Post: #1 Title: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 08:20 AM Parent: #0
فى بيت السيداسامة داؤؤدعبداللطيف قبل ثماني سنوات جلس فى مساء محضور طيف من الشخصيات والاعلاميين لحفل استقبال أحدى الشخصيات العظيمة من بلادى,, فى( وسط الدايرة) جلس المحتفى به وهو يعود بعد غياب قسرى فى المنافى الى وطنه .. هو رغم الغياب الا أن الوطن كان حاضرا ولم يفارقه..حاله كحال الايرلندى جيمس جويز فى سؤالهم له فى المهجر .. ومتى تعود الى دوبلن؟..أجاب :- ومتى تركتها حتى أعود اليها ؟؟... البروفسور على شموفى حديثه عنه ليلتئذ قال:- (معظم السودانيين يعرفونه جيدا.. سيرته ومواقفه ومساهماته الكبيرة التى أثرت فى حياتهم.. يعرفونه جيدا..وأعرفه أكثر من الكثيرين.. هذا الرجل فى مكوناته قدرات هائلة وهو رجل فذ فى شخصيته ونضالاته وعبقريته الفنية..و..و ) الرجل نجم ذاك المساء وضيف اسامة داؤؤدهو وردى..الامبراطور.. وثم .. أقوم برفقته حينهالترتيب مايخص الاعلام والاعلاميين فى صحبة مثرية.. أبلغ ما يزدهينى فيه صراحته وآراءه الجريئة ... الفن لايحتمل أنصاف المبدعين ولاثلاثة أرباعهم..الفنان فنان..هو برغم حدته فى بعض الذى يجرى فى الساحة الاأنه شخص منصف ..له أراء مدهشة فى كثير من الفنانين ,,, حسنا,,, لوأن وردى مايزال رئيس نادى الفنانين .. لتغيرت اوضاع عديدة ممايهم الفنانين وقيمتهم ولما تدنت ذائقة الناس الى هذا المستوى .. ورحم الله الاستاذ احمدالمصطفى وهورئيس الاتحاد يحض على تكامل صورة الفنان فى كلماته وألحانه وسمته وحضوره.. البلد فى تدهور مريع..السياسة والاقتصاد والمجتمع وفى غنانا.. مافى حل..وامبراطور جديد يشجينا ويبكينا..سجل لي دهب أمك..سجل لى بيت أمك ..وووووب أنا..سجل لى .. الامبراطور العظيم محمد وردى فى بكين ..تحياتى وكل سنة وأنت طيب !!!
Post: #2 Title: Re: سجل لي دهب أمك..ووووب أنا ..سجل لي !!! Author: Tabaldina Date: 10-03-2010, 08:32 AM
.. . بالله انت من 8 سنوات .. كنت عضو فى جلسات اسامة داؤؤد ... ماك هوين ..س يد نفسك مممين اسيادكـ :)
والله يا عكاشة ازمة الغناء السودانى دى تعتبر اصعب واخطر من اذمه الاستفتاء .. وانعكست تأثيراتها سلبا على الاجيال الحالية .. نحن شعب .. يتمزق .. ماديا وسياسيا ووحجدانيا
ولنا االله ..
