مـــاو وقرمـــبوز ... شباب ذي اللــــوز

الأصدقاء ماو وقرمبوز اسمحوا لي في بداية هذا العام
أن أجعلكم موضوعا لي اكتب عنه منذ فتره تلح علي هذه
الفكرة ربما منذ ذلك المشوار الجميل بعد أن حلقنا شعرا
مع حميد وبعدها حلقنا عبر مطار المك النمر الغير رسمي
مدخل أول ( ثقافة شديدة)
اذكر جيدا يا ماو حديثك عن استرياف المدن الفرق بين المهداوي
وخليفة وعن تلك البنت السمراء نسيت اسمها بودي قارد محمود عبد العزيز
كنت تتحدث عن مواضيع صغيره وربما هايفه لكن بلغة ممتعة ومليئة بالتفاصيل العميقة تنم عن قدره عالية في الالتقاط وحشد صور جمالية
وشخصيات كاركتورية أحيانا تجسد قمة الملهاة والتراجيديا .
أصدقائي ماو وقرمبوز أنا عاوز أقول إنكم ثرثارين من الدرجة الأولى وحكايين يعني حكواتيه تمتلكون قدرة عالية في اسر مسامع السامع لكم
تحكون عن الواقع بشكل روائي ...
مدخل ثاني ...
قصدتا بهذا التقديم أن أقول أصدقائي كثير من الأشياء الجميلة تضيع في
زحمة الحكي والحكي الكثيف لذلك أنبهكم أصدقائي ألي الكتابة أخيرا وجد
قرمبوز في هذا البورد مسرح لكتاباته الجميلة ولكن ليس كافي . عبر هذا الكلام أنا عاوز أقول ليكم انو أنا شايف فيكم مشاريع فنية وأدبية جميلة وده موش لاني أنا خطير وعاوز اديكم ألقاب من عندي لكن بس شايف مثلا الحكي البحكي فيهو ماو بدرجة التشويق العالية دي ممكن يتحول بوعي لسيناريو محبوك جدا وممتع أو قصة قصيرة أو طويلة والحاجة العارفها إنكم بتقروا كتير في كل الأشكال الأدبية والفكرية ... وبمناسبة السيناريو في كتب عن كيفية كتابة السيناريو تساعد شخص عندو القدرة على خلق الصور وكتابة الحوار في خلق مشاهد على الورق فيها وصف وحوار وفي السودان في كتاب سيناريو جربندية ساكت ...
مـــــــــــــــــاو وقـــــــــــــــــــــــــــــــــرمبوز أن شاء الله أكون ما بهتكم
وفكروا في الموضوع .... ونواصل ...
لو كنت متذكر حكاية من حكاياتكم كنت كتبتها هنا مع إنكم قبل كده لفقتوا لي حكاية ,,, ولكم حب طويل وعريض المنكبين وبحنين بائع تسالي في ناصية شارع سوق الشجرة وبعمق ابتسامة بت خجولة حاصرتها عيناك يا قرمبوز وهي تدلق موية العدة في زقاق ابروفي .
معتصم سيد احمد




[/RED

معتصم "ود" الجمام
اصبتني بالشوق , وبالمفاجاءة
تصاريف معايش واعود


بجيك بالعدل , وبحوذتي ماو "قبل ما يمشي دارفور
مبدئياً سنة هادئةوسلامي لمرهف

ماو وقرمبوز شباب زي الورد ....زي المنقة
ديل أحلى ناس يتصاحبو

معتصم والجميع
كل عام وانتم بخير والسنة الجاية كلنا في سودان الحرية
الفكرة جيدة وتستحق التشجيع ودفعها للامام ولكن عليهم الكتابة بدون تلفيق كما اشرت في اخر المقال....
ولكم الود

" ود" الجمام ورحمتو الله وبركاتو


معتصم سيداحمد
دائر تعمل لينا حركات المخرجين الكبار دي
وشايف فيكم مشاريع فنيه وادبية كبيرة والذي منو

يعني حركات اولاد المعهد دي ما بتسيبوها موش كان جبتو"مرهفين" !!!
الحكايا ياصديق الخطي أبسط مما يرسمها الانترنيت وصفحات الهايبرتيكست
ببساطة "ليس" لدينا مانفعله سوي الحكي والكتابة!
..............
..............
كُنا هناك في الخرطوم(علي ايام ميثاق اسمرا)..
كنتم ترسمون مسرحاً"للتنوير" ترسمونه علي قلوبنا النهمة
ترسمون مسرحكم علي الحجر اذكر اول مارأيتك في القصر
ب "كوابيس فتي عربي" .! ممسكاً بحلمك الدؤوب يا صديقي وتترنح
من بعدها دلفت الي رأسي كاهم اولاد الناس و بعدها صرنا نترصدكم ..!
كنتم ذادنا يا صاحب , وجهنا الثقافي ,
ومازلنا نتمني عرضأً تحت عنوانكم.!
......
......

