Post: #1
Title: أتشرف بدعوتكم لحضور حفل زواجى !!!
Author: محمد عكاشة
Date: 03-12-2011, 11:57 AM
Parent: #0
( أتشرف بدعوتكم لحضورحفل زواجى وذلك مساء يوم الاثنين بعدصلاة الجمعه..
والدعوة عامة..
بيت بيت..زنقه زنقه..دار دار..فرد فرد ولكل الرجال سواء كان ذكرا أو أنثى,,
وجعلها الله أمطار خير وبركة..
وتقبل الله صيامكم وقيامكم..
وعيدسعيد ومبارك عليكم...)
مع تحيات محشش جرب النوع الذى يستخدمه معمر القذافي ,,
_________________
رسالة على الموبايل أضحكتنى وانا فى طريقى من وراء سوق (ليبيا) لحضور حفل زواج بديع..
عم عبدو رجل دهرى يحب الحياة ويتوسل لاستدامة طاقتها ودفقها بعلاقات عجيبة ومبهرة..
قرر قبل أعوام بيع منزله بوسط ام درمان ليبتاع قطعة أرض بعيدا عن ضوضاء المدينة بقرب قرية الجخيس ...
هناااااك ..غرب الدنيا,,,
ثم هولايفتأ يقيم كل يوم مذ رحيله طوبة فى بناء استقام منزلا ريفيا جميلا..
عم عبدو يطرب للفن السودانى ويحفظ أسراره وخرائده وقد صحب كثيرا من عمالقته الراحلين,,
قبل أيام يقدم دعوة لبعض الموسيقيين لمشاركته جارته السيده كانجى فى احتفالها بعقدقران كريمتها ,,
الدعوة يبلغنيها عبر اصدقائى هؤلاء والذين عقدوا العزم وأسرجوا لاحياء حفل فى تلك المنطقة البعيدة الجميلة..
عم عبدو وجارته والناس البسطاء فى ضؤء الرتائن أوقدوا للفرح شموعا من محبة وتحنان وكرم فياض,,
كل الناس كانوا فى طرب وحبور لاغنيات الحقيبة والحماسة والعاطفة النبيله..
طربوا من أعماقهم بايقاعات رقص موزونة واتساق..
هم برغم اختلاف اللهجات والرطانات الا انهم يرددون مع المطربين الذين قدموا باقة لعدد من الاغنيات,,
قضيت وأصدقائى بعض يوم بديع هو زيادة فى أعمارنا والمدينة التى نكابدلفحها وسمومها تنزوى بعيدا رغم الأنوار والبهارج والماء البارد,,
سعدنا بهذه المشاركة وأسعدنا احتفاؤهم بمقدمنا,,
ثم..
نعودالى وسط المدينة فى حال تطهير بليغ وماتزال القنوات تحكى ثورات الشعوب وانتفاضاتها والحكام يكذبون بلاحياء ولاخجل,,
ثمت قريشات سأدخر لشراء بيت صغير هنالك قريبا من عمنا عبدو..
حيث الصدق والنقاء والهواء الطلق وضؤء القمر والناس فى بساطة وعمق !!!
|
Post: #2
Title: Re: أتشرف بدعوتكم لحضور حفل زواجى !!!
Author: محمد عبد الماجد الصايم
Date: 03-12-2011, 12:21 PM
Parent: #1
ألف مبروكـ يا عمكـ
ربنا يكمل ليكم على خير
|
Post: #3
Title: Re: أتشرف بدعوتكم لحضور حفل زواجى !!!
Author: اسماء الجنيد
Date: 03-12-2011, 12:24 PM
Parent: #2
محمد عكاشة سلام وتحية اخي العزيز
والله دخلت ابارك ليك واشاكلك اقول ليك لي هسة باير لووولز
ضحكتني والله
برضو مبروك ضحكة في زمن العتمة
لك التحية ولأسرتك الكريمة
|
Post: #4
Title: Re: أتشرف بدعوتكم لحضور حفل زواجى !!!
