هل هذه حقيقةً آراء أهل السودان في أمدرمان؟؟؟؟

أحبتي
السلام عليكم،،
ما جعلني أشرككم معي في قراءة الاستطلاع أدناه ليس هو حب أمدرمان المتأصل فيا ولا هي عنصريتي الأمدرمانيه التي أحاربها حتى لا أوصف بالعنصرية التي أعتبرها من الصفات البغيضة، وأُشهدكم اليوم علي براءتي من هذه المدعوة العنصرية في جميع أشكالها.
ولكن هو عجبي من هذا الاستطلاع والآراء التي احتواها، ثم رغبتي في الإطلاع علي آراء أُخري بها منطق أحترمه.
فهل هذه حقيقةً آراء أهل السودان في أمدرمان؟؟؟؟
وهل لي أن أقرأ آراء أخري صادقة؟؟؟؟؟؟؟؟؟؟؟؟؟
لكم الود والمحبة وإن اختلفنا حول أمدرمان أو غيرها.

ملحوظة:
الاستطلاع منقول كما هو وبلغته.

تقدمة الاستطلاع
رضينا أم أبينا فأمدرمان مدينة مؤثرة في حياة السودان إن كان هذا التأثير إيجابياً – كما يزعم أهلها – أو سلباً – كما يقول أهل المدن الأخرى، الذين يرون في أدرمان أنها سلبتهم حقاً بتمديدها الإعلامي عبر الإذاعة التي كان من المفترض أن تمثلهم كلهم، أبناء احتكروها، وحتي أغاني الحقيبة والتمتم انتزعوها منهم.... فإلي اللقاء.

آراء من مختلف مدن السودان -كماقال الاستطلاع- قالت:

عبدا لحليم محمد إسماعيل – الأبيض
كنت متشوقاً لرؤية أمدرمان وهذا حسب ما تبثه الإذاعة عنها وكنت أتخيلها مدينة مخضرة ومبانيها كلها عمارات وشوارعها تغسل بالماء المعطر، ولكن عند حضوري لها كدت اصدم فقابلني قبح مبانيها وتراب شوارعها حتي ناسها لما خالطهم وجدتهم عاديين تماماً بل نحن في الأبيض نبذهم علماً وفناً ومدينتنا اعرق من مدينتهم وأتحداهم أن ينقلوا الإذاعة لمدة يوم واحد لمدينة الأبيض.

نادية عبد الله – عطبرة
والله أنا مشيت ليها مرة واحدة وما كنت متخيلاها بالصورة دي كلها طين وتراب، ما عارفه الناس عايشين فيها كيف غايتو أنا ما حا أمشي ليها تاني.

بشري فتح الرحمن – شندي
والله أمدرمان دي لو ما ناس الأقاليم ألجوها وسكنو فيها وبنوا عمارات جميلة ما بتقابل كل البيوت السمحة ألفيها من ناس الأقاليم الذين جابو الحقيبة والتمتم ومن قبلهم كان الناس أمدرمان بطنبرو بحلوقهم وما بعرفوا الغني ويمكن أعد ليك الفنانين ديل.
الحقيبة جابها مزارع من كبوشية أسمو ود الماحي بالإضافة لأحمد المصطفي وسيد خليفة من الدبيبة ووردي من صواردة وإسماعيل حسن من الشمالية شايقي عديل كدي والكاشف من مدني وكذالك ود الأمين وأبوعركي ومصطفي سيد أحمد من الحصاحيصا وكذلك عائشة الفلاتية وأم بلينة السنوسي وأبو داؤود وحسن خليفة العطبراوي وغيرهم عيك لو ما الاستعمار عمل الإذاعة في أمدرمان كانوا ما سمعوا بيهم وكل لاعبي الكورة من الأقاليم ولا واحد من أمدرمان.

عبير صديق – سنار
والله أمدرمان دي ما قاعدة تعجبني أولا شوارعها ضيقة ومليانه تراب، ومواصلاتها صعبة ولكن ناسها راقيين وطيبين.

أحمد الجالي أحمد – الخرطوم
أمدرمان وهم كبير، عرش في عقول الكثيرين فصاروا لا يرون العالم إلا بعيونهم فأين هي من مدن حقيقية سطع نجمها فتحولت إلي قبلة تزار وعلامات تضئ وفنارات يهتدي بها الضائعون، أين هي من أصيلة وقرطاج الخ، مدن صغيرة ولكنها حفرت نفسها في الذاكرة وتموقعت فيها.
النقطة الوحيدة المضيئة هي أنها مدينة الثورة المهدية وذاك زمان وهذا زمان آخر.
فقط ما أرجوه من أهلها ألا يكابروا ولا يغالوا في زهوهم وتعاليمهم.

عامر محمد أحمد – شندي
أمدرمان مدينة ليست مصنوعة كما قال د. عبد الله حمدنا الله بل قرية وجدت صدفة ليس لان الإمام أختارها عاصمة لدولته، بل مدينة أشتات هناك ذات تاريخ وحضارة لا يحلف أحد بها، القاهرة ودمشق مثلاً، شندي لها تاريخ منذ آلاف السنين ولعب أبناؤها دوراً لا ينكره أحد، ولكنهم تمترسوا خلف السودان.

الهادي هارون – كادقلي
والله أمدرمان ناسها مثلنا فيهم العالم والجاهل وكل الأصناف موجودة في المدن الاخري وظرفاء أمدرمان ناس عاديين تماماً مقارنة بظرفاء المدن الاخري، ولكن الذي عمل هذه الضجة المسماة أمدرمان هي الإذاعة، التي أتي بها المستعمر لامدرمان ولا أدري لماذا أختارها وهذا سؤال موجه لناس أمدرمان لان الإجابة عنه تفسر أشياء كثيرة بالنسبة لنا، هل أمدرمان مدينة كولنيالية كما يزعم البعض وهناك قول يقول أن أهل الخرطوم أخذوا المادية والعلم من الخرطوم وأهل أمدرمان أخذوا الروحانيات.

علي عبد الله – الفاشر
اسمح لي أن أقارن أمدرمان بمدينتي الفاشر السلطان علي دينار وكل سلاطين الفور الذي أقاموا دولة إسلامية في الفاشر وعم خبرهم مكة المكرمة والمدينة والأزهر الشريف ولو في منطق حقوا الإذاعة يودوها الفاشر أو سنار أو الأبيض أو كوستي وبهذه المناسبة أقترح أن تبث الإذاعة إرسالها كل شهر من مدينة، دي إذاعة أولاد أمدرمان بس، وحتي الذين عملوا بها من الأقاليم يقدمون برامج تمجد أمدرمان ودا المجنني وخلاني اغني.

عباس عبد الله كوستي
يا زول أنا أمدرمان مشيت ليها مرة واحدة وحالف طلاق ما أمشي ليها تاني وخليهم ناس أمدرمان اجو يشوفوا كوستي والله واحد فيهم افتح خشمو واقول ان في أمدرمان.... لا كوستي تختلف عن أمدرمان لأنها مدينة جد جد ما فيها حي باسم قبيلة ولا شارع لكن أمدرمان فيها أحياء وشوارع بأسماء قبائل، وطبعاً المدينة ما كدا.

عزمي إبراهيم – أم روابة
أمدرمان دي كذبة كبيرة كنت قايلها مدينة لكن لما شفتها قلبي دق وزعلت من ان الإذاعة قاعدة تغش فينا نحن ناس الأقاليم ذي ما نحن نسمع هنا لندن وتمشي لندن يا سلام يا لندن مدينة تستحق انو الإنجليز اقولو هنا لندن وعشان كدا بقترح نعمل لينا مدينة جديدة وننقل الإذاعة ليها وحتي ذلك الوقت نحول الإذاعة للخرطوم لأنها شوية كدا أجمل بالذات في زمن المتعافي الذي حاول ان يصنع من الفسيخ شربات وبطريقتو دي لو خلوه حيعمل الشربات وبالمناسبة هو ما من هنا من الدويم يعني إقليمي زيي كده.


