Post: #1
Title: ماتطلبه المستمعات
Author: لؤى
Date: 01-08-2005, 04:18 AM
Parent: #0
جاءتنى أثناء فترة غيابى العديد من الإيميلات والتى كان فى معظمها طلبات للإستماع إلى عدد من الأغانى ، وقد وعدت بتحقيق ذلك متى ماتحقّقت لى السانحة ..
سأحاول فى هذا البوست رفع الأغانى التى ترغبن/ون فى الإستماع إليها من خلال طلباتكن/م ، وعلى الأخوات والإخوة الزائرات والزوّار للمنبر المراسلة على عنوانى [email protected] ، وسأحاول بقدر الإمكان تحقيق كل الرغبات راجياً فقط الصبر حيث أن مسألة نقل الأغانى ليست بالمسألة البسيطة جدّاً ..
أتمنّى من الأخوات والأخوة فى المنبر من القادرات/ين على تحميل الأغانى مساعدتى برفع مايتوفر لديهن/م من الأغانى المطلوبة ..
الأخ أنور والأخ كبروس التحيّة لكما وموقعاكما يحتلاّن موقعاً متميّزاً بين مواقع الأغانى ، وقد لاحظت خلو القوائم هناك من أغانى بعض الأساتذة كالأستاذ خليل إسماعيل وهو رجل مظلوم ، حيث يتميّز بحنجرة قويّة وأداء رائع ، لذا انا مستعد للمساهمة بإمدادكما بالعديد من التسجيلات لمختلف المطربين وهى تسجيلات قد تستحق وضعها على الشبكة ..
سأبدأ بأغنية الأستاذ خليل إسماعيل (( الأمانى العذبة )) والتى كتب كلماتها الأستاذ محمّد على أبو قطاطى .
|
Post: #2
Title: المستمعة[1]
Author: lana mahdi
Date: 01-09-2005, 09:22 AM
بسم الله نفتتح الطلبات
لؤى الاغنية المرفقة جميلة جدا و لى طلبان:
1/أغنية فى عز الليل للكابلي
2/اغنية عيونك لحنان النيل
3/أغنية تانى ريدة للكابلي
4/اغنية يا سماء المجد هذا كوكبي للكاشف
5/
6/
[هم اغنيتين بس لاكين انتا عديت غلط]
ملاحظة مهمة:رجاء الاغنيتان قبل 19/1 لاغراض سلمية 
محبتى لك
|
Post: #3
Title: Re: المستمعة[1]
Author: Ishraga Mustafa
Date: 01-09-2005, 09:27 AM
Parent: #2
Quote: بسم الله نفتتح الطلبات
لؤى الاغنية المرفقة جميلة جدا و لى طلبان:
1/أغنية فى عز الليل للكابلي
2/اغنية عيونك لحنان النيل
3/أغنية تانى ريدة للكابلي
4/اغنية يا سماء المجد هذا كوكبي للكاشف
5/
6/
[هم اغنيتين بس لاكين انتا عديت غلط]
ملاحظة مهمة:رجاء الاغنيتان قبل 19/1 لاغراض سلمية
محبتى لك |
عادل لكن يالنا ما اختى الزمن كلو
يالله انكرب يالؤى يا اخوهن
|
Post: #9
Title: ماتطلبه المستمعات
Author: لؤى
Date: 01-09-2005, 03:05 PM
Parent: #3
إشراقة أختى
مسّاك الله بالخير انتى والعيال
الأغانى الطلبتيها دى كتيرة شديد ، وبعدين لازم تجيبى لينا الفاضى معاك .. يعنى محتاجين أشرطة عشان التسجيلات .
بالمناسبة انتى فنانتك أو فنانك المفضّل/ة منو ؟؟ وأسألى لى بالمرّة واصل ومرافئ الله يخلّيهما ليك ، عشان مانظلم الأطفال معانا .
سعيد بطلّتك
|
Post: #10
Title: Re: ماتطلبه المستمعات
Author: Ishraga Mustafa
Date: 01-09-2005, 03:36 PM
Parent: #9
خال واصل ومرافىء
فنانى ابوعركى
ومصطفى سيد احمد
وردى
وزيدان ابراهيم كان فنانى ايام المراهقه بصراحة ربنا كده، العجب لمن يغنى فى الليلة ديك
قلت لى فنانين واصل ومرافىء، والله يا ابوى الا تسألهم انت، ديل بيقولوا كلام عجيب الحالة لسه ماشبوا/ن عن الطوق
لكن ممكن اوريك اغنيات ايوب البحبها
اها لازم نجيب فاضى كتير
وتصبح على نغم
|
Post: #13
Title: Re: ماتطلبه المستمعات
Author: لؤى
Date: 01-10-2005, 01:12 AM
Parent: #10
صباحك خير يا أم واصل
خلاص انا مستعد لى عركى ومصطفى ووردى لمّا تحدّدى عاوزة تسمعى شنو ، وبرجع لى واصل ومرافئ لمّا أجهّز حاجة مناسبة ..
دى فى الليلة ديك ، والتشغيل بالضغط على زر التشغيل .
|
Post: #4
Title: Re: المستمعة[1]
Author: لؤى
Date: 01-09-2005, 02:09 PM
Parent: #2
الأستاذة لنا مهدى
بعد التحيّة والإحترام
المرجو الإنضباط وحفظ النظام والوقوف فى الصف حتّى يأتى دورك ، (أظنّك شايفة الخلق فى البوست بتدّافر كيف) !! وكما أظنّك تشاهدين اللوائح بوضوح ، فنحن لانقوم بتوزيع أكثر من أغنية واحدة لكل أسرة ، وتكون أغنيّة من جيلى مش من جيلكن/م ( الأربعينات والخمسينات دى مافى فى مكتبة الإذاعة ذاتها) .
ولووووووووووووووووول وههههههههههههههههههههههه ( مش بيعملن/وا كدا ؟؟)
|
Post: #5
Title: Re: المستمعة[1]
Author: هشام مدنى
Date: 01-09-2005, 02:22 PM
Parent: #4
العزيز جدا لؤى
اسعدالله اوقاتك بكل الخير
بالله عليك
انت عمرى حتى نتنقل من خلالها فى السودان
ام كلثوم عندها وضع خاص جدا عندى
لك معزتى
|
Post: #6
Title: Re: المستمعة[1]
Author: هشام مدنى
Date: 01-09-2005, 02:25 PM
Parent: #5
ما تطلبه المستمعات؟
دخلت غلط ولا شنو
|
Post: #7
Title: Re: المستمعة[1]
Author: ترهاقا
Date: 01-09-2005, 02:35 PM
Parent: #6
كدى المستمعات ديل نخليهم كدى ، ما قلت جايينا ؟
|
Post: #17
Title: ماتطلبه المستمعات
Author: لؤى
Date: 01-10-2005, 01:37 AM
Parent: #7
أستاذ أحمد إزيّك
وكل سنة وانت طيّب
أيوا قلت ، وعنيت ماقلت .. لكن الموضوع دا محتاج بوست كامل ، فبينى وبينك أحسن نسيبه راقد كدا
تحيّاتى
|
Post: #8
Title: Re: المستمعة[1]
Author: ود المدفع
Date: 01-09-2005, 02:36 PM
Parent: #6
الوجيه لؤى
أنت رائع ... رائع
|
Post: #11
Title: Re: المستمعة[1]
Author: bayan
Date: 01-09-2005, 04:12 PM
Parent: #8
العزيز لؤى
شكرا ليك يا يابا تتبارك...
اها انا بدور اغنية الود الكلمات عمر الدوش والاداء وردى
وبهديها
لدومة و جمال وملاسى بمناسبة عيد الضحية
و للاخ على حسن مصطفى بمناسبة الا مناسبة
و لسحر بت اختى بمناسبة ظهورها فى الماسنجر بعد غياب طويل وتعللت بانه الطب
دا قرايتو ما بتنتهى..
وبهديها للجازلوت الشايف الهزائم وعامل نائم
واخير و ليس آخرا
تهراقا وعشة بت فاطنة وبدر الدين شنا والفاتح
وناس المحد كافة.
