Post: #1
Title: مافي زول عايز يشاكلني؟
Author: مريم بنت الحسين
Date: 01-19-2005, 04:43 AM
شايفه ليك الجماعه كلهم.. كل واحد فيهم ماسك في خناق التاني... وانا قاعده أتلفّت..! قلت النفتش لي زول يشاكلني... اها .. في زول عايز يطلعني عنصرية ولا كذابة ولا منافقه؟ مافي زول عايز يتهمني إني ما موجوده على وجه الأرض؟ ما ممكن يعني.. الواحد لازم يسجّل حضور في المنبر.. لازم يكون رقم.. ما يكون قاعد يتلفّت.. مافي زول عنده مشكله مع الجعليين ولا مع الركابيه؟ ولا بلاش.. مافي زول عنده مشكله مع الجمهوريين؟! ما ممكن انا اقعد كده لا شغله لا عمله... !!!!!
بنت الحسين
|
Post: #2
Title: Re: مافي زول عايز يشاكلني؟
Author: Tumadir
Date: 01-19-2005, 04:46 AM
Parent: #1
انا يا مريم بت الحسين
دايرة اشاكلك واقول ليك القدرك شنو تكونى نقية وسط كل الخبث...وثابته فى وسط عصف الريح
وعميقة فى عالم سمته الضحالة
وجميلة الى هذا الحد؟؟
وطالعينى..
طالعينى
فى مولد الصبح
عندما يحين الشعاع
حينما يفاجىء الزهر ....الفراش
بحب الندى ..واكتمال العبير
(ابقى راجلة)
|
Post: #24
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 11:37 AM
Parent: #2
تماضر.. سعيده جداً بإطلالتك.. ليك زمن منّي؟ افتركتك محارباني... وقربته أدورها معاك شكله..  ... أخجلتني بكل حرف كتبتيه... وما أظني (رجاله) كفاية عشان أقدر ارد رُبعه... ألف شكر ليك يا ست النسا... وكل عام وأنت بألف خير...
بنت الحسين
|
Post: #3
Title: Re: مافي زول عايز يشاكلني؟
Author: خال فاطمة
Date: 01-19-2005, 04:47 AM
Parent: #1
اللهم إني صائم ...
|
Post: #4
Title: Re: مافي زول عايز يشاكلني؟
Author: شمهروش
Date: 01-19-2005, 05:05 AM
Parent: #3
| Quote: مافي زول عنده مشكله مع الجمهوريين؟ |
ديل منوا هم؟ اولا
لما يكون في زول عاوز يشاكل
اسالي دالي عن انو ممكن استعمال حجر السراميك ولا لا
|
Post: #5
Title: Re: مافي زول عايز يشاكلني؟
Author: حبيب نورة
Date: 01-19-2005, 05:27 AM
Parent: #4
انا يا بنت الحسين
بلا جمهورين بلا لمة
يللا 
|
Post: #6
Title: Re: مافي زول عايز يشاكلني؟
Author: saif massad ali
Date: 01-19-2005, 05:30 AM
Parent: #5
انا يا بت الحسين واحدة من بنات رفاعة ادتني كا كوش
|
Post: #30
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 11:48 AM
Parent: #6
أستاذ سيف.. والله بالغت عديل كده.. هي الخسرانه... انا بشاكلها ليك خلاص، بس اديني الاسم والعنوان ورقم التلفون 
بنت الحسين
|
Post: #28
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 11:46 AM
Parent: #5
حبيب نوره... كان تمسك في الجعليين ولا الركابيه.. كان جيتني بي الجمهوريين بقول ليك الله يسامحك وبتفوّت علي الشكله...
كل عام وإنت بألف خير
بنت الحسين
|
Post: #27
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 11:45 AM
Parent: #4
شمهروش... بي السيراميك عديل كده؟ انت قاعد تبني ولا شنو الأيام دي السيراميك الذكرك ليهو شنو؟
كل عام وانت بخير..
|
Post: #25
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 11:42 AM
Parent: #3
تقبّل الله منّا ومنكم صالح الأعمال يا خال فاطمة..
بنت الحسين
|
Post: #7
Title: Re: مافي زول عايز يشاكلني؟
Author: Hafiz Bashir
Date: 01-19-2005, 06:33 AM
Parent: #1
مريم بت الحسين
كل سنة و اتي طيبة
قبل ما نتفق على الشكلة عندي طلب صغيرون لكين مهم شديد
Quote: قف تمهّل
أهدني صبرك وارحل |
جيبي لي باقي القصيدة دي بالصوت
و يانا المتشاكلين متشاكلين
ذا ما جبتيها دا سبب شكلة
و إذا جبتيها اشاكلك حسب اتفاقنا
|
Post: #31
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:11 PM
Parent: #7
حافظ بشير.. بس كده.. ده ما طلب، اعتبره عيديه عديل كده...
