Post: #1
Title: وجع ولاده..........؟الرجال مابحملو......!
Author: علوبه
Date: 01-11-2005, 12:00 PM
واحد عندو 4 بنات ومرتو حملت تانى. ساعة الولاده جابو الدايه .الراجل مشى قعد فى الديوان راجى الخبر......بعد شويه جات بتو الكبيره جاريه ابوى ابوى امى ولدت....
الراجل قام مخلوع اه جابت شنو يابت؟ بتو قالت ليهو امى جابت بت !
الراجل دنقر وقال ليها امشى قولى ليها حمدلله ع السلامه....................
البت جات تانى جاريه وفرحانه.....اصلوا كانو تيمان......................
البت قالت لى ابوها يابا امى ولدت......................................
الراجل انخلع وقال لى بتو اه جابت شنو؟
البت قالت لى ابوها امى جابت بت تانى...................................
الراجل اتمحن وقال لى بتو امشى لى امك وقولى ليهاالدى ...انشاءالله تلد للصباح
|
Post: #2
Title: Re: وجع ولاده..........؟الرجال مابحملو......!
Author: Yasir Elsharif
Date: 01-11-2005, 02:37 PM
Parent: #1
قصة قصيرة من أدب الملهاة الحزينة، أو الحزن الضاحك.. النص يستحق جائزة .. والعنوان يستحق جائزتان.. ولو كانت علوبة امرأة جائزة تقديرية.. ولو كان علوبة رجل فهو يستحق جائتان تقديريتان..
الدكتور يمكن أن يتصور وجع الولادة ولكن تصوره بالنسبة لحقيقته تكاد تكون فرق السماء للأرض.. وعندما سئل النبي عليه السلام عن شدة الموت قال : اسألوا العائدات.. والمعنى الوالدات.. فالمرأة تعود إلى الحياة بعد الولادة.. وهذا واحد من أسرار عظمة الأمهات في البشر والحيوان..
شكرا علوبة.. بعد شوية بفتح البروفايل عشان أشوفك راجل وللا امرأة..
معليش ما لقيت وكت قبيل..
|
Post: #3
Title: Re: وجع ولاده..........؟الرجال مابحملو......!
Author: Yasir Elsharif
Date: 01-11-2005, 02:40 PM
Parent: #2
أها.. مشيت البروفايل وعرفت أن علوبة هو علي.. وكمان دكتور أكدت ما قمت بكتابته عن تصور الدكاترة لألم الولادة..
زمان بتاعين الجامعة "الأم" كانوا يعايروننا بـ "الدايات".. والكلام جاب الكلام..
|
Post: #4
Title: Re: وجع ولاده..........؟الرجال مابحملو......!
Author: ترهاقا
Date: 01-11-2005, 03:37 PM
Parent: #3
تعرف يا علوبة انا حسع دى نفسى فى بنت ،لانو لقيت البنات ديل دايما
أحن واقرب للاب اما الولد فبيمشى لى مشاغله وحاجاته وكمان كان كبرت ممكن
يوديك دار العجزة ، لكن البنت ما بتفرط فيك لو عندها قدرة وإلا ما عندها
طبعا اهلنا زمان نفسهم فى ولد لعدة اسباب ما داير اذكرها لكن لو عاينت بمنظور
منو اللى أحن عليك وتموت معاك موت الضان حتلقاها البنت
ربنا حفظهم لينا ، وادعوا معاى يا علوبة : يا ترهاقا يديك بنت بعد الاولاد
|
Post: #6
Title: Re: وجع ولاده..........؟الرجال مابحملو......!
Author: علوبه
Date: 01-12-2005, 02:13 PM
Parent: #4
اخوى ترهاقا
الله يديك الفى مرادك.ويسعدك بالبت يارب.
وتكبر فى عزك وتشوف جنى جناها.........
والبت طبعا انت قلت فيها الكلام الصاح..
وعندنا واحد شدت ومابريد البنات.في الكتشينه طوالى معرج بى بتين......
اكرر ليك الامنيات وانت اتشطر وجيب البت
اصلوا الراجل هو البجيب البنات مش كده؟
|
Post: #5
Title: Re: وجع ولاده..........؟الرجال مابحملو......!
Author: علوبه
Date: 01-12-2005, 02:05 PM
Parent: #2
اخى
عزيزى
زميلى
ياسر لك الود الجميل وكلامك كتير علينا وهى مجرد خاطره زكرتنى م.الدايات زمان
البت مافيها كلام لو برت ابويها
وبمناسبة وجع الولاده.ونحن فى سنه ساته كده كان البروف بتاع النساء والولاده بيشرح فى وجع الولاده .نطت واحده شليقه من زميلاتنا وقالت ليهو يابروف وجع الولاده ده انت مابتعرف ليهو ! جيب لينا مره توصفو لينا....................................
حااجيك راجع
|
Post: #7
Title: Re: وجع ولاده..........؟الرجال مابحملو......!
Author: علوبه
Date: 01-14-2005, 08:27 AM
Parent: #1
up
|
|