Post: #1
Title: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-01-2008, 06:13 PM
Parent: #0
اهلنا الجعليين يتطربهم الكلام المقفى الذى يحض على الكرم والنجدة والفروسية وفراسة مظان الخيروالفضائل..
جدى كلما سمع اغنية تمجد فضلا تفرد به رجل من الناس تلاحقت انفاسه وتغيروجهه وهاشت اطرافه..
سمع ذات يوم(مطمورتك تكيل للخالة والعمات) اضطرب وبشر ثم قال لى..آآلخمجاان ياولدى شعرت جلدى كلبت..
اغنيات الحماسة التى تهيج طاقة الكرم الجوانى والفروسية المهتاجه..
حسين شندى رجل كريم وشهم وفارس..
رجل من أندى العالمين بطون راح..
هو فوق هذا رجل مثل النسمة وهبة الهواء..
طريف وذوحكايات عجيبه ونوادر..شديدالحب لاهله عميق البر بهم..
الفنان حسين ياجمال السنوسى ونحن فى سهرات العيد كان ضيفا فى الفترة المفتوحه فى قناة النيل الازرق مع نجوم الكوميديا..كان ابرزهم فى الحكى والطرائف والملح النوادر..
خصوصا ماأتصل بالجعليين وشجاعتهم واكرامهم الضيف والعمدة الحسن ودضبعه..
حكى حول مايطرب الجعليين من اغنيات..ذات يوم غنى المرحوم مصطفى سيداحمد فى ربوع شندى والناس فى دهشة و(البت الحديقه)وهم يشمرون للعرضه والبطان..كانوا فى صمت ذاهلين سوى ان اكرامهم الضيف اقتضى احدهم ان ينهض نحوه ويعرض فوقه ويقول..
- يازول ماعارفين الحديقه دى بس عشان شنبك الماكن ده ابشر بالخير..
عيدسعيد ومبارك لكل اهل السودان..ولصديقى الحبيب الارباب حسين شندى
محبتى
|
Post: #2
Title: Re: أهلى الجعليين وشنب الفنان مصطـفى سـيداحمد !!!
Author: وضاحة
Date: 10-01-2008, 06:21 PM
Parent: #1
محمد
تعرف بمناسبة الشنب دى
حبوبة اى رجال ماعندوا شنب عندها رائ فيه تقول ليك الراجل الامره دا ما نافع
عاوزين نقلب البوست دا لى اجمل شنب فى المنتدى ونجيب الشنبة الفى المنتدى
والرهيفة التنقد
رايك شنو
|
Post: #3
Title: Re: أهلى الجعليين وشنب الفنان مصطـفى سـيداحمد !!!
Author: khaleel
Date: 10-01-2008, 08:00 PM
Parent: #2
بكرة الديش بجيكم
والرسلوكم تعبو
وانا المك نمر كبريتو حرق القربو
ونحن شوايين كبدة الباشا
ابشر بالخير وكل سنة وانت طيب
|
Post: #4
Title: Re: أهلى الجعليين وشنب الفنان مصطـفى سـيداحمد !!!
Author: حيدر حسن ميرغني
Date: 10-01-2008, 08:17 PM
Parent: #3
| Quote: يازول ماعارفين الحديقه دى بس عشان شنبك الماكن ده ابشر بالخير.. |
ذكرتني برد الشاعر الراحل نزار قباني عندما حكى له مثقفاتي وغد عن تزاحم بعض السياح من دول النفط في امسية شعرية لادونيس بلندن
|
Post: #5
Title: Re: أهلى الجعليين وشنب الفنان مصطـفى سـيداحمد !!!
Author: Ashraf Abdel-Muty
Date: 10-01-2008, 08:52 PM
Parent: #4
نمرا بركب الكييك البطر بتحرن
نمرا بعدل العوق اب صفوفا جرن
خلوات صدره فى علوم الحروب كم قرن
ما نمر الشجر حاضن فروعو مقيل
ده النمر البضاير الصف محل ما يميل
كل ما اقول شكر القاه فيه قليل
كفو بيخجل العين السحابها بنيل
ده مش ياهو نمر خليل زااتو ؟؟
|
Post: #6
Title: Re: أهلى الجعليين وشنب الفنان مصطـفى سـيداحمد !!!
Author: khaleel
Date: 10-01-2008, 08:57 PM
Parent: #5
| Quote: ده مش ياهو نمر خليل زااتو ؟؟ |
ياهو زاتو
وفت جعلي ان ركب حالا بخربو عقابكم
كل سنة وانت طيب
|
Post: #86
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-22-2008, 02:01 PM
Parent: #6
دق الجـــعليين فى ضــاحـية نمــرة تلاتة بالخـرطـوم!!!
Quote: يوم الخميس كان هناك (ضُهري) بعد الغداء مباشرة
أحياه الفنان عمر حواري.. دلوكة
السوط كان شغال فيها شغل شين..
حتى استغرب الحناكيش ناس اسماعيل التاج
وتقول الروايات أن محمد عكاشة كان يتولى تثبيت حناكيش البورداب
بالشرح والتوضيح وتأكدي ان السوط عادي (عندنا)..
أربعاء وخميس.. صفقة ورقيص مع ناذر الخليفة.. وسيف الجامعة دستورو نازل...
ـــــــــــــــــــــــــــــــــــــــــــــــ |
ودعقيد
رغم زخم عرس الصديق ناذر وجوقة الفنانين الذين احيو لياليه العتاق ولقاء البورداب الحميم..
كنت سعيدا بالضهرى والدكتور حيدر بدوى فى دهشة..ومولانا اسماعيل التاج وللبطان=الجلد= فى تاريخ اسرتى حكايات وحضور مقيم حتى هذا الصباح..
كنت مسرورا..
وقبلها.. مساء كنت فى حضرة نديانة مع الموسيقار وردى فى حديقة منزله الوريفة ..كان الحوار القديم الجديد حول (الهوية) التى جهد اهل السودان ومفكريه بالحوار والتنظير حولها..وحوار السبعينات حول(العباسة) بين دكتور عبدالله على ابراهيم والطيب محمد الطيب ومحمدطه الريفى ...تلك (الاوابد) التاريخية والظنون...
البطان كان حاضرا فى ثنايا الحديث..
محمد وردى له اراء طريفة فى اصول السودانيين وله حجج دوامغ مع تركيز على اصالة عرقه النوبى وحضارته الباذخة..
نعود لحوار وردى ضمن هذا البوست..دون لجاج..
سوى ان قصة(البطان) فى نمرة تلاتة اذهلت مولانا اسماعيل ودكتور حيدر وبعض اصدقائى من اولاد العمارات وكلفنى ذلك شروحات وتوضيحات كثيرة..
البطان ضمن عادات كثيرة كادت تندثر وهوبرغم مخاطره الا ان الكثيرين يحرصون عليه..وزواج ناذر الخليفة كان تنويعات فى مجالات عديدة..فى الفن والغناء وكرم اهل السودان والتراث ولقاء بورداب لاول مرة..مولانااسماعيل..حسين يوسف..الزوول..دكتور حيدر..ناصر البطل..محمدالامين..تبلديناوعبدالله ودعقيد!!
|
Post: #25
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-04-2008, 04:42 PM
Parent: #5
اشرف عبدالمعطى
حبابك فى رحاب المك نمر
وكل سنه وانت طيب
محبتى
|
Post: #20
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-04-2008, 11:48 AM
Parent: #4
الاخ حيدرحسن ميرغنى
شكرا على الحضور الانيق
عيدسعيد
وكل سنه وانت طيب
محبتى
|
Post: #9
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-02-2008, 04:25 PM
Parent: #3
خليل
كل سنه وانت طيب
وعيدسعيد
محبتى
|
Post: #19
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-04-2008, 11:15 AM
Parent: #3
فى حضرة المك
رجــااالـه شــــديـده !!!!
الرجل الذى سارت بذكره الركبان,,, لشدة بأسه وقوته ومصارع الاقوام امامه فى الساحات..
الهمباتى يسرح ببصره فى خلاء بلقع ليلمح من بعيد مجموعة من الابل تتهادى فى الفلوات..
الرجل يحزم امره ويلحق بها..
هاله منظرها فهى (نياق) خصيبه ذات سمت ووسم جميل..
ترجل من على فرسه ليجدفى رعاية الابل فتى ضئيل الجسم..دقيق الملامح ووجهه بلا تعبيرمحدد...
ثم يجرى حوار عبر التاريخ...فى القوة وفى معنى الوجود...
_ كيف حالك أأأجنى ؟
*مرحبتين ..حبابك ..
_دا حن الابل دى هيلك ؟؟
*ابدا..مى هيلى..بس مسؤؤل عنهن..
-طيب شن قولك ..اناعايزن..
* شن قدرك على شيلن ؟؟
-هوى آى جنا..ات عرفتنى هسى ؟؟
*بالحييييل..ماياكا الطيب ودضحويه
- أمممممم..طيب شن قولك..نتفق..انااشيل نصهن وانت نصهن وتقول لاهلن سرقوهن الرباطه..
* انت شن قولك..يا تشيلن كلهن ياارجع بهن
_كيييييييييف ؟؟
* نتصارع قدامن.. ياكتلتنى ياكتلتك !!!
......
نظر وضحويه الى الفتى باعجاب شديد..
ثم مضى وهو يقول لنفسه..ماكنت اظن ان هذه الارض سوف تجنب ذات يوم من هو اشجع من الطيب ودضحوية...
...
ثم..
الصحافى احمد الصاوى يدهشه حكمة عمه.. بان اكثر الرجال شجاعة وجسارة هو الذى يطوى قلبه على جراحات العشق...وعلى أذى المحبوب ...
العشق هو الذى تستبين به شجاعة الفرسان وجسارتهم..
وهو الذى يكسر القوة والمضاء..
وليل العاشقين طويل ...!!!
|
Post: #37
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-06-2008, 12:15 PM
Parent: #3
لمن فاتهم حضور الحلقه..