استطلاع: محمد خير عبد الله

المصدر:
جريدة ونسه – الصحافة
العدد رقم (4161)
الجمعة الموافق 31/12/2004

ثم رغبتي في الإطلاع علي آراء أُخري بها منطق أحترمه.
فهل هذه حقيقةً آراء أهل السودان في أمدرمان؟؟؟؟
وهل لي أن أقرأ آراء أخري صادقة؟؟؟؟؟؟؟؟؟؟؟؟؟
لكم الود والمحبة وإن اختلفنا حول أمدرمان أو غيرها.

امدرمان كلها طين و تراب..!!
يعنى ياتو حتة فى السودان مافيها طين و تراب؟؟
التحية لامدرمان العاصمة الوطنية وبؤرة التاريخ و العراقة

الاخت الحبيبة / لنا

انا سعيد بمرورك ودوماً أحترم مداخلاتك وما تكتبين
شكراً كتير .... لك الود.

واُكرر معك السؤال:
((( يعنى ياتو حتة فى السودان مافيها طين و تراب؟؟)))

إسماعيل حميم

أمدرمان
هي الساس والرأس
الاذاعة
المسرح القومي
التلفزيون
الطابية
الكلية الحربية
وادي سيدنا
قصر الشباب
الهلال
المريخ
القبة
بيت الخليفة
دار اتحاد الفنانين
الازهري
عبدالله خليل
النميري
الصادق المهدي
و
و
و
الخ
أنا أمدرمان أنا السودان
أنا الدر البزين بلدي
أنا البرعاك أمان وسلام

يعني انت عايز تسمع ما تحب ان تسمع؟ قالوا رأيهم وهو صحيح من وجهتهم ,,,,
الناس البعملوا هالة لأمدرمان وامدرمان فقط عليهم ان يخففوا العيار حبة ,, من حق الامدرمانين ان يفخروا ويعتزوا بمدينتهم ,,, ولكن الا ترى ان الاعلام مكبرها شوية؟

هاهاهاهاهاهاها

والله كلام

هي الازاعة دي سوها سنة كم
قبل الازاعة ما ظهرت الحاجات دي
وظهرت في امرمان

1)الاغنية السودانية بداية بالحقيبة
1) كرومة 2)وسرور الحديثة 1) ابراهيم عوض
فحول الشعر
1) ابوصلاح 2) عتيق
الكورة
1) هلال 2)مريخ 3) موردة

وده كلو قبل الازاعة
السبب في ان يكون مكان الازاعة امدرمان
هو ان حركة الثقافة السودانية في تلك الفترة كان مركزها امدرمان

اما الطين والتراب والبيوت الشينة
هذا اكبر دليل على انو امدرمان ما مدينة اساسها المظهر والشكل الجميل
اساسها هو الانسان المبدع الذي جعل كل من يرسم صورة لامدرمان يرسمها وكانها منهاتن

والاهم من هذا كله
هي مدينة الكل
لا فيبلة او فيئة او جهة تدعي ان امدرمان لها
هي السودان المصغر


انا امدرمان ... انا السودان

رضوا ام ابو امدرمان هي امدرمان استطلعو الناس ولا ما استطلعوهم عااااااااااجبااااااانا ..
الاستطلاع مثل اراء افراد ولا يعقل ان يتفق كلللل الاشخاص اللذين قدمهم الاستطلاع علي انها مدينة وهمية (يعني مفروض علي الاقل يكون في زول ساااي شكرا وقال كلام كويس عنها) لكن يبدو ان الاستطلاع ركز علي اراء معينة لغرض معيين ..
كل الناس اعتبرت انو الازاعة هي اساس امدرمان ..ياخ شيلو الازاعة وشيلو التلفزيون وامدرمان ياها امدرمان ..
امدرمان قبل كلللللللللل حاجة طيبة ومحبة وسلام وناس حناااااااااااان ..
امدرمان الكورة والفن ...
امدرمان الازهري والمحجوب وال المهدي ونميري ..
امدرمان الطابية والريفيرا وجورج مشرقي ...
امدرمان المدينة الوحيدة التي يتفاخر بها اهلها بي طينا وغبارا وده الغايظ الناس...
لا اعتقد ان احد وصف امردمان بانها مدينة زات بنايات عالية وتاكد لو انها كانت كذلك لما تحدثنا عنها ..
نتحدث عنها لانها نموزج للسوداني البسييييط والسوداني المسكون بالثقافة ..
لا اريد ان اناقش كل عبارة قالها المستطلعون لانها كلللها عبارات خاطئة مئة بالمئة ..
ويكفي ان احد المستطلعين قال ان الحقيبة اتي بها سيد خليفة واحمد المصطفي (ياربي يكون قاصد حقيبة دبلوماسية )؟؟؟
اعجبني في الاستطلاع ان كل الاخوة المستطلعين قالوا تاني ما بيجوها والله ديل ريحونا عديييييييل كده والله يكتر من امثالهم ...لكن صدقوني العايز يطلع جواز والجاي يقلع ضرس والعايز يمشي العمرة حايفتش لي اهلو الفي امدرمان تحديدا عشان يجي ينزل معاهم دون باقي اهلو ...
امدرمان لا تحتاج لاستطلاع فالجواب معروووووووووووووف
امدر يا ربوع سودانا ...
بس

امدرمان
هي الساس...وهي الراس.....وهي المقاس.. البيقسو عليهو كل باقي البلود....

امدرمان ديوان الاُمة......عراقي وعِمة....وسماحة لمه في ساحاتا

امدرمان حلاتا... وحلاة بنياتا..... في حفلة عرس تشوفن تقول فتحت علبه شوكلاتا

امدرمان اليجيها كلو تقول حبابو......ما قالت دا مكجانهو ولا دا ما برضابو.. ناسا

مافيهم زول في وشي الضيف قفل بابو...

تحيات طيبات
من علايل ابوروف
وسوق الشجرة
وود البنا
ودأرو
القلعة
مكي
الشهداء
فريق السوق
المحطة الوسطى
التمازج القبلي الذي حدث في أمدرمان جعل منها مدينة كل السودان فالإنتماء لأمدرمان لا ينبع من قبلية متعصبة ولا من جهوية ضيقة ، الإنتماء لأمدرمان هو انتماء حقيقي للسودان فهي في اعتقادي الشخصي البسيط اول ذرة في خلية السودان الجديد واذا اردنا حقاً ان نحتفي بها فلنجعلها نموذجاً حضارياً تأخذ منه الأبيض ومدني والقضارف وعطبرة وحلفا وجوبا ونمولي

انا ام درمان ..
الشاعر .. عبد الله محمد زين

أنا أم درمان
أنا السودان
أنا الدر البزين بلدي
أنا البرعاك سلام وأمان
أنا البفداك يا بلدي
أنا أم درمان لسان حالك أريتك تدري بحالي
أنا القدرت أحوالك وحبك بدري أحوالي
أقوم بأعظم الأدوار .. وأكون الساحة للثوار
وأبقى البقعة للأحرار .. وأمثل عزة السودان
أنا أم درمان سليلة السيل قسمت الليل وبنت صباح
أنا الولدوني بالتهليل ... وهلت فوقي غابة رماح
أنا الطابية المقابلة النيل
أنا العافية التشد الحيل
وأنا القبة التضوي الليل
وتهدي الناس سلام وأمان
أنا أم درمان نظمت الدين وكنت هداية للإسلام
وروحوا حولي ناس صادقين
بناهم في حياتي غرام
وقالوا المبدأ والفكرة
وخلدوا أعظم الذكرى
ودخلوا المدرسة الكبرى
ونالوا شهادة الإيمان
أنا أم درمان سقاني النيل رقيق العزة من كاسو
أنا اللي مجدوا كنت دليل وآية الوحدة لناسو
أنا الفي الشاطيء الغربي
بخوض نار حربي
وأنا النيل طلب قربي
ومزج بكافة الألوان أنا أم درمان
أنا الواحة ري البسقي العطشان
هدومي تضوي لواحة وتهدي الساري والضهبان
مرقو وشدو فوقي الناس
ونادوا بقية الاجناس
وللتعبير بقيت مقياس
وللتقدير بقيت ميزان
أنا أم درمان دا ميلادي وميلاد البشيل أسمي
أنا القدمت أولادي شرافه وسيف على وسمي
وكنت القوة والحولة دست وفزت بالجولة
كنت الراية والدولة وفي التاريخ بقيت عنوان
أنا أم درمان معبد الميس اصيلة وشوني رجال
لكن القدرة والتقديس أرادني شايق الاجال
تقلبت فوق ربوع داري .. ونفس انفاس أقداري
أريتم يعرفوا مسداري ويجلوا زماني للفرسان ...

