Post: #1
Title: يا جماعة فى شنو !
Author: محمد حامد جمعه
Date: 01-25-2005, 02:29 AM
السلام عليكم ... اهل الدار والحوش ... يا ناسا فناجرة تمام ويا ناسا تمامة الكيف ... معليش تاخرنا عليكم فى العودة والرجعة والدنيا عيد ... وكل سنة وانتو طيبين .. لكن بس يا جماعة ممكن بالمختصر المفيد كده (تفهمونا ) الحاصل شنو ؟؟؟ صوتكم جاى من اخر الشارع جوطه وصراخ وناس تشجب وناس تندد وناس تطلق وفى ناس طلعت (اوت سايد ضربة قون ) وفى ناس استقالت ... فى شنو يا جماعة قولو بسم الله .. مالكم ... شنو .. طلعتو كشف (عمداء ) جداد ولا القصة شنى .. معليش بس كدى ادونا تلخيص صغيرون وحليون كدا عشان نفهم ونقدر نعرف نحن نشوت وين ... ما تقولو لى ارجع اقرا البوستات النازلة من يوم الوقفة لغاية الليلة ............ ما بقدر .... زمن تك ... يا شباب
اها ...فى شنو !!!
|
Post: #2
Title: Re: يا جماعة فى شنو !
Author: عمر الفاروق شيخ الدين
Date: 01-25-2005, 02:39 AM
Parent: #1
ما قالوا ليك ؟؟؟؟؟؟؟؟؟؟؟
ما كلموك ؟؟؟؟
مش ناس رودا طلعوا ناس كتاااااااااااااااااااااااار!!!!! شي رجال وشي نسوان مرة تتقلب دكتورة ومرة دكتور مرة خالد مردا ومرة رودا كودي ..
اها قووووووووووووم يا عادل عبد العاطي احرد البورد بعد كشفت اللعبة
وقووووووووووووووووومي كده يا المرا موتي ...
|
Post: #3
Title: Re: يا جماعة فى شنو !
Author: علاء الدين يوسف علي محمد
Date: 01-25-2005, 02:46 AM
Parent: #2
الأستاذ الغالي
محمد حامد جمعة
تحية طيبة و كل عام و أنت بألف خير والله ليك وحشة و الليلة الصباح قربت أفتح ليك بوست خاص سؤال وكدة مع إنو حيكون بوست "ظلامي" و داير لمبات لكن لأنو طولت علينا.
إنشاء الله العيد يكون معاك تمام و خروفك كان أقل من الماهية عشان تتجدع بالباقي مع ناس "تجة" و شلة اللستك ..
فرتقت لينا الحفلة الممتعة و مشيت خليتنا في معمعة.
راجع الأولى بس حتفهم الحاصل كلو..
المواضيع المسخنة طافية على السطح
|
Post: #4
Title: Re: يا جماعة فى شنو !
Author: Hussein Mallasi
Date: 01-25-2005, 02:49 AM
Parent: #2
انت القول لينا .... الكبري دا حيكون فاتح كدا
طوالي و لا دي عيدية بس .....
يمين بالله قفلة الكبري جابت لي المرض .....
|
Post: #5
Title: Re: يا جماعة فى شنو !
Author: محمد حامد جمعه
Date: 01-25-2005, 03:07 AM
Parent: #2
عمر الفاروق
..........فى ذمتك ! .... الرجال طلعو نساوين .. والنساوين طلعو رجال .. !
علاء الدين
...سلامات يا راجل ..العيد هنا خطير بالجد لى هسه فى ناس طاشمة من شربوت (الهضم ) تمشى البنك تكون عاوز تورد يدوك قروش لكن الخروف ما عملها فى اخوك دى عاوزة بوست (فرايحى ) كدا لكن بعد ما نهضم الجوطة دى
ملاسى ..
وينك يا حبيبنا .... الكوبرى بقى عقوبة يومية وما فيها تعزير لو مشيت بكبارى بحرى زاتو
|
Post: #6
Title: Re: يا جماعة فى شنو !
Author: ود الشيخ
Date: 01-25-2005, 03:10 AM
Parent: #1
يا سعادتك
كل عام وانت بخير خلاص اجيب ليك يومية التحري تشوف
الفاتك والله تقرأ لومن تفتر لكن خليك تلخيص الاخوان
|
Post: #7
Title: Re: يا جماعة فى شنو !
Author: محمد حامد جمعه
Date: 01-25-2005, 03:13 AM
Parent: #6
ود الشيخ ... وين يا دفعه ..... مشتاقين
اسمع ... شنو الحاصل يا مان .... يعنى ما ننوم ولا شنو بعدين نسبة بوستات الشكل والجوطة دى نزلت متين انتو بره الناس دى ما بتعيد ... الحاصل شنو خرفان مافى وكدا ولا الوهمة شنو يا ابو الدفاع
|
Post: #8
Title: Re: يا جماعة فى شنو !
