هيثم سعيد عرمان وقعت معانا وما سميت !!!

هذا الوطن ينفرط عقده كل يوم بسبب من غلواء الساسة والحكام,,
الراهن هذين اليومين يغنى عن كثير..
قبل عقدمن الزمان احتفل به فى قاهرة المعز نفر من أصدقائه عند وداعه وقديمم وجهه تلقاء الولايات المتحده,,,
عدت من تخوم اريتريا البارحه للقاءه وللاحتفال به.. وهو يعرف العشق المدنف الذى يشقى به كلينا الى تلك الهضاب الرحيبة,,
قبل عامين بلغنا اسمرا عند (اباشاول) وشارع (كمشتاتو) نتشارك الشعب الاريترى احتفاله بمايو الثورة والامنيات والمثابرة الطموحة التى تثرى الوجدان والمعنى,,
قضينا وعمرالحاج ومجتبى ومحمدطه القدال والجنرال أياما بهيجة فى علو (أسمرا ناي سيباح ) وصوت وردى وابراهيم حسين يصدحان فى الشوارع,,
صحبة صديقى الذى أعرف تزيدفى العمروتثريه..
هو فى صمته وسمته يتقدذكاء وثقافة وحضورا واستشفافا بديعا,,
سيدى اوسوك أو سيدى دوشكا الفنان الكبير قدم نضالات بديعة لشعبى البجا وارتريا..
هو يعد الشرق وجواره عمق لوطن كبير مرحاب,,
سيدى دوشكا يترقب وطنا يستوعب تنوعه واختلافه وسماحته فى بوتقة واحدة ,, وهوبذا يغنى برطانة الدناقلة مثلما يغنى بلهجة البجا والدينكا..ومثل دوشكا صديقى الذى أكتب عنه فى يوم انتظرته طويلا,,
هيثم عرمان يتقدم خطوة الى عالم جديد.. الأميرة شيماء عرفته وعرفت للاختيار معيارا وهى تصحبه فى رحلة طويلة مفتوحة على كل الاحتمالات ..
الفنانان المبدعان سيدصوصل وعوض شكسبير فى نادى الكشافة يقدمان لوحة باهرة وهما يتغنيان فى حضرة شيماء (جالوه) بصورة مبهرة رغم كل شىء,,
صديقى هيثم سعيدعرمان فى القفص الذهبى ,,,
مطر وشكسبير وودالحاج ..مبروك للعروسين

مطر..شكسبير..عمر ..ساعدونا بالصور على الاقل والاشنو؟

تحياتي عكاشه

والف مبروك لصاحبنا هيثم عرمان ولشيماء

الحبيب محمد
سلامات وكيفنك
تبلغ تحياتك
شكرا كتير
محبتى

مليون مبروك

الف مبروك صديقنا هيثم عرمان وبيت مال وعيال ونضال
التهاني موصوله لاسرته الكريمة وللصديق اسامة عرمان
طال الزمن من اخر لقاء بيننا
وفي البال ذلك الشاب الصغير المفعم بالحماس والثورية والاندفاع
كنا نود ان نكون حضورا الا انها الغربة اللعينة حرمتنا من ان نكون شهودا للفرح
التهاني القلبية للعروسين

الحبيب عكاشة
وكاننى لم احضر حرفا من قبل وكاننى لم ارى الجمال
عرفتة العريس عن طريق عمر الحاج (اتخيل ) فوجدتة عمرا اخر وصديقا اخر
و ( عرمانا ) اخر ..
وانا فى زحمةدراما وتصوير هذة الايام اجهز بعض مايضحك لاهلى ليشاهدوة فى رمضان
اذ هاتفى يجلجل ( وكعادتة ) عمر الحاج يتصل فى الزمان والمكان الخطا
ليخبرنى بزواج هيثم
stop يوقف المخرج امام حسن الامام التصوير ويامر كل الكاست العامل من ممثلين ومصورين وفنيين
للتوجة لنادى الكشافة وبالحرف الواحد قال ليهم
امام : ارحكم نادى الكشافة عشان شكسبير دا عندو (عزيز ) حايعرس
فكان......
عكاشة ان عدتم عدنا