-------------
حسي الزول طلع وردى ؟؟ ولا بتاع دبلن دا منو
Post: #5 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 09:03 AM Parent: #2
تبلدينا شوف كمان ديل قنبلة تـكاد أن تتسـبب فـى طـلاق خـالة مطـرب شاب !!! الناس فى حاضرة البحر الاحمر مدينة بورتسودان أقوام يختلفون عن معظم حواضر السودان... المدينة وهى تقع على الضفاف تغتسل كل صباح بفيض البحر وطيوبه ونقاءه ,,,والناس هنالك فى حالة من الرضا والرقي واللطف ... المدينة قبل عقود من الزمان كانت مهوى ومهبطا لوفود السائحين من بلدان شتى بل وثمت رحلة مستديمة لسودانير تهبط بها قادمة من روما ليصطاف الخواجات فى شطئانها البديعة كل العام.. قضيت احتفالات مطلع العام الجديد بها وهى تطرب حتى رونق الصبح البديع والشوارع تضيق بالناس ولكن فى هدوء ونظام واحساس بالحياة عال جدا.. سحرتنى المدينة وأنا ازورها للمرة الاولى ويلفت انتباهى ذوق أهلها وهم يطلبون الفن الراقى من خلال الفنانين الذين وفدوا المدينة ليلة رأس السنة... عدت الى الخرطوم مسحورا بمدينة الثغر لأشارك فى ضواحى الخرطوم فى حفل زواج أحياه مطرب شاب اختار لأهله بعض الاغنيات الجميلة لكبار الفنانين ومن البومه الخاص .. الحفل فى أتساع دائرته وانسجام الحضور يحلف عليه طلاقا بالتلاته زوج خالته الذى يعود من الاغتراب أن يتغنى له بالقنبلة والشاب فى حيرة بين مسعاه فى درب الفن بتجويد أعماله واختياراته ونأيه عن مايشين تجربته .. ثم هو بعد جرجرة وثباته على موقفه يدفعه الطلاق المعلن وبعض اقاربه أن يفعل مرغما على التغنى بها ولقد وضح عدم حفظه لها لتستكمل فرقته الاغنية موسيقيا حتى لايقع الطلاق.. شكرا ناس بورتسودان وصديقى الفنان الشاب على الذوق الجميل.. كل عام وأنتم بخير,,,
Post: #22 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-04-2010, 02:03 PM Parent: #2
ابوداؤؤد فى ذكراه ______________ محمد عكاشة _____________ [email protected]
هذه الايام تجدنى فى حالة شدو جميل وشجن بمرور ذكرى الفنان عبدالعزيزمحمد داؤؤد وقد منحت اذاعة البيت السودانى اف ام 100 الناس دفقات من تجربة وجمال الراحل الكبير ثم يشجونى بسيرته واغنياته الصديق عمران ابن الفنان ابوداؤؤد وهو يضيء لى كل يوم ناحية فى شخصية أبيه وانسانيته ورحابته واشعاعه على من حوله بروحه الجميله وقفشاته الذكية ... ولد ابوداؤؤد فى مدينة بربر عام 1922م وأتم حفظ القرآن الكريم فى خلوة الشيخ الصادق وكان لحذقه ونبوغه وقدرته على الحفظ والاستذكار أن دفع به والده الى المدرسة والتى نبغ بها وأبرز خلالها موهبة فى مجال الخط والرسم وتلحين الاناشيد والمحفوظات المدرسية مما حدا بأساتذته التنبؤ له بمستقبل فى دروب الفنون وكان الى جانب ذلك يغدو عقب اليوم الدراسى الى مقام الطريقة التجانية والسادة الاحمدية يرهف سمعه الى أذكارهم وأماديحهم ثم يترنم بها ليسمعه أقطاب الاحمدية ويدعونه على صغره لتلاوة الاوراد والمديح فى حلق الذكر وحضراتهم .... ثم تلمس ابوداؤؤد بحسه وذائقته ورغبته الملحة طريقه الى اغنيات سرور وكرومه وزنقار ليقوم بالغناء ينشغل به حتى تم طرده من المدرسة بسبب ذلك لينتقل الى السكة حديد ليعمل (محولجى ) وبعض وقته يبذله للاهتمام بالغناء وممايحكى عن فرط اهتمامه بالغناء فى ذاك الوقت الباكر ان قطع المسافة بين بربر وعطبرة راجلا لحضور حفل للفنان زنقار حيث بلغه وقد انتهى حفله سوى أن زنقار سمعه وحثه على المضى فى طريق الفن ليفعل ابوداؤؤد ويلمع نجمه شيئا ما حتى انتقل الى العاصمه وقدالتقى قبل دخوله رحاب الاذاعة السودانية الفسيح .. التقى فى مدينة الابيض الموسيقار برعى محمد دفع الله فى تجربة فريدة من الالحان والاغنيات وثنايئة ملحمية وحداء جميل لتستمر المسيرة معه وآخرين لتبلغ عدد اغنياته المسجلة فى الاذاعة (210) اغنية ...... اذاعة البيت السودانى ويوما ما (حاتكتل ليها زول) الاذاعة بكوكبة مبدعيها قدمت احتفاء بذكراه بديعه وخصوصا صديقنا البحاثة..العلامة فى مجال التراث والثقافة والفنون السودانية الاستاذ عوض بابكر بماقدمه من سرد وتحليل وقراءات حول تجربة عبدالعزيز داؤؤد شكرا جميلا ____________________________________ الملف الثقافى صحيفة السودانى الجمعه15اغسطس 2009
Post: #3 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 08:37 AM
سودانير ذات يوم كانت عروسا فى فضاءات الطيران تقدل مرفوعة الرأس وتتبختر بين رصيفاتها وترفد الاقتصاد الوطنى بربط مقدر,,, ومثلها هيئة السكة حديد قبل ان تتكسر زاويه زاويه.. الخرطوم ذات نفسها كانت هدفا مرموقايتقصدها الناس ..كان للغيد والغزلان مرعى فيها...وللجمال مكان وبراحات فسيحه... اجيال الستينات أقوام يسرحون فى نوستالجيا رهيبه وتحنان الى ماضى تولى عاشو بعض ايامه..
