حواء ... لعبد الرحمن الشبلي

هذا نص لصديق عزيز جدا وهو عبد الرحمن الشبلي ...
وأرجو أن يعجبكم..
تحياتي



حــــــــواء


يا حوا بتزيدي الحطب
شأن تكوي بالنار الرماد يا حوا بتزيدي الحطب
شأن تكوي بالنار الجمر
يا حوا يا بت الضليل
شن خبرك بيه الهجير
والحر بيعمل بالعرق
قطرة بتسيل..
شاقاها أرصفة الأنوف
بتصارع الخد الندي
شأن تسد الفلجة
في وسط السنون
عابراها ما بتقطع
تذاكر للسان
والطعم جان
لم عسل الدنيا
أتربع علي طعم العرق
شفتيه كيف عرق الغلابة
البمسحوها الدنيا
بي بسمة وخريف
يا حوا أية بتعرفي
عن بلادا
أصلو ما مطريه وين
كايسلها أنا
من سنين
واللأ أوصف لك
طريقا ومشيتا
أمشي الجنوب
تلقيها في نصف المهوقني
لا بسالا ..
توب بابأي
مطرز بالحرير
واللأ أقولك
خليها في حر الجنوب
امشيلا عن موز الشرق
تلقيها تشرب
قهوة البن
المضللة بالجبال
واشربي ما تخجلي
قهوتك مدفوع حسابا
من رصيد توتيل
ملايين الدراهم
والدنانير الحلال
واللا امشيلا
الشمال
تلقيها في الرطب
المكتف ايدو
لا من ولدو عيسي
ومستعد أحميها
ست الناس
إذا ما الناس
تعدو واستعدو وفجأة
قالوه المقال
واللا امشيلا الغرب
يمكن تتوهي عن الدرب
لكن مع الدهباية
ما أظن تلقي خوف
وغوصيها أمواج الرمال
وبرضو ما أظن تلقي ريحتي معاها يا بت الحلال
يا حواء يا بت المواعيد الغلط
يا حوا يا بت
المواعيد البتنزف
دم عبيد الرق
حفيانه
وكتين السياط
مشتاقة لي
وسط الضهير هيمانه
العايمه في نص النهير
نشوانة
القاطعة لي حبل
القلب
الواصلو ديما
هوي الضهير وهوانا
ما بتخجلي ...
ما بتخجلي...
قاطعاه مصراني
الملتق من لحم عضم
النفايات المعتقة
من شهور
وقاعد بفتش
في مثلث خوف كبير
كل البراهين
العرفتها اشتكت مني
استحقت فيني
حق الأمر
يا نص السراب
والعمل
اعمل شنو
قالتلي بي صوتا
خفيض
خت نقطتين
فوق بعض
سك الدروب
عضيها عض
ولما يلفحك البرق
امشيلو ما تخشي
الرعد
وشكرا علي كل
النصيحة الفاضلة
والشاربة من نوحي
وغناي
بس للأسف سافرت
فيك
وقطعت مليون تذكرة
ما فارقه يا ست المواعيد
القبيل لا من
سألتك عن بلادا
اصلو ما مطريه وين
في الحق نسيت آخر وصف
يمكن يساعدك في الزحام
والالتحام
شوفيها في الطير المهاجر
كان تطرز للحبيب أجمل حرير
يا حوا ودعتك الله عليك الله احمدي الله الفارقك قولي وغنائي
وآخر المطاف والانصراف الحق بقولا وبختما
ما بتشبهيني ولاني شايف فيك سر سري
المصافح لي حشاي

عبد الرحمن الشبلي
2002م

جميل يا شبلي
اقصد مامون المفروغ منه

تشكر يا قرمبو
يصل لي الشبلي

التلب..

تحياتى نديات

أظنك تعنى هنا بلدياتى
(الشيخ) الشقيق الاصغر لمدثر الشبلى
وقد سمعت انه من المبدعين الشباب وطالما
منيت نفسى بأن اقرا له شيئا وهأنت تمنحنى
هذه الفرصة...لك وله التحية ومزيدا من الاغنيات..


عبد الرحمن قوى

مامون كيفك ؟ كعهدي بك دائماً تغوص في بحور الادب لتخرج لنا هذه الكنوز المخفية
وعبرك الي الشبلي الصغير كل التحية

قوي
أظنك تعرف الشباب الطيب
أبناء أب حراز.. الجميلة
كلهم هكذا في اب حراز
محمد حسن الدابي
ويوسف تاج الدين
عبد الرحيم حمد النيل (أبو ذكرى)
ومدثر الشبلي (عضو بالمنتدى الحر بالمناسبة)
أشول...
والبقية
...
شكرا على المرور...
سيتبع هذاالبوست أعمال للكثير من الشباب..
تحية طيبة
...
...
...
بشرى الطيب
ما كفاية مشاكلني في سودانيات عشان الصور...
عاين.. لمن تلاقي عبد الرحمن وريهو الردود دي كويس؟
وما تنسى تجيب معاك مدثر
الغريبة طبعا
أنو عبد الرحمن ده طلع اصغر من مدثر صحي صحي
,,,
تحياتي للجميع

التلب...