Author: ساميه حامد
Date: 03-12-2011, 12:34 PM
Parent: #3
يا اخ والله الف مبروك وبيت مال وعيال
عجبني ليك يا ود امي تغلبها بالمال وتغلبك بالعيال
ـــــــــــــــــــــــــــــ
والله ضحكتني ضحك شديد مع اني الليلة زعلانة زعل شديد (الله إجازي إللي كان السبب)
|
Post: #8
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-12-2011, 02:30 PM
Parent: #4
الاخت سامية حامد
ربنا يديم عليك البسط والسرور
تسلمى على الحضور و المداخلة
مودتى
|
Post: #7
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-12-2011, 01:58 PM
Parent: #3
الشاعره اسماء الجنيد
يتباركن أيامك ..بمثل دعاء جدتى
كيفنك والصحة
تسلمى
ونحن بخيرمادمت طيبه
كل الود
|
Post: #5
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-12-2011, 01:21 PM
Parent: #2
ودالصايم
عوافى يازول
مباركتك الجاده وضحكتك شككتنى فى نفسي ذاتو..
الواحد يجرب النوع ده والاشنو؟
تسلم كتير
شكرا على المرور
مودتى
|
Post: #6
Title: Re: أتشرف بدعوتكم لحضور حفل زواجى !!!
Author: حبيب نورة
Date: 03-12-2011, 01:29 PM
Parent: #5
ياخ خلعتني
قلت الزول ده يكون سكواها ولم يخف عقباها
كيفنك يا عكاشة وكيف أخبار الرفاق
مطر ومن لف لفه
|
Post: #9
Title: Re: أتشرف بدعوتكم لحضور حفل زواجى !!!
Author: ناصر احمد الامين
Date: 03-12-2011, 02:38 PM
Parent: #6
غايتو دريباتك دي ما بتخليها كلو كلو
تحياتي يا عكش
|
Post: #10
Title: Re: أتشرف بدعوتكم لحضور حفل زواجى !!!
Author: سيف الدولة كامل
Date: 03-12-2011, 02:45 PM
Parent: #9
سلامات يا محمد عكاشة
خميتنا يا عكاشة ,, ربنا يبارك ليك في اولادك وتشوف سمحهم.
|
Post: #17
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-12-2011, 09:07 PM
Parent: #10
السيف الكامل
سلامات ياعمك
أريتك طيبه والعقاب
نحن بخير تب وعافيه درت
تسلم ياحبوب
كل الود
|
Post: #12
Title: Re: أتشرف بدعوتكم لحضور حفل زواجى !!!
Author: ismeil abbas
Date: 03-12-2011, 03:58 PM
Parent: #11
شكرآ كرت الدعوة وصلنى سوف أكون فى نفس المكان والزمان بأذن الله..
Quote: ثمت قريشات سأدخر لشراء بيت صغير هنالك قريبا من عمنا عبدو..
حيث الصدق والنقاء والهواء الطلق وضؤء القمر والناس فى بساطة وعمق !!! |
شوف لى معاك قطعة لوسمحت..وأدينى خبر..لكن كان مشيت على الدخنة قريب أهلك أفضل...تقديرى وأحترامى.
|
Post: #22
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-13-2011, 03:00 PM
Parent: #12
عمى ابوالزهور
كيفنك
تعرف عمى ابراهيم فى الدخنة حجز واطاتو هو واخوانو..
وبقى كل جمعة يسوق الشباب يضبحو عمبلوق ويقعد يبنى ويسور..
يحكى باستمرار عن الجو الجميل ووسعة المكان ودوشة ناس الداخل..
المهم لوبقيت على عمك عبدو جاهزين وكمان عمى ابراهيم برضو جاهزين..
