Post: #1 Title: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-07-2007, 11:21 AM Parent: #0
Quote: يوم الخميس كان هناك (ضُهري) بعد الغداء مباشرة أحياه الفنان عمر حواري.. دلوكة السوط كان شغال فيها شغل شين.. حتى استغرب الحناكيش ناس اسماعيل التاج وتقول الروايات أن محمد عكاشة كان يتولى تثبيت حناكيش البورداب بالشرح والتوضيح وتأكدي ان السوط عادي (عندنا)..
أربعاء وخميس.. صفقة ورقيص مع ناذر الخليفة.. وسيف الجامعة دستورو نازل... ـــــــــــــــــــــــــــــــــــــــــــــــ ودعقيد رغم زخم عرس الصديق ناذر وجوقة الفنانين الذين احيو لياليه العتاق ولقاء البورداب الحميم.. كنت سعيدا بالضهرى والدكتور حيدر بدوى فى دهشة..ومولانا اسماعيل التاج وللبطان=الجلد= فى تاريخ اسرتى حكايات وحضور مقيم حتى هذا الصباح.. كنت مسرورا.. وقبلها.. مساء كنت فى حضرة نديانة مع الموسيقار وردى فى حديقة منزله الوريفة ..كان الحوار القديم الجديد حول (الهوية) التى جهد اهل السودان ومفكريه بالحوار والتنظير حولها..وحوار السبعينات حول(العباسة) بين دكتور عبدالله على ابراهيم والطيب محمد الطيب ومحمدطه الريفى ...تلك (الاوابد) التاريخية والظنون... البطان كان حاضرا فى ثنايا الحديث.. محمد وردى له اراء طريفة فى اصول السودانيين وله حجج دوامغ مع تركيز على اصالة عرقه النوبى وحضارته الباذخة.. نعود لحوار وردى ضمن هذا البوست..دون لجاج.. سوى ان قصة(البطان) فى نمرة تلاتة اذهلت مولانا اسماعيل ودكتور حيدر وبعض اصدقائى من اولاد العمارات وكلفنى ذلك شروحات وتوضيحات كثيرة.. البطان ضمن عادات كثيرة كادت تندثر وهوبرغم مخاطره الا ان الكثيرين يحرصون عليه..وزواج ناذر الخليفة كان تنويعات فى مجالات عديدة..فى الفن والغناء وكرم اهل السودان والتراث ولقاء بورداب لاول مرة..مولانااسماعيل..حسين يوسف..الزوول..دكتور حيدر..ناصر البطل..محمدالامين..تبلديناوعبدالله ودعقيد!!
Post: #2 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-07-2007, 12:17 PM Parent: #1
Post: #40 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-14-2007, 07:58 AM Parent: #4
ومازلنا فى بحث عادة البطان انتظر مساهمات الجميع مودتى وتقديرى
Post: #63 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 08-13-2007, 08:05 AM Parent: #4
...........................................
Post: #5 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-08-2007, 09:42 AM Parent: #3
عبدالله ودعقيد عصام عبدالحفيظ قام بتصوير العرضة والغنا...وغاب حين السوط والبطان مودتى وتقديرى
Post: #6 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عبدالرحمن Date: 07-08-2007, 10:40 AM Parent: #5
محمد عكاشه ..
تحياتى ...
هيجت ودالعجيل دا ..الزول دا باقيات عليهو اتنين مابحملن زول بالساهل (جعلى ) و(انصارى) ..اسى بى كلامك عن البطان دا تلقى زولنا دا اشتغل (بالماوس ) (خبت) فى (الضهر) ..
عرفنا انو البطان دا ظهر تانى بعد ماكان اندثر ..سالت واحد قريبنا جاى من مناطق المسيكتاب عن انو البطان عاد تانى ..قال والله حاجة تحير ..اهم مراسم الزواج الان فى مناطق شندى وماحولها البطان ..وقال لى صبيان صغاار و(ماهم ) شاربين ..واعيين ..وقت الدلوكة دى تنقر تانى ماتشوف الا الدم يتطاير فى الهواء .. لكن البطان يصل لعند نمرة 3 دا الحدث ..
مودتى يامحمد ..
Post: #7 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: سامى عبد الوهاب مكى Date: 07-08-2007, 11:53 AM Parent: #6
إحذروا الايدز والبطان قد ينقل الفايروس!!
مع تمنياتي لناذر بحياة زوجية سعيدة!!
