عضوة جديدة.... وعازماكم/ن مسيرة

في الاول ازيكم/ن.


ياخواناواخواتنا بمدينة نيويورك والولايات القريبة, عازمينكم مظاهرة احتجاجا للمذبحة البشعة التى تعرض لها السودانيين اللاجئين بمصر:


المكان :- أمام المقر الرئيسى للامم المتحدة بنيويورك
(47Street & 1st Avenue)

الزمان :- الساعة العاشرة والنصف صباحا وحتى الرابعة ظهرأ

نجاة البشير

اهلا وسهلا وفعلا منوره البورد.

ده الشغل يا بلاش

وبالله يا بكري سجل لينا ناس حلوين زي ديل مش التحف الاخيره ديك.

لك الود يا سيد الحوش العامر .

ويا نجاة

نومي بدري عشان بكره تنقليها لينا صوره وصوت.

تراجي.

مرحب يا نجاة وقلوبنا معكم ومعآ من اجل استعادة الحرية والديمقراطية ومحاسبة كل القتلة والمجرمين

الاخ سيف الدين:

شكرا ليك


قلوبنا مع الاجئين

ومعا يدا واحدة من اجل نصرتهم....هنالك الكثير من المبادرات التي تحتاج الي مشاركة الجميع لائنجاحها

Najat

العزيزة تراجي:

شكرا لترحيبك الحار....والشكرموصول للاستاذ بكري.

سوف نحاول القيام بالتغطية...

واتمنى ان يتمكن الاخوة بواشنطون من الحضور.

تسلمى يا تراجى.

نجاة

الاخت نجاة،
اولا يامراحب، اوياناس الساحل الغربي رفعتو راسنا ماقصرتو تب. عافين منكم.

مرحب بيك يا نجاة العزيزة

كنا نتمنى ان يكون الترحيب بك في ظروف افضل ,

فانت جديرة بذلك ,

وارجو ان تكلل مجهوداتكم الهائلة بالتوفيق .

المجد للوطن .

Quote: الاخت نجاة، اولا يامراحب، اوياناس الساحل الغربي رفعتو راسنا ماقصرتو تب. عافين منكم.

نحن بنلعب و له بنلعب.
أرقدوا عافية لغاية ما نحكلكم عن مظاهرة الواشنطون الما عندي ليها حلقوم
هسع....أها ماشين النيويورك يوم الإتنين لرفع الصباع...أقصد شعاراتنا ضد سجم الأمم المنحلة...أقصد الأمم المتحدة المنحلة...و لن نرضى بالحلول الرخوة.

المجرم يجرم و بس.

ألأخت العزيزة نجاد

كنت أنتى ..وكانت نيويورك ....طلعتى إنتى من غابات ومن وديان ومن وسط جيل جديد بحلم بوطن خير ديمقراطى..

ضاربة أنتى بعرض الحائط لكل الفوارق ..وكل الأزليات القديمة

وممسكتة أنتى بزمام المبادرة....وشجاعة مهيرة بت عبود

مرحب بيكى ألف مرحب

أسامة

اخي أسامة:
لا للصمت... لا للموت ضربا... لا لدهس الاطفال تحت أحذية العسكر.
ومعا لنصرة الاجئين.

السيد المحترم كوستاوي:

نشوفكم يوم الاثنين ... وياريت تغشى معاك ناس معروف...وما تنسوا اليافطات.

ويا أخ بشاشا اركب الطيارة وحصل مسيرة NYC

شوكرن يا معروف
هذه الظروف المحزنة هي التى دفعتني للمشاركة.......حيث لا يجدي الصمت شيئا.

يلا تعال عازمينك المظاهرة.

اهلا بالاخ بشاشا:


هو اقل ما يمكن تقديمه ولا اريد ان اقول(اضعف الايمان!)

نجاة

مية مليون مرحب يا نجاة

ولى قدام

نجاة

اعذريني النعاس و التعب

Quote: نومي بدري عشان بكره تنقليها لينا صوره وصوت وفرصه حتتعرفي باقوى بورداب (بروداب واشنطون ناس كستاوي ومنان) بالله سلمي لي عليهم وقدام السفاره اهتفي للمصرين: عائد عائد يا بعانخي.

حسه بس انتبهت انه انتو ناس نيويوك وما انتو( ناس كستاوي ومنان ناس واشنطون)

انتو اكبر تجمع للسودانين

وماشين اهم مبنى

بالله طالبوا باقالة كوفي عنان نفسه

ما نحنا لازم نكبر مطالبنا

نطالب بكوفي عشان يقيلوا لينا ناس القاهره.

مش قالوا كان عشقت اعشق قمر وكان سرقته اسرق جمل.

