى إنقسم فيها الحزب لثلاث ، وقال أن الذي يدير دفة العمل بالحزب الاتحادي هو المكتب السياسي الذي إنتخبه مؤتمر المرجعيات .وأضاف أن محمد الأزهري والحاج مضوى إذا أرادوا المشاركة في الحزب عليهم العودة بمفردهم وليس عن طريق الجماعات وإلا سيظلون خارج سياج الحزب لحين اختيارهم عن طريق المؤتمر العام الذي يعقده الحزب بعد عام من عودة قياداته للداخل وقطعا فان هذا الحديث وتلك الأحداث (فآيته أضان الميرغني ) ولهذا قيل ان (الزعيم ) يجهز منازله لاستقباله بالخرطوم فى شهر فبراير المقبل و(سجن سجن غرامه غرامه ) .. ولسان حاله يقول للامام بعد ما راى من حشده المهيب فى (الجزيرة ) يا العزيز الما بتسال عن ظروفنا رغم ان (العزيزة ) سفر وابداع خاص بسعد الدين ابراهيم ( طلبنا من الاخوة هنا ان ينزلوها لينا ولم يستجب احد ) وهكذا فان احد اهم الاحزاب قد صار خارج الشبكه ويمتد بعدها نظر الصادق المهدى الى الحزب الشيوعى السودانى الذى صار دوره فقط منحصرا فى عقد (الجوديات ) داخل لجنته المركزيه تاره لاستتابه الاستاذة فاطمه احمد ابراهيم لانها تخرج دوما عن النص وتاره اخرى لانتقاد الدكتور الشفيع خضر لانه يحمل سمات (انقاذيه ) ويشيد دوما بالدكتور نافع على نافع رجل الانقاذ القوى وكبير مفاوضيها مع التجمع ولانه كذلك يحب اشعار عبد الباسط سبدرات و(كيف ما ترجع القمره لوطن القمارى ) ثم يقتلل الحزب – الشيوعى – تارات هنا وهناك حتى اثخن ظهره بالجراح وصارت المسالة صراع (تروتسكيات ) و عاد تصنيف عبد الخالق الشهير للمشاكسين ( مجموعة من التروتسكيين البرجوازيين الصغار) حين اعتمل صدره ضد بعض اليساريين الصغار الذين رفضوا ان يكون الحزب الشيوعى ... بقرة مقدسة .. كما يقول الخاتم عدلان .
اذن من تبقى من الاحزاب ليكون قادرا على (زر ) حزب الامه بقيادة السيد الصادق المهدى ... لم يتبقى سوى المؤتمر الوطنى والحركة الشعبية (جناح قرنق ) وعن هذين ... نعود قريبا .... والعرض درجات
|
Post: #2
Title: Re: الصادق المهدى (العزيز الما بيسال عن ظروفنا ) !
Author: علي محمد علي
Date: 01-26-2005, 04:46 AM
Parent: #1
ألحقني وأفزعني
الحبيب محمد حامد جمعة،
والله الليلة انبثقت وانبلجت واهتديت،و(شكرت) سيدنا الامام( شكر) حتي ظننا بانفسنا الظنونا، والباقي ليك خطوتين وتصبح في المعية الالمعية مع العقد النضيد (لنة مهدي) واصحابها وصويحباتهاوإن شئة الدقة الاحباب جميعا،
لكن أقول ليك حاجة كلامك ده وراه كلام كدي ادينا اخرك!
|
Post: #3
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-26-2005, 05:29 AM
Parent: #2
ابو علوه
الله مايجيب يوم شكركم ...فى السودان الجديد
|
Post: #4
Title: Re: الصادق المهدى (العزيز الما بيسال عن ظروفنا ) !
Author: jini
Date: 01-26-2005, 05:56 AM
Parent: #3
| Quote: ويضاف الى كل ذلك سماحه مطلقه فى الصبر على النوائب والنكبات الحزبية وتحمل اذى الاقربين والابعدين فى الازراء بالرجل بمناسبة وبغير مناسبه |
ياراجل حرام عليك تصف الرجل بالإضينة!!