القصيده من تأليف أستاذنا العوض مصطفى...
Save @ PC
قف تمهّل
اهدني صبرك
وارحل
اهدني رأياً سديداً
مثلما قد كنت تفعل
اهدني قولك مرحب
ثم مرحب
أهدني كرسيك المنصوب عند الباب
يلقاك فيطرب
أهدني من فكرك المحشود بالروح المؤدب
خل لي جلبابك الأبيض عنوان سلامي
كن إمامي
أهدني شالك أزدان به وسط الزحام
يا وجوداً كان للأمثال في الداعين مضرب
يا أكف ودّعتني
مات في الحلق كلامي
يا تُرى هل غاب عنا
إنه فينا يغني للسلام
كنت بالأمس رأيتك في منامي
تنفض القبر وتحيا من جديد
كان في القلب يقيناً أنه راح لإحياء النشيد
يدفع الركب لعُرس الأرض
واليوم السعيد
وغداً ألقاك تحدو
فهو يُبدي ويُعيد
اهدني منك صفاءاً
اهدني من ضياءاً
أعطني منك حياءا
ًخلني منك حضوراً من قريب وبعيد
|
Post: #8
Title: Re: مافي زول عايز يشاكلني؟
Author: zola123
Date: 01-19-2005, 06:41 AM
Parent: #1
| Quote: مافي زول عايز يشاكلني؟ |
أنا
بس ما هنا, تعالي المسنجر, عشان البرستيج بتاعنا
|
Post: #32
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:14 PM
Parent: #8
دكتوره زوله.. يعني ما حلوه في حقنا يعني قدّام الناس.. بعدين احنا موش أصحاب.. انت ما صدقتي جيتي جاريه جري..
أشكرك على هذا التعليق الظريف.. وكل عام وإنت بألف خير والسنة الجاية في بيت العدل  (دي الشرارة بتاعت البداية... والتحية لدكتور سجيمان)
بنت الحسين
|
Post: #9
Title: Re: مافي زول عايز يشاكلني؟
Author: معتصم الطاهر
Date: 01-19-2005, 06:43 AM
Parent: #1
تعرفى يا بت الحسين ..
عندى حبوبتى بطنها بتفور لامن تشوف ليها بنية سميحة
وتقوم تقرصا ولا تضمها ضمة كدة لامن البنية نفسا ينقطع ..
انا ما زول كلام طاعم زى تماضر ..
تماضر عندها الكلام رؤية وحركة ..
وانت عندك الكلام سماحة قول وفعل ..
ونحن ناس شُــتُــر وسط الايقاعات دى ..
بس والله ما اتعودنا نشاكل ..
أها عفوا لعدم تلبة رغبتكم ..
لكن ما دام جبتى سيرة الجعلية ..
كدى عرسى بننجلد فى عرسك ..
|
Post: #10
Title: Re: مافي زول عايز يشاكلني؟
Author: علاء الدين يوسف علي محمد
Date: 01-19-2005, 06:50 AM
Parent: #9
بت الحسين
كل سنة و إنتي طيبة و ربنا يحقق كل أمنياتك
|
Post: #11
Title: Re: مافي زول عايز يشاكلني؟
Author: A.Razek Althalib
Date: 01-19-2005, 07:26 AM
Parent: #10
الغالية بت الحسين...
ده أمضائك ولا أنا غلطان...
Quote: قف تمهّل
أهدني صبرك وارحل
|
إنت بس العايزة المشاكل...
الدنيا قبايل عيد... والمشاكل فيها ما سمحة....
كده خلي الأيام دي تعدي... وبعدين نشوف...
وكل عام وأنت بخير وصحة وعافية...
وإن شاء الله تعود العافية لسودان العافية...
والأمنيات عبرك لكل الأخوة الجمهوريين.. والتانيين.
والجميع بصحة وعافية...
|
Post: #35
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:22 PM
Parent: #11
الأستاذ القدير عبدالرزاق... إنت أول حجّاز أشوفه ما بياخد عُكّاز... منتظراك لما يشاكلوني تجد تحجز لي.. انا ما بعرف أشاكل.. كان شاكلوني دميعتي قريبه طوالي ببكي... ولا شنو ؟
بنت الحسين
|
Post: #34
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:19 PM
Parent: #10
بالصحه والسلامه والقابله على أمانيك يا باشمهندس علاء.. واتمنى ليك تمام السعاده في الدنيا والآخره... أبرزت مواهب ممتازه في الشكل.. ما ناوي علي؟ ..
