ردَنى إلى بلادي و بلدي شام

ردنى إلى بلادى
مع نسائم الغوادى
من منا لم يشعر مع بداية العام الجديد بان اهم امنية له ان تنتهى غربته و يرجع للوطن الحبيب؟
من منا لم يشعر فى اللحظات التى تلت بداية العام الجديد مباشرة بمزيج الحنين و الشجن عند تذكره لاحباب هم قطعة من قلبه و هو مزعة من سويداء فؤادهم؟
من منا لم يبتسم عند تذكر أشياء كانت تضايقه ساعتها فأضحت الآن أقصى أماله ان يتكرر حدوثها:رخات مطر أيقظته فى عز الليل،كتاحة ،طين لزج مثلاً؟
ومن منا لم يتذكر لحظتها الجروف والنيلين وام در والطابية ..البيوت القديمة..رائحة التاريخ..اريج الماضي...الناس الطيبين هنا و هناك..محمد أحمد الصابر المتوكل..حبوبة..ضل الشتا..؟
سنرجع يوماً الى حيَنا
ونغرق فى دافئات المنى
سنرجع مهما يطول الزمان
وتنأى المسافات ما بيننا
**
حقاً بلدي شام
كل عام و أنتم بألف خير

Quote: من منا لم يبتسم عند تذكر أشياء كانت تضايقه ساعتها فأضحت الآن أقصى أماله ان يتكرر حدوثها:رخات مطر أيقظته فى عز الليل،كتاحة ،طين لزج مثلاً؟

الله يالنا
دى صورة حية بعيشها الآن

لك الامنيات
والكتاحات الجميلة
وحنين طين الشواطىء


وكل سنه وانت اجمل

اشراقة الحبيبة
كل عام و أنت معى
دفئاً و أصالة
محبتى لك

و تلك المسافات التي قد اطرّتني .....

____

و انت بخير

Now, the easiest thing is to go to the Sudan. You can go now if you really like it.0

Who of you wants to go and fails to find a way for that? I am at your call and short notice.0

Yours

Shinteer Agency for Repatriation

Aha, come and get a very cheap ticket.0

God save the innocents

Quote: Shinteer Agency for Repatriation Aha, come and get a very cheap ticket.0

أحي الحبيب شنتير
كل سنة و انت طيب
يومك الترجع
أحجز لينا معاك تذكرتين..
ون واى

Quote: God save the innocents

اللهم آمين،،
تحياتى

Quote: سنرجع يوماً الى حيَنا ونغرق فى دافئات المنى سنرجع مهما يطول الزمان وتنأى المسافات ما بيننا

تلميذتي النجيبة : لنا يا مهمومة بعشق الوطن ..

الرجوع يبقى حتميا ـ مهما طال الزمن ـ لوطن طالما عاش ساكنا فينا ..

ويظل هاجس العودة لتلكم الارض الطبية يؤرقنا ويغض مضاجعنا..

كل سنة وأنت بألف خير وعافية .

خضرعطاالمنان

Quote: الرجوع يبقى حتميا ـ مهما طال الزمن ـ لوطن طالما عاش ساكنا فينا .. ويظل هاجس العودة لتلكم الارض الطبية يؤرقنا ويغض مضاجعنا..

استاذى الحبيب خضر
كل عام وأنت طيب و سالم..
الرجوع يبقى حتميا
مهما طال الزمن..
لوطن طالما عاش ساكنا فينا...
محبتى لك

Quote: و تلك المسافات التي قد اطرّتني

أخى الحبيب حسين
وكل عام و أنت هانىء ومرتاح البال
محبتى

سنرجع يوماً الى حيَنا
ونغرق فى دافئات المنى
سنرجع مهما يطول الزمان
وتنأى المسافات ما بيننا


وكل عام وانت بخير يا لنا

Quote: سنرجع يوماً الى حيَنا ونغرق فى دافئات المنى سنرجع مهما يطول الزمان وتنأى المسافات ما بيننا

لك الود يا لنا ..

عادل

أخي الحبيب عادل
من أوائل الناس الذين اتذكرهم ضمن من عشقوا السودان انت..
تعشقه بتطرف وعنفوان
فهنيئا لك هذا العشق السرمدى
ومحبتى لك

الحبيبة الغالية سلوى
كل عام و أنت أبهى
والسودان فى الحدقات
محبتى

Quote: من منا لم يشعر مع بداية العام الجديد بان اهم امنية له ان تنتهى غربته و يرجع للوطن الحبيب؟ من منا لم يشعر فى اللحظات التى تلت بداية العام الجديد مباشرة بمزيج الحنين و الشجن عند تذكره لاحباب هم قطعة من قلبه و هو مزعة من سويداء فؤادهم؟

لنا الحبيبه
والله السنه الجديده لسه عندنا .. لكن كلامك ده بالضبط هو الحاصل اللحظه دي !

يا ربي متين العوده للسودان ..

Quote: يا ربي متين العوده للسودان ..

الحبيبة الغالية الحنينة سكوتاوية
أعرف مشاعرك جيدا....
فلاول مرة تبتعدين عن الاسرة
"الوطن المصغر"..
ففيها بعض من امانه وظله وسترته وحميميته و حقيقيته..
يا ربي متين العودة للسودان؟؟
الاسرة الكبيرة و الحضن الأحن..
محبتى و مناى لك بكل جميل

الاخت العزيزه

لنا

كل سنه وانتى طيبه وربنا يحقق الامانى


ويدي الوطن العافيه

ويمتع الجميع بالصحه

أخى الحبيب فجراوى
رد الله غربتنا كلنا و جعل الوطن مقراً يسع كل احلامنا و طموحنا و نسع طموحه فى ومن بنيه..
محبتى لك

لنا مهدى

مع تباشير العام الجديد لا يسعنى الا واقول لك
ولنا اعنى كلنا عام سعيد ورد الله غربه الجميع

الى ذلك الحين نمنى الانفس بالصبر الجميل والكلمه الاطيب

أخي الحبيب قاسم..
لمست محبتك و التصاقك بأرضك من التصاقك باصدقائك و كم انت مهموم بهم..وبعض الوفاء من بعض الوطن..والانسان لا يتجزأ:فالوفى لارضه وفى لاهله ,والمنتصر لاصدقائه منتصر لقيم الصدق و المحبة والاخلاص..
تسلم وخالص المحبة

لك الشكر
واجدنى عاجزا امام كلماتك التى ارفع لها كل العمائم والطواقى
عفوا لا توجد قبعات
حقيقه لا يسعنى الا وكل الاحباب والاصدقاء والناس الطيبيين فوق رموش
العين ان جاز التعبير

اشكرك جدا

اخيك دوما قاسم

اخي الحبيب قاسم
بل انت من ترفع له القبعات
محبتى لك

والله كضابين جنس كضب ما حصل.

أولاً .. كل سنة والجميع بخير
ثانياً: كضبكم واضح للعيان .. يا اخواننا أي زول بيحب السودان بالطريقة البتقولوها دي والله ما قدامو أي حاجز .. تفضلوا على السودان.