Author: المكاشفي الخضر الطاهر
Date: 01-25-2005, 03:20 AM
Parent: #1
الحبيب محمد حامد
ليك وحشة وين انت ؟
كيف العيد اكيد فى الخراتيم
الاخ ملاسي الكبري دا حا يفتح شهرين وتاني يقفل شهرين وتاني أن شاء الله مايفقل
الاخ علاء عندكم شربوت وبقنية هناك ولا لا؟
|
Post: #9
Title: Re: يا جماعة فى شنو !
Author: Hussein Mallasi
Date: 01-25-2005, 03:23 AM
Parent: #8
الله يهون بعد شهرين يا المكاشفي؛
حينذاك بتكون المدارس قفلت و الحركة الصباح خفت شوية ....
|
Post: #10
Title: Re: يا جماعة فى شنو !
Author: المكاشفي الخضر الطاهر
Date: 01-25-2005, 03:47 AM
Parent: #9
ملاسي
انت جربت كبري بحري كدا جرب كبيري بحري صدقني ما فيهو أي زحمة
دا لكل الاخوة الكرام ان يتجهوا بكبري بحري ويشوفو الفرق
|
Post: #11
Title: Re: يا جماعة فى شنو !
Author: محمد حامد جمعه
Date: 01-25-2005, 03:48 AM
Parent: #10
المكاشفى حبابك يا شيخنا كيفك وكيف القوم معاك
|
Post: #13
Title: Re: يا جماعة فى شنو !
Author: عمر الفاروق شيخ الدين
Date: 01-25-2005, 07:41 AM
Parent: #1
حبيبنا ود الشيخ
شنو شايفك في دفتر اليومية ده ما مسجل بوستات علاء الدين ..
الظاهر عليك متواطئ يا جنابو وعليه نرجو فتح محضر بالتستر علي مجرم ضلامي ..
|
Post: #14
Title: Re: يا جماعة فى شنو !
Author: ود الشيخ
Date: 01-25-2005, 07:47 AM
Parent: #1
عمر الفاروق
|
Post: #15
Title: Re: يا جماعة فى شنو !
Author: WadAker
Date: 01-25-2005, 09:34 AM
Parent: #1
اخونا ود جمعة اسعد الله اوقاتك وكل عام وانت بخير ... بالمختصر المفيد انو يظهر الجماعة بدو كب الشربوت من يوم الوقفة لزوم الشرفه.. اهه قام البتاع ده ويظهر انو كان مخلوط بى فتريتة مخمرة وحاجات تانية حاميانى ... قام طلع ليهم وين ماعارف وقامو يتكلمو... شى بالعربى المافصيح وشى بالتنكليزى الما مسيخ وناس بلغة الباقير والطير... اهه الواحد بقى يكشف ليك فى البوست ويهضرب مره يطلع ضكر ومره انتاية ومره بيجى منو بول وروايش مجهولة الهوية وريحة الكرشةضربت ... وسيد الكومرجا و حاصرالزقاق والمجادعة الحجرية زايدة اهه ناس زاقو وناس عملو نايمين وما فاهمين وناس حالفين بالطلاق يجيبو عاليها واطيها والباقين بغنو فى النار ولعت,,, وانا بره اهه انت وين ..
|
Post: #16
Title: Re: يا جماعة فى شنو !
Author: ود الشيخ
Date: 01-25-2005, 09:36 AM
Parent: #1
الله يجازيك يا الخدر فطستني بالضحك
اللوري قام بي
حلا في الودي
يا الله لي
|
Post: #17
Title: Re: يا جماعة فى شنو !
Author: A.Razek Althalib
Date: 01-25-2005, 03:22 PM
Parent: #16
سعادتك/ محمد حامد جمعة
شايف ضباط الصف ما قصروا ورفعو ليك التمام...
بس في حاجة....
إنتو قاعدين تاكلوا في الخرفان...
ونحن بنحارب في طواحين الهواء...
قال مردا قال...
بالله عليك دي ما مندوحة جديدة...
دي الحرب من وراء الجدر...
ما سمعتها بيها...
يا ها دي زاتا...
خال التحايا لتجة وشلة اللستك...
وكنا في حفلة ليلة....
أمنيات غاليات...
|
Post: #18
Title: Re: يا جماعة فى شنو !
Author: saif massad ali
Date: 01-25-2005, 03:31 PM
Parent: #17
شكيتكم علي الله مافي ظلامي ما جابتوه هنا ,اسع بجو ويسكوكوم
|
|