بنت الحسين
|
Post: #33
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:17 PM
Parent: #9
Quote: لكن ما دام جبتى سيرة الجعلية ..
كدى عرسى بننجلد فى عرسك .. |
أخوي مازن مستهبل جداً.. والدي كان بحكي لي عن البُطان.. وإنه الشباب زمان كانوا بعملوهو عشان يفوزوا بقلب الفتاة.. أو يلقوا شبّال ... مازن قال ليهو، طيب ما يعزمها قهوة في مكان هادئي وفيه موسيقى جميله...الجلد والبهدله لزومها شنو؟!! ...
كل عام وأنت بخير.. والأستاذه العزيزه هويدا بصحة وعافيه وسلامه
بنت الحسين
|
Post: #12
Title: Re: مافي زول عايز يشاكلني؟
Author: Fadel Alhillo
Date: 01-19-2005, 07:34 AM
Parent: #1
بعد العيد ممكن
الشكل في العيد حرام
|
Post: #36
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:23 PM
Parent: #12
طيب وبعده؟ يا فاضل.. كل عام وإنت بخير والقابله على أمانيك ان شاء الله...
بنت الحسين
|
Post: #13
Title: Re: مافي زول عايز يشاكلني؟
Author: عبدالناصر معتصم
Date: 01-19-2005, 07:35 AM
Parent: #1
الاخت مريم
كل سنه و انتى طيبه
| Quote: وانا قاعده أتلفّت..! قلت النفتش لي زول يشاكلني... |
انا بتبرع اشاكلك "بس شكل اخوان" ......
انا عندى مشكله مع حى الركابيه فى امدرمان, و حالف ما اخلى تارى, اهو الحمد لله فى الاخر الواحد لقى ليه زول اشاكله.....
لك التحيه
|
Post: #37
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:24 PM
Parent: #13
احنا ركابية الجزيرة، ناس رفاعه يا عبد الناصر.. يعني شكلتك جات out... شوف ليك موضوع تاني نتشاكل فيه...وانا جاهزه...
كل عام وإنت بخير
بنت الحسين
|
Post: #14
Title: Re: مافي زول عايز يشاكلني؟
Author: lana mahdi
Date: 01-19-2005, 07:41 AM
Parent: #1
يا مريم..أنت بلسم
|
Post: #15
Title: Re: مافي زول عايز يشاكلني؟
Author: معتصم دفع الله
Date: 01-19-2005, 09:33 AM
Parent: #14
نحن شكلنا كعب خلاس ..
الوالدة الله يطراها بالخير ..
دائماً بتقول لي يا معتصم عليك الله ما تشاكل ليك أي زول ..
يعني طريقة نشاكلك بيها مافي يا مريم ..
كل سنة وأنت بألف خير ..
|
Post: #39
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:28 PM
Parent: #15
لا خلاص يا معتصم... تحليّفة الوالده وخاطره أصلنا منا بنكسّره يا معتصم.. كل عام وإنت بخير.. وربنا يخليها ليكم ويديمها فوق راسكم... انا بلقى لي زول اتشاكل معاه.. اصلي ما بغلب حيله .. الرادين على البوست ديل كلهم دايرين يشاكلوني
بنت الحسين
|
Post: #38
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:26 PM
Parent: #14
كل عام وانت بخير يا لنا، شايفاك عيّدتي من حسي إنت والأستاذ يعقوب.. ماعندكم شكله لي؟
ربنا يحقق كل الأماني...
بنت الحسين
|
Post: #16
Title: Re: مافي زول عايز يشاكلني؟
Author: Omer Abdalla
Date: 01-19-2005, 10:01 AM
Parent: #1
تعرفي يا مريم
المشكلة مش في "الشكل" والناس البتشاكلو وبس .. المشكلة في الرواج الكبير الذي تلقاه بوستات الشكل مما يوحي بأن العقل الجماعي بتاعنا يشجع مثل هذا السلوك ولو على سبيل الفضول وهذا يذكرني الشكلات التي كانت تحدث في سوق أمروابة في بداية السبعينات اذ سرعان ما ينكب ناس السوق ويتحلقوا حول الشكلة وهم يتابعون ، ربما بشيء من المتعة ، ما يجري أمامهم ، الى أن يأتي رجل شرطة ويفض الشكلة فيذهب كل في سبيله بعد أن تصبح تلك الشكلة مادة تلوكها الألسن بقية اليوم ..
