Post: #1
Title: من العطش النص اتوفى.. وباقي النص الفضّل جيفة
Author: Yasir Elsharif
Date: 01-07-2005, 02:54 AM
http://www.sudaneseonline.com/SudaneseMusic/11.shtml
أرجو من المتمكنين تنزيل الأغنية الممتازة في هذا البوست.. هدية إلى سيدنا نبي الله الخدر..
شعر حاتم حسن الدابي
غناء جعفر السقيد
مدِّر مدِّر يا رواسي نحن بعاد لحقنا القيفة
انت مدبج ونحن نقاسي برد ام شير والموج والزيفة
مركبك الماليها مطارق تمشي .. تقيف .. تسرح بي كيفا
مرة مغارب ومرة مشارق وانت تخاف الريح وحفيفا
سوّها زينة وفوقها بيارق وانت مدبج توب وقطيفة
فيها المات والضاربو الفالج والسالمين في حالة مخيفة
كل الناس ترزح في كفة وانت وناسك فوق الدفّة
الدايشين والراسهم لفّ والشاخصين في المدى للضفة
صوت أطبالك فوقهم ألفى جوه الموية وريقهم جفّ
من العطش النص اتوفى وباقي النص الفضّل جيفة
ضاقوا المر والحال أستعصى الشغال واللاحق الحصة
الواصال للرحم اتقصّ والهدّاي مو لاقي الفرصة
الرساي سافر ما وصى خل مُحمد وأحمد و حفصة
الأطفال العرفو القِصّة سدت جوّ حلوقهم غُصّة
من الجوع الدم اتمصّ واصبح كل الحلم رغيفة
كل الراكب شاف أحلامو دون احساس ماتت قدامو
فنّ كتابو وكسر أقلامو للوالدين لا جال مالامو
ناس الحلة القعدوا وقاموا أصرّ وألحّ يمشي كلامو
هزموهوا اخوانوا البيجوع ناموا وكم خريج مالاقي وظيفة
يالفكيتها وقلتّ لها سيري وعارف انو الدنيا دميرة
لا في ضفاف لا شفنا جزيرة لا في الحيرة ولا في الطيرة
كسرت جناحها وقلتّ لها طيري واتملكت الكانت ميري
يالسودت الناصع جيرة إيد الحق صابونة وليفة
قبلك كم متعلم وقاري عكس الريح فكّو لو الصاري
مشدوهين متعشي وحاري ريسها شلته والبحاري
كم سنوات علامّها الباري واقفة وهم شيايفنها جاريي
بقينا هلاك والقيف متضاري لا حجّار لا دوحة وريفة
حسِّك عينك ما تتمادى وتنسى الراكب عندو إرادة
الأهوال الشافها وخاضها كان في مدرسة ولا عيادة
شفنا الإيد الكان أجوادة يا مبتورة ويا شحادة
وياما رقاب كانت سدادة علّمت الله من التعريفة
يا ريسنا قدر مدّيرك فك الدّفة وأدّها غيرك
أحفظ نفسك ترضي ضميرك وقّف أوعى تواصل سيرك
كان طاوعتنا شن بيضيرك عرض أكتافك وفك البيرك
لاهنا شكرا وكتّر خيرك وكل انسان في الأرض خليفة
نحن بعاد لحقنا القيفة
|
Post: #2
Title: Re: من العطش النص اتوفى.. وباقي النص الفضّل جيفة
Author: Yasir Elsharif
Date: 01-07-2005, 02:56 AM
Parent: #1
هدية إلى الدكتور الصديق عمر محمود خالد..
|
Post: #4
Title: Re: من العطش النص اتوفى.. وباقي النص الفضّل جيفة
Author: khider
Date: 01-07-2005, 03:56 AM
Parent: #3
اغنيه جميله استاذ ياسر
شوكرن جزيل
|
Post: #5
Title: Re: من العطش النص اتوفى.. وباقي النص الفضّل جيفة
Author: shazaly gafar
Date: 01-07-2005, 10:29 PM
Parent: #1
اخى ياسر
المصيبة انها واقفة وهم شايفنها جارى
دائما الاعمال الجميلة(مسوكرة)فى بلادنا الحرة
كم انت رائع يا حاتم الشعر الهتون
تُشكر دكتور
شاذلى
|
|