Post: #1
Title: حـد الريد
Author: sharnobi
Date: 10-09-2005, 08:07 AM
Parent: #0
أجمل
أعمق
اقصر
قصيدة
قرأتها
عن
إمرأة
ولا دستة رجال
|
Post: #2
Title: Re: حـد الريد
Author: sharnobi
Date: 10-09-2005, 11:55 AM
Parent: #1
النساء
الشلوخن هوية
ما اعظمهن
|
Post: #3
Title: Re: حـد الريد
Author: sharnobi
Date: 10-09-2005, 12:36 PM
Parent: #1
يعجبنى
الصمود
الخرافى
للمرأة
السودانية
خط الدفاع الاول
الصمود الخرافى
فى وجه كل
أنظمة الحكم الجائر
فى السودان
|
Post: #4
Title: Re: حـد الريد
Author: ابو جهينة
Date: 10-09-2005, 01:21 PM
Parent: #3
شرنوبي قريبي .. غزير المشاعر .. المترع حبا
Quote: النساء
الشلوخن هوية
ما اعظمهن |
شلوخ نساءنا .. كل نساءنا المشلخات ..
طولا و عرضا و نقرابي ..
و الشلاليف المدقوقة ..
و الأنوف المثقوبة .. للزمام أبورشمة .. للفدو و الفتيلة و التيلة
و الآذان المثقوبة للعكش و الحلق حتى خيوط الحرير الأحمر ..
كلهن .. ما أعظمهن ..
و ما أجملك
فوق دربك
واصل يا شرنوبي ..
|
Post: #6
Title: Re: حـد الريد
Author: sharnobi
Date: 10-09-2005, 06:48 PM
Parent: #4
ابوجهينة
اتذكر كان الوالد رحمة الله عليه
ناظر مدرسة فركة الابتدائية
ودخل نظام التعليم المختلط
بنات فركة الصغرى بنات كانن بتمتن سنة رابعة مع الاولاد
كانت هنالك تلميذة معنا فى الفصل من احدى القرى المجاورة
مشلخة
ومازلت كنت يافعا انطبع فى خيالى جمال الفتاة بالشلوخ
ولان والدتى خديجة بت احمد شريف مشلخة
ورغم قساوة الشلوخ ولكنى اراه
هوية
|
Post: #5
Title: Re: حـد الريد
Author: Ibrahim Algrefwi
Date: 10-09-2005, 01:48 PM
Parent: #1
سلام ياشرنوبي
أتسأل لوكانت قصيدة والد الكُل" محجوب شريف"
أياهاكُتب في "حد الريد" ام الكُل أيضاً ..؟
طبعاً ستليق بها وكثيراً
فهي من أضخم الاسماء التي عبرت رأسي ،
مُصادمةوجميلة بل أنها "حد الريد" فعلاً
يبدو ان بيينا كثيراً من الجسور...
محبتي
|
Post: #7
Title: Re: حـد الريد
Author: sharnobi
Date: 10-09-2005, 06:52 PM
Parent: #1
الجريفاوى
ما امتع الاسم
براه قصيدة
وكمان ديوان
خليك من عظمة ست الاسم
الشامخة
شموخ ترهاق والكنداكة
|
Post: #8
Title: Re: حـد الريد
Author: Asim Sharief
Date: 10-09-2005, 09:38 PM
Parent: #7
الاخ الفاضل شرنوبى
شكرا لكلماتك المعبرة فى حق المناضلة الاستاذة حد الريد
ولها التحية والتجلة والتقدير
|
Post: #9
Title: Re: حـد الريد
Author: Muna Khugali
Date: 10-09-2005, 09:50 PM
Parent: #8
أخي الفاضـل شـرنوبي..
حـد الريـد صـمدت وناضلت ولم يكـن لريـدها 'حـد'..مـاأجمل الكـلمات
الجميلة في حـق مـن يسـتحقهـا.. لكـل نسـاء بلادي وشـلوخ نسـاء بلادي معـزتي ..
كـل رمضـان وانت بخـير
مـني عـوض خـوجـلي
|
Post: #13
Title: Re: حـد الريد
Author: sharnobi
Date: 10-10-2005, 07:54 AM
Parent: #9
السامقة منى بت خوجلى
وانت احدى المقامات
التى تنحى الهامات
امامها
لك
ولك المناضلات
بعض من
التجلية
فى هذا الزمن
تشابكت فيه القضايا
واصبح الوصول بعيد
الا بمواقف
الدم
المرسوم شعار
وهذا رمضان
نقف مع امهات
واخوات
وبنات
الشهداء
لهن
ولهم
تعظيم سلام
ولنا محاولة الكتابة
العاجزة
مهمورة بالامل
والتفاول المشرئب
بالحذر
والتردد
|
Post: #12
Title: Re: حـد الريد
Author: sharnobi
Date: 10-10-2005, 07:47 AM
Parent: #8
عاصم شريف
الشكر لتلك الملحمة
الهامة
القامة
للامهات
الصدورن عطاء
وانتماهن
سجال
برفع
سماء الوطن
الجريح
حد الريد
هى رمز
لنساء
شامخات
|
Post: #10
Title: Re: حـد الريد
Author: Suad I. Ahmed
Date: 10-10-2005, 02:08 AM
Parent: #1
الزميل المهموم شرنوبي دائما يثير قضايا المناضلين والمناضلات بقلمه الرشيق، وحد الريدالعاملة المفصولة من مصنع النسيج إحدى أشراقاته.
