Post: #1
Title: لكل هؤلاء أقول
Author: مختار عجوبة
Date: 01-10-2005, 05:14 AM
لكل هؤلاء أقول:عدلان : مروة شاعرة : جبدوها أخوالها ولا أخوالك ؟ عبد المنعم سيد احمد : التحية لأوسلي 1و2، ناس ود العامل ؟ أنا مسافر الباسا بعد يومين ،عندك وصية لحرازة حمد ؟ هشام مدني : مدني الأ زرق جدي ، دكتور المعز أعزنا الله بشعرك . الموصلي فلنواصل ما انقطع ، عجب الفيا : عجوبة من عجب ، وليد = وليد حفيدي ، منى خوجلي:عندما أزور السودان بعد انقطاع –أري الحزن في عيون والدكم--- من استشهدوا أذكرهم أطفالا، فأحزن معه--تحياتي لمحجوب وزينب ، النصري أمين : نصرنا الله وإياكم بأمانة الكلمة ، عسكوري: أهلي كلهم كانوا عساكر زمن الإنجليز ، ود محجوب أرفع الخمسة من فوق الإتنين وبح بما تشاء = فمحجوب أخي الأكبر ، أحمد الشايقي = كلنا شايقية، والشايقية مفهوم ثقافي، ولا شنو يا خضر عطا المنان؟ السؤال لست البنات= ست البنات بت عتمان أمي ، أبو جهينة = فهمك أعمق بكثير مما كتبت أنا؟ محمد أبو جودة= هذا من فضل جودك وكرمك ، بنية = أنا أخو البنات وأبو البنات ، فتحي الصديق = اللهم أجعل توقيع السلام فاتحة صدق ووفاء بالمواثيق,Deng:لقد فقت أهل العربية في لغتهم,حسن الملك: تسطف لك الجعارين الملكيةتحيةمن جبل البركل الى حوض السليم ، خضر حسين خليل = خلي العيش حرام(في الغربة) = نحن أكثر شغفا بما تكتبون ، راوية = راوية شعر أم ماء زلال ؟، سجيمان= أصلنا مسجمين،وكمان مرمدين،اللهم أرفع عنا الرماد والإحن والمحن،ما ظهر منها وما بطن ،ومرفي =كيف مرافئ الغربة يا جعفر؟ ويا ود بادي ويا السر عثمان الطيب ويا مامان-- ناس القرير ما كرموا علي أحمد الرفاعي :ليش؟؟؟ سلوى صيام أنت نفرتيتي ولا كليوباترا؟ الجندرية : انا مسؤول عن لجنة الجندرة في مؤسسة ايداتو السودانية , وعجوبة جندرة قبل الجندرة, أبكر آدم إسماعيل: لازلنا نبحث عن الروعة في دهاليز المدن المستحيلة, بيان: زادك الله سعادة, الاستاذة سعاد ابراهيم أحمد: نلتقي في حلفا دغيم ولا باريس؟
|
Post: #2
Title: Re: لكل هؤلاء أقول
Author: مختار عجوبة
Date: 01-10-2005, 05:32 AM
Parent: #1
كما ابعث شكري الى غريبة, ولؤي نسأله عن فضيلي جماع وحملة عبد القيوم كما رواها بشرى الفاضل
|
Post: #3
Title: Re: لكل هؤلاء أقول
Author: إسماعيل وراق
Date: 01-10-2005, 05:51 AM
Parent: #2
البروفيسور والعالم مختار عجوبة
فاتني أن أرحب بك في البوست المعني، فاهلاً بك بيننا علماً نيراً وقلماً ناضج الرؤية.
|
Post: #4
Title: Re: لكل هؤلاء أقول
Author: أحمد الشايقي
Date: 01-10-2005, 05:54 AM
Parent: #1
حباب الدكتور المفكر الإنسان
Quote: أحمد الشايقي = كلنا شايقية، والشايقية مفهوم ثقافي،
|
(صـــدق)= صدقـــت
وحبابك عند (ساقــة) ولاد تــوم بمــورة
والحسبة عند (د كمبال)
وخالص تحياتي
|
Post: #5
Title: Re: لكل هؤلاء أقول
Author: osly2
Date: 01-10-2005, 07:17 AM
Parent: #4
مرحب بك د/ مختار عجوبه
ومرحب باهل الباسا من عماسيبا حتى عجوبابا
غايتو كدى كدى طلعتنا اخوال عبد المنعم سيد احمد وبعد دا يشيل
شيلتو معانا
زاملت الكثيرين من ابناء الباسا الاشاوس اذكر منهم الشفيف عبد المنعم ابراهيم عبد العزيز
والاخ حسن سلطان واولاد التمليكه بسلامتهم واولاد مختار الحصول
مرحب بك فى رحاب سودانيز اونلاين
وستجدنا صامدين عندما يهتز جبل البركل
تحياتى
كمال
|
Post: #6
Title: Re: لكل هؤلاء أقول
Author: Ana Zaty Omdur
Date: 01-10-2005, 02:04 PM
Parent: #1
الأخ مختار عجوبة
أرحب بك مرة أخرى هنا و أرجو أن يطيب لك المقام فى هذا الوطن السايبيرى
ألتقيك فى كورس سيكولجى فى الدراسات الإضافيه وبعد ذلك بمعيه أستاذى; صديقى وصديقك يحى عبد الرحيم والذى لم ألتقيه متذ سنين
له منى شوق وموده
ولك معزتى
|
Post: #7
Title: Re: لكل هؤلاء أقول
Author: إيمان أحمد
Date: 01-10-2005, 02:08 PM
Parent: #1
.