بس الكاش بيقلل النقاش
مودتى
|
Post: #50
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-19-2011, 08:49 PM
Parent: #12
تحية قلبية الى الاصدقاء الموسيقيين الذين شاركو فى احياء الحفل
|
Post: #18
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-13-2011, 09:28 AM
Parent: #11
الاخ احمدمحمدبشير
شكرا على بطاقة الدعوة القشيبة
مافى تبديل خالص
خوف شديد يامان
مودتى وتقديرى
|
Post: #14
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-12-2011, 07:12 PM
Parent: #9
ناصر الامين
سلامات يازول
فى سيرتك وكت يجيبوها
كيفنك
دريباتى جايبانى ليك
خليك على اتصال
تسلم ياحبيب
|
Post: #13
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-12-2011, 06:22 PM
Parent: #6
ياحبيب
انت شفته خلع
جاييكم تب
ابوالامطار طلق الخرطوم بالتلاته وفارق درب الريد
ارقدعافيه
كل الود
|
Post: #15
Title: Re: أتشرف بدعوتكم لحضور حفل زواجى !!!
Author: tayseer alnworani
Date: 03-12-2011, 07:41 PM
Parent: #13
سلامات يا محمد
سجمك بعد العنوان ده اوعى ترجع البيت
انت زنقتك بنكون اقوى من حقت القذافى
غايتو انا مستعدة للدفاع عنك ههههههههههههههههههههه
|
Post: #16
Title: Re: أتشرف بدعوتكم لحضور حفل زواجى !!!
Author: معاذ منصور
Date: 03-12-2011, 07:51 PM
Parent: #15
الصديق ود عكاشة سلام وشوق
والله انا قلت الود جن ولا شنو
عرس مرة واحدة كده؟
مبروك للعرسان
ولا تحرمن طلتك
ومشتاقين زنقة زنقة ودار دار
|
Post: #19
Title: Re: أتشرف بدعوتكم لحضور حفل زواجى !!!
Author: المكاشفي الخضر الطاهر
Date: 03-13-2011, 09:36 AM
Parent: #16
مبروك يا ودعكاشة العرس وطلقة القنقر في الجرف الجايب الخدرة معاهو في بيت العزاء وشايل الشال الاحمر خاتيهو ورا السرج المذهب والمضنب فيس الترقوة المكسورة بكورة سكواها السواها في هلال الملايين والهلالاب خ\حالفين الا يلحقو ساكواها با وارقو
|
Post: #20
Title: Re: أتشرف بدعوتكم لحضور حفل زواجى !!!
Author: بله محمد الفاضل
Date: 03-13-2011, 10:26 AM
Parent: #19
يستحق المحبة كاملة غير منقوصة
وأنعم به من جار
تحياتي ومحبتي لك وله
|
Post: #21
Title: Re: أتشرف بدعوتكم لحضور حفل زواجى !!!
Author: نجلاء قرافي
Date: 03-13-2011, 10:30 AM
| Quote: ولكل الرجال سواء كان ذكرا أو أنثى,, |
كده نحن بره الدعوه ولا جوه مافمنا شئ
متعه ..بختكم
|
Post: #23
Title: Re: أتشرف بدعوتكم لحضور حفل زواجى !!!
Author: د.نجاة محمود
Date: 03-13-2011, 04:37 PM
Parent: #21
والله يا محمد عكاشة وقعت مع الناس البتقرأ العنوان بس
اسع الكلام يكون وصل شدرة الزهاجة ومنها للمرة طوالي
غياتو النصيحة انا طلعت النوتة الفيها حاصرة الرجال المدبلبن من معارفي المفروض اقاطعهم ..
ربنا يخلي ست الدار ويحفظها ليك
|
Post: #31
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-14-2011, 03:08 PM
Parent: #23
دكتورة نجاة
سلامات والاهل جميعهم
انت من زمن شجرة الزهاجة البيجيها الخبر من العنوان..
الحكاية فتحت زى ليبيا..كل كوم عندو لاب توب..بعدين شجرة الزهاجه فى غضب الله من زمان ..تم احتلالها لصالح التلفزيون..