الحديث عن الشلوخ يثير شجوني لأن ثلاثة من عماتي مشلخات مطارق وعارض وشايقي وهن نوبيات أما وأبا- ألا يكفي هذا لضمنا للنسيج الاجتماعي السوداني بدلا من القهر والتهميش والإهمال الحالي؟؟
سعاد إبراهيم أحمد (إبنة آشا صفرة غير المشلخة)
|
Post: #14
Title: Re: حـد الريد
Author: sharnobi
Date: 10-10-2005, 08:02 AM
Parent: #10
سعاد أشا
الاستاذة
المحطة الكبيرة
فى خط النضال الطويل
المربية
المعلمة
الانسانة
المدرسة المتفردة
الكنداكة النوبية
لك الانحاء
السجود
الحضور
فضلك
محفور فى القلب
دربك واضح
منارات
وشمندورة
بتعاند الموج
البحر
سعاد آشا
يا زول
هى الرمز
النخلة
تقاوم
من حلفا
لاركان الدنيا الاربع
هدت سد كجبار
وكتبت بالنوبية
سطر
فى مجد
الملحمة
وياما غنينا معاك
رددنا
غناك
هناف فى القلب
وسط الشارع
بين الناس
السمر
يا سعاد آشا
|
Post: #11
Title: Re: حـد الريد
Author: شبشة
Date: 10-10-2005, 04:48 AM
Parent: #1
الخالة الجسورة حدو ..يا سلااااااااااااااااااااااااااااااااااااام
|
Post: #15
Title: Re: حـد الريد
Author: sharnobi
Date: 10-10-2005, 08:13 AM
Parent: #1
العزيز شبشة
سلام وبس
سلام مربع
سلام باعلا اس
سلام مسطح
سلام مقعر
سلام
بلف حولك
ذى التوب السودانى
سلام لامرأة
تمثل امى
واختى
واتعلم منها
معنى الموقف
الواضح
واشحن القلب
بدفعة جرأة
شجاعة
وموقف
ما بزغرودة
حماسية
ولا نقرة نقارة حرب
لكن
فى الصف الاول
فى الخط المندفع
قدام الموت
مواقف
سلام
مفعم
بالاجلال والاحترام
للمرأة السودانية
للنضال
الجسور
سلام يا شبشة
دى
حد الريد
|
Post: #16
Title: Re: حـد الريد
Author: هاجر سيد احمد
Date: 10-10-2005, 09:46 AM
Parent: #15
sharnobiالعزيز
(انسانه ابسط ما يكون...واعز من النساوين الرجال..
انثى ولا دسته رجال...
تمشى وما بتتاطى ما بين بير وشاطى ..
نهارها مع السواقى وليلها مع الطواقى..
وعمرها للجهال....)
لك التحيه..وللغاليه حدو..كل الاحترام..وهى تمثل كل جميل فينا ..افتقدناه..طواعيه..لها الاحترام..للصمود..امام المغريات وكما قال حميد..
(يابت ها كيف قلبك صمد.. امام المغريات ..والبشروك بالجنه من فقرا البلد..أسقوك بى بالغفله المحايات ..ما نفع..رتبا كبار ..قلتيلها.. لا..شعراء ومغنين ختو فيك دوداى غناهم..ما شفع..الجان يجن..والهام يهيم........................
.....
ستين سنه..
ويابت بلا النيل.. وحدك.. واقفاها.. والنيل انحنى..
لك الانحناءدوما..حد الريد..
يا مره..ومره ما بتلاوز ما بتخاف..زى الضفاف الما بتهاب ..ضنب التماسيح..والكلاب..قومة البحر..ولا الجفاف..
.............
مره من صميم ضهر الغلابه..المابتنكس راسا..غير ساعه الصلاة..او ترمى تيراب فى التراب..أو تستشف وجه السديم..)
ليس هناك ..شى لا يقال..وليس هناك شى يقال..فحد الريد هى حد الريد.. وكفى..!!!!!!!
|
Post: #17
Title: Re: حـد الريد
Author: sharnobi
Date: 10-10-2005, 10:21 AM
Parent: #16
هــاجر خنساء هذا الغفر لك الود يلامس قلبك الحزين
القوى المتلئ بحب الوطن والوفاء الجميل .. كم ترددت فى انشاطرك الحزن النبيل
ولكن حزنك طغى.. وفاض ما خلا شئ... لنحتفل بالشامخات من النساء والصامدون من الرجال.. انها لحظة الوفاء لهامات تعجز الكلمات فى تلوين قاماتها بالتبجيل
فلك منى وامامك يطيب الجلوس المهذب
Quote: يا مره..ومره ما بتلاوز ما بتخاف..زى الضفاف الما بتهاب ..ضنب التماسيح..والكلاب..قومة البحر..ولا الجفاف..