جني
|
Post: #5
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-26-2005, 05:59 AM
Parent: #4
جنى .........بسم الله !
منو القال اضينه ......... قلنا دى معناها سماحه وتسامح ... وبث كما يقول سيادتو ود الشيخ
|
Post: #6
Title: Re: الصادق المهدى (العزيز الما بيسال عن ظروفنا ) !
Author: jini
Date: 01-26-2005, 06:11 AM
Parent: #1
على حسب علمى هذه الأوصاف تنطبق على الإضينة والحمار
دق الإضينة واعتذر ليهو
ومن استغضب ولم يغضب فهو حمار
نحن الصادق مابنرضى فوقو رغم انه بيرضى فوقنا
جني
|
Post: #7
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-26-2005, 06:41 AM
Parent: #6
نحن الصادق مابنرضى فوقو
جنى
ونحن كمان
|
Post: #8
Title: Re: الصادق المهدى (العزيز الما بيسال عن ظروفنا ) !
Author: عبد الحميد عوض
Date: 01-26-2005, 07:02 AM
Parent: #7
عشان كدا امسكو الخشب...!
|
Post: #9
Title: Re: الصادق المهدى (العزيز الما بيسال عن ظروفنا ) !
Author: ود الشيخ
Date: 01-26-2005, 07:05 AM
Parent: #1
والله يا سعادتك انا البريد الشيخ أنا بريدو
اها ود عمي وبت عمي لنا وود اخوي طارق و ود عمنا ياسر الشريف
ختنا في خاترك
ؤبث
|
Post: #10
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-26-2005, 07:09 AM
Parent: #9
ما شاء الله الانصار ......كتااااااااااار ... عينا بارده .... ولا شنو يا عبد الحميد عوض وينك يا مان ...كل سنة وانت طيب
|
Post: #11
Title: Re: الصادق المهدى (العزيز الما بيسال عن ظروفنا ) !
Author: عبد الحميد عوض
Date: 01-26-2005, 07:12 AM
Parent: #10
وانت طيب انشاء السنه الجايه ذي ما عاوز ومزيدا من( الترقي)
|
Post: #12
Title: Re: الصادق المهدى (العزيز الما بيسال عن ظروفنا ) !
Author: عبد الحميد عوض
Date: 01-26-2005, 07:21 AM
Parent: #11
اللخو فتحت لي مالك
|
Post: #13
Title: Re: الصادق المهدى (العزيز الما بيسال عن ظروفنا ) !
Author: ebrahim_ali
Date: 01-26-2005, 08:35 AM
Parent: #12
أولاً نقول العميد ولا الحبيب
تقريظ في مكانه تماماً وهذا هو موقع حزب الأمة في قلب الشعب السوداني المتعطش دوماً وأبداً لديمقراطية حرة ونزيه وهذا هو البيان الحقيقي لجماهير الحزب بالنيل الأبيض بعد اكثر من ستة عشر عاماً تحت نيران وظلم وجبروت حكم الحزب الواحد الذي أراد أن يهيمن على كل الأحزاب ويقسمها أرباً إربا ولكن هنالك جماهير الأنصار تعشق الأمام حتى النخاع فلن تتبدل ولن تتغير ولا تهادن ولا تصادق غير الصادق هذه من الثوابت التي يعتز بها ابناء النيل الأبيض عموماً والجزيرة ابا خصوصاً وغيرها من مناطق النفوذ التي يتمتع بها الحزب فلم تتغير الاجيال السابقة ولا اللاحقة مما جرى من تغيرات سياسية واجتماعية واقتصادية من عشقها ووقوفها مع الحزب .
على كل حال تشكر ياسعادة العميد على هذا السرد الطيب وأقول لك بلغة الكيزان جزاك الله خيراً ولا تكون ظهرت مصطلحات أخرى جديدة ونحن ما ناقشين ياريت توافينا بالمصطلح الكيزاني الجديد لاننا غربتنا طالت .
|
Post: #14
Title: Re: الصادق المهدى (العزيز الما بيسال عن ظروفنا ) !