يا خال وين السمعات

طريت أم در وطريت ناسا ... آآآآآآآآه

كفاية انها ام در امان

حليل امدرمان وحليل اهلا الحنان

ام درمان عبدالله ود الزين وهو يلهج:
حبيبي جميل
جمال فتان
جمال تظهر سماتو الحلوة ميزات جوهر الانسان
جمال زى بقعة ام درمان
جمال فى طابعو سوداني
جمال فى شكلو انسانى
جمال ما فيهو دور تالت ولا تانى
جمال فى بيت من الجالوص
وفوق للشعبة رابط سعف منسوج من حبال و بروش
ووسط الحوش
تنوم العزة تتوسد لحاف بالعاديات مفروش
حبيبي جميل
جمال فتان
جمال رايع
جمال فى قبة او جامع
جمال فى طابية بتدافع
جمال فى طاقة بتقبل على الشارع
وقفة بتقفل الطاقة
وزحام فى شارع الصاغة
وضيف فى خلوة او دهليز
وزول نايم تحت لالوبة او جميز
جمال ما بحسو غير زولن لعب شدَت ووسط الميس
حبيبي جميل
جمال بطران
جمال شبعان
جمال زى بقعة امدرمان
وامدرمان
بيشوفا الرامد المرضان:
بلد بيموت
وعز بيفوت
وواحدة عجوزة راجية الموت
وامدرمان
بعين الشاعر الانسان
وعين البعرف امدرمان:
سلام وامان
تخش بحمار
تسوي حصان
تنوم بردان
تقوم دفيان
واسمعو كيف بقول عبدالله ود الزين
وليد الاوليا الصالحين
وليد الشهدا و الشاهدين
واسمعو كيف بقول فى ام در
وليد البر
انا امدرمان سليلة السيل
ولد ولدونى بالتهليل
انا امدرمان..

Quote: انا ام درمان .. الشاعر .. عبد الله محمد زين أنا أم درمان أنا السودان أنا الدر البزين بلدي أنا البرعاك سلام وأمان أنا البفداك يا بلدي أنا أم درمان لسان حالك أريتك تدري بحالي أنا القدرت أحوالك وحبك بدري أحوالي أقوم بأعظم الأدوار .. وأكون الساحة للثوار وأبقى البقعة للأحرار .. وأمثل عزة السودان أنا أم درمان سليلة السيل قسمت الليل وبنت صباح أنا الولدوني بالتهليل ... وهلت فوقي غابة رماح أنا الطابية المقابلة النيل أنا العافية التشد الحيل وأنا القبة التضوي الليل وتهدي الناس سلام وأمان أنا أم درمان نظمت الدين وكنت هداية للإسلام وروحوا حولي ناس صادقين بناهم في حياتي غرام وقالوا المبدأ والفكرة وخلدوا أعظم الذكرى ودخلوا المدرسة الكبرى ونالوا شهادة الإيمان أنا أم درمان سقاني النيل رقيق العزة من كاسو أنا اللي مجدوا كنت دليل وآية الوحدة لناسو أنا الفي الشاطيء الغربي بخوض نار حربي وأنا النيل طلب قربي ومزج بكافة الألوان أنا أم درمان أنا الواحة ري البسقي العطشان هدومي تضوي لواحة وتهدي الساري والضهبان مرقو وشدو فوقي الناس ونادوا بقية الاجناس وللتعبير بقيت مقياس وللتقدير بقيت ميزان أنا أم درمان دا ميلادي وميلاد البشيل أسمي أنا القدمت أولادي شرافه وسيف على وسمي وكنت القوة والحولة دست وفزت بالجولة كنت الراية والدولة وفي التاريخ بقيت عنوان أنا أم درمان معبد الميس اصيلة وشوني رجال لكن القدرة والتقديس أرادني شايق الاجال تقلبت فوق ربوع داري .. ونفس انفاس أقداري أريتم يعرفوا مسداري ويجلوا زماني للفرسان ...

يسلم لي خاااااااااااااال فاطنة ليهم بلالي البدرج العااااااااااطلة ...

ردود سريعة


إخوتي الاحباب

Ridaa ، وليد المبارك ، newbie ، عمر الفاروق ، د. سجيمان
خال فاطنة (فاطمة) ، سارة حمزه ، لنا مهدي.

لكم جميعاً تحية أمدرمانية معطرة
بغبار امبدة
ونسيم النيل الحبيب
ودمة ود نوباوي
وهبوب المرخيات
وجروف أبوسِعد
و و و و و و و و و و و و

ولكم أيضاً جل الاحترامي ... دمتم وانتم تقولون الحق.

خاصة:
الاخ newbie
يكفيني إعترفك بأمدرمان
شكراً لك ثاينةً

وعن أمدرمان ٍ ساعود


إسماعيل حميم

نعـــــــم

أهو أنا جيت

شكرا ليكم على كلماتكم الجميله فى حقى

وبجيكم راجعه بعد شويه

انت زاتك امدر :
اااااااااااااااااااي بركة الجيت بركة الجيت ...
اااااااااااااااااااي سمح انت وبسكويت ....
مرحب حباب امدر وناس امدر وانا زااااااااااااااااااااااااتي امدر

أنا زاتي ام در

شكراً علي المرور نتمني رجوعك!!

ولكن إذا كنت انت زاتك ام در
فأنا أم در ذاتها!!!!!

لك محبتي

إسماعيل حميم

الاخ اسماعيل
كل عام وانت بخير حقق الله امانيك وامانى كوكبة الاستطلاع

Quote: وشوارعها تغسل بالماء المعطر ، حتي ناسها لما خالطهم وجدتهم عاديين تماماً عبدا لحليم محمد إسماعيل – الأبيض --نادية عبد الله – عطبرة والله أنا مشيت ليها مرة واحدة وما كنت متخيلاها بالصورة عبير صديق – سنارولكن ناسها راقيين وطيبين. أحمد الجالي أحمد – الخرطوم النقطة الوحيدة المضيئة هي أنها مدينة الثورة المهدية وذاك زمان وهذا زمان آخر عامر محمد أحمد – شندي أمدرمان مدينة ليست مصنوعة كما قال د. عبد الله حمدنا الله بل قرية الهادي هارون – كادقلي والله أمدرمان ناسها مثلنا فيهم العالم والجاهل وكل الأصناف موجودة في المدن الاخري علي عبد الله – الفاشر وحتي الذين عملوا بها من الأقاليم يقدمون برامج تمجد أمدرمان ودا المجنني وخلاني اغني .عباس عبد الله كوستي لا كوستي تختلف عن أمدرمان لأنها مدينة جد جد ما فيها حي باسم قبيلة ولا شارع لكن أمدرمان فيها أحياء وشوارع بأسماء قبائل، وطبعاً المدينة ما كدا عزمي إبراهيم – أم روابة أمدرمان دي كذبة كبيرة كنت قايلها مدينة لكن لما شفتها قلبي دق وزعلت من ان الإذاعة قاعدة تغش فينا نحن ناس الأقاليم

امدرمان لا تتحدث عن نفسها بل تحدث عنها كتاب الاستطلاع ؟؟؟؟
وامدرمان هى التى تصدت الى جيوش التركيةالسابقة والاستعمار مثلها كبعض المدن الاخرى ولكن كان لها نصيب الاسد بحكم مركزها الوطنى مما جعل كل احياءها تحمل اسماء قواد جيوش الثورة المهدية (الفتيحاب- ودالدر- ابروف - ودنباوى -ودالبصير- العمده-ابوكدوك-حى الامراء-كررى-حلةخالد- - واخريات )
حديثا احياء حملت اسماء (المهدية - امبده -وواخريات)
وكما ذكر المتداخلون ان امدرمان ناسها عاديين فهذا هو سر امدرمان
وامدرمان التى استقبلت كل ابناء السودان وحافت على تقافتهم ومورثاتهم وكان الاجمل ان نجد بين احياءها (سوق امدفسو- وانقولا- ودار السلام-نيفاشا- وووو)
فهنيئا لامدرمان ان تكون العاصمةالوطنية على مر العصور .
نحياتى

القاسم الم\

امدرمان دي اكبر كذبة اخترعتوها وصدقتوها

امدرمان كمدينة من اسوأ مدن السودان و(اوسخها)منظرا وابشعها حلة ..
والله لو كنتم صادقين وحاكمتوها كمدينة لخرجتم وانتم تنوحون عليها
حاكموها مباني ومنشأت حاكموها ازقة وشوارع .. حاكموها تصريف وابنية
حاكموها مظهرا ..