ويمكن بسهولة ملاحظة أن الكثير من البوستات الهادفة والجادة تهبط الى القاع على جناح السرعة أما تلك الاستفزازية أو التي تشتم منها رائحة الشكل فتظل دائما معلقة فوق رؤسنا ورغم أنوفنا ..
أها موافقة على الكلام دا والا أشاكلك ؟!!
عمر
|
Post: #17
Title: Re: مافي زول عايز يشاكلني؟
Author: اساسي
Date: 01-19-2005, 10:08 AM
Parent: #16
ما تستعجلي خلي العيد دا يعدي علي خير
المشكلة ما في موضوع الشكلة الموضوع هين وما بنفتش ليهو
المشكلة في نحلك الكتير دا اشاكل البورد كله ..؟؟
كل سنة وانت طيبة والسنة الجاية كدا تخلي الجمهورين وتبقي انصارية سنة
رافعة القزاز ومظللة (منقبة بالعربي)
|
Post: #48
Title: Re: مافي زول عايز يشاكلني؟
Author: مريم بنت الحسين
Date: 01-21-2005, 09:22 AM
Parent: #17
أساسي إزيك.. كل عام وإنت بخير والصحه والسلامه..
انت أول زول مُرشّح تشاكلني.. شكلك من النوع البعمل تشوّهات.. وفيه قطيع كرعين ويدّين...
العيد اهو قرّب ينتهي... .. لكن خلي بالك.. انا دمي ما هيّن.. ناس كتار بعملوا ليك مشاكل .. انت مااااقدرها...
بنت الحسين
|
Post: #40
Title: Re: مافي زول عايز يشاكلني؟
Author: مريم بنت الحسين
Date: 01-19-2005, 12:29 PM
Parent: #16
عمو عمر عبدالله.. كل عام وإنت بخير وصحة وعافيه.. وربنا يخليك لينا.. كلامك والله صاح.. تكتب كلام جميل.. تلقاه وصل للقاع.. ابدا شكله مع ظلك.. تلقى البشجعو كتااار...
موافقاك والله، ما كلام خوف
بنت الحسين
|
Post: #18
Title: Re: مافي زول عايز يشاكلني؟
Author: لؤى
Date: 01-19-2005, 10:10 AM
Parent: #1
| Quote: مافي زول عنده مشكله مع الجعليين ولا مع الركابيه؟ |
مريم إزّيّك
انا زمان كنت ساكن فى حى الركابيّة فى أم درمان ، أنفع ؟؟ ولا تشوفى ليك زول تانى تتشاكلى معاهو ؟؟
| Quote: مافي زول عنده مشكله مع الجمهوريين؟! |
وكمان نزّلت صورة لبيت الأستاذ محمود فى البوست الرمز بتاع الصور ، إمكن تنفع سبب شكلة ؟؟
فلنتعلّم من أخطائنا لمستقبلٍ أفضل (( بوست بالصوت والصور فقط ))
وُدّى
|
Post: #19
Title: Re: مافي زول عايز يشاكلني؟
Author: خضر عطا المنان
Date: 01-19-2005, 10:22 AM
Parent: #18
حبيبتنا: بت الحسين
أنا شايف الناس كلها اتهربت من الشكلة معاك !!!.
لكن رايك شنو : أنا بى هنا شايل عكازي وراجيك !!!.
واللا عكاز ما معانا ؟؟؟؟.. خلاص خليها بالليدين ساكت !!!.
واللا أقول ليك :أحسن تشوفي ليك زول تاني تشاكليهو !!!.
عالم جبانات !!!!!!!.
باقة ورد أنيقة مكتوب عليها بماء الود :
كل سنة وأنتي بالف خير وصحة وعافية.
خضرعطاالمنان
|
Post: #20
Title: Re: مافي زول عايز يشاكلني؟
Author: أبوالريش
Date: 01-19-2005, 10:24 AM
Parent: #19
مـريـــم،
كدى حلى لينـا اللغـز دا، وأعتبريـه شكل:
do while you are sudanese
gobacktosudan
if sudan is real democracy then stay : exit sub
return to Jurdan
loop
|
Post: #51
Title: Re: مافي زول عايز يشاكلني؟
Author: مريم بنت الحسين
Date: 01-21-2005, 09:38 AM
Parent: #20
والله ده loop لزيز خلاص.. لكن infinte.. لما ربنا يفرجها ويكون سودانا ديموقراطي.. ..
