من المنبر الحر 2005 ... اجمل تعليق ... اضحك

من المنبر الحر 2005 ... اجمل تعليق ... اضحك

يا اخوانى قبل ما ارد على اى شخص لقيت نفسى فى الارشيف .. اطلع كيف .؟ ... نجلاء المهدى

السنة دى انشاء الله كديسة .. الفاتت كانت كبيسة ... تماضر شيخ الدين

انا مرة فلقونى بى قطنة خيطوه لى 7 فلت ... ضرب الحبيب احلى من الزبيب ... عمر الفاروق شيخ الدين

سامح الله عمنا الجنرال سمبويا .. لخبط كيان رئيسنا ولم يستطع ان يفهم حاجة مما كان يدور .. شيرى

والله الليلة نفختنى جنس نفخ لامن ماشى فى الشارع فارى يدينى ... وليد محمد المبارك

اما عن حبيبتى الجعلتنى ابكى والله ما ليها حق فى كدة دة انا بحبها ... وليد 500

شنتير آآآخوى خلينا فى العنيزتين والغيلم ... انتا الحسادة العليك شنو ؟ .... لنا مهدى

بداااال عجلة مؤجرة من سوق الكلاكلة صنقعت ... فيصل عباس

وعندهم خرفان اجارك الله ... قويات وجرايات مشيت امسك خروفين منهن لى وللجيران .. رمونى فى الواطة ... الموصلى ..

ولو انت فى اى مدينة خليجية انا حأجيك انشاء الله لو فى السعودية زاتا ... دكتور معز

فضل 364 يوم وتنتهى السنة دى ... اشراقة مصطفى

تنجبرى فى كل عام .. ما تتكسرى ... صلاح ابو حجل

انتى تومة ؟ ... بيقولوا التيمان بينقلبوا كدايس ؟ ... عادل عبد العاطى

الساحر .. يا حليل زمن الخرطوم القديمة كنت خشب الله عبد الناشف اسع عملت ليك جضوم ... اساسى

تماضر .. ونحن مكتفين منك عائليا ولكن نحتاجك بورديا فأوعى تطولى الغيبة ( يا فقرية ) .. هشام يا زول

الدكتور فلان اخصائى اذن وانف وحنجرة وضنب .... سجيمان

النسوان يحلفن بالتقطع ضنباتن ... على الهلاوى

لنا ... السنة الجاية قادلة حافية بالطريق الشاقى الترام .... الجندرية

انا رأس السنة قضيتو فى نيو يورك ...................... طيب الذكر الملا عمر



وهات اجمل تعليق قريتو فى 2005 من المنبر الحر فقط
الله يجعلو عام سعادة وهناء يا اجمل الحلوين واحلى الشينين

والله انت افيق من حبوبتي

" حبوبتي بتجيب السكسك كتير .. وتقعد تنضمو واحدة واحدة"
اها انت سويت زيها
ربنا يديك العافية

ودي ماسبقك عليها زول
وكل سنة وانت طيب

الفاتح يا اخوي : والله ما قصرت معاي واديتني المركز التالت هيييييييييييييع
اها يا اخوي النسألك انت الحفلة البتغني فيها دي جابو ليك عش الفنانين ولا شبكوك ابشر ابشر ونوموك جيعان ..
التعاليق كتييييرة وانشاء الله بكرة نبدا نفتش ليك تعاليق

وليد
حبابك
الله يخلى ليك حبوبتك وقول ليها تسوى لى سبحة معاها

تسلم وجيب معاك التعليق بتاعك

عمر الفاروق
انت عارف الحفلة طلعت بدون عشاء الا شوية كوكتيل ...
قالوا الساندوتش المابعشى ...

عجبتنى هييييع دى
تسلم وهات التعاليق

الليلة فى جلسة طارئة فى اللستك ... محمد حامد جمعة

يا الفاتح <وبدون زعل>

كنت بتقول مع صوت الناااااااااااااااااااااااااااااي عرق رقبتك دا مشحوط كدي

الفاتح ازيّك
وكل سنة وانت طيّب

فى بوست السنجك (( صورة وتأثير يازول – ندى امين – زولة 123 مثالا )) الأخت بت الأحفاد كتبت التالى

Quote: السلام عليكم ورحمة الله وبركاته زى ما قال الكثيرين البوست ده جميل وطاعم وياراويه ممكن تختى الصور تانى انا ما لحقت أشوفها