Author: WadAker
Date: 01-26-2005, 08:59 AM
Parent: #1
اخونا ود جمعة اجمل ما يجعلنى اتابع مشاركاتك ذلك التحضير الممتع من "دفاعك لى هجومك " ثم اللمحات والتابلوهات الانيقة فى الوسط التقول برازيلى يعنى باختصار مقدماتك نحو الهدف حاجة بتطير العقل كما يقول الشوام... ونحن فى انتظار الهدف وقبل الفاصل نحب نسمع مناى ياهدفى تحقق وارجع ....
|
Post: #15
Title: فوبيا الصادق
Author: lana mahdi
Date: 01-26-2005, 09:37 AM
Parent: #1
شكراً يا محمد حامد جمعة
تاني مرة لمن تقرظ الامام الصادق الصادق المهدي كدة
حاول راعي مشاعر المابدورورهو المرهفة
زى اخونا على محمد على
شايفاهو شرفني بي زج اسمي هنا
جزاهو الله خير
وكمان ما راعيت مشاعر المصلبين بفوبيا الامام الصادق
وحقيقة الصلاة المليون و نصف مليونية كانت استفتاء حقيقي فى الجزيرة أبا
ياخوانا الحبيب الامام لى الله فى لله الانصار بريدوهو و بيحترموهو
وغيرهم بيريدوهو و بيحترمو فكرو و بيحترموهو
انتا عارف
الكتب كتاب العظماء مئة بقترح يغير اسمو ليكون اسم السفر العظماء 101
وشكرا
|
Post: #16
Title: Re: فوبيا الصادق
Author: Hassan Elhassan
Date: 01-26-2005, 10:39 PM
Parent: #15
يكفي الرجل أنه بجماهيره الوفيه وعبر صناديق اإقتراع يحاول أن يساهم جاهدا في كتابة فصل من فصول الديمقراطية يمتد عبرعقود من البلاءات تري ماذا سيقول سيد الخطيب الذي يعتقد أن بعض القوي تعيش على وهم تأييد الجماهير لها ؟
حسن الحسن
|
Post: #17
Title: Re: فوبيا الصادق
Author: Hassan Elhassan
Date: 01-26-2005, 10:45 PM
Parent: #15
يكفي الرجل أنه بجماهيره الوفيه وعبر صناديق الإقتراع يحاول أن يساهم جاهدا في كتابة فصل من فصول الديمقراطية يمتد عبرعقود من البلاءات تري ماذا سيقول سيد الخطيب الذي يعتقد أن بعض القوي تعيش على وهم تأييد الجماهير لها ؟
حسن الحسن
|
Post: #18
Title: Re: فوبيا الصادق
Author: محمد حامد جمعه
Date: 01-27-2005, 00:21 AM
Parent: #17
صباح الخير ........وصلنا
|
Post: #19
Title: Re: فوبيا الصادق
Author: A.Razek Althalib
Date: 01-27-2005, 02:14 AM
Parent: #18
وحياتك كنا راجيينك بفارق الصبر نسمع أخبار البلد...
والكلام حلو في كي بورتيك.... يا بتاع الباوندث.
جديدك في عيدك... وأخبار الناس ...
وفرحة العيد البقي عيدين تلاتة...
وحياة البورد وطواحين الهواء... ناس مردا الكودية...
الراجييك كتير عشان تقدر تواكب...
دا عالم التكنولوجيا... كل يوم بجديد... وإذا غبت ما تمشي بعيد...
عشان تعرف الناس البتمد بالمفيد....
يا راجل يا أبو قلم حديد...
فهل من جديد... يا صنديد...
راجينك وعشانا في المشلعيب...
لبن.... وروب... وعسل في البخسة...
