فرنساوى شغل نضيييف !!!!

تظل العباسية أعرق أحياء أم درمان مكانا مرموقا..مسكونا بالفن والابداع والحيوية المفرطة..
بقعة اقبال أهلها على الحياة كما الشلالات الروية..
العباسية بوتقة ضمت حنانيها على أهل السودان من أقاليمه المختلفة..
وحدت بين الاعراق والسحنات والألوان والأحاسيس الصادقة ونبيله..
الواشجة بين قاطنيها وثيقة اجتماعيا وثقافيا ,,,
تطلعات مستمرة نحو الحرية الطليقه حيث يولد المرء وبوعيه ينمى معانيها والتزامه بها حيث تنتهى عند تماسها مع الاخرين,,
ظل حى العباسية عبر السنين قبلة الشعراء والفنانين ومقصدا للعشاق..
زيدان فى رحابته وغناه الجميل..
الصلحى فى فضاءات التشكيل وتلوين واجهات الدنيا باسم السودان..
الموسيقيون فى سحرهم وتوقيعاتهم المضيئة,,
الرياضيون من لدن نصرالدين عباس جكسا وحتى مشاعل نادى الربيع..
نجوم الاذاعة والتلفزيون والمسرح..بخيت عيساوى..الجزلى ..عوض صديق وموسى الأمير والكثيرين,,
فى حى العباسية حيث الناس يقيمون سرادق العزاء فى رحيل لوممبا وجيفارا وبوب مارلى ..ثائرين جميعهم ضد القبح والمظالم وفساد الحكام..
بنات وأبناء العباسية تواقين نحو المعرفة والفن..
ساعون دوما نحو التجويد والخلق والابتكار..
هم ليسوا ممن يضربون الهواء لون..ذاك ادعاء متوهم..وانما يبذلون جهدا فى الحياة والأعمال..
صديقى أسعدالطيب العباسى يعجبه حال الأقوام من سكان العباسية وماجاورها..الموردة ..بانت..حى الضباط والعرضه..
هو يعرف جهلى بميكانيكا وكهرباء السيارات ويقصد بعربته الى أحدهم فى جوار بيتنا تكتظ السيارات عنده من (الفجاج ) فى زحام ونشاط شديدين..
أسعد وعربته تتهادى فى الطرقات بعد اصلاحها عندجارنا كهربائى السيارات وهو يحدثنى عن مهارته واستقامته واستنطاقه الحديد..ثم يقول لى : - ولدكم ودالعباسية ده ..فرنساوى شغل نضيف..
أضحك ملء شدقي ومولانا العباسى يضحك لاخبره بأن الفرنساوى ده فى سكك شمال الوادى..زولنا الذى تقصد اسمه فرنسا عدييييل,,
فرنسا..ذا لقبه فيما أظن ,,وهو تحت خور اب عنجه يقدم مثالا للتمهر فى مهنته(كهرباء السيارات ) ويحوز تقدير الكثيرين أمثال الصديق أسعد العباسى وسيارته,,
تحية الى بنات وأبناء موطنى ..والى المورداب وفريق ريد..بانت وعابدين شرف ..استاد الهلال وحمزة سليمان ذاتو !!!

اغنية لى زيدان لوسمحتم

بوست جيد لكن عنوانو يخلع!

وين الخلع ياحاج..
اولاد العباسية لسه ماجوك
مودتى

اخونا محمد عكاشة تحياتي

بالرغم من انو اخوك ما من العباسية ..لكن برضو زي ما بيقولوا شقينا دروبه ..حي متفرد وله خصوصية
وفي انتظار حكايات العباسية من ناس العباسية وما جاورها ...

وناس نمرة تلاته كمان
أنا دسـتـورى نازل فـى الخـــرطــوم تلاتـه !!!!!!