واهديها لنفسى ولاشراقة ولنا
كما اطلب غنية الطير المهاجر الكلمات لصلاح احمد ابراهيم
بهديها
للاخ برير اسماعيل يوسف ساكت كدا بلا مناسبة
الوجع الخرافى لابى عركى
مهديةلندى امين وهالة قوتة واشراقة وست البنات وكل الطيور المهاجرة
وغنية كلمنى يا حلو العيون بأداء فرفور
تانى للاخت دومة عشان تجى المنبر حاكم دى اغنيتها المفضلة
والغنيات ديل كلهن بهديها ليك انت(0قصرتا معاك؟)
|
Post: #12
Title: Re: المستمعة[1]
Author: benyya
Date: 01-09-2005, 04:56 PM
Parent: #11
الاستاذه اشراقه
ازيك؟؟؟لعلك طيبه
زكرني كلامك حق اغنيه
االفنان زيدان ابراهيم بالنكته حقت الدجاجه ال عاملين معاها لقاء في الاذاعه وفي نهايه اللقاء سالوها ان تطلب اغنيه فطلبت اغنيه في الليله ديك ..
للاستاذ زيدان...
سلااااااامي وتحياتي...
لوي
ازيك يا كلك ذوق وفهم...
طلبي الاول اغنيه
الامان...اداء البلابل
وغلطه..للفنان وردي
بالمناسبه..
اغاني كورال ممكن ؟؟؟؟؟؟
بجيك صادي تاني
لى قدام
|
Post: #15
Title: Re: المستمعة[1]
Author: Sidig Rahama Elnour
Date: 01-10-2005, 01:26 AM
Parent: #12
أبو اللول
صباحك زين يا سيد وإن شاء الله الإعصارات دي بعيدة منكم
بالله مقطع من بتتعلم من الأيام - نظراً لما تحمله من ذكريات مشتركة مع شخصك الغالي
ومع الاستاذ الرائع أسحق الحلنقي ... تسلم يا سيدي
|
Post: #26
Title: ماتطلبه المستمعات
Author: لؤى
Date: 01-10-2005, 06:58 AM
Parent: #15
Quote: أبو اللول
صباحك زين يا سيد وإن شاء الله الإعصارات دي بعيدة منكم
|
الصديق الصدوق صدّيق
سلامات
إطمئن ياعزيزى الأعاصير بعيدة كل البُعد ، وربّك يستر على ناس العم شوقى بدرى فى الجنوب وعلى السواحل ..
Quote: بالله مقطع من بتتعلم من الأيام - نظراً لما تحمله من ذكريات مشتركة مع شخصك الغالي
ومع الاستاذ الرائع أسحق الحلنقي |
ياعزيزى كنت أود تسجيل أغنية بتتعلّم من الأيّام من الكاسيت الذى أهديتنى إيّاه ووضعها كخلفيّة لبوست أتحدّث فيه عن المعنى الحقيقى للوُد والإنسانيّة ، وهى بعض الصفات التى وجدّتك تتوشّح بها عزيزى .. فكن فى إنتظار ذلك البوست ..
وإليك بتتعلّم من الأيّام بالتسجيل القديم ..
|
Post: #25
Title: ماتطلبه المستمعات
Author: لؤى
Date: 01-10-2005, 04:44 AM
Parent: #12
Quote: لوي
ازيك يا كلك ذوق وفهم... |
العزيزة بنيّة
سلامات
أولاً شكراً شديد على كلامك اللى بيؤكّد إنّك انتى اللى كلّك ذوق ، وتسلمى ..
Quote: طلبي الاول اغنيه
الامان...اداء البلابل
|
انتى برضو باين حاتقيفى فى الصف مع لنا مهدى لغاية ما أجيب ليك البلابل ..
Quote: وغلطه..للفنان وردي
|
ودى ياستّى غلطة للعملاق وردى ..
|
Post: #18
Title: ماتطلبه المستمعات
Author: لؤى
Date: 01-10-2005, 01:44 AM
Parent: #8
الأخ ود المدفع
تحيّة
أولاً مرحب بيك بيناتنا وإن شاء الله يطيب ليك المقام وكمان نكون عند حسن ظنّك .. وياعزيزى انت الأروع لك ، لك التقدير ..
بس أوعى تكون دى أغنية وانا ماعارف ؟؟
|
Post: #16
Title: Re: المستمعة[1]
Author: لؤى
Date: 01-10-2005, 01:29 AM
Parent: #6
لا أبداً !!
ليه ؟؟ القال دخلتَ غلط منو ؟؟
|
Post: #14
Title: Re: المستمعة[1]
Author: لؤى
Date: 01-10-2005, 01:25 AM
Parent: #5
هشام إزّيّك
وكل سنة وانت والأسرة بخير
حاضر ياعزيزى ..
وتحاياى للأسرة
أهى أنت عمرى ، والتشغيل بالضغط على زر التشغيل .
|
Post: #22
Title: Re: المستمعة[1]
Author: lana mahdi
Date: 01-10-2005, 02:56 AM
Parent: #4
Quote: المرجو الإنضباط وحفظ النظام والوقوف فى الصف حتّى يأتى دورك ، (أظنّك شايفة الخلق فى البوست بتدّافر كيف) !! وكما أظنّك تشاهدين اللوائح بوضوح ، فنحن لانقوم بتوزيع أكثر من أغنية واحدة لكل أسرة ، وتكون أغنيّة من جيلى مش من جيلكن/م ( الأربعينات والخمسينات دى مافى فى مكتبة الإذاعة ذاتها) .
ولووووووووووووووووول وههههههههههههههههههههههه ( مش بيعملن/وا كدا ؟؟) |
عوجة
عوجة
يعنى انتا ما ليك فى غنا الاولين؟؟
قلتا غنية من جيلك؟؟
خلاص اتفقنا ح اطلب وفق هذا الشرط يعنى غنية من جيلك اغنية عائشة الفلاتية فى الحرب العالمية: طيارة جاتنا تحوم ...شايلة القنابل كوم
لووووووووووووول و هههههههههههههههههههه برضو
|
Post: #27
Title: ماتطلبه المستمعات
Author: لؤى
Date: 01-10-2005, 07:30 AM
Parent: #22
لنا أختى
Quote: عوجة
عوجة
يعنى انتا ما ليك فى غنا الاولين؟؟
|
العوجة لو فعلاً لى فيهو !!
Quote: قلتا غنية من جيلك؟؟
خلاص اتفقنا ح اطلب وفق هذا الشرط يعنى غنية من جيلك اغنية عائشة الفلاتية فى الحرب العالمية: طيارة جاتنا تحوم ...شايلة القنابل كوم
|
هسّه مع تباشير السلام والخير الحايعم البلد فى داعى للقنابل والطيّارات ؟؟ ومسألة إنّها من جيلى دى ما حاأناقشها عشان ماتقولى على كبرت وبقيت نقّتى كتيرة ..
Quote: بسم الله نفتتح الطلبات
لؤى الاغنية المرفقة جميلة جدا و لى طلبان:
1/أغنية فى عز الليل للكابلي
2/اغنية عيونك لحنان النيل
3/أغنية تانى ريدة للكابلي
4/اغنية يا سماء المجد هذا كوكبي للكاشف
5/
6/
[هم اغنيتين بس لاكين انتا عديت غلط] |
بالمناسبة لقيت ليك الأغنيتين نمرة 5 و6 إن شاء الله يكونوا عجبوك ؟؟
قمنا بإحالة طلبك للأخت سكّوتاويّة وعليك مراجعتها .. بعدين انا كنت متصورك تتطلبى اللوووووووووول اللوووووووول يالوليّة ..
|
Post: #28
Title: Re: ماتطلبه المستمعات
Author: lana mahdi
Date: 01-10-2005, 07:42 AM
Parent: #27
| Quote: ومسألة إنّها من جيلى دى ما حاأناقشها عشان ماتقولى على كبرت وبقيت نقّتى كتيرة .. |
حاشاك انتا من الكبر..كبرتا أنا!!!
| Quote: بالمناسبة لقيت ليك الأغنيتين نمرة 5 و6 إن شاء الله يكونوا عجبوك ؟؟ |
خاااااااااااااااااااااالص روعة بالجد..حسة قاعدة أسمع فيهم..إبداع
| Quote: قمنا بإحالة طلبك للأخت سكّوتاويّة وعليك مراجعتها .. |
وسيادة سارة حوَلت ليك السؤال عن الطريقة حقت انزال الاغنية ،يعنى انا ح انتظر كتير كدة؟؟
| Quote: بعدين انا كنت متصورك تتطلبى اللوووووووووول اللوووووووول يالوليّة .. |
دة بعد خرف
الطلبات الجديدة:-
7/ ذكرياتى كلها ذابت على وتر غناء للكاشف
8/دناب يا الله فوق زينب للكابلي
9/لمتين يلازمك فى هواك مر الشجن لعثمان حسين
ان شا الله تكون الطلبات خفيفة عليك المرة دى 
|
Post: #30
Title: Re: ماتطلبه المستمعات
Author: لؤى
Date: 01-10-2005, 08:20 AM
Parent: #28
| Quote: حاشاك انتا من الكبر..كبرتا أنا!!! |
الحمد لله انا مااااااااقلت أى حاجة !! وأهو العالم دا كلّو شاهد ..
| Quote: خاااااااااااااااااااااالص روعة بالجد..حسة قاعدة أسمع فيهم..إبداع |
خلاص الحمد لله عشان تخلّينى أشوف طلبات المستمعات ..
| Quote: وسيادة سارة حوَلت ليك السؤال عن الطريقة حقت انزال الاغنية ،يعنى انا ح انتظر كتير كدة؟؟ |
كدى أمشى أقرى كلام سارّة تاااانى وشوفيها حولت السؤال لى انا ولا كان ليكى انتى .. عموماً انا رسّلت ليها إستيضاح وحاننتظر ردّها عليهو ..