يازولا كونى بخير
مودتى وتقديرى
|
Post: #49
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-18-2011, 12:54 PM
Parent: #23
الدعوه عامه
|
Post: #29
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-14-2011, 12:12 PM
Parent: #21
نجلاء قرافى
كيفك والاسرة الكريمة
شاكرمرورك الجميل
كل الود
|
Post: #27
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-14-2011, 10:04 AM
الاخ بله محمدالفاضل
ولك من المحبة مثلها..وأكثر
تقبل تحيات عمك عبدو
كل الود
|
Post: #26
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-13-2011, 10:44 PM
Parent: #19
| Quote: مبروك يا ودعكاشة العرس وطلقة القنقر في الجرف الجايب الخدرة معاهو في بيت العزاء وشايل الشال الاحمر خاتيهو ورا السرج المذهب والمضنب فيس الترقوة المكسورة بكورة سكواها السواها في هلال الملايين والهلالاب خ\حالفين الا يلحقو ساكواها با وارقو |
يا المكاشفى ابوعمر
|
Post: #25
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-13-2011, 09:43 PM
Parent: #16
معاذمنصور ياصديقى
صحتك واحوالك
ضرورى مراسلتى على الايميل
[email protected]
مودتى وتقديرى
|
Post: #24
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-13-2011, 08:41 PM
Parent: #15
العزيزة تيسير النورانى
فى ده رجعت البيت بس المصيبة يوم داك كانت رجعتى ممكن تكون صعبه,,
تحياتى ليك والاسرة ولى هادية
تسلمى كتير
|
Post: #28
Title: Re: أتشرف بدعوتكم لحضور حفل زواجى !!!
Author: المسافر
Date: 03-14-2011, 11:20 AM
Parent: #24
Quote:
حيث الصدق والنقاء والهواء الطلق وضؤء القمر والناس فى بساطة وعمق !!! |
لا حولا
ده انت شفطت المعلوم كولو شفطة شفطة غبطة غبطة بسطة بسطة
انت مشيت الريف ولا ركبت تايم ماشين
بساطة وعمق قال
|
Post: #30
Title: Re: أتشرف بدعوتكم لحضور حفل زواجى !!!
Author: Hisham Ibrahim
Date: 03-14-2011, 01:05 PM
Parent: #28
يعني وراء سوق ليبيا زدتو المُغفلين واحد ...
نبارك بدون حضور ..
|
Post: #33
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-14-2011, 07:11 PM
Parent: #30
الاخ هشام ابراهيم
لوفهمت كلامك صاح..يبقى زولنا حاينضم للجمعية
نجوم وشخصيات بارزة فى الجمعية السودانية للرجال الذين يخافون من زوجاتهم
صديقى جمال حسن سعيد جسددورا كهذا فى احدى (متاعبه)الكوميدية..
التجانى..زولا فحل..ارباب ود ارباب..سكينو حمرا..ايدو تسبق تفكيرو..
لايخاف احداسوى ابنة عمه..زوجته..
يخافها دون سبب وجيه..يخاف والسلام..
صديقى رجل الاعمال المشهور..يغامر فى الاسواق بأمواله ..
وبكل شىء..سوى طلبات زوجه..
ثم وهو لاعوام يرواح مكانه فى رغبة الزواج مرة اخرى ولو سرا ولكنه يخاف بعبعا ان ينكشف امره ويبلغ ام العيال..
فنان عظيم..
فى مشاركاته الخارجية يصحب زوجه..ولا تتخلف الا عندالضرورة الملجئة..
لاعب كرة..تخضع شروط تسجيله لرغباتها..وهى لاتعرف الاوف سايد من ضربة الجزاء..
القائمة طويلة..
هو موضوع تحقيق صحافى اعده لجريدة السودانى..
حول المراة وحالات الطلاق بسبب طفشان الازواج مما تضيق به احصائيات المحاكم..التحقيق فى جانبه فتح الباب الى حالات بعض الازواج من الاصدقاء..
ثم يعترفون لى سرا..
طلبت ان افتح بابا للحوار..معظمهم طلب التلميح الى حاله..عدا الدكتور ابوالقاسم قور..يخاف فى العلن,,وسوف يرعى الجمعية..
وفى البورد اخرين..
اعود
|
Post: #32
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-14-2011, 03:53 PM
Parent: #28
المسافر
كيفنك يارجل
بالطريقه دى الا تجى تشوف بى نفسك
كل الود
|
Post: #34
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-15-2011, 11:26 AM
Parent: #32
****
|
Post: #35
Title: Re: أتشرف بدعوتكم لحضور حفل زواجى !!!