عشرون عاما ونيف مضت وانا اتهادى لاول مرة فى (عطفات) نمرة تلاتة والنسيم يحكى للازاهر..
كان القلب خال كما الاطفال والخيال فى عربدة فتية..طليقة من الاحن والضغائن ووساوس هذا الزمان المغبر..
اذكر ذاك المساء الذى ضمنى وبعض (الرفاقة) وبين القوسين ...التعبير الانيس لجدتى بت الصديق رحمة الله عليها..تلك الامسية كانت اتكاءة بعد زيارات عصرية لبيوت بعض الاصدقاء..لفت نظرى ان صورة ناصر وحسن عطية وجيفارا والجيوكندة تجهرك والعيون..
فى صالونات اى بيت فى نمرة تلاتة واتنين تجد صورة لواحد من هؤلاء العظام ...
ناس نمرة تلاتة يختلفون عن غيرهم..حداثة..ذوق ..وخفة روح تعاظل ماحقات الليالى والظنون..
هم اول من اطلق عبارات (زول قيافة)و(لبيس) وللزهور والورد فى حياتهم وحدائقهم الغناء حضور وظهور واسماء مرصعة وعطر فواح..
اكثر مايلفت النظر ان ابناء وبنات نمرة اتنين وتلاتة لايبتدرونك بسؤال (الهوية) ومترادافاته وتعقيداته..نحو..من وين..جنسك اهلك..يقتربون اليك بحضورك وذوقك ونداوة الاحساس وساعات اللقاء..انت عندهم الماثل امامهم دون خلفيات وهذه قيمة حضرية باذخة ...
بنات نمرة اتنين وتلاته حالة فرح ممراح دون تزيد,,وحضورهن يملأ المكان ويختصك بالتقدير والاحترام والعاطفة النبيلة ..
هؤلاء كن يوم كان المعيار فى غنانا(المربرب خايض الوحل) كن يومها = بنات تلاتة واتنين= يفترعن عالما من الاناقة والجمال واعتدال الوزن و(الاستايل) مما تضطرب حوله بيوتات الموضة والازياء ومقايسس الجمال الكونية..
ياناس نمرة تلاتة..اناحبيت وانجرحت..
صحوت هذا اليوم وصوته يغنى...
هديلن جن تلاتة..وانادستورى نازل فى الخرطوم تلاتة..
اهاج الذكرى والامنيات,,
محبتى

أبو أواب سلامات
للعباسيه سلام ويا سلام عليك جبت لينا فرنسا هنا فورشة فرنسا دي معلم بارز في امدرمان وحي الضباط تحديدا وطبعا بعد المغرب بيتلمو الشباب قدام الورشه والكوشتية بتدور على أنغام حكاوي عوض كباكا عن امدرمان وجدعات السماني أكتر زول ممكن يتكلم عن الحته دي في المنبر حسبو عكاشة فإنشاالله نشوفو قريب في البوست دا ويمتعنا بحكاوي ورشة فرنسا وبهبه وكباكا وسمــــــــنه






تحياتي للأسرة

سلام يا محمد و لي ضيوفك
ورشة المعلم (فرنسا) بقت قبلة القاصي و الداني و دا راجع لي سمعتو ... شاب شاطر و امين.

Quote: بعد المغرب بيتلمو الشباب قدام الورشه والكوشتية بتدور على أنغام حكاوي عوض كباكا عن امدرمان

يا (مورتا ) هاك دي عن عوض مرسال المشهور ب(كباكا)