كل هذا امدرمان صـــــــــــــــــفرا كبيرا
والله لو قورنت بمدينة رشاد في جبال النوبة وقد رايتهما الاثنتان لضاهت
رشاد في خضرتها وجمال بيئتها وحسن مظهرها اي من المدن الالمانية العريقة

غشاوة حب امدرمان فيكم يجعل في اعينكم غشاوة رءيتها كمدينة (مبهدلة)
زحامها خانق سؤ تنظيمها وارتباك حركتها وبؤس مظهرها ..

امدرمان مثلت في وقت من الاوقات محطة وسطي السودان التقى فيها اهل السودان
(بثقافاتهم ) التي جلبوها معهم وكانت ام درمان هي المسرح الذي قدمت عليه وكان هذا المسرح في زمن غير الان..

طبعا لا اتوقع منكم ان تصدقوني ابدا في الرؤية ام درمان هي التي تربيتم فيها وهي كامكم فمن ذا الذي يتحدث عن امه بسؤ ولو كانت امه ابشع مخلوقات الله ...

لذا نحن نتحدث عن وجهة نظرنا في ام درمان كمدينة

الله يخلي لينا بري

Quote: والله لو كنتم صادقين وحاكمتوها كمدينة لخرجتم وانتم تنوحون عليها حاكموها مباني ومنشأت حاكموها ازقة وشوارع .. حاكموها تصريف وابنية حاكموها مظهرا

بالمناسبة يا اساسي
اخر دراسة تم اعدادها منذ بضعة شهور طبقت فيها مواصفات المدن على كل السودان وجدت ان المنطقة الوحيدة التى يمكن اطلاق اسم مدينة عليها بالمواصفات العلمية هى دائرة قطرها 4 كيلومترا حول مقابر المسيحيين فى الخرطوم،يعنى برى ما معانا

لالا انا ما بتكلم عن بري انا قصدي معرض الخرطوم الدولي

بيتنا في الصالة الشمالية

أم درمان:
أنا لسان حالك أريتك تدري بحالي....
قبة المهدي.... الطابية... حوش الخليفة.... السوق... إلخ...

لقد أصبح التوجه صوب التاريخ والتعامل معه كمعطي ثقافي، أو مورد من أهم موارد التشكيل الثقافي، من الأهمية بمكان.

لأنه يعتمد إلى حدَّ بعيد على ضرورات الخصوصية الثقافية.
وعلى الأخص في عصرنا الحالي عصر (SUDANESEONLINE.COM) أو عصر العولمة ومحاولات طمس الهوية وتذويب الخصوصيات.
هي ثقافة أفروعربية وتاريخ باسم القسط والهيمنة والتطبيع ولم تكن نهاية تاريخ بل نزوع إلى العالمية الإنسانية.
أم درمان:
هي مرفأ وبرقاً يضوي ويروى غلة الضهبان:
أم درمان حضارة أمة وتاريخ تليد.... وهامة رجال لم ينحنو للعواصف.... برغم صعوبة التيار.. وضرواة المشوار...
أم درمان هي ذاكرة الأمة ومخزون تراثها الثقافي الذي لا ينضب.
ومناخ عمليات التفكير السوي وتحديد الوجهة..
هي مرقد الأمام.....
حامل قسمات شخصيتها الحضارية... من كل فيافي الوطن...
وهي من أهم عوامل الإرتكاز الثقافي.... بإذاعتها... ومكتباتها... وأنديتها... وإستاداتها... وخلاويها... ومؤسساتها الأكاديمية.....
وهي مفتاح لكل مجتهد يرغب بالنهوض أو إصلاح أو تغيير.
هي في صفحاتها تقرأ الأمم والشعوب.. وعالميتها المتألقة...
وتكتشف دليل التعامل الهين مع أهلها وسط الدروب....
من خلال إستقرائك تعرف السنن الفاعلة في الحياة.. والقوانين.. التي تحكم الفعل التاريخي..
وتحقق العبرة التي تختزل لنا التجربة...
وتطوي مسافة الزمان والمكان..
هنا أمدرمان...
تمد أعمارنا إلى الماضي البعيد...
وتوجه أبصارنا إلى أفق المستقبل وعالم الغد المديد....
وتمنحنا الحكمة في معاني التعايش..... ومعنى منتجين...
وتزكي عقولنا... بقيم السلام.... والمحبة..
وتنمي معارفنا... في تسامح ديني ما بين كنائسها.. ومساجدها... وطرقها الدينية...
وتمنحنا القدرة على الموازنة والمقارنة والفهم والتحليل والتعليل..
وتحرضنا على التفكير في أسباب السقوط والنهوض....
لذلك أعتبر أم درمان هي مدينة الأديان..
وهي مصدراً للمعرفة من خلاله.....
فسيروا في الأرض لإستيعابها....
وأستنكروا الركود والإستنقاع وعدم الإكتشاف الحضاري...
وحسبنا أن نقول:
بأن الكثير من الموحى به، من أنباء الغيب، وكان تاريخاً..

أم درمان:

عاصمة الدولة المهدية... وقبلها لم تكن أم درمان...
أم درمان قبة المهدي.....
أم درمان حوش الخليفة...
أم درمان صمود الطابية...
أم درمان القدلة.... العارضة...
أم درمان الأمراء...
أم درمان العباسية....
أم درمان الموردة....
أم درمان بكل جوارحها
أم درمان التجاني حاج موسى... المك..
أم درمان لوحة مصغرة من السودان...
ومع ذلك فالفرد اليوم يكاد يعيش خارج التاريخ وخارج الحاضر....
الأمر الذي سوف يؤدي إلى إخراجه من المستقبل أيضاً..
ولأن تاريخنا يُنتقى منه ويُقرأ ويُفسر لنا بأبجديات تصب في تحقيق أهداف أصحابها.... يعني أن حاضرنا يصنع من غيرنا.. ومستقبلنا ـ إذاً كانت هذه هي مقدماته فالله أعلم به... لذلك فالمؤسسات التربوية والثقافية والإعلامية في منافسة مع حكاوي الحبوبات ومدعوة جميعاً إلى إدراك أهمية أم درمان التاريخية وموقعها من تشكيل عقل الأمة الثقافي... والوعي الإجتماعي...
أم درمان هي عقلنا الجمعي....
والتفكير بكيفية تصويب الحال... وكيفية إحياء هذا الفرض الكفائي أو هذا الفرض الحضاري، بعيداً عن الضجيج والصخب المصاحب وخطب الحماس، وضرب الطبول وإرتفاع الأصوات، وسماكة الحناجر والإثارة التي لا تؤدي إلا إلى الإحباط والحسرة... وسوء المنقلب....

فقد يكون من المناسب أن تُعطى فكرة عن مدلولات مراجع التاريخ التي كتبت عن أم درمان:
من باب المنظور الحضاري في التدوين التاريخي عند أهل أم درمان، حتى وقتنا الحالي كي نتجنب ما يمكن أن نقع فيه من الإلتباس خلال معالجتنا لموضوع الحدث.

أم درمان:
رجال صنعت هامة أمة..... ومجدٌ تليد إلى أن يرث الله هذه الفانية ومن عليها
تغني لها وبها.. عشاقها ومحبوها ..
أم درمان تزدان بلون الدماء القانية....
ورجال كتبت بدمائها سمو هامتها....

للتوثيق... أم درمان... مدينة... مصنوعة.. موهوبة... موهومة...
المهم .. هي أم درمان..... وهنا أم درمان....
وستبقى أم درمان....
طال أو قصر الزمان....
أم درمان.. هنا أم درمان...