بطلوا الكلام الفاضي يا ناس .. وخليكم عمليين. السودان اليوم مفتوح للغاشي والماشي .. وأي واحد فيكم عاوز يسافر وواجهته مشكلة .. أنا مستعد أساعدو عشان يوصل هناك ويدافر مع المدافرين. أيوه مع المدافرين لأنكم كلكم في الغربة دي مدافرين .. شغالين عتالة وجرسونات ومرمطونات ومش عارف بلاوي زي دي. يللا خليكم عمليين وأمشوا مارسوا الأعمال دي في السودان اللي بتحبوهو بالطريقة العجيبة دي.

أنا في انتظاركم بمناسبة العام الجديد .. لدينا تخفيضات هائلة في التذاكر.

I am serious

Don't ask me whether I love Sudan or not: I hate it.o

Quote: أنا مستعد أساعدو عشان يوصل هناك ويدافر مع المدافرين. أيوه مع المدافرين لأنكم كلكم في الغربة دي مدافرين .. شغالين عتالة وجرسونات ومرمطونات ومش عارف بلاوي زي دي

اولا ابدا بنفسك سافر ارجع للسودان شق الدرب و ادينا تقرير من هناك..
المدافرة و العتالة و شغل الجرسونات و المرطونات ما عيب،،
كلها يا شنتير مهن ما عيب..
العيب البطالة.
نبي الله داؤود كان ياكل من عمل يده..

Quote: Don't ask me whether I love Sudan or not: I hate it.o

طيب ..
ما ح نسالك..
تحياتى

يا أختنا لنا .. أقولها صراحةً: لم أعشق يوماً خريطة السودان. أكرهها بالفطرة .. وكل من له فطرة سليمة يجب أن يكره هذه الخارطة الملوثة.

قال وحدة قال

Quote: يا أختنا لنا .. أقولها صراحةً: لم أعشق يوماً خريطة السودان. أكرهها بالفطرة .. وكل من له فطرة سليمة يجب أن يكره هذه الخارطة الملوثة.

الفطرة السليمة أن تحب بلدك و خريطتها..هذا ما أعتقد..فوطنك هو المكان الوحيد الذى تحس فيه أن السماء سماؤك و الأرض أرضك و النسيم الذى تملأ به صدرك "حقك"..
الوطن هو مخزن الذكريات ووقود الذاكرة ولولا الأمل فى رجعة إليه تقرب أو تبتعد،لهلك كثيرون تحت عجلات قطار الغربة..
محبتى لك

شانتير
كل سنه وانت بخير ورينا يحقق الامنيات

اشكرك على المساعده فى امكانيه العوده والرجوع والمدافره
ياخى دعنا نحلم فقط فى هذا اليوم الجديد
سؤال برىء جدا جدا ياخى وكالتك للسفر والسياحه ضاربها جفاف ولا شنو الحاصل

كل سنة وانت طيب يا قاسم المهداوي
الوكالة عال العال وشغالة تمام
اتصل بنا على الرقم المباشر:

81335583231

في انتظارك. بتكلم جد يا قاسم .. الرقم صحيح .. وما عليك إلا الاتصال وبعد يومين من التصال ستجد نفسك في أمبدة.

Quote: وبعد يومين من التصال ستجد نفسك في أمبدة.

وكالتك ما حصلت يا شنتير ..
فيها كمان خاصية اختيار مكان الاستقرار بالسودان؟؟؟؟

يعني في أحلى من أمبدّة؟. أقوم أحرّش عليك ناس يحى فضل الله والمجموعة.

طيب .. لو ما عجبتك أمبدة عندنا خدمات الليموزين هناك توديك أي مكان تختاره. بس الدفع واجب يعني .. ما فيش حاجة مجان.

يا لنا مهدي وقاسم المهداوي .. علي بالدين أنا بتكلم جد. وكل الناس البتباكوا على السودان ديل أنا بعتبرهم كاذبين .. يعني كضابين بالسوداني الخشن كده.

بالله ريحونا شوية من حكاية الرومانسيات دي. الشوام عملوا ليهم مملكة في السودان .. وقبلهم التشاديين عملوا ليهم قرى بحالها في السودان .. وانتو شغالين لي: كيف المزار وقد تربّع أهلها بعُنيزتين وأهلنا بالغيلم/ أو القيلم؛ لا أذكر. بطلوا اللعب.

التذاكر جاهزة والرقم مكتوب فوق.

وكالة شنتير لإعادة إعادة التوطين. شقيق وكتل للناس البيعرفوا شغل البلدات

I don't believe you all

Happy New Year

Bunch of liars; save a few.0

Quote: يعني في أحلى من أمبدّة؟. أقوم أحرّش عليك ناس يحى فضل الله والمجموعة

وكمان جابت ليها تحريش؟؟
انا قلتا شي ؟؟؟ ..
شنتير آآآخوى خلينا فى العنيزتين و الغيلم،، انتا الحسادة العليك شنو؟؟

العزيز شانتير

تحايا بحجم البلد الغير محببه لديك كخارطه اولا
فيما يختص باختيارك ام بده لا توجد اى مشاكل خاصه وانا حابب اكون مع
الناس الغبش البيشبهونا والبيشبهوا كل السودانيين ( الغباشه من التعب
والهم والجرى وراء اللقمه الحلال )
اما مساله الحب والعاطفه اعتقد انها من الروحانيات وبدون اى تعقيد للمساله
واستفاضه فى الشرح وبكل بساطه ما اعتقد انك حتشاركنى فى حبى لست الشاى مثلا
لان العواطف دى وبالخواجاتى كده قالو (صم وير ان) علشان تعرف وتتاكد الحكايه
بتكون محتاجه لى مشرحه وتشريح وهلمجرا
وبعد التشريح والتاكد تاتى مساله الميت منو والقاتل منو

ياخى خلينا نحب وليه ندخر مشاعرنا طالما ان الحب متواجد ومتدفق

لك الشكر وتوقع اتصالى بك من زاويه التواصل الانسانى فقط

بت عمي
وحات الله وتربة جدي وجدك حاج شريف ود علي
مردك يا بت الرجال ما الشام بيوت اجدادك في
مكة في حارة باب شريف الحارة المقابلة باب السلام
يا مأصلة وما بتدوري ليك تعريف اسألي يعقوب

ود عمي الحبيب
بلدي شام و احلى من الشام..
الخلى الاجداد يسيبوا مكة و "أهلها الصيدا" و يجوا السودان جاذبية قوية أكيد

Quote: بيوت اجدادك في مكة في حارة باب شريف الحارة المقابلة باب السلام

هلا هلا
كان كدى مادام المكان محدد بالدقة دى..منتظرين شنو؟؟

كل عام و أنت بألف خير ويحقق كل المنى

بالحيل محدد اسألي سيد الصورة الإنتي
خاتها ود عمي وعمك
وخلي يجي سينتمتل ود جدي حامد
يأكد ليك وكمان ود قاسم

ود قاسم الشقيق..ومن يشهد للاحباب مثله ؟؟
وعام سعيد على ود قاسم و عليك باذن الله..
محبتى الخالصة

الوطن ليس خارطة معلقة على الحائط ولا هو القناة الفضائية السودانية التي تصيبني بالغثيان

الوطن هو الناس الذين عرفتهم ... احببتهم واحبوك. الوطن ليس بقعة الارض وحدها بل الكتاحة والمطر ومدافرة الحياة كما قالت لنا (لنا).