Quote: الطلبات الجديدة:-
7/ ذكرياتى كلها ذابت على وتر غناء للكاشف
8/دناب يا الله فوق زينب للكابلي
9/لمتين يلازمك فى هواك مر الشجن لعثمان حسين
ان شا الله تكون الطلبات خفيفة عليك المرة دى |
والله زاى ماقالت أختى إشراقة باين الموضوع جدجد عاوز ليهو إنكرابة ، (بيقولوها كدا ؟؟)
|
Post: #19
Title: Re: ماتطلبه المستمعات
Author: Sakotaweya
Date: 01-10-2005, 01:56 AM
أخوي لؤي
تشكرات كميات و الغنيه رهيبه ...
يلا أرجي اللسته
أها يا لنا أنا عندي غنيه " عيونك " لكن ما بعرف انزلها كيف وريني
و لي قدام .
|
Post: #29
Title: Re: ماتطلبه المستمعات
Author: لؤى
Date: 01-10-2005, 08:08 AM
Parent: #19
سارّة أختى
إزيّك يامدام ، وكل سنة وانتى طيبة ..
| Quote: يلا أرجي اللسته |
راجيها ، معقولة انتى انا أقصّر معاك ؟؟ بس ماتمشى تجيبى لى لستة من جيل ناس الصادق المهدى دا ، بسم الله قصدى لنا مهدى !!
Quote: أها يا لنا أنا عندي غنيه " عيونك " لكن ما بعرف انزلها كيف وريني
|
عبارة "ورّينى" دى موجّهة لى انا ولا لى لنا ؟؟ عشان فى بعض الجهات التى بدأت فى التشكيك فى هدفك النبيل بنشر المعرفة والثقافة فى هذا المكان الجميل ووووووووووووو !!!
| Quote: لكن ما بعرف انزلها كيف |
عموماً لو لى انا .. بقوم أورّيك ترفعى الأغنية كيف ، بعد داك نزّيلها هيّن
|
Post: #42
Title: Re: ماتطلبه المستمعات
Author: لؤى
Date: 01-11-2005, 03:15 AM
Parent: #19
سكّوتاويّة
سلام
شنو صهينتى ؟ ماشايفة الغلاط البينى وبين لنا ؟ انا قلت إنّك قصدتى إنّها هى التشرح ليك، وهى بتقول قصدتينى انا ، المهم ياستّى تعالى راجعة عشان أشرح ليك ترفعى الأغنية كيف ..
وُدّى واحترامى
|
Post: #20
Title: Re: ماتطلبه المستمعات
Author: المعتمد
Date: 01-10-2005, 02:09 AM
الاخ لؤئ
سلام.
ما عرفنا البوست لطلبات المستمعات بس ونحن نعلق ولا ممكن نحن نطلب.
انا غايتو بعمل زى ما كتب احمد داؤود فى قصته بانه لما ما لقى سكن فى بيت الطلاب ولما قرر يرجع يشوف ليه محل ينوم فيه قامت مسئولة السكن قالت ليه عندى ليك سرير فاضي. نام فى السرير ولما صحى من النوم لقاه فى بيت الطالبات.
انا بطلب اغنية احمد شاويش البقول فيها:
والسفر
خلانى اشتاق لى السفر
كان القى انا انا انا
كان القى خاطرا سمح
كان كلمة اقولها وتداوي الجرح.
ولك الود
|
Post: #31
Title: Re: ماتطلبه المستمعات
Author: لؤى
Date: 01-10-2005, 08:38 AM
Parent: #20
الأخ المعتمد
سلامات
| Quote: ما عرفنا البوست لطلبات المستمعات بس ونحن نعلق ولا ممكن نحن نطلب. |
لا ياعزيزى ، البوست لطلبات كل الناس من الجنسين نساء ورجال .. ماهو معظم الناس لمّا تستخدم جمع المذكّر السالم بتكون قاصدة الجنسين ، فخلاص ممكن يبقى نستخدم جمع المؤنّث السالم ونكون كمان برضو قاصدين الجنسين ..
Quote: انا بطلب اغنية احمد شاويش البقول فيها:
والسفر
خلانى اشتاق لى السفر
كان القى انا انا انا
كان القى خاطرا سمح
كان كلمة اقولها وتداوي الجرح.
|
رغم إنّك غنّيتها حلو شديد لكن برضو بجيك راجع بالأغنية ، أقيف لى فى صف الرجال دا بى جاى ..
ولك الوُد أخى
|
Post: #62
Title: Re: ماتطلبه المستمعات
Author: لؤى
Date: 01-13-2005, 08:33 AM
Parent: #20
Quote:
انا بطلب اغنية احمد شاويش البقول فيها:
والسفر
خلانى اشتاق لى السفر
كان القى انا انا انا
كان القى خاطرا سمح
كان كلمة اقولها وتداوي الجرح.
|
الأخ المعتمد
تحيّة من جديد
عُذراً للتأخير ، وإليك أهدى الأغنية التى طلبتها ..
بتذكّرك
|
Post: #21
Title: Re: ماتطلبه المستمعات
Author: abas
Date: 01-10-2005, 02:47 AM
العزيز لؤي
ابيت تجي الامارات تاني تعالي بي جاي وقول جاي
زول بيشتغل بيك مافي
ياخي نزل بوست اعتزار
المهم انشاء الله انت تكون طيب
عاوز اغنية النار ولعت وبهديها لي العريبي علي الحلاوي
وكل اهل العوض في البورد ده
ولو لقيت لينا اغنية عرضه هازول ها بتكون ماقصرت تب
يديك العافيه
عبس
|
Post: #24
Title: Re: ماتطلبه المستمعات
Author: ود المدفع
Date: 01-10-2005, 03:47 AM
Parent: #21
بس أوعى تكون دى أغنية وانا ماعارف ؟؟
لا يا لؤى قاصدك انت بالروعة .. بس ما في مانع لو في اغنية فيها الروعة ومهداة لشخصك الظريف
|
Post: #33
Title: Re: ماتطلبه المستمعات
Author: لؤى
Date: 01-10-2005, 11:42 AM
Parent: #24
| Quote: لا يا لؤى قاصدك انت بالروعة .. بس ما في مانع لو في اغنية فيها الروعة ومهداة لشخصك الظريف |
الأخ ود المدفع
تسلم ياعزيزى
ياخى انت اللى رائع والله .. وانا اللى حاأهديك أغنية ..
رأيك شنو فى يارائع للأستاذ أحمد المصطفى له الرحمة ؟؟
|
Post: #32
Title: Re: ماتطلبه المستمعات
Author: لؤى
Date: 01-10-2005, 10:01 AM
Parent: #21
Quote: ابيت تجي الامارات تاني تعالي بي جاي وقول جاي
زول بيشتغل بيك مافي |
الأخ عبّاس
تحيّة
انت منو القال ليك انا مامشيت ؟؟؟
دا كان مجرّد تساؤل بس !!! والله ياعزيزى إعتذارى لك انت بالتحديد ولكل من يسأل عنّى ، ولن أتحدّث عن الأمر لكونه يصيبنى بحسرة ماحسبتنى سأحسّها ..