الاخ عثمان الشيخ
شكراجميلا على حضورك ومشاركتك الاخ هيثم فرحة زواجه
كل الود
اماشكسبير سنعوداليك حتى تعود
مع حبى وتقديرى

هيثم ياخي....
انت محظوظ.....كيف ؟
في حفلة وداعك بالقاهرة وانت تهم بالمغادره كان نجم حفلك الفنان الضخم الراحل المقيم الفاضل سعيد
وقد تجلّي في تقديم فقرة لطيفه قال فيها ثلاث نكات نالت استحسان الجميع (ومابقولها ياعكاشه) وهيثم ذاته بكون نساها.
وفي حفل عرسك امس كان النجم الفنان المتأمل صوصل وشكسبير قدمان وصلة في ختام الحفل صوصل لوحده وبالعربي والانجليزي وعربي جوبا ورقصة ساحره ومن شكسبير وكل علي حده.

وفي القاهرة دوما كنت في معية اصدقاء لايتوفرون الا لذو حظ عظيم منهم عادل القصاص ورومانو بوج ..وعصام الاحمر..واخرون انت تعلمهم.
هيثم نجم السعود تدلّي
التهاني مستمره
باقات انيقة ملونه
وكل الامنيات العراض بحياة زوجيه عامره بالفرح

وانا وكاتب البوست ـ ان عرسناـ (ومافي شي عند الله بعيد) بنجيب في حفلتنا صوصل وشكسبير.....يالطيف!!!!

الف مبروك للعريس هيثم وحياة زوجية موفقة
شكرا محمد عكاشة على الخبر السار بالعنوان المقلوب

عكاشة .. شكسبير .. مطر .. وسيد صوصل .. والجميل ابو عبيدة
حضور انيق وابداع فاق حد الوصف

وعريسنا .. الهيثم ...
وعروستنا الشيما
مليار مبروك
بجيكم صادى

Quote: وانا وكاتب البوست ـ ان عرسناـ (ومافي شي عند الله بعيد) بنجيب في حفلتنا صوصل وشكسبير.....يالطيف!!!!

ياسلام على صوصل وشكسبير حالة ابداعيه بلاحد
كانت ختام جميل للحفل
شكرا يامطرعلى الحضور والحكايات اللطيفه
بعدين العرس ده خلى شويه لحدمانشوف مهداوى قريب
كل الود

الصديق/ محمد عكاشة

سلام وتحايا. القال ليك منو نحن عايزين صور وبطيخ ؟! عشان تغيزونا اكتر ولا شنو يعني؟ لا ما عايزين صور ولا عايزين نعرف الشارك في الحفلة منو عشان ما نموت كمدا وسمبلة كمان.

ياااخ شكرا ليكم كتير على سد الفرقة في ظل غيابنا.. وتحايا عميقة للعزيزين سيد صوصل وعوض شكسبير ومطر قادم.

يا مطر عز الحريق، سيد البوست متزوج الكلام عليك انت.. وأدعو ربك انو مدام عكاشة ما تقرأ البوست دا، سمح؟ لانو وقعتك معاه حاتكون أسود من قرن الخروب.

أرقدو عافية يا شباب

الف مبروك للأخ هيثم و الأخت شيماء

بيت مال و عيال و نضال.

شكرا للأخ محمد عكاشة

و عقبالك يا عبد الفتاح

ندى

Quote: سيد البوست متزوج الكلام عليك انت

طبعا ياعبد الفتاح الكلام كلو في اطار F3 وجواب الشرط وهلمجرا

Quote: أسود من قرن الخروب

ده كان زمان بجيبوه الحجاج ويمضغ مضغ بقي المصريين عملوا منه شربات ولو مكضبنا اسأل صوصل

وتعرف المصريين لمن يسمعوا حد اتزوج بيقولوا ليهو (يا ابني مطول عمرك كنت عاقل جري ليك ايه)
ولو سمعوا بشخص تزوج وهم زعلانين منو بيقولوا (يستاهل) اما ابشع ماسمعت منهم فقولهم العجيب (امشي في جنازه ماتمشي في جوازه)
مجددا الف مبروك لشقيقك وتحياتي وسلامي