ولك خالص الأمنيات لك وللأولاد...
|
Post: #20
Title: Re: فوبيا الصادق
Author: محمد حامد جمعه
Date: 01-27-2005, 03:37 AM
Parent: #19
ابورزقه .......سلااااااااامات يا راجل يا دمث انت ... بركه الجيت ... النار البتاكل الزاد ... كيفك
جينا ليكم والشوق غلبنا وعاوزين نرمى ونجدع معاكم بس ربنا يدينا المهلة والفسحة والحجة والبيان .............. شان نقدم شى مفيد ... يشبه البورت ويشرف العميد 
|
Post: #21
Title: Re: فوبيا الصادق
Author: محمد حامد جمعه
Date: 01-27-2005, 07:01 AM
Parent: #20
حسنا قلنا فى مساحه سابقة ان السيد الصادق المهدى استطاع ان يرسل رسالة كبيرة وقوية ومؤثرة لخصومه وهذا سيعنى على الصعيد الداخلى لحزب الامه عدة اشياء وجملة تطورات فاللذين انشقوا عنه سيجدون انفسهم فى موقف لا يحسدون عليه لجهه انهم كانوا يصرون وباستمرار على ان القواعد قد (احالت ) الامام الى التقاعد وان الحزب بعد وفاة الدكتور عمر نور الدائم ومرض الامير عبد الرحمن نقدالله وخروج المرضى واستياء مادبو وغيرهم قد صار بلا قيادات كبيرة ذات خبره وصيت ونجوميه خاصة اذا علمنا ان ابناء السيد الصادق رغم اجتهادهم فى الصعود الا ان حقيقة انهم (اولاده ) قد تضعف من امكانيه كسبهم البعيد عن اسم الاسرة ومشروعية الوراثه - كما يسميها عادل عبد العاطى - لكن واحدة من عوائد لقاء الجزيرة ابا وما يعنيه ان مجموعه مبارك الفاضل ستجمع ما بين الجرى والطيران للدخول تحت قبه الصادق باى تسوية وطريقة ولا فانها ستكون منبوذة بالعراء فى فترة لن ينبت فيها بسهولة نبات يقطين فى موسم العراك السياسى المرتقب فى المرحلة المقبلة وحيث ان مبارك الفاضل (زول ما عندو قشة مره ) فانه سياتى ويقوم بعملية (تسليم مفتاح ) لجماعته المنشقه - او المتبقية معه - لانه ادرك انه وبعد طلاقه البائن مع المؤتمر الوطنى لا يمكن له ان ينضم للتجمع الوطنى الديمقراطى الذى خرج عليه مبارك نفسه وبشع به (وهى منهجية ذميمة فى هذا الرجل ) ولن تقبل به كذلك الحركة الشعبية التى عرف عن قائدها العقيد جون قرنق حساسيته (المفرطة ) واكزيمته المعتادة والمقيمة تجاه الاشخاص الذين قد يكونون (خميره عكننه ) ولهذا تجد دوما ان قرنق يقبل التحالفات والعضوية الجديدة لكن بشرط ( لا تجيب ولا تودى وتجلس حيث ينتهى بك المجلس ) وبالطبع فان شخص مثل مبارك الفاضل اذا التحق او تحالف مع الحركة لن يرضى بان يكون (حرس علم ) فى جوقه العقيد لان ذلك يتضارب مع شعاره (لنا الصدر دون العالمين ... يا نجوطها ) ، اذن فلا مخرج ومسرب للسيد مبارك ومجموعته الا الصادق و(غير الصادق ما بنصادق ) ولهذا ابتلع (البلدوزر ) كل كبريائه الشهير ومضى ايام العيد يبعث الرسل ويعد المذكرات والراسئل على طريقة (النقد الذاتى ) الاثيرة لدى رفاقنا و(حبايبنا ) فى اليسار وهو ادب شيوعى (شيال حال ) اذ يطلب - بالضم - من العائد من انشقاق او انقسام او خروج او مفاصلة (والتسمية حسب التوجه الحزبى بالطبع ) يطلب من التائب ان ينقد نفسه ويشق الجيوب ويلطم و(حلفت فلم اترك لنفسك ريبة ) و(اتيتك من ثيابى عاريا على خوف تظن بى الظنونا ) وهو امر حدث فى اليسار كثيرا وقديما لكنه فى الاونه الاخيرة اختفى - ربما ذهب فى اقامة سرية مع الرفيق نقد - وكان اخر عهد الشيوعيين به على ايام خروج (جماعه سورج ) ونقد الاستاذ فاروق ابو عيسى لنفسه حتى انه لم يترك لنفسه (جنبه يرقد عليها ) وبعدها لم نرى نقدا ذاتيا لكن الاخبار اليوم تقول فى الخرطوم ان مبارك الفاضل بصدد اعلان توبه ليقول الصادق المهدى له (مرجوعه فى مسماه ) هذا ان قبل الصادق ان يرتكب خطاه القديم فى (تقديم ) وتصعيد مبارك مرة اخرى وتلميعه ولم يتعظ ويجعله فى الصفوف الخلفية (ناس مقعد شكرا ) .......... ولا نزال معكم