Post: #8 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ABU QUSAI Date: 07-08-2007, 12:29 PM Parent: #7
Quote: إحذروا الايدز والبطان قد ينقل الفايروس!!
ولاحظ أنها القصة مافي قرى شندي ، في قلب الخرطوم موطن المرض ومرتعه ..
اللهم أحفظ الشباب من هذا الداء اللعين ..
أبو قصي
Post: #24 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-09-2007, 12:41 PM Parent: #8
ابوقصى شكرا على مرورك الكريم ومافى عوجة طب ..فى البطان..وحماناالله شرور الايدز مودتى وتقديرى
Post: #44 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-16-2007, 08:52 AM Parent: #8
.................
Post: #23 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-09-2007, 10:54 AM Parent: #7
الاخ سامى عبدالوهاب مكى شكرا على مرورك الكريم وعاطر الامنيات بحياة زوجية هانئة للاخ ناذر مودتى وتقديرى
Post: #21 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-09-2007, 08:57 AM Parent: #6
Quote: عرفنا انو البطان دا ظهر تانى بعد ماكان اندثر ..سالت واحد قريبنا جاى من مناطق المسيكتاب عن انو البطان عاد تانى
الاخ محمدعبدالرحمن البطان لم يندثر بعد سوى انه انحسر فى المدينة ..شيئاما.. على اية حال نبحث فى تاريخه واصوله وارتباطه بالمجموعة الجعلية..وفروعهاوبطونها..وهذا خط فى مغزى البوست مودتى وتقديرى
Post: #45 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-17-2007, 09:31 AM Parent: #21
فى انتظارعودة العريس لابداء وجهة نظره فى عادة البطان مودتى وتقديرى
Post: #9 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-08-2007, 01:54 PM Parent: #5
ضرب السوط بشح .. لو ماقدره زح تحيات طيبات مباركات لك أخي/ محمد عكاشــــة وألف ألف ألف مبـــــــــروك .. للعريـــــس ... والله بسطنا عديل بغنى الدلوكـــة .. وإحيائــــه للتراث ... أما دق الســــــــــوط .. فده تراثنا البنفخــر بيهـــــــــو .. وأنا ما مستغرب ظهوره من جديد وبالذات وسط الشباب في مناطق الجعليين .. والله خليك من مناطق الجلعيين بالسودان .. نحنا هنا في الغربـــة .. قبل ده شالتنا الهوشـــة وهاك يابطان .. بس .. حق مغتربين .. ماجاب الدم . ياخونا دق السوط .. أنا أعتقد حسب رأيي الشخصي كان يعتبر من الإعداد المعنوي .. حيث كان ليس هنالك سودان بل مجموعة من القبائل .. التي تتناوشها الحروب بين الحين والحين .. وكان لابد للقبيلة من فوارسها الذين يحمونها .. وهو ليس بالأمر السهل .. فإن السلاح المستخدم هو السلاح الأبيض .. ومن السهل جداً روية الدماء أو الإصابة بجروح .. والألم المصاحب لها .. فأنا من وجهة نظري الخاصة .. بفتكر أنو ده نوع من التدريب للصبر والتحمل الذي كانت تقتضيه تلك المرحلة بكل معطياتها . أما من ناحية أخرى فإن غناء الحماسة يفعل ما يفعل بالإنسان .. وأهلنــــا الجعليين مشهورين بأنهم كريمين .. يجودون حتى بأنفسهم .. ولكنهم صعبين المراس عندما يتعرضوا للإستفزاز أي كان نوعه .. وغناء الحماسة في بعض الأحيان بيقصد أن يستفزهم .. بكلماته التي تطلب الرجال .. الذين يحملون ضرب السوط .. رجال الحارة .. يابنيه نمك جرجري .. فوق الأرباب الفنجري .. ساعة النحاس إذكري .. دخل النزال بالدكوري ...
في المكنية جيت يالفارس الأرباب .. لاقوك بالنحاس .. وهيبة وإسترحاب .. هزيت في الجيوش .. بي سيفك السكاك .. حقيت الإسم .. يافراس السعداب ....
هذه نماذج بسيطة .. من بعض أغاني الحماسة .. وهي كفيلة بأن تجعل برفسيور جعلي .. يتحزم .. ويركز .. وياخد ليهــــو 10 سيــــــــطان فد مـــــرة ... إنتوا ما سمعـــتوا بي الجعلي القال لي المرة أدينة جمرة أولع بيها السجارة .. المرة شالت الجمرة بي أيده .. ومدتــه ليهـــــــو .. زولك قال ليها قلتي كـــدي .. هز الكانون .. وقعد فوقــــــــوا لمن شرب السجارة ...