Quote: المهم انشاء الله انت تكون طيب
|
انا الحمد لله بخير ، انت كيف عامل ؟؟
Quote: عاوز اغنية النار ولعت وبهديها لي العريبي علي الحلاوي
وكل اهل العوض في البورد ده
ولو لقيت لينا اغنية عرضه هازول ها بتكون ماقصرت تب |
ودى ياعزيزى النار ولّعت ، وانا مستعد لتلبية كل الطلبات بس انت قول ..
|
Post: #34
Title: Re: ماتطلبه المستمعات
Author: إيمان أحمد
Date: 01-10-2005, 12:19 PM
Parent: #32
الغالي لؤي
سلام، وكل سنة وانت طيب.
أنا والله جايباني "ما تطلبه المستمعات" دي بالذات. عمرنا كله في "المستمعين".
أها وانا مغروضة لي في أغنية بتاعت وردي (الريلة)، أصلو المزاج الشايقي قايم علي
اليومين ديل. والتحية للشاعر اسماعيل حسن.
الأغنية عندي في شريط كاسيت، لكن عايزة أحفظ نسخة في الكمبيوتر (وكلمتك من حسا سارقاها وماشة بيها علي البوست بتاع (أمونة) أقشر بيها هناك.
لنا مهدي
قلت لي طيارة جاتنا تحوم..........
لوووول وهاهاهاهاهاهاها تاني كمان
شكرا يا لؤي
إيمان
|
Post: #35
Title: Re: ماتطلبه المستمعات
Author: خضر عطا المنان
Date: 01-10-2005, 01:03 PM
Parent: #34
الحبيب : لولو
يعني انا الماحأطلب ؟؟؟؟.
ما بتعبك كتير .. وأنت عارفني أنا أبدا ما طماع !!!!
وطلبي بيسط خالص .. يعني لا نار تولعها!!!
ولا قنابل بتنا لنا دي !!!!.
بس واحد من اتنين :
يا شايقي من بيت الكلاوي !!!.
يا خلف الله حمد العظيم ( الله يرحمو ) !! ( يعني بالمفتوح وكت جابت
ليها قنابل وفانتوم ممكن تسمعنا منو أغنية نوع التخلي الجعليين
يقطعو جلاليبن ديك !!!!!) . عرفتها ؟؟؟؟؟؟؟.
يديك العافية .. رغم اني خفت يحصل لي الحصل لى أخوي هشام ( دخلت غلط!!!)
خضرعطا المنان
|
Post: #44
Title: Re: ماتطلبه المستمعات
Author: لؤى
Date: 01-11-2005, 07:13 AM
Parent: #35
Quote:
شايقي من بيت الكلاوي !!!.
|
Quote:
( يعني بالمفتوح وكت جابت
ليها قنابل وفانتوم ممكن تسمعنا منو أغنية نوع التخلي الجعليين
يقطعو جلاليبن ديك !!!!!) . عرفتها ؟؟؟؟؟؟؟.
|
شوف ياخضر ياخوى
انا قطّيع جلاليب أكتر من الفى النار ولّعت الطلبها أخونا عبّاس دى ماعندى ليك .. وغُنا الشايقيّة دا تسمعو مع أختنا إيمان أحمد دى فى أغنية الريلة الحاأنزلها ليها هسّه ..
Quote:
يديك العافية .. رغم اني خفت يحصل لي الحصل لى أخوي هشام ( دخلت غلط!!!)
|
لا هو انت مادخلت غلط ولا هشام دخل غلط ، أصلو البوست للنساء والرجال ، تماماً زى برنامج ( مايطلبه المستمعون ) برضو للجنسين رغم تحديد الفئة فى التسمية ..
شرّفتنا ياعزيزى بس تانى ماتجينى بى كورتك دى حايم بى جاى ، الله يدّينا ويدّيك .
|
Post: #43
Title: Re: ماتطلبه المستمعات
Author: لؤى
Date: 01-11-2005, 03:44 AM
Parent: #34
Quote: الغالي لؤي
سلام، وكل سنة وانت طيب.
أنا والله جايباني "ما تطلبه المستمعات" دي بالذات. عمرنا كله في "المستمعين". |
إزيّك ياإيمان
وكل سنة وانتى طيبة
خلاص رأيك شنو تشيليها هى بدل الأغنية ؟؟
Quote: أها وانا مغروضة لي في أغنية بتاعت وردي (الريلة)، أصلو المزاج الشايقي قايم علي
اليومين ديل. والتحية للشاعر اسماعيل حسن.
الأغنية عندي في شريط كاسيت، لكن عايزة أحفظ نسخة في الكمبيوتر |
حقّو مادام المزاج الشايقى قايم عليك الواحد يحيلك لى الشوايقة الفى المنبر للنظر فى طلبك .. وانا ذاتى الأغنية عندى فى شريط كاسيت وعاوز أحفظ نسخة فى الكمبيوتر ..
| Quote: وكلمتك من حسا سارقاها وماشة بيها علي البوست بتاع (أمونة) أقشر بيها هناك. |
هى الريلة بتاعة وردى دى إسمها أمّونة ولا شنو ؟ ولا مالك ماشة بيها هناك ؟؟
راجع ليك بالأغنية أوّل ما أنقلها من الشريط للكمبيوتر .
|
Post: #45
Title: Re: ماتطلبه المستمعات
Author: لؤى
Date: 01-11-2005, 07:47 AM
Parent: #43
إيمان
سلام تانى
دى الريلة ياستّى .. ولو ممكن أدّى خضر عطا المنّان دا معاكِ حبّة ..
|
Post: #36
Title: Re: ماتطلبه المستمعات
Author: لؤى
Date: 01-10-2005, 02:25 PM
Quote:
----- Original Message -----
From: Hatim Abbas Hassan
To: [email protected]
Sent: Sunday, January 09, 2005 11:05 PM
Subject: أغنية دلال
الأخ الفاضل لؤي
تحية وإحتراما وكل عام وإنتم بخير. سبق وأن طلبت منكم أغنية "دلال" للراحل المقيم صالح الضي، عندما كنتم بالخليج. أتمنى أن تتمكنوا من الحصول عليها وتحميلهما ببوستكم لطلبات المستمعين
مع خالص شكري وإحترامي
أخوكم
حاتم |
الأخ حاتم
تحيّة
إعتذارى عزيزى لكونى لم أتمكّن من تلبية طلبك قبل الآن ، وأتمنّى أن تستمتع بالأغنية ، ولا تتردّد فى الكتابة على بريدى إن إحتجت لذلك ..
لك وُدّى
وإليك دلال
(شكراً أخى سيمباتيكو)
|
Post: #38
Title: Re: ماتطلبه المستمعات
Author: سارة حمزة
Date: 01-10-2005, 04:45 PM
العزيز لؤى
فكرة جميلة يا زوق
لكن جاك بلا اها اول الستة احسب
1 يانور العين انت وينك وين
2 ياشعباً لهبك ثوريتك
تلقى مرادك والفى نيتك
اها بكرة بتم الباقي
|
Post: #39
Title: Re: ماتطلبه المستمعات
Author: bayan
Date: 01-10-2005, 05:04 PM
Parent: #38
تب ما قصرتا معاى الله لا قصر ايامك
وتتعلى ما تتدلى
يا لؤى..
عباس طلبك سمح شديد
ذكرنا الدامر
والعرضة التى تتجاهل قوانين الجازبية وطلعت كلام نيوتن اى كلام يا جدعان..
|
Post: #51
Title: Re: ماتطلبه المستمعات
Author: لؤى
Date: 01-11-2005, 02:39 PM
Parent: #39
Quote:
تب ما قصرتا معاى الله لا قصر ايامك
وتتعلى ما تتدلى
يا لؤى..
|
العزيزة دكتورة نجاة
تحايا
الله يخلّيك يادكتورة ، لكن كيف الكلام دا ؟؟ كيف يعنى ماقصّرت معاك ؟؟ وفرفور ودومة وأغنيتها المفضلة ؟؟ عموماً انا لسّه حاأبذل مجهود عشان أجيبها ليك ، وللوقت داك بهديها ليك بصوت محمّد ميرغنى ..
حلو العيون
|
Post: #56
Title: Re: ماتطلبه المستمعات
Author: bayan
Date: 01-11-2005, 09:44 PM
Parent: #51
Quote: الله يخلّيك يادكتورة ، لكن كيف الكلام دا ؟؟ كيف يعنى ماقصّرت معاك ؟؟
|
العزيز لؤى
والله تب ما قصرتا معاى.. اها انا متنازلة ليك عن توب ام العروس..