تحياتى نديات...

تعرف هذه الاسماء تنتمى الى جيل لم
يتح لنا فرصة الاحتكاك الاجتماعى او الثقافى
به فقد أخذتنا الدنيا بعيدا بعيدا ومنذ سنوات
تجاوزت نصف العمر ...أعرفهم طبعا كأسماء وأعرف
مدثر وعبد الرحمن بأشخاصهم لانهم ينتمون لنفس الحى يعنى
جيرانى وهما ايضا ابناء رجل مثقف ومستنير.. سمعت من صديقى
وخالهم عبد الباقى بالمعيتهم وملكاتهم الابداعية وعرفت
ذلك ايضا من الشاب المتميز أمى زين العابدين..لهم جميعا
التحية وآمل أن تجمعنا بهم الدنيا ساعة إبداع وهدأة...


لك الود من قبل ومن بعد

عبد الرحمن قوى

قوي
أظنك تعرف الشباب الطيب
أبناء أب حراز.. الجميلة
كلهم هكذا في اب حراز
محمد حسن الدابي
ويوسف تاج الدين
عبد الرحيم حمد النيل (أبو ذكرى)
ومدثر الشبلي (عضو بالمنتدى الحر بالمناسبة)
أشول...
والبقية


التلب


ما احلاهم شالوا معاي الهم بالجملة

منهم من تاكا شملت ديوانهم .. رحل

وواحد محل ما قبل ضهب ولي شدرة نعاسها .. فتل

وواحد قال سياسة .. سياسة .. سياسة والسوس ينخر في ساسا

وقع فوقو السقف انطقا في راسا صابا العيا في مخيخ ثقافتا فطس



عبد الرحمن قوي

بلدياتي
كم كان بودي ان يجمعنا الظرف ...
ولكن هي افقية الحياة


لك الود

فتشت ليك لحظات كتيره
ارددك بين الحروف الطاعمة
طالعه من الفؤاد
واحترت جد
وانا بين
منابع النيل
بغني علي الجفاف
ولسي بحلم بيك معاي


لك كل الود العزيز مامون التلب
ولك جزيل شكري علي كرم الضيافه
انت وابناء اب حراز وكثيرمن ابناء هذا البلد الجميل تستمد منهم
المعاني زينتها وتخرج لتعلمنا كيف نحيا لنعشق هذا الوطن العزيز
امنياتي بمزيد من العطاء

اسقيني من دمك سحاب
خليني اقرب للنجوم
صداح معالطير البيرحل كل خريف
وساعة التعب انزل
رزاز في بقعه ما عرفت غيوم سترت شمس
والوصيه المني ليك ما ترحمي
الزول العشق سحر الطريق
من مقلتيك يمكن يتوه
وعشان سلامة الاخرين
بستاذنك
عارف عيونك قبلتي
وعارف مسايرك هي الامان
بس الزمان
ما راضي بين حدين يقيف
العزيز عبدالرحمن حمدالنيل قوي لك شكري الجزيل وكلي امل ان في
ان يتقابل الجميع في ساعة هداه وببالغ سعادتي بمداخلاتك حز في
نفسي ان نبحث عن تواصل اجيال في عالم اصبح يفتخر بالمجايله
ولك خالص امنياتي

هنا يجتمع العالم الجميل..!!

أمك؟؟؟؟!!!!!
سيد البيت جا
هنا شخصيا
عبد الرحمن الشبلي
يا سلام
يبدو أنني أصبحت ذا فائدة.....
أولا مرحبا جدا العزيز عبد الرحمن الشبلي
اضافة لهذا المنبر...
واتشرف بكوني نشرت لك أول (زول)
....
وشكرا على الكلام الرقيق...
.....
الاستاذ قوي
اولاد حلتك جوك
تمام
برضو دي فايدة تانية
لا تقطع قدمك.. يا قوي
دعك دائما في الجوار
تحياتي
...
مدثر الشبلي
شنو ياخ
اخوان اخوان بيقطعو الأضان ولا كيف
امشي شوف ليك منقويا ولا حاجة اتحشر فيها
يا محبط......!!!
شكرا على المرور
ومعليش على النبذ والفضائح
.....
....
وانجا
ذات الاسم الجميل
مرة أخرى
سأحاول أن أكون دائما عند حسن ظنك
وبعدين سيد البيت جا
أطلع انا منها بعد ده
تحياتي للجميع