Post: #1
Title: اياك ايتها البوردابية النوبية (الله واى الليل)
Author: sharnobi
Date: 12-03-2005, 10:55 PM
Parent: #0
الله واى الليل
نوبية
متكسر فيك
قال)
قول فيها كلام
لكن!!
انا ما عجمى
ما بعرف عربى
قول
اى كلام!
ناس محسن خالد نايمين
وناس استاذ الفضلابى
بعيدين
واستاذ العربى استاذ محمد وهبى رحمه الله
(واذا كان عربيا فالعب به)
((
على
اذنكم يا جمهور
داير آخد راحتى
و اكتب بدون قيد
او سوط اللغة المرفوع علىّ
))
اكتب بتحرر غير مخل
احاول ان اعبر ليك
اولا
باى شكل
وباى لغة
ما خلاص انا تعبت
لا تطلبى منى
ان اكتب فيك كلام
لقد اعطيت
و ما بخلت
لكن اقعدتنى اللغة
وتعلثمت الحروف
كيف اكتب اليك
وانت التى
احاول ان استلف منها
لسانها العربى
هانذا النوبى
مقعد اللسان
احاول ان افصح
لك أيتها النوبية
التى لا تنطق بلغة امها!!
لكى اعبر لك
وحين بخلت علي
غلبنى ان احكى
وجواى كلام كثير
نوبى
ما بقدر ابوح بيه بلون تانى
او بلغة اخرى
لغتى تأخد منك شكل الحروف
وحين تنكرى انتمائى لك
تتسكع الحروف مشردة
لا تعرف انتماءا لغيرك
وتبهت
وتكون فارغة
المعنى
وتموت البسالة التى
تدفعنى
للأنتماء اليك
رغم سوء الحال
وقناعتى بانى مستور
الحال تحت ظلالك
ايتها النوبية السمحة
ظلالك ظلال نخل شايل
رطب
قنديلة
فيك منافع
وفيك رسم للتاريخ
وبحبك
ايتها
التى احس فيها معانى الكلام
البطلع من تحت طورية
ومن بطن النيل
ومن نسمات دغش الصباح
تلامس جسد تربال
وتديهو احساس الوجود
ومعنى الانتصار
ممنون
بحبك
وبزرع حول قعر نخلك
شتلة ريد
وبحبك حب
سلام
ايتها الشاردة
فى فيافى النسيان
أموت فيك
وأقف
وارسم
حروف عشقى على
ظلال شاطى رملك
يشيلنى القيف
ولا يتمنى
شدة التيار
ما عدت أخاف
فات العمر
لا غنى بنفع
ولا جميل الكلام
الحسرة
يا ها الحسرة
وقصر المعنى فى الكلام
الممجوج
ويا سمحة لا
وكم بعشق
اكون غرقان فى بحر عشقك
اموت واقف وأهتف
بحبك حب... بحبك
|
Post: #2
Title: Re: اياك ايتها البوردابية النوبية (الله واى الليل)
Author: حمزاوي
Date: 12-03-2005, 11:31 PM
شرنوبي
ابن عمي
مسكاقمي
نوبي هواك
كوش
ونوباتيا
صرص وفرس وصادنقا
وعلوه والمغرة
امنتحتب وترهاقا
ابتمودا وقنديله
وعجوة سكوت
وجرجار وبناتي
ونيل وماء وازيار
وشاي وعصرية وبسكويت
خليل فرح وعصام دهب وحسين لالا
ووردي ومكي
وقرية وعريس وكفري
وسفر ولوري وسواق ودهب
صدقني غلبني الكلام
ما قادر اواصل
شرنوبي الله يجازيك خير
|
Post: #3
Title: Re: اياك ايتها البوردابية النوبية (الله واى الليل)
Author: ترهاقا
Date: 12-04-2005, 00:25 AM
Parent: #2
شــــــــــــــــــرنوبـى فــــــى حالــــــــــة عـــــشق
|
Post: #8
Title: Re: اياك ايتها البوردابية النوبية (الله واى الليل)
Author: sharnobi
Date: 12-04-2005, 09:54 AM
Parent: #3
العزيز ساطور
صاحبك الشرنوبى
عاشق
وفضيحة
قالوا السودانيين براهقوا 4 مرات فى حياتهم
المراهقة حقت الله
ومراهقة ما بعد العرس
ومراهقة البعثات او الاغتراب
والمراهقة الاخيرة قبلما يصفروا ليه المحطة الاخيرة
لكن صحبك مشاتر
فات الرابعة
وفى الخامسة
ومكنكش
قال داير يحب تانى
قريبك ده شوفوا ليه فكى
او رجعوه البلد واحبسوا هنالك
اخير ليك تعالوا حصلوا
|
Post: #7
Title: Re: اياك ايتها البوردابية النوبية (الله واى الليل)
Author: sharnobi
Date: 12-04-2005, 09:48 AM
Parent: #2
العزيز حمزاوى
وانا طفل اتذكر
الرحاية الجاى
بتذكر لمن خالاتى
يتناوبن الطحين
ومع صوت الجاى
يرددن المناحات واغانى الشوق
وبرضو علاقة فى الذكرى اغانى الساقية
مرات تطفح ذكريات الطفولة وتهزم فيك
وتصحى فيك
وتنبش مشاعرك
وما علينا الا ان نطلق عنان
الخواطر
محل ما ترسى ترسى
|
Post: #4
Title: Re: اياك ايتها البوردابية النوبية (الله واى الليل)
Author: عزاز شامي
Date: 12-04-2005, 04:42 AM
يا بختها!
