لحظة.... لحظة للتصافى

param name="BACKGROUNDCOLOR" value="#000000">



حتى اذا كنت اختلف معكم
حتى اذا كنت احمل سمات انسان يحلم بوطن متعدد
كون انك سودانى تشفع لك كل مواقفك.. وتجعلنى اقول عشان وطن ليك قبلى بناضل عشان بلد تنمو فيه لوزة قطن مع زهرة كركدى... وعشان اساقة و مدوك.. وجون ومحمد صالح وعشان الكباشى وادروب.. والساوى.. ول الوان الطيف البتكون وطن اسمو السودان
والله لا احقد على احد ولا احمل ضغينه او موقف ضد اى احد كون انك سودانى انت اقرب الى فؤادى فلنختلف نجادل ولين بيننا اننا بس عشان بلد يضمنا كلنا بدفع تمن
ارجوكم هى ليست ساحة حرابة

فل نكن لبلد هو فى اشد حوجة لنا كلنا
وسلام

الا خ العزيز شرنوبي
دعنى احييك
واحي فيك علمك ومعرفتك وترفعك فوق الصغائر
لا اعتقد ان احد يقرا لك كلامك الملامس للروح يستطيع ان يكرهك
حتى في ادارة الخلاف كنت سامقا
فكرت كثيرا ان اكتب دعوه لك انت والموصلى
ان توفرا هذه الطاقه الجباره فقط للابداع والسموء والتعالي عن اى شي يصرفكم عن هذا
ونشهد لك
انك كنت عفيف اللسان حتي في خلافك
وهذا هو دور الاديب والفنان والمفكر
لك تحياتى وامنياتى

حسان

مشيت
ترددت
ثم مشيت
قررت ان اكتب
بلا اذن
لا وداع
ولا حزن فوق حزن الآم الوطن

ولا شجرة
تفرهد على ضفاف احزان امة

فقد نامت الشهوات وراء الشبابيك
المغلقة
وسمونا لحظة ان كان الوطن جراح النزف
وكان لحظة مساومة
نامت جميع العلاقات
نامت جميع الخيانات خلف الشبابيك
ومن اجل وطن قلنا لنرتقى
لا احد له كل العنوانين ولا احد يكون هو الناطق الرسمى باسمنا

نام رجال الامن ايضا
لذا
فنبحث عن الاشياء التى تجعل منا ابناء وطن جريح نضمد جراحه
والحسرة
هى ان نموت مليون مرة

وهكذا قالت الشجرة المهملة

خارج المواسم
او داخل غابة الابنوس

وطنى
هل تحس اسراب الحمام انى لها
احمل من النخيل جريدا
اخضرا الوح
به رمزا للسلام
فى وطنى النزف
هل هو
وطن ام سفر

اننى انتظر
فى خريف
غصون البان الطويلة
ان تلامس ظلالى
وتتمايل طربا مع صوت المغنى
الموصلى
اين زمنى
هل تحس النعامة
انى لها لحظة
ان اخفت راسها فى رمال
الصحراء الكبرى

ان لها جسد اشاهده

وانى انتظر حين تنفض من هامتها الرمال
وتنتفض

ولنتصافى رغم الريح
وصفيرها
لحظة الزوبعة

لك التحيــة شــرنوبي

جميــل أن نختــلف وأجمــل منه أن نصنــع من إختلافاتنا
انســـجامــا وليس خصــامــا
فما أحــلانا وما أثــرانا

بتنــوع الفكــر ولســانا

أهــلاً بنــا شعــوبا وقبائل متعارفــة متآلـــفة
ولــك الــود

صاحب القلب الكبير شرنوبى
قلت هذا الكلام الجميل لأنك أنت سودانى برضو وهكذا نحن بطيبة الخاطر والسماحة التى نحملها بدواخلناوزى ماقلت الإختلاف لايفسد الود وربنا يصفى النفوس كلها حتى ياتى البورد اكله للجميع وتعالوا نبذر بذرة حب فى شهر الحب كما يحلو لبعض الناس
ومنى حبة وإنتو حبة لمن البورد يكبر ويربى
وإنتو أضععوا حجر اساسو وخلو كرعى ليه صبه
وأخمجو كل الباقى مونة بس قليبى خلو حبة
مش عشان خايف عليه بس لأنكم إنتو فيه وبانيه ليكم فيه قبةلجميعسكان البورد وشكراليك ياشرنوبى على أغنية ودالأمين
الأمدرمانية

ما أجمل أن يتلازم الإبداع مع صفاء القلب ونقائه،، لك صادق تقديري وإحترامي

عزيزنا شرنوبى
عهدنا بكم دوما قلبا مفعم بالتسامح
فالخلاف لا يعكر صفو الود بين الاحبه
كلنا نطالب بهذه الدعوه للتصافى ولك احترامى

منذ وقت ليس بالطويل و في غصة كدا خانقني خالني بقرا و ما قادرة اكتب
لكن و الله دي المحرية فيك
و القلتو الليلة دا الكنت مستنية اسمعوا
و تسلم و يسلم الوطن
و ايه الدنيا غير لمة ناس بخير

كلامك صاح ياعزوز يابت حاجة ال .......الله يعطيك العافية وايه الدنيا غير لمة ناس صافين وحلوين وعلى قولك بكرة تكتر المقاعد الشاغرة وإفتشوا للبملالالالالالالالالالالالالالالالالالالالالاهاومايلقوه
مع السلامة
الأمدرمانية

وأعتصموا بحبل الله جميعا ولا تفرقوا

فاتقوا الله وأصلحوا ذات بينكم

والصلح خير

هكذا الأيات لها دائما حيزا فى القلوب ولندائها نستجيب

القلب واسع سعة المليون ميل مربع ...يسع كل الغبش
ولا يحمل أى ضغينة لكل من يبادل هذا الشعب الأبى كل الود والإخلاص

ونحن مع كل الأفكار النيرة الراشدة التى تسترشد بالدين أو بالأفكار البشرية المكتسبة والتى لا تعارض الدين ألبتة... بل تتوافق أوتنسجم معه

ونؤمن أن كل فرد هو عالم بزاته وبالتالى عدمية التطابق فى الرؤى والأفكار فى كل الحالات
بل نكادح كدحا حتى تكون هناك أرضية مشتركة لننطلق منها سويا لبناء هذا البلد الذى سئم بأس أهله...فهو يشقى بهم

نرجوا الله أن يتوب علينا جميعا وعفى الله عما سلف
والسلام