ولو جبتا اغنية دومة بتاعة فرفور خاتم الجنيه ذاتو متنازلة عنه
قصرتا معاك
يا يمة بوست البنيات
مرقنا بالاغانى وعريس لبتى
|
Post: #66
Title: Re: ماتطلبه المستمعات
Author: لؤى
Date: 01-13-2005, 04:25 PM
Parent: #56
Quote:
العزيز لؤى
والله تب ما قصرتا معاى.. اها انا متنازلة ليك عن توب ام العروس..
|
دكتورة نجاة
تحيّة ورديّة
حينها لن تكفى (التياب) ، فأم العروس ستكون فى حدقات عيونى وسأسعد انا الذى أعشق أمّى حد كتابة القصائد عنها ، سأكون أسعد من يمشى على الأرض لكونى لى أمّين !!!
Quote:
يا يمة بوست البنيات
مرقنا بالاغانى وعريس لبتى
|
وانا لى شرف مجرّد تبادل الحديث معك فمابالك وانتِ أمّى ؟؟؟ بس بينى وبينك لو قعدنا حسبناها انا وانتى بنكون دفعة
وُدّى وشديد تقديرى
|
Post: #70
Title: Re: ماتطلبه المستمعات
Author: لؤى
Date: 01-13-2005, 06:33 PM
Parent: #56
Quote:
ولو جبتا اغنية دومة بتاعة فرفور خاتم الجنيه ذاتو متنازلة عنه |
دكتورة نجاة
سلام تانى
والله دى ماعشان خاتم الجنّيّة ، ولا عشان توب أم العروس .. بس عشان هديتك لى دومة ، وعشان تكونى مبسوطة ..
وإن شاء الله كدا ماأكون قصّرت ؟؟
كل الوُد
حلو العيون بصوت فرفور
|
Post: #47
Title: Re: ماتطلبه المستمعات
Author: سارة حمزة
Date: 01-11-2005, 09:40 AM
Parent: #46
لؤى
شكرا جزيلا لا عدمناك
|
Post: #52
Title: Re: ماتطلبه المستمعات
Author: لؤى
Date: 01-11-2005, 03:35 PM
Parent: #47
العفو ياسارّة تسلمى
انا فى إنتظار باقى اللستة .. وكتّرى لى من وردى .
وُدّى
|
Post: #40
Title: Re: ماتطلبه المستمعات
Author: abas
Date: 01-10-2005, 09:26 PM
شفتي كيف يا خاله بيان
ولؤي الولد النجيض ما قصر معاي تمن امس انا اعرض سااااااااااااااكت المراه قالت لي انت يا زول جنيت ولا فيك حرقه عاوز تطلعه بس
وحاتك شايل عصايتي واعرض
|
Post: #67
Title: Re: ماتطلبه المستمعات
Author: لؤى
Date: 01-13-2005, 04:35 PM
Parent: #40
Quote:
لؤي الولد النجيض ما قصر معاي تمن امس انا اعرض سااااااااااااااكت المراه قالت لي انت يا زول جنيت ولا فيك حرقه عاوز تطلعه بس
وحاتك شايل عصايتي واعرض
|
عبّاس
سلامات
بينى وبينك انا ذاتى شايف المدام معاها حق ، شكلك كدا بس حارقاك عرضة ساى .. يازول أعرض وأنقز زى ماعاوز ، ربّنا يجعل السعادة ظِلاًّ لك ولأسرتك وللجميع ..
وُدّى
|
Post: #41
Title: Re: ماتطلبه المستمعات
Author: adil rahman
Date: 01-11-2005, 03:14 AM
الأخ لؤي
تحياتي
شكراً على هذا البوست الذي أتاح للجميع فرصة الحصول على أغنيات رائعة وبعضها نادر ورغم تحديدك للمستمعات لكن الواحد بقوى قلبه ويطلب
لو سمحت يا لؤي أغنية مصطفي سيدأحمد الدنيا ليل غربة ومطر
ولو ما رديت لي حأسكك بالبريد الألكتروني
مع تحياتي مجدداً
عادل عبدالرحمن
|
Post: #48
Title: Re: ماتطلبه المستمعات
Author: Muna Khugali
Date: 01-11-2005, 11:14 AM
Parent: #41
Dear Luay
Sorry if I am not writing your name correctly,
Thank you for your nice idea, you are a gentle person,
now after this introduction I request the following
أمـا أنـا مـاهأطلب عثـان حـسـين عـشان سيـمباتيـكو قـايم بالواجـب
اطلب الكـابلـي ضـنين الوعد وكمـان الليـل عـاد
وبعـد أيـام بارجـع أطلب مـحمـدمـيرغـي أنـا والأشـواق
مـنـي
|
Post: #69
Title: Re: ماتطلبه المستمعات
Author: لؤى
Date: 01-13-2005, 05:15 PM
Parent: #48
Quote:
Thank you for your nice idea, you are a gentle person |
المحترمة منى
سلامات
لك أوّلاً انت الشكر على كلماتك الطيّبة هذه ، وعلى مرورك الكريم ..
Quote:
اطلب الكـابلـي ضـنين الوعد وكمـان الليـل عـاد
وبعـد أيـام بارجـع أطلب مـحمـدمـيرغـي أنـا والأشـواق
|
إليكِ أدناه ضنين الوعد ، أرجو أن تقبليها لحين عودتى ، وسأكون فى إنتظار عودتك انتِ كذلك ..
ضنين الوعد
|
Post: #68
Title: Re: ماتطلبه المستمعات
Author: لؤى
Date: 01-13-2005, 04:44 PM
Parent: #41
Quote:
شكراً على هذا البوست الذي أتاح للجميع فرصة الحصول على أغنيات رائعة وبعضها نادر ورغم تحديدك للمستمعات لكن الواحد بقوى قلبه ويطلب
|
شكراً أخى عادل
والحقيقة انّنى لم أقصد التحديد على الإطلاق كما أوضحت من قبل ، والمسألة انّنا اعتدنا مخاطبة الجنسين بالمستمعين ، إذن فلا ضير من مناداة الجنسين بالمستمعات أيضاً !!
Quote:
لو سمحت يا لؤي أغنية مصطفي سيدأحمد الدنيا ليل غربة ومطر
|
لى عودة بخصوص طلبات أغانى مصطفى سيد أحمد ، فلتعذرنى .. وإيميلى والبوست مفتوح لك وللجميع ياعزيزى ، وصدّقنى لن أتجاهلك مطلقاً ..
تحيّة
|
Post: #49
Title: Re: ماتطلبه المستمعات
Author: abas
Date: 01-11-2005, 12:11 PM
العزيز ابو لؤي
شكرا عليالنار الولعت وولعت معاي دكتورة بيان
يا حذا لو لقينا عندك المصير لعثمان حسين
البتقول
انا لو عارف خصامك لي ايامو بطول
كنت ما اترددت لحظه لما خار بي الدليل
انسي ظلمك وارجي حلمك وانسي كل الكان قبيل
|
Post: #73
Title: Re: ماتطلبه المستمعات
Author: لؤى
Date: 01-14-2005, 11:15 AM
Parent: #49
عبّاس
سلامات
معليش ياعزيزى أقعد انت هسّه أعرض مع النار ولّعت دى لحدّى ماأرد على باقى الناس ديل وأجيك راجع تانى ومعاى عثمان حسين ..
تحيّة
|
Post: #50
Title: Re: ماتطلبه المستمعات
Author: lana mahdi
Date: 01-11-2005, 01:32 PM
يا استاذلؤى
نحن فى الانتظار على قناة ما تطلبه المستمعات
سارة سكوتاوية واستاذنا لؤى بالله تعاونوا على انزال اغنية عيونك مادام هى الوحيدة المتوفرة من قائمتي المستحيلة
خلاص يوم 19 قرب
|
Post: #53
Title: Re: ماتطلبه المستمعات
Author: خضر عطا المنان
Date: 01-11-2005, 04:00 PM
Parent: #50
عزيزي : الود لولو
مليون شكر ليك على الريلة ,,
وعموما أنا ما بعرف ايمان قشرت بيها وين لكن أنا
غايتو رقصت وعرضت وصفقت وغنيت كمان !!!!.
دا كلو سويتو وأناقاعد قدام الكمبيوتر دا !!!!!.