الاعادة العاشرة والنصف مساء الثلاثاء 7 أكتوبر
محبتى
|
Post: #8
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-02-2008, 04:23 PM
Parent: #2
وضاحة بت العمراب
ابشرى والرهيفه تنقد ان شاء الله ماتتلق
|
Post: #7
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-01-2008, 09:41 PM
Parent: #1
عكاشة
| Quote: خصوصا ماأتصل بالجعليين وشجاعتهم واكرامهم الضيف والعمدة الحسن ودضبعه.. |
العمدة حسن ود ضبعة جدى والله
سالتقى باعمامى فى الايام القادمه وساطلب منهم تاكيد ماحكى الفنان حسين شندى فقد اضحكنى كثيرا
تحية لاهلنا الجعلين وكل عام وهم بخير
تابعت فترتك المفتوحة واستمتعنا بضربات الجزاء الهلالية من بت سلك شكرا لك على هذا الجمال
تقديرى
|
Post: #10
Title: Re: أهلى الجعليين وشنب الفنان مصطـفى سـيداحمد !!!
Author: عبد اللطيف السيدح
Date: 10-02-2008, 09:51 PM
Parent: #7
عكاشة كل سنة وانت طيب
وتحايا مليونية لاهلناالجعليين الفي صلاتن حاقبين عصاتن
وهاك الشنب ده دحين مو اطول من كبري المك نمر
|
Post: #21
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-04-2008, 12:21 PM
Parent: #10
حباب عبداللطيف ودالسيدح
شنب كارب
ابشر ياابوالرجال
عيدسعيد
ونشوف وضاحه
|
Post: #18
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-04-2008, 11:00 AM
Parent: #7
نجمه
تحياتى وكل سنة وانت بخير
تحياتى لاعمامك واهلك من الجهتين..جويرودضبعه وناس حامد اب عصاة سيف
محبتى
|
Post: #74
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-02-2008, 05:37 PM
Parent: #7
فى التراث والفنون
|
Post: #11
Title: Re: أهلى الجعليين وشنب الفنان مصطـفى سـيداحمد !!!
Author: وضاحة
Date: 10-03-2008, 07:15 AM
Parent: #1
|
Post: #12
Title: Re: أهلى الجعليين وشنب الفنان مصطـفى سـيداحمد !!!
Author: خالد علي محجوب المنسي
Date: 10-03-2008, 10:03 AM
Parent: #11
دار جعل هز ورز ومحل رهيفة التنقد والبحر جابو لحديث
مافينا الإضينة ومانا أقلا كُتار
بنصلا الحارا ونوجب البتار
كبيرنا إن جال لي الصفوف بحتار
صغيرنا يدخل الدارة ويجيب التار
في ثابت العرب في اصلها وفخودا
مثبوتا الرجالة وعنكم مأخودة
صغيركم يدخل الحار أم لبوس ويخوضا
مجرب من زمان سيفكم بياخد الخودا
عاشمكم مؤكد مابيرجع خائب
صغيركم رأيو عندالغير يوازن الشايب
شائبكم مدرب رأيو دايما صائب
فارسكم جسوراً ما بدقدق هارب
هييييييييييييييييييييع ومحل رهيفة التنقد
|
Post: #35
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-06-2008, 09:51 AM
Parent: #12
خالدعلى المنسى
عيدمبارك
واتابع باهتمام ماتكتب عن التراث واشراقاته وهذه مهمة تحتاج جهدومثابره
واصل بعزم
سلام وتحيات الى الاهل جميع
محبتى
|
Post: #47
Title: Re: أهلى الجعليين وشنب الفنان مصطـفى سـيداحمد !!!
Author: Nimir
Date: 10-08-2008, 11:33 AM
Parent: #12
نحنا صغيرنا يربط كلام و يحلو
نحنا أيادينا مقبوض الرجال بتحلو
نحنا أهل السواقي البجود واسوقا
نهدي الصافنات للضيف ركوبا يسوقا
و كت الشوف يشوف و الحارة يعمر سوقا
زي كور المعيز نحنا الرجال بنسوقا
|
Post: #13
Title: Re: أهلى الجعليين وشنب الفنان مصطـفى سـيداحمد !!!
Author: وضاحة
Date: 10-03-2008, 12:04 PM
Parent: #11
شنب جعلى اصيل
هل من منافس
|
Post: #14
Title: Re: أهلى الجعليين وشنب الفنان مصطـفى سـيداحمد !!!
Author: فرح
Date: 10-03-2008, 12:21 PM
Parent: #13
مودتى الصديق الغالى محمد عكاشه
|
Post: #15
Title: Re: أهلى الجعليين وشنب الفنان مصطـفى سـيداحمد !!!
Author: محمد عبدالرحمن
Date: 10-03-2008, 12:28 PM
Parent: #14
اب عاجات اللحو وكتين إزم وانتّر
إن جات الإلوف لا بضل ولا بفتّر
حوّد يا الخصم بغادي دربّو بضر
اب رسوة اب هرش الضارب الوكرة
تمساح دار كلي بمرق مع الهجعة
أبو شما اللزوم كم درج العاطلة
هو الاسد المربعن دونو الرجال قاصرة
يا حليل اب جديري الفارس المنبور
يحرن في المحاصة وكت الحرابه تدور
في اليوم المشوّم تبقى الحجازة صقور
وبيهو بِيجبر الصف ان بقّت مكسور
بجيب قولّن صحيح في ابويا ماهو شكر
مثبوتات فضايلو ومافي من ينكر
اب زيد الهلالي زايد عليهو قدر
عباس تور قريش منو مابقصّر
زناد ان حركّو بقوم وما بفكّر
دايماً فاك ضراعّو وبيهو مابفشّر
رحل يا شما أبوك وقفّا خلا الدور
وأنحلَّ النظام الكان زمان معمور
بوجود ناس ابوي قبل العبوس ماتدوور
أنهدَّ الجبل واشتت المطمور
يا ابو زينب وراك اتكشّف المستور
دابي القاش حليلو الفي المحاصة بِكُر
من شوفتو بتضل ناساً دقونن قُر
ان شاف الحديث زايد بقالّو كُتر
بشلح في الصفوف امات طبول وزمر
زي حمزة الجسور في يوم أحد وبدر
سم الصاقعة ابوي ياللخصم بدمّر
اب قدحاً سبيل مسا وصباح مجرور
ولي الضيفان يباشر ووشّو مامصرور
منو البمسك مكانك وإفهم المضرور
بِتراجع في المواشي وفي خِدمت البور
غرارة العبوس مابتلتفت لي زول
حُكم السيد نفد ما بنحجب مقدور
تمساح القيوف اللى العزول بتكيد
اب مسكاً يفوح يعم القريب وبعيد
يوم جاني الخبر اسفاً عليا شديد
ياعمدة كلي فرقك علينا صعيب
يا العمدة اب جديري فرقك علينا صعيب
عكاشة ..كل سنة وانت طيب ..
بشوف قصتكم من شنب مصطفى سيد احمد
مشت للدلوكة والحماسة و(كليب) شعر الجلد ..
اها الفوق دى مساهمتى معاكم ..جدكم العمدة
اب جديرى عمدة كلى ..
|
Post: #36
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-06-2008, 10:54 AM
Parent: #15
محمدعبدالرحمن
تسلم ..ارباب ودارباب
وعيدسعيد
اقول ليك ..اسمع بالضغط هنا
علـي الطــلاق بالتلاتة تتفضــلوا وتتضــبحــو انتـو !!!
قبل سنوات..وصديقى جمال حسن سعيد يضغط على البنزين فى طريقنا بغير تخطيط الى (أم مرح) الشيخ الطيب..
قمنا بواجب الزيارة وحوارنا يتصل مع الشيخ عبدالرحيم المحامى المخضرم وخليفة ودالبشير حول التصوف والفن وكرم السودانيين...
فى طريق عودتناالى المورده فى معية نفر من ابناء الشيخ قريب الله غدونا الى بيت السيدبابكر الارباب..
رجل مشهور السيرة ونقى السريره..
قريبا من بيته اتفقنا على ان نحلف عليه بان لايضبح لاكرامنا لتأخر الوقت ولارتباط بعضنا بالتزامات اخرى ومواجبات اجتماعية..
لدا الباب..
كان الارباب فى استقبالنا وفى يده سكينه وخروف مدوعل يحجل فى جواره..
سلم على الجميع سلاما حارا..
ثم حلف احدنا..ياحاج بابكر..على الطلاق ماتضبح..
لكن وبسرعة فائقة رد علينا وهو يمد سكينه...على الطلاق بالتلاته تضبحوا انتو..
وقدكان..
وجمال حسن سعيد يطرب ..
فى الجود والكرم ايديك دوام بارزات
يااب قلبا حديد فى الحوبه مابتنفات
.....
الكرم من اجمل الصفات التى تميزبها السودانيين على غيرهم ... صفة تتصل بالشجاعة والنبل ..وهى خصيصة اهل السودان بلااستثناء..
ثم...
رمضان على الابواب ..ومشهد اهلنا فى الجزيرة كل عام ..يقفون فى الطرقات والموائد مبسوطه دون اعلان وبلامن ولا أذى..
رمضان كريم..وكل عام وانتم بخير!!
|
Post: #16
Title: Re: أهلى الجعليين وشنب الفنان مصطـفى سـيداحمد !!!
Author: فاروق أبوحوه
Date: 10-03-2008, 12:33 PM
Parent: #14
نحن أولاد جعل.. أهل السلام ومعارك
جينا نهني جينا نغني جينا نبــــارك
وكتين هبشوا النحاس واتيتلن صقارِك
نحن كسيحنا في الحوبات بكاتِل بارِك.
.
.
هيييييع وتنقد الرهيفه إن شاء الله ما تتلتق.
.
.
|
Post: #38
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-06-2008, 05:57 PM
Parent: #16
فاروق ابوحوه
دمت سعيدا عامرا
تسلم كتير
وعيدك مبارك وهانىء
محبتى
|
Post: #17
Title: Re: أهلى الجعليين وشنب الفنان مصطـفى سـيداحمد !!!