ماشي علي وين ؟ سؤال طالما سألناه له حتي مل إجابته, ماشي اجيب لي طعميه للعشاء إنتو ما عندكم شغله غير قعاد المساطب و مباراة الغاشي و الماشي إنشاءالله تجي الطارة ترفعكم واحد واحد, و في طريق عودته من عوضيه ست الطعميه تراه يلتفت يمنة و يسرى كأن لفافة الجريده التي يحملها تحوي ممنوعات... طويل في قامته حتي لكأنه إن مد يده إلي السماء حسبتها لامست قمة عمود الكهرباء طوال عمرنا في هذا الحي و هو في إرتداء دائم "للجلابية الانصاريه" من مناصري حزب الامه تجده مداوماً علي ندوة الاربعاء بدار الامه و احد معجبي الصادق المهدي و مردداً كل عبارة يتفوه بها...يفتخر بان جده الامير حمدان ابوعنجه و يجدها متكئاً له حين يأتي الحديث عن من هم السكان الاصليين لام درمان, يرتشف كوباً من الشاي الذي امامه و نحن نتجمهر امام منزله ثم يأخذ نفسأ عميقاً بعدها يسترسل "إنتو عارفين أنا جدي منو"!! اها منو يااااا كباكه!! جدي الامير ابوعنجه جا عسكر بجنوده هنا في الخور القدامنا دا و من ديك و عيك, نردفه بسؤال ملح: طيب إنت حزب أمه جناح منو؟ فيرد في سخريته المعهوده: انا حزب أمه( جناح أم جكو) و يتبعها بكوب اخري ,و قبل ان يضع الكوب علي الارض نستدرجه إلي جانب اخر: كدي يا كباكه جلينا من السياسه: الايام دي ناس المريخ قالو عايزين يسجلو اللاعب بتاعكم .. ينتفض كالثور الهائج فهو مولع بحب اثنين و يفديهما بدمه إذا استدعي الامر علي حد تعبيره (حزب الامه , نادي الهلال) , خليهم يسجلوه نحن ذاااتنا شطبناهو لسوء السلوك انتو قايلين الهلال دا لعبه ساي؟ نحنا في الهلال زي وزارة التربيه و التعليم , يعني التربيه قبل الرياضه , إنتو قايلين الكلام دا ونسه ؟ علي اليمين زمان الامير صديق منزول لمن كان كوتش جا واحد كدا لابس برمودا و مسبسب شعرو و قال عايز يلعب في الهلال : لمن منزول شافو قال ليهو امشي العب بعيد يا ود هوي نحنا ما قاعدين نلعب اولاد مايعين .
هو احد ظرفاء الحي و ليس في ذلك شك بيد انه احد القلائل الذين يحفظون امدرمان بكل ما تحتويه من أزقة و جخانين, أحترمه حد الثماله و يقدرني ايما تقدير فقد رمقني بعبارة ما إن أتذكرها يزداد احترامي له و انفجر من الضحك في ذات الحين, وهو عائد من عوضيه و نحن جلوس ننتظره قال لي: إنت البقعدك مع الكرور ديل شنو ديل اولاد ما جاهزين
_________

طبعا الكلام دا قدام بيت كباكا و هو نفس البيت الفيهو ورشة المعلم (فرنسا).

Quote: بوست جيد لكن عنوانو يخلع!

تحياتي .

العباسية ،
عرفت شوارعها، وأنا معلم مبتديء
رائحاً غادياًإلى مدرستي .
كانت اجمل سنوات عمري ،
العباسية ،أهلها الطيبون
لاحظوا مشاويري اليومية في ذلك الشارع
وسرعان ما أدركوا أني معلم بتلك المدرسة
"صباح الخير يا أستاذ" منهن ومنهم،
وأنا في طريقي إلى المدرسة.
عرفتهم جميعاً أدخلوني بيوتهم وقلوبهم،
، وأنت في البص ، لحظة وقوف الكمساري أمامك ،
يشير بإبهامه ، دون أن ينظر ، إلى الخلف ،
"مدفوع يا أستاذ" ثم يأتيك الصوت:
_"خلاص يا أستاذ."
""ياخي التعب ليه؟"
"حرَّمْ يا أسناذ.""
جيران المدرسة،عدنان قاسم ،
أولاد جلي ،أولاد العاتي ، الكمنجست سيف ، العم علي ابراهيم
العم حمدان الجزار ، عبد الحميد عثمان
عوض ابراهيم، عبد الحميدالذي تعرقت عليه صدفة،
تعامل معي بمنتهى التهذيب
اعتقدت أنه صديقي
فاتضح أنه " بتاع أمن"،
محمد الشاعر، زيدان إبراهيم ،
أولاد كسلا ودكان حميدان ،
السيدات : بت احمد ، وعشة الفلاتية عليها الرحمة
قدرتني كثيراً عندما علمت أني "من أولاد القضارف"
خديجة ، سعدية ، عوضية.
عباسية موردة،احبهم.