المسألة لاتتعلق بالعلم أو الوعي .. أو الثقافة .. إنما هي جينات متوارثة .. أمزجة تحركها هذه الضربات المنتظمة على الدلوكة .. وتلك الخلفة الإبداعية من الشتم .. وتلك الكلمات النارية التي تجعل أحدنا إذا أراد أن يلبس طاقيتو .. وجد أن رأسه قد كبر عليها .. من شدة إندفاع الدم .. ( وهنا أظن أن هذه فائدة من فوائد دق الصوت لعله يخرج الدم الزائد .. الذي ربما إذا بقى داخل الجسم في هذه الحالة قد يودي إلى إنفجار الشعيرات الدموية .. ياريت ناس الطب يدونا رايهم ) . تحضرني قصتان .. الأولى عن عبد الله بن رواحة رضي الله عنه .. عندما تولى الراية بعد أن قتل قبله 5 من الصحابة .. وكانت معركة صعيبة جداً .. وأدرك أن الموت أمامـــه لامحالة من قرائن الأحوال .. فزرفت عيناه دمعاً .. ولكن إختار أن ينشد : (أقسمت يانفسي لتنزلن .. لتنزلن أو لتكرهن ..إن أجلب الناس وشدو الرنة .. مالي آراك تكرهين الجنة .. الخ ) .. أنظروا إلى إختياره .. عرف نفسه وأن مايحركها ويجعلها تصل مرحلة لاتبالي بالموت هو أن ينشد بهذه الكلمات الحماسية .. لأنه عرف نفسه .. وكيف يحركها .. القصة الثانية :شرفني عدد مهول من أهلي الجعليين ( من المكنية وماجاورها من أهلنا الحنان ) لحضور زواجي بمدينة عطبرة .. وكان قبل الزواج بيومين .. أن مارسنا طقوسنا بغناء الدلوكة .. وإحتفلنا بها أيما إحتفال .. وكان عمنا الأستاذ/ حسن حامد .. ناظر مدرسة المكنية الثانوية .. ينظر إلى الحالة الإنجذابية التي وصلنا لها .. حيث قام بعضنا بالإضافة إلى العرضة ودق السوط .. بتشتيت المال على الغناية .. فعلق قائلاً ( بالله ده كلام .. ماكان أولى بالقروش دي مدرسة المكنية ) .. فلعل من تلهب الحماس بالغناء قد سمعته .. وإن كيدهن عظيم .. فغنت له من التقيل .. الذي أثار شجون حضرة الناظر .. وماهي إلا دقائق .. إلا وكان في نص الدائرة .. يعرض .. وإستبد به الطرب .. فأخرج ما في جيبه ووضعه على رأس الغناية .. فقال له الوالد ربنا يطراهو بالخير .. يازول ده شـــنو .. القروش دي مش أولى بيها مدرسة المكنية ( فكان تعليق عمنا الناظر : والله يظهر إنوا نحنا فينا الريـــــــــح الأحمـــــــــر ) ...
آسف للإطالة .. وياريت يا أستاذ/ محمد عكاشـــة أن تسبر أغوار هذه العادة وتأتينا بتاريخها وأصولوها ومناطق السودان التي تمارس فيها .. ومضارها .. وفوائدها إن وجدت .. وأنت الذي يمتلك ناصية البحث .. ننتظر منك الكثير .. مرة أ خرى ألف مبروك .. للعريس .. وبرسل سلام لي لي بنات جعل في شندي نايرات المقل ...