---------------------
عبدالرازق عيسى الطالب

أنا مع رأي الدكتور عبد الله حمدناالله

ورأي الدكتور محمد الواثق الذي قال فيها:

لو زانها أدبُ أو لونُها الذهبُ

ما نفع منظرها لو جسمها خشبُ

يا اساسي ياخ انت زول حلو وكتاباتك حلوة مالك ياخ عايز تزعلني منك !!!
كل المتداخلين يا اساسي ما جابو سيرة امدرمان ولا جابو سيرة نضافتا ولا جابو سيرة خضرتا نحن بنتكلم عن امدرمان التاريخ وامدرمان الحضارة وعن ناس امدرمان ..
السودان كلللللللللو مافيهو مدينة وحتي ال4 كيلو دي زااااااااااتا انا اشك فيها ...
بي المناسبة يا اساسي يا اخوي عاجباااااااااااااااااااااانة
وعليييك الله انا عشان بحب كتاباتك امشي اي حتة تانية او اتلكم في اي موضوع هلال مريخ ولا فلسطين ولا ايييي شي انشاء الله ولا شي بس انسي الموضوع ده

عشان خاطرك يا عمر الفاروق مع اني كنت داير افرمل ليكم هنا واوحل عديل

بس انت زول راقي وانا بحترمك لكن كلامي الفوق ما بمسحو

الله يخلي ليكم ام درمان الغريبة اصحابي في السودان كلهم من ام درمان دي

ويومي كله حالج هناك والاجواء برضو كلها هناك لكن نعمل شنو

في ركوب الركشات غايتو عشان خاطركم نشكر الراكوبة في الخريف

Quote: ويومي كله حالج هناك والاجواء برضو كلها هناك

كلامك عن امدرمان ده كلام زول اجواءو معكككككرة شديد الظاهر الايام دي مستخدمين معاك اسلوب (القطع الجاف ) علي وزن (القطع الناقص وكده )
اديني العنوان وانا بلطف ليك الاجواء وصدقني حا تقول عن امدرمان الدرر تاني والله لو قالوا ليك امشي بي حمار عدييييييل كده تقول ياخ امدرمان بلد سياحي وفيها الحنطور ..
مشكور علي الاستجابة والفات ما تمسحو عشان نكف بيهو العين ..
يا قلبي خلي ال(جوجوة )..وكل البنات قلبن قوة ..يبهدلوك ويجهجهوك ويفرتقوك عكس الهوا..
مدد يا مجموعة اجواء مدد

كل الود ...

تعلم أن النظرة العلمية للمدنية ، قد تحكم الآن على مدينة امدرمان العريقة .. بانها لا تطابق موصفات المدينة 100% .... ولكن اذا رجعنا 20 سنة سوف تجد ان مواصفات المدينة كانت تنطبق عليها بشكل جيد جداً ... ويبقى السؤال ..
لماذا هذا التدهور؟؟؟؟

الاجابة :
بسيطة
لان مدينة امدرمان يا سيدي .. استطاعت ان تاوي ابناء السودان والفارين من ويلات الحرب .. والمجاعة .. التصحر ... الباحثين عن لقمة العيش الكريمة ... وهنالك من ضاقت به منطقته البسيطه فجاء يبحث عن الوظيفة المناسبة التي وفرتها مدينة امدرمان كالعمل الازاعي والاحتراف الكروي و وووووووووو الخ .
هذا كله كي تؤكد انها مدينة ذات طابع قومي .... وهي موجودة في اللاوعي لكل سوداني اصيل .. كما انها مدينة تعتبر ارث تاريخي لابناء السودان ...
لذا من حقنا جميعا ان نفتخر بها ..وان نجعل منها انموذج يحتزى لكل المدن السودانية

وشكرا

أخي بلدي يا حبوب
طيب الله أيامك وجعلها كلها أعياد
وكل الأماني لك وللجميع بدوام العافي والخير
والعود الأحمد لربوع أمدر...أمدر السودان
((فهنيئا لامدرمان ان تكون العاصمةالوطنية على مر العصور))

أخي أساسي
لك الود والمحبة وانت تقول رأيك صراحةً ونحن نقبله
ولكن أعيد لك قول الشاعر:
تري الشوك في الورود وتعمي أن تري فوقها الندي إكليلا
كل منا به الجمال والقبح ولكن مع إختلاف النِسب فإن طغي الجمال
فأنت بلا شك جميل!!!
لك ودي مرة آخري

أخي عبد الرازق

شكراً لك
علي أهازيج الحب الصادق الذي ترجمته لنا
في هذه الكلمات الأنيقه شياءً من حقها علينا وعلي
الوطن الحبيب

أخي خالد أحمد عمر
أتفق معك علي منطق القول
ولكن!!!!!
أختلف معك في أصل المحبوبة
فهي ليست (سماحة جمل الطين)
بل هو نقئ معدنها (عيار 24)
مودتي لك

الرائعون
بنت مهدي
عمر الفاروق
وليد محمد المبارك
لا تعليق..... فأنتم سندي لدحر الظلم!!!!

أمدرمان
هي .. وبكل بساطة أراها
مزيج لكل قبائل أهل السودان وثقافاتة المتنوعة
في بقعة من بقاعه الواسعة حباها الله بحياة فيها
والسلم والعلم والمعرفة فأنتجت ثقافة ذات طابع مميز
فأخذت من القري السماحة والتكافل والبيت الواحد
(تبادل الكسري والملاح والضيافة) والخ..........
ومن المدينة العلم والمعرفة ومواكبة التكنولوجيا في
جميع أشكالها وتطورتها

فكانت الثقافة ذات الطابع المميز عن الخرطوم
والخرطوم بحري.

لكم جميعاً مودتي

إسماعيل حميم

اخونا سمعة :
لا شكر علي واجب ودي احد مسؤلياتنا وبعض الجميل المفروض نردو لي مدينة بحجم بلدكااامل
امدرمان دي والله والله والله شي تااااااااااااااااااني حاجة كده براها فيها اولاد الموردة وزمااان لمن كانو بيغنوا قالو ناس بحري بيسمعو الحفلة في شمبات ( لا مكرفون لا ساون)
فيها سيد عبد العزيز ..وياسلااااااااااام عليهو وهو قاعد منتظر جمب كلية البنات(جمب سجن امدرمان ) وهو منتظر محبوبتو (يقال انها احدي بنات ال المهدي وتقدم للزواج منها فرفض الاهل)وكيف وصفها وهي طالعة من المدرسة بتطلع اول واحدة قبل البنات وهم بيكونو ماشين وراها دفعات دفعات وهي قاطعة ميدان حوش الخليفة فيصورها :
يا قائد الاسطول تخضع لك الفرسان ..
يازو الفخار والطول ارحم بني الانسان ..
مين لي سماك يطول ما بطولك اللمسان ..
معناك شرحو يطول والله يا انسان ..
اصدق كفاك مطوول يا زو الحسن وحسان ..
انا عقلي بيك مشغول والناس عقول ولسان ..
ونقوووم كدي نعرج لحددي حي العرب وسوق امدرمان محل ناس عبد الرحمن الريح ويقال انو معاهو كان في تاني شاعرين (اتوقع عتيق احده) وكانو مشهورين انو لو عينم وقعت في بت معناها خلاص بكرة قصيدتا بتكون جاااااهزة ..وهم ماشين التلاتة في صف في بت ماشة في الشارع فجأة لمحتم وخافت يشوفوها واقرب دكان (طاحونة ) غطت وشها ودخلت ..
فيقال عبد الرحمن قال :
حاول يخفي نفسو ..
فقال الذي يليه :
وهل يخفا القمر في سماهو ..
وقال الثالث :
ابدا وطبعا لا شفناهو شفناهو
واكملت القصيدة بعد ذلك ..
حاول يخفي نفسو غيير اتجاهو ..
سطع النور في افقو كل انسان راهو ..
ابدا وطبعا لا شفناهو شفناهو ..
اها يا ناس دي امدرمان ومعلييييش الليلة عملت ليكم فيها صدر المحافل وعوض بابكر بس عشان اقول القصة ما قصة اذاعة بس ...
القصة قصة انها امدرمان وبس ...