تحياتي

الاخ البدرى
سلامات يازول
شاكر حضورك الكريم
مرحب بيك وارجو ان تسعد بحكايات طريفة وتاريخ جميل لحى العباسية المتفرد
شكرا جميلا

حسبو عكاشة
شقيقى الاصغر
كيف احوالك والغربة
مبروك العضوية فى المنبر
اواب دائم السؤال عنك وعندو شوية مطالب
اليومين دى نجم طالع فى الكفر..سجل حوار فى اف ام 100
ممثل ممتاز ..
ناس الروضة اختاروه تلميذ مثالى..
قفشات ذكية وشطارة وتقليدللشخصيات وده جايب ليهو العين..مرة يقع من الركشة..ومرة يقع من السلم ويرد لينا(دى ما شغلتكم) وانا ماتسألونى مش بشبه جدو اللحمر..صعب زيو..ماداير كلام معاكم..الكلام انتهى..
أواب ده من ظرفاء حى الضباط افتكر والا شنو ؟؟

Quote: قفشات ذكية وشطارة وتقليدللشخصيات وده جايب ليهو العين..مرة يقع من الركشة..ومرة يقع من السلم ويرد لينا(دى ما شغلتكم) وانا ماتسألونى مش بشبه جدو اللحمر..صعب زيو..ماداير كلام معاكم..الكلام انتهى..

اواب من زمااااان فصيح و لماح و تركيزو عالي ما شاءالله.






____
يوم الجمعه بتصل عليك عشان نشوف اواب جديدو و مطالبو .

مرتضى احمدعبدالقادر
كيفك والاهل
مالك مختفى كده..
شايف صاحبك حسبو منور المنبر كمان
الشاب النحيل فرنسا او محمدبابكرمحمداسماعيل هو يمتاز بسمعه حسنة..هو لايكلف زبائنه كثيرا..لايغشهم قط..يعمل باستمرار على نصحهم بما تحتاجه سياراتهم اضافة الى أن حرفيته ومهارته عاليه...
كثير من اصدقائى لايثقون فى احد من اصحاب ميكانيكا وكهرباء السيارات فى امدرمان سوى فى فرنسا..وهو يحافظ على ذلك ليس كسبا للزبائن وانما حبا لعمله واتقانا له وتقديرا لذاته..
بعدين ورشته دى اصحبت ملتقى لظرفاء حى الضباط والعباسية...شايف اسامة اخوى مداوم...
شكرا يامرتضى..وشكرا محمدبابكر فرنسا ودالعباسية

Quote: تحياتي . العباسية ، عرفت شوارعها، وأنا معلم مبتديء رائحاً غادياًإلى مدرستي . كانت اجمل سنوات عمري ، العباسية ،أهلها الطيبون لاحظوا مشاويري اليومية في ذلك الشارع وسرعان ما أدركوا أني معلم بتلك المدرسة "صباح الخير يا أستاذ" منهن ومنهم، وأنا في طريقي إلى المدرسة. عرفتهم جميعاً أدخلوني بيوتهم وقلوبهم، ، وأنت في البص ، لحظة وقوف الكمساري أمامك ، يشير بإبهامه ، دون أن ينظر ، إلى الخلف ، "مدفوع يا أستاذ" ثم يأتيك الصوت: _"خلاص يا أستاذ." ""ياخي التعب ليه؟" "حرَّمْ يا أسناذ."" جيران المدرسة،عدنان قاسم ، أولاد جلي ،أولاد العاتي ، الكمنجست سيف ، العم علي ابراهيم العم حمدان الجزار ، عبد الحميد عثمان عوض ابراهيم، عبد الحميدالذي تعرقت عليه صدفة، تعامل معي بمنتهى التهذيب اعتقدت أنه صديقي فاتضح أنه " بتاع أمن"، محمد الشاعر، زيدان إبراهيم ، أولاد كسلا ودكان حميدان ، السيدات : بت احمد ، وعشة الفلاتية عليها الرحمة قدرتني كثيراً عندما علمت أني "من أولاد القضارف" خديجة ، سعدية ، عوضية. عباسية موردة،احبهم.