مافي الامر: حجز لنا الزمان هنا , في الفضاء مقعداً
سنحاول فقط ان ...
وتقبل حُبي الا ان اعود "تاني"
وعقبال التجمع الوطني الديمقراطي
::::::::::::::::::::::::::
المتهم الاول : قرمبوز

وانا ايضاً يا قرمبوز رأيتهم مرات عديدة ..
هؤلاء "المراهفة"..أولاد الجمام المسرحية ..
حمد النيل ..ومنعم ..والبقية ..
وعلى مسرح كلية الفنون ..غنوا من خلال مسرحية:
عتالة المينا.. حوا ..
شدينا الساعد..حوا ..
للفجر الواعد ..حوا ..

--------------------------- كل سنة وانتو طيبين ..


** ابوطالب القرشي..ازيك..
عدد البوستات : واحد ؟؟؟؟؟؟؟؟

-----دي كيف دي ؟؟

مدسم ودالجمام..الشوق وحياه النبي

الفاضلابي الجنبك دا (الله ينفعنا بجاه) قال ..الاصدقاء هم الذين يقولون لك يجب بعد وجب شئ اخر..

فبحكمت الفاضلابي ونصه, دي ذي (البرعي وابو) مش..انت ياصديق تقول علينا الكلام دا كلو بعد ان

وجب شئ اخر ..لكن اقول ليك حاجه صديقينا قرمبوز والله ماقلت الا الصح (ربنا يحفظو) بقدر ما حفظ

لنا من المك .. وعمنيري..والفكي عبد الرحمن..وام درمان التى احببناها بكشفه ..يامعتصم الراجل

(واصل)...
يامتصم انا والله ماعارف قصه الحكي دي هي دي طبعا بلوه الشفاهة وتربيت الحبوبات نحن نحب

(السوالف)..لكن نسوي شنو..

الله يامعتصم اتذكر (قاردمحمود) يا سلام دي اسما (ثريا) وهي ذاكره المدينه فاالبعض وصفها

بالجنون والبعض الاخر با(القارد )لكن ثريا هذه تفضح قبح مجتمعنا هذا ..والحكايه تطول

كنت اتمني ان نثرثر بعض الشي ولكن ذاي ماقال ليك قرمبوز انا راجع لي اهلنا بدارفور

عشان كدي باخد لي غيبه

الكتابه ..الاستاذ نقد عندو مقوله سمحه قال اهلنا زمان بقولوا القرايه ام دق ونسوا ان

الكتابه الدق ذات نفسه

معتصم ابو مرهف اذيك واذاي المعاك
والسنه دي مرهفين انشاءالله

ماو وقرمبوز حته واحده ياسلام عليك يامعتصم

شباب كاجمل مايكونو بسيطين وعلي العليهم مثقفين ثوريين
عرفتهم في زمان غير هذا .
تقتلهم الشفافيه ويكرهون جدا القمع بكافه اشكاله ومسمياته
ماووقرمبوز احن جدا للقائهم في الاماكن ذاتها لندير ماتبقي
من حوارات لم تكتمل لظروف خارجه عن الاراده

وبزكر الجمام يطمئن قلبي
ماذا عنهم هؤلاء الشفاته

ماو وقرمبوز
شيئان لايمكن ان تفصل بينهما مثل عبارات تستعصى على الفك من مثيل
الحجاب الحاجز
التعيس وخايب الرجا
واو الجماعة
الف المد
نا نمر
وا ولد
با بت
وغيرها من المتلازمات
اينما تجدهم فااعلم صديقى انك على موعد مع الفرح ى والصخب الجميل وكلاماً لاقبل لك به بعضة عن عبد الله على ابراهيم والبلابل وماياكوفسيكى واخرين لااعرفهم وكلام عن التفكيك وعن جمال العيون العسلية وعن شعر حميد ... حال ان يممت شطر حفلة عقد الجلاد فقطع شك حتلاقى ماو وابراهيم قرمبوز .. ماو بطولة الفارع وقامتة المديدة واقرمبوز بقامتة المربوعة وضحكتة الصافية ..
الله يديهم العافية

معتصم ازييك....
انت يا زول اليلة هبشت الموضوع اللينا سنين شايفنو و ما قادرين نخوتو في الواطة....
يا زول طبعاالسيد ماو كاريزما قائمة بزاتا...
ماو...شخص مثقف جدا...
ماو...سياسي محنك الي ابعد الحدود..
ماو... اطيب ما يكون الانسان...
ماو...يمازج براءة الطفال بحنكة الجد الزي عركتة الحياة واصبح معجم للامثال الشعبية..
ماو ...صاحب النكتة الحاضرة..
ماو...صاحب البتسامة الدائمة...
ماو.... لا يخلو من (الارقام الفلكية) كما هو حال قرمبوز!!!!