Author: البشير دفع الله
Date: 03-15-2011, 12:28 PM
Parent: #34
| Quote: أتشرف بدعوتكم لحضور حفل زواجى !!! |
الأخ الحبيب محمد عكاشة
تحية وتقدير
بعناوينك العجيبة دي يوم يتكتل ليك زول
بتذكر البوست حقك داك
ناس الحركة ديل بس أقعوا فيهم بالعصي
ودخلنا البوست لقيناك قاصد ناس حركه تانيين
ياخ بطل حركاتك دي
ولو ناوي العرس أو حدثتك بيهو النفس الأمارة بالسؤ
أنعل الشيطان واستغفر .
المهم على قول تبارك
جيت أسلم وكدا باقي طولنا منك
وبالنسبة للفضاءآت لو لقيت حته ارض للخال اسماعيل عباس أحجز لي جنبو طوالي
والكنجالات جاهزات .
|
Post: #36
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-15-2011, 01:05 PM
Parent: #35
البشيردفع الله
كيفنك والاولاد
ان شاء الله عافية
بخصوص الواطه جاهزه ومضمونه..خلى خالك اسماعيل يشدسلك للعباس ودالجواد وهو يظبط الامور تب..مادادم الكنجالات جاهزه..تضربو همبريب عجيب ده بالنسبة للدخنة اماعمك عبدو فبرضو جاهزين بالحيييل
اما النفس الأمارة بالزواج فقول واحد
كـمال آفـرو وحـكاية أزواج راقـدين رز !!!
السيد كمال افرو الرياضى والصحافى والامدرمانى المطبوع شن هجوما كاسحاعلى الزوجة السودانية فى قناة النيل الازرق فى كونها هى سبب استقرار الزواج ونجاحه او تدهوره وان (النقة)فى الفاضى والمليان تشل الزوج وتحد من حركته وحرصه على استمرار الزوجية او تطلعه نحو زوجة اخرى ولكنه مع ذلك يعتبر ان الرجل السودانى اكثر تقديرا للمرأة واحرص على استقرار الحياة والسعادة..
آفرو فى حواره اكد على انه يتحدث انابة عن قطاع واسع من الازواج لايجرؤاحدهم على الحديث فى المنابر الاعلاميةويخافون من زوجاتهم...
حديث كمال أفرو فتح شهية الكثيرين ممن شاهد الحلقة من الازواج الراقدين رز امثال عمى اسماعيل ابوالزهور...
..................
( شوف ياحاج..ابوالزهور
انعقد اجتماع هام جدافى النادى لبحث خوف الرجال من زوجاتهم..
طلب رئيس الاجتماع من الذين يخافون من زواجتهم وراقدين(رز) بان يقيفوا فوق..كل الرجال وقفوا ماعد اتنين فقط..
استغرب الرئيس وسألهم ...يعنى انتو ماراقدين رز والا شنو؟
-اجابو ...لا طبعا..بس نحنا الرز اللاصق فى الحلة...
دا حن البشير دفع الله راقد رز..انت كيف؟؟
نعود للحكاية...
وانا ماشى اديس قدامكم.. )
|
Post: #37
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-15-2011, 07:32 PM
Parent: #36
ومع ذلك فان لبعض الأمكنة فى نفسى عبق وعبير فواح ..وكذا الناس البسطاء..
االفـي القـلـوب يعلمـبو الله !!!
تستثير أشجانى منطقة الخرطوم شرق وانااعبرها غدوا ورواحا عندالاصيل..
البيوت العريقة وشكل تصميمها ومعمارها الذى جاوز المائة عام والبوابات القديمة..العتيقة...
اعود الى قراءة تاريخ الخرطوم وقتذاك وهى تحفل وتضج بالاقاريق والارمن والاقباط وبعض الشوام...
كان هؤلاء اغناء لحياة راقية ذات تفاصيل ومعنى حضارى..