احب الوطن ولكن في القلب غصة

الوطن ليس خارطة معلقة على الحائط!!!!!
ده أغرب تعريف للوطن. هو يا سيدي بلا الخريطة المعلقة على الحائط دي الخلانا نموت بالملايين شنو؟ وتاني حنموت.

ده الكلام بتاع الشعراء ذاتو يا زول واحد. طيب لو الوطن مش الخريطة المعلقة على الحائط .. تبقى مشكلتك شنو؟ أركب أي موجة واعتبرها وطنك .. وخلاص.

لعن الله خريطة السودان ومزقها شر ممزق.

Quote: الوطن هو الناس الذين عرفتهم ... احببتهم واحبوك. الوطن ليس بقعة الارض وحدها بل الكتاحة والمطر ومدافرة الحياة

الوطن هو العشرة..اللمة...الناس الحنان....حيث العواطف"دين"والجمال "فطرى"..
حيث الخير و الأمان.وحيثما تولى وجهك تطالعك الوجوه السمراء الطيبة..التى تكللها قناعة ويعلوهارضا برغم القليل.
وحيث السلام الداخلي يتبدى فى أبدع صوره..
لك المحبة و الشكر أخى الحبيب زول واحد

الحبيبة لنا
أتمنى لكي و لي و لنا جميعاً عام ملئ بالصحة و السعادة و النجاحات
و أتمنى أن تصل لقمة الخبز و جرعة الدواء و دفء السقف الى كل إنسان في أرض وطني
و بعدهم الكرامة و العدالة الإجتماعية و تكافؤء الفرص!

Quote: وكالة شنتير لإعادة إعادة التوطين

Is finding a good paying job part of your repatriation scheme?, if the answer is "yes", then, you got yourself a client.
Happy New Year to You

Dearest Outcast
Let us sketch our motivation and power to dish up our motherland that comprises magnificent examples of brave men.
HAPPY NEW YEAR

Quote: و أتمنى أن تصل لقمة الخبز و جرعة الدواء و دفء السقف الى كل إنسان في أرض وطني و بعدهم الكرامة و العدالة الإجتماعية و تكافؤء الفرص!

ندى الحبيبة كل عام و أنت أروع
وكل عام و الوطن بداخلك حتى و إن كنت خارجه..

بدوت واهلي حاضرون لانني ارى دارا لست من اهلها نفر
,,, بيت الشعر هذا لزوم العوملة العسكية وملكية حقوق المصطلح خاصة بالعبد لله,,,
وكل عام وانتي والجميع بخير
محمد عبد القادر سليمان من بلاد العم سام

أخي الحبيب محمد عبدالقادر سليمان
بي أملنا
وبي عملنا
وبالمحنَة
وبى وفا النيل فى دمانا نبتى جنة
كل عام و أنت بخير و رد الله غربتك,
محبتى

لنا

كل سنة وانتى والأسرة بألف خير .. أملى وأمنياتى أن يكون هذا العام بالفعل عام سلام ورخاء ، وأن يرسم البسمة على شفاه هذا الشعب الصابر .


تحيّاتى والتهانى عبرك لأسرتك الكريمة

الاستاذه لنا

مهما طال الزمن ومهما زادت مشقه الطرييييق



راجعيييييين وكان ما الليله باكر

الله يسهل بس

كل عام وانتي بخير والسنه الجايه في سودانا



تحياتي

و

لى قدام

بنية الحبيبة
سنرجع يوماً إلى حيَنا
ونغرق فى دافئات المنى
سنرجع مهما يطول الزمان
وتنأى المسافات ما بيننا
كل عام و أنت بخير
محبتى لك

أخي الحبيب لؤى
سعدت بمرورك هنا
فى بداية العام الجديدي أملى -مثلك- أن يرسم الله البسمة على شفاه هذا الشعب الصابر،ويبدل همه أملاً عريضاً و غداً مشرقاً..
محبتى لك

أولا كل العام والجميع بخير بعيد الإستقلال المجيد لنا مهدي والأحباب
*********************************************
يا الأنصار أتحضرو
والأمر السديد أتصدرو
السودان وطنكم قدرو
صونوه أوعى تودرو
والدساس الخائن أغدرو
ولولا الإمام المهدي كان الإنجليز
باعو وشرو
*************************************
أحن إليك يا وطني إلى السودان أرض المسران
فمل آمست شيئا سواه ولا في غيره أرجو مماتي
ولكن للحياة بنا صروف فآه من تصاريف الحياة
أحبائي بحق صلات ودي وأجمل ما لقيت أنا صلاتي
1
1
1
1
1 لم تسعفني الذاكرة فهل من مكمل

لنا مهدي الأخ فارس الطاهر الجاك يغريك السلام ويرجو مراسلته على عنوانه
[email protected]
أو على بريدي يوجد بالبروفايل

الغالية لنا مهدي
عاما مثمرا وكل عام والجميع بخير
تمضي السنون منذ ان وعينا العالم ونحن نرحل امنيات عام للذي يليه ونؤجل احلامنا ونلهث وراء التفاؤل عاما بعد الآخر....والآن ادركت عميقا ان بعض الاماني خلقت لتظل محض اماني
وبعضها الآخر نصارعه ونتوهم تحققه.
لاشئ ياتي سهلا ولاشئ يضل عنوانه للحزانى وياتيهم بفاكهة الفرح وسياتي الحزن لامحالة فقط نطلب مقدرة ان نسوسه (وهنا جاءت ساس يسوس..... وهنا مكمن الحزن المقيم )
امس تذكرت جدي عندما يوقن ان امرا جللا حاول تفاديه لامحالة واقعا واقعا فانه يصلي ويرفع يديه عاليا بالدعاء
اللهم لاسهل الا ما جعلته سهلا وانت تجعل الحزن ان شيئت سهلا ويمسح بيديه على وجهه ويذهب لملاقاة ما يكره
انا الان ادعو اللهم اجعل حزننا في العام هذا سهلا وقدرنا على حمله كما الاحزان السابقة واعطنا قدرة الصمود والفعل المفيد........ونجنا من الشرير
كل عام وانت صديقتي والقراء بخير وامل
على وعد التواصل

الشاعرة لنا مهدي

أحييك وأنت تبشرين الكل بحلم العودة إلى وطن هو فينا. هذا الحار جاف..واسع مترامي الأطراف هو قدرنا. جربنا حر وضباب المنفى ‘ وجربنا الليالي الموحشات بعيداً عن ضحكة صافية لا يضاهي رونقها إلا وشوشة نسيم الفجر في سهول بلادنا. كان الوطن تحت الحصار ‘ ولا أحتاج إلى دليل لأسوق مثالاً نزوح الملايين منه في أعوام الرمادة التي زادت على الخمس عشرة سنة. ولكن................دعونا نسعى إليه..دعونا نبدأ العد التنازلي بالعودة إلى بيتنا الكبير..وطننا.