انا رأيي.. نعملها كده
do while you are sudanese and Sudan is not real democracy
stay where you are;
if you don't like it, search for another place
loop
|
Post: #50
Title: Re: مافي زول عايز يشاكلني؟
Author: مريم بنت الحسين
Date: 01-21-2005, 09:31 AM
Parent: #19
كل عام وإنت بخير يا أستاذ خضر.. وربنا يقدم الفيهو الخير والسعادة للجميع...
ما معانا عكاكيز.. مستقبلي المهني ما بسمح.. ... عندي أخوي الصغير يا أستاذ خضر... زول قليلوووني.. لكن لسانه قوي... يشتغل ليك الشُفّع كلهم بره، يمنطقهم ويقعدهم في علبهم.. مما الموضوع يبقى شكل.. يجي جاري جري...
|
Post: #21
Title: Re: مافي زول عايز يشاكلني؟
Author: عشة بت فاطنة
Date: 01-19-2005, 10:29 AM
Parent: #18
بت اخوي الطاعمة ولطيفة . اها قولي عايزين شكل نلقاك وين ؟؟ الا في المولات انتي وصاحبتي في هدوم االعيد ، ولا بتسنوا في السكاكين ؟؟ اها دي براها شكلة عايزين تموتو الخروف يا مريم ما حرام !! حسي انا سامعة خروف الجيران استغيث يا حليلو يا مريم اوعي تاكلي المرارة ، غايتو انا بشرب شربوت مظبوط وخلاص متضامنة مع يوم الخرفان العالمي !!
غايتو ودعتك الله اوعي تخليهم اضبحوه !! العيد مبارك عليكم وعساكم من عوادة ..
|
Post: #52
Title: Re: مافي زول عايز يشاكلني؟
Author: مريم بنت الحسين
Date: 01-21-2005, 09:43 AM
Parent: #21
عمتي عشه.. كيفك؟ انا العيد ده كله أقطع فيك.. ما حأقول ليك مع منو.. ولا حأقول ليك قلنا شنو؟ ده ما سبب كافي لشكله؟
كل سنة وإنت طيبه.. إحنا طبعا للا ضبحنا لا سلخنا...
بنت الحسين
|
Post: #49
Title: Re: مافي زول عايز يشاكلني؟
Author: مريم بنت الحسين
Date: 01-21-2005, 09:27 AM
Parent: #18
إنت يا لؤي زيي كده... أقعد جيب ليك بنبر واشحد الناس يشاكلوك..
كل عام وأنت بخير .. وربنا يحقق الأماني..البوست الخاص بالصور من أروع ما رأيت... علمونا أن الصورة تقول أكثر من مليون كلمة... انت فعلت مثل شعار شركتنا we made the invisible visible..
بنت الحسين
|
Post: #22
Title: Re: مافي زول عايز يشاكلني؟
Author: نصار
Date: 01-19-2005, 11:01 AM
Parent: #1
|
Post: #23
Title: Re: مافي زول عايز يشاكلني؟
Author: سجيمان
Date: 01-19-2005, 11:09 AM
Parent: #22
مريم
كل سنة وانتي طيبة
القابلة في عرفات
|
Post: #29
Title: Re: مافي زول عايز يشاكلني؟
Author: Outcast
Date: 01-19-2005, 11:47 AM
Parent: #23
العزيزة مريم ..
الدنيا عيد .. عشان كدة ما بقدر اشاكلك حسى ..
كان نفسك فى شكلة .. أمشى أختارى ليك اى بوست فيهو شكلة (راقدات زى الهم ع القلب) .. وقومى ناطة فيهو ...
بس بعد داك .."يحلك الحلا بلة" _ دى عارفاها .. ولا نترجم للخليجى برضو ..و أترك الباب مواربا لشكلة ....
|
Post: #59
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 06:53 AM
Parent: #29
| Quote: .."يحلك الحلا بلة" _ دى عارفاها .. ولا نترجم للخليجى برضو ..و أترك الباب مواربا لشكلة .... |
يحلني الحلّه بلّه من القيد والمزّله.. (لاحظي المزّله دي ).. اناما بت رفاعه يا outcast.. صحي عايشه طول عمري في الخليج، لكن اصلنا ما ببنسى أصلنا.. إنت دايره شكله شكلك ... كل سنة وإنت طيبه يا ستهم
بنت الحسين
|
Post: #58
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 06:50 AM
Parent: #23
وإنت بخير يا د.سيجيمان.. وربنا يحقق كل الأماني.. ويقرب كل البُعاد... ويديك العافية ويخلي ليك فوفو ويفرّحك بيها ..
