شكرا ماما امريكا

شكرا ماما امريكا فلولا وقفتك الصادقة مع الشعب السوداني وتحملك لكل مصاريف الاقامة لكل الوفود طوال الفترة الماضية وايضا اصرارك على المتفاوضين ان يكملوا المشوار قبل نهاية العام تحت اشراف وسمع وبصر الايقاد وشركاء الايقاد ومجلس الامن

لولا كل ذلك لما سكتت المدافع في الجنوب

(عايز خيرك يتمدد الى دارفور – نظرة حنان يا ماما لاهل دارفور)

والشكر موصول لكينيا والايقاد وشركاء الايقاد واصدقاء الايقاد

بالمناسبة وين اخوانا العرب من حل مشاكلنا

زول واحد
كل سنة و انت طيب

لكن كلامك ده في ناس ما دايرة تسمعه!!

الاخ محمد سليمان

كل عام وانت بخير

شكرا على المرور

Quote: لكن كلامك ده في ناس ما دايرة تسمعه!!

يعنى لازم نغش نفسنا ونقول كلو مجهود سوداني

زول واحد

انت عارف الراجيهم شنو؟ السوط عشان يحلوا مشكلة دارفور
بس خلي اخبار تسونامي تبرد شوية و بعد داك يقبلو عليهم.
هم قالوها ليهم في وشهم " انتو ما بتجو الا بالضغط".

عرب؟؟؟؟

كيف تقول وين كانو العرب؟؟؟

انت نسيت انو العرب كان عندهم اشياء اهم من القتل والمشاكل الامحدوده في السودان

العرب كانو بجهزوا لراس السنه واحتفالات الكريسماس و حاجااات تانيه كتيره مهمه وحتميه

عرب شنو عليك الله؟؟؟؟



تحياتي

و

لى قدام

benyya
كل سنة وانت طيبة

شكرا على الطلة

الناس في شنو و العرب في شنو

والله مصيبة انو قياداتنا السياسية الحاكمة تجيد المماحكة دون مراعاة للدماء التي تسيل ويستمرون في الكذب
الحمد لله انو في جهة قالت ليهم

Quote: " انتو ما بتجو الا بالضغط".

الرائعين هنا

زول وحيد

محمد سليمان

والاخت الرائعة بنية

كل سنة وانتو بالف خير ودارفورنا عائدة من جحيم
الخراب الي رحاب الانعتاق والتحرر
وسودانا في سماء الحرية يتلالا
وان يتوسع مواعين نيفاشا لتعم خيرها البقية الباقية
من الهوامش الهاملة المقاتلة
غربا وشرقا ومابينهما
ولتكمل العالم المتحرر وعلي راسهم امريكا ضغوتها
من اجل السلام
ولتبقي الثورة الدارفورية قابضة علي زناد النضال وان
تكون في اتم الاستعداد للحرب او السلم

ودمتم

بنية

كل سنة و انتي طيبة

دكتور بشار

كل سنة و انت ظيب

دكتور بشار

عام سعيد وعمر مديد

لك التحية وان شاء الله يكون عندنا وطن معافى ونمشي لي قدام

Zoal Wahid
تحياتى ... بحكى ليك القصة دى وان شاء الله ماتكون خارجة من موضوع ماما امريكا بتاعتك دى

في أحد الايام وقع حمار في بئر غائر أخذ الحمار يصرخ لساعات بينما كان الفلاح يحاول التفكير في طريقة لتخليص حماره أخيرا قرر الفلاح أن الحمار صار عجوزا وليس بحاجته وأن البئر لابد أن يدفن على اي حال لذلك فلا فائدة من إنقاذ الحمار قام الفلاح باستدعاء كل جيرانه لمساعدته في دفن البئر فأمسك كل منهم معول وبدأ يسكب الرمل والوسخ في البئر عندما استنتج الحمار ما يحدث بدأ يرسل صرخات عنيفة وبعد لحظات هدأ الحمار تماما حدق الفلاح في أسفل البئر فتفاجئ مما رآه ففي كل مرة ينسكب فيها الرمل من المعول يقوم الحمار بعمل شيء مدهش كان ينتفض ويسقط الوسخ في الاسفل ويأخذ خطوة للاعلى فوق الطبقة الجديدة من الوسخ بينما الفلاح وجيرانه يلقون الرمال والوسخ فوق الحمار كان ينتفض ويأخذ خطوة للاعلى وبسرعة وصل الحمار لحافة البئر وخرج بينما انصدم واندهش الفلاح وجيرانه

الحكمة المستفادة : الحياة سوف تلقي عليك بالاوساخ، كل أنواع الرمل والوسخ، وفكرة الخلاص من البئر هي أن لا تدع الاوساخ تدفنك ولكن تنفضها جانبا وتأخذ خطوة للأعلى.