اها ا كان عايزين ندين الامم المتحدده نطالب باكبر راس فيها.

وصدقوني يا اسامه ونجاة كوفي قصر بل هو من اعطى الضؤ الاخضر بضربهم.

يوم تجاهل في زيارته الاخيره للقاهره ان يستمع اليهم.

ويوم غامر اللاجئ نابليون المعتقل حاليا ولانعرف اين

باختراق حواجز الآمن المصري معرضا حياته للخطر ليسلم كوفي عنان رساله

عن احوالهم فماذا فعل كوفي؟؟؟؟؟؟

لم يفعل شيئا.

طلب اخير من اسامه خلف الله و نجاة بشير

ان تتطلعوا على بوست محمد سليمان عن شهادة الشهود حتى

تعلموا عن اي هولكوست سستتحدثون!!!!

كذلك اتمنى يا اسامه ان تكونوا قد نجحتم في الاتصال بمنظمات الافرو اميريكان

فاعدادهم كبيره ومتحمسين جدا لازالت الظلم عن اي اسود.

كل التوفيق لكم

واخبروا المشاركين ان هذا اول الغيث

ولابد من تسجيل ايميلات المشاركين

حتى تتمكنوا من التنسيق لاي عمل قادم مستقبلي

في نفس الموضوع,

وان شاء الله لانحتاج لتجمع آخر وينتصر اللاجئين الاشاوس.

تراجي.

ومية مليون اهلا ياسفيان... وشكرا علي الترحيب.

Quote: ياخواناواخواتنا بمدينة نيويورك والولايات القريبة, عازمينكم مظاهرة احتجاجا للمذبحة البشعة التى تعرض لها السودانيين اللاجئين بمصر:

من فيللى ..الى مستر كوفى .

قف

معاكم .....


ظبطوا التصاديق والأمور الرسميه وتعالوا فى رقبتكم دى من بدرى ..عشان..تحجزوا مكان إسترتيجى

عندكم "يفط" كافيه ..والله نجيب حقتنا ؟

الأخت العزيزه

نجاة

دخولك هنا ..داوى ومميز


مرحب بيك

الاخوة السودانين

وكل الذاهبين لمسيرة نيويورك

ارجو الاطلاع على هذا البوست قبل خروجكم لمسيرة غدا قلوبنا معكم:

هذه كلماتهم .. ضحايا القاهرة ... أحد الجرحي سمع بأذنيه المسؤول الأمني

يقول لطبيب: موتوهم !!!

تراجي.

نجوت بت البشير

حينما اشتاقت الفراشات لرسم صيرورة اتكاءة اريحيه علي ايكة هذا المنبر ..... اشتقنا نحن ان ننال حظ الزهر في ذاك الحضور


فاهلا بك زميله ومناضله هميميه كما انت

حينما توارينا عن زمهرير شتاء العام الماضي وحينما تواري

علي عثمان وخرج من باب الاوساخ كنت تدفئين صقيع نيويورك

بحضورك الانيق


واحييك وانت تحملين الوطن في حدقات جفونك

ولانك تبكين وتذرفين الدمع لهذا اللبث الانساني

واوعدك بان حوارا طويلا سيكون بيني وبين الشهداء والزملاء وهنادي يوسف
\
فشكرا لهذا الموقف النبيل ولك وحتما اننا لمتظاهرون في كل بقاع العالم


ونثبت ان مقتل 50 سوداني لاعظم من مقتل جنديان مصريان في رفح

وان دماءهم اشرف من دم 70 مليون مصري

وشكرا والف مرحبا فانت انسانة من الزمن الجميل

up

محمد ود الشريف:
ترحيبك يعني لي الكثير.
لم ولن تتواروا...حضرتم فى ذلك الصباح المثلج
إحتجاجا ورفضا لقتل الابرياء في بورتسودان...
معكم ( سميرة ونجاة) فخر بلادي...وكان الهروب الاكبر ل علي عثمان.

وبلأمس القريب كنتم تظاهرون بواشنطون...وسوف تلبون النداء
بكل البقاع.

نحن نفاخر بكم... والتحبة ل هنادي الصامدة دوما.

ولن يضيع حق الشهداء والاجئبن.

الأخ العزبز عمر:
اولا شكرا علي الترحيب...وياناس فللي حبابكم عشرة.
وجيبوا يافطاتكم (البحر ما بيابا الزيادة).

الأخت الغالية نجاة

مليون مرحب

ويا ريت لو كنت معاكم

كنت بقيت النوباوية

لكم التحية

ويكفي قلوبنا معكم

مـرحـب أخـتي نجـاة...

مـني عـوض خـوجـلي

شكرا أختى منى... اهلا بيك.