|
Post: #9
Title: Re: اياك ايتها البوردابية النوبية (الله واى الليل)
Author: sharnobi
Date: 12-04-2005, 09:59 AM
Parent: #4
النوبية الراقية
والرايقة عزاز
خبارك يا بنية
لا يحلو الكلام الى محراب نوبية
ويطيب الجلوس
مهذب امام
كل امرأة
وللمرأة النوبية مكانة خاصة
مدون فى التاريخ
ومطبوع فى السلوك النوبى
انها الاين(الام)
والاسى(الاخت)
وانها منبع الحنية
هى التى تعطى الحياة
وتعلمنا معنى العشق
لك الود
|
Post: #5
Title: Re: اياك ايتها البوردابية النوبية (الله واى الليل)
Author: saadeldin abdelrahman
Date: 12-04-2005, 05:02 AM
Quote: وكم بعشق
اكون غرقان فى بحر عشقك
اموت واقف وأهتف
بحبك حب... بحبك |
قدر الحروف الفي الكتب
قدر الخيال ما مد ايدو الى السحب *
جميل هو بوحك أخي شرنوبي...
الراحل المقيم/
عبدالعزيز العميري *
|
Post: #6
Title: Re: اياك ايتها البوردابية النوبية (الله واى الليل)
Author: garjah
Date: 12-04-2005, 09:46 AM
Parent: #5
شرنوبي
ما احلاك وانت تتجرس لها
والجرسة هنا
ليست الجرسة والسكليبة
ولكنها صليل الحرف وجرسه الجميل
انعتاق الحرف من سلاسل اللغة
لرحاب واسعة من الحب والجمال
عشت لنا يا شرنوبي الجميل
-----
ما يمشي فيك الحنك ده الجرسة هي الجرسة
|
Post: #10
Title: Re: اياك ايتها البوردابية النوبية (الله واى الليل)
Author: sharnobi
Date: 12-04-2005, 10:05 AM
Parent: #5
عارف يا سعد الدين اخوى
قبل ما اتلبش ويسيطر على حالة الكتابة
كنت بسمع لمصطفى سيد احمد
رائعة العميرى الممشى العريض
وانا احيانا اجد نفسى كرد فعل فقط
للمبدعين الجميلين
ولولاهم لما تجرأة ان اخط حرف
لهم منا حق ان نجلهم
كثيرا
|
Post: #11
Title: Re: اياك ايتها البوردابية النوبية (الله واى الليل)
Author: sharnobi
Date: 12-04-2005, 10:11 AM
العزيز قرجة
اقول ليك شنو
متجرس جنس جرسة
وما بختشى كمان فى ارذل العمر
(اسوى شنو مع المقدور براه الواهب العطاى)
اتمنى تسمع للفنان النوبى العظيم خوجلى زنقار النوبة
عندى شريط سجلتو من الرائعة هادية طلسم قبل 16 سنة
بسمع فيه كل يوم لغايت ما انسهك بفكر انقلو لسى دى
اتمنى ان تبحث عن هذا الكنز وتشوف
وتسع عن سعيدة عاشة
وعن الغرام الما داسنو
ولك وحشة واحترام
شرنوبى المتجرس ديمة الاممى
|
Post: #12
Title: Re: اياك ايتها البوردابية النوبية (الله واى الليل)
Author: sharnobi
Date: 12-04-2005, 10:10 PM
اياك
اياك
ان تتركى تلك الصفات النوبية
التى حباك الله بها
لا تتركى عادات اصيلة
تميزك عن كافة خلق الله
كونى ايتها النجمة
شعلة
وكونى التاريخ
انثرى الحب
والعشق
اجلسى فى مارين بود
كونى
نوبية
فان لم تكونى غير ذالك
فانت لن تكونى غير
نوبية
تأخين من الذهب اسمك
واصالة
وعنوانك
عنوان حضارة
فإياك
ان تكونى
غير نوبية
|
Post: #13
Title: Re: اياك ايتها البوردابية النوبية (الله واى الليل)
Author: ولياب
Date: 12-04-2005, 10:30 PM
Parent: #12
عزيزي شرنوبي
( DOLGED ELAE WEDA DAWO KODO ERBAE) = الحب لا يفرق بين صغير وكبير .