بنت الحسين
|
Post: #53
Title: Re: مافي زول عايز يشاكلني؟
Author: مريم بنت الحسين
Date: 01-21-2005, 09:47 AM
Parent: #22
أستاذ (عم) نصّار.. كل عام وإنت بألف خير.. بالمناسبة... انا بحب اناديك عم نصّار تيمناً بشخص محبب إلينا جميعاً ... هو العم نصّار، من الأخوان الجمهوريين.. يشعرني دوماً بأن الآباء متعددون.. قد أحكي عنه يوماً..
بنت الحسين
|
Post: #26
Title: Re: مافي زول عايز يشاكلني؟
Author: Raja
Date: 01-19-2005, 11:45 AM
Parent: #1
الحبيبة مريوما..
مالك عايزة الشكل يا كافي البلا..
الله لا يوريك.. يقوم يربط ليك زول باللفة وهاك يا شتايم ما تعرفي زاتو تردي عليها كيف..
ربنا يحفظك من الشكل البيجيك من داخل البورد ومن خارجه مصدًر..
طبعا صاحبتك بقت متعهدة الحكومة مع أخوي الكاشف..
كل يوم وانتي والدكتور أحمد والوالدة الكريمة وأخوانك بألف خير..
وعيد سعيد..
|
Post: #60
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 06:56 AM
Parent: #26
رجويه.. حمد لله ع السلامه.. وبركة الجيتي ... (اشتأنالك)... والله ياخيتي.. لقيت ليك البشاكلوا والبتشاكلوا عندهم رصيد كبير، قلنا مالنا نحن، ما نجرّب برضنا
كل عام وأنت بخير
بنت الحسين
|
Post: #41
Title: Re: مافي زول عايز يشاكلني؟
Author: zola123
Date: 01-19-2005, 12:31 PM
Parent: #1
| Quote: وكل عام وإنت بألف خير والسنة الجاية في بيت العدل |
Oooooh Noooo
حتى انت يا مريومة؟
أفاااا......صراحة, ما هجيتها تيي منك
|
Post: #61
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 06:58 AM
Parent: #41
زوله.. كمان ما عاجبك؟ طالعيني الخلا... انا بجيب معاي اخوي..
|
Post: #42
Title: Re: مافي زول عايز يشاكلني؟
Author: Elmosley
Date: 01-19-2005, 01:19 PM
Parent: #1
انتي يابت ماجيتي
الذكري بتاعت الاستاذ ليه
شيلي شيلتك ان جاي ومعاي
كل الكانو هناك
|
Post: #62
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:00 AM
Parent: #42
عمو الموصلي، قبيل في سيرتك، نقطع فيك.. كان متغدي معانا عمو فايز وخالتو أسماء .. .. غايته لو ده موضوع شكلك لي، استاهل شكل ودق كمان.. لكن ياخ السفارة الأمريكية دي ما بتديني زيارة كانت مشيت ليهم حفيانه.. لكن ليك علي، انا من حسي أجرّب عشان السنة الجاي كان الله أحيانا والموت خلانا، اكون معاكم...
وعد
بنت الحسين
|
Post: #43
Title: Re: مافي زول عايز يشاكلني؟
Author: bint_alahfad
Date: 01-19-2005, 01:29 PM
Parent: #1
الحبيبه بنت الحسين
انا عايذه أشاكل ممكن?
وبالمره هاكى الشكله ده
عجبتك???
كل عام وانتى والاسره الكريمه بالف خير, اعاده الله علينا وعليكم بالخير واليمن والبركات
مودتى
وفى امان الله
لا اله الا الله
|
Post: #44
Title: Re: مافي زول عايز يشاكلني؟
Author: ودالعباسية
Date: 01-20-2005, 07:17 AM
Parent: #43
اولا الدب دا حقى انا رجالة كدا بس ......
عندك كلام ....
*****
*****
*****
كل سنة وانت طيبة
|
Post: #45
Title: Re: مافي زول عايز يشاكلني؟
Author: osly2
Date: 01-20-2005, 07:24 AM
Parent: #44
مريم
فى حد يكوس شكله ايام العيد ؟
لم ولن اشاكلك
شاكلينى فى عدم شكلى ليك
كل سنه وانت اكثر تمسكا بفضيلة التسامح
|
Post: #46
Title: Re: مافي زول عايز يشاكلني؟
Author: الملك
Date: 01-20-2005, 08:33 AM
Parent: #45
| Quote: مافي زول عايز يشاكلني؟ |
أنــــــــــــــــــــــــــــــــــــــــــــــــــــــــــــــــا
.....