استاذنا الدرديرى
لك التجلة والتقدير
ارجو ان يتصل حوارك عبر البوست وذكرياتك الجميلة
مودتى وتقديرى

ود الخال محمد عكاشة

دائما تجيب لينا عناوين تدخل فينا الخلعة , لي هسع ما نسيت ناس الحركة أقعوا فيهم بالعصي بس

حي العباسية

ذكريات طفولة أيام زياراتي مع الوالدة لبيت جدي حاج أحمد ابراهيم فضل الله والفول من دكان عثمان الناصية بالقرب من بيت عبد القادر صالح , وست اللقيمات في الصباح الباكر , وعربة الدندرمة قبل الظهيرة بقليل ( هذه العربة التي لا نراها في قرى جبل أولياء ) , والحاج مرغني وجلوسه العصريات في كرسي بلاستيك أمام بيته وقبالة بيت جدي , وخلوة جدي شيخ الزين وتلاوة المغرب وأريحية والدكم الشيخ عكاشة عليه الرحمة والمغفرة .

سينما العرضة والحديث في الممنوع مع عبد الباقي الزين تربي ورفيق الدرب في سنوات خلت .

لك التحية أخي محمد عكاشة وأنت تهيج فينا هذه الذكريات .

حسبو عكاشة

مبروك العضوية ياخ وحبابك

لست أم درماني
ولم أركب العجلات في حواريها
وكلمة هنا أم درمان جعلتها تكون في أي مكان
في المقهى على الطريق
في الجزائر الخضراء
في عام 1982 سكنت في عمارة الجزلي لمدة سنتين ( العمارة المائلة، مؤجرة لطلاب معهد الكليات التكنولوجية ، وطابق السطح ، حر ، مؤجر لآخرين زي حالاتنا )
ومن هناك درجت على عادة الحوامة والمشي في الحواري والطرقات ، يومياً من بعد الساعة الرابعة حتى الثامنة مساء ، وفي كل مرة أجد نفسي في اتجاه ، فكانت المنطقة بين الكبريين وحتى المنطقة الصناعية ميدان أمارس فيه عادة المشي، التلفت، الناس والبيوت، الزقاقات ، الخيران ، وكل يوم عند عودتي يكون لدي فكرة أنه يجب أن أستمر غداً من هنا إلى هناك، لم يكن لدي هدف معين ، لكن في كل مرة تبدأ رحلتي بالمشى وتنتهي بأفكار تتعلق بالتاريخ والزمان ( تايم مشين )
أحياناً كنت أركب المواصلات وخاصة بعد الظهيرة واستمع للونسة بين أناس كبار في السن، أرخي أذني، ولكثرة الحوامة بدأت أشعر أن هناك من يراقبني ، بل بكثافة... لذلك تركت التجوال بعد هذه السنوات ورحلت..
في ام درمان لا يمكنك طباعة صورة ثابتة، أو حكاية قصة قديمة ، هناك ألوان تأبى أن تثبت على الورق ، وهناك أحاديث تتجدد.. وذكريات تغوص وتأبى أن تدلك على طرف الخيط..

البشير ابن عمتى
ماتزال ذات الصور فى ذاكرتى كأنما امس الاول
ومن الصور منظرعمنا الطيب محمدالطيب الباحث العظيم الصباح بدرى وهو قادم من بيته القديم جوار بيت المك ناصر وهو يحمل طفلته بنونه فوق كتفيه لبيت جدها المرحوم شيخ ذوالنون..البيت القدام ديوان ابوى حاج احمد..
بنونة الان تخرجت من الجامعه..
وفى العباسية اذكر جدتى بت على التى ربتنى رحمها الله...
بجيك لذكريات العباسية
ارقدعافية

قالوا يا عكاشة إنو زيدان جا يغني في العباسية وعندما نظر إلى الحضور وجد أن السواد يغمرهم! فقال لهم: هسع يعني أغني ليكم الشعب العربي وين!!

في ام درمان لا يمكنك طباعة صورة ثابتة، أو حكاية قصة قديمة ، هناك ألوان تأبى أن تثبت على الورق ، وهناك أحاديث تتجدد.. وذكريات تغوص وتأبى أن تدلك على طرف الخيط..
الاديب المسافر
بعد غياب
كيف الصحة والاحوال
امدرمان مدينة جاذبة وملهمة
كل الود وان تجول فى ارجاءها
شكرا على المداخلة والحضور

الاخ اسعد
سوف احكى لك عمق محبة زيدان للعباسية وأهلها
بجيك

بنات وابناء العباسية لمن يود منهم المشاركة حول المدينة وذكرياتها مراسلتى
[email protected]
والاعضاء منهم فى البوردالرجاء اثراء البوست
كل الود

يا سلام يا محمد ..