بلدنا يدخل عاماً جديداً من الأمل، فقد أدرك النازيون الجدد أن خيارنا - نحن شعوب هذا البلد- أن يجمعنا الحب والوئام تحت سماء بلدنا وأن السلام هو خيارنا الوحيد..لذا ترجلوا مكرهين ودخلوا في أصدافهم وهم الآن في مرحلة تغيير الجلد واللون.

كلمة حب إلى الأخ شانتير: أنت مسكون بحب وطنك‘ وأنا آخر من يصدق أنك كاره له. دع عنك غضبة السوداني المضرية..آل شانتير ظلوا دائما ملح الوطن الذي ننتمي إليه أنت وأنا.

لنا مهدي.. عشت أيتها المسكونة بحب بلادك!

الأخت العزيزة لنا بت دكتور مهدي
الحسرة تملأ قلوبنا ونحن نرى كل الكفاءات مهاجرة
نسأل الله أن يحقق الأماني بالعودة للوطن
سالمين غانمين

أخي الحبيب إسماعيل
اعرف حزنك و انت بعيد عن ارض الجدود التى تحب ذرات ترابها ذرة ذرة..
رد الله غربتك و غربتنا و الحقنا بالوطن العزيز
محبتى لك

لنا الغالية

السنة الجاية قادلة حافية حالقة بالطريق الشاقي الترام

تحياتي

Quote: لنا الغالية السنة الجاية قادلة حافية حالقة بالطريق الشاقي الترام

امانى الحبيبة
الهج بامانيك كما لهج بها خليل فرح قبل سنين ماضية،وقدلة يا مولاى حافى حالق فى الطريق الشاقى الترام..
كل عام و انت بخير تنثرين عبيرك على كل من يعرفك.
محبتى ومناى لك بكل جميل

Quote: هذا الحار جاف..واسع مترامي الأطراف هو قدرنا. جربنا حر وضباب المنفى ‘ وجربنا الليالي الموحشات بعيداً عن ضحكة صافية لا يضاهي رونقها إلا وشوشة نسيم الفجر في سهول بلادنا. كان الوطن تحت الحصار ‘ ولا أحتاج إلى دليل لأسوق مثالاً نزوح الملايين منه في أعوام الرمادة التي زادت على الخمس عشرة سنة. ولكن................دعونا نسعى إليه..دعونا نبدأ العد التنازلي بالعودة إلى بيتنا الكبير..وطننا.

أستاذى الحبيب فضيلي جماع لقدأسعدتنى كلماتك حقاً،هذا الجاف الحار مترامي الاطراف كثير المشكلات عميق الحزن هو قدرنا..
هذه البقعة الافريقية السمراء رغم فقرها فهى أغنى بلاد الدنيا..
ويكفى انها السودان..
أعوام الرمادة أهلكت فيه الزرع و الضرع و لكن أبداً لم تهلك "روح" السودانيين أو تزهق همتهم،ولم تكسرهم او تحنى هاماتهم، فلله دره من شعب معلَم.
محبتى لك

Quote: والآن ادركت عميقا ان بعض الاماني خلقت لتظل محض اماني وبعضها الآخر نصارعه ونتوهم تحققه

لنا الحبيبة الغالية
أخشى مثلك ان بعض الامانى خلقت لتظل محض امانى،وان بعضها الاخر نصارعه متوهمين تحققه،وان قسماً ثالثا منها يأبى علينا حتى وضعه فى خانة أمنية،ولكن سنظل نحلم و نحلم و نحلم،فبالحلم الذى نتوسده تحال دياجير اليأس قبساً نورانياً معيناً..
كل عام و أنت أجمل
وكل عام وأنا أنعم بصداقتك المزهرة
ودمت لى أيتها الحبيبة

أخي الحبيب عثمان..
يا لكلماتك الطيبات,,
أحنَ إليك يا وطني..
ولأهلك
ال"بيبدَو الغير على زاتم
ويقسمو اللقمة بيناتم""
الحبيب فارس ارسلت له ايميلاً ساعة اخبرتنى فى البوست الخاص بالحبيب وراق قبل أيام،
أرجو الا يكون ضاع فى وديان اليمن أو سهوله
محبتى

لنا مهدى

Quote: سنرجع يوماً الى حيَنا ونغرق فى دافئات المنى سنرجع مهما يطول الزمان وتنأى المسافات ما بيننا

حقق الله وما اجملها من امنيات
ولك عام سعيد وتحقيق مافى الخاطر
تحياتى

أخى الحبيب بلدى يا حبوب
وعام سعيد مفعم بالنجاح و السعادة ، تحقق فيه كل ما تصبو له.
محبتى

الاخت لنا ولهم وللجميع..
من منا اصلا يستطيع ان ينسي امدر والطابية وبوابة عبد القيوم شارع الموردة والاربعين ابروف ودنوباوي ود ارو الركابية السوق الكبير شارع العناقريب شارع الطواقي .
ومنو مننا الم مشتاق يخوج في موية المطرة نعلاتو في ايديهو محظم يخوض مع الخائضين ...
اختنا لنا :
حتي ونحن نحاول ان ننسي هذا الوطن في مثل هذه الايام لا يمكل اهلك الطيبين الا ان يزكروك به فيتصلون عليك (الو مرحب والله يا عمر مشتاقين ليك وكم اتمنينا السنة دي تبداها معانا البيت من غيرك مسيييييييييخ عليييييييك الله تعال خلاص كفاية ..هاك كلم فلان وفلانة الو الو الو تيت تيت تيت ...)ويقطع الخط ولكن ما بتتقطع امال اللقيا بي الاهل وبتييين تتحقق اللقيا وبتين يتقابلو الاصحاب احباب..

في الغربة طعم الدنيا غير ...
وسودانا كلللو سلام وخير..
كان مالي مالك يا عذاب ..
ما هناك كان احسن وأخير ..

محاولة شعرية خجولة صغتها وانا اشتاق لوطن بحجم قارة ومدينة بحجم وطن (امدرمان )

Quote: من منا اصلا يستطيع ان ينسي امدر والطابية وبوابة عبد القيوم شارع الموردة والاربعين ابروف ودنوباوي ود ارو الركابية السوق الكبير شارع العناقريب شارع الطواقي . ومنو مننا الم مشتاق يخوج في موية المطرة نعلاتو في ايديهو محظم يخوض مع الخائضين ... اختنا لنا : حتي ونحن نحاول ان ننسي هذا الوطن في مثل هذه الايام لا يمكل اهلك الطيبين الا ان يزكروك به فيتصلون عليك (الو مرحب والله يا عمر مشتاقين ليك وكم اتمنينا السنة دي تبداها معانا البيت من غيرك مسيييييييييخ عليييييييك الله تعال خلاص كفاية ..هاك كلم فلان وفلانة الو الو الو تيت تيت تيت ...)ويقطع الخط ولكن ما بتتقطع امال اللقيا بي الاهل وبتييين تتحقق اللقيا وبتين يتقابلو الاصحاب احباب.. في الغربة طعم الدنيا غير ... وسودانا كلللو سلام وخير.. كان مالي مالك يا عذاب .. ما هناك كان احسن وأخير .. محاولة شعرية خجولة صغتها وانا اشتاق لوطن بحجم قارة ومدينة بحجم وطن (امدرمان

