لسلامتك النفسيه وللكاظمين الغيظ هدايا لوسيمى وحسناوات المنبر

اول بالتبادى ازيكم وكل سنه والناس البره ابقو جوه والناس الجوه ابقو برا اتفسحو واجو راجعين
التهانى بالعمره الجديده للمنبر الحر
والتهانى بالسنه الجديده اعادها الله عليكم بكل خير
والتهانى بعيد الاضحى

وكدى نسمع الاغنيه دى نهدى الاعصاب
الطير المهاجر للوطن زمن الخريف وهديه لناس هنايه وناس هناى
وردى
دوسووووووو الوصله ادناه
http://www.sudaneseonline.com/SudaneseMusic/music/Moham...tair%20almuhagir.mp3

تانى حاجه قولو خير ما تبيعو الجلد واتبرعو بيهو


تالت حاجه الزول الصابر على الاذى والمتيقن والعافى عن الناس والكاظم الغيظ دا اكرم منا جميعا
ولو قرينا الكلام الجميل دا يسود بيننا الحب والوئام والصاح رأى والاعوج رأى والود محفوظ
كدى نقرى البوست دا ونتغاضى عن ضعفنا ونسوى الخير لانفسنا ولسلامتنا النفسيه ولاهلنا ولى وطنا وكدى تعالو نشوف كلام ود قاسم دا ونعمل بيهو ونبدا الدوره دى من المنبر الحر لعب نضيف ما لعب خشن
ولكم الود والجميع بخير

فرح

ــــــــــــــــــــــــــــــــــــ


منذ أكثر من أسبوع ، وسهام البعض تحاول النّيل مني ، وقد استمر هؤلاء يسوقون الاتهامات كيف شاءوا ، مرة بالعنصرية ، ومرة بالجهل ، ومرة بقلة الأدب ، ومرة بمطاردة النساء ، ومرة بالاستعلاء ، ومرة بشياخة العرب ، ومرة بالصوفية ، ومرات عديدة بالهرم . من هؤلاء من دخلت معهم في حوارات سابقة ، ومنهم من لم أخاطبه في حياتي ، لا قولا ولا كتابة ، ومن عادتي أنني لا أخوض مع كثيرين ممن لا تقنعني أدوات حوارهم ، لكني دائما أقول أن الإنسان يتطور ، ويتقدم ، وأن الحوار هو المخرج الوحيد لمعالجة الصراعات التي تكتنف عالمنا هذا ،، وكما تطورت أدوات الاحتراب في القرون الماضية ، فستتطور أدوات الحوار فيما ننتظر من مستقبل ، فلا أفقد الأمل في أن أجد غدا وسيلة للتحاور مع من فشلت في إدارة حوار معه اليوم ،،
والحوار ليس أمرا معقّدا كالاحتراب ، وأداته الأساسية هي العقل ، والناطق الرسمي باسمه هو القلم أو اللسان ، فإذا ظل الناطق الرسمي عفيفا فإن الحوار سيتقدم ، ولا أجزم بسرعة تقدمه أو بطئه ، لكني أجزم أنه سيتقدم ، فالاتهامات الجزافية لا تقنع أحدا ، والاستعداء لا يخدم قضية البشر .
مجموعة محددة سوّدت صفحات المنبر ، تنابزا بالألقاب . قاموس من الكلمات المسيئة التي استخدمت في هذه الفترة ، وجرت محاولات رخيصة لتأليف قصص ، ومورست التلميحات ، لكن هل وجدت من يسوّقها ؟ نفس المجموعة في كل مرة ، هي التي تحاول تسويق بضاعتها ، لكن ّ البضاعة الرديئة تظل بائرة حتى وإن تضاعف الصرف على الإعلان عليها أضعافا .
بالأمس قابلت عددا من بورداب الرياض ، وتناقشنا ، لم ألمس أن أحدا منهم قد تأثر بما ظلت تبثه تلك الفئة ، وفي المنبر كتب الزملاء والزميلات ، وغالبيتهم لم أتعرف عليهم إلا من خلال المنبر ، كتبوا مدافعين عن شخص عرفوا حقيقة تعامله ، وتلمسّوا صدق أهدافه ومقاصده ، ولم أطلب من أي من هؤلاء أن يدافع عني ، أو أن ينفي عني أي اتهام ساقته فئة الشك والتوجس .
وفي الرياض أيضا حضرت ثلاث تجمعات للسودانيين خلال هذا الأسبوع ، فوجدت بعضا من الناس الذين لا أعرفهم ، قالوا أنهم يتابعون المنبر ويقرأونه ، وأنهم يتابعون تلك الحملة رديئة التخطيط ، وأنهم يطالبونني بأن لا أتأثر بما يكتبه مخططي الحملة الجائرة ..
وعلى الهاتف تلقيت مكالمات من أشخاص عديدين ، أصدقاء ، ومعارف ، وآخرين سمعت أصواتهم ، وأسماءهم لأول مرة . وعلى الماسينجر والبريد الإليكتروني تبادلت الرسائل مع عدد من الأصدقاء والصديقات ،، وكلهم يبصقون في وجه البضاعة البائرة ،،،
لن أهتم مطلقا بأي نوع من الشتائم أو السباب ، ولن أسعى لإسكات أحد ، ولن أنتقم من أحد ، ولن أحمل في نفسي غلا لأحد ، وستظل ابتسامتي رفيقتي ، وسيظل صوتي عاليا دون خوض في مناوشات ، وسأظل أكتب ما أراه ، ومن أراد حوارا نظيفا ، فلن يجد مني إلا كل ترحيب ، ومن أراد تأويلا ، وسبابا وشتما ، فلا أجد وقتا لسماعه ولا للرد عليه ،،
وسيظل همي منصبا على وطني وأبناء وبنات وطني ، أبادلهم الحب ، واشاركهم النضال ، وأضيئ معهم شموع الطريق ..