اتأمل البيوت التى كادت تغدو أثرا بعد عين وهى تعكس جانبا من تاريخ جميل زاهر وحياة صقيلة..
سوف نقف عندها..اطلالا دارسة ورسوما ومجداأثيلا...
تلك هى الخرطوم شرق..
وفى حى المسالمة بام درمان...منازل لها فى القلوب منازل..
...
انتبه بمتعة الى ثرثرة الكماسرة وسائقى الحافلات...
ولهولاء قصص واحاجى لطالما دار حديث بينى وبينهم وهم مثل غيرهم من الناس يصدرون عن موقف فى الحياة ورؤية وسقف للامال والاحلام مرفوع,,, فى حوارى معهم حالة من (التطهير) من وعثاء الحياة وتعقيدات (الكلام الكبار)وفى ذلك قراءة من جهة.. لأحوال البلاد ومصائر أهلها...ومعرفة بالمجتمع وشرائحه المختلفة..
ادارة المرور ضبطت ذات يوم صاحب حافلة صغيرة وقداستوفى كل اجراء يجنبه ملاحقاتهم المريرة ..
كيف لا يفعل وهو يقوم بترحيل كوكبة من الصبايا المليحات ..كواعب أترابا(عمر الزهور) وهو يزهو بذلك مع اصدقائه فى احد الاحياء الطرفية وهم يطربون له..
الرجل..استجوبه ضابط المرور فى العبارة التى يكتبها بخط عريض فى زجاج عربته(..أنا عندى نزلة)..
السائق الظريف اجاب على الفور..
_ (ياسعادتك بصراحة..انا برحل بنات جامعة سمحات بالحيل..
وفى واحدة جميلة بتركب ومابتنضم خالص..
مرة غابت يومين..
ولما جات سالتها..مالك ان شاءالله خير..
قالت لى ..كان عندى نزلة..ودى أول وآخر مرة تنضم فيها..
قلت كدى أخلد الذكرى دى بالكلام ده..وبس..
فى حاجة)
ضحك الضابط ومن معه وامروه بالانصراف ودعوا له.. بان تنضم ليك تانى وماتسكت نشوف حاتكتب شنو وتخلى شنو...
أرصد بتقدير عجيب ما يكتبه اصحاب الحافلات من كلام يعكس ثقافتهم وانفعالهم بالحياة وتطلعاتهم..
خلوها ياحساد..السايقة واصلة..جلسن شوف ياحلاتن..الجفلن خلهن أقرع الواقفات..بتصل..تلقوها قدام..والضحك بالسنون والفى القلوب يعلمبو الله..
ساعود الى حكايات اصحاب هذه الشعارات خصوصا عنوان البوست..
|
Post: #38
Title: Re: أتشرف بدعوتكم لحضور حفل زواجى !!!
Author: jini
Date: 03-15-2011, 08:57 PM
Parent: #37
وزغرودة من العقيدة!
جنى
|
Post: #43
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-16-2011, 11:18 AM
Parent: #38
جنى سلامات ياخ
غايتو جننته العقيد جن..
ده زول كوميك جد..والصورة دى تشبه حالتو
شكرا على المرور
مودتى
|
Post: #39
Title: Re: أتشرف بدعوتكم لحضور حفل زواجى !!!
Author: تولوس
Date: 03-15-2011, 09:07 PM
Parent: #2
انشالله يا عكاشة ...وربنا يتم علي خير ...قلت لي يوم السبت بعد صلاة الجمعة الساعة 9ص...جايين انشالله اذا ربنا حيانا وكما حيانا نجيكم يوم التلاتا
|
Post: #40
Title: Re: أتشرف بدعوتكم لحضور حفل زواجى !!!
Author: Abdlaziz Eisa
Date: 03-16-2011, 08:03 AM
Parent: #39
|
Post: #41
Title: Re: أتشرف بدعوتكم لحضور حفل زواجى !!!
Author: Tabaldina
Date: 03-16-2011, 08:12 AM
Parent: #40
..
.
| Quote: ومع ذلك فان لبعض الأمكنة فى نفسى عبق وعبير فواح ..وكذا الناس البسطاء.. |
عبير فوااح دى الا تكون دخاخين شية قندهار ..
