Post: #1
Title: ياناس سودانى (MDSL) حيرتونا معاكم ..؟؟!!!
Author: محمد عكاشة
Date: 03-24-2010, 10:05 AM
Parent: #0
ياناس سودانى سلام عليكم..ورحمة الله
انامشترك قديم ولم استمتع بخدمة النت بصورة دائمة..
تعطلت مصالحنا معكم وهى مربوطة بالنت وبالكتابة..وقت ثمين نهدره فى محاولات الاتصال بالنت..
حملت الجهاز اكتر من مرة الى مراكزكم بدون جدوى..الخدمة ساقطه وقروشنا واقعه فى ظل ده رغم ان الشركات الاخرى المنافسة تعمل فل الفل..واعلاناتكم تملأ الافاق
بعدين تتصل بالارقام المكتوبة بلاجدوى..
الحل شنو ؟؟أفيدونا افادكم الله,,
|
Post: #2
Title: Re: ياناس سودانى (MDSL) حيرتونا معاكم ..؟؟!!!
Author: Mohammed Awad
Date: 03-24-2010, 10:08 AM
Parent: #1
| Quote: الحل شنو ؟؟أفيدونا افادكم الله |
يابن عمى
القربة دى مقدودة, انفد بى جلدك واحتسب بس
لا حياة لمن تنادى
|
Post: #3
Title: Re: ياناس سودانى (MDSL) حيرتونا معاكم ..؟؟!!!
Author: محمد عكاشة
Date: 03-24-2010, 10:21 AM
Parent: #2
محمدعوض
ياابن عمى
ده هو المفروض يحصل
رغم انو فى قروش كتيرة ضاعت فى بطن سودانى لكن ربك كريم..
المهم ورينى امشى وين..ياتو شركة افضل حالا..ومن ردك دربى عديل عليهو
كل الود
|
Post: #4
Title: Re: ياناس سودانى (MDSL) حيرتونا معاكم ..؟؟!!!
Author: فيصل أحمد سحنون
Date: 03-24-2010, 10:29 AM
Parent: #3
يا أخوي لو كنت في امدرمان لا انصحك بكنار لان لديهم مشكلة في الشبكة بها
وهذه المشكلة ليست موجودة في بحري مثلا.
|
Post: #5
Title: Re: ياناس سودانى (MDSL) حيرتونا معاكم ..؟؟!!!
Author: Mohammed Awad
Date: 03-24-2010, 10:30 AM
Parent: #3
| Quote: المهم ورينى امشى وين..ياتو شركة افضل حالا |
داير نصيحتى؟ اعمل رايح
لا خير فى هذا ولا ذاك
طالما ستعامل معاملة الافراد!! لانو الفرد هنا بيستعمل للمصاريف اليومية
لو كنت شركة كان بتلقى اهتمام حبة,,, على الاقل بيعتبروك نقاطة دائمة
تحياتى
|
Post: #6
Title: Re: ياناس سودانى (MDSL) حيرتونا معاكم ..؟؟!!!
Author: محمد عكاشة
Date: 03-24-2010, 11:57 AM
Parent: #5
فيصل كيفك يارجل
محمدعوض ..تلقيت للتو اتصالا من السيد طلال من شركة سودانى قدم لى خلاله بعض التوضيحات..
سرنى الاهتمام من شركة سودانى وسوف اقوم بتوضيح توضيخاته لاحقا ..
عليه ارجو طرح الاسئلة والمشاكل التى تجابه المتعاملين أمثالنا مع الشركة..
عسى ولعل..
شكرا جزيلا
نعود
|
Post: #9
Title: Re: ياناس سودانى (MDSL) حيرتونا معاكم ..؟؟!!!
Author: أحمد محمد عمر
Date: 03-24-2010, 12:18 PM
Parent: #7
تعاملت مع أغلب خيارات الانترنت وعليه أفيدك بالتالي
زين بطيئة جداً
MTN حتى هذه اللحظة لا بأس بها ولكن في حال انتشارها ستصبح مثل كنار
كنار كانت أفضل الخيارات قبل تخفيض تسعيرة الانترنت بخدمة go
MDSL أسوأ الخدمات
كل الخدمات المذكورة أعلاه لاسلكية لذلك تتأثر بكمية المشتركين الموجودين في الحيز المحدد .. قد تعجب بإحداها الليلة لسرعتها فتفاجأ بها غداً أبطأ من أبو القدح
أنصحك باستخدام ADSL خيار الهاتف السلكي .. سرعته ثابتة ولا تتغير بسهولة لأن عدد الموصلين لا يتزايد بنفس القدر وهي خدمة غير مشجعة لمن يدخل النت لماماً أو من أجل الترفيه
أهم منفر بها أنه في حالة عدم دفعك للاشتراك الشهري يتم قطع الخدمة عنك مع بقاء اشتراكك ساري التكلفة .. يعني إذا أرجعت الخدمة بعد 6 أشهر ستدفع قيمة اشتراك الأشهر الستة التي لم تدخل فيها الانترنت
تكلفة توصيل الخدمة مائة جنيه (تقريباً) والإيجار الشهري ثمانون جنيهاً وهي الأفضل في الساحة
|
Post: #20
Title: Re: ياناس سودانى (MDSL) حيرتونا معاكم ..؟؟!!!