أقلت أمدرمان؟
هيَا يا عمر
إمسك بيد الخيال و اعبر معه النيل الى يمينه"حيث سابق"،أتلمح التماعة تلك الفضية التى تحنو على ملهمها ويعلوها هلال و حربة؟؟الضريح الفاح طيبو عابق السلام يا المهدى الامام،هنالك حيث الاشواق تتكاثف كبخار محبة وحيث الحنين يقودك لا تقوده وحيث النفس تهفو والقلب يخفق..
أقلت أمدرمان؟؟
إمسك بيد الخيال و أعبر معه النيل و تمهل فاعرج يميناً الى اب روف و اتئد و انت تجتاز تلك الازقة الضيقة التى كأنما خلقت لتكون هناك و كان التاريخ يسجل فى كل لحظة توقيعه على "شهادة العجز و الاخفاق"فى ان ينل من صباها شيئاً فلم تشخ او تهرم رغم انها عتيقة عتيقة،تنحنى ظهور أبنائها فى رحلات أعمارهم أطقالاً فصبية فشباباً فكهولاً فشيوخاً ولا ينحنى ظهرها أبداً..
أقلت أمدرمان؟؟
إمسك بيد الخيال و تمهل و الذكرى قطعة سكر أذبها ببطء بداخل فم الواقع ولا أحلى..
أقلت أمدرمان؟؟
إمسك بيد خيالك و لا تطلقها أبداً ورددا معاً:
إمتى أرجع لى ام در و اعودا
اشوف نعيم دنيتى و سعودا،
ثم بح بحبك دفعة واحدة واهتف:
المن فراقك ايامي سودا
امتى ارجع لى امدر و اعودا
ثم اهتف:
من علايل اب روف
للمزالق
من فتيح
للخور
للمغالق
قدلة يا مولاى حافى حالق
فى الطريق الشاقى الترام
وامتى ارجع لى امدر و اعودا؟؟

Quote: ومن منا لم يتذكر لحظتها الجروف والنيلين وام در والطابية ..البيوت القديمة..رائحة التاريخ..اريج الماضي...الناس الطيبين هنا و هناك..محمد أحمد الصابر المتوكل..حبوبة..ضل الشتا..؟

لنا كل عام وانتٍ بخير

أخي الحبيب لؤى عمر
وأنت بألف خير
والامانى محققة
محبتى لك

ألاخت لنا


فيضك مترع بالحب و العشق لعازه

...... أغبطك ..

التحيه عبرك للأخ يعقوب

وكل عام أنتى وأسرتك الكريمه بألف خير

أبوحجل

اخي الحبيب صلاح
وكل عام و انت محب لبلدك عاشق لها
وتقبل تحيات يعقوب
مع محبتى

مهما طال غيابك مصيرك ترجع لأهلك وصحابك
الأخت الحبيبة لنا
السودان وطننا في حدقات العيون .. ومهما يكن فهو لن يفارقنا أبداً .. وحب الوطن حب من الفطرة .. فلك منا كل الحب والتقدير لعى هذه الشجان الحلوة في بداية العام الجميل الذي نتمنى أن يكون عام حب ورخاء لوطننا الغالي .
وكل عام وانت وجميع الأحباب والأخوان والأخوات وكل سوداني في شتى بقاع العالم بخير وعام سعيد

اخي الحبيب فيصل النعيمة
الوطن ليس الداخل فقط
الوطن هو كل الاصحاب والاحباب و الاهل و القراب الطيبين الحنان الخلو الغربة ممكنة الاحتمال.
كلهم يحملون بداخلهم الوطن أينما حلَوا
مثلك اخي الحبيب و الصديق لاسرتنا فيصل
دمت لنا ودام وفاؤك و زهت ايامك

الاخت لنا ..
اذكر ونحن في الصغر نذهب مع جدي (لوالدتي ) الشيخ صديق احمد العجب مصحح راتب المهدي وخطيب مسجد الانصار الي قبة المهدي نوزع الراتب للانصار وكان حينها السيد احمد المهدي والسيد الصادق يخرجون من المصلي ويأخذون الراتب ندخل معهم الي داخل القبة نقرأ الفاتحة ونخرج بعدها نتجه لي النيل حيث الطابية نستنشق عبيره ومن ثم نتجه الي خور ابعنجة حيث شجرة اللالوبة الكبييييييرة ونجلس حول جدي الشيخ صديق العجب :
جدي اديني تعريفة (انا ما كبير بس ده الشاعر قال كده )
جدي اديني تعريفة ...
بتقرا الحمدو يا المبروك ؟؟
بقراها وعشان تعريفة القاها بجووود في القراية كمان ..
إييه يا يمة والله زمان ..يا يمة والله زماااااااااان ...
نتجه الي ودنوباوي حيث العراقة والاصالة وحيث التقليد العمعروف لدي الانصار خصوصا في عيد الاضحي عندما يتجه السيد الصادق المهدي في صهوة جواد بعد ان يذبح الخروف وهنالك اذكر مشهد ذلك الرجل الدرويش الذي يمسك بسيف ودرقة وهو يسنن في السيف ويذكر حي قيوم حي قيوم حي قيوم ..
امدرمان لا تأفل اختي لنا ..
امدرمان تبقي ...
امدر يا ربوع سودانا نحيك وانتي كل امالنا ..
ان امدرمان انا السودان ..انا الدر البزين بلدي ..
انا بهواك سلام وامان وانا بهواك يا وطني.. انا امدرمان ..
أفلت امدرمان ؟؟؟
امدرمان لا تأفل ...
ولنا عودة

Quote: الاخت لنا .. اذكر ونحن في الصغر نذهب مع جدي (لوالدتي ) الشيخ صديق احمد العجب مصحح راتب المهدي وخطيب مسجد الانصار الي قبة المهدي نوزع الراتب للانصار وكان حينها السيد احمد المهدي والسيد الصادق يخرجون من المصلي ويأخذون الراتب ندخل معهم الي داخل القبة نقرأ الفاتحة ونخرج بعدها نتجه لي النيل حيث الطابية نستنشق عبيره ومن ثم نتجه الي خور ابعنجة حيث شجرة اللالوبة الكبييييييرة ونجلس حول جدي الشيخ صديق العجب : جدي اديني تعريفة (انا ما كبير بس ده الشاعر قال كده ) جدي اديني تعريفة ... بتقرا الحمدو يا المبروك ؟؟ بقراها وعشان تعريفة القاها بجووود في القراية كمان .. إييه يا يمة والله زمان ..يا يمة والله زماااااااااان ... نتجه الي ودنوباوي حيث العراقة والاصالة وحيث التقليد العمعروف لدي الانصار خصوصا في عيد الاضحي عندما يتجه السيد الصادق المهدي في صهوة جواد بعد ان يذبح الخروف وهنالك اذكر مشهد ذلك الرجل الدرويش الذي يمسك بسيف ودرقة وهو يسنن في السيف ويذكر حي قيوم حي قيوم حي قيوم .. امدرمان لا تأفل اختي لنا .. امدرمان تبقي ... امدر يا ربوع سودانا نحيك وانتي كل امالنا .. ان امدرمان انا السودان ..انا الدر البزين بلدي .. انا بهواك سلام وامان وانا بهواك يا وطني.. انا امدرمان .. أفلت امدرمان ؟؟؟ امدرمان لا تأفل ... ولنا عودة