لكن ما ذكريات.

وما أجمل الذكريات عندما تحكى من زول يعرف صيد الحروف..

وعجبنى رد اخونا العباسى وخلعتو بالعنوان..

حسبو عكاشة فرحنا ليهو بالعضوية وعقبال ما يتحفنا بالمزيد..

Quote: تحية الى بنات وأبناء موطنى ..والى المورداب وفريق ريد..بانت وعابدين شرف ..استاد الهلال وحمزة سليمان ذاتو !!!

أواب حقيقة يشبه جدو ألأحمر وإن شاء الله ياخد من صفات جدو السمحة الكريمة..

لك التحية ولضيوفك الكرام..

عمنا ابوالزهور اسماعيل
كيفك ياحاج والاولاد
ايدك معانا فى ذكريات ديوان ابوى حاج احمد وخلوة ابونا الشيخ الزين
برضو فطور عمنا البروف صلاح يوم الجمعة ..ذلك رجل عجيب..يحفظوا المولى ويزيدو
اواب معجب بى جدو اللحمر اعجاب شديد
بجيك صاد تانى
مودتى

من أين جاء إسم العباسية؟

الحبيب اسعد
مهم جدا اجابة سؤالك ولكن دعنى اتحقق او يجيب احد العارفين
شكرا جميلا

مساء الورد والياسمين

عكاشة يافنان

دايما بتنتقي المواضيع الجذابه

نهديك وردة حمراء بمناسبة الجاذبيه دي

ياسلام علي ناس العباسية والمورده وحي الضباط

والهاشماب والامرا وبانت والمه الحلوه

وان حاركز علي النسوان والجيهه والسماحة والطعام الشهي

والنظام والحاجه التمام

تعظيم سلام لنسوان الموردة والعباسيه وبانت وعموم ناس ام رد امان

يا مان

معذره

ساعود للحكي والتفاصيلوكل شئ جميل

تحياتي وودي

Quote: حسبو عكاشة مبروك العضوية ياخ وحبابك

البشير دفع الله يا قريبي...
كيف صحتك! و الاولاد إنشاءالله طيبين

الله يبارك فيك و شكراً علي الترحيب

بوست ابو الروعة بنجيهو بالمهلة
لكن زي ما قال الشاعر العباسي
عنوان البوست بجهج عقلنا
وملعوز قلوبنا
ومزغلل عيونا
مع تحياتي لي عم فرنساوي
وسلامنا للكوتش وعوضية سمك
ومحبتي ليك والاولاد وامهم

الحبيب السنى وين يارجل
كيف صحتك واحوالك
الكوتش ده زول مهم وجايينو بى مهلة
المهم مطلوب حضورك فى البوست ده
يااا مجنون ؟؟؟!!!!

كل الود

.......

وين بنات وابناء العباسية

Quote: وين بنات وابناء العباسية

بالله لمن تلاقيهم ،
سلم لي عليهم وبلغ إشتياقي .
ديل شكلوا جزء عزيز
في مسيرة حياتي .

تحياتي

Quote: بالله لمن تلاقيهم ، سلم لي عليهم وبلغ إشتياقي . ديل شكلوا جزء عزيز في مسيرة حياتي . تحياتي

شكرا استاذ درديرى
وافضالك عليهم كثيرة
تسلم كتير
كل الود

قبل يومين شايفك يا عكاشة في البحر معاك شباب ديل من العباسية ولا شنو يا فردة؟!