Author: ذواليد سليمان مصطفى
Date: 03-26-2010, 07:30 AM
Parent: #7
Quote: طلال دا احتمال كبير يكون بوردابى من شركة سودانى هنا وشاف البوست دا
لكن شوف الامثلة دى ولما يرجع ليك قول ليو انا قاعد لو دايرنى
مشتركي شركة سوداني لخدمة الانترنتmdslعليكم بالمقاطعة(سجل اسمك)
Re: تحذيرلكل مشترك..!شركة سوداني للاتصالات الانترنتMdslمرة اخرى تحتالني |
يا الاخو
كلام دا من زمان قلنا
ولكن لاحياة لمن ينادي
وانا مستعد اشتكي شركة سودانيmdsl
واذا انت جاهز انضم للقائمة
والحمدلله الآن قاطعة شركة سوداني منذ اكثر من شهر
هذه شركة الكيزان الحرامية لايخافون الله
ولايختشون
انا ذهبت الى جميع مراكزهم في البرج ثم شارع السيد عبدالرحن
ثم ابوسعد وامدرمان ولاحياة ولاخجل لهم قلوبهم كالحجارة وبل الحمار افهم منهم
ولاخير فيهم
|
Post: #8
Title: Re: ياناس سودانى (MDSL) حيرتونا معاكم ..؟؟!!!
Author: عبداللطيف حسن علي
Date: 03-24-2010, 12:16 PM
Parent: #6
قبل اسبوع يامحمد عكاشة عملت تحويل رصيد بمبلغ ثلاثون جنيها (احذر جدا الاشتراك الطويل لانه غير مضمون،كماحدث العام الماضي من انقطاع لمدة اكثر من ثلاثة يوم دون تعويض ) المهم تحويل الرصيد
كان الساعة السادسة مساءا ، وصل الرصيد الساعة التاسعة وعشرون دقيقة
وتفعيل الخدمة كان الساعة العاشرة وثلاث واربعون دقيقة ، عندما ارسلت رسالة
داخلية كان ردهم سيتحسن الوضع !
دا كلو كوم والخدمة الرديئة كوم تاني براهو ،لما افتح سودانيز ، لعمل ريفريش ساكت اتعذب عذاب
قبورة ومرات انسي الكلام العايز اقولوا في الرد..
اي داون لود اكثر من عشرين ميقا احسن تنوم وتشوف الحاصل شنو تاني يوم..
المشكلة مافي شركة كويسة زي ماذكر محمد عوض ، غايتو نحتسب بلغة الكيزان
..في البداية كنت اتحمس لشراء كروت ، الان الحمدلله قل اهتمامي بها الا للضرورة ، واتمني تجاوز
ذلك ونرجع لحياتنا الزمان بدون انترنت ووجع رأس ..
|
Post: #10
Title: Re: ياناس سودانى (MDSL) حيرتونا معاكم ..؟؟!!!
Author: فيصل أحمد سحنون
Date: 03-24-2010, 12:32 PM
Parent: #6
Quote: فيصل كيفك يارجل
محمدعوض ..تلقيت للتو اتصالا من السيد طلال من شركة سودانى قدم لى خلاله بعض التوضيحات..
سرنى الاهتمام من شركة سودانى وسوف اقوم بتوضيح توضيخاته لاحقا ..
عليه ارجو طرح الاسئلة والمشاكل التى تجابه المتعاملين أمثالنا مع الشركة..
عسى ولعل..
شكرا جزيلا |
الاخ محمد تحياتي
حاليا استخدم sudani mdsl
الأحظ انه بطئ جدا في الحلفاية خاصة في حالة الداون لوود واحيانا حتى التصفح مشكلة
ولادة عدييييييل كدة
بعدين بالجد الخدمة اسعارها عالية جدا في السودان ونتمنى من الشركات مراعاة ظروفنا كأفراد
وليس شركات حيث نقتطع ما ندفعه من قوت اولادنا
يديك العافية
|
Post: #11
Title: Re: ياناس سودانى (MDSL) حيرتونا معاكم ..؟؟!!!
Author: Mohammed Awad
Date: 03-24-2010, 12:36 PM
Parent: #10
Quote: الأحظ انه بطئ جدا في الحلفاية خاصة في حالة الداون لوود واحيانا حتى التصفح مشكلة
ولادة عدييييييل كدة |
قالوا الحلفايا يافيصل فيها مشكلة ماعارفنها شنو؟
ــــ
نكون تابعين لى جزر القمر؟
|
Post: #12
Title: Re: ياناس سودانى (MDSL) حيرتونا معاكم ..؟؟!!!