اما المدعو قرمبوز....
فا دا يا راجل حاجة عجيبة..
طييييب جدا...
ما بقول ليك كلام يزعل كلو كلو...بس كدا كان عجبك...
دائم الحركة.....
حنين جدا...
وبحب نوسة...
في نص الموضوع الجااااادي و بدون اي مقدمات زي ما قال طلال عفيفي ممكن يقوول ليك (جيب ولعة) !!!!غايتو....
انا غايتو ما حبيت لي صاحب زيو...مع احترامتي لي كل اصحابي في كل انحا العالم((الجيزة,العتبة وميدان التحرير))...






ضياء

الجمام "تقريباً" صنيعة كردودارفورية ,من وحي بيئة الارض هناك..!
حفر مسوي لحفظ الماء بعد نقعه..!

ثم أنه يا ناس فان الجمام المسرحية ....
هي مجموعة مسرحية (ثقافية) تهدف لجعل المسرح
عملية من ضمن عمليات الحياة , وتقوم فلســـفة
الجمام المسرحية علي أُسس حداثة تنويريه تشبه
"نوعاً ما" فكرة مسرح الكسر , مسرح الطليعه,
وتتقاطع مع افكار المرحو سعدالله ونوس حول جماعية
المسرح وجماهيريته. جنباً والمستوي التجريبي
(في بعض الرؤي الاخراجية والادائية ومسائل اختيار النصوص " ..!
ونسبة للاجواء التي ألمت بعاصمه الثقافة العربية..!
صارت المجموعة(بمهام اعلي واكبر ) لظروف تأسيسها
وتكوينها التنويري المتعدد, مع مراكز اخري احد
اقوي منابر الشباب الديمقراطي وتحولت الي اداة
ضاربة لمحاربة سؤ التغذية الثقافي المفروض (سياساً)
بخرطوم نلبس مما نزرع : أو كما قال
باختصار ضخت الجمام كل هواء برئتيها , لتتنفس اسماءأً اخري
معتصم (صاحب الورطة اعلاه) : ود الجمام التي نحب

اها يامعتصم نبقي لجنس ده.!
ممكن يجي واحد اسه يقول ليك
" دون كيشوت وصديقه سانشو باندا"
خدر وراشد اصدقاء (الملتوف) :
الحكاية : بقت عاملة ذي كشف الحال

ماو ده اوريكم سره :ماو (معاويه بشري)..!
لكل قلب صديقهُ ,ولكل خطي وشمها وماو هذا وشم قلبي وخطاي.!
الولد الفذ الرشيق صاحب الريح والمزاج الاستراتيجي ماو الفتي الراسخ جداً ...
ماو عارف قدمو المفارق ,,ماو اللذيذ القبل الشاطئ بيته ,
ماو ار يو.. ,ارتعشت يداي
المفاتيح لا تطاوعها؛
اول ما رأيته 95 في الالفية السابقة
بحشد طلابي سياسي وكان يخطبهم ماو ويحس الطلاب التراص
لاسقاط النظام القائم في الخرطوم وكل انظمة الفاشية ؛
وليس ما بالخسران سوي السلاسل والاغلال ..!
(الا ان الدنيا قضت غرضها)
............
............
ماو(ود أّمنة بت التلب) يا اصدقائي لمن لا يعرفه هو:
معاويه بشري الحاج سعيد ود بشري الحاج سعيد(حاجه عجيبة موش)!
وعم بشري أفندي"رحمه الله "كاتب بالسكه حديد وناظر محطة
وهو رجل رحمة الله عليه عطبراوي يعطبر موشوم بالبلاد الدافيئه
(ساعات التكوين)ومشلخ وقار وافندي كما ورد في المكاتيب..,
اطُفل هذا الماو في مدينه المجلد وقيد ببانوسه وطــــــول
امتداد خط لانكشير الشهير ببلاد السودان الانجليزية ؛في لهثه
وراء القطار نمت اظافره فما انفك ماو يلهث وراء الاجوبه
والكمال الانساني المهيب(وهذا مشروع)...!
درس معاويه المدارس في اكثر من تسعه مدن سودانية ماو في
الابيض وبعدين خور طقت والقوز الثانويةوبعدين جامعه جوبا
(مروراً بامدرمان الاهلية والقوز و . و. الخ) , ماو وسيم الروح .
تكبر براءته معه يوماً بيوم ,
مهذب يحب الحكي وهوخفيف الخطي
ويعتمد السخرية الهادئة كنسيج شخصي للتعامل مع اسئلة الحياة اليوماتي ...!