Post: #20 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-09-2007, 07:21 AM Parent: #10
سامبا تحياتى وشكرا على تزويد البوست بالصور..والبارع عصام وعدسته نواصل فى حوارانا.. وبانتظار المزيد من المداخلات فى بحث تراثنا وعاداتنا اعود مودتى وتقديرى
Post: #22 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد المختار الزيادى Date: 07-09-2007, 09:21 AM Parent: #20
انت عارف يا محمد
ناذر عزمنى للحنة والحفلة الا دى فوتنى ليها
سوط الزيادى جاهز الواحد اصلو زعلان اليومين دى
كان دقيت ودقونى والواحد يرتاح شوية
الا وينو الدق وصور الدق ما شايف لى دم احححححححمر
تحياتى محمد
Post: #36 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-11-2007, 02:17 PM Parent: #22
Quote: سوط الزيادى جاهز الواحد اصلو زعلان اليومين دى
كان دقيت ودقونى والواحد يرتاح شوية
محمدالزيادى..وينك يارجل خلى السوط جاهز..العريس حايجى من شهر العسل راجع ونعمل (بطان)المسبوق.. والكاميرا جاهزة... مودتى وتقديرى
Post: #25 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-09-2007, 01:49 PM Parent: #9
Post: #26 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: Ahmed musa Date: 07-09-2007, 02:12 PM Parent: #1
برغم تشويق وسلاسة الموضوع وأهميته لكن في جزئية يا عكاشة محيراني في كلامك حول كون إنوا عصام عبدالخفيظ ما حضر (البطان) الحتة دي دايرة توضيح شوية عشان ما قدرت افوت منها براي ملحوظة : جيتني بالإيميل جيتك بالباب عديييييل كدة موش ؟!!! تسلم يا رائع
طيب يا عبدالرحمن...قبل ما محمد عبدالرحمن مسكين ينجلد وأنا اصله ماعايزاه ينجلد.. وريني ..اسه انا ما فهمت...
يعني ناذر ضربوه بالسوط ولا لأ؟
Post: #28 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: nazar hussien Date: 07-09-2007, 02:57 PM Parent: #27
Quote: يعني ناذر ضربوه بالسوط ولا لأ؟
يقال ان العريس فوقو الملايكة....وما بنجلد..
هو المفروض يجلد الناس... البتركز وسط الداره...
وكلنا يوما ما انجلدنا يا مني...وبيني وبينك الزول بيندم تاني وتالت يوم من الجلد...ويقول تاني ما بنجلد...وتاني تدق الدلوكة وينجلد..الحكاية هوشة...ولو تعرفي بعد الجلد الواحد بكون نايم علي بطنو اسبوع...
وما عارف ليش ما جانا تيتانوس...ما بنمشي لي مستشفي ولا دكتور
Post: #34 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: صلاح شعيب Date: 07-11-2007, 07:40 AM Parent: #28
عكاشة:
ما هو حكم الشرع الجعلي في المشاركة المستقبلية لابين محمد في هذه الدارة..؟ خصوصا وأن هويته غرباوي/جعلي ــ سعدابي /اميركي..حبوبة حبوبته من جهة أمه فوراوية
شفت التعقيدات دي كيف وتقول لي ناذر الخليفة شنو تقول لي منو..
Post: #38 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-12-2007, 09:33 AM Parent: #34
Quote: عكاشة:
ما هو حكم الشرع الجعلي في المشاركة المستقبلية لابين محمد في هذه الدارة..؟ خصوصا وأن هويته غرباوي/جعلي ــ سعدابي /اميركي..حبوبة حبوبته من جهة أمه فوراوية
الاخ صلاح شعيب يتم اختباره فى اثنتين..الصقريه والبطان مودتى وتقديرى
Post: #37 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-12-2007, 08:10 AM Parent: #26
Quote: برغم تشويق وسلاسة الموضوع وأهميته لكن في جزئية يا عكاشة محيراني في كلامك حول كون إنوا عصام عبدالخفيظ ما حضر (البطان) الحتة دي دايرة توضيح شوية عشان ما قدرت افوت منها براي ملحوظة : جيتني بالإيميل جيتك بالباب عديييييل كدة موش ؟!!! تسلم يا رائع
الاخ احمدموسى تحياتى..عصام ماكان فاكر فيها جلد..وماكبه الزوغه..ولكن ارتباط باجتماع حرمكم من مشاهدة صور البطان..الجايات روابح مودتى وتقديرى
Post: #39 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-12-2007, 12:32 PM Parent: #37