فليفرد هذا المكان بساطه لمقدمكم
ولنرهف آذاننا للقراءة الممتعة
شكراً دكتور مختار عجوبة
تحيتي واحترامي
إيمان
|
Post: #8
Title: Re: لكل هؤلاء أقول
Author: منوت
Date: 01-11-2005, 08:16 AM
Parent: #1
مليون مرحب بأستاذنا الفاضل البروف مختار عجوبه
و نأسف على الترحيب المتأخر ..
تلميذكم منوت
|
Post: #9
Title: Re: لكل هؤلاء أقول
Author: الجندرية
Date: 01-11-2005, 08:25 AM
Parent: #8
| Quote: الجندرية : انا مسؤول عن لجنة الجندرة في مؤسسة ايداتو السودانية , وعجوبة جندرة قبل الجندرة |
يا مية مرحب بالبروف
وفي انتظار الحكي عن جندرة عجوبة وعن مؤسسة ايداتو السودانية ايضاً
|
Post: #10
Title: Re: لكل هؤلاء أقول
Author: هشام مدنى
Date: 01-11-2005, 09:36 AM
Parent: #1
العزيز مختار عجوبة
اسد الله اوقاتك بكل الخير
مليون مرحب بك
| Quote: هشام مدني : مدني الأ زرق جدي |
|
Post: #11
Title: Re: لكل هؤلاء أقول
Author: عبد المنعم سيد احمد
Date: 01-11-2005, 10:08 AM
Parent: #10
عزيزى د/ عجوبة
لك التحايا وللاسرة الكريمة
تظل الباسا بكل تفاصيلها الدقيقة بالوجدان
اربعة اعوام متصلة ..قضيتها بين ربوعها الغناء..
رميل..اظن ان لها قصة قد نسمعها منك لاحقا...درب السوق
(البابجور) وجدوله الذى يشق الباسا يمينا ويسارا حتى وصوله لقرية الغريبة
وبمدرستها الابتدائة العريقة..التى درست بها لثلاثة اعوام ..ومن ثم التحاقى بمدرسة امبكول العامة..لاقضى بها عاما واحدا.
فقد اضافت تلك السنيين الى وجدانى منابع للحياة.
سبيقة عمر عبد العزيز..حيث اشجار المانجو...تشرئب باعناقها الى السماء
كعروس يوم زفافها..
حش التمر..بكل طقوسة الممعنة فى الجمال والحميمية
الاراضى الخضراء الممتدة حد البصر
وفى الشتاء حقول القمح..بالوانها الزاهية..وسنابلها الذهبيةلتمنح الخير
لاهالى قريتى الطيبون.
العجوباب ..بكل جمالها وبيوتها الصغيرة
منزل جدى ابراهيم عجوبة..بيت بت حمد حيث تربيت منزل عمى حسين ومن ثم منازل الاهل
حتى الخلوة التى تستضيف القادمين العابرين للقرية ليلا.
منازل الاعراب الذين صاروا جزءا اصيلا من القرية
سلامى ومحبتى للاهل جميعا والفاتحة على ارواح من رحلوا ودفنوا بالشيخ عايدابى
ضريح جدودى الجابراب..فجدتى عمارية كنا نراها من اولياء الله الصالحيين.
العجوباب..الخرساب ..االعنذراب..الدقيناب ..المليكاب ..العماسيب
المرن
عزيزى لقد علمت ان هناك قافلة ستسير للباسا ليقضى الاهل اجازة العيد
مع الاقارب والاحبة يا لهذه الروح الطيبة من كبار القرية..
الشيخ عايدابى..الشيخ الهدى.. ضريح الجابراب ..جبل ود ابعوف بشموخه يقف كالطود
امام النيل بالضفة الاخرى.
العزيز الخال اوسلى..امال انت كت قايل شنو
محبتى للجميع
|
Post: #12
Title: Re: لكل هؤلاء أقول
Author: bayan
Date: 01-11-2005, 07:50 PM
Parent: #11
الدكتور مختار
سلام
من ناس الباسا جاورنا من معلم الاجيال محمد طه عبدالعزيز
ومنهم تعرفنا على اصدقاء صاروا بمثابة الاهل.. ناس عمى باقرين
فى الشعبية و مولانا ابو القاسم عبدالرحيم الذى كان شاهد
زواجى ومعه العزيز
حسين عثمان سلطان..
ودحين انتو ما ماخدين عمتا لى من مورة.. اسمها رقية...
والله سعداء بحضوركم البهى...
احمد الشايقى اانت من مورة؟
وطيب؟
|
|