الانداية

الانداية


جاهل كبير مسطول ...
فى احلام شاااراابو ... ولا شُرّابو ما عارف
غنية ما دايرة تجى مالا ... يا زول هوى اشرب ساى وما تعمل لينا زنة فى راسنا ... اصلو دايرين نوزن الرأس التقول راس قليس ... كان داير تغنى امشى شوف ليك بيت تانى واقعد غنى لحدى ما ناس الكشة يجوك يطيروها ليك فى راسك ... راسك الكلو تفل شاى دة ... تقول لى راسى كلو تفل شاى انت شايفنى عندى كانون ؟ ... وبعدين انت الشراب دة بتعرفو من متين ... ما يادوبك كدة كم كاس فى بيت السجم دى .. وهى كمّا سجم بتدخل نوعك دة فى بيتا كمان ... يا جماعة الزول دة ما تمسكوهو منى !! .. شوف انا كان قمتا بخليك انت والبنبر القاعد فوقو تحت بوكسى اللبن داك شايفو ؟ ... اللبن ولا السم الهارى ... داير تطردنى كمان من بيت مريسة .. ما مريسة انت قايلا شنو ؟... فى ذمتك يقولو عليك الناس سكارى ومسطول كمان ... يطير البنبر وانت وراهو عراقيك المشرط كلو دة ... يا ولية يلولى ليكى راس الكلب جيبى ام فتفت دى بسرعة ...
الجاز الابيض .. ايوة
لليوم الاحمر زى اللبن ... ايوة
شليل وينو .. ايوة
اكلو الدودو ... يا شين ..

يا حليل زمن زمان ... زمن السلطان عبد الحميد كان الجزارة بتضبح تيوس بس ... يا كافى البلا .. الفرق بينى وبين التيس دة شنو هسع ؟ .. ما هو عندو دقن وانا عندى شنب ... دايرة ليها كلام ..
يا راجل قوم انا شايفا اولاد الحلة ديل جونا بالصفايح ... وبيقولو القمر خنّق ... ما خنّق يخنقك العضم بتاع الفشفاش ... اسمو انكسف ... وبعدين ما يخنّق ... كلو منكن عملتن المريسة رقيقة والكاس بقى صغيييير .. عشان كدة القمرة خنقت ... قوم امشى من بيتى تبيت فى الشرك ... بمشى براى بس ادينى سفنجاتى ديل .. جيبى النعال نعلك الله ...
اها انا امشى كيف الليلة قمرة خنقت .. وشارع ضلمة وكلو كلاب ... وصفايح ماشة ...
الراجل وقع فى حفرة وطلّع عصارته القبيل .... وكان فى كديسة جات تاكل مما اعتصر سابقا ...
يا ربى ام فتفت دى انا اكلتها فى بيت كجنة ... والكوارع دى فى بيت الفاكوكى ... طيب الكديسة دى انا اكلتها وين ؟!! .

الفاتح
إنداية بلا راية ماليها طعم وبعدين إندايتك
دي فنجرية البي بقبقو فيها بالكأس حليل العبار
والجردل مش جرادل زي اليومين ديل وبعدين
مزتك ظاط نفسها فنجرية يا حليل مزة الربيت
اصبر لي بمشي واجيك بالمفيد من المُوص
والعسلية والبقنية ومزة الكبده النية

ود الشيخ .......هق

ود الشيخ
حبابك ...
الانداية دى بتاعة العولمة قلت لى ؟
العولمة برضو بتطشم ؟ ... اول مرة اعرف الكلام دة ... عشان الزول الاكل الكديسة دة لحدى هسع واقف لط
وطاشم حلفت ما تفك منو الا يفكوها بزردية ... او مفتاح نمرة سبعة ...
بعدين قالوا ناس انداية الراية ديل بيكونوا قاعدين فيها اسبوع مافى زول يقرب عليهم وستها بتكون جايبا ليهم اى حاجة ( يعنى انداية مقفولة بالشمع الاحمر ) فقط للزبائن الجوة ديل ... الطشمة بقت خشم بيوت وفى حالة العدم الجماعة بيروحوا طلمبة البنزين ... سؤال مهم جدا ... ليه ست الانداية ما بتسكر معاهم ؟
وواحد تانى ... اقوى مريسة بتاعة شنو ؟ انا عارف عرقى البلح قالوا اقوى واحد ...
راجيك تحت الراكوبة .
تسلم يا غالى

محمد حامد جمعة

اديك موية ؟

يا زول انت بتقصد الجو مكان المريسة والمزة . عل عندنا نفريين بضبحوا لي الناس كلهم وباقي الناس ضيفان وتسمع عزازي ربك مريسة وتنبك ودلوكة مع العصير تتهبك .الجو الاسم الحقيقي ليها