Author: وضاحة
Date: 10-03-2008, 12:41 PM
Parent: #14
يا فرح
قلنا جعلين شنو الوسخ دا
|
Post: #31
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-05-2008, 01:22 PM
Parent: #13
فرح
تحياتى والعيدالسعيد
شكرا على المرور
والامنيات السعيده
|
Post: #32
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-05-2008, 01:22 PM
Parent: #13
فرح
تحياتى والعيدالسعيد
شكرا على المرور
والامنيات السعيده
|
Post: #76
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-05-2008, 06:56 AM
Parent: #11
******
|
Post: #22
Title: Re: أهلى الجعليين وشنب الفنان مصطـفى سـيداحمد !!!
Author: وضاحة
Date: 10-04-2008, 12:30 PM
Parent: #1
جعلين شنو وشنبات شنو
امشوا شوف تراجى قالت بناتكم حايمين عريانات بالمايهوات وعندها الصور دليل
رحلتي الى رومانيــــا (صور دماااااااااار)
|
Post: #23
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-04-2008, 12:47 PM
Parent: #22
Quote: العمدة حسن ود ضبعة جدى والله
|
كان كدي بكونن بناتي عماتك...وانا جدك عديل...(لكن انتي منو؟)
والرواية صحيحة مية المية...واحد رواتها لا يزال علي قيد الحياة ونصيح وشديد
وتمتها حميراء بي سيد محكر الديوان( خبر البندقية القالوا دي بترميك وتلب يا صقر طيّر الرخم مني)
|
Post: #28
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-04-2008, 06:45 PM
Parent: #23
العم الكريم نزار حسين يسعدنى ويشرفنى صلة نسيى بك
يحن الدم للدم برغم دعوة جدنا الشيخ حامد ابو عصا
ااولاد رابحة رابحة حبوبتنا ودائما مااسمعها من عماتى اولاد رابحة الربحاب العمراب والميرفاب رابحة بت الشيخ اخت الاولاد الستة التفرعت منه فروع الجعلين اعتقد غير متاكده من هذه الرواية ولكنى سمعتها من حبوبتى رحمها الله
انا عمرابية من المورده هنا فى امدرمان اعمامى هنا فى امدرمان فى المورده حوش بكرى وعقارب ومحمد احمد عمر وبخيت عمر والهادى ود مصطفى وبت المنى بت مصطفى واولاد على وناس التور وناس الدرديرى وحشان العمراب المعروفة بالمورده جدنا محمد عبد الوهاب القدوابى نحملة فى اسمائنا فى شجرة العائلة وحولية الشيخ حامد تقام بديارنا جوار خور ابوعنجة كل عام رحم الله جدى بخيت عمر كان قد بدا مشوار لشجرة العائلة جدتى لابى من الجوير غرب شندى حوش ود ضبعه من الضباع هى بت عم جدى لابى هم من جبل ام على بشندى مازال اعمامى بالجوير غرب شندى وجبل ام على وتركز من اتى منهم من شندى بالمورده وبانت عمل اغلبهم بمهنة الجزاره وبشندى بحواشات البصل جدودى واعمامى الكبار يروف حسين ابو صالح الطبيب المشهور عمى .
طبعا انا مابعرف احسب نسبى كابائى احنا اتربينا فى الخرطوم وشندى دى بمشوها اهلنا فى الافراح والاتراح والتواصل بين ناس الجوير وجبل ام على لاهلهم بالمورده لكنى سالتقى باعمامى فى مقبل الايام فى مناسبة وساتيك بالمزيد الذى يمكنك من حساب صلة النسب والقرابة
خلاص ياعكاشة انا عندى ظهر وعم فى المنبر ده تانى ماف زول يتكلم
سعيده بانتسابى لك ويقرابتى
|
Post: #24
Title: Re: أهلى الجعليين وشنب الفنان مصطـفى سـيداحمد !!!
Author: فرح
Date: 10-04-2008, 01:50 PM
Parent: #22
Quote: جعلين شنو وشنبات شنو
امشوا شوف تراجى قالت بناتكم حايمين عريانات بالمايهوات وعندها الصور دليل
رحلتي الى رومانيــــا (صور دماااااااااار) |
انتى زولا عبيطه ولا شنو
عليك الله ماتفسدى البوست
دا شنوالهبل والوضاعه دى
|
Post: #26
Title: Re: أهلى الجعليين وشنب الفنان مصطـفى سـيداحمد !!!
Author: وضاحة
Date: 10-04-2008, 05:03 PM
Parent: #24
والله مافى اعبط منك
واحترم نفسك
والله افك فيك ديل ينتفوا صوفك
امشى شوف ليك شغلة غيرى
ماعندك موضوع
علشان قلنا ليك عاوزين صور جعلين وماعاوزين صور هنود عالم ناقصة فهم
|
Post: #27
Title: Re: أهلى الجعليين وشنب الفنان مصطـفى سـيداحمد !!!
Author: ASHRAF MUSTAFA
Date: 10-04-2008, 05:48 PM
Parent: #26
هيييييييييييييييييييييييييييييييييييع
حبابكم دار جعل وحباب جدنا المك نمر
|
Post: #29
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-05-2008, 07:05 AM
Parent: #27
| Quote: انا عمرابية من المورده هنا فى امدرمان اعمامى هنا فى امدرمان فى المورده حوش بكرى وعقارب ومحمد احمد عمر وبخيت عمر والهادى ود مصطفى وبت المنى بت مصطفى واولاد على وناس التور وناس الدرديرى وحشان العمراب المعروفة بالمورده جدنا محمد عبد الوهاب القدوابى نحملة فى اسمائنا فى شجرة العائلة وحولية الشيخ |
يا نجمة...نجمة...كذلك انا سعيد ومتشرف ايما شرف بهذه العلاقة
طيب أولاد طيفور ودعمر في الموردة الامهم آسيا بت محمد أحمد ببقوا ليك شنو؟
فآسيا بت محمد أحمد هي التي جرتقتني والدنيا صباح في الجوير..لو سألتيها ستنبيك
عن باقي الصلات...فالارجح انها تعرف الكثير...
(معليش يا محمد عكاشة...قلبنا ليك البوست خاص)
|
Post: #30
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-05-2008, 11:25 AM
Parent: #29
بس وصلتة عمى نزار
اسيا بت محمد احمد عمر بت بت المنى بت مصطفى دى عمتى اسيا وستنا وعمى فتح الله وعم سليمان وعم حسن وعمو عثمان بيت الضيافة وعمو كمال الله يرحموهم ابناءحبوبة بت المنى بت مصطفى زوجه جدى محمد احمد عمر
لحبوبة بت المنى عدد من الاولاد اصغرهم حسن واكبرهم حامد ولا فتح الله رحمة الله لااعلم هم اهلى
طيفور زوج عمتى توفى رحمة الله هم مازالو بحوش محمد احمد عمر بالمورده عمتو اسيا لمن تجى بقعده هنا فى النت وبخليها تحكى ليك
فى برضو عمى العوض وعمى عثمان وعمى الفضل وعمتى نورا اولاد حبوبة دار الجلاد بالجوير وعمى عبد الكريم تاجر بالابيض من زمن بعيد غادرناهؤالاء كانوياتون للخرطوم كثيرا
ياعكاشة البوست ده احتلينا انا وعمى نزار كدى زح لينا منو
|
Post: #33
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-05-2008, 01:30 PM
Parent: #30
بعد اذنك يا محمد عكاشة (نديك حقك...وتخلي لينا البوست دا)
Quote: بس وصلتة عمى نزار
اسيا بت محمد احمد عمر بت بت المنى بت مصطفى دى عمتى اسيا وستنا وعمى فتح الله وعم سليمان وعم حسن وعمو عثمان بيت الضيافة وعمو كمال الله يرحموهم ابناءحبوبة بت المنى بت مصطفى زوجه جدى محمد احمد عمر
لحبوبة بت المنى عدد من الاولاد اصغرهم حسن واكبرهم حامد ولا فتح الله رحمة الله لااعلم هم اهلى
طيفور زوج عمتى توفى رحمة الله هم مازالو بحوش محمد احمد عمر بالمورده عمتو اسيا لمن تجى بقعده هنا فى النت وبخليها تحكى ليك
فى برضو عمى العوض وعمى عثمان وعمى الفضل وعمتى نورا اولاد حبوبة دار الجلاد بالجوير وعمى عبد الكريم تاجر بالابيض من زمن بعيد غادرناهؤالاء كانوياتون للخرطوم كثيرا
ياعكاشة البوست ده احتلينا انا وعمى نزار كدى زح لينا منو
|
نورا وفضل والعوض وعثمان - ديل اولاد العنكالة- اما عبدالكريم فهو متزوج نورا بت العنكالة
ان كنتي تقصدي عبدالكريم ودكرمة....وهو لا زال في الابيض زي ما قلتي-...واغلب ابنائهم وبناتهم متزوجين...ولما تجي راجعة تاني حا اسألك من ناس آخرين...(حاكم يا قول المصريين) انا طاشي لي
اكتر من عشرين سنة...والذاكرة بدأت تتسهك شوية شوية
|
Post: #34
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-05-2008, 07:29 PM
Parent: #33
عمو نزار رجعتة ليك ايو عمو عبد الكريم يوسف ودكرمة وشقيقة المرحوم على المسمى على جده من امة بت على بن عبد الوهاب القدوابى
حامد ودكرمة جدى ايضا ولاسم ود كرمة حكاية تكون سمعتها من ابائك وابنائة عبد الكريم ويوسف والعوض
كثيرا ماكنت اجالس جدتى لابى فتحكى ونسمع مازلت ازكر انها كانت عندما تنتهى من صلاة العشاء تطوف بارجاء المنزل مررده فى الزريبة من كل نصيبة زريبة الشيخ حامد ابو عصا صقر الغبيشة اولادو الستة معاه هم اهلنا وهى معتقداتهم وجدنا الشيخ حامد من اولياء الله ولكن الله هو الحامى
بالحيل الناس اهلى و العمدة حسن ود ضيعة مافات اخونا عكاشة عن سيرتة هو صاحب التراثية المشهورة فقد غنة له بنات الجعلين
من طلعة القمرا الخير ياعشانا تودينى لاهلنا
ياناذر الخليفة وينك نزل لينا تراث الجعلين
بعدين ياعمو نزار عكاشة ده بوستيهو ده حقوق ملكيتو لينا مش جاب سيره جدناالعمده حسن ود ضبعة هلا هلا
تحية لكل اهلنا الجعلين واهلنا بكل ربوع السودان الحبيب وكل عام وبلادنا واعراقنا وقبائلنا بالف خير
________
عكاشة خلى حسين شندى يغنى من طلعة القمره المره الجاية تحياتنا للفنان حسين شندى
|
Post: #39
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-06-2008, 06:58 PM
Parent: #34
نجمه
والعم نزار
البيت بيتكم..حبابكم الاف آلاف
وعلى الحرام..والطلاق لوقلتو افتح ليكم بوست تانى.. حاضرين
محبتى
|
Post: #40
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-07-2008, 01:04 PM
Parent: #39
عم نزار
حكاية شجرة العائله التى تدور بينك ونجمه اعادتنى الى حوار مماثل فى اصول شجرة فرعناالفضلالاب وهم وغيرهم اسر تكاثرت من ظهرجدى السابع عبدالقادرالجعلى الملقب بالرباطابى وتناثرت بين امدرمان والخرطوم وجبل اولياء وبعض مدن السودان..