تلك الايام نهض الى دوحة الشعر الاستاذ بشيرعبدالماجد وهو يترنم,,,
لما تقسو عليك..ليالى الوحدة والليل يبقى ليل والنجوم تلمع بعيد..بعيد تسخر من السهران وحيد برضو أسال عن قلوبنا
تلقى فيها كنوز محبة.. _____ ثم يسطع الاستاذ سعد الدين ابراهيم فى معانى بعيده ..جزالة المفرده..بساطتها وعمقها.. هو ومجموعة الثورات .. نجيب محمد على والتجانى سعيد واغنيةله تقفز بعيدا..بعيدا,,, الاغنية تغنى بها الفنان فتحى حسين ليعتزل بعدها ويغترب,,, والموسيقار وردى ذات مساء يقول لى .. لوانى تمنيت اغنية اغنيها فهى كلمات سعد الدين وسحره..
المواعيد لسه حزنانه بتنادى والاماسى بتبكى فى أسى مااعتيادى ** العزيزه المابتعرف كيف ظروفنا
الوحيده المابتحاول يوم تشوفنا
سلمي لنا على ضفايرك موجه موجه ..وكلميها قولى ليها حرام تتوه فيها المواسم,, ونحن بى جد نشتهيها
سلمى لنا على عيونك ,, ويوم تسهي تغروديها يبقى تفاحتين خدودك ,,بس خدودك وين شبيها..
____ ثم فى هذا الزمن المختلط,,, يسرنى الشاب شكرالله عزالدين وهو يحدثنى عن رغبته فى ان يصدر بحقه فى زحمة الفنانين خروجا على السائد والمألوف مهما كلفه ذلك .. صديقى الصيدلى والاعلامى اللامع الدكتور عمر مسعود يقدم فى (هارمونى) العندليب الاسمر وهو يحكى استفزاز وردى له قبل عقود وهو شاب فى بداياته ويحرمه ان يغنى معه فى حفل مالم يكن لديه تسجيل فى الاذاعه ليعكف بعدها على تجربته فى رهبة المثلث الذهبى.. هو وتجانى وعمر الشاعر
ثم فنان شاب يصعد فى بيت من احياء الخرطوم قبل ايام فى اغنيات جميله حتى يطلب اليه الحضور ان يغنيهم (قنبله) ثم هوعلى المايكرفون يجيبهم ..
_أسف جدا..ده مستوى هابط جدا.. ويرد مباشرة باغنية (العزيزه) يتيمة الفنان فتحى حسين ودرة اغنيات الاستاذ سعدالدين ابراهيم حيث لا يستقيم سوى زورق الالحان فى الاغنية السودانية !!!
Post: #4 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 08:43 AM Parent: #3
تبلدينا ياحبيب تمانية سنة دى قايلا كتيرة ..ده كلو من عمرنا...طبعا انت الكبير..