كل مشكلة تواجهنا في الحياة هي حجرة يجب أن نخطوا فوقها.

نستطيع الخروج من أعمق بئر فقط يجب أن لا نتوقف ولا نستسلم أبدا، وتذكر انفضه جانبا وخذ خطوة فوقه
وطيلة الفترة الراحت امريكا كانت تدلق التراب فينا حتى لايعم السلام
والتقدم ربوع سودانناالحبيب والان وبعد ما اكتملت حلقات السلام جات ماما امريكا بكل ثقلها حتى تثبت للعالم انهم اصحاب السلام فى السودان
ابدا يا حبيبي امريكا نظرت لمصالحها فقط وبعد ما دلقت فينا التراب جات تنفض فينا... الشى العاوز اقوله ان السلام سودانى مائة بالمائة

وليد 500

كل الذين فاوضوا الانقاذ خلال 15 عاما اتفقوا على عبارة واحدة انها تفاوض من
اجل التفاوض، ثم تشق صف المفاوضين ( راجع مفاوضات ابوجا والمانيا من زمن محمد الامين خليفة/ على الحاج/غازي .. النتيجة كانت شنو؟)

امريكا يا عزيزي دفعت تكاليف الوفود واصرت انو يكون في سقف زمنى محدد للانتهاء وبلاش زوغانات ماشى الحج ، ماشي اعمل عمرة، العيد جاء عايز اضبح الخروف لعيالي. امريكا قالت ليهم تنتهوا قبل نهاية العام ومش عايزه مماطلة. النتيجة كانت التوقيع قبل نهاية العام. ده كلو ما شايفو ولا ما سامع بيهو؟ حبيبتك ليها حق تخليك تبكي ليل نهار

Quote: الشى العاوز اقوله ان السلام سودانى مائة بالمائة

من البلية ما يضحك

امريكا يا عزيزي دفعت تكاليف الوفود واصرت انو يكون في سقف زمنى محدد للانتهاء وبلاش زوغانات ماشى الحج ، ماشي اعمل عمرة، العيد جاء عايز اضبح الخروف لعيالي. امريكا قالت ليهم تنتهوا قبل نهاية العام ومش عايزه مماطلة. النتيجة كانت التوقيع قبل نهاية العام. ده كلو ما شايفو ولا ما سامع بيهو؟ حبيبتك ليها حق تخليك تبكي ليل نهار
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خليتنى اضحك من جديد عزيزى الوحيد
يكون فى علمك امريكا ما بتدفع فى الفاضى وحتى قصة الوقت المحدد
هى كانت متخوفة من الشركات الصينيه والاكتشافات البتروليه اليوميه
ويكون فى علمك كل العراقيل الكانت حاصلة بسبب ابو النسب قرنق الذى
اعترف بذلك... اما عن حبيبتى الجعلتنى ابكى والله ما ليها حق فى كده
ده انا بحبها.

Quote: يكون فى علمك امريكا ما بتدفع فى الفاضى وحتى قصة الوقت المحدد هى كانت متخوفة من الشركات الصينيه والاكتشافات البتروليه اليوميه

يا وليد500

انت عايز ترجعنا لحكاية الحور العين وعرس الشهيد والقرود الحاربت معاكم ليه؟
اغرب حكاية من حكاويكم واحد قال لما ناسكم يدخلوا اي بلدة في الجنوب البقر بيرقد جهة القبلة جاهز للذبح

ابدا عزيزى الوحيد ما عاوز ارجعك للحور العين لانك لو رجعت للقران بتجدها
اما القرود البتحارب ده شى وارد حتى فى الهند هنالك قرود تم ترويدها
وبتعمل عمل الانسان بحيث انها ممكن تمشى لمطاعم ابو العباس وتجيب ليك واحد
بوش وبطالب بموية الجبنة كمان...اما البقر لو اشبعتها بكوم برسيم ممكن
ترقد ليك على اتجاه يخطر ببالك ازن كل ما ورد صحيح
لك حبى