ما بين المنبر الحر و الصفحات الاباحيه

عفوا سادتى...

فالعنوان الصحيح لهذا الموضوع هو

Quote: ما بين المنبر الحر و بياع البنقو

و لكنى أدرك ان هذا المنبر يقرأه الاطفال و النساء و بعض من نخاف على مشاعرهم و ايضا بعض الذين تجرحهم اقل التعبير التى لا تليق بهم فلذلك كتبته بالعنوان الخارجى ما بيم المنبر الحر و الصفحات الاباحيه لانها كلمات زى ما بقولوا اقرب للعلمية من لغة الشوارع و لكنى اثرت ان أوضح العنوان الصحيح بالداخل فلهم العتبى حتى يرضوا

سادتى ...

أضحك كثيرا عندما أقرا

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

فدائما تذكرنى بأحد تجار البنقو( و لى أولاد الناس البنقو ده حاجه كعبه بستعملوها الناس الكعبين و ما تسالونى أكتر من كده لأنى و الله ما من النوع البحب اكتب فى هوامش المواضيع بتاعت ناس روده و ما شابه لكن حاسى انو حأفارق المنبر قريب عشان كده عايز اوضح الحاجه الحسيته من وجودى هنا) ... شكرا جزيلا.

المهم التاجر ده زول صلاااااااااااااااااااااااااااااااااااااااااااااااااااااااااااااااى شديد و بمشى كلو سنه الحج و الاغرب من كده انو لى نفسو ما بشرب بنقو و الاغرب من الاغرب انو اذا مشيت ليهو فى رمضان عشان تشترى منو بشاكلك و بقول ليك انحنا ما بنغضب ربنا فى رمضان و لكن باقى السنه صاحبنا حدث و لا حرج.

Quote: معذره

للاخ بكرى مقدما فو الله ما قصدت شيئا و لا أعرف عنك شيئا الا هذا الكلام الذى يكتب عنك فى هذا المنبر انك سيد الحوش و زى ما قالوا ناس الامارات القابلوك زول بشوش و مهذب و خجول لكنى احببت ان اوضح ان ما يكتب فى هذا المنبر مهما كان لا يعفيك من المسؤولية قد لا تحاسب قانونيا و لكنه الضمير يا أخى و الحق هو الحق و الساكت عنه شيطان أخرس و لك العتبى ايضا حتى ترضى و اذا كلامى ده غلط علييييييييييييييييييييييييك الله اسحب عضويتى فهذا من دواعى سرورى و لكنى احب الاحتفاظ بها لا من أجل السبب السبب الاساسى لدخولى البورد للمشاركه و التفاكر مع الكوكبة الرائعة التى اختفت و لكن حتى لا أكون شيطان أخرس...

تحياتي ... ناصر البطل

كيفك يا بطل؛

تعرف لو كنتا كتبتا في العنوان:

Quote: ما بين المنبر الحر و بياع البنقو

كان احتمال ما ادخل البوست ....



الا انني لا يمكن ان اقاوم عنوان مثل:

Quote: ما بين المنبر الحر و الصفحات الاباحيه

الاخ Hussein Mallasi

لك العتبى قد يكون خاننى حدثى و لكن احسست انه أقل جرحا بمشاعر الاخرين
لك العتبى انت ايضا

تحياتي ... ناصر البطل

الأخ ناصر

تعرف الحاجة المحيراني انو الناس كان قالت وجهة نظر أو رأي

في ابن الأخ بكري أبوبكر سيقوم بحظرها وبعدين انت وجهة نظرك

بردا وسلاما من القالوهو غيرك ودمته يا عزيز ويا بكري عليك الله

وتاني عليك الله ناصر ده تتوصى بيهو

عتبى شنو يا بطل؛

لا اعاتبك مطلقاً .... و العنوان في السلك.

و تسلم يا حبيب.

ود الشيخ

تسلم يا ود الشيخ

و زى ما قالوا

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

و انا اعتزارى كتبتو مقدم الله ما طلعنى غلطان ولا احتاج ليهو .كتبتو فوووووووووووووووق كدى راعى ليهو و الشينه و الله ما بننكره لكن كتبتوا عشان ما أجرح انسان انا ما بعرف اصلا هو زاتو منو و عشان حاجه تانيه اكان طلعته غلتان تكونوا عارفييييين انى ما زول شبك و اعتزرت و مستعد اعتزر تانى بس أكون غلطان

ما عارف ليه عندى احساس اقول البيت بتاع

لقد اسمعت اذ ناديت حيا ... و لكن لا حياة لمن تنادى

تحياتي ... ناصر البطل

Quote: الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها

عارفين

الكلام الفوق ده و الله انا بشكر بكرى عليهو لأنو كلو ما أكون قاعد قدام الكمبيوتر و بتصفح المنبر و الاقى الجمله دى طواااااالى بتذكر البلد و باصات الهينو لما أكون مسافر و الباص يطوطحنى شمال و يمين فى مجرى المويه بتاعت الخريف و حجه تكون راكبه فى المقعد الجمبك و شايله معاها جداد ينطط ليك فى رجلينك و شافع شايلاهو أمو فى رجلينه و يكورك ينجض البص كلو و فجأه ترفع راسك قدام تلقى الكمسارى ملصق مرايه صغيره مترومه بالجمبه و كاتب بالمنكير الأحمر

Quote: العفش داخل البص على مسئولية صاحبه

و الله ايام يا زمان ... و شكرا كتيييييير لى بكرى ابوبكر
و الله أول مره أعرف فايده للجمله دى يكون يا أخوانا بكرى ده بيحب اننا نشتاق للبلد كتير

تحياتي ... ناصر البطل