ناس ام در حبابكم

انا ما منكم وام در دي بمشيها رحل وبشد ليها الرحال عديل كده

المهم

امدرمان مدينه تسير التساؤل في النفس فهي اكثر من رائعه ما عشان عمارتها الطاقه السماء، وما عشان الحضاره المركزه ولا عشان شوراعها الكلها زلط و خلوها من التراب والطين

لكن عشان اهلها وطيبه نفسهم وسماء روحهم هم اهل ام در وده كل البقدر اقولو

وتب ما في زيهم



لك كلكم التحيه وابقوا علي ام درنا عشره

ويا امم در يا قلب السودان لك كل الشوق والحب

لى قدام

الاخت benyya

لك تحية المودة الخالصة

أكيد لي قدام .. طالما هناك من يقول الحق مثلك

واقول ثانياً أمدرمان ليست لنا وحدنا إنما لكل

اهل السودان فكل منهم له فيها فرع من أصله أيَن

كان ، جنوب / شمال / شرق / غرب.

فأنتِ منها كما نحن!!!!

و ثانياً لك مودتي


إسماعيل حميم

الاخ اسماعيل



منذ ان وطات قدمي ود نوباي وهو اول حي شعبي تطاه قدمي بعد المهندسين التي اعتبرها ليست من احياء ام در العريقه و بالتالي لن تحس انك في قلب وطنا

المهم

منذ ذاك اليوم ادركت ادراكاً لا شك فيه ان ام در لنا كلنا اهل الجنوب، الشمال، الغرب والشرق
فهي زي ما قلت القلب النابض ..

ادركت ذاك بحفواه اهليها الهم انتم وكرمهم و روحهم الطيبه وبساطتهم المدهشه

لكم التحيه اهل ام در وانتم تحافظون علي اسم تلك المدينه العرقيه وعلي سيماها



سلامي لك



لى قدام

اسفه للخطاء

العرقيه قصدي العريقه



لى قدام

الأخت benyya

مرة آخري أشكر لك مداخلاتك
ود نوباوي هذا الحي العريق الملئ بالإبداع
لي فيه أجمل الذكريات وأنا أمر عبره يومياً
أيام الدراسة الثانوية من بيت المال إلي
مدرسة الأهلية.
ود نوباوي :
الدومة ، بيوت آل المهدي ، دو البصير ،
الشيخ قريب الله ، السوق الجديد

ومنه خرجت شخصيات لها وزن في التاريخ:

الادباء
الشعراء
المعلمين
السياسيين
الممثلين
أهل كرة القدم
والشخصيات الطريفة
و و و و و و و إلخ

إسماعيل حميم

فوق

أخي الحبيب وليد

شكراً لك علي رفع البوست

سنرفعه كما سمو وقامة

الحبيبة أمدرمان

لك ودي

إسماعيل حميم

فوووووووق


للأجل خاطر وليد

وخاطر زول تاني عاوز يقرأ البوست

لهما ولكم مودتي

إسماعيل حميم

والله مع حقيقه انى من دعاة تقبل الراى الاخر ولكنى تالمت غايه الالم وانااقرا تعليقات من وصفوا امدرمان بكل عيوبهم ولكن فل يتزكروا اننا اهل امدرمان موقنين ان امدرمان تسكننا ولا نسكنها(انتم تسكنون المدن ونحن تسكننا مدينه)

راجعوا بوست قديم كتبته اسمه امدرمان صرخه مكتومه.

أخي الامدرماني

سامي عبد الوهاب

Quote: اننا اهل امدرمان موقنين ان امدرمان تسكننا ولا نسكنها (انتم تسكنون المدن ونحن تسكننا مدينه)

ياااااا مسكون أمدرمان

يبدو أن الإستفزاز طالك
كما طالني ، فعليا الرد
علية بروحنا الأمدرمانيه
المتاصلة بدواخلنا وهي
معلومة للحميع!!!!!!

لك مودتي


إسماعيل حميم

اقول لهم سامحكم الله امدرمان لاتكره احد لماذا تكرهوها.....اضحك وانا ارى الحديث عن الطين وبعض المدن التى ينتمى اليها المعلقين سميت على اسم الطين الذى يميزها...وبعضهم يقول كنت اظن انها تغسل بالماء المعطر!!!! مصيبه امدرمان ان كثيرين ممن اتوها اتوا ظنناً ان امدرمان طينها الصندل وحجارها الياقوت والغريب فى الامر لماذا لم يعودوا اويرجعوا حين اكتشفوا الحقيقه المره فى انظارهم؟؟؟

لاتتمددى اكثر من هذا ياامنا ودار اماننا فلقد انكروا عليك حقوقك كلها..

ولكن تبقى حقيقه واحده.....نحن مسكونون بحبها مفتونين بطينها نتوق اليه اذا غبنا ونشتهيها ونحن بداخلها.

Quote: ولكن تبقى حقيقه واحده.....نحن مسكونون بحبها مفتونين بطينها نتوق اليه اذا غبنا ونشتهيها ونحن بداخلها.

بدون تعليق

اسماعيل حميم وكل اللى ساهم بمشاركته وكتب عن ام درمان وناس ام درمان لكم التحايا

فى البداية احب اؤكد حقيقة وهى انى خرتومية المولد وبداية نشاتى كانت فى الخرطوم يعنى الخمسة سنين الدراسية الاولى كانت فى الخرطوم ثم انتقلنا الى ام درمانوما زلنا بها حتى الان ولن نتركها

لن نتركها ( لانها ما بنتفات وياريت نقدر نديكم عيونا علشان تشوفوها زى احنا ما شيفنها)

باختصار انا ما حا اطول كلامى فى ام درمان بس بحب اقول ليكم احنا شايفنها كدة انت ما لكم و مالنا

عاجبانا بطينا وترابا

واى زول ما قدر يقعد فى ام درمان بكون اتعقد من ناس ام درمان

أم
در
مان

بالله عليكم عاينو ليها حتي لمن تقسموها بتديكم معاني ومااااااااااا احلاها من معاني

فوق...

أمدرمان مدينة ظريفة بدون شك
لكن ماذا تعنى كلمة أمدرمان ماهو مصدر التسمية؟ ومتى عرفت بهذا الاسم؟

أدونا معلومات عن ألأحياء التى فيها ومتى وكيف نشأت؟

أخي سمعة

بعد السلام الكتير والشوق البي الأكوام أم در حبيبة غالية لقلوب كثير ممن عشقوهاواناأولهم ولكن للأسف أهملت لأبعد حد فإذا ما قورنت بالمدن العربية الأخرى
تجدها بحق ورغم حبنا لنا لا يجوز أن يطلق عليها إسم مدينة فأم در نعم بأهلها وتاريخها ولكن لترتقي المرافق والمنشآت لمستوى العمالقة الفيها والله يجازي الكان السبب

أحبتي

سامي عبد الوهاب
أحمد أمين
ود المسيد
و نجلاء أبشر

و عشاق أمدرمان

وليد
و عمر

لكم جميعاً عميق مودتي

ردود سريعة:

Quote: اقول لهم سامحكم الله امدرمان لاتكره احد لماذا تكرهوها عاجبانا بطينا وترابا

أخي سامي
سامحكم الله - هذا هو المقصود بالروح الامدرمانيه.

Quote: أدونا معلومات عن ألأحياء التى فيها ومتى وكيف نشأت؟

حاضر يا سيد/ أحمد
ستجد لاحقا كل ما لدي من معلومات ،
كما أُناشد الجميع بإضافة ما لديهمً

Quote: بعد السلام الكتير والشوق البي الأكوام أم در حبيبة غالية لقلوب كثير ممن عشقوهاواناأولهم ولكن للأسف أهملت لأبعد حد فإذا ما قورنت بالمدن العربية الأخرى

الحبيب فريد/
نحن نعشق من يعشق أمدرمان يا حبيب
ولكننا نتكلم عن أمدرمان داخل السودان!!!
يجب أن تكون المقارنة نسبية،
(( حكي لي أحد أصدقائي عن دهشة الأُروبيين
عند زياتهم لمدينة نيويورك))

أحمد أمين لنا عودة

إسماعيل حميم

أحبتي
تلبيةً لطلب الأخ الكريم/
أحمد أمين

ساحاول أن أورد أسماء أحياء أمدرمان القديمة بصورة حصرية لا تفصيلية ، عدا حي بيت المال نسبةً لمعرفتي التامة به ، فهو الحي الذي ترعرعت فية منذ نعومة أظافري وكذلك والديَ.