عمنا الباحث عمرشمعون وهومن رسم شجرة العائله قبل سنوات فى كتيب دفعت به الى عمنا العالم الفدم الطيب محمدالطيب وقدزار والدى وصادف معه فى ضحوية باكرة عمنا المرحوم فضل الله وهو رجل نسابة شديدالذكاء دقيق الملاحظه وقددار حوار رصدته بين ثلاثتهم فى اصول الجعليين وفروعهم وعاداتهم وشلوخ والدى الدكتورعكاشة وفى تاريخ جدناعبدالقادر الذى بلغ به فى تسلسل عجيب عمنا عمر ودشمعون وبلغ به مسلم (بفتح الميم وتشديد التاء وتسكين الميم الاخرى) ومن بعده عرمان ..
و فى بحث قدمته وانافى السنة الاولى بكلية الدراما حول مسرحية المك نمر دفعت بى الى حوار اخر مع الاستاذ الطيب محمدالطيب وعمنا المرحوم عمرحمدالمنصور المسلمابى حول صلة باهل (العقيده) فى سلسلة حوارات ومعلومات وثقت بعضها..
سوف افردها هاهنا اثارة للحوار حول اصول السودانيين وأوابد تاريخهم..
اذن..اعود اليك والى نجمه مرة اخرى
واصلو
|
Post: #94
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 12-06-2008, 10:06 PM
Parent: #40
***
|
Post: #41
Title: Re: أهلى الجعليين وشنب الفنان مصطـفى سـيداحمد !!!
Author: بكري الخير
Date: 10-07-2008, 01:20 PM
Parent: #1
جعلي متابع
|
Post: #42
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-07-2008, 02:33 PM
Parent: #41
عكاشة جاينك
عمو نزار عساك بخير ياأبى
|
Post: #43
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-07-2008, 03:29 PM
Parent: #42
شكرا محمد عكاشة علي هذا الكرم الجعلي الاصيل...
وشكرا كذلك بنتنا نجمة...علي هذا التواصل الحميم...وربنا يجمعنا في ساعة خير...
علي ذكر وشائج القربي بين الجعليين علي وجه الخصوص:
أذكر ان جدي حسين ابو والدي الله يرحمه...وهو ابن أخت العمدة ودضبعة...جاء شاهدا
في نزاع أطيان امام المحكمة بشندي كان العمدة طرفا فيه...وكان العمدة
ممثلا ومدافعا عن نفسه...والطرف الآخر موكل عنه...استاذنا الضليع عبدالله الحسن
المحامي الواحد دا الله يرحمو...فأول ما طلبوا شهود العمدة جاء جدي حسين
وهو رجل حجة...فاعترض عبدالله الحسن علي شهادته بحجة صلة القرابة...
..وبدأ القاضي في سؤاله بما يوحي بأنه اقتنع باعتراض الاستاذ عبدالله الحسن
فاجابه جدي (يا حضرة القاضي...اي نعم تربطني صلة قرابة بالعمدة...لكن
خت في بالك...المحكمة دي عن آخرها ...الما بتربطني بيه صلة قرابة بمن فيهم
انت زاتك ...(وكان وقتها فعلا لا يعلم حتي اسم القاضي) الي ان قاطعه الاستاذ
عبدالله الحسن برفعه لاصبعه في اشارة للمحكمة لمغالطة جدي في انه لا يقرب اليه
فاشار القاضي لجدي...اها يا حاج حسين...اهو الاستاذ عبدالله...رفع اصبعو
في دلالة الي انه لا يمت لك بصلة...فاشار جدي الي القاضي بأن يسأل عبدالله
الحسن عن اسم امه كاملا...فاجابه عبدالله...
فقاطعه جدي....يا حضرة القاضي امو بت هضلول وانا خالها...وانت زاتك كان
قلت لي امك منو حا اوريك ببقي ليها شنو...فطلب منه القاضي بأن يدلي بشهادته
وشهد لصالح خاله..
|
Post: #44
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-08-2008, 09:35 AM
Parent: #43
| Quote: عمو نزار عساك بخير ياأبى |
وعساك انت بألف خير يا نجمة...
البوست دا ما تخلوه ينزل يا نجمة ومحمد
|
Post: #45
Title: Re: أهلى الجعليين وشنب الفنان مصطـفى سـيداحمد !!!
Author: هجو الأقرع
Date: 10-08-2008, 10:20 AM
Parent: #44
محمد عكاشة كيفك و عساك بخير ، فعلا سهرة جميلة و ممتعة حسين شندى درس جزء من الابتدائية مع اهلى بقرية العقيدة المسلماب هو و اخوه جعفر وكانا برفقة اخوهم الاستاذ اعتقد ان اسمه عبدالمنعم سبقونى بثلاث سنوات ...... المهم لى عودة لان الامر طريف و ظريف .
|
Post: #46
Title: Re: أهلى الجعليين وشنب الفنان مصطـفى سـيداحمد !!!
Author: هجو الأقرع
Date: 10-08-2008, 10:38 AM
Parent: #44
الاخ الكريم نزار ، اذكر ذات مرة و انت قادم من اجازة من السودان قلت فى احد بوستاتك تبين لى صلة قرابة بهجو الاقرع ، بعدها راسلتك على الخاص ، وربما انشلغت و لم ترد على المهم انه لشرف لى صلة قرابتك ، اولاد و ضبعة انساب جدى العمدة احمد ود المصطفى الاقرع الذى زامل ود سعد ايام الخليفة عبدالله المهم انا مسلمابى حبوباتى عمرابيات والباقى بنات المك ود عقيد مك ام الطيور. منزلى بشندى و ايضا بعقيدة المسلماب .
|
Post: #48
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-08-2008, 01:24 PM
Parent: #46
| Quote: الاخ الكريم نزار ، اذكر ذات مرة و انت قادم من اجازة من السودان قلت فى احد بوستاتك تبين لى صلة قرابة بهجو الاقرع ، بعدها راسلتك على الخاص ، وربما انشلغت و لم ترد على المهم انه لشرف لى صلة قرابتك ، اولاد و ضبعة انساب جدى العمدة احمد ود المصطفى الاقرع الذى زامل ود سعد ايام الخليفة عبدالله المهم انا مسلمابى حبوباتى عمرابيات والباقى بنات المك ود عقيد مك ام الطيور. منزلى بشندى و ايضا بعقيدة المسلماب . |
الاخ العزيز هجو الاقرع...لك اطيب تحياتي...
تعرف يا هجو...انا مقتنع بي شي واحد...انني قريب كل السودانيين الا تراجي ودينق
وسيف مساعد...(بخصوص القرابة او النسب البيني وبينك...او قول الخوة...فقد رددت
عليك في حينها لكن يظهر ماسنجر بكري وداها لي هجويا تاني)
طيب نجي للقرابة: اذا سعد الاقرع...ود نفيسة بت العبيد ود عبدالخالق... قريبك
ببقي انا قريبك....برضو...والباقي حا أتمو ليك في الخاص اذا ما كنت بتعرف الباقي
مع اكيد احترامي وتقديري
|
Post: #49
Title: Re: أهلى الجعليين وشنب الفنان مصطـفى سـيداحمد !!!
Author: KOSTA
Date: 10-08-2008, 02:45 PM
Parent: #48
استهلال:
" حمد الله بن محمد العوضي ( اولاده يسمون الكلاكلة ) ووطنه الاصلي جوير العوضية – غرب شندى فرع الجعليين الحميراب "
|
Post: #50
Title: Re: أهلى الجعليين وشنب الفنان مصطـفى سـيداحمد !!!
Author: KOSTA
Date: 10-08-2008, 02:55 PM
Parent: #49
الجوير:
جوير سلمان + جوير الضبعة
|
Post: #75
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-03-2008, 08:43 AM
Parent: #49
*****
|
Post: #51
Title: Re: أهلى الجعليين وشنب الفنان مصطـفى سـيداحمد !!!