|
Post: #22
Title: Re: فوبيا الصادق
Author: محمد حامد جمعه
Date: 01-27-2005, 08:29 AM
Parent: #21
>
|
Post: #23
Title: Re: فوبيا الصادق
Author: محمد حامد جمعه
Date: 01-27-2005, 10:00 AM
Parent: #22
حسنا ... نمضى و(نمش قدام ) والحديث عن القوى التى قد تشكل جماهيريا منافسه للسيد الصادق المهدى ونمضى اذن لنشرح بقية الاطياف ، وندلف الان نحو بقية القوى السياسية الواردة من الخارج وهذه تحديدا نعنى بها (الشباب ) بالتجمع الوطنى الديمقراطى المعارض - اسم يقطع نفس خيل القصائد - وهذه فى ظنى طبل اجوف وينطبق عليها (تسمع بالمعيدى خير من ان تراه ) فهى عبارة عن طاقم من المعاشيين الذين ياكلون من (سنامهم ) كما يقول التجار فالحزب الشيوعى فيه عضو بصفة (التواجد ) والظهور والحرص على المساهمة (الرمزية ) اذ ان ليس للحزب جيش ولا قوات ولا حتى نشاط فاعل من الممكن ان يسهم به فى ان يكون له نصيب و(عود ) فى ايما محاججة بشان (الاوزان ) وان كان غالب الاعضاء والقيادات هنا وهناك فى سقيفة التجمع قد خرجوا من جلباب الشيوعى بصورة او باخرى ولمعظمهم سابق انتماء وعلاقة وعضوية ، وجماعة (التحالف ) هذه قصتها (قصتنا ) ولا بازرعة ليكتب عنها قوات التحالف التى لها جناحان (بروف وعميد ) الاول يصر على عضويته بالتجمع لكن على شرط ان تكون الدولة الراعية والمستضيفة وصاحبة (الهوستنق ) ارتريا فيما يطالب الثانى بسيادة الديمقراطية والشفافية وقد كتب فى عيد الاضحى المبارك خطبه حسدها عليه بعض ممن يعتلون منابر المساجد ، هذه (القوات ) وارجو ان يتطلف بنا من لا يعجبهم هذا الحديث لا تمتلك عضوية يابه لها سواء فى الميدان او فى هياكل التجمع او حتى بالداخل لجهة انها لم حركة وتنظيم لم يهتم بانشاء خلايا ومكونات عمل يدفع بها فى فضاءات العمل السياسى فى الجامعات او غيره كما انه لم يعرف عنه سوى (خطبه العميد خالد العيدية ) ايما طرح وبذر فكرى يعرض ويسوق ويقدم للنظارة والجمهور ولو بطريقة (سرية ) .. ثم نمضى وننظر داخل التجمع ... من هناك ... التحالف الفيدرالى هذه يعانى من شلل رعاشى يتعب حتى الباحث والمنقب الامين فهو تارة (حاكورة ) للدكتور محمد ابراهيم دريج ثم فى لحظة او اقل يحصل مقعد ودست القيادة فيه الدكتور (شريف حرير ) والذى فجاة يحل حزبه او يغيبه دونما توضيحات ليطير ويراس وفد تفاوضى مع الحكومة وهذه المرة تحت راية جيش تحرير السودان ظهرا وحركة العدل والمساواة مساء وبالتالى فانه (تمامة عدد ) وتمومة جرتق حتى فى التجمع نفسه .. حسنا (مين هناك ) نعم شلة الامين شنقراى وهذا وان كان اسمه الى اليوم على موقع (نت ) التجمع يحسب على (البجا ) فان قوات البجا صارت صافرة بفم عبد الله كنه دون سواه والذى يراهن فى ولاءه على دعم اسياس افورقى (فردته ) ورفيقه فى مدرسة الكادر اليسارية باليمن الجنوبى ... القديم !