وبما أنني - بفضل الله عليَ - من بني البشر فأرجوا من المدققين والحادبين والعارفين بتصحيحي
إذا وردت أي معلومة ناقصة أو خطأ.

ولكم جميعاً خالص مودتي،
دمتم.

أحياء أمدرمان القديمة:

بيت المال - بيت مال المسلمين /المهدية
ودنوباوي – أحد قادة الثورة المهدية
أبوروف – أيضاً من الثورة المهدية
ود اللدر – أيضاً من الثورة المهدية
الهجرة
الدباغة – حتي الآن تتم فيه الدباغة البلدية وتغزي – سوق الجلود أمدرمان
القلعة – يا بدور القلعة وجوهرا
السيد المكي
المسالمة
ود أرو
الاسبتالية
الملازمين – الملازمية/ الذين لازموا المهدي من جيشه.
الشهدا
العرب
البوستة
الهشماب
الموردة شرق – حي ريد
الموردة غرب
بانت
ابوسعد
الفتيحاب

بيت المال:
وهو بيت مال المسلمين ( وزارة المالية) أبان حكم المهدية، يحده من الجنوب شارع كبري شمبات والشمال شارع أبوروف والغرب شارع ود أرو والشرق شارع النيل، اما أركانه الاربعة من الجنوب الشرقي منزل السيد إسماعيل الأزهري ومن الجنوب الغربي صهريج أمدرمان القديم أو كبري شمبات، ومن الشمال الغربي تقاطع ود أرو مع شارع ابوروف ، ومن الشمال الشرقي مسجد أبوروف أو شجرة سالم.
ويشمل الحياء الأتية:
بيت المال شمال ، الكداوية ، بيت المال السهلة ، دكاكين الطاهر ، الزريبة ، بيت المال تحت ،
السناهير ، ود أرو ، السيد علي ، قصر الشريفة ، الغوالة ، الكراكسة ، ود البنا ، سوق الشجرة ،
الازهري .


ونواصل ،،،،،

إسماعيل حميم

تحياتى الى امدرمــــــان بلد الحنـــان

والى كـــل اهـــــلهـــــا



العبـاسيــة

أخي الحبيب ود العباسية

لك ولأهل العباسية العتبي حتي الرضا

Quote: وبما أنني - بفضل الله عليَ - من بني البشر فأرجوا من المدققين والحادبين والعارفين بتصحيحي إذا وردت أي معلومة ناقصة أو خطأ.

ما كان يجب أن تسقط مني سهواً !!!!
نسبةً لـ ما بداخلي من ذكريات ساخنة
للقاءات العباسية بيت المال بـ دار الرياضة
أمدرمان ، وجميع إستادات الخرطوم.
التي تحتوي بداخلها( الحماس والعنف والحميمية)

لك الله ولك الشكر
علي تنبيه!!!!!!
والذكريات النديه

ولك مودتي

إسماعيل حميم

رجاء إصلاح البوست

أهل مصر يقولون عن ( أم كلثوم )

if you have never heared her
you have never heard Egypt


ونحن نقول عن ( أمدرمان )

if you have never heared her
you have never heard SUDAN

beet almaal:- alkidawia, alhofar, alraseef, alsahala,soog om swego (dokan ahmed yousif, zaribat ammi ali), alsanaheer,fareeq kalas, aldordogia, aldeèta,wd albanaa, soog alshigraa, dakakeen altahir,azhari,alzareeba,medan albagar, medan alraàd.............

الأخت/OmDur

لك التحية والمودة

والقومة ليك ياامدر

Quote: أهل مصر يقولون عن ( أم كلثوم ) if you have never heared her you have never heard Egypt ونحن نقول عن ( أمدرمان ) if you have never heared her you have never heard SUDAN

والله أنا حبي للإثنين شديد شديد
والله كل واحد أكثر من الثاني.

أخوي معاوية عبد القادر

انت دفعة منو عشان نعرفك
معلوماتك دي حقت زول بيت المال

لكما مودتي

إسماعيل حميم

up

up

ياهو مكانا

في العاااااااااااااااااااااااااااالي

أحبتي جميعاً

كل عام وانتم بخير
والقابله علي أمانيكم

Quote: ياهو مكانا في العاااااااااااااااااااااااااااالي دخلت نملة شالت حبه وطلعت

أكيد يا عم وليد
حتي لو دخل فيل ما بنقص منها حاجة

إسماعيل حميم

وانت بالف خير
وكل ناس امدرمان بخير وعافية

الحبيب اسماعيل
كل سنة وانت بي الف خير
وامدرمان وناسا الحنااااااااااااااااان بي الف خير
والله الواحد مشتاق لي الصلاة في جامع الانصار في ود نوباوي ولي المشي لي الجامع بي شارع والرجوع بي شارع تاني واللمة بتاعت الشباب جمب الدكان ..مش ياها دي امدر كده ؟؟؟
تحياتي ...

كل سنة والكل بخير
كل سنة والسودان بالف خير
وكل سنة وام درمان بمليون خير

أحبتي

وليد المبارك
سارة حمزه
عمر الفاروق

ثانياً
كل سنة
وكل عام
وكل العمر
وأنتم والجميع بخير وعافية وطيبة

Quote: والله الواحد مشتاق لي الصلاة في جامع الانصار في ود نوباوي ولي المشي لي الجامع بي شارع والرجوع بي شارع تاني واللمة بتاعت الشباب جمب الدكان ..مش ياها دي امدر كده

أخوي عمر

انت الصادق كروره جارك؟؟
كدي قول لي أنت دفع منو؟؟؟


إسماعيل حميم

فى اجازه العيد التى قضيتها بعيداً عن امدرمان كنت لا احس بطعم شئ وكيف لى ذلك وانا لاول مره حينما فرغت من صلاة العيد وجدتنى اتوجه لمنزل اهل زوجتى دونما المرور بعد ذلك على البيوت والدخول مُعيداً تسبقنى صفقه الايادى(المرور على البيوت يعنى رحله تبدا بعد الصلاه والزبيحه وتنتهى الساعه الثانيه عشر والبطن متخمه باللحم والمراره)

هل يحس الانسان بالغربه داخل الوطن؟؟؟؟
نعم غربه عدييييييل انا شخصياً ما ان اقطع احد الكبارى المؤديه لخارج امدرمان حتى تبدا الام غربتى!!!

معلومه اهل امدرمان من اجهل الناس بالخرطوم وبحرى واسماء الشوارع(يصابو بالحيره إذا وصفت لهم شارع المك نمر تقاطع شنو ماعارف!!) السبب ادمان وإكتفاء بامدرمان ولو وجدو فرص للعمل داخل امدرمان لاكتفو!!

أخي الحبيب سامي

Quote: معلومه اهل امدرمان من اجهل الناس بالخرطوم وبحرى واسماء الشوارع(يصابو بالحيره إذا وصفت لهم شارع المك نمر تقاطع شنو ماعارف!!) السبب ادمان وإكتفاء بامدرمان ولو وجدو فرص للعمل داخل امدرمان لاكتفو!!

أتفق معك في حب أمدرمان ولكن أختلف معك في التعميم خصوص الجهل!!
منبع الحب والإكتفاء في وصفك

Quote: هل يحس الانسان بالغربه داخل الوطن؟؟؟؟ نعم غربه عدييييييل انا شخصياً ما ان اقطع احد الكبارى المؤديه لخارج امدرمان حتى تبدا الام غربتى!!!

نعم!!!!!
حسب إعتقادي فطرةً الإنسان يرتبط بالارض ويذداد حبه وإرتباطه بها
كلما طال إستقراره فيها.

