Post: #1
Title: خلوا الشكل وعاينوا مأمون حلاتو !
Author: zola123
Date: 01-23-2005, 12:36 PM
على قناة النيل الأزرق الأن لقاء مع مأمون, الطفل السوداني المعجزة
ومجموعة من المواهب
يا سيمباتكو اتمنى تكون متابع وتسجل لينا اللقاء
باجيكم راجعة
|
Post: #2
Title: Re: خلوا الشكل وعاينوا مأمون حلاتو !
Author: ودالعباسية
Date: 01-23-2005, 04:24 PM
Parent: #1
زولا 123
تحياتى
فعلا مفروض الناس دي تخلى الشكل وتشوف المواهب السودانية دي
انا اتمنى انه اي سودانى يكون شاف السهرة دي
لانو فعلا ديل مستقبل السودان
|
Post: #3
Title: Re: خلوا الشكل وعاينوا مأمون حلاتو !
Author: مريم بنت الحسين
Date: 01-23-2005, 04:45 PM
Parent: #1
ياخ ما ممكن.. الحلقه فاتتني  .... سبمو.. عليك الله قول سجلتها...
|
Post: #4
Title: Re: خلوا الشكل وعاينوا مأمون حلاتو !
Author: نادية عثمان
Date: 01-23-2005, 05:12 PM
Parent: #3
زولة واحد اتنين تلاتة
العيد مبارك عليكم
ياخى شحتفتونا انحنا ماشفنا مامون حلااااااااااااتو ده !!
نزلو لينا هنا عليكم الرسول يااهل الخبرة الالكترونية
وبالعدم انتى احكى لينا سوى شنو مامون حلااتو يازولة
سمح
|
Post: #7
Title: Re: خلوا الشكل وعاينوا مأمون حلاتو !
Author: zola123
Date: 01-24-2005, 03:40 AM
Parent: #4
نادية الحلوة
عيدك مبارك وسعيد
استني بس شوية وحاتشوفي التسجيلات
كانت حلقة خاصة بالمواهب من الاطفال
منهم مأمون الشيخ بمقدراته الحسابية الخارقة
والطفل أيمن ذو السنوات التسع والذي يتكلم الفصحى ومقدرته الحوارية واللغوية ونقاشه يفوق سنة بكثير, كانوا بيسألوه رأيه في اختيار الخرطوم عاصمة الثقافة, ويجيب: هل يعقل ان تكون م\ينة عاصمة للثقافة واكثر من نصف منازلها من الطوب اللبن( شفتي اللبن دي كيف)
قال ليه الطيب: لاكن ده ما ليه علاقة بالثقافة, قال أيمن: الثقافة بتنعكس على العلوم والفنون وكل شيء في الحياة
برضو سأله عن المناهج التعليمية
قال االتعليم بشكله الحالي قاصر واقترح تقسيمها فئات 1: لمن هم دون المستوى, 2 الطالب العادي, 3 الاذكياء مثله 
الزول ده عمره 9 سنين بالمناسبة !!
برضو في موهبة غنائية لطفل شاهدته في برنامج نجوم الغد بس نسيت اسمه
ورابع ضيف كانت سماح وهي موهوبة في الرسم لاكن المذيع ما عارفة ليه ما قدر يبين ده وكانت مظلومة في الحوار. بس استغل كونها من الجنوب وسألها عن السلام.
اها باجيك بعدين اكمل التقرير
|
Post: #11
Title: Re: خلوا الشكل وعاينوا مأمون حلاتو !
Author: نادية عثمان
Date: 01-24-2005, 09:35 AM
Parent: #7
زولة واحد اتنين تلاتة الغالية
تسلمى ياحبيبة علىتسليط الاضواء بخصوص اطفال بلدنا حلااااااااااااتهم
وعليك الله دائما كده شوفى لينا كل سودانى حلاااااتو ونبهى ناس بورد الشكل شناااااااتو
عشان يخلو الشتائم والمهازل والزعل الما ليهو داعى ويجوا يرفهوا عن ذواتهم بالجمال والنبوغ والبراءة دى
سمح
تسلمى يااحلى زولة واحد اتنين تلاتة اربعة اتناشر خمسين زااااتو !
|
Post: #6
Title: Re: خلوا الشكل وعاينوا مأمون حلاتو !