كل سنة وانتى طيبة
...رومة
...
وانشاء الله السنة الجاية تحقق كل الامانى الطيبة
....
....
انا بشاكل بعد العيد ....
....
....
لأنى بكون اسى تحت تاثير الشربوت والشية ....
الصورة التحت دى عربون شكلة
لوووووووووووووووول
|
Post: #47
Title: Re: مافي زول عايز يشاكلني؟
Author: Hassan Elhassan
Date: 01-21-2005, 03:12 AM
Parent: #46
حتي لايكون شعار هذا البورد أنا أشاكل إذن أنا موجودأرجو أن تضحي بهذه الرغبة
لاكن لامانع من الشكل على طريقة ( شكل المصارين ) في البطن أو الزعل الذي (يتفشي)
على طريقة شبع البطيخ لكن المهم أن يكون هناك محتوي مقنع أو أحيانا سافسوطائي أو فلسفي
كمناكفات الجمهوريين في نهاية الثمانينات .
بالمناسبة عايز أعرف إذما ماكان صديقي متوكل وإخوتي الأعداء من الجمهوريين الذين شاركونا
ذلك الزمن الجميل بكل أحزانه ومراراته قد أصبحوا أعضاء في التنظيم الجمهوري الجديد الذي
أعلن مؤخرا .
لك التهنئة بالعيد السعيد ولمن حولك من الكلم الطيب
|
Post: #54
Title: Re: مافي زول عايز يشاكلني؟
Author: shak
Date: 01-21-2005, 02:37 PM
Parent: #47
يا مريم بت الحسين .. فى زول عاقل يشاكل السمرة وسادة وشالت قلبو .. وفق اغنية الفنان الصاعد ابو عبيدة حسن افندى .. ثانيا انا جنى وجن الاولاد البشاكلو البناتالقاعدات ساكت وبعدين انا لو شاكلت بشاكل الاتية اسماءهم حتى تكون شكلة قوية .. ومافى زول يمسكنى حا اشاكل :
عادل عبد العاطى .. عشان ابقا مشهور
نور تاور .. عشان انا بحب جبال النوبة وعايز النوبة يساندونى فى مشكلة قادمة
ورودا .. عشان اصلا اى زول ما عارف يشاكل منو يمشى يشاكل رودا المسكينة
وود الشيخ .. لانو مستعد للشكل فى اى لحظة وهو من انصار (والحارة بنخوضا)
وكمان عشان ابقا قليل ادب وما مربا بالمرة اشاكل بكرى وشوقى بدرى والطش بولا واجضم اسامة الخواض وللمزيد من الافتراء ادق تماضر شيخ الدين ورجاءوراوية العباسى والتصبر لى بيان واشراقة مصطفى واظن اظن اصل حسن الجزولى واكتر زول حا ادقوا فى المنبر دا سجيمان لانو هو اصلوا سيجمان وما مفروض يقعد من الرجال مفروض يقعد مع النسوان بلا مساواة بلا لمة
شاك الزعلان
|
Post: #55
Title: Re: مافي زول عايز يشاكلني؟
Author: wadabdean
Date: 01-21-2005, 02:55 PM
Parent: #54
بسم الله الرحمن الرحيم .. يا شاك .. شنو لامى فى الناس دق .. انت دخلت الاحتياطى المركزى ولا شنو.. وبعدين شنو لامى دق فى الصبوحات عيب .. والف عيب .. خليك حنكوش نجيض شيلك وردة دق بيها البنات وكشحهن بالعطور والبد
الحمام يا شاك بحب موية السكر ولا شنو
ود عابدين
|
Post: #56
Title: Re: مافي زول عايز يشاكلني؟
Author: لقمان حسن همام
Date: 01-21-2005, 06:54 PM
Parent: #55
ماأجملكِ ..
حينما يُجمعُ على حبك الجميع ..
كل عام وأنتِ كما تحبي وتشتهي ..
|
Post: #70
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:11 AM
Parent: #56
كل عام وأنت بخير يا أستاذ لقمان.. لك الإحترام .. والأماني الطيبه أن تزيد من رفع قممنا .. وتشارك في سوداننا الجديد.. اشكرك على كلماتك الطيبه.. وامانياتك الزاخره...
بنت الحسين
|
Post: #69
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:10 AM
Parent: #55
كل عام وأنت بخير يا ود عابدين
|
Post: #68
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:09 AM
Parent: #54
Quote: وود الشيخ .. لانو مستعد للشكل فى اى لحظة وهو من انصار (والحارة بنخوضا)
|
الغريبه اتوقعته يجي يديني عكاز عكازين.. لكن ما علمها.. الظاهر العيد ده روّقه شويه ود الشيخ.... .. ربنا يصلح الناس ويهدي البال....