Author: هجو الأقرع
Date: 10-08-2008, 04:42 PM
Parent: #48
نزار خلاص انت وصلت تب ، وجيت فى اللحم الحى ، تحياتى لك و للاسرة الكريمة .
|
Post: #52
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-11-2008, 07:52 AM
Parent: #51
Quote: استهلال:
" حمد الله بن محمد العوضي ( اولاده يسمون الكلاكلة ) ووطنه الاصلي جوير العوضية – غرب شندى فرع الجعليين الحميراب " |
تشكر يا هجو...وكل سنو وانت طيب
حا اوصل ليك كوستا دا زاتو يا هجو...(سلوك للتوصيل زاتو ما محتاجها)
|
Post: #53
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-11-2008, 02:16 PM
Parent: #52
الاقرع وكوستا
حبابكم الف مرحب
|
Post: #54
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-12-2008, 07:32 AM
Parent: #53
الاقرع وكوستا
حبابكم والجابكم يجيب عقابكم من اهلنا الجعلين
عكاشة تحياتى
عمو نزار مشغول مع المولود الجديد ولا شنو ؟
بعدين المفروض نقول ليك نزار اناوعكاشة اخوى ده مااظنك كبير لدرجة عمنا دى لكن برضو كلمة عمو كبرة مقام ليك كن بخير
تقديرى
|
Post: #55
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-12-2008, 08:00 AM
Parent: #54
Quote: عمو نزار مشغول مع المولود الجديد ولا شنو ؟
بعدين المفروض نقول ليك نزار اناوعكاشة اخوى ده مااظنك كبير لدرجة عمنا دى لكن برضو كلمة عمو كبرة مقام ليك كن بخير
تقديرى |
كوني النجمة يا نجمة وبألف مليون خير وعافية...وربنا يكبر مقامك ويعليك..
علي العلا الانتي فيه...
لا عليك ان قلتي عمو...
فعمك الفراش...شاعر بربر والدامر...
اعجب ببنت حلوة وذكية وصغيرة في السن بعد ان عرّفها باسمه
بدأ معها حوار..وقرأ لها بعضا من شعره
احتارت البنت تقول ليه عمي أو خالي أو جدي
فسألته...هسي أقول ليك خالي ام عمي ام اناديك باسمك
ويبدو انها لم تستطع تقدير عمره...
فقال لها فورا
ان قلتيلي أحمد يا ام عوارض قابل
وان قلتيلي خالي الكبرة ليها مقابل
مريودة امها الما جالسوها تنابل
براك كاتلاني قبال يردعني قنابل
|
Post: #56
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-12-2008, 05:54 PM
Parent: #55
عمو نزار
تسلم يا دخرى الحوبة
يالمامون على بنوت فريقه
يالتـوب العُشــاري البـاهـي زيـقــو
ويا فـرج الرجـال وكتين يضيــقـــو
ويالــدابي إن ركـــزْ للـــزول بعيقو
ويا المأمــون على بنــوت فريقــو
تقديرى
____
عكاشة مساء الخير
|
Post: #57
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-15-2008, 07:57 AM
Parent: #56
هنا كان يوجد رد يحتوي علي ابيات
نجر أخدر...يبدو انها تهكرت
وتهكرت كذلك من رأسي...وسأحاول
ان اتذكرها مرة اخري:
وان غلبني تذكرها سأنجر غيرها:
وبعد ان قلت لك يا نجمة في ردي الذي تهكر
ان حماقة الجعليين او عوارة الجعليين التي تحدثوا عنها في الحلقة موضوع البوست
ما هي الا نزعة صوفية..وحالة عرفانية دنيوية...لذلك يأتي رد فعلهم علي ما يحرك
الروح طبيعيا وعفويا جدا...
واستصحابا لما اوردتيه من ابيات قلت لك وهذا غير الذي قلته سابقا بعد ان فشلت في تذكره)
توبك من نسيج عزة وشهامة وسلطة
خلق كريم وروح شفافة..
ما بقدر اجيب اوصافها
ما بكفيك وصف او قول
قدر ما قلت..
جدودك في الضريح نايمين
بعالجوا الفالتة
والمجنونة..والمسكونة
حد الجلطة..
|
Post: #58
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-15-2008, 09:54 AM
Parent: #57
Quote: توبك من نسيج عزة وشهامة وسلطة
خلق كريم وروح شفافة..
ما بقدر اجيب اوصافها
ما بكفيك وصف او قول
قدر ما قلت..
جدودك في الضريح نايمين
بعالجوا الفالتة
والمجنونة..والمسكونة
حد الجلطة.. |
|
Post: #61
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-20-2008, 01:18 PM
Parent: #58
Quote: نجمه
والعم نزار
البيت بيتكم..حبابكم الاف آلاف
وعلى الحرام..والطلاق لوقلتو افتح ليكم بوست تانى.. حاضرين
محبتى
Quote: توبك من نسيج عزة وشهامة وسلطة
خلق كريم وروح شفافة..
ما بقدر اجيب اوصافها
ما بكفيك وصف او قول
قدر ما قلت..
جدودك في الضريح نايمين
بعالجوا الفالتة
والمجنونة..والمسكونة
حد الجلطة..
|
عكـــاشـــة
يالولد البشيل الشيلة ما بقول آح
يالشمش التطرد الليل تقلبو صباح
يالأسـد البيرزم في الغِيَب نتاح
يالفارس الملاقاتو عقبها نواح
عكاشة أبشر أبشر
كن بخير
|
Post: #59
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 10-17-2008, 02:22 PM
Parent: #57
عمو نزار تسلم ده كتير على اعجبنى النجر أخدر
وكنت قد رددت عليك ليلة التهكير وضاع ردى ايضا
سابحث عنالردود فى تاريخ الصفحات فى كمبيوترى وساتيك بهااذا عثرت عليها
Quote: وبعد ان قلت لك يا نجمة في ردي الذي تهكر
ان حماقة الجعليين او عوارة الجعليين التي تحدثوا عنها في الحلقة موضوع البوست
ما هي الا نزعة صوفية..وحالة عرفانية دنيوية...لذلك يأتي رد فعلهم علي ما يحرك
الروح طبيعيا وعفويا جدا...
|
قطع اخدر (منقول)
نـحـن اولاد بلدنقعد نقيف على كيفنا
نـحـن ولاد جـعل اهــل الـكـرم لا حـدو
نحن اللي الضعيف باب العوج بنسدو
نحن الفي الحروب فرسانا ما بـنــعدو
سرج الخيل علي ضهر المحن بنشدو
________________
مشكور يا عمو نزار وانا ليك كلامي بردو
يافخر القبيلة البابو تب ما بســــــــــدو
ود ناسا عزاز وارث الكرم من جــــدو
للشين والكعب مابيرضي مدت يـــــــدو
|
Post: #60
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-20-2008, 09:29 AM
Parent: #59
ولسه متواصلين
|
Post: #62
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-27-2008, 07:20 AM
Parent: #60
عدنا...
|
Post: #63
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-27-2008, 10:27 AM
Parent: #62
Quote: مشكور يا عمو نزار وانا ليك كلامي بردو
يافخر القبيلة البابو تب ما بســــــــــدو
ود ناسا عزاز وارث الكرم من جــــدو
للشين والكعب مابيرضي مدت يـــــــدو
...
وعدنا معك يا محمد
مواصلة:
شكرك تاج علي روس الملوك من جم
نعم انك شتل عزة وصلاح وكرم..
قولك كلو زوق زجلا مخاوي النم
يركز سيدو صب يابي المروق حرّم |
|
Post: #64
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-28-2008, 07:32 AM
Parent: #63
نجر صااااح يانجمه
|
Post: #65
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-28-2008, 07:56 AM
Parent: #64
وتستاهل نجر اخضر اكتر من كدة يا محمد
|
Post: #66
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-28-2008, 12:00 PM
Parent: #65
حاضرين ياعمو نزار
|
Post: #67
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 10-28-2008, 01:12 PM
Parent: #66
نجمة اختارت ان تقول عمو نزار يا محمد ولها حريتها في ذلك لأنني لم أراها
فهي التي قدرت ذلك...أما في حالتك يا محمد عكاشة فأنا شفتك في برنامج في
العيد في قناة النيل الأزرق...وبالتالي وحسب تقديري لعمرك
...بارتياح مرخص لك ان تقول جدو وانت مغمض.
|
Post: #68
Title: Re: أهلى الجعليين وشنب الفنان مصطـفى سـيداحمد !!!
Author: KOSTA
Date: 10-28-2008, 04:24 PM
Parent: #67
محمد عكاشة
نزار حسين
نجمة
هجو الاقرع
و بقية المتداخلين
من خلال ماورد على لسان نزار و نجمه يبدو ان لهم اقارب و تداخل مع اهلنا بالكلاكلات نسبة لارتباط اهل المنطقة باصولهم القديمة و التى ترجع كما هو واضح الى منطقة الجوير بحديها الضبعة و سلمان ... و عليه فلو رجعنا و دققنا شوية ربما يطلع الجميع هنا اقارب .
Quote: تأريخ الكلاكلة :
يرجع تاريخ الكلاكلة الي حوالي 450 سنة تقريبا منذ قدوم حمد الله بن محمد العوضي ( اولاده يسمون الكلاكلة ) ووطنه الاصلي جوير العوضية – غرب شندى فرع الجعليين الحميراب .