Quote: ايه بس قول بسم الله عكاشه اخوي! نان ان كان دار اسويلي مصيبي متل دي بجي أحدثكم بيها؟ وكمان قوبالها بشهر؟
داك كان عرس بنيت خيتي وأنا مسافرالو..شوفولكم جلد في بوكانن تاني
تانى تجى المولد يامنى مودتى وتقديرى
Post: #41 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: Basheer abusalif Date: 07-14-2007, 09:36 AM Parent: #1
هيل العامة الد’راسة البليغ من غير دراسة هيلك النظارة و راسها شدوا ليه علي أم جراسة و قفل ابواب الفراسة
لو كنت عاقل إنقرع.. ده الجبل الما بينطلع.. الاصيل و الناس فرع.. سيفه و كتين ينشرع........ بياخد الزول و الدرع
Post: #51 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-23-2007, 08:59 AM Parent: #1
وين العريس ياناس؟
Post: #53 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: خالد علي محجوب المنسي Date: 07-24-2007, 02:31 PM Parent: #51
الفاضل محمد عكاشة تحية وتقدير الشبال بي حقّو ... والدق سداد .. والبرمش وا فضيحتو
لقد تطرقت لموضوع جميل وهو البطان الذي يراه الكثير انه نوع من الحماقة لكنه في واقع الأمر ما كان ألا لتربية النشأ على تحمل الصعاب لنيل رضاء الدرة المصونة ( حبيبة القلب ) ويكون رضاها بأن الذي يحمل السوط العنجاوي في سبيل فقط ان تميل وتجدع شبال بشعرها المكمتر وفوق طريفو ودع على كتفه ... هو الرجل الذي يمكن أن يحميها من صعاب الزمن ونوائبه
وقد قال الشاعر الفحل محمد ود سعيد ود بادي العكودابي في البطان وهو يخاطب وليد البندر في قصيدته المشهورة ( هوي يا وليد )
هوي يا وليد حصل صحاك عِز الليل صوت شتمّن بعيد مخنوق وجاتّك شخرة الطمباري مشتاقّن يسوي القوق ونومك طار وإتقسّم والرشرش صِبح مفروق وإتلفحّتا نص من توبك الجرجاري علي الدلوكة سايق سوق تلقى هناك بنات بلدك .. ولاد بلدك يعلو الصفقة تقدح في القلوب الشوق ونغم الفال إبشرّن آ بنات بي الخير والجِنيات تطير لا فوق وكم زغرودة تتفجر تفور بي الناس بعد ما تروق يعوم الوز صدوروا تشابي لي المجهول تميل زِينوبه زي البان يمين وشمال تودي الطوق وأخوان ام شلخ إنكبّوا جوه الدارة زي صقرّن نزل من فوق ضرب السوط والركزّه بفرز الناس عشان زِينوبه مابتحوق وعاد تتحزم الجِنيات وتتنظّم تقيف في روق وكل واحد يهز ضرعاتّو والحِجبات تزح لا فوق جفير الخُوسة فايت الكوع وسيرّو معا العضل مطبوق والطاقية تحت الحاجب المعقود هديت ام زين وما مشرية من السوق ويتقدم عريس السمحة رافع سوطّو كانوا بسوقو بيهو النوق والعنجاوي ينزل فوق ضهورّن بس تقول منشحطة فبها بروق ويبدا مجرّو بي الترقوة ويتحدّر مع الضلع القُصار ملصوق وأحمر عين يشم الدم بعد ما يرش بنات عمّو ويزيدن شوق وثابت حيطة لا بتهز ولا بتلز وصاري جبينو كلو عروق وقال بعد العقد طلقانة ما يحجزوهو إلا يخلّو ضهرو شقوق هناك الحال مغير جد وهيجة الناس تفوت وكان حجازومدا اليد بتسمع كع .....
Post: #55 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-25-2007, 09:11 AM Parent: #53
الاخ خالد محجوب المنسى شكرا على الاضافة .. نواصل مودتى وتقديرى
Post: #56 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عبدالرحمن Date: 07-25-2007, 09:15 AM Parent: #53
ضرب السوط والركزّه بفرز الناس عشان زِينوبه مابتحوق وعاد تتحزم الجِنيات وتتنظّم تقيف في روق وكل واحد يهز ضرعاتّو والحِجبات تزح لا فوق جفير الخُوسة فايت الكوع وسيرّو معا العضل مطبوق والطاقية تحت الحاجب المعقود هديت ام زين وما مشرية من السوق ويتقدم عريس السمحة رافع سوطّو كانوا بسوقو بيهو النوق والعنجاوي ينزل فوق ضهورّن بس تقول منشحطة فبها بروق ويبدا مجرّو بي الترقوة ويتحدّر مع الضلع القُصار ملصوق وأحمر عين يشم الدم بعد ما يرش بنات عمّو ويزيدن شوق وثابت حيطة لا بتهز ولا بتلز وصاري جبينو كلو عروق وقال بعد العقد طلقانة ما يحجزوهو إلا يخلّو ضهرو شقوق هناك الحال مغير جد وهيجة الناس تفوت وكان حجازومدا اليد بتسمع كع .....