الأخت نجاة مرحباً بك فى المنبر ، وفى مسيرة المتاعب

نجاة
دخلت مدخل صدق وفعل عظيم
الف مرحب وبيك وسهلاً .

الف اهلا بيك اخت وزميلة فاعلة فى المنبر نجاة


ولى قدام

الف شكر لبك با نادية وإن شاء اللة نكون عند حسن الظن.

الأخ تراث:
الف اهلا وشكرا علي الكلمات الصادقات.

الأخ مسعود:
لم نقتل ضربا...اقل ما يمكن تقديمه هو الأ حتجاج.
شكرا ليك.

الآخ الغالي Ahmed Haneen :
شكر ومليون اهلا...وما بتقصر...قلو بنا مع ضحابا المبدان الغير محمود.

الف مرحب بيك نجاة..وهكذا انتن اخوات مهيرة وماريل وفق الله مساعيكن،،،

مرحباً بك يا نجاة،
ما دمت ثورية لهذا الحد، فإن إقامتك بيننا ستكون مصدر إثراء وافر لهذا المنبر الحر.
معكم بقلوبنا في المسيرة.

والله معكم.



أعزائي البورداب،

أرجو زيارتي في هذ الخيط:

الـــــــــــلـــــه

يناقش الخيط موضوع الساعة.

اهلا ببك وسهلا أخي حيدر:
ان شاءاللة نكون عند حسن الحظ... فعلا وقولا.
شكرا

مهيرة وماريل كان اللة في عونهن
وهن بفقدن اطفالهن تحت أحذية العسكر المصري.

شكرا صديق الموج

يانجاة بت استاذنا عبد الرحمن البشير

مبروك الاشتراك في هذه الايام العصيبة وحللت اهلا ونزلت سهلا

واعلم انك اضافة.للمعرفة والوعي فشكرا لبكري الاستضافة ومبروك للنساء

والرجال بتواجدك بيننا والي اللقيا لك السلام

يا صبري ازيك...شكرا ليك... واللة يقدرنا.
نشوفكم يوم الأثنين...سلم لي علي ناس البيت في السودان وجرسي.
نجاة

حبابك حبابك نجاة
حيطيب ليك المقام إن شاء الله
.
.
المسيرة دي عسيرة علينا بسبب السفر و الشغل
أفضل الأيام بالنسبة لينا هي السبوت و الآحاد
و خلينا نعشم في (مساير) تانية مستقبلا حتى لا تموت القضية
يجب ألا ننسى فكرة تخليد الحدث المذبحة و الضحايا بجعل يوم 30 ديسمبر يوما عالميا للحداد في كل سنة
و لتكن البداية من كل بلد يمكن للبورداب و السودانيين أن (يسوقوا) الأمور فيه في هذا الإتجاه
أعلم أن ذلك ممكن في الولايات المتحدة. يمكنكم التنسيق مع ال Congressmen الفي مدينة نيويورك مثلا
مجرد إقتراحات آمل أن تجد الاعتبار
.
.
بوعسل أبوعسل

Quote: هنالك الكثير من المبادرات التي تحتاج الي مشاركة الجميع لائنجاحها

هو ده الكلام

Quote: إنسانة أبسط ما يقال : أعز من النساوين الرجال

مرحب بيك أخت نجاة ، وأحييك وأنت أول ما تفعلينه هو تلقين المكتفين بالكلام درساً في ( كيف تكون عضواً فاعلاً ) هي خطوة أظنها كانت موفقة جداً واحييك وجميع المشاركين في المظاهرة أو المسيرة وأقول لك وبكل فخر:

Quote: لعنت كل كلمة لم تنطلق من بعدها مسيرة ولم يخط الشعب في آثارها مصيره لعنت كل حاكم ينام تحت الجمل الندية والثيرة وشعبه ينام في المقابر.

لك التحية وفي انتظار صور المسيرة في القريب العاجل

شكرا ليك ياأخ هشام:

لو قدم كل فرد منا ما يقدر عليه سوف يتحقق المراد.

الدعم المادى والمعنوى مهم جدا...وكلنا يعلم شهامة السودانين.

حننزل الصور طوالى...وشكرا على الأمنيات الطيبات.

نجاة

شكرا جزيلا أخي ابوالعسل:

للأسف المسيرة لازم تكون يوم عمل رسمي
ال weekend مابينفع...لايمكن ان تموت القضية
طالما هنالك دماء تنزف وارواح قتلت وحقوق منهوكة.
اقتراحات الجميع فى الإعتبار من تبرع مادى...تصعيد القضية إعلاميا
ورفع قضايا جنائية.

ونتلاقى ان شاءالله فى سمح بلادنا.

نجاة