أتخيلت المنظر : زول قاعد وفي نفس الوقت يرقص ويعرض
ويغني كمان !!!!.
يديك ألف عافية .
خضرعطا المنان
|
Post: #81
Title: Re: ماتطلبه المستمعات
Author: لؤى
Date: 01-19-2005, 04:41 AM
Parent: #53
خضر
سلامات
شايفك لسّه بتتحاوم بيجاى لمّا أخونا عادل إقترح إنّك تشاركنى البوست دا .. هاك خلف الله حمد دا أعرض كمّل عرضتك زى عبّاس أخوى دا ، وإتخارج بعد داك ..
البجرجر
|
Post: #74
Title: Re: ماتطلبه المستمعات
Author: لؤى
Date: 01-14-2005, 11:20 AM
Parent: #50
Quote:
سارة سكوتاوية واستاذنا لؤى بالله تعاونوا على انزال اغنية عيونك مادام هى الوحيدة المتوفرة من قائمتي المستحيلة
|
لنا العزيزة
سلام
معليش انا عارف إنّى اتأخّرت عليك شديد وعارف كمان الأغنية وصلتك من الأخت سارّة مشكورة ، عموماً دى الأغنية بلينك الحفظ حفظاً لماء الوجه ..
أعذرينى
عيونك
|
Post: #76
Title: Re: ماتطلبه المستمعات
Author: lana mahdi
Date: 01-14-2005, 03:45 PM
Parent: #74
الف مليون شكر
وماء الوجه دايما محفوظ يا لؤى حتى لو ما جبتا الغنية
|
Post: #78
Title: Re: ماتطلبه المستمعات
Author: لؤى
Date: 01-16-2005, 05:43 AM
Parent: #76
تسلمى يا لنا
|
Post: #77
Title: Re: ماتطلبه المستمعات
Author: لؤى
Date: 01-16-2005, 04:26 AM
Parent: #74
Quote:
مســاء الخير لــــؤي
لقد قرأت البوست بتاعك في سودانيز اون لاين ما يطلبة المستمعات وبطلب منك اغنية حمد الريح حمام الوادي انا للاسف ما مشتركة في الموقع ولكن من المداومين عليه يوميا تقريبا فرجاءاً ما تبخل علينا بالاغنية لو متوفره عندك ولك مني جزيل الشكر
|
أختى الكريمة
تحيّة
أعذرينى لتأخيرى فى رفع الأغنية ..
حمام الوادى
|
Post: #54
Title: Re: ماتطلبه المستمعات
Author: adil rahman
Date: 01-11-2005, 09:08 PM
الأخ لؤي
تحياتي
أقترح أن يشاركك في هذا البوست الأستاذ خضر عطا المنان لأنه واضح أنه جاهز أمام المايكرفون وبالتالي يساعدك في الرد
مع تحياتي
عادل عبدالرحمن
|
Post: #55
Title: Re: ماتطلبه المستمعات
Author: bayan
Date: 01-11-2005, 09:35 PM
Parent: #54
Quote: يا حذا لو لقينا عندك المصير لعثمان حسين
البتقول
انا لو عارف خصامك لي ايامو بطول
كنت ما اترددت لحظه لما خار بي الدليل
انسي ظلمك وارجي حلمك وانسي كل الكان قبيل |
عارف يا عباس نحنا زمان مصنفين الاغانى ( لكاتيقرى )وانواع ودى خاتينها
فى اغانى البكا والبكايين
انت يا زول جعلى مركب مكنة شايقى؟ 
صاحبى الجعلي دائما يحكى لى عن اغانى الشوايقة يوم
قال بيسمع فى صديق احمد ويبكى
قلت ليه افو افو افو يا الجعلى البكا دا اتعلمتو من وين ؟
قالى: من اصحابى الشوايقة..
|
Post: #57
Title: Re: ماتطلبه المستمعات
Author: abas
Date: 01-11-2005, 11:41 PM
العزيزة
بيان
تعرفي انا زول جزيرة يعني ما عندي لا في الشوايقه ولا الجعلين
عشان كده بنبكي مع الاغنية البتبكي وبنعرض مع اغنية العرضه
يعني بالواضح عوضاب عديل كده
انا وصاحبي الحلاوي داااااااااك
|
Post: #72
Title: Re: ماتطلبه المستمعات
Author: bayan
Date: 01-14-2005, 00:20 AM
Parent: #57
| Quote: يا زول جنيت ولا فيك حرقه عاوز تطلعه |
لووووووووول
الله يبارك فى لؤى عاد الوجه حرقاتكم وبقت عرضة فى البيت ساكت.. انا بجيب
ابو وليداتى برضو يعرض يفك حرقتو دى عرضة سااااااكت
| Quote: انا وصاحبي الحلاوي داااااااااك |
ياتو فيهم
البدرى ولا سيد الاسم على الحلاوى
والله الاثنين ليهم وحشة دائمة..
كان نهدى للبدرى ارحمونى ولا تحرمونى
النعم منو كل ما اسمعهادموعى يجرن واتظكر البدرى والمعهد والعرضة
|
Post: #58
Title: Re: ماتطلبه المستمعات
Author: المكاشفي الخضر الطاهر
Date: 01-12-2005, 07:10 AM
الاخ ابو الولو
أسعد الله اوقاتكم بكل خير
داير مديح ممكن أطلب؟؟
|
Post: #59
Title: Re: ماتطلبه المستمعات
Author: ودالعباسية
Date: 01-12-2005, 01:16 PM
Parent: #58
الاخ لؤي
كيف احوالك البوست جميل ويلبى رغبات المستمعين جميعا
ومع انى دخلته الى هذا العالم عما قريب ( عالم انزال الاغانى )
اقدم يد العون فى اي شئ تطلبونه
مع خالص تحياتى وتمنياتى باستماع جميل
|
Post: #83
Title: Re: ماتطلبه المستمعات
Author: لؤى
Date: 01-19-2005, 04:50 AM
Parent: #59
الأخ ود العبّاسيّة
سلامات
ياعزيزى لك الشكر والتقدير ، وأتمنّى فعلاً ان تشاركنى انت وبقيّة الأخوة والأخوات فى تلبية كل الطلبات ، حيث أن مالا أجده عندى قد يكون متوفراً عند الغير .
لك الوُد والثناء
|
Post: #82
Title: Re: ماتطلبه المستمعات
Author: لؤى
Date: 01-19-2005, 04:47 AM
Parent: #58
الأخ المكاشفى
السلام عليكم ورحمة الله
بالتأكيد ياعزيزى يمكنك أن تطلب مديح أو كما تشاء .. الباب مفتوح للجميع ولكل الطلبات . وربّنا يقدّرنا على تلبية كل الطلبات .
وُدّى
|
Post: #60
Title: Re: ماتطلبه المستمعات
Author: Walid Safwat
Date: 01-12-2005, 01:33 PM
الحبيب لولو
ممكن "انتي كلك زينة" لحمد الريح
ايضا"بزيارتك بيتنا نور" لابراهيم عوض
اهديها لكل الاهل والاخوات صاحبات الحفلة دي
|
Post: #61
Title: Re: ماتطلبه المستمعات
Author: هشام مدنى
Date: 01-12-2005, 02:50 PM
Parent: #60
up
|
Post: #85
Title: Re: ماتطلبه المستمعات
Author: لؤى
Date: 01-19-2005, 04:54 AM
Parent: #61
تسلم يا هشام
|
Post: #84
Title: Re: ماتطلبه المستمعات
Author: لؤى
Date: 01-19-2005, 04:52 AM
Parent: #60
وليد العزيز
سلامات
أقيف لى فى الصف لحدّى ماأخلص من التسجيلات وأرجع ليك ..
مودّتى
|
Post: #63
Title: Re: ماتطلبه المستمعات
Author: lana mahdi
Date: 01-13-2005, 08:43 AM
الشكر للحبيبة الغالية سكوتاوية ما قصرت ادتنى اغنية عيونك
|
Post: #64
Title: Re: ماتطلبه المستمعات
Author: Ahmed Al Bashir
Date: 01-13-2005, 08:51 AM
Dear Luai
I'm looking for Osman Mustapha's song " Fat Almiad
If not, anything will do.
thanks a lot
|
Post: #86
Title: Re: ماتطلبه المستمعات
Author: لؤى
Date: 01-19-2005, 04:57 AM
Parent: #64
الأخ أحمد البشير
سلامات
الأغنية موجودة ، لكنّى أحتاج لنقلها لجهاز الكمبيوتر مع بقية الأغانى المطلوبة أعلاه ، سأقوم بذلك فى أسرع فرصة وأعود بها .