.............
مره من صميم ضهر الغلابه..المابتنكس راسا..غير ساعه الصلاة..او ترمى تيراب فى التراب..أو تستشف وجه السديم..)
ليس هناك ..شى لا يقال..وليس هناك شى يقال..فحد الريد هى حد الريد.. وكفى..!!!!!!!
|
حد الريد وكفى....
|
Post: #18
Title: Re: حـد الريد
Author: Adil Osman
Date: 10-10-2005, 01:33 PM
Parent: #1
حد الريد الماحى
|
Post: #20
Title: Re: حـد الريد
Author: sharnobi
Date: 10-10-2005, 02:11 PM
Parent: #18
العزيز عادل عثمان
اشكرك على هذا الاهداء الرائع
انسانة مالية خيال الوطن الجميل
يا لها
من ارض تعطى
صورة ولا كل الصور
شعار
من جمهور الشعب السودانى
نتعلم
ومن بينات اكمامك نطلع فجر اعراسك
يا شعبا لهب ثوريتك
تلقى مراد والفى نيتك
(محجوب شريف)
|
Post: #19
Title: Re: حـد الريد
Author: شبشة
Date: 10-10-2005, 01:57 PM
Parent: #1
نحنا حدو نقول الحقيقة انو حدو مالىة السودان لى حدو جسارة..
|
Post: #21
Title: Re: حـد الريد
Author: sharnobi
Date: 10-10-2005, 02:17 PM
Parent: #1
زايد وفايت الحد
نحنا بالنقول كفى
لمن جهرنا النور
وشفنا النضال بتكلم
زاحف فى البوادى
الخضر
|
Post: #22
Title: حـد الريد
Author: Ahmed Daoud
Date: 10-11-2005, 03:33 AM
Parent: #1
الاستاذ شرنوبى
احب هذه السيرة العطرة لمناضلات بلادى .
لك التحايا والود
وفى انتظار وعدك لى بالحديث عن
عبدالله القطى وميدان المولد بعطبرة
احمد داود NZ
|
Post: #23
Title: Re: حـد الريد
Author: sharnobi
Date: 10-11-2005, 09:23 AM
Parent: #1
احمد داود
العزيز
سيرتهن عطرة
ومازلت على وعدى
بس الكتابة مرات عسيرة
شرنوبى
|
Post: #24
Title: Re: حـد الريد
Author: sharnobi
Date: 10-12-2005, 08:06 PM
Parent: #1
[ ولامهــا ت الشهداء نغنى
كما غنى الخليل
|
Post: #25
Title: Re: حـد الريد
Author: sharnobi
Date: 10-12-2005, 09:45 PM
Parent: #1
سأحدثكم عن أمراة
اسمها زٌوهرا فرح
رحلت عن الدنيا
قبل اعوام قليلة
ولكنها سجلت فى صفحات النضال
اسمها باحرف من نور
زوهرا امرأة امية
قدمت من صواردة
كان لها عباس
ومحمد
منذ عهد الطاغية نميرى
كان لعباس المناضل
حظ مع سجون السفاح
وكان لمحمد الاختفاء الطويل
كانت زوهرا فخورة ببطليها
وكانت من اول النساء اللائ تصدين
لجبروت نميرى
بالمظاهرات والصمود
كانت امرأة جسورة
وكم من اسم لم يجد الشهرة
فى سجل النضال
فلنحتفى بزوهرا فرح
ولفتح صفحة
لنعيد ذكرى النساء
الرجال
(زوهرا بالنطق او باللسان النوبى)
|
Post: #26
Title: Re: حـد الريد
Author: Abdalla Hussain
Date: 10-14-2005, 01:11 PM
Parent: #1
| Quote: بعد ذلك، تم تقديم حد الريد الماحي محمد عطية المناضلة النقابية في مصنع النسيج السوداني منذ 1978 وحتى إحالتها للصالح العام واعتقالها في 1990، وعضو الحزب واتحاد عمال السودان الشرعي. |
"سلمي لي على إيدينك وشملة الريد تنسجيها
سلمي لي على خُطاك، عزّة العاملة ومشيها
والله أحضانك بلد يا حلوة ليه تنفينا فيها"
العزيزة
الرفيقة
حدو...
|
Post: #27
Title: Re: حـد الريد
Author: sharnobi
Date: 10-14-2005, 02:38 PM
Parent: #26
سيرة توقد فيك نار
تشهىك تفتح صدرك
تقابل الموت
شان وطنك
وشعبك
سيرة
بتذيك اصرار
دى حد الريد وكفى
يا عبدالله حسن
|
Post: #28
Title: Re: حـد الريد
Author: أبو ساندرا
Date: 10-18-2005, 02:34 AM
Parent: #1
حد الريد
{ تمشي وما بتطاطي }
بها ورفيقاتها نعتز ونفاخر
و عاش نضال المرأة السودانية
عاش الإتحاد النسائي السوداني
والمجد للطبقة العاملة السودانية والحركة النقابية التي ناضلت حدالريد ضمن صفوفها من أجل حقوق العاملين
ومن أجل الأجر المتساوي للعمل المتساوي
|
|