وأسأل الملك عن حب عطبرة

ولنا عودة


إسماعيل حميم

عازا في حذا الخرطوم قبال
وعازا من جنان شمبات حبال
وعازا لي ربوع ام در جبال
وعازا في الفؤاد دوا يشفي الوبال

أخي الكريم / Fadel Alhillo

تغني الخليل للوطن السودان وزمز له بـ عازه
وتغني العبادي لأمدرمان ورمز لها أيضاً بـ عازه

وكلُ منهما صادق ومخلص في حبـه
نسأل الله لهما الرحمه

إسماعيل حميم

الأخ اسماعيل حميم أردت الإضافة فقط وتعليقي في نهاية المقال
====================================================================================
أحياء أمدرمان القديمة:

بيت المال - بيت مال المسلمين /المهدية
ودنوباوي – أحد قادة الثورة المهدية الأمير محمد ودنوباوي أمير قبيلة بني جرار وهو الرجل الذي طعن الجنرال غردون باشا وحز رأسه
أبوروف – أحد قادة الثورة المهدية
ود اللدر – أحد قادة الثورة المهدية وهو جد المحامي الشهير شمس الدين اللدر
الهجرة – الطريق الذي سلكه خليفة المهدي بعد ضربة كرري
الدباغة – حتي الآن تتم فيه الدباغة البلدية وتغزي – سوق الجلود أمدرمان
القلعة – يا بدور القلعة وجوهرا
السيد المكي وهو حي مكي ود عروسه وفي زمننا كان مكان للنزهة خاصة بالليل حيث قيل عنه Makki by night
المسالمة- الحي الذي سكن فيه النصارى الذين اسلموا بعد المهدية. وإحدى حسانه هي مصدر ألهام الشاعر الذي قال: لي في المسالمة غزال نافر بغني عليهو.
ود أرو- أحد قادة الثورة المهدية. وهو الحي الذي قيل عن حسانه: ود أرو محل الشباب الحلو.. وذلك قبل زمن المكياج والميك اب وهلم جرا
الاسبتالية- حي اكتسب اسمه من المستشفى
الملازمين – الملازمية هم ملازمية شيخ الدين القوة الضاربة في جيش خليفة المهدي والتي لولا تدخل الطابور الخامس في مجلس خليفة المهدي من أمثال خشم الموس والكباشي عرفو لكانت لهم الكلمة الفاصلة في حرب كرري – وهذا موضوع آخر يطول شرحه. جدي لأبي مولود بهذا الحي حيث كان جدي الكبير أحد الملازمين ومولده بين الطابية المقابلة النيل وبوابة عبد القيوم.
الشهداء: حي اكتسب اسمه من الشهداء على مر العصور
حي العرب: وهو الحي الذي سكنه العرب أصحاب السعية وكانوا يمدون ام درمان بالحليب والسمن والحطب.
حي البوستة: وهو الحي الذي تقع به مكاتب البوستة والتي هي أقدم من مكتب بوستة الخرطوم وهي السبب المباشر أن الإذاعة افتتحت بام درمان وليس الخرطوم.
حي الهاشماب: وهم حفدة أمير المهدية المشهور المساعد قيدوم جد كل من الدكتور عبد الحليم محمد الطبيب المشهور واول رئيس لإتحاد الكرة السودانية والأفريقية. وجد الرجل الأشهر السيد محمد أحمد المحجوب وهو غني عن التعريف
حي الموردة:- وهو مورد خيل جيوش المهدية وعلى رأسها الأمير شيخ الدين.
بانت: حي سكنه من خرجوا من حي الموردة لأسباب لا داعي لذكرها هنا.
ابوسعد : وهو جزء من ارض الفتيحاب القبيلة وبه كانت تكثر به حشيشة السعدة التي منها جاء المثل المشهور : البعد –بكسر الباء والعين- ولا البلاد أم سعد. لأن السعد حشيشة لا يمكن اقتلاعها بسهولة عند نظافة الأرض الزراعية وهي تتجدد بصورة يومية مما يسبب تلفا للمزروعات ولهذا يحاول المزارع تجنب الأرض التي تنبت بها حشيشة السعد.
الفتيحاب: وهي ارض القبيلة المشهورة.
أم بده: وهي ارض عرضة فرسان قبيلة دار حامد وقائدهم امبده أحد أمراء المهدية
وجد ناظر دارحامد الشيخ العبيد تمساح أمبده.. صاحب الإغنية المشهورة التي تقول:
زولا سنونو بروق وفي محكمة زانوق... وزانوق هو اسم شهرته لأنه عادل ولكن لشهرة المحامي مبارك زروق فقد تغيرت الأغنية وصارت زولا سنونو بروق في محكمة زروق. والمعروف المحكمة تسمى باسم القاضي وليس المحامي.
حي العرضة: وهو مكان عرضة خيل جيوش خليفة المهدي
حي أبوعنجة: وهل منكم من لا يعرف القائد حمدان أبوعنجه... الله أعلم
حي الأمراء: وهو محل سكن أمراء المهدية
حي العباسية: ويضم في بطنه عدة أحياء أشهرها حي فنقر وعليه قيل مثل مشهور لن أذكره حتى لا أثير علي أبناء حي فنقر.
حي المظاهر: وهو جزء من حي العرب ويسكنه كثير من تجار الكوارته في الستينات والسبعينات.
هنالك حي السوق وسوق الموية وجورج مشرقي وزريبة العيش وكل حي مقسم إلى اقسام صغيرة لا يعرفها إلا من سكن في الحي بصفة خاصة.

هنالك أشياء لا يعرفها عن أم درمان إلا من سكن أم درمان وعاش فيها ردحا من الزمن:

1- باسطة الطيب سيد مكي وباسطة عم بين - بتشديد الباء- المشهورة التي قال له أحد الأطفال: ياعم باسطة أديني بين وبلها لي .. رد العم بين - عليه رحمة الله- ياولدي كان عمك بين بتبل دي ما كانت حالتو.
2- سمك السبكي في الموردة
3- فول أحمد سعد في ودنوباوي
4- شاي قهوة يوسف الفكي في سوق ام درمان. التي يخدم الرواد فيها مفتشين بوزارة المالية هما الهادي وشقيقة وهما شقيقا يوسف الفكي والذي يقوم بصنع الشاي في الداخل هو عطية الفكي شقيقهم تلآخر- وهو من أوائل المخرجين بالتلفزيون السوداني. بالله مش شاي عظمة؟؟؟
5- حلقات المولد بجامع الخليفة عندما كنا نقوم بشقاوة شديدة بربط الجلاليب مع الثياب بالدبابيس ولك أن تتخيل منظر شيخ وقور وجد نفسه مربوطا بدبوس مع ثوب سيدة لا يعرفها.
6- مولد الشيخ الفاتح قريب الله في ودنوباوي وبه نفعل نفس ما نفعله بالمولد
7- عمنا المرحوم موسى ود نفاش في ودنوباوي.. وكثيرون يعتبرونه اسطورة لكن الراجل من لحم ودم وعشت معه ومع طرفه أكثر من عشر سنوات.
8- الهادي الضلالي وهو غني عن التعريف وقفشاته لا تنسى لمن عاش الستينات والسبعينات في ام درمان. ومنها: (بكاء في الملازمين ولا عرس في ودنوباوي) للعلم هو من ودنوباوي. ولأسم الهادي الضلالي قصة هذا ليس مكان سردها.

أما الذين دخلوا ام درمان بدون تأشيرة دخول مثل ديك البطانة دخلوها مدلدلين وخرجوا منها مدلدلين فديل خليهم وينطبق عليهم المثل البقول: الجهل مصيبة.

أخي الحبيب
الأمدرماني المتأصل cantona_1

أولأ :
أشكر لك هذه المداخلة النيره
التي اسعدتني أيما سعادة بما حوت
من الإضافات ذات الفائد واللطافه
فكم كنت ظمِأُ لمثلها.. فأمدرمان
وتأريخها بعد الكواكب أن أوصفها
وحدي لذا رجوت أهلها بعوني حتي
تظل صورتهاواضحه لمن أصابه فقدان
البصر

ثانياً:
كثير مما ذكرت لي فيه ذكريات عمر كامل!!!
يوسف الفكي تربطني بالاسرة علاقة رحم، ويجتمع
بالقهوة الفطاحلة من جميع ضروب الفن ومن المشاهد
الثابته ثبوت الصورة (شيخ الكمنجية) الرائع
محمديه أمامه ( كباية الحليب الشوب).

الهادي الضلالي ، احمد سعد، فول موسي نفخو
يا لها من أيام -الاهلية الثانوية- لك الله
وانت تعيد إلي ذاكرتي تلك الايام.

باسطة السيد مكي وباسطة شريف الملازمين ما
أحلاهما بالسمن البلدي.
سمك السبكي والصير... يا الله

ونواصل

إسماعيل حميم