لك الوُد
|
Post: #65
Title: Re: ماتطلبه المستمعات
Author: ست البنات
Date: 01-13-2005, 10:16 AM
يا سلالالالالالالالالالالالالالالالالالالالالالالام
أجمل الحلوين فى أجمل ركن فى البورد !!!!!
يا جماعة ما بالغتو عدييييل كده !
لكن أجمل منكم لؤى !
وأجمل منه ،
محمد الأمين ، وردى ، عثمان حسين ، الكابلى ، أبو عركى ، والقائمة تستمر !!
وأجمل منكم جت .....السودان الذى أنجبكم والجمال دا كلو !!!!!!!
أتاريكم لابدين بى هنا ، لا حس ولا خبر !!!
وكلكم ذوقكم راقى ومنعش !!!
وتسلم با لوئ الظريف !
وشكرا با دكتورة بيان على الأهداء !
وأصلك دائما راقية ومحترمة وكلك ذوق !
ويسلم علمك ، وقلمك الناجح ، وفكرك الناجع ، والدكترة يخلوها ليك وححدك ! وعقبالنا !!!!
وأنا يا لوئ أخوى ان سمحت لى بطلب :
غنوة فاوضنى بلا زعل ، للفنان بلاص ،
وبهديها الى الأخوات :
دكتورة بيان ،
منى بت عمى خوجلى ،
وليكم كولكون بلا فرز !
ست البنات .
|
Post: #71
Title: Re: ماتطلبه المستمعات
Author: bayan
Date: 01-14-2005, 00:10 AM
Parent: #65
يا بركة الجمعة..
وبركة قبايل العيد
يا لؤى ولدى ربنا يحقق ليك امانيك
ويحفضك من كل شر.. وامك امانة ما ولدت..
نطلب اغنية يا خاتم المنى
البلابل واهديها ليك لانك ذى خاتم المنى..
دومة حتتو حت ورجعت شابة 30 سنة..
وهى بتشكرك وتدعو ليك..
مش يا دومة؟
|
Post: #88
Title: Re: ماتطلبه المستمعات
Author: لؤى
Date: 01-19-2005, 05:06 AM
Parent: #71
دكتور نجاة
سلام
دعواتك الصادقة تلاعبت والعبرة بمشاعرى .. ربّنا يحفظك ويخلّيك ويخلّى ليك أولادك يارب .. وكل سنة وانتِ والأسرة بألف خير ، وأتمنّاه لكِ عاماً أفضل من سابقه ..
خاتم المُنَىَ
|
Post: #87
Title: Re: ماتطلبه المستمعات
Author: لؤى
Date: 01-19-2005, 05:00 AM
Parent: #65
الأخت ست البنات
تحيّة
شكراً للمجاملة والكلمات الطيبة وشكراً للمرور الكريم والمشاركة اللطيفة .. للأسف لاأظنّنى أمتلك أى تسجيل لبلاّص وسأحاول إيجاد العمل المطلوب ورفعه إن تمكّنت من ذلك .
تقديرى
|
Post: #75
Title: Re: ماتطلبه المستمعات
Author: سارة حمزة
Date: 01-14-2005, 12:05 PM
الاخ الغالي لؤي
1 هويتك صرت ولهناك
عشقت الدنيا دي علشانك
2 هانت ألأيام عليك ،،
ولي هنت عليك أنا،،
وين حنانك يا حنين،،
وين عيونا من ألهناء
عدت و راحت كم سنة،،
شكرا كتير لاعدمناك
|
Post: #79
Title: Re: ماتطلبه المستمعات
Author: لؤى
Date: 01-16-2005, 01:24 PM
الأخوات والأخوة
تحاياى
إعتذارى ..
قلمى والألحان فى حالة حداد على جيلٍ ظننته واعٍ ومُلِم بقضايا هذا الوطن الجريح ، وهذا الشعب الطيّب .. لكن يبدو أن الجهل قد تسلّل إلى معظم العقول الشابّة فنخرها كالسوس لتصيبنا روائح بقايا ماأكلته الديدان بحالةٍ من الطُمام ..
سأعود متى ماعادت الروح
وُدّى
|
Post: #80
Title: Re: ماتطلبه المستمعات
Author: هشام مدنى
Date: 01-19-2005, 03:08 AM
Parent: #79
العزيز الرائع استاذنا لؤى
كـــل عــــام وانتم بالف خــــير
عـــــيد مبارك على الجميع
فىانتظارك المستمعين
وبالله الاستاذ هاشم ميرغنى
لك معزتى
|
Post: #90
Title: Re: ماتطلبه المستمعات
Author: لؤى
Date: 01-19-2005, 05:57 AM
Parent: #80
العزيز هشام
كل سنة وانت طيّب
مستعد ياعزيزى لتلبية طلبك بس حدّد عاوز تسمع شنو لهاشم ميرغنى ..
تحيّاتى للمدام
|
Post: #91
Title: Re: ماتطلبه المستمعات
Author: Tumadir
Date: 01-19-2005, 06:24 AM
Parent: #90
اطلب اغنية شقشقت عصفورة لحمزة سليمان
او عامر الجوهرى ..الطال غيابك
او الولد الصغير البغنى اغنية النعام ادم
او اى اغنية اخرى حنينة....
واهديها لك..
|
Post: #92
Title: Re: ماتطلبه المستمعات
Author: حبيب نورة
Date: 01-19-2005, 06:46 AM
Parent: #91
لؤي
لو أنت راجل !!
جيب لي لو كنت ناكر للهوي زيك
أبو عركي البخيت
.......!!!!!!!!!!!!!!!
|
Post: #94
Title: Re: ماتطلبه المستمعات
Author: لؤى
Date: 01-19-2005, 08:15 AM
Parent: #92
Quote:
لؤي
لو أنت راجل !!
جيب لي لو كنت ناكر للهوي زيك
أبو عركي البخيت
|
الأخ حبيب نورة
الأغنية مهداة ليك بس عشان تعيّد كويّس ومبسوط ، ماعشان إثبات رجولة .. وكل سنة وانت طيّب .
لو كنت ناكر للهوَىَ زيّك
|
Post: #93
Title: Re: ماتطلبه المستمعات
Author: لؤى
Date: 01-19-2005, 07:11 AM
Parent: #91
تماضر
إزّيّك
انا جد سعيد لمرورك من هنا .. وسعيد جدّاً لإهدائك .. الأغنية أحبّها جدّاً ..
الله يخلّيك انتى يارائعة ..
تواصُل
|
Post: #100
Title: Re: ماتطلبه المستمعات
Author: Alia awadelkareem
Date: 01-22-2005, 07:57 AM
Parent: #93
العزيز لؤي
فكرة البوست جميلة
ارشحة اجمل بوست في هذا العام
وعندي سؤال ليك منو البغني تواصل
وهل عندك لية غني تاني..؟؟؟؟
كمان طالبة غنيوة لوردي
اول غرام
ومعاك الود كلة
|
Post: #105
Title: Re: ماتطلبه المستمعات
Author: لؤى
Date: 01-22-2005, 01:28 PM
Parent: #100
Quote:
العزيز لؤي
فكرة البوست جميلة
ارشحة اجمل بوست في هذا العام |
عالية الغالية
سلامات
ياعالية تسلمى ، بس أجمل بوست بى وين ياعالية مع البوستات القاعدة تصل عدد ألف قارئ/ة فى دقيقتين ؟؟
Quote:
وعندي سؤال ليك منو البغني تواصل
وهل عندك لية غني تاني..؟؟؟؟
|
القاعد يغنّى تواصُل دا الأستاذ حمزة سليمان زميل البورد وأحد أروع حبّات عقد الجلاد .. وكنت قد كتبت عنه بوستين هذان هما رابطيهما ..
أمل حمزة سليمان الموعود
(( تواصُل )) حمزة سليمان الفنّان وروعة هذه الألحان
Quote:
كمان طالبة غنيوة لوردي
اول غرام
|
عالية انا حاأعتبر الأغنية دى بعد إذنك إهداء لى انا شخصيّاً لأنّها تعنى لى الكثير .. أوصّيك أن تستمعى لصوت وردى فى الجزء الذى يردد فيه (( وشعاع النجوم يبهر كالآآآآآآآآآآآلئ )) .. أغنية أوّل غرام ، أو ليالى اللقاء من كلمات الأستاذ وردى نفسه .