نزح الكلاكلة القدماء من المنجرة قبل اتخاذ الاتراك الخرطوم عاصمة لهم وحلوا بالارض التي تسمى
بالحصى والواقعه جنوب الحماداب وشجرة غردون وكانت خالية تقريبا إلا من بعض قبائل الكواهلة والصواردة الذين كانوا من الرعاة فحل عليهم الكلاكلة وقاموا بالزراعة وقطع الاشجار وعمروها برا وبحرا ونزح عنها الكواهلة والصواردة وبقي بها الكلاكلة الى الآن. |
|
Post: #69
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-29-2008, 09:26 AM
Parent: #68
كوستا
واصل
محبتى
|
Post: #70
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-29-2008, 04:32 PM
Parent: #69
وين ناس كلى الام وناس المغاوير
|
Post: #106
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 12-22-2008, 07:43 PM
Parent: #70
*****
|
Post: #80
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 11-10-2008, 08:58 PM
Parent: #67
الاخوه الكرام زوار البوست والمتداخلين نعود لنواصل
مواصلة لكتابت المبدع محمد عكاشة السابقة عن الحسن ود ضبعة والذي خلدته المراثي الكثيرة التي نظمت فيه ومنها الحسن صاقعة النجم (غناء الفنان الكابلى)
سيد محكر الديوان التى زكرتها عمو نزار(نستعرضها في هذا البوست)
الحسن ود ضبعة .. (سيد محكر الديوان)
سيد محكر الديوان
ثابت يا أب قلب تقابة لي النيران
وين متل الحسن
ده أنا غنيت بولف لي
الدابي العشاري المتل الشرار عيني
خبارة البندقية وقالوا دي بترمي
وتلب يا صقر
توِّر الرخم مني
وتلب يا الحسن
توِّر الرخم مني
وتلب يا صقر
فرق الرخم مني
وتلب يا الحسن
فرق الرخم مني
قنص يا الحسن
توِّر الرخم مني
ده أنا غنيت ليك بي قياس
صنديد لي الولايا ولي الضلع قصاص
ويا مطر السواري الليك هبوب ورشاش
وسيد دينا قبيل .. قبل الناس تعرف الناس
وهيلك من قديم قبل الناس تعرف الناس
ومحكر الديوان .. وثابت يا أب قلب
تقابة لي النيران
وين مت الحسن
ويا الحسن يا الحسن الفي العايلة ما تسمى
وما ضبح الرباية ودردمن ولمّ
ويا حنكي البليغ الما بردد الكلمة
الكسرة :
وتلب يا صقر
توِّر الرخم مني
وتلب يا الحسن
توِّر الرخم مني
وتلب يا صقر
فرق الرخم مني
وتلب يا الحسن
فرق الرخم مني
قنص يا الحسن
توِّر الرخم مني
هوي النيل والتساب فوق البلد عمّ
ود ضبعة التساب فوق البلد عمّ
يا ولادة النجاح المابتلدك البلمة
هوي ود ضبعة التساب الفوق البلد عم
|
Post: #79
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 11-10-2008, 11:27 AM
Parent: #63
عمو نزار وعكاشة وكوستا سلامات
شكلو كنتة مهكرة لايفتح معى الموقع
نواصل
|
Post: #71
Title: Re: أهلى الجعليين وشنب الفنان مصطـفى سـيداحمد !!!
Author: Magdi Ahmed Elsheikh
Date: 10-29-2008, 05:21 PM
Parent: #1
نمت
|
Post: #72
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 10-30-2008, 06:42 AM
مجدى الشيخ
حبابك
|
Post: #73
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-02-2008, 06:50 AM
Parent: #72
*****
|
Post: #77
Title: Re: أهلى الجعليين وشنب الفنان مصطـفى سـيداحمد !!!
Author: عبدالله عثمان
Date: 11-05-2008, 07:06 AM
Parent: #1
ولكنه لم يشر لهذا البوست من قريب أو بعيد (ودة كان اول أمس بجريدة الرأى العام)
ديل سرقو ديوان الزكاة ما يسرقو حقك يا عكاشة!!
الله يقلعهم!!
======
وابل وطل
د.فتح الرحمن الجعلي
أوهام الشيوعيين وحماسة الجعليين
صديقي العزيز مصطفى عبد الوهاب قارئ متابع لما نكتب يحتفي بنا ونحتفي به حباً في الله ووفاء لدفعة وزمالة .
الرجل الذي قصدت بهذا المدخل تحيته كصديق من أصدقاء ( وابل وطل ) أفادني أنه ضحك حتى بانت نواجذه حينما قرأ مقالنا السابق عن ( ثورة ) أكتوبر والذي ذهبنا فيه الى ضرورة انصاف عبود ونظامه من هذا الظلم التاريخي ، ( مصطفى) ضحك حينما قرأ : ( ما كان أكتوبر في امتنا الأولى و (( لا حاجة )) لكنها كذبة شعرية شيوعية تماماً مثل (( بل فر جمع الطاغية)) .
والحقيقة - يا عزيزي - هي أن شعراء العامية من الشيوعيين شعراء مجيدون أحسنوا استخدام المفردة السودانية واستفادوا من تراثنا بصورة جميلة فتمكنوا من ( احتلال ) موقع متقدم من نفوس المتلقين السودانيين ثم ساعدتهم بعد ذلك الحان متميزة وفنانون ذوو اداء متميز والأهم من ذلك الفراغ الذي وجدوه في هذه الساحة فالأغنية السودانية والأنشودة في الستينيات كانت مقسمة بين الإنشاد الديني وبعض الوطنيات ( المثالية ) وما تبقى ففي الغزل والحماسة .
وفي ظل هذا الفراغ ( قفز ) الشعر الشعبي ( المسيّس ) يحمل مفردات جديدة متأثرا بموجات الدعوات الاشتراكية ، فطرب السودانيون وانخدع أنصاف المثقفين وسيطر الشيوعيون.
ثم مايو !
لقد جاءت مايو شيوعية حمراء فكانت ( مايو الخلاص ) وكانت ( حارسنا وفارسنا ) وكانت أغنية رائعة في شفاه الشعب ظاهرها الطرب وباطنها من قبله ( سموم ) الشيوعية ومكنت للأدب الشيوعي ولمعت نجومهم ، والشيوعيون في الأدب الغنائي الشعبي ( شطار ) جداً لا سيما إذا قورنوا بأندادهم وأعدائهم التقليديين (الأخوان المسلمين) بمسمياتهم المختلفة .
والإسلاميون مبدعون جداً في فن الخطابة وفي الشعر الفصيح ولا غرو فحفظ القرآن وتدارسه يرتقيان بالمفردة والعبارة والخيال لكن الإسلاميين فقراء في الأدب الشعبي الى حد ما .
استطاع الشيوعيون السيطرة على هذا الحقل بذكاء واستطاع المبدع الشيوعي طرح نفسه مبدعاً سودانياً ( أصيلاً ) بعيداً عن انتمائه ونجحوا في ذلك ، ولذلك لم تستطع كافة العهود وكل ألوان الصراع السياسي إقصاءهم حتى ولو تبينت عضوية الفنان في اللجنة المركزية للحزب الشيوعي.
والواقع هكذا
ماذا يقول الشيوعيون للشعب السوداني؟
يحدثونه عن ( الثورة الحمراء ) وعن (الظالمين ) من رجال الدين ورجال المال الذين أخذوا حقه ، وعن بطولات رموزهم التي منها أن بعضهم طار بحبل المشنقة و ( خلي الموت معلق) و عن السجون التي هي ( للشرفاء ) وعن أن الشنق والحرق ( أسهل من أي شيء آخر ) وعن أشياء جلها يطرب العوام ويستولي على السذج من الشباب .
والشيوعية هكذا لا تخاطب العقول لكنها تخاطب العواطف وكل من رجعوا عنها حدثوا عنها باستفاضة فبينوا أنها حقل (الهوى ) والعقول الفطيرة..
العقاد - رحمه الله - يراها فكر ( المعاقين نفسياً ) وما يراه العقاد لا يبعد كثيراً عن واقعنا في السودان ، فالشاب الذي ينفلت على نظم القرية ويخرج على شيخها و ( يمسح ) به الأرض ويؤلب عليه الشباب فيلتف حوله الشباب حماساً وتمرداً و ( تصفية ) لحسابات خاصة تجدونه ( شيوعياً ) وفيه ( عقدة ) ما .
والشابة التي تخرج على أعراف المجتمع و ( تخرط ) يدها وتظهر في وسط الرجال بقوة في مجتمع محافظ آنذاك - وتضع عينها في عين ( الأولياء ) الصالحين وغير الصالحين ( شيوعية ) ولها سبب ما.. والشيخ الذي يربي الشباب على( الثورة ) والرفض لأي شي ثم لا تجده بالمسجد ولا حلقات الذكر ( شيوعي) لغرض ما .
وهكذا فكل خروج على المألوف ( زمان) كان شيوعياً فالشيوعية حقل الشذوذ النفسي !
ولأننا نتحدث عن فكر ( مات ) وجيل انقرض أسهبنا في التعريف بهذه الظاهرة ، ولأن جيلاً كاملاً - بحمد الله - لا يعرف معني ( شيوعي ) .
وثمة قصص تروى في هذا المقام تضع ( مسحة) أخيرة على فكرتنا ..
قصة الكاتبة التي فهمت معنى الكفر حينما زارت السودان في الستينيات والتي روتها فقالت ما ننقله بتصرف ( شديد ) : ( أحد البدو في مدينة عطبرة حينما رأي ( خواجة ) وكان لأول مرة يرى هذا الكائن ( الأحمر ) ذا العيون الخضر سأل عنه فأجابوه أنه ( خواجة) فسأل : يعني كافر؟ فأجابوه بنعم ، فما كان من ( الإعرابي ) الاّ أن ( استفرغ ) في الحال.. الكاتبة بينت وقع كلمة كافر على النفوس السليمة ونحن نوردها ( بعفوية )!
أما أبلغ قصة لتفاعل الشعب مع الفن الشيوعي دون تمييز السم من الدسم فهي قصة ( الجعلي ) .
فصاحبنا ابن العم ( الجعلي ) كان يجلس في حفل ( يحييه ) الأستاذ مصطفى سيد أحمد - رحمه الله - وظل الجعلي ينتظر أغنية حماسية ( يعرض ) فيها وطال انتظاره فمرة يغني الفنان لجارته ( المرحلة ) وأخرى للبنت الحديقة ، وغيرها الى أن بلغ الوقت الساعة الواحدة صباحاً و ( الجعلي ) يأس من الحفل والعرضة وآثر الانصراف وهنا كان الفنان يغني ( ولاّ نحن مع الطيور الما بتعرف ليها خرطة ولا بإيدا جواز سفر ) .
قام ( الجعلي ) من مكانه وقرر الانصراف وأمسك بكتف الفنان وهزّه بشدة وقال : ( حرمّ نحن لا مع الطيور ولا حاجة لكن شنبك سمح ) ثم انصرف .