Quote: والله يا عكاشة ازمة الغناء السودانى دى تعتبر اصعب واخطر من اذمه الاستفتاء .. وانعكست تأثيراتها سلبا على الاجيال الحالية .. نحن شعب .. يتمزق .. ماديا وسياسيا ووحجدانيا
صدقت ياتبلدينا شعب يتناقص فىكل شىء وكل يوميمر ربك يهون كل الود
Post: #6 Title: Re: سجل لي دهب أمك..ووووب أنا ..سجل لي !!! Author: البشير دفع الله Date: 10-03-2010, 09:26 AM Parent: #4
ان لم تكن شهادتي فيك مجروحة
فاني أشهد أنك زول رائع
ياخي ناس الغنا الهابط ديل
شوهوا حتى أذواق الناس
وساهموا مساهمة مقدرة جدا في
تشويه حتى الغنا الجميل
انا لله
شكرا أخي محمد عكاشة
Post: #7 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 10:23 AM Parent: #6
Quote: ياخي ناس الغنا الهابط ديل
شوهوا حتى أذواق الناس
وساهموا مساهمة مقدرة جدا في
تشويه حتى الغنا الجميل
الاخ البشير دفع الله كيفك يارجل وناس السعوديه كل عام وانتم بخير ناس الغنا الهابط ديل هم اسياد الوقت الان عصر الانحطاط مودتى يارجل
Post: #8 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 11:07 AM Parent: #7
النشوف آخرتا مع الشكر لصديقى سعدالدين الشاعر الفذ والكاتب
Post: #9 Title: Re: سجل لي دهب أمك..ووووب أنا ..سجل لي !!! Author: قاسم المهداوى Date: 10-03-2010, 11:22 AM
عكش سلامات و مع الود والتقدير
Quote: البلد فى تدهور مريع..السياسة والاقتصاد والمجتمع وفى غنانا.. مافى حل..وامبراطور جديد يشجينا ويبكينا..سجل لي دهب أمك..سجل لى بيت أمك ..وووووب أنا..سجل لى ..
الفن يا صديقى هو انعكاس لحال وثقافة اى مجتمع قدمنا الحال على الثقافة لان الثقافة تستمد رونقها من حال المجتمع وايضا تعبر عن قبحها بحال ذات المجتمع ( وفى القبح جمال) ذلك هو ما تبقى اى الجمال الذى مازال مستمرا رقم القبح وانبعاج الحال قارن اشعار الستينيات وفن تلك الفترة وحتى بدايات السبعينيات تجده رصين عفيف سلس منمق مموثق ذلك ان البلد كانت فى حالة فورة صناعات خفيفه ( سكر . نسيج , تعليب ,نهضة زراعية ,) بدون سرقات وبدون فساد ادارى ( الخلل المقصود الذى ينتج من خلالة استفادة فئة محددة على حساب الوطن ) والوطن هنا هم باقى السواد الاعظم من الناس ويا سيدى عندما يضرب الفساد الادارى سائر اجزاء الوطن تحتضر الثقافة الفنية الحقيقية وتعلو على السطح عبارات سوقية ممزوجة ببعض النغمات الشاردة المتشردة والايقاعات الهيستيرية الاكثر نفورا . وبس لهذا نتسمع غصبا عننا لعبارات مثل سجل لى ... ومالو ما جا . وبجى بجى بجى .
قاسم المهداوى
Post: #10 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 02:11 PM Parent: #9
Quote: الفن يا صديقى هو انعكاس لحال وثقافة اى مجتمع قدمنا الحال على الثقافة لان الثقافة تستمد رونقها من حال المجتمع وايضا تعبر عن قبحها بحال ذات المجتمع ( وفى القبح جمال) ذلك هو ما تبقى اى الجمال الذى مازال مستمرا رقم القبح وانبعاج الحال قارن اشعار الستينيات وفن تلك الفترة وحتى بدايات السبعينيات تجده رصين عفيف سلس منمق مموثق ذلك ان البلد كانت فى حالة فورة صناعات خفيفه ( سكر . نسيج , تعليب ,نهضة زراعية ,) بدون سرقات وبدون فساد ادارى ( الخلل المقصود الذى ينتج من خلالة استفادة فئة محددة على حساب الوطن ) والوطن هنا هم باقى السواد الاعظم من الناس ويا سيدى عندما يضرب الفساد الادارى سائر اجزاء الوطن تحتضر الثقافة الفنية الحقيقية وتعلو على السطح عبارات سوقية ممزوجة ببعض النغمات الشاردة المتشردة والايقاعات الهيستيرية الاكثر نفورا . وبس لهذا نتسمع غصبا عننا لعبارات مثل سجل لى ... ومالو ما جا . وبجى بجى بجى .