ليالى اللقاء
|
Post: #95
Title: Re: ماتطلبه المستمعات
Author: هشام مدنى
Date: 01-19-2005, 12:42 PM
Parent: #90
العزيز استاذنا لؤى
كل عام وانتم بالف خير
لك مطلق الحرية فى الاختيار ونحن نسمع اى حاجه وكل حاجه يعنى سميعه من زمان
الفن كل فن ما فيه اختيار خاصة الاستاذهاشم ميرغنى كل ما عنده مفيد وجميل
وفى انتظارك.
لك معزتى
|
Post: #97
Title: Re: ماتطلبه المستمعات
Author: Muna Khugali
Date: 01-20-2005, 04:07 PM
Parent: #96
Dear Luwi, thanks for the sone, wish you nice and happy eid.
Muna
|
Post: #98
Title: Re: ماتطلبه المستمعات
Author: لؤى
Date: 01-22-2005, 03:29 AM
Parent: #97
العزيزة منى
لا شكر بيننا عزيزتى ، وكل سنة وانتى طيبة ، وربّنا يحقق كل الأمنيات ، ويجعلها سنة أمان وسلام وسعاد وحُب وإستقرار .
|
Post: #103
Title: Re: ماتطلبه المستمعات
Author: هشام مدنى
Date: 01-22-2005, 11:10 AM
Parent: #96
يــــــا أستاذا العزيز لـــؤى
الف شــــــــــكرعلى الاســتجابة لــــكن صـــدقنى اخــتياراتى ذاتة
عــــــــــرفتها كــــيف؟؟
لك معزتى
|
Post: #99
Title: Re: ماتطلبه المستمعات
Author: ali elhassan
Date: 01-22-2005, 04:27 AM
الرائع دوما لوئ
كل سنة انت وكل الناس طبين
حا اطلب الطلب التانى منك ما امكن
واللهو غنية للشفيع واختارا انت
على زوقك اى حاجة للشفيع ......
ولك خالص التحايا
على الحسن
|
Post: #101
Title: Re: ماتطلبه المستمعات
Author: Sakotaweya
Date: 01-22-2005, 10:34 AM
الأخ العزيز لؤي
كل عام و إنت بخير
ممكن نطلب إغنيه " عيش معاي الحب " و " بإسم الحب أقدم ليك حياتي "
و تسلم
|
Post: #107
Title: Re: ماتطلبه المستمعات
Author: لؤى
Date: 01-23-2005, 06:11 AM
Parent: #101
Quote:
ممكن نطلب إغنيه " عيش معاي الحب " و " بإسم الحب أقدم ليك حياتي "
|
الأخت سارّة
سلامات
صيغة الجمع فى عبارتك أعلاه جعلتنى أعتقد أن الطلب نصفه منك ونصفه الآخر من بدر الدين ، ولذلك فسأقوم بتلبية طلب أحد الأغنيتين ظنّاً منّى أنّها أغنيتك ، وسأنتظر طلب الأخ بدر الدين ليأتينى عبر البريد وموثّق من وزارة الخارجية وعليه توقيع شاهدين
أقدّم ليك حياتى
|
Post: #112
Title: Re: ماتطلبه المستمعات
Author: لؤى
Date: 03-02-2005, 02:51 PM
Parent: #101
الأخت سكّوتاويّة
تحيّة طيبة
عُذراً لطول الغياب . وهذه عيش معاي الحُب ..
تحاياي للأخ بدر الدين
عيش معاي الحُب
|
Post: #106
Title: Re: ماتطلبه المستمعات
Author: ali elhassan
Date: 01-23-2005, 03:41 AM
الرائع لوئ
شكرا على المجهود المقدر
لقد تعودت على ان اراك هكذا دائما
ودمت
|
Post: #114
Title: Re: ماتطلبه المستمعات
Author: لؤى
Date: 03-03-2005, 01:17 AM
Parent: #106
الأخ علي الحسن
سلامات
الشكر لك انت عزيزي على مرورك المُقدّر ، وعلى طيب كلماتك ..
وُدّي وتقديري
|
Post: #108
Title: Re: ماتطلبه المستمعات
Author: Walid Safwat
Date: 02-08-2005, 11:00 AM
waiting and Waiting.. everybody got his request .. but not me... I wait and Wait wait for my two requests...
|
Post: #109
Title: Re: ماتطلبه المستمعات
Author: محمد حسن العمدة
Date: 02-08-2005, 06:44 PM
Parent: #108
لؤي صباح الخير بتوقيت هنا..
والله انا من المدافرة وشيل النفس ما قريت الطلبات كلها لكن اغنية قطار الشوق لو طلبوها ولو ما طلبوها انا بطلبة هنا ويا ريت ول بقت بصوت البلابل مرة وصوت حسين شندي في اخرى وحسين وترباس مع بعض
اها ما اكون كترت عليك ونجيك تاني بعد ما الزحمة تقل شوية
اها الاولى بهديها لمولانا تيتا وبقول ليها غيابك طال وحجا مبرورا
|
Post: #110
Title: Re: ماتطلبه المستمعات
Author: محمد حسن العمدة
Date: 02-19-2005, 03:04 AM
Parent: #109
شنو يعني يا لؤي كرعينا ديل ما وجعونا عديل كده
ولا الطلبات حسب العنوان بس ؟؟
يعني نطلع منها ؟؟؟ هسي انا عندي لسته في الانتظار بس منتظرك تنزل ديل الاول
كلوووووووو هين عساك بخير بس
ولو في شي مضايقك اتمنى الا تتردد في الاتصال
|
Post: #111
Title: Re: ماتطلبه المستمعات
Author: محمد حسن العمدة
Date: 03-02-2005, 01:07 PM
Parent: #110
حمد لله علي السلامة يا لؤي وبركة العودة
يلا يا حبيب كرعينا وجعونا من الوقوف جيب الروابط - الاكاديمية والاقليمية
|
Post: #113
Title: Re: ماتطلبه المستمعات
Author: إيمان أحمد
Date: 03-02-2005, 03:23 PM
Parent: #111
,Dear Luai
.Good to see u around
A long missed thank you for the song you uploaded for me here. I enjoyed it
Thank you
Iman
|
Post: #117
Title: Re: ماتطلبه المستمعات
Author: لؤى
Date: 03-03-2005, 09:03 AM
Parent: #113
إيمان
إزّيّك
وشكراً شديد على مرورك الأنيق أناقة تميّزك وخصوصيتك ، وسعيد لتمكّني من تلبية طلبك ..
وُدّي
|
Post: #116
Title: Re: ماتطلبه المستمعات
Author: لؤى
Date: 03-03-2005, 04:07 AM
Parent: #111
الأخ الكريم محمّد حسن العُمدة
سلامات
الله يسلّمك ياعزيزي ، وشكراً لسؤالك وإهتمامك ، ولإصرارك ودخولك مرّات عديدة دون يأس .. وإليك أهدي قطار الشوق بصوت البلابل ..
قطار الشوق
|
Post: #115
Title: Re: ماتطلبه المستمعات
Author: لؤى
Date: 03-03-2005, 02:30 AM
Parent: #108
وليد صفوت العزيز
سلامات
والله الليلة ضحكت ضحك ، تعرف إتذكّرت مسرحية عُش المجانين لمّا مظهر أبو النجا زوجته بتتّصل بيهو من قدّام السينما كل شوية وهي منتظرة يقفل العيادة ويمشي ليها ، وهو كل ماتتّصل يقول ليها : حفلة 6 خلصت؟ طب أحجزي حفلة 9 ، علي الطلاق جايلك .. وفي الآخر طلّقها
والله طلباتك دي تقول عامل ليها كجور انت ، حيرتني انا ذاتي .. عموماً جايلك .. علي الطلاق جايلك ..
|
Post: #118
Title: Re: ماتطلبه المستمعات
Author: Walid Safwat
Date: 03-03-2005, 03:36 PM
Parent: #115
طيب احجز حفلة 12 وعلي الط.. [كشة...ام العيال جات] .. علي الحرام مستني....
|
Post: #119
Title: Re: ماتطلبه المستمعات
Author: لؤى
Date: 03-04-2005, 12:17 PM
Parent: #118
ياوليد
حفلة 12 خلصت ؟؟
طيب أحجز حفلة 13
|
|