----------
خليك قريب ..
مع الود لفرقة سودانيز باند وعزيزنا مؤيد ..
|
Post: #42
Title: Re: أتشرف بدعوتكم لحضور حفل زواجى !!!
Author: على عمر على
Date: 03-16-2011, 11:17 AM
Parent: #41
والله حمد لله على السلامة ياعكاشة
|
Post: #46
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-16-2011, 08:47 PM
Parent: #41
ياصالح..ياااااتبلدينا
على الطلاق هسى جيت وبعض الاصدقاء من قندهار شواءات ساااى وكمان أخدتهم ليك للخليفة جابر مابعيدمن محل الشواء دا..
جابر دى من أهلك ناس الابيض زعيم وراجلا ضرس بالحييييل عندو زى خمسين ناقه حلوبه تتضرع ..
حرررم شربو بالقرعه لبن ألبل قارص وكامل الدسم لامن قالو بس,,
أها داحن لو فى لمة بورداب قريب أخييرلينا قندهار وختونا عليكم الله حكاية البحر دى يوم انعام حيموره بتلحقنا الغتس..
لو فى لمةقريب عليكم بلحم الضأنوأغلظ الأيمان ,, وعلينا كبدة ولبن ألبل,,
كل الودياشاب
|
Post: #45
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-16-2011, 08:15 PM
Parent: #40
عزيزعيسى
سلامات يازول
ربنا يبارك فيك ويزيدك
محبتى
|
Post: #44
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-16-2011, 01:30 PM
Parent: #39
تولوس ياحبيب
وتستمر الافراح حتى الضحية عيدشم النسيم
رأيك شنو؟
محبتى
|
Post: #47
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-17-2011, 06:47 AM
Parent: #44
الاخ على عمر
سلامات يازول
تسلم كتير
محبتى
|
Post: #48
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-17-2011, 12:22 PM
Parent: #47
*****
|
Post: #51
Title: Re: أتشرف بدعوتكم لحضور حفل زواجى !!!
Author: Abuelgassim Gor
Date: 03-19-2011, 10:33 PM
Parent: #48
هناك ...
بعيد حيث ضوء
القمر خفر
لا زالت الاشياء
هى الاشياء.
ينمو الفرح
مع االفقراء
ويطرب العشب
وصفير القطاء
تسير النجوم
فوق الأرض.....
مثل النساء
مع تحياتى
بوست جميل
|
Post: #52
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-19-2011, 10:47 PM
Parent: #51
ياسلام
ودكتورقاسم قورحين يصفو المزااج
تسلم ياجلكييين
كل الود
|
Post: #53
Title: Re: أتشرف بدعوتكم لحضور حفل زواجى !!!
Author: Abuelgassim Gor
Date: 03-19-2011, 10:55 PM
Parent: #52
يعنى ما شايف النيولوك؟؟
عمًك جًلك ضارب الصوفت كلر
************
|
Post: #54
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-20-2011, 08:11 AM
Parent: #53
شااااايفك
اليومين دى مابرااااك ياعمك
بس بالك مايمشى بعيد
ياجلكين
|
Post: #55
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-20-2011, 07:51 PM
Parent: #54
هناك ...
بعيد حيث ضوء
القمر خفر
لا زالت الاشياء
هى الاشياء.
ينمو الفرح
مع االفقراء
ويطرب العشب
وصفير القطاء
تسير النجوم
فوق الأرض.....
مثل النساء
|
Post: #56
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-22-2011, 02:33 PM
Parent: #55
وغاب عن الحفل صديقى عمرالحاج
|
Post: #57
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-25-2011, 04:07 PM
Parent: #39
****
|
Post: #58
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-27-2011, 06:47 PM
Parent: #57
أرشيف ياعمك
|
Post: #59
Title: Re: أتشرف بدعوتكم لحضور حفل زواجى !!!
Author: محمد عكاشة
Date: 03-31-2011, 08:22 AM
Parent: #58
شكرا جزيلا
|
|