قاسم المهداوى
ياسلااام يامهداوى الحال من بعضو ياصديقى.. اذاانصلح حال السياسة ينصلح الفن والافتصاد وحال المجتمع.. الفن غدا فى حالة مجاراة للسوق يضخ الغث والهابط من الكلمات والالحان.. التدهور اصاب كل شىء فى البلاد .. يازول تسلم والمزاج الرايق.. لنا عودة
Post: #11 Title: Re: سجل لي دهب أمك..ووووب أنا ..سجل لي !!! Author: ناذر محمد الخليفة Date: 10-03-2010, 02:41 PM Parent: #10
عكاشة يا خي جهجهتنا ...!!!
هسي أنزل ليك غنية دهب أمك دي بي صوت أحمد الصادق ولا غنية لي وردي ؟؟!!
Post: #12 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 02:48 PM Parent: #11
ناذر كيفنك ياااخ كل سنة وانت طيب نزل الاتنين لو تقنيا ممكن كل الود
Post: #13 Title: Re: سجل لي دهب أمك..ووووب أنا ..سجل لي !!! Author: قاسم المهداوى Date: 10-03-2010, 03:12 PM Parent: #12
ليك هدية يا سلام منك
Post: #14 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 03:55 PM Parent: #13
قاسم مهداوى ياذوووق شكرا على الهدية الراقية كل الود بعد ده ناذر يجدع لينا ..سجل لى كمان
Post: #15 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 05:30 PM Parent: #14
وفى صحافة الخرطوم اليومين الماضيات...جمال فرفور يعلن الحرب على الغناء الهابط !!!!
Post: #16 Title: Re: سجل لي دهب أمك..ووووب أنا ..سجل لي !!! Author: مطر قادم Date: 10-03-2010, 06:56 PM Parent: #15
عكش تحياتنا وبعد
إن أمي هي التي خلقتني بعد ربي فصرت بعض الأنام فلها الحمد بعد حمدي إلهي ولها الشكر في مدي الأيام
تامل الاتي وعلاقته بالاغنية
لقد نهانا الرسول الكريم صلوات الله وسلامه عليه من أن نفرق بين الأم وابنائها وقال ما معناه من فرق بين والدة وولدها فرق الله بينه وبين احبته يوم القيامة.
Post: #17 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-03-2010, 11:39 PM Parent: #16
ya matter bajeek
Post: #18 Title: Re: سجل لي دهب أمك..ووووب أنا ..سجل لي !!! Author: قاسم المهداوى Date: 10-03-2010, 11:55 PM Parent: #17
عكش اشواق كميات مطر يا شاااب اين انت عمر الحاج ياخى معقولا ؟؟؟؟ يا عكش ياخى كدا حرك لى شاكر عبدالرحيم انا مرسل ليهو حوار عبر الاميل
قاسم المهداوى
Post: #19 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-04-2010, 11:33 AM Parent: #18
حاضريييين ياقاسم بخلى شاكر يتصل عليك كل الود
Post: #20 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-04-2010, 12:10 PM Parent: #19
مطرقادم شكرا على الحضور تلفونك بره الشبكة وعمر الحاج غاتس وين نتلاقى فى حليوه لرحلة اسمرا مودتى
Post: #21 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-04-2010, 12:39 PM Parent: #20
Post: #24 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-06-2010, 05:44 AM Parent: #18
up
Post: #23 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-05-2010, 05:41 AM Parent: #11
***
Post: #25 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-08-2010, 01:13 PM Parent: #23
عدنا
Post: #26 Title: Re: سجل لي دهب أمك..ووووب أنا ..سجل لي !!! Author: Abuelgassim Gor Date: 10-08-2010, 02:17 PM Parent: #25
يامحمد عكاشة كيف حالك أنا غايتو معجب باغنية قمبلة. بعدين ياخى من يوم استضيفتونا فى بنامجكم دا ...فى واحدة أدتنى عين .... عين قوية خلاص . واللهع عمك قعد ينجر من ضُل لضُل تقول بيلعب ضالة.