Author: zola123
Date: 01-24-2005, 03:32 AM
Parent: #3
مريومة
سيمباتكو ضرب لي امبارح ينبهني للحلقة وقال انه بيسجل فيها ما تخافي
وبرضو احتياط تمبس سجل اجزاء منها
عارفة امبارح كنت باتفرج والتلفون قدامي بيرن جاتني خمسة ومكالمات وزيهم مسجات , كل زول بينبهني افتح التلفزيون اشوف مأمون
فرحت بالحلقة واكتر بالناس الاتصلوا بي
للاسف ما كانوا بيستقبلوا اتصالات هاتفية في الاستوديو
حاولت اتصلت على حاج حبوب واداني رقم فاكس رسلت ليهم واحد
بس ماعارفة ما قروه ليه
حسيت بفرحة غريبة امبارح زي كأنوا مأمكون ولدنا ولا قريبنا
والناس الحولي كلها محتفلة بيه.
تحياتي
|
Post: #5
Title: Re: خلوا الشكل وعاينوا مأمون حلاتو !
Author: zola123
Date: 01-24-2005, 03:28 AM
Parent: #1
ود العباسية
يا رييييت
سهرة مفرحة وجميلة واستمتعت بها بشدة
الله يحفظهم
انا جيت انبه الناس ليها لقيت الصفحة الاولى كلها مشاكل
وكانت فعلا حاجة تستاهل الناس تشوفها ولو تاخد بريك صغير
لاكن جيبت لقيتم رجعوا تاني
تحياتي
|
Post: #8
Title: Re: خلوا الشكل وعاينوا مأمون حلاتو !
Author: Elmosley
Date: 01-24-2005, 06:15 AM
Parent: #1
بتنا تسلمي
|
Post: #15
Title: Re: خلوا الشكل وعاينوا مأمون حلاتو !
Author: zola123
Date: 01-25-2005, 06:13 AM
Parent: #9
سيمباتكو يا فنان
الف شكر على الاهتمام والتسجيلات
دياما ما بتقصر
|
Post: #14
Title: Re: خلوا الشكل وعاينوا مأمون حلاتو !
Author: zola123
Date: 01-25-2005, 06:13 AM
Parent: #8
عمنا العزيز موصلي
انشاء الله تكون شفت الفيديو في الوصلات بتاعة سيمباتكو
والله حاجة مفرحة بالجدوشكرا على الطلة> تسلم
|
Post: #10
Title: Re: خلوا الشكل وعاينوا مأمون حلاتو !
Author: Raja
Date: 01-24-2005, 09:14 AM
Parent: #1
زولا العسل..
فعلا حلااااتو مامون..
ربي يحفظهم كلهم..
|
Post: #12
Title: Re: خلوا الشكل وعاينوا مأمون حلاتو !
Author: soma
Date: 01-24-2005, 09:54 AM
Parent: #10
زوله الحنينه
كل سنه وانتى طيبه وربنا يفرحك ديمه يا بتنا ودرتنا المكنونه
فعلا كانت حله قمه فى الروعه
ربنا يحفظهم اولادنا وبتمنى تقدم حلقات زى دى للاستفاده
وبتمنى انه الدوله تهتم بى امثالهم .. وترعاهم بدل ما تتقدم دول اخرى لرعايتهم
شىء مؤسف لو فعلا تمت رعايتهم من دوله تانيه .. ونحن بنتفرج ..حتى ابداعنا ما نعرف نرعاه
ربنا حباهم بى مواهب نادره ..ربى يحفظهم
زوله تحياتى ليك ولكل افارد الاسره وعيدكم مبارك والعفو العافيه
والتحيه لكل المتداخلين وكل سنه وانتو طيبين
تخريمه ....