أخي مصطفى - الشعب السوداني لا مع ( أكتوبر ) ولا مع الشيوعيين ولا حاجة لكن شعرهم ( سمح ) !
===
الخطوط من عندى
http://www.rayaam.info/Raay_view.aspx?pid=332&id=23657
|
Post: #78
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-09-2008, 09:30 PM
Parent: #77
الاخ الكريم عبدالله عثمان
اشكر حضورك
كيف الاحوال
حقوق كثيرة مضيعه
هذا مااورده الاخ حسين فى برنامج انتجته
ربك يهون
وتسلم كتير
محبتى
|
Post: #81
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 11-15-2008, 10:50 AM
Parent: #78
عكاشة وعمو نزار وجميع المتداخلين وزوار البوست الكرام اعود اليكم والعهده على الراوى من دار جعل
يحكى ان جدنا العمدة الحسن ود ضبعة عليه رحمة الله كان عمدة الجوير و شيخ الخط يعني عمدة العمد و ياتي في الترتيب الهرمي للقيادة بعد ناظر عموم الجعليين وهو فارس بكل ماتحمل الكلمة من معني و القصيدة تناولت جوانب من حياته منها حادثة البندقية في كبوشية حيث انه اختلف مع مفتش المركز بكبوشية فقام المأمور بطرد ود ضبعة من المجلس و حينما غادر بعدة خطوات طلب منه المامور العودة و لكن كان ود ضبعة لا يلتفت للوراء ان الدنيا انقلبت و صفحة طواها مابيرجع لها و اخبر الحاضرين المفتش بذلك فامر المفتش احد العسكر ان يطلق النار علي ود ضبعة حتي يتأكد من هذا الامر فبدأ العسكري باطلاق النار و الحسن واصل طريقه و كان الامر لا يعنيه و اصيب بشظايا رصاص في رجليه .
و له مركز حكم و ضيافة مفتوحة لا ياكل الضيوف من ذبيحة واحدة و ان حضروا عشرين مجموعة بل لكل مجموعة ضيافتها و اكرامها الخاص لهذا عرف بسيد محكر الديوان و له عدة مرثيات ساحاول الحصول عليها من حبوبتنا السيدة بت الحسن اخر بنات ود ضبعة علي قيد الحياة .
..
ورواية اخرى تحكى
حيث قال ان شابين من الحسانية سرقا اسلحة نارية لغرض ما.. وحينما علم بامرهما.. جمع المفتش الانجليزي جميع عمد الخط الغربي .. وطالبهم بضرورة القبض على هؤلاء.. ولما تم ذلك جمع العمد مرة اخري و بينهم الحسن .. وجئ بالشابين.. وفي هذه اللحظة دخلت اخوات الشابين ا وبنات عمهما و كشفن عن شعورهن.. فما كان من الحسن الا ان تلب و غطي شعورهن وفك وثاق الشابين.. وبقية النظار والعمد واجمين مع المفتش.. والذي استنكر هذا الفعل من الحسن..
وكيف يكسر اوامره امام الناس..
وهنا قال الحسن للمفتش : يا سعادة المفتش .. العمد ديل كلهم خايفين منك.. ونحن في عاداتنا المراة التي تكشف شعرها لا زم نقنعها ..ولو نروح كلنا فدى ذلك .. وانا قنعتا الحريم يل ..وما عندك عندنا مطلوبين ..
فما كان من المفتش لا ان يحيرم فراسة الحسن و يحترم عادته.. ويقدمه على بقية العمد في اي مناسبة..
وسمي هنا "مقنع الكاشفات"..
|
Post: #82
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-16-2008, 09:54 AM
Parent: #81
شكرا نجمه
شكرا كثيرل على المعلومات والروايات والتاريخ
واصلى
محبتى
|
Post: #83
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-22-2008, 12:04 PM
Parent: #82
رحم الله عمنا الباحث الطيب محمدالطيب
|
Post: #84
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-22-2008, 12:08 PM
Parent: #82
رحم الله عمنا الباحث الطيب محمدالطيب
|
Post: #85
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 11-22-2008, 12:52 PM
Parent: #82
عكاشة سلام
سنواصل
|
Post: #87
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-28-2008, 01:46 AM
Parent: #85
تمام
|
Post: #88
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 11-28-2008, 11:55 AM
Parent: #87
عكاشه نواصل فنحكى عن الشاعر إبراهيم ود الفراش
إبراهيم ود الفراش ، شاعر قومي من شعراء أواخر القرن التاسع عشر ، وقد استطاع في فترة حياته القصيرة التي لم تتجاوز الستة والثلاثين عاماً ، أن يقدم إنتاجاً خصباً حياً متواصلاً غير قليل ، وأن يثير حول اسمه حديثاً مستفيضاً شمل السودان كله ، لم ينقطع حتى هذه اللحظة ، وأن يصبح نداً لأمير الشعراء في ذلك العهد ( الحردلو ) ، بل وأن يسبقه في أكثر من مضمار .
والسمة التي كان يتميز بها ( ود الفراش ) على ( الحردلو ) أنه كان متحضراً ، بينما كان الأخير متبدياً ، وأنه كان متحرراً ، بينما كان الأخير محافظاً ، وأنه كان يمثل الكثرة الشعبية في ( السافل ) ناطقاً بلهجتها معبراً عن تطلعاتها ، مبيناً خصائصها ، في حين كان الآخر يمثل الأرستقراطية القبلية في أواسط السودان وشرقه ، ناطقاً بلهجة أهل الصعيد ، مصوراً لأخيلتهم ومحابهم ومكارههم .
وفي الوقت الذي كان فيه ( الحردلو ) يعني باسترضاء الشخصيات الكبيرة والحاكمة ، ويستقصي مشاكلها ويطوق أزماتها ، ويعالج هموم معاشها ومتاعبها ، لم يكن ود الفراش مرتبطاً بأمثالها ... فقد كان طليقاً من هذه القيود ... حراً في تصرفاته ، سعيداً بهذه الحرية لا يبتغي بها بديلاً .
والصفات التي تعطي ود الفراش وزناً في شعره ، هي البساطة والعفوية والصراحة والسهولــة والانسجــام وعذوبة الموسيقى ... بينما يؤخذ علــى ( الحردلو )التعقيد والوعورة والالتواء .
وإذا كان ( الحردلو ) يتعالى بالعمق والمعرفة الأشمل بطبيعة البلاد وأهلها فإن ( ود الفراش ) يسمو باقترابه من الناس ، وألفتهم له ، وتجاوبهم معه .
***
هذه معالم عامة عن الشاعرين لم أرد بها الموازنة وإنما أردت بها أن أحدد مكانة ود الفراش بالنسبة لكبير الشعراء في زمانه ، وأن أحاول بقدر ما أملك من فهم في هذا الميدان أن ألقي بعض الأضواء على وضعه ، وأن أسهم في شرح وجهات نظر يبديها بعض المهتمين بالتراث الشعري في ذلك الجيل .
***
لقد استمعت إلى شعر ( ود الفراش ) في عهد الصبا الباكر في شندي يتغنى به واطلعت عليه بإمعان في هذا الديوان فلاحظت أن ود الفراش كان أميناً في إيضاح واقعه الشخصي ، وخلجات نفسه ، لا يكاد يخفي شيئاً أو عساه لم يجد في حياته شيئاً يحتاج إلى إخفاء .
فشعره كان مرآة مجلوة تعكس كل ما يدور بين حناياه وما حوله في دقة وصفاء وإيجابية وصدق .
***
كان ود الفراش قد انخرط في سلك الجندية منذ وقت مبكر ، وكان موطنه ومقر رئاسة عمله في بربر ، عاصمة المديرية المسماة باسمها ، وكان بوصفه جندياً يكثر من التنقل بين بربر والخرطوم وشندي وكسلا وسواكن وكورسكو في الحدود المصرية وغيرها ، إما دليلاً أو حاملاً للبريد أو مرافقاً للقوات الغازية أو محصلاً للضرائب .
وكانت مطيته في جميع تنقلاته ، الجمل ، وكان شاباً وسيماً فحلاً زئر نساء .... مشغولاً بالمرأة ، كما كانت المرأة مشغولة به .... وكان شعره محصوراً في أقانيم خمسة لا يعدوها إلا لماماً .
1- رحلاته .
2- جمله .
3- محبوباته .
4- الوصف .
5- الاعتزاز بالنفس .
غير أن هذه الأقانيم الخمسة لم تكن تنعزل عن بعضها البعض ، فغزيلياته كانت تختلط برحلاته ، وبالحديث عن مطاياه وبمغامراته وبمفاخره وبأحلامه وأمانيه وبنجوى نفسه ، وبما يتعرف عليه من أناس ، وما يستقبله من أحداث .
ولعل ود الفراش كان ينظم الشعر وهو معتل ظهر جمله ، مترنماً به في تنقلاته التى تطول أسابيع بل أشهراً أحياناً .
وإذا تأملت هذا الشعر تأملاً تاماً تحس باهتزاز الجمل وسرعته وهويناه ووقفاته ... وأنت في هذا الإحساس تحتاج إلى الخيال والدقة الدقيقة في التصور ولابد أن نظم الشعر خلال امتطاء الجمل وقطع الفيافي الواسعة العريضة الخالية من السكان كانت تزيل عن نفس الشاعر السأم والملالة والوحشة وتبعث في أعصابه دفقات من الانفراج والنشوة ، كما تخفف من رهبة مخاوفه في زمن انعدم فيه الأمن وتعددت أسباب الخيانة والخدر .
وكان يصنع من شعره أحياناً لوحات فنية تكاد تكون مكتملة عن الحياة الاجتماعية ، والعمرانية في المنطقة التي يقيم فيها أو يزورها .
أنظر إليه يتحدث عن ( البنيان ) – وهم الهنود – في إحد رحلاته لإقليم البجه خلال وصفه للرحلة .