Post: #27 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-08-2010, 03:26 PM Parent: #26
يادكتور كنت منور ومدهش لازم يدوك عين ويسحروك كمان زوج مثالى وتقدير نادر سلامات للسيدة فستق والوليدات وغالية مودتى
Post: #28 Title: Re: سجل لي دهب أمك..ووووب أنا ..سجل لي !!! Author: Abuelgassim Gor Date: 10-08-2010, 03:40 PM Parent: #27
Quote: يادكتور كنت منور ومدهش لازم يدوك عين ويسحروك كمان زوج مثالى وتقدير نادر سلامات للسيدة فستق والوليدات وغالية مودتى
انت عارف يا محمد زميلتكم نجود مقدمة البرنامج قالت لى بعظمة لسانها نحن النسوان مفروض نكرمك قلت ليها: خلاص أن عاوز أكون ( سفير النوايا الحسنة من النساء لدى الرجال) وافقت وقالت سيأتينى التكريم مكتوب .. لكن يامحمد يا ولدى عاوزك تكون مساعدى والناطق باسم هذه الوظيفة طبعا انت عارف عمك ماخد صفر فى قاموس النساء وأنت يا ولدى صاحب المعرفة والقدح المعلى فى هذا الحقل الهام ..حقل قاموس النساء
Post: #29 Title: Re: سجل لي دهب أمك..ووووب أنا ..سجل لي !!! Author: almogira alemam Date: 10-08-2010, 04:02 PM Parent: #28
طوالى انت فى الحاله دى يا ود عكاشه شايت هنا .............. وشايت هناك؟؟؟؟
قندفه
سجل عرباتك سجلى عرباااااتك عكاشه العسل زاتك سجل لى الريده
Post: #30 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-09-2010, 01:47 PM Parent: #29
المغيرة سلامات شكرا ليك كتير مودتى وتقديرى
Post: #31 Title: Re: سجل لي دهب أمك..ووووب أنا ..سجل لي !!! Author: ahmed abdelati Date: 10-09-2010, 08:42 PM Parent: #30
عزيزي ود عكاشة انت ايضا فنان حقيقة انه فعلا زمن الانحطاط فكما اورد الاخرون ان الاشياء مربوط ببعضها لذا فالانحطاط يحاصرنا من كل جانب السياسة..الفن.. الرياضة...(وهلم جرة) (واضربني بي مسدسك املاني رصاص)
Post: #32 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-10-2010, 01:12 PM Parent: #31
Quote: (واضربني بي مسدسك املاني رصاص)
شفت كيف ياابوحمييد وصلنا وين؟ شكرا ليك ونشوقك ياشاب مودتى
Post: #33 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-15-2010, 09:52 AM Parent: #28
Quote: قلت ليها: خلاص أن عاوز أكون ( سفير النوايا الحسنة من النساء لدى الرجال) وافقت وقالت سيأتينى التكريم مكتوب .. لكن يامحمد يا ولدى عاوزك تكون مساعدى والناطق باسم هذه الوظيفة
اناجاهز ياسعادة السفير
Post: #34 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-20-2010, 12:33 PM Parent: #33
سجل
Post: #35 Title: Re: سجل لي دهب أمك..ووووب أنا ..سجل لي !!! Author: محمد عكاشة Date: 10-25-2010, 09:55 PM Parent: #34
******
Post: #36 Title: Re: سجل لي دهب أمك..ووووب أنا ..سجل لي !!! Author: مطر قادم Date: 10-26-2010, 04:25 AM Parent: #35
ومن جديد ماسمعنا من الاغنيات الغريبة الكلمات والمعاني والاهداف وهو جديد ما كان علي بال اغنية تقول فيما تقول