هو بالطبع صاحبي(من نِعمُ بلادي علي)
والمعروف عنه انه يشبه اللوز ..!

مدد ياقرمبوز
مدد

اولا ماو وقرمبوز
بعداك الباقين
ماقصدته يا ماو بالظبط
ما دار من حديث بيننا
انا واريج وانت ماو من السوق العربي لحدي
اول التانيه في شارع النص
تحليل لامور سياسية اقتصادية اجتماعية بلغة عالية السخرية
وهابشه لللحم الحي
قرمبوز ذي ما قال طه القدال يا برواز الصبر جميل
الجمام حلم كبير في وطن فقير
عوز اقول ليك تجربة عبد العزيز كتب مقطع من غنا العتالة
في مسرحية كلات عرق لو حضرتها قبل كده
المسرحية دي اتكتبت كيف كنت في بورسودان لظروف معينه عشتها مع الكلات العتالة
اجمل ايامي في بورسودان ناكل نشرب معا هناك في اسفل المدينه (فليب) (دار النعيم)
بيوت من صفيح ياكلون ويشربون حصاد عرقهم وكانت بداية التسعينات اعوام الركود فكان
الكلات اكثر من عانو ذلك بحركة ناكل من ما نزرع عييييييييييييك
المهم انا قاصد حقيقي جرجرتكم الى هذا العالم وماو كمان في دارفور حيكون لصيق
بعوالم تفور
ونواصل هذه الايام اعاني عدم التركيز
ولكن نواصل

من حكاوي ماو عن عن مكتب الخدمة العامة بالبعلنوا فيهو عن وظائف
الحكومة
1/ حكى لي ماو عن هذا المكتب قصص جميلة الاولى طبعا ماو خريج موارد
مصايد اسماك وهو من التخصصات التي لا تنال حظها من التوظيف في بلادي
صادف ماو في هذا المكتب شاب سوداني درس في روسيا ومن خلال الونسة
عرف ماو أن الشاب قد درس في موسكو اذابة جليد فضحك ماو وقال ليهو انا غايتو لافي بفتش في وظيفة لو لقيت عاوزين زول بتاع اذابة جليد بكلمك وفي سره قال اذابة جليد نحنا ناس السمك ديل لينا الله

2/ دي ما متاكد انو ماو من حكها بس بتقول في شاب سوداني دخل قريب 300 معاينه
ويطلع صفر اليدين اخر المرات ذهب الى احد المكاتب الحكومية المعلنة عن الوظيفة وقابل الموظف وجلس ليساله بعض الاسئله ويكتب سالوا عن اقرب تلاتة مقربين ليك يمكن الرجوع اليهم سكت الشاب لفترة ثم قال عمرو موسى وكوفي عنان وسكت مسافة طويلة وبعد تفكير قال الدكتور جون قرن دمبيو وخرج ....
هذه من حكاوي ماو
ونواصل
معتصم سيد احمد

من يذيب هذا الجليد

الرائحة تعود لتذكر
الرائحة ذاتها
في المتروك
والمأهول
بالطيف والهالة .
.........
.........
امجد ناصر
"عن الكرمل"


سلام يامعتصم : طبعاً ماو سافر "دارفور"
وأنا بعدي كده "فضيت ليك"

وانا راجيك يا قرمبوز
ماو اشتغل اخيرا وفي دارفور
خطير تعطل دهرا واشتغل حربا
امنياتنا ليهو

معتصم وانجا او كما قالت ازمنة مضت انت بحديثك عن ماو وقرمبوز انما تتحري امكنه وتتاهب ذاكرة لا تخون ,
انا معني بالمكان والذاكرة ساتحد مع هذا الدرب بكتابه ما تخص منتصف التسعينات
شكرا وانجا لهذة الالتفاتة

نعم .. انهم شباب بجمالالعطاء وعمق الفكرة وهدؤ البال..
وتنعمي يا دارفور بعدالجراح بوجود ماو الجميل
ويابختنا بقرمبوز وصداقته

معتصم

تري ايسترخي جمال الحجر
أم انهكه طول الــــدرب !!

........
........

لم اعد أثق باسطورة النفس الطويل (أياها) يا صديق