قال:
من هندوب غرب شفت السرايه
بشم طيباً عبـق مسك الجدايـه
بشوف ناساً سلامن لي دبـاي
ترى البنيان أهل نعمه وعرايا
وهاهي لوحة فنية أخرى تكاد تكون مكتملة عن بربر وما طرأ عليها من تطور باعتبارها ملتقى طرق القوافل ومركزاً متقدماً للقادمين إلى السودان من مصر وغيرها ومجتمعاً خليطاً ...
تسللت إليه جنسيات متعددة ، وسوقاً كبيرة تأتيها البضائع من الخارج والداخل ، ويستمتع أهلها بشئ من الترف والرفاهية بعد أن انتقلت إليهم أدوات الحضارة ومظاهرها في الشرق الأوسط .
وتتمثل هذه اللوحة في بضعة أبيات اشتهرت ، ورويت في صور مختلفة عن تلك المدينة الحاشدة المتحضرة المترفة :
قال :
بشوف بربر بشوف جوخه وحريره
بشوف الميضنه الفوق الجزيــرة
بشوف ركب العبايدة ال بي خبيرة
ترى البردين كسح فات القطيــرة
بشوف تربيزه فيها تمانية بيــرة
ويستكمل هذه اللوحة ، عندما يشير إلى إحدى محبوباته فيقول :
كمان في إيدها لابسه ألماظ خواتم
وللجمل عند ود الفراش مكانة لا تعدلها مكانة ... فهو زميل أسفاره ، وحامل ثقله ، ونجيُّه في الفلوات .
وديوانه هذا وهو على ما يعتقد لا يجمع كل شعره ... قد سيطر ذكر الجمل على الكثير منه وأورد هذه الأبيات المفردة كمثال على ما تقدم قال :
بشد وأركب علما البعجب خبيبه
في ستين قعود ما لقيت وهاطه
شد وأركب على ود أم حنانـه
كربت يا جمل شايف نســون
لابسات كيد فقير جنفص ملون
ثم اقرأ هذه الأبيات ، وما تشتمل عليه من عبارات عاطفية تكشف عن هذه الصلة بين ود الفراش ومطيته .
قال :
جملـي أب غُــرْد
مني عب وقــــام شرد
كـان الحسنة بتسد ليها قـد
يا جملــي تبقى لي ولــد
ومحبوبة ود الفراش ( الدون ) قد أصبحت علماً في السودان لا يقل عن اسم ود الفراش نفسه . وشعره فيها مدحاً وقدحاً قد تدوول كما تدوول شعره في حسناوات أخريات ، بل وتدوول ذكر بعض غزواته الغرامية ، وقد استعمل البندقية في إحداها عندما هوجم في شندي .
وكان لا يعرف العنصرية في حبه فهو شغوف بكل حسناء – وكدت أقول كل انثى – من أي جنسية وأي عرق وأي لون .
وقد قال في فتاة تركية خلبت لبه هذه الأبيات :
عاين قعدشته وعاين زمـان
توغل فينا ما بتنضم معانــا
تركاويــة ما بتعرف لغانـا
مــورد يعجب شنتيـــان
ويصور قسم من شعره اعتزازه بنفسه كشاب قوي شجاع .
قال :
أنا شوك الكتر إن جرجروني
أنا الجن البسوي الزول ينوفي
وقال :
أنا فرج العيال وقتين يضيقوا
أنا الدالي الرصد الزول بعيقو
أنا المأمون على نسوان فريقه
وقال :
أنا البحر الكبير الدابو حمّر
أنا قدحة زنـاد مدفع معمر
وله في الشكوى قوله :
نشكو ليك يا عالم الحقائق
لا ماهيه لا بنصرف علائق
وفي الاتجاه الديني قوله :
أزور سيدي الحسن أنظر ضريحه
بدور بي جاهه فراش يلقى ريحه
وهذان البيتان يكشفان عن ختمية واضحة .
***
هذه لمحات عن حياة الشاعر استخرتها من ديوانه وبعض المصادر الأخرى .
منقول عن دار جعل
|
Post: #89
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-28-2008, 09:08 PM
Parent: #88
نجمه
واصلى فى تقديم هذه الصور المشرقه والاضاءات
محبتى
|
Post: #90
Title: Re: أهلى الجعليين وشنب الفنان مصطـفى سـيداحمد !!!
Author: عادل عبدالعزيز عبد الرحيم
Date: 11-28-2008, 09:36 PM
Parent: #88
Quote: بشوف بربر بشوف جوخه وحريره
بشوف الميضنه الفوق الجزيــرة
بشوف ركب العبايدة ال بي خبيرة
ترى البردين كسح فات القطيــرة |
كلام نطرب له جدا
شكرا نجمة
Quote: أنا الدالي الرصد الزول بعيقو
أنا المأمون على نسوان فريقه |
تصويب بسيط يا نجمة
انا الدابى وليست انا الدالى وشكرا
|
Post: #91
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-29-2008, 08:49 AM
Parent: #90
مرحب عادل عبدالعزيز
حبابك الاف
|
Post: #92
Title: Re: أهلى الجعليين وشنب الفنان مصطـفى سـيداحمد !!!
Author: KOSTA
Date: 11-30-2008, 06:19 PM
Parent: #91
محمد عكاشة
نزار حسين
نجمة
ود الاقرع
و بقية المتداخلين الاكارم
كنت ناوى ازور منطقة الجوير خلال اجازتى الاخيرة فى رمضان الماضى و و لكن زحمة المشغوليات و قصر فترة الاجازة حالت دون ذلك .... و ان كان فى العمر بقية سنزورها باذن الله .
حبيت اسجل حضور .... و اتفيأ فى ظلال هذا النور
تحياتى
|
Post: #93
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 11-30-2008, 11:05 PM
Parent: #92
كوستا
اتمنى لك زيارة سعيده
محبتى
|
Post: #95
Title: Re: أهلى الجعليين وشنب الفنان مصطـفى سـيداحمد !!!
Author: ahmed shaaeldin
Date: 12-07-2008, 05:15 AM
Parent: #93
http://darg3l.com/
|
Post: #96
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 12-07-2008, 03:05 PM
Parent: #95
الاخ احمدشاع الدين
مرحبتين حبابك
وعيدسعيد
محبتى
|
Post: #97
Title: Re: أهلى الجعليين وشنب الفنان مصطـفى سـيداحمد !!!
Author: ahmed shaaeldin
Date: 12-07-2008, 05:48 PM
Parent: #96
كل سنة وانت طيب الأخ محمد عكاشة وربنا يحقق الأماني للجميع
طبعاًً ده العيد رقم ١٣ يكون بعيد عن الأهل والأحباب وكل الأجازات للسودان بتصادف الصيف . أتمنى أن تستمتعوا بالعيد وعيد سعيد
|
Post: #98
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 12-07-2008, 08:15 PM
Parent: #97
محمد عكاشة
نزار حسين
ود الاقرع
كوستا
و بقية المتداخلين الاكارم
كل عام وانتم بخير
ياكوستا قريبا سازور شندى انشاءالله والجوير وجبل ام على بشكل خاص توقع منى بوست ارصد فية بالكاميرا الجوير الحبيبة
عمونزار وينك سائلين منك يا ابو احمد
|
Post: #99
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 12-08-2008, 06:03 PM
Parent: #98
| Quote: ياكوستا قريبا سازور شندى انشاءالله والجوير وجبل ام على بشكل خاص توقع منى بوست ارصد فية بالكاميرا الجوير الحبيبة |
نجمه
شكرا جزيلا
ورحله سعيده
|
Post: #100
Title: Re: أهلى الجعليين وشنب الفنان مصطـفى سـيداحمد !!!
Author: عبّاس الوسيلة عبّاس
Date: 12-09-2008, 07:23 AM
Parent: #99
التحيات لكم ياشباب وكل سنة وأنتم بخير.والتحايا لأهل الجوير. وشكرا على السرد الذي ينصف الرجال ويمجد القيم العظيمة التي تعكس خصوصية الشخصية السودانية التي حيّرت شهامتها ونبلها شعوبا وشعوب.
|
Post: #101
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 12-14-2008, 09:22 AM
Parent: #100
الاخ عباس الوسيله
وانت طيب
تسلم ياحبيب
|
Post: #102
Title: Re: أهلى الجعليين وشنب الفنان مصطـفى سـيداحمد !!!
Author: nazar hussien
Date: 12-14-2008, 09:46 AM
Parent: #101
Quote: محمد عكاشة
نزار حسين
ود الاقرع
كوستا
و بقية المتداخلين الاكارم
كل عام وانتم بخير
ياكوستا قريبا سازور شندى انشاءالله والجوير وجبل ام على بشكل خاص توقع منى بوست ارصد فية بالكاميرا الجوير الحبيبة
عمونزار وينك سائلين منك يا ابو احمد |
يسأل منك الخير يا نجمة وكل سنة وانت طيبة...
وكل حبايبنا الفي البوست دا طيبين بدءا بمحمد عكاشة
وانتهاءا بهجو الاقرع...
وبعدين يا نجمة لما تمشي الجوير ما تنسي تصوري قبة الشيخ سلمان ..
عشان تبركي بيها حوش بكري ...وتطيري لينا منو الشواطين..وناس تراجي
|
Post: #103
Title: Re: أهلى الجعليين وشنب الفنان مصطـفى سـيداحمد !!!
Author: najma
Date: 12-14-2008, 11:29 AM
Parent: #102
| Quote: يسأل منك الخير يا نجمة وكل سنة وانت طيبة... |
وانت طيب ياابو احمد اصورها ليك من العين دى قبل العين دى قبلة الشيخ سلمان ياكوستا كان داير وصية انت وهجو جاهزين بنوصلا ليكم
محمد عكاشة حمدلله على السلامةبركة اشناك طيب بعد التهكير
|
Post: #104
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 12-18-2008, 04:36 PM
Parent: #103
نجمه
شكرا ليك
والعود احمد
نشوفك
|
Post: #105
Title: Re: أهلى الجعليين وشنب الفنان مصطـفى سـيداحمد !!!
Author: محمد عكاشة
Date: 12-18-2008, 11:34 PM
Parent: #104
*******
|
|