ستظل سادراً في عشقك للنوبة، من أعلى شعرك حتى أخصم قدميك .
آمل أن تكون بخير ، وقد بلغني الأخ / ابوجهينة بسؤالكم عني في الخرطوم خلال أغسطس المنصرم , تخيل لحظتها كنت في السودان وتحديداً في حلفا الجديدة .
لك الود والتحية .
|
Post: #15
Title: Re: اياك ايتها البوردابية النوبية (الله واى الليل)
Author: sharnobi
Date: 12-08-2005, 08:44 AM
Parent: #13
العزيز ولياب
كيف حالك يا قريب الروح
كلما اجد اسمك هنا تعصف بى الذاكرة الى ايام خوالى
منذ مراحل التكوين فى ساحات الانترنت والتقارب السايبيرى
لك الود
واتمنى ان التقيك فى رحاب هذه الدنيا الفسيحة
فهنالك عناوين متشابه ومشتركة
قطعا سوف نلتقى يوما
حتى على خارطة الذاكرة
او ظلال نخلة
آفيالوقو
|
Post: #14
Title: Re: اياك ايتها البوردابية النوبية (الله واى الليل)
Author: saadeldin abdelrahman
Date: 12-04-2005, 10:30 PM
Quote: وانا احيانا اجد نفسى كرد فعل فقط
للمبدعين الجميلين
ولولاهم لما تجرأت ان اخط حرف
لهم منا حق ان نجلهم
كثيرا |
كلنا هذا الرجل أخي شرنوبي 
فعلا شعرت بأنفاس الراحلين (جسدا) والمقيمين فينا روحا وحسا
الاستاذ العميري و الأستاذ مصطفى..لذا كتبت ما كتبت من الممشى
لك كل الود و متابعين ان شاء الله.
|
Post: #16
Title: Re: اياك ايتها البوردابية النوبية (الله واى الليل)
Author: sharnobi
Date: 12-08-2005, 08:59 AM
Parent: #14
عزيزى سعد الدين
كنت احيانا اشعر بنوع من الخجل والحياء
حين يتسربل خيالك فى غابات ابداع تحاصرك
حين تطلق عنان خيالك وتنسج خيوط عنكبوت الوهم
ويتقمصك احساس احد المبدعين
فتحاول تشيل من اللون وتشف من الخط
وتسرق من المعنى
وتحاول تعيد صياغة المستلف لتضع بعض من بصمات
وانت تراها مشاترة وما راكبة عدل
لكن الشتارة دى
هى البتخليها حقتك وتميز محاولاتى فى تعلم الرسم بالكلمات
عزيزى
وقفت كثيرا حول رائعة ود المكى
حين انشد
من غيرنا يعطى لهذا الشعب معنى ان يعيش وينتصر
فعلا من غيرهم
غير زمرة المبدعيين
يعطينا حق ان نعيش
شكرا على المرور الكريم
|
Post: #17
Title: Re: اياك ايتها البوردابية النوبية (الله واى الليل)
Author: saadeldin abdelrahman
Date: 12-09-2005, 00:38 AM
Parent: #16
اخي العزيز/ شرنوبي
نحاول ان ننهل من نبعهم الصافي..عليهم ولهم الرحمة.
نحن معاك
|
|