Author: فيصل أحمد سحنون
Date: 03-24-2010, 12:45 PM
Parent: #11
| Quote: نكون تابعين لى جزر القمر؟ |
الاخ محمد عوض
سلام كتير
والله ضحكتني بكلامك ده.
احتمال تكون مسكونه برضو ما بعيد.
والله بالجد سوداني في الحلفاية زبالة عديييييل كدة
واعذرني لاستخدام الكلمة لاني لم اجد مايعبر خيرا منها.
تحياتي
|
Post: #13
Title: Re: ياناس سودانى (MDSL) حيرتونا معاكم ..؟؟!!!
Author: محمد عكاشة
Date: 03-24-2010, 01:02 PM
Parent: #12
Quote: بعدين بالجد الخدمة اسعارها عالية جدا في السودان ونتمنى من الشركات مراعاة ظروفنا كأفراد
وليس شركات حيث نقتطع ما ندفعه من قوت اولادنا |
ده كلام صحيح يافيصل
بجيك راجع وللمتداخلين أعلاه ...بس خلى زينب دى تروق شوية
كل الود
|
Post: #14
Title: Re: ياناس سودانى (MDSL) حيرتونا معاكم ..؟؟!!!
Author: عبداللطيف حسن علي
Date: 03-24-2010, 01:46 PM
Parent: #13
Quote: ده كلام صحيح يافيصل
بجيك راجع وللمتداخلين أعلاه |
كنت عايز ارفع بوستك لاهمية الامر!!
|
Post: #15
Title: Re: ياناس سودانى (MDSL) حيرتونا معاكم ..؟؟!!!
Author: محمد عكاشة
Date: 03-24-2010, 08:44 PM
Parent: #14
شكرا جزيلا الاخ عبداللطيف
نواصل
|
Post: #16
Title: Re: ياناس سودانى (MDSL) حيرتونا معاكم ..؟؟!!!
Author: ناذر محمد الخليفة
Date: 03-25-2010, 07:22 AM
Parent: #15
محمد عكاشة
انحنا جبيل شن قلنا ما قلنا الطير بياكلنا !
ناس شوداني ديل جلدهم أتخن من جلد القرنتية ولو كانوا بيحسوا كانوا إهتموا بالملاحظات الوردت في البوست التحت دا :
السادة / شركة سوداني للإتصالات (خدمة الـ MDSL ) ..!!
بعدين ما تغشك حكاية إتصلوا بيك موظفين من سوداني .. دا كلو طق حنك ووعود مجانية لزوم التسويق والتطمين ولو دخلت البوست الفوق دا الإستمر فترة طويلة جدا وقراهو أكتر من تلطاشر ألف مشترك حا تلقى تفاصيل زيادة ..
|
Post: #17
Title: Re: ياناس سودانى (MDSL) حيرتونا معاكم ..؟؟!!!
Author: محمد عكاشة
Date: 03-25-2010, 10:02 PM
Parent: #16
ناذر ازيك
مجرد الاتصال والاهتمام بالنسبة لى خطوة كويسة..
وبنفس القدر سودانى شركة تستهدف زبائن ومن حقهم عليها النظر الى مشكلاتهم والعمل على حلها لانها خدمات مقابل فايدة ..
برجاء من شركة سودانى النظر الى مثل هذه الملاحظات بصورة موضوعية ومن أخذ الاجر حاسبه الله بالعمل
كل الود
|
Post: #18
Title: Re: ياناس سودانى (MDSL) حيرتونا معاكم ..؟؟!!!
Author: حبيب نورة
Date: 03-25-2010, 10:11 PM
Parent: #17
يا مان
علي اليمين ناس فوادفون عندهم إنترنيت 
|
Post: #19
Title: Re: ياناس سودانى (MDSL) حيرتونا معاكم ..؟؟!!!
Author: عبداللطيف حسن علي
Date: 03-26-2010, 06:42 AM
كمان جابت ليها حظر مشاركات من داخل السودان
لولا ان ال IP يتغير (ديناميكي) لما استطاع مشترك واحد الكتابة هنا
IP: 41.218.29.165
عفوآ
-لا يمكنك اضافة مداخلة او موضوع للارشيف او المنبر العام حاليا
او
-تم أيقاف حسابك في المنبر العام او حظر المشاركة من الشركة التى تستخدمها مؤقتآ
فضلاً راسل مدير المنبر العام لمزيد من المعلومات
[email protected]
Permission Denied
Sorry, you have no permisson to access this page or function.
Please search here
يعني الهكر جزء من الشركة
حسبنا الله ونعم الوكيل!!!!!!!!!!!!!!!!!!!!!!!!!!!!!!!!!!!!
|
Post: #21
Title: Re: ياناس سودانى (MDSL) حيرتونا معاكم ..؟؟!!!
Author: محمد عكاشة
Date: 03-28-2010, 06:18 PM
Parent: #19
الاخ عبداللطيف
رسلت الى الاخ بكرى وقد حدث لى نفس الذى قلت..
خلينا نشوف رأى بكرى
كل الود
|
|