من هناك .......كثيرون فقط ابقوا معنا ...
|
Post: #24
Title: Re: الصادق المهدى (العزيز الما بيسال عن ظروفنا ) !
Author: lana mahdi
Date: 01-27-2005, 10:28 AM
Parent: #1
| Quote: وان الحزب بعد وفاة الدكتور عمر نور الدائم ومرض الامير عبد الرحمن نقدالله وخروج المرضى واستياء مادبو وغيرهم قد صار بلا قيادات كبيرة |
مادبـــــــــــو وين استاء؟؟؟؟!!!
واستاء من شنو؟؟
اول مرة اسمع العبارة دى
مادبو الآن نائب رئيس حزب الأمة القومي
وأديها بســـــــــــطة
تحياتي
|
Post: #25
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-27-2005, 10:51 AM
Parent: #24
لنا المهدى .....شنو بس لاعبه باك قشاش ... مع مسائل حزب الامه
عموما خلاص ... مادبو ما مستاء .... ولا انت ولا انا ...
خالصين يا انصاريه ... يا رابحه ... الكنانية
|
Post: #26
Title: Re: الصادق المهدى (العزيز الما بيسال عن ظروفنا ) !
Author: lana mahdi
Date: 01-28-2005, 12:29 PM
Parent: #25
نحنا قلنا شنووووووووووووو؟؟؟؟؟!!!!!
Quote: .....شنو بس لاعبه باك قشاش ... مع مسائل حزب الامه
عموما خلاص ... مادبو ما مستاء .... ولا انت ولا انا ...
خالصين يا انصاريه ... يا رابحه ... الكنانية |
قلتا قشاش يا محمد حامد؟؟
اها انا من امس الاول مريضة
عينكم يا ناس المؤتمر الوطنى مرضت السودان ما تمرض المخلوقة المسكينة دى؟؟
|
Post: #27
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-28-2005, 11:54 PM
Parent: #26
لنا مهدى ........ سلامات
وربنا يديك العافية ... وقل هو الله احد
|
Post: #28
Title: Re: الصادق المهدى (العزيز الما بيسال عن ظروفنا ) !
Author: Abdelrahman Elegeil
Date: 01-30-2005, 03:44 PM
Parent: #27
UP
|
Post: #29
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 01-31-2005, 00:41 AM
Parent: #28
صباح الخير ... شكرا شكرا يا عبدالرحمن ... على الاسناد والمؤازرة
|
Post: #30
Title: Re: الصادق المهدى (العزيز الما بيسال عن ظروفنا ) !
Author: Abdelrahman Elegeil
Date: 02-01-2005, 05:48 AM
Parent: #29
يا ود جمعة نحن فى الخدمة
|
Post: #31
Title: Re: الصادق المهدى (العزيز الما بيسال عن ظروفنا ) !