امدرمان يا عمر حلقة راتب
تمتد بعمق "تكسبون" مرورا نفسياً بالمسبعات العشر فتنجينا فدعاء ختم القرآن الى ان تحط على دفتى دعوة قساوة القلب .
أترى لذلك معظم أهل امدرمان ليَنوا القلب؟؟
ام درمان حلقة راتب تحت الشجرة الظليلة المطلة على خور الامير ابو عنجة تتلو وراءه الشهادتين و العهد بالخلاص صباح مساء..
ام درمان حلقة راتب تذيب فوارق البشر الا من نظافة القلب و طهر النفس و السلام بالا تجعل اللهم فى قلوبنا غلا للذين آمنوا
امدرمان الشيخ الصديق احمد العجب و الشيخ احمد العجب..ودنوباوى الشامخة ببيت الامير و الاباء.
ام درمان عبدالله ود الزين وهو يلهج:
حبيبي جميل
جمال فتان
جمال تظهر سماتو الحلوة ميزات جوهر الانسان
جمال زى بقعة ام درمان
جمال فى طابعو سوداني
جمال فى شكلو انسانى
جمال ما فيهو دور تالت ولا تانى
جمال فى بيت من الجالوص
وفوق للشعبة رابط سعف منسوج من حبال و بروش
ووسط الحوش
تنوم العزة تتوسد لحاف بالعاديات مفروش
حبيبي جميل
جمال فتان
جمال رايع
جمال فى قبة او جامع
جمال فى طابية بتدافع
جمال فى طاقة بتقبل على الشارع
وقفة بتقفل الطاقة
وزحام فى شارع الصاغة
وضيف فى خلوة او دهليز
وزول نايم تحت لالوبة او جميز
جمال ما بحسو غير زولن لعب شدَت ووسط الميس
حبيبي جميل
جمال بطران
جمال شبعان
جمال زى بقعة امدرمان
وامدرمان
بيشوفا الرامد المرضان:
بلد بيموت
وعز بيفوت
وواحدة عجوزة راجية الموت
وامدرمان
بعين الشاعر الانسان
وعين البعرف امدرمان:
سلام وامان
تخش بحمار
تسوي حصان
تنوم بردان
تقوم دفيان
واسمعو كيف بقول عبدالله ود الزين
وليد الاوليا الصالحين
وليد الشهدا و الشاهدين
واسمعو كيف بقول فى ام در
وليد البر
انا امدرمان سليلة السيل
ولد ولدونى بالتهليل
انا امدرمان..
واعود

آآآآآآآآآآآه يا لنا آآآآآآآآآآآآآآآآآآآآآآآآه

اسمع منك ويجيب ...يامين

الحبيبة صباح
صباح الخير
وصباح الحب لهذا الوطن الجميل،
تكبر بيها الغربة
ما تعرفنى بلادى
خدنى على بلادى
محبتى

لا احد ينكر ان كل منا يحب المنطقة التي ينتمي لها ..ط
لا احد ينكر ان الخرطوم ما عندها سيد ..
ولكن هذه المقولات تختلف عندما تكون تلك المدينة امدرمان ..فحب الانتماء لها غير الانتماء لاي مكان اخر وامدرمان القديمة اسيادا معروفييييين ...
حتي ان ناس الخرطوم وبحري لهم مقولة (ناس امدرمان ديل فاكنها في روحم وعايشين ليهم وهمة كده بتاعت تراث وحنية وانتماء قول خشم ساي)..
ولكنهم لا يدرون ماذا تعني لنا امدرمان حقا..
الاخت (لنا) جسدت (لنا)معني حب امدرمان لكل امدرماني اصيل وكنت احب ان اواصل ولكن من اين اتي بكلام فوق ما قالته لنا لنا (جناس تام شديد )...
بس خلاص ..

بلدنا الحلومر
المنو ما بنتر
ملوة غيرنا كتر
ان دارنا لية نكر
نزح نجيهو فجر

يمكن ان تنزع كل شئ من الانسان حتى الكلية والطوحال والبنكرياس ولكن لا ولا يمكن أن تنزع الوطن من من الأنسان ولا الإنسان من الوطن فإن لم تاتية زحفا ياتيك طيفا والآن يقرع الآبواب فافتحوا لة او إنفتحوا علية الا هل بلغت اللهم فاشهد

الاستاذة لنا أخترتى اخطر الأزمنة وأخطر الأمكنة ....مكنك اللة لكل ما تصبو الية

تصبو الية

منصور

بسم الله الرحمن الرحيم

الاخت العزيزة لنا مهدى عبدالله
كل عام وانتى بخير والله يمتعك بالصحة والعافية

أخي الحبيب الغالى آدم
وكل عام و انت بخير
وكل عام و قلبك يسع كل العالم
محبتى و احترامي

Quote: فإن لم تاتية زحفا ياتيك طيفا والآن يقرع الآبواب فافتحوا لة او إنفتحوا علية الا هل بلغت اللهم فاشهد

فان لم تاته زحفاً
يأتيك طيفاً
بفرض رؤاه ويمسك بتلابيب الذاكرة و الذكريات ويزرعها
محبة خالصة..ناصعة
كمحب صوفى تولَه فى مولاه
وزاهد متبتل
فقلوب العاشقين لها عيون
ترى ما لا يراه الناظرون..
محبتى لك منصور

Quote: الاخت (لنا) جسدت (لنا)معني حب امدرمان لكل امدرماني اصيل وكنت احب ان اواصل ولكن من اين اتي بكلام فوق ما قالته لنا لنا (جناس تام شديد )... بس خلاص ..

ولانك تعرف أمد در يا عمر
ولانك تعرف ان حبها قدر
وان محبيها كثر
فلن يكفى كلامي وحده للاحاطة بكل هذا العشق اللانهائي
اكتب
واكتب
واكتب
كما كتب من قبلنا:
انا امدرمان دة ميلادي
وتيلادى البيشيل اسمي
انا القومتا اولادى
شرافة وسيف على وسمي
مزجتا شمالا بجنوبا
سكبتا شروقا فى غروبا
زرعتا الطيبة فى دروبا
وطابــــــــــت عـــــــــــــزة للأوطــــــــــــــــان
**
مع خالص محبتى

الحبيبة لنا
ربنا يحقق الامنيات الطيبات كلها
ويزيح عنا البلا ....