يامحمد سلام ..
ودالعجيل مااظنو شاف النضم البوقف (شعرة الجلد) دا ..
ومامن المصلحة يشوفو ..دا كلام عجيب خالص والله ..ربنا يلزمكم
الصبر ال جعل ..
Post: #57 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-26-2007, 09:00 AM Parent: #56
محمدعبدالرحمن وين ودالعجيل.. مع صوت الدلوكة الحامية دى اناراكز على كل حال مودتى وتقديرى
Post: #58 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-28-2007, 11:36 AM Parent: #57
.................................
Post: #60 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 07-31-2007, 02:05 PM Parent: #58
يجدكم بخيروعافية مودتى وتقديرى
Post: #61 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 08-02-2007, 11:44 AM
...................................
Post: #64 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-13-2007, 05:21 PM Parent: #1
سلامات يا عكاشة
مادة هذا البوست الثري جدا تجعلني أغوص في أرشيف هذا المنبر لأتيك بالكثير والمثير الذي ذكر عن عادة البطان والطرائف التي تحكي عنها ..
أصبر لي شوية بس !!
Post: #65 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 08-16-2007, 01:55 PM Parent: #64
[QUOTE]سلامات يا عكاشة
مادة هذا البوست الثري جدا تجعلني أغوص في أرشيف هذا المنبر لأتيك بالكثير والمثير الذي ذكر عن عادة البطان والطرائف التي تحكي عنها ..
أصبر لي شوية بس !!
صابرين مودتى وتقديرى
Post: #66 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 08-18-2007, 08:07 AM Parent: #65
فى انتظارك ياناذر مودتى وتقديرى
Post: #67 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:20 PM Parent: #1
أسف للتأخير يا عكاشة ..
هذا البوست سيصبح مرجعا توثيقيا هاما لبعض من عادات وطقوس أغاني الحماسة ودق الدلوكة لدي قبائل الجعليين ..
وسأشارك بهذه الصور والأغنية المصاحبة ..
Post: #86 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 08-26-2007, 07:06 AM Parent: #67
مودتى وتقديرى
Post: #68 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:26 PM Parent: #1
Post: #84 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 08-20-2007, 09:07 AM Parent: #68
شكرا ياعريس مودتى وتقديرى
Post: #69 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:26 PM Parent: #1
Post: #70 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:26 PM Parent: #1
Post: #71 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:27 PM Parent: #1
Post: #72 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:27 PM Parent: #1
Post: #74 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:44 PM Parent: #72
Post: #75 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:45 PM Parent: #72
Post: #76 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:45 PM Parent: #72
Post: #73 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:43 PM Parent: #1
Post: #89 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: محمد عكاشة Date: 09-16-2007, 10:32 AM Parent: #73
..............................
Post: #77 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:45 PM Parent: #1
Post: #78 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:46 PM Parent: #1
Post: #79 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 10:49 PM Parent: #1
Post: #80 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 11:01 PM Parent: #1
نار الكم كلي من حر الكي بجي انا ود المك علي فخرة اولاد نمر نار الكم كلي من حر الكي بجي انا ود المك علي فخرة اولاد نمر
وقت الباشا جاهو ولكزو بالكدوس لقو الباشا وافي ولما قدروس زول بن ناس خدر طفاي نار المجوس انا ودالمك علي حوافر الخيل بدوس
نار الكم كلي من حر الكي بجي انا ود المك علي فخرة اولاد نمر
اي الكان يكون والكاين بقا في عز دار جعل في الراس بطربقة مابقبل عوج كدا طيبة طبقة انا ود المك علي عين حاسد بقلقة
نار الكم كلي من حر الكي بجي انا ود المك علي فخرة اولاد نمر
ماقالولو هوج فزعوهو طور بكر كوح معجاج مرقو شومور حكر سوى اللوم بدع في الغازي مانسكر انا ود المك علي باسقي المر عكر
نار الكم كلي من حر الكي بجي انا ود المك علي فخرة اولاد نمر
نار الكم كلي من حر الكي بجي انا ود المك علي فخرة اولاد نمر نار الكم كلي من حر الكي بجي انا ود المك علي فخلرة اولاد نمر
Post: #81 Title: Re: دق الجـــعليين فى ضــاحـية نمــرة تلاتة بالخـرطـوم!!! Author: ناذر محمد الخليفة Date: 08-18-2007, 11:06 PM Parent: #1