Author: Abdelrahman Elegeil
Date: 02-01-2005, 06:03 AM
Parent: #30
يا ود جمعة على قول الحبيبة لنا الناس المبدورو ود المهدى طال
نتظارهم ليك عشان تفش غبينتهم فيا زول أنقل لهم حاجة من حاجات
محمد طه
|
Post: #32
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 02-01-2005, 06:09 AM
Parent: #30
اها .. جميل ونرجع ... قلنا شنو ... ايوا ... السيد الصادق المهدى فى العيد بقى حاجة اخر تمام والراجل معنوياتو دقت السما واطلق تصريح خطير حين قال ان حزب الامه سيكتح فى اى وقت (الانتخابات ) وانه جاهز (مويه ونور ) وانصار للنزول فى معترك الانتخابات فى اى زمان اى مكان (موبيتل يا معلم ) ...وطبعا التصريح دا سخن مع الناس (القاشره ) ود المهدى دا خاصة ناس التجمع لان الزول زمان لمن ختا قرض معاهم مسح بيهم الواطه ولا يزال المثل الذى ضربه بهم يرن فى فضاءات السخرية من التجمعيين ( التجمع شعر مشطو بصوابو وقملو ) وما معروف لى يوم الليلة من كلام سيد صادق (ابو رباح ) القمل منو والصواب منو ، اها شيل خت ناس التجمع شافو وعاينو جاى قالو احسن نلحق نبرمج مع الامام اصلا هم فى التجمع معلمين الله من الجمهور والقواعد فاحسن يشوفو ليهم ضل وتكيه يقدروا لو عمل ساى ندوة تكون محضورة مش تبقى زى اجتماعاتهم ديك البيجى فيها عشرة ويغيب عشرين دا غير انو العقيد جون قرنق من ما تقول ليهو اجتماع هيئة قيادة ... يقوم طوالى يتعزز الليمون ... ويجيهم ليك متاخر ... والزعلان ... بظروفو !
نواصل يا جماعه ولا الكلام باللغه دى حيخلينا ناخد كرت اصفر ... 
|
Post: #33
Title: Re: الصادق المهدى (العزيز الما بيسال عن ظروفنا ) !
Author: lana mahdi
Date: 02-01-2005, 06:48 AM
Parent: #32
SHARP EYES
|
Post: #34
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 02-01-2005, 06:51 AM
Parent: #33
يا (لنا ) اول شى ...حمد الله على السلامة ... لكن الصوره ما عجيبه ...الغريبة قالو الامام حريف (بولو ) لكن شايفو هنا (اغاسى ) ...
المهم ... اخبارك واحوالك و(انصارك ) وكدا
|
Post: #35
Title: Re: الصادق المهدى (العزيز الما بيسال عن ظروفنا ) !
Author: حبيب نورة
Date: 02-01-2005, 07:04 AM
Parent: #34
سلامات
اول حاجة والله انا ما عندي علاقة بي الأنصار لا من بعيد لامن قريب
لكن وحاة نظري الصادق المهدي دة انا متكيف منو جنس كيف
اسكت ساهي... اموت انا في تنظيرو وخطبوا و احاديثو وكلامو
وسلامو وقيامو وصلاتو وووووو...... هلمجرا
والله يا محمد و لنا المهدي ( تشكرون ) علي البوست الممتع دة
|
Post: #36
Title: Re: الصادق المهدى (العزيز الما بيسال عن ظروفنا ) !
Author: محمد حامد جمعه
Date: 02-01-2005, 07:08 AM
Parent: #35
يا حبيب
والله يا محمد و لنا المهدي ( تشكرون ) علي البوست الممتع دة
لكن ما لقيتك ديامى ... مفتح ... ومن شله (مفتحون ) ...
الشكر ليك يا حبيبو انت .. توقيعك فى البوست دا يؤكد ان الصادق المهدى محبوب من كل الاتجاهات امدرمانيين وديامه ... رغم انو الاخيرة - ويا للعجب - حلة نقد وعلى عثمان .. يعنى لمت الشامى والمغربى ... وجاز الديوم
|
Post: #37
Title: Re: الصادق المهدى (العزيز الما بيسال عن ظروفنا ) !
Author: WadAker
Date: 02-01-2005, 08:37 AM
Parent: #1
اختنا بت المهدى ...اخونا ود جمعة....حمد لله على سلامة الشفاء"لنا" مش المصنع ..ولود جمعة بسلامة العودة من الفواصل لزوم جر النفس ... حقيقى ابداع واجمل ثنائى عكننة فى البورد وبكم يصبح للبوستات طعم تانى ..
بس ياود جمعة شايف غزلك كتر فى الامام شنو الحكاية!! ماقالو كوز والا فكيت تسجيلك مع فك التسجيلات الشتوى ..انت معاى السياسة السودانية بدون السندكالية وهلمجرا ماليها طعم...استمر ياوجية فى الطرح اللذيذ
|
|