رجويه عيدك سعيد والشوق ليك مسابق الحروف
|
Post: #13
Title: Re: خلوا الشكل وعاينوا مأمون حلاتو !
Author: tmbis
Date: 01-24-2005, 10:34 AM
Parent: #12
زولة .. والجميع في هذه المساحة
سلامات وكل سنة وكل الناس بخير ..
قدرت احصل جزو من الحلقة وسجلت معظم الحوار مع مامون .. وايمن
اصبحت عندي مشكلة مع الزمن .. علي اساس اربط كل البوستات الخاصة بي مامون والمتابعة لقيت بوستين تقريبا لي سمبتيكو وكويس انو سمبتيكو طوالي بيكون حضور
المهم حاولت انزل كل الشغل السجلتو الوقت ما انستر معاي ..
بتمني اني اقدر انجز كل الملفات المعاي الآن حتي يتمكن اي حد من متابعة مامون بالصوت والصورة..
|
Post: #18
Title: Re: خلوا الشكل وعاينوا مأمون حلاتو !
Author: zola123
Date: 01-25-2005, 06:19 AM
Parent: #13
تمبس المثابر
ما بتقصر, ومنتظرين المقاطع السجلتها
كنت متأكدة ان اكتر من شخص حيسجل الجحلقة لانها تستحق
زي ما ناس كتار هنا شافوها واعجبوا بيه وكانت حديثهم في المكاتب في الصباح التالي
|
Post: #17
Title: Re: خلوا الشكل وعاينوا مأمون حلاتو !
Author: zola123
Date: 01-25-2005, 06:18 AM
Parent: #12
سوما يا مفرحة
كل سنة وانتي بخير وسعادة
ربنا يديك الفي مرادك, طبعا فاتتني حلقة العيد قالوا لي كان في لقاء معاكي
انشاء الله يكتب لينا شوفه على الطبيعة قريب باذن الله
اكيد المواهب دي عازة رعاية
ماش فتي أيمن قال شنو؟
ربنا يحفظهم ويزيدهم من فضله
|
Post: #19
Title: Re: خلوا الشكل وعاينوا مأمون حلاتو !
Author: Raja
Date: 01-25-2005, 06:33 AM
Parent: #12
زولا العسل ســلام..
سوري ادينا خمسة تخريمة النسلًم على سوما  ..
الحبيبة سوما..
عيدك سعيد.. عليك وعلى كل الحوالينك..
وربي يحقق ليك كل الأمنيات الغاليات الشهر ده قبل الجاي..
قولي آمين..
وتسلمي يا غالية.. انا زاتي الشوق ملاني..
|
Post: #16
Title: Re: خلوا الشكل وعاينوا مأمون حلاتو !
Author: zola123
Date: 01-25-2005, 06:15 AM
Parent: #10
رجوية
مش كدة
انا متحيزة لمألمون لاكن ايمن برضة خلعني
سمعتيه لمن بقول : لمن كنت صغير ؟
الحالة عمره حسي 9 سنوات
|
Post: #20
Title: Re: خلوا الشكل وعاينوا مأمون حلاتو !
Author: سجيمان
Date: 01-25-2005, 07:05 AM
Parent: #16
زولا 123
يا خسارة انا ما شفتهم... لكن سامع الناس بيتكلمو عنهم
تمبس
القاعد يكلكل فيك منوووووووووو؟
|
Post: #21
Title: Re: خلوا الشكل وعاينوا مأمون حلاتو !
Author: tmbis
Date: 01-25-2005, 11:10 AM
Parent: #20
Quote: تمبس
القاعد يكلكل فيك منوووووووووو؟ |
( 22 )
كان ما عرفتو يادكتور تكون بالغته
|
|