شكرا ليك يا اصيلة

كل سنة وانتى طيبة

أخي الحبيب
الرحالة
الأديب
الفاتح
سنة حلوة
عطرة
كعطر صداقتك الاصيلة
سنة حلوة
وضاءة
مع خالص محبتى وامنياتى بتحقيق كل حلم شخصي او عام

تعرفي لنا
عدت قبل شهرين ونص من السودان ...
شاهدت كوريا الجنوبية موجودة في السودان عربات كورية مختلفة تملا شوارع مدنناوكان الله في عونك اذا ماشي بشارع الصحافة زلط من الزحمة والضيق وحركة مرور تعبانه جدا
وعشت اياما لاتنسى في ام در العزيزة لم يخلو يوما فيها من كتاحة صباحية او مسائية
الشوارع في الخرطوم بدأت تتغير تتوسع خاصة شارع المطار وشارع سوبا ومعارض انيقة بدأت تظهر في شوارع مختلفة للخرطوم الكبيرة
مشيت عفرا مول وجدته ممتلئا بالخلق همس لي صديقي الناس عايزه تتنسم هوا بارد كان
الجو حارا جدا وقاسيا
ماعارف ...
لكن للسودان برغم ذلك ...حنينه الخاص وجماله الخاص وبريقوالخاص

أخي الحبيب لؤى
حتى لو كان السودان "هجيرة"وقيظاً..
وحتى لو كان مجرد خيام منصوبة فى صحراء جرداء لا أثر لحضارة فيه أو مدنية...
يظل اجمل بقاع العالم
محبتى لك

كل سنة وإنتي طيبة و لنا وشاعرة

أخي الحبيب فاضلابي
وكل عام و انت محاط باصدقائك الذين تحبهم أكثر من نفسك كما تشي كتاباتك
وكل عام وحياتك الصفاء و دربك الاخضرار..
محبتى لك

Quote: سنرجع يوماً الى حيَنا ونغرق فى دافئات المنى سنرجع مهما يطول الزمان وتنأى المسافات ما بيننا

الاخت الحبيبة لنا مهدي

كل سنة وانت طيبة وربنايرجعنا
وما يطول علينا الزمن


تحياتي

أخي الحبيب السنجك
أتمنى أن ترجع الى وطنك
غانم و سالم و كل أمانيك محققة..
كنت آمل أن ينتقل البوست الخاص بك الذى اوردت به قصة صديقك الرومانسي الى المنبر هذا العام..
على الاقل لنعرف أى طريقة اختار ليبوح لفتاته بمكنون قلبه...
محبتى الخالصة

اختي الصغيرة العزيزة لنا


أولا كل سنة وانتي ويعقوب والاسرة بخير

Quote: ردنى إلى بلادى مع نسائم الغوادى

المهم العودة يا لنا مع اي نسيم... انشاءالله (سموم)

اصبحنا في وضع خطير يشهد الله نا تفكيري مالنفك يعمل صباحا ومساء حول هذا الموضوع

ولكني لا ادري ..زهل افتقد الجرأة؟ .... هل اتخوف من مسألة الارزاق ؟ التي هي بيد الله

لقد اعيتنا الحيلة واصبح الشخص منا لايتخذ قراراته المصيرية بمفرده بل حياة غيرنا اصبحت

مرهونة بتضحياتنا.....

قال لي صديقي الحبيب موسي جادين ( عارف يا ابو عبدة نحن زي حصين السباق نجري ونتعب

والناس يتفرجوا ويكسبوا الجوائز وبعدين في النهاية راحتنا ستكون في رصاصة الرحمة


العزيزة لنا لا اريد ان افسد البوست عليك ولكن اين اقول كلامي

انا متأكد انك حا تتحمليني

هذا مع ودي

Quote: المهم العودة يا لنا مع اي نسيم... انشاءالله (سموم) اصبحنا في وضع خطير يشهد الله نا تفكيري مالنفك يعمل صباحا ومساء حول هذا الموضوع ولكني لا ادري ..زهل افتقد الجرأة؟ .... هل اتخوف من مسألة الارزاق ؟ التي هي بيد الله لقد اعيتنا الحيلة واصبح الشخص منا لايتخذ قراراته المصيرية بمفرده بل حياة غيرنا اصبحت مرهونة بتضحياتنا..... قال لي صديقي الحبيب موسي جادين ( عارف يا ابو عبدة نحن زي حصين السباق نجري ونتعب والناس يتفرجوا ويكسبوا الجوائز وبعدين في النهاية راحتنا ستكون في رصاصة الرحمة العزيزة لنا لا اريد ان افسد البوست عليك ولكن اين اقول كلامي انا متأكد انك حا تتحمليني هذا مع ودي

اخي الحبيب سوركتي
قطعاً ساحتمل هذا والمزيد كمان فلا تتردد..
ما أوردته هنا مختصر معاناة كل من يفكر فى العودة النهائية للسودان،حيث تاتى قصة ترتيب الاولويات ،التباديل و التوافيق فى الخيارات..وغيرها،،خاصة وان المغترب فى البلاد الخليجية يكون مشدودا بخيوط التزامات كثيرة الى البلد التى يعيش فيها، ومحاولة التملص من الشبكة العنكبوتية هذه صعبة و متشابكة..
خالص المحبة لك وكل سنة و انت طيب

عندما يكون الحديث عن امردمان حينها يجب ان يكون مثل هذا البوست في الاعالي
فنحن قوما لا تفرق بيننا لنا الصدر دون العالمين او القبر


UP

عمر ..
أراك أمسكت بيد خيالك وعبرت النيل الى الشاطىء الغربي حيث امدر،وتجولت ملياً فى كل شارع و كل بيت ،فهنالك لكل شارع بوح و لكل بيت قصة تقبع فى ركن منه لتحكي -برغم عاديات الزمن- حكاية مدينة تليدة لم تمل الخلود و لم تعرف الانكسار..
محبتى

الحبيبه لنا .....

كل سنه و انت طيبه و اتمني ان يكون العام الجديد عام خير و حب و سهعاده لك و لأسرنك.....

وفعلا يا لنا سنرجع.......

سنرجع يوماً الى حيَنا
ونغرق فى دافئات المنى
سنرجع مهما يطول الزمان
وتنأى المسافات ما بيننا
و سنرجع انشاء الله
مع حبي و خالص مودتي...
مها

مها الحبيبة
سنرجع يوماً الى حيَنا
ونغرق فى دافئات المنى..
سنرجع يا مها و ندفن أحزاننا فى حضن كل من نلتقيه من أهلنا الحنان و نبكي،عل الدموع تغسل بمائها الطهور ما تراكم من ثقل جثم طويلاً على صدورنا،عل الدموع تكون رسولنا الى احبابنا تنبئهم كم اشتقنا و كم عانينا و هم بعيدين عنا..
خالص محبتى لك