وبعد داك استدركت وجات كتبت الآتى

Quote: السلام عليكم ورحمة الله وبركاته الأخت الحبيبه راويه بعد ما طلبت منك الطلب أنزال صورك --تزكرت أننى غلطانه وكان يجب أن أطلب أرسالهم فى الأيميل--للأنو لو أى أحد أفتتن بك وأنتى ماشاء الله عليكى جميله فى كل الأحوال فأنا سأخذ الذنب--وأنا ماناقصه والله انا بحاجه لمن يخفف عنى ذنوبى--وتزكرت الأيه الكريمه عن غض البصر قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30)

فكتبت الأخت زولة 123

Quote: راوية انا ما شفت الصور نزليها تاني وخلي ذنبك في رقبتي انا , مش كدة يا بوني؟

ردّت بت الأحفاد

Quote: زولتنا العسل 1234 سلامات ومشتاقين طب مادام انتى شياله القسيه ما تخلينى أنزل صورتى انا كمان وأنتى تتحملى الذنب أنا اصلا كايسه لى زول يشيل الذنب بدلى--والحمدلله لقيتك بالمناسبه بما أنك دكتوره وكده ماهى اكثر الاوقات الناس بشوفو فيها طشاش طشاش ده بتساعدنى كتير تحياتى

تعرفى أختى بت الأحفاد المنبر ده والبورداب ديل وضح لى إنّهم مابيشوفوا طشاش طشاش كلّو كلّو طالما القصّة فيها صور

الأظرف إنّه بت الأحفاد كتبت قبل دا

Quote: طبعا كثير من الناس كانو خاتين لى صوره عـكس صورتى ولما قابلتهم face 2 face قالو لى ما كونا قايلينك كده فى ناس قالو لى ما قايلينك بتضحكى وبتهظرى

نزار حسين
...
انت عارف بيكون دى صولة فى اغنية مريم الاخرى

العزيز لؤى
الغريبة انا برضو كنت مندهش زى الناس الكتاااار ديل
عشان بنت الاحفاد بتشوفا دوما جادة ... واول مرة اضحك من تعليق ليها
قول ليها انا ممكن اشيل الذنب بدلها برضو لكن على شرط اشوف الصورة منزلاها هنا

تسلم للتعليق الرهيب دة ... وبعتبروا تعليق فلتة من شخصية بنت الاحفاد

الفاتح 00
يابعيد المنافى هل وصلك رسولى ارسلت لك رساله اسال فيها اخبارك وصحتك وكم نفتقد ياجميل الدواخل والروح0000

عاش متكل ونبيل زيوه زى اى (زميل)** قابض على الاصرار** على يوم حياتى جميل00
زميل دى نخليها ليك (حبيب) عشان ماتزعل كل شى ولا زعلك يا الفاتح ياصاحبى00

معتز تروتسكى
الشوق الجابك موانئ الرحلة ... الريد كاتلنى ليك
يا مستف حب وغاوى بنفسج للناس التشبه صلوات الدهشة

غتست ليه يامعتز ?
قلت لى زميل تخليها شنو
اهديك البسمة بدل زعلى

أخي العزيز الفاتح
صحيح أن الموضوع قديم شوية بس أصلو أخوك مغرم بالبحث في الأشياء القديمة بدء من كوشة حلتنا أيام الجاهلية الأولى مروراً بكوش الخواجات. والأرشيف بالضرورة أكبر من أن نصفنه كوشة ، وإن كنت أحسب ان الكوشة هي وعاء يحوي مهملات وأشياء أخرى مفيدة كنا نتصيدها في زمان غابر كان فيه الخير كيمان كيمان فأصبح الخير خلف البيبان يا مان. أجدك أخي تستنكر حضوري لرأس السنة وذيل السنة الماضية في جادة ماديسون بنيويورك في معية كولن باول وآخرين رقصنا وضحكنا ضحك طفلين معاً حتى مطلع الفجر وأجد بين سطورك رغبة مبيتة منك أخي الفاتح بأن تودعني معسكر إكس ري لتريح العباد والبلاد من شري وتقبض المعلوم. لكين ده بعدك لأنني وقعت إتفاقية أشد من إتفاقية نيفاشا وأى شنكبه أو عنبكة من أمريكا حا أنفش ليك ريشها.