ايوا ياابوالسعود
ديل اولاد العباسية البحر بيعرفهم وبيعرفوه..
خليك جاهز المرة الجاية..ياغرررق ياجيت حازمه
كل الود

الأخ عكاشه لك الحب الجميل

كنت أنت صديقاً جميلاً يوم أن كنا قد بدأنا العمل الصحفي منذ 22 عاماً .. ولكن يبدو إنك تعني فقر صداقي مثلما الأخ مريود

البوست جميل ولو إنني أعتقد جازماً أن أم درمان هذه مدينة حرب .. وأن المهدي عليه السلام كتب أول فورمان سياسي يهدد ملكة بريطانيا ويدعوها إلي الإسلام .. حرر من أم درمان ولم يكتب في الأبيض أو فازغلي ..

قد أكون وريث كل الحالرات التي عسكرت فيها خيول جدي الأكبر وأعمامي الذبن لازموا التعايشي 13 عاماً .. ولكني زاهد حتي في هنا أم درمان ..

كان ذلك صديقي عكاشة يامن تعاني من حالةجدب صداقي كمريود تماماً .. كان ذلك في وقت ٍ مضي حينما اثرنا في صحيفة ألوان وعلي هذا الموقع السؤال التاريخي .. هل أم درمان مدينة فن أم حرب؟


إذا راق لكم ذلك أيها الأم درمانيون يكمكن إعادة الجدل حول هذه الجزئية..


أنا أقصد أم درمان الحالة وليست أم درمان الجغرافيا..

يا ابوأحمد
كيف حالك
لفريق ريد
والعباسية
حب خالص وزكريات
18 سنة ...
سكنت جبره عمارة التعليم العالى
بقيت مثل دجاجة الخلاء

دكتور قاسم قور
كيفك ياشاب
شرفتمونا بالزيارة
فريق ريد دى حى جميل وراقى وناسو لطفاء ..حاضري البديهة ومحبين للحياة..
بحس وانا مارى به الى الحيشان باحساس عميق بالعراقة والاصالة ..
لهم التحية والود..ولك

ياخي انت قايل العباسية دي الامتداد ولا شنو




ازيك ياخي

الامتداد مين ياعمك

كيفك ياطارق
وكيف الشباب
طلحة كيف
اول حاجة ناصر اتصل بى وكنت على سفر وبعدداك رقمو مغلق لاقيت ناس صحيفة الحقيقة وعرفت انو سافر
المهم
نفس الحكاية مع ناجى ضرب لى ماقصرومشيت حسب الوصف صباح بدرى وانا طالع اتصلت بدون رد قلت اغشاهو ادى الفاتحة فى وفاة والده..
يوم تانى عصرا بدرى جاى بحرى اتصلت بدون رد..بعدكم زمن رجع لى وكنت قطعت الكوبرى ماسمعته رجعته ليهو فورا عشان اشوفو فى البيت لقيت تلفونو قفل
بعدها سافرت
قلت ناس المغرب ديل دايرين يجنونى والا شنو
بعدين كنت عايز اعمل ليهم استضافة فى مساء جديد
عليك الله كلمهم
وتانى الواحديكلمنا قبل مايصل
وشوف طلحة قول ليهو خرمانيين لى اصيلة..ولى زيارتو لى ام در تانى
اسمع سلم لى على قاسم..وعلى الناس البى هناك..

Quote: دكتور قاسم قور كيفك ياشاب شرفتمونا بالزيارة فريق ريد دى حى جميل وراقى وناسو لطفاء ..حاضري البديهة ومحبين للحياة.. بحس وانا مارى به الى الحيشان باحساس عميق بالعراقة والاصالة .. لهم التحية والود..ولك

يا محمد عكاشه (ابواحمد)
انا وفُستق والشباب
كنا فى بيتكم يوم امس
البيت بستو محروس
وسيدو بيكوس.
انت عارف
بورداب جبره
وبورداب الحلة الجديده
ولا اقول ليك
بورداب الخرطوم ديل
خوتهم زى خوة (جقاوة)!!
مافى واحد قال لى مرحب بيك يا عمك (سنه كاملة ونصف)
مصاقر ليك قهاوى الحبش والاريتريين ..
على سبيل المثل
حسى الود ناذر دا
قدر ما حاولت الم فيه ما قدرت
عامل زى الزيبق ..

يادكتور
كلمناك امدرمان حنينة مالك والخراتيم
تعال لى امدر وعودا..
كل الود

وين ياناس العباسية

عدنا