لنا ولهم وللجميع :
علي النيل في الجهة الغربية ترقد تلك المدينة الساحرة والساحرون اهلها ..امدرمان كتلة من طيبة السودان وناس السودان في امدرمان الجميع اهلك محل ما لحقت وقت الفطور تدخل اقرب بيت تفطر وانت طالع عطشت اقرب باب لزو وخش ولمن تطلع بيكون وقت الغدا جا يمسكوك ناس حاج فلان وانت طالع منهم تلقا الشباب ملموم في زاوية تقيف تاخد عشرة ونسة يأذن الاذان فيقول الجميع (نطق الحق) تمشو تصلوا وبعدها يحلف عليكم واحد من الشباب تشربو شاي المغرب تجرو كراسيكم وتلتفو حول العمود والصينية وكبابي عثمان حسين والبراد الكبير متحكركم كل بنات الحلة اخواتك تجيكم دي تسلم عليكم تجيك خاتي فاطنة تقول عليك الله يا ولدي تعال امشي لي الدكان جيب لي فحم ..وعمك حاج اللمين يكورك لي فلان يا جني هوي امشي جيب لي علبة سجاير وتفتح الباب واحدة من بنات البيت وتنادي اقرب واحد عليك الله يا عمر اكشح لي جردل الموية ده ...يرجع كل زول من مرسالو ونتلم نقعد نضحك وينفض السامر علي امل اللقاء في دكان ود البصير وبالله يا شباب اي واحد يجيب معاهو حاجة لزوم البوش المظبط ..ولكن هيهات فانت الان تمر بالقرب من بيت حاج عبد الله وده معناها لازم العشا عندو ..وبي كده تكون من ما اصبحت لحدددي ما امست قضيت اليوم خارج بيتكم وفقط رجعت البيت لزوم النوم ..هكذا هي امدرمان كلللللللللها بيتك ...
امدرمان الموردة وكشك الليمون الفي الزاوية علي سوق الموردة ..
امدرمان دار الرياضة امدرمان ...
امدرمان فول الهجرة(الواحة) وود درو وحي ود البنا ..
امدرمان السوق الجديد ودنوباوي وشارع ود البصير ..
امدرمان لي في المسالمة غزاااااااااال وظبية المسالمة البي الحاصل لي عالمة يا ظالمة ياااااااا ظالمة ...
امدرمان حيث عبد الرحمن الريح وحاول يخفي نفسو هل يخفي القمر في سماهو ابدا وطبعا لا شفناهو شفناهو ..وابراهيم عوض يا اعز عزيز في دنيايا انا طامع ابقا عزيز دنياك ...
امدرمان الهاشماب وامدرمان وامدرمان خور ابعنجة واللالوبة وشيخ احمد العجب ..
امدرمان حوش الخليفة ...
امدرمان ميدان البحيرة وليلة المولد يااااااااااا سر الليالي ...
امدرمان السوق الكبير وشارع الجزارة والمحطة الاوسطي والبوستة ..
امدرمان قهوة جورج مشرقي والسينما الوطنية ووادي سيدنا والمؤتمر ..
امدرمان انشاء الله عوووووووووووووووووووووووووودة

يا سلام يا عمر
طوَفت بنا
حيث القلب يهفو
والذكرى تتقد
المزيد بالله عليك
المزيد

الرائعة .. لـنا مهـــــدي ..

كل سنة وانت بالــ1000ـف خــير

Quote: سنرجع يوماً الى حيَنا ونغرق فى دافئات المنى سنرجع مهما يطول الزمان وتنأى المسافات ما بيننا

رد الله غـربتنـــا.. وما اغلى ترابك بلـدي .. وما ارفع سماءك يا وطني

أخي الحبيب وليد 399
ما أبهج الكرت الذى انزبته بمداخلتك
فيه جمال
وبحوافَه أمل
يكتنفه ألق سار
خالص المحبة لك

الأخت الاصيلة لنا

والدي الله يرحمه قال لي وأنا على أعتاب الاغتراب .. أمشى يا ولدى لكن عايز أقول ليك كلام لو آدوك هناك قصر ومعاه دهب الدنيا وبيتنا ده لو راكوبه وبناكل كسره بمويه .. حا ترجع ليهو تانى

وانا بصراحه ما لقيت لا قصر ولا دهب وعايز ارجع للراكوبه .. وريحة الدعاش الرعاش

Quote: وانا بصراحه ما لقيت لا قصر ولا دهب وعايز ارجع للراكوبه .. وريحة الدعاش الرعاش

اخى الحبيب ود المدفع
شرفنى حضورك
ما قاله الوالد لك حكمة و خلاصة السنين و اثبتته الايام
بلدى شام
محبتى لك

عفوا سرقنا بعض التعابير للاخ فضيلى وقد تفضلتم قبلى باسداء الفضل والفضائل فهلا تفضلتم بالعفو عن السرقة مع سبق الإصرار




منصور

Quote: عفوا سرقنا بعض التعابير للاخ فضيلى وقد تفضلتم قبلى باسداء الفضل والفضائل فهلا تفضلتم بالعفو عن السرقة مع سبق الإصرار

حباً وكرامة أخي الحبيب منصور
وعلى الرحب و السعة
يشق علينا كثيراً غياب استاذ فضيلي
فكم من غائب حاضر
وكم من حاضر غائب
لك محبتى و له الدعوات بالتوفيق والنجاح

لنا...
لك رونق الشوق..المدار

happy new year


دمتي

صفاء الحبيبة
كل عم و أنت بكامل ألقك
محبتى
فقدتك مع بداية العام الجديد
ما تغيبي

في بلدي
حين يعز غريب الدار يحب الضيف
ويخص بآخر جرعة ماء عز الصيف
بعشا الاطفال
ببليل البشر و الايناس إذا ما رقَ الحال
-صلاح أحمد إبراهيم-

منذ الصباح و بتواصل لا تقطعه باترة..يخطر على بالى السودان..بلدي الشام
أنم تراني خطرت على باله؟؟
أنعشتنى حد الإبهاج فكرة اننى خطرت على بال بلادي
فمن أكون لأخطر على بال تلك السامقة؟
لماذا تبدو السماء هناك أصفى؟؟
والهواء أنقى؟؟؟
والماء أعذب؟؟
لماذا يحس الإنسان فى بلاده انه يسير على قدميه لا رأسه؟؟
وردني إلى بلادى:
فككنى قطعة قطعة و اقذف بي إلى هواء المصادفة فبلادي ستلم شعثى و تهدىء روعي..
او اسحق عظامى الى ان أصير أثراً بعد عين..فبلادي ستعيدني "واحد صحيح"..
أو أذب فى بحيرة الهم جسدى ولا تبالى و لن أبالى...فبلادى أحن على من طائر على فرخه......
وردني إلى بلادي..

Quote: يا الأنصار أتحضرو والأمر السديد أتصدرو السودان وطنكم قدرو صونوه أوعى تودرو والدساس الخائن أغدرو ولولا الإمام المهدي كان الإنجليز باعو وشرو

الأحباب عثمان محمدين ...... محمد عبدالقادر سليمان وفيصل النعيمة

إن شاءالله خير ....مشكلين غياب أوع تكون حصلت علينا حضرت الشياطين طفشت الملائكة

الكيان داير الزيكم الناس الأنصاريتهم مزيودة موية ورموا كبدنا

الحبيب فيصل أنقل سلامي لأخـي الذي لم تلده أمي الصادق مـوسى النعيم

الحبيب العجيل
مسجلين غياب و بس؟؟
اها و البيجيب ليك تليفون الصادق موسى النعيم؟؟
محبتى لك

في هذا الظرف الدقيق
حفظك الله من كل سوء و بلية
وأبقاك واحدا صحيحاً و ليس كسوراً متفرقة
(تكبر بيها الغربة..وما تعرفني بلادي....خدني على بلادي)