أنام ملء جفوني عن شواردها ، ويسهر الخلق جراها ويختصموا ،،
ودقاسم أنام ملء جفـــــــــــــــــوني

فرح..... خروفك دا... مالو ما قاعدين تحلبوهو؟......مخلنو محيّن لبن كدي؟



كل سنة وانت طيب

سى جى
كدا كلام البطرى زاتووووووووو وانت زول بطرى
كل سنه وانت طيب

فرح
الغريبة لمن شفناك في الخرطوم ما كان باين عليك كل ده

يادكتوره كلك نظر
الزول كان متنكر
كل سنه وانتى طيبه

يعني يا فرح الاقصاء دا شنو ؟
ونحنا الشينين ما عندنا هدية ؟

كل سنة وانت طيب.

عادل

عدوله كل سنه وانت طيب والاولاد والمدام بالف خير وربنا يحفظ الاخوان والاخوات فى فى السودان واتمنى ليك التوفيق
وتحايا خاصه من الزول اب شنب الاسمو بكرى جبريل

ورايك شنو فى الهديه دى
البيبى دا بتاع واحد من اخوانا البورداب ربنا يحفظو ليهو

لا والله يا فرح الصورة تجنن
ربنا يحفظو لامو وابوةهو ..

تحياتي لبكري والجميع؛ وامنياتي الطيب لك ولكل من بطرفك؛

بعدين السقالة شنو يا اخي ما تقول لي انتا ما شين؛
انتو الا يشحدوكم علي المجاملة ؟؟

عادل

و الله الوجاها فايتاك علا انحن عشان مافى زول بقول لينا انتو وجيهيين مابنقولا لى زول علا اشحدنا ليها
وزكرتنى قصه الزول الشايقى الماشى الحج اتاخر فى بورسودان لانو الباخره اتأخرت قال ليهو يا اخوانا انا اراجع البلد عقابى اعوج الحج زاتو خليتو وطبعا عقابى اعوج دى الا بكرى جبريل وعوض جبريل وانت بتفهموها كويس باللوكال لانقوشتش بتاعتكم وانا دايما مع بكرى فى مناقره فى اللغه دى وبقول ليهو يابكرى انت وجيه لكن لونك كحلى وعقابك اعوج
لك الود عادل

تعرف يا فرح عندي صاحبي اخونا في البورددا اسمو ...؛ -ولا ما في داعي- ؛ ما بيصاحب الا الناس الوجيهين؛ ومكجن الناس البيقول عليهم شينين؛ قمت سالتو قلتا ليهو يعني افهم من كده انو انا وجيه ولا شنو ما دام صاحبك؛ قال لي لا انتا الشذوذ الذي يؤكد القاعدة ..

تعرف ياعادل قالو فى زول شين شنا ما عاديه مشى اخطب ليه بت سمحه لمن مدفقه سماحه ابو البت لمن نط قال للعريس ياولدى انت ود ناس منو وجيت من وين من السماء ولا من الارض
قال ليهو والله ياحاج انا زول عصامى خلقت نفسى بنفسى قال ليهو على الطلاق كلامك دا صاح

يا فرح نحنا الزول/ة السمح او السمحة سماحة جد كنا بنقول زي الخلق نفسو؛ يعني تب ما قصر معاها؛وادا نفسو كل حاجة جميلة؛ والفنان قال شنو كد ما عارف؛ خلقوها زي ما تريد..

لكين ابو البت دا بالغ عديل ...

عادل اخيرا لقيت لى عشره عيشات فى طابونه قوقل دى

يا ود النعمه وين انت ليك مده مابنته,,اها اخبار ناس السودان شنو
يرجى المواصلة على الايميل لمموضوع هام وعاجل.