كل عام وأنت بخير يا شاك.. وما تزعل عليك الله.. مافي شي بستاهل الزعل
بنت الحسين
|
Post: #67
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:07 AM
Parent: #47
أستاذ حسن الحسن.. التحية والسلام...
ما دمت اتكلمت عن عمو متوكل.. فعندك حصانه دبلوماسيه بلاادني شك.. .. كل عام وأنت بخير وصحة وعافية.. عمو متوكل ليس ضمن هذا التنظيم الجديد.. والحقيقة انا لم أسمع به إلا هنا في س.أونلاين... يبدو ان التنظيم الجديد ينطلق من السودان.. وعمو متوكل ليس في السودان في الأصل...
لك كل التحية.. والاماني الطيبات بمناسبة العيد السعيد
بنت الحسين
|
Post: #66
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:05 AM
Parent: #46
مالك ما بديتها من قشرومه.. حسي كان بدت الشكله على أصولها..
وانت بخير يا ناجي.. وربنا يحقق كل الاماني ان شاء الله...
بنت الحسين
|
Post: #65
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:04 AM
Parent: #45
Quote: فى حد يكوس شكله ايام العيد ؟
|
إيييييييييييييييك.. الكلمة دي انا طوّلت منها طول .. "يكوس".. لا لا... ما كايسه لي شكله .. .. وانت بخير ان شاء الله يا رب.. ربنا يحقق الاماني كلها يا osly2
بنت الحسين
|
Post: #64
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:03 AM
Parent: #44
ما عايزه ألعب.. ماشه بيتنا خلاص.. قلعوا في لُعب الناس، ما تشتروا ليك لُعب ياخ. .. استقل بي نفسك..
وانت بخير يا ود العباسية.. وربنا يحقق كل الأماني..
بنت الحسين
|
Post: #63
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:01 AM
Parent: #43
بت الأحفاد الزولة الظريفه الراقيه والرايقه.. كيف حالك؟ وكل سنة وإنتي طيبه.. الفيل بتاعك غلب دبدوبي .. ... كل عام وأنت بخير.. وربنا يخلي ليك والدك ووالدتك وجميع أفراد أسرتك.. ويفرحنا بيك.. وزي ما قلت لزوله، السنة الجايه في بيت العدل.. قولي آمييييييييييين
بنت الحسين
|
Post: #57
Title: Re: مافي زول عايز يشاكلني؟
Author: عمر الفاروق شيخ الدين
Date: 01-22-2005, 05:41 AM
Parent: #1
اها ارجي الراجيك وهاك النبز ده كان بتستحمليهو..:
امشي يا مريم يا فالحة ويا شاطرة ويا رايقة ويا مهذبة وموضوعية انت ...
تاني شنوووووووووووووووووووووو؟؟؟
ايوااااااااااااااااا اتزكرت ...
طيري كده يا متعلمة يا لذيذة يا بتاعت الكمبيوتر انت ....
اها كيف ليك النبز ده ؟؟؟؟؟ غايتو بعد ده كان ما شاكلتيني بس تكوني متحايلة ساي وبجيب المديدة الحاااااااااااااااااااااارة وبكشحا ليك في وشك يا مريم يا بت الحسين يا فالحة ...
نبزة الوداع :
يا جميل يا راقي احساسك ....
|
Post: #71
Title: Re: مافي زول عايز يشاكلني؟
Author: مريم بنت الحسين
Date: 01-22-2005, 07:14 AM
Parent: #57
كل عام وأنت بخير يا عُمر.. انت بس اكل ليك ملوخيه.. ولا كتّر شويه في الكسره.. الشكله بتجي براااااها .. ولا بتحتاج تبذل مجهود..
كل عام وأنت بخير.. وكل من هم حولك صحيحين معافيين...
بنت الحسين
|
Post: #72
Title: Re: مافي زول عايز يشاكلني؟
Author: ودرملية
Date: 01-22-2005, 01:06 PM
Parent: #71
سلامات
وعوافي
.....
مريم
|
Post: #73
Title: Re: مافي زول عايز يشاكلني؟
Author: yumna guta
Date: 01-22-2005, 02:40 PM
Parent: #72
الحبيبة مريم سلامات و كل سنة وانتى طيبة
الدب بتاعك ده لذيذ شديد ليه مارسلتى لى واحد زيو
